Category: شوبز

اداکار و ماڈل میکال ذوالفقار علی جن کی شادی سارا بھٹی سے ہوئی تھی دونوں کی شادی چھ سال تک رہی، اس کے بعد انہوں نے ایک دوسرے سے علیحدگی اختیار کر لی تھی. دونوں‌کی دو بیٹیاں بھی ہیں جو کہ والد میکال کے ساتھ ہی رہتی ہیں. حال ہی میں سارا بھٹی اپنے سابق شوہر میکال اور کچھ یوٹیوبرز پر برس پڑی ہیں ان کا کہنا ہے کہ میرے سابق شوہر مجھے اگر غیر ذمہ داری بیوی کہتے ہیں تو غلط کہتے ہیں اور کچھ یوٹیوبرز اگرایسے تاثر کو مضبوط کرنے کی کوشش کررہے ہیں تو وہ غلط کررہے ہیں. سچ تو یہ ہے کہ میں نے بطو بیوی ہر طرح کا تعاون کیا میں بہت ہی ذمہ داری والدہ تھی.مجھ پر بری ماں ہونے

کے الزامات لگانے والوں‌کو شرم آنی چاہیے. یاد رہے کہ میکال اور سارا کی علحدگی کے بعد واضح طور پر وجوہات سامنے تو نہیں آئیں تھیں لیکن یہ باتیں ضرور نکلیں تھیں کہ سارا بھٹی شوبز میں آنا چاہتی تھیں اور میکال ان کے اس شوق کے خلاف تھے. علیحدگی کے بعد سے سارا نہ صرف شوبز میں آئی ہیں بلکہ کچھ ڈراموں میں اداکاری بھی کی ہے .سارا اداکارہ ہونے کے ساتھ میک اپ آرٹسٹ اور ڈیزائنر بھی ہیں،انہوں نے سائیکالوجی میں ماسٹرز کی ڈگری حاصل کی ہے۔جبکہ میکال ذوالفقار ڈراموں میں شہرت حاصل کرنے کے بعد پروڈکشن کی طرف آگئے ہیں اور ان کے پروڈکشن ہاؤس میں بہت سے ڈرامے زیر تکمیل ہیں ان کا حال ہی میں قلندر کے نام سے ڈرامہ شوٹ ہو رہا ہے.

اداکارہ نازش جہانگیر جن کا نام اس وقت بہت زیادہ خبروں میں آیا جب ڈی جے و اداکار محسن عباس حیدر اور ان کی اہلیہ فاطمہ سہیل کے درمیان طلاق کا معاملہ اٹھا. محسن عباس کی اہلیہ فاطمہ سہیل نے محسن عباس پر الزام لگایا کہ وہ انہیں‌مارتے پیٹتے ہیں اور مار پیٹ میں ان کا حمل بھی ضائع ہو چکا ہے. فاطمہ سہیل نے تو میڈیا کے سامنے مار پیٹ کے شواہد بھی رکھ دئیے تھے جس کے بعد محسن عباس حیدر پر بہت زیادہ تنقید کی گئی ہر طرف سے ان کو برا بھلا کہنے کی آوازیں سنائی دے رہی تھیں. یہاں تک کہ وہ جس پروگرام میں بطور ڈی جے کام کرتے تھے ان کو اسے اس پروگرام سے الگ کرنا پڑا. اس وقت

فاطمہ سہیل نے یہاں تک کہا تھا کہ محسن عباس میرے ساتھ اداکارہ نازش جہانگیر کی وجہ سے کررہے ہیں محسن مجھے چھوڑ کر اسے شادی کرنے کے خواہشمند ہیں اور نازش سے فون پر بات کرنے کے دوران کئی بار مجھ سے مار پیٹ کر چکے ہیں اور نازش یہ سب جانتی ہے بلکہ وہی کروا رہی ہے. اس ھوالے جب بھی نازش سے سوال ہوتا ہے وہ جواب دینے سے گریز کرتی ہیں حال ہی میں ان سے جب سوال ہوا کہ محسن عباس حیدر اور فاطمہ سہیل کے رشتے میں آپ کو بہت زیادہ گھسیٹا گیا تو کیا کہنا چاہیں گے اس پہ تو، اداکارہ نے جواب دیا کہ میں اپنے ماضی اور خصوصی طور پر جو گزر گیا ہے اس پر بات نہیں کرنا چاہتی .

اداکارہ حرامانی جو نہ صرف اداکارہ ہیں بلکہ گلوکارہ بھی ہیں، گزشتہ روز انہوں نے اپنے انسٹاگرام پر ایک سٹوری لگائی اس میں انہوں نے لکھا کہ میری دعا ہے کہ دعا ذھری اور ظہیر ایک دوسرے سے کبھی الگ نہ ہوں اور مجھے امید ہے کہ اللہ میری دعا ضرور سنے گا. ان کی انسٹاگرام سٹوری دیکھ کر سوشل میڈیا صارفین نے خفگی کا اظہار کیا اور کہا کہ دعا زھری کو اغواء کرنے کا معاملہ ہے اسے ظہیر نے اغواء کیا ہے او رعدالت میں اس نے اعتراف بھی کر لیا ہے کہ وہ دعا کو لینے کراچی گیا

تھا، جب کہ اس سے قبل یہ کہانی بنائی گئی تھی کہ دعا زھری خود لاہور آئی تھی. ایسے کمنٹس کے بعد حرامانی کو اپنی غلطی کا احساس ہوا اور انہوں نے اپنے مداحوں سے معافی مانگتے ہوئے کہا کہ میں نے کچھ یوٹیوب پروگرامز دیکھے تھے جس کے بعد مجھے لگا کہ دعا اور ظہیر کے ساتھ غلط ہوا ہے مجھے بالکل نہیں پتہ تھا کہ دعا کو اغواء کرنے کا معاملہ ہے میں آپ سب کی دل آزاری پر معافی مانگتی ہوں. میرا مقصد بالکل بھی ایسا نہیں ہے کہ میں کسی ایسے کام کو سپورٹ کرتی ہوں ٹھیک ہے پسند کی شادی میں کوئی حرج نہیں لیکن میں اس سب کو سپورٹ نہیں کر سکتی جو اب سننے کو مل رہا ہے. انہوں نے کہا کہاہم سب انسان ہیں کسی سے کچھ غلط ہوجائے تو معافی مانگ لینی چاہیے.

نوے کی دہائی کی خو بصورت اور باصلاحیت اداکارہ صاحبہ کہتی ہیں کہ انٹرنیٹ کا استعمال بری چیز نہیں‌ ہے لیکن ہر چیز کا حد سے زیادہ استعمال ٹھیک نہیں ہوتااور بچے تو آج کل بہت زیادہ انٹرنیٹ کا استعمال کرتے ہوئے دکھائی دیتے ہیں جو کہ نہیں‌ ہونا چاہیے. صاحبہ نے کہا کہ آج بچہ تین سال کا ہوتا نہیں اور اسے سکول میں ڈال دیا جاتا ہے اور اسکی تربیت کی ذمہ داری بھی اساتذہ اور سکولوں پر ڈال دی جاتی ہے جوکہ ٹھیک نہیں ہے. بچوں‌کی تربیت ماں باپ کی ذمہ داری ہے جس

طرح سے آپ اپنے بچے کو اچھے برے کے بارے میں بتا سکتے ہیں کوئی نہیں بتا سکتا. صاحبہ نے یہ بھی کہا کہ ہمارے دور میں ہمارے والدین ہم پر بہت توجہ دیتےتھے ہماری مائیں ہماری تربیت کرتی تھیں اور بہت فکر مند رہتی تھیں. صاحبہ نے کہا کہ آج کل جس طرح کے صورتحال ہے والدین کو چاہیے کہ اپنے بچوں کے آنے جانے اور ان کی فون کے ساتھ ساتھ گھر باہر کی مصروفیات پر نظر رکھنی چاہیے. یاد رہے کہ صاحبہ کے بڑے صاحبزادے نے حال ہی میں لمز یونیورسٹی سے تعلیم مکمل کی ہے. صاحبہ نے کیرئیر کے عروج پر اداکار ریمبو سے شادی کی اور پھر فلمی دنیا کو خیر باد کہہ دیا.انہوں نے اپنی تمام تر توجہ اپنے گھر اور بچوں پر دی.

ہندوستانی سینما کی سب سے زیادہ خوبصورت اور بلا کی حسین اداکارہ مدھوبالا جن کو آج کی نسل بھی پسند کرتی ہے حقیقت کے قریب اداکاری کرنے والی اداکارہ کی زندگی پر فلم بننے جا رہی ہے فلم ان کی سب سے چھوٹی بہن مدھور برج بھوشن بنا رہی ہیں. جب سے مدھوبالا کی زندگی پر فلم بننے کا اعلان ہوا ہے تب سے قیاس آرئیاں کی جا رہی ہیں کہ کون سی ہیروئین اس فلم میں مرکزی کردار ادا کریگی. تین ہیروئینز کے نام لئے جا رہے ہیں جن میں دیپیکا پاڈوکون ، عالیہ بھٹ اور کائرہ ایڈوانی کا

نام ہے یہاں تک کہ کریتی سین کا نام بھی لیا جا رہا ہے. کہا جا رہا ہے کہ مدھوبالا کی زندگی پر بننے والی فلم میں ان کے معاشقعوں کا زکر کم کیا جائیگا. اب دیکھنا یہ ہے کہ کن بنیادوں پر مدھوبالا کا کردار کرنے کےلئے کسی بھی اداکارہ کا انتخاب کیا جائیگا.یاد رہے کہ دیپیکا پاڈوکون نے پدماوت اور باجی راؤ مستانی جیسی فلموں میں ثابت کیا کہ وہ کسی بھی کردار کو کرنے کی اہلیت رکھتی ہیں. عالیہ بھٹ نے گنگوبائی کاٹھیاواڑی کے طور پر اپنی اداکاری سے سب کو حیران کر دیا ہے اب عالیہ کے بارے میں بھی یہ خیال کیا جاتا ہے کہ وہ مشکل سے مشکل کردار کرنے کی اہلیت رکھتی ہیں جبکہ کیارا اور کریتی بھی اپنی صلاحیتوں کا لوہا منوا چکی ہیں.

فلم گڈ لک جیری کی ہیروئین جھانوی کپور جو اکثر اپنے والد کے ساتھ خوبصورت تصاویر سوشل میڈیا پر شئیر کرتی رہتی ہیں. جھانوی کپور کے والد بونی کپور اپنی بیٹیوں سے کتنی محبت کرتے ہیں یہ تو سب ہی جانتے ہیں. اداکارہ اپنی فلم گڈ لک جیری کی آج کل پرموشنز کررہی ہیں اس دوران انہوں نے سدھارتھ کنن کے شو میں شرکت کی وہاں وہ اپنی فلم کی پرموشن کے لئے گئیں تھیں وہاں ان سے ہوئے مختلف قسم کے سوال تو ایک سوال کے جواب میں انہوں نے کہا کہ ان کے والد بونی کپور ان

سے بہت محبت کرتے ہیں اور چاہتے ہیں کہ وہ اپنی بیٹیوں کو دنیا جہان کی خوشیاں دیں .انہوں نے بتایا کہ ان کے والد چاہتے ہیں کہ ان کا جو داماد ہو اسکا قد لمبا ہونا چاہیے اور جتنا ان کا قد ہے اتنا تو داماد کا ہونا چاہیے. جھانوی نے مزید کہا کہ میرے والد کا قد چھ فٹ ایک انچ ہے. جھانوی نے یہ بھی بتایا کہ جب وہ چھوٹی تھیں تو ان کے والد انہیں اور ان کی بہن خوشی سے کہا کرتے تھے جس سے بھی تم نے شادی کرنی ہے اسکو جا کر بتانا کہ ہمارے والد نے ہمیں دنیا دکھائی ہوئی ہے، مجھے اب سمجھ آتی ہے کہ میرے والد ایسا کیوں کہا کرتے تھے. یاد رہے کہ جھانوی کپور کی فلم گڈ لک جیری 29 جولائی کو ریلیز ہو رہی ہے. اداکارہ اس کی پرموشن میں بے حد مصروف ہے.

اداکارہ زارا نور عباس کہتی ہیں کہ ان کو نہیں یاد کہ انہوں نے محنت سے کام کیا ہو اور انہیں صلہ نہ ملا ہو . زارا نور عباس نے اپنے مداحوں کو بھی دے دیا ہے یہی مشورہ کہتی ہیں کہ آپ محنت اور لگن سے کام کریں اسکا صلہ خدا کی ذات آپ کو ضرور دے گی آپ کی محنت ضرور رنگ لائیگی ایسا ہو نہیں سکتا کہ آپ نے محنت کی ہو اور اللہ اسکا اجر نہ دے. زارا نور عباس ویسے تو بشری انصاری کی بھانجی ہیں اور اداکار اسد صدیقی کی اہلیہ ہیں ان کی والدہ اداکارہ اسماء عباس ہیں

لیکن اس کے باوجود ان کو شوبز میں نام بنانے کےلئے بہت جدوجہد کرنا پڑی. وہ کہتی ہیں کہ اب تک میں نے جتنا بھی نام بنایا ہے بہت محنت سے بنایا ہے. ایک سوال کے جواب میں انہوں نے کہاکہ سفارش سے کوئی کسی شعبے میں ضرور جا سکتا ہے لیکن اگر اس میں ٹیلنٹ نہیں‌ہو گا تو سفارش بار بار نہیں چلے گی. زارا نے مزید کہا کہ میں ذاتی طور پر سفارشی لوگوں کو پسند نہیں‌کرتی. زارا نور عباس چونکہ اب ماڈلنگ بھی کررہی ہیں اس حوالے سے ان کا کہنا ہے مجھے ماڈلنگ میں مزا آرہا ہے اداکاری اور ماڈلنگ دونوں ایک ساتھ جاری ہے. انہوں نے کہا کہ میں جب بھی کسی کردار کا انتخاب کرتی ہوں تو دیکھتی ہوں کہ اس میں اداکاری کی کتنی گنجائش ہے.

ٹی وی ڈراموں سے شہرت کی بلندیوں پر پہنچنے والی ماریہ واسطی آ گئیں ہیں شدید تنقید کی زد میں. گزشتہ روز اس وقت سب حیران رہ گئے جب ان کی ایک وڈیو وائرل ہوئی اس وڈیو میں وہ اپنے ایک دوست کے ساتھ کھڑی ہیں دونوں کے ہاتھ میں بوتلیں ہیں اور بوتل پی رہے ہیں. انسٹاگرام پر اس وڈیو کے وائرل ہونے کے بعد اداکارہ پر تنقید کی جا رہی ہے سوشل میڈیا صارفین کا کہنا ہے کہ ماریہ واسطی اور ان کا دوست شراب پی رہے ہیں. تاہم اس چیز کی تصدیق نہیں ہو سکی کہ وہ

دونوں شراب ہی پی رہے ہیں یا کچھ اور ہے. اداکارہ ماریہ واسطی پر تنقید تو بہت زیادہ ہورہی ہے لیکن ان کی طرف سے وڈیو کے بعد کسی قسم کا بیان سامنے نہیں آیا، انہوں نے اس حوالے سے بالکل وضاحت نہیں دی کہ ان کے ہاتھ میں بوتل کس چیز کی ہے جس کو وہ پی رہی ہیں بلکہ ماریہ واسطی اس وڈیو کے وائرل ہونے کے بعد ابھی تک بالکل خاموش ہیں.ان کے ساتھ وڈیو میں کون ہے یہ بھی تاحال معلوم نہیں‌ہو سکا یقینا وہ کوئی شوبز کی شخصیت نہیں‌ہے. یاد رہے کہ ماریہ واسطی نے پی ٹی وی کے ڈراموں سے اپنے کیرئیر کا آغاز کیا اور وہ کم مگر معیاری کام کرتی ہیں.ان کے کریڈٹ بڑے ڈرامے ہیں انہوں نے اداکاری کے ساتھ ساتھ پروگرامز کو پوسٹ بھی کیا ہے.

سینئیر اداکارہ ثمینہ احمد نے جب منظر صہبائی کے ساتھ شادی کا فیصلہ کیا تو ان پر ہوئی بہت تنقید. لیکن اداکارہ ثمینہ احمد کسی کی بھی تنقید کو خاطر میں نہ لائیں. ثمینہ اور منظر صہبائی آپس میں بہت خوش ہیں اور ناقدین کی باتیں ایک کان سے سن کر دوسرے سے نکال دیتے ہیں. حال ہی میں ثمینہ احمد اور منظر صہبائی کا انٹرویو ہوا. اس انٹرویو کا ایک کلپ منظر صہبائی نے اپنے انسٹاگرام پر لگایا اس میں‌وہ کہہ رہے ہیں‌ کہ خواہش ہے کہ ثمینہ کو لیکر کہیں بھاگ جائوں .اس

انٹرویو میں دونوں نے کافی دلچپسپ باتیں کی ہیں اداکارہ نے کہا ہے کہ محبت جب ہونا ہوتی ہے ہوجاتی ہے. کسی بھی رشتے کو بہتر انداز میں چلانے کےلئے ہم نے اپنا ان پٹ ڈالنا ہوتا ہے. یاد رہے کہ اداکارہ ثمینہ احمد نے 18 سال کی عمر میں پی ٹی وی کے ڈراموں میں کام کرنا شروع کیا ان کا شمار منجھی ہوئی اداکارائوں میں‌ہوتا ہے. ان کے ڈراموں‌کی طویل فہرست ہے لیکن اکڑ بکڑ، الف نون، فیملی فرنٹ، ڈولی کی آئے گی بارات، آنگن، گل رانا اور سنگت جیسے ڈرامے قابل زکر ہیں. جبکہ 70 سالہ منظر صہبائی اپنے کیریئر میں ماہ میر، بول اور زندہ بھاگ جیسی فلموں میں کام کر چکے ہیں۔ انہیں ڈرامہ سیریل الف میں بہت پسند کیا گیا.

نوے کی دہائی کی اداکارہ نور بخاری جو شوبز کو چھوڑنے کا اعلان کر چکی ہیں انہوں نے حال ہی میں فلم لندن نہیں جائونگا پر تبصرہ کیا ہے انہوں نے گزشتہ روز انسٹاگرام پر ایک سٹوری لگائی اور اس میں ہمایوں سعید پر کی جم کر تنقید، انہوں نے کہا کہ ہمایوں سعید کو اس عمر میں اس قسم کے کردار نہیں کرنے چاہیں وہ اپنی عمر کا خیال کریں اور اس عمر میں پیار نہیں ہوتا اور جو انہوں نے کردار نبھایا ہے وہ ان کو نہیں‌کرنا چاہیے. نور بخاری نے یہ بھی کہا کہ ہمایوں سعید نے اس عمر میں جو کردار

ادا کیا ہے وہ ہضم نہیں ہوتا. نور بخاری نے کہا کہ اداکارہ کبری خان اچھی اداکارہ ہیں انہوں نے فلم میں بہت اچھا کام کیا ہے . نور بخاری نے یہ بھی کہا کہ ہمایوں سعید اس عمر میں اس قسم کے کردار نہ ہی کریں تو بہتر ہے. نور بخاری کی اس قسم کی تنقید کے بعد ہمایوں سعید کے پرستاروں نے نور بخاری کو لیا آڑھے ہاتھوں ، انہوں نے کہا کہ نور بخاری خود تو اداکاری چھوڑ چکی ہیں انکو کسی دوسرے کے بارے میں اس طرح کی بات نہیں کرنی چاہیے. جبکہ کئی صارفین نے نور بخاری کی بات سے اتفاق کیا اور ہمایوں سعید کو مشورہ دیا کہ وہ اپنی عمر کے مطابق کردار ادا کریں.