Category: شوبز

منجھے ہوئے اداکار نعمان اعجاز نے اپنے ایک حالیہ انٹرویو میں‌کہا ہے کہ جو قسمت میں‌لکھا ہوتا ہے وہ مل کر رہتا ہے.جو کچھ آپ کی قسمت میں اوپر والے نے لکھ دیا ہے وہی ملنا ہے آپ کو ترکیب لڑا سکتے ہیں لیکن ملے گا اتنا ہی جتنا آپ کے لئے لکھا جا چکا ہے. نعمان اعجاز نے کہا کہ میں تو اکثر اپنے ساتھیوں سے کہا کرتا ہوں کہ کبھی کسی سے خوفزدہ نہ ہوں کیونکہ آپ کے حصے کا کام آپ کے حصے کی شہرت پیسہ کوئی دوسرا نہیں چھین سکتا. نعمان اعجاز نے کہا کہ میرا خدا کی ذات پر

بہت ایمان ہے میں محنت کرتا ہوں اور مجھے یقین ہوتا ہے کہ اللہ کی ذات اسکا صلہ دے گی. اداکار نے مزید کہا کہ انسان خطائوں کا پتلا ہے اس سے غلطی ہو جاتی ہے لیکن اگر رب سے نیک نیتی سے معافی مانگی جائے تو وہ ضرور معاف کر دیتا ہے اس لئے اپنے خدا کی ذات پر یقین رکھیں آپ کے راستے یقینا آسان ہوں گے. یاد رہے کہ نعمان اعجاز کی ماضی قریب میں ریلیز ہونے والی ویب سیریز مسز اینڈ مسٹر شمیم نے عوام میں بہت پذیرائی حاصل کی ہے اس سے قبل ان کا ڈرامہ سیریل دوبارہ نے بہت مقبولیت حاصل کی اس میں ان کے ساتھ حدیقہ کیانی تھیں اور ویب سیریز مسز اینڈ مسٹر شمیم میں ان کے ساتھ صبا قمر تھیں. نعمان اعجاز کے ہر پراجیکٹ کو پسند کیاجاتا ہے.

سینئر اداکار غلام محی الدین جن کی فلم میرا نام ہے محبت نے کامیابی کے نئے ریکارڈز قائم کئے تھے وہ کہتے ہیں کہ میرا شمار ان خوش نصیب فنکاروں میں ہوتا ہے جنہوں نے شہرت کا مزہ چکھا اور فلم انڈسٹری پر راج کیا . غلام محی الدین نے کہا کہ مجھے سمجھ نہیں آتی کہ کہ کسی بھی ہیرو کی پہلی فلم ناکام ہوجائے تو اس پر فلاپ ہونے کا ٹھپہ کیوں لگا دیا جاتا ہے ،

چاہے وہ ہیرو کتنا بھی باصلاحیت کیوں نہ ہو لیکن اس کی فلم فلاپ ہو گئی ہے تو بس اسے فلاپ کہا جاتا ہے یہ رویہ درست نہیں ہے .کسی بھی آرٹسٹ کے فلاپ پراجیکٹ کو دیکھنے کی بجائے یہ دیکھا جانا چاہیے کہ وہ کتنا باصلاحیت ہے ہو سکتا ہے دوبارہ اسے کاسٹ کریں تو وہ بہت اچھا پرفارم کرے اور فلم بھی ہٹ ہوجائے. اداکار نے مزید کہا کہ مجھے بچپن سے اداکاری کا شوق ضرور تھا لیکن بڑا ہوا کہ اداکار بنوں گا یہ یقین نہیں تھا. میں فلم انڈسٹری میں آیا تو فلموں میں کام شروع کیا میری فلمیں‌ ہٹ ہوئیں لوگوں‌نے پہچانا شروع کر دیا یاک وقت آیا کہ نمبر ون ہیرو کی لسٹ میں شامل ہو گیا اور میں بہت مصروف ہیرو بن گیا. اگر مجھے بھی میری پہلی فلم سے کامیابی نہ ملتی تو آج میں بھی گمنامی کی زندگی بسر کر رہا ہوتا.

بالی وڈ کے کنگ کہلائے جانے والے شاہ رخ خان اور نوجوان نسل کے نمائندہ فنکار کارتیک آریان کی حال ہی میں ملاقات ہوئی ہے دونوں کی ملاقات کے حوالے سے بہت ساری باتیں کی گئیں. یہ ملاقات اس لئے بھی چرچے میں ہے کیونکہ اس میں شاہ رخ خان نے کارتیک آریان کے کان میں کچھ کہا.اس ملاقات کے بعد کافی چہ مگوئیاں ہو رہی تھیں سب کو بے چینی تھی یہ جاننے کی کہ آخر کار کنگ خان نے کارتیک آریان کے کان میں کہا کیا ہے. کارتیک آریان نے بھی آخر کار خاموشی توڑ دی اور بتا دیا

کہ شاہ رخ خان نے ان کے کان میں کیا کہا. کارتیک آریان نے کہا کہ جب مجھ سے شاہ رخ ملے تھے تو انہوں نے میرے کان میں میرے کام کی تعریف کی میں نے ان سے پوچھا کہ آپ ن میری فلم بھول بھلیاں ٹو دیکھی ہے تو انہوں نے کہا کہ دیکھی ہے ” بیٹا تم نے بہت اچھا کام کیا ہے اس میں” کارتیک آریان نے کہا کہ مجھے جب حالیہ دور کا کنگ کہا جاتا ہے تو کہتا ہوں مجھے پرنس کہہ لیں لیکن کنگ نہ کہیں ایک تو یہ شاہ رخ خان کے لئے استعمال ہوتا ہے وہ اس کے حقدار ہیں دوسرا یہ کہ مجھے ابھی بہت دور تک جانا ہے لمبا سفر طے کرنا ہے. یاد رہے کہ کارتیک آریان کی فلم بھول بھلیا ٹو نے اس سال کامیابی کے ریکارڈز قائم کئے ہیں.

ہر وقت خبروں میں‌ رہنے والی سیکینڈل کوئین راکھی ساونت کی ایک وڈیو وائرل ہو رہی ہے جس میں وہ ایک لڑکے کو مکے اور لاتیں مارتی ہوئی دکھائی دے رہی ہیں.رپورٹس کے مطابق وہ لڑکا صحافی ہے اور راکھی ساونت اپنے بوائے فرینڈ کے ہمراہ اس کے ساتھ کھڑی ہیں لیکن جیسے ہی صحافی نے راکھی ساونت سے ان کے ایکس بوائے فرینڈ کے بارے میں بات کی تو انہوں نے اس صحافی کو مکے اور لاتیں مارنا شروع کر دیں. وڈیو میں دیکھا جا سکتا ہےکہ وہ صحافی مکے اور لاتیں کھانے کے بعد

مسکرا رہا ہے جبکہ راکھی ساونت بھی مسکرا رہی ہیں. یاد رہے کہ راکھی ساونت ایسے بیانات دیتی رہتی ہیں جن کے بعد انہیں تنقید کا نشانہ بنایا جاتا ہے. راکھی ساونت بگ باس میں بھی رہ چکی ہیں وہاں ان کا لڑائی جھگڑا داکارہ و ڈانسر کشمیرا شاہ کے ساتھ بہت زیادہ رہا. راکھی کا جھگڑا دلیر مہدی کے بھائی میکا سنگھ کے ساتھ بھی رہا اسی طرح سے اپنے بوائے فرینڈز کو لیکر بھی وہ خبروں میں رہی ہیں. راکھی ساونت اچھی اداکارہ تو ہیں لیکن ایک بہترین رقاصہ بھی ہیں ان کا ری مکس گیت پردیسا میں رقص دیکھنے سے تعلق رکھتا ہے . راکھی ساونت دوسروں کی آگ میں چھلانگ لگانے کے حوالے سے بھی کافی مشہور ہیں مسئلہ کسی کا بھی ہو وہ کود پڑتی ہیں اور ایسے بیانات دیتی ہیں کہ وہ اس مسئلے کا فریق سمجھی جانے لگتی ہیں.

رنویر سنگھ جن پر آج کل ان کے بولد فوٹو شوٹ کی وجہ سے خاصی تنقید کی جا رہی ہے ان کے حق میں ان کی دوست عالیہ بھٹ بھی بول پڑی ہیں اداکارہ آج کل اپنی فلم ڈارلنگ کی پرموشن میں مصروف ہیں.پرموشن کے دوران ان سے کسی صحافی نے رنویر سنگھ پر ہونے والی تنقید کے حوالے سے گفتگو کرنی چاہی تو انہوں نے کہا کہ میں رنویر سنگھ میرے دوست ہیں میں ان سے بہت پیار کرتی ہوں. اور میں ان پر ہونے والی تنقید کے حوالے سے کچھ بھی نہیں‌کہنا چاہوں گی نہ ہی اس سوال پر جواب دینا چاہوں گی وہ ہم سب کے دوست ہیں ہم سب ان سے بہت پیار کرتے ہیں انہوں نے بالی وڈ کو بہترین فلمیں دی

ہیں ہمیں‌ان کیی عزت کا خیال رکھنا چاہیے جتنا پیار انہوں نے ہمیں دیا ہے ہمیں بھی ان کو اتنا ہی پیار دینا چاہیے. عالیہ بھٹ نے کہا کہ میں ان پر ہونے والی تنقید کو جائز نہیں‌سمجھتی. یوں عالیہ بھٹ نے اپنے دوست رنویر سنگھ پر ہونے والی تنقید کے سوال پر جواب دینے سے گریز کیا اور اپنی مکمل سپورٹ‌ اپنے دوست کے پلڑے میں ڈال دی.یاد رہے کہ رنویر سنگھ اس وقت خاصی مشکل میں‌ ہیں ان پر مقدمہ بھ یدرج ہو چکا ہے. لیکن ان کے ساتھی یقینا ان کے قریبی دوست ہونے کا حق ادا کررہے ہیں اور انہیں‌مکمل سپورٹ دے رہے ہیں.

رنویر سنگھ کے بولڈ فوٹو شوٹ کے اس وقت ہر طرف چرچے ہیں، ہر کوئی تصاویر پر جی بھر کے تنقید کررہا ہے لیکن بالی وڈ سٹارز اداکار کے ساتھ دکھائی دیتی ہیں.بہت سارے اداکاروں کے بعد اب رام گوپال ورما بھی اداکار کی حمایت میں اٹھ کھڑے ہوئے ہیں ان کہنا ہے کہ رنویر سنگھ کا بولڈ فوٹو شوٹ بنیادی طور پر صنفی برابری کی بات کرتا ہے. اور اگر خواتین اپنے خوبصورت جسم کی نمائش کرسکتی ہیں تصاویر بنوا سکتی ہیں تو مرد حضرات ایسا کیوں نہیں کر سکتے؟‌رام گوپال ورما نے

کہا کہ مردوں‌کو بھی خواتین کے برابر ایسے حقوق ملنے چاہیں، انہوں نے مزید کہا کہ کیا یہ کھلی منافقت نہیں ہے کہ خواتین کے لئے اور معیار اور مردوں کے لئے اور. تجربہ کار فلمساز رام گوپال ورما جنہوں نے حال ہی میں انتہائی پرخطر، مارشل آرٹ فلم ‘لڑکی’ ریلیز کی ہے، کا مزید خیال ہے کہ رنویر کی عریاں تصاویر صنفی مساوات کی ایک بہترین مثال ہیں۔یاد رہے کہ رنویر سنگھ کے خلاف مقدمہ درج ہو چکا ہے اور عوامی سطح پر بولڈ فوٹو شوٹ کے حوالے سے کافی غم و غصہ پایا جاتا ہے. تاہم رنویر سنگھ بولڈ فوٹو شوٹ پر ہونے والی تنقید کے بعد ابھی تک خاموشی اختیار کئے ہوئے ہیں انہوں نے ابھی تک اپنی صفائی میں کوئی ایسا بیان نہیں دیا کہ جس کے لگے کہ رنویر سنگھ پر ہونے والی تنقید بے جا ہے.

آج کل بالی وڈ اداکار رنویر سنگھ کے سوشل میڈیا پر بہت چرچے ہیں ہر کوئی ان کے بارے میں بات کررہا ہے.غیر ملکی میگزین کے لئے بالی وڈ اداکار رنویر سنگھ نے گزشتہ دنوں ایک بولڈ فوٹ شوٹ کروایا اس فوٹو شوٹ کی جب تصاویر انٹرنیٹ پر آئیں تو ان پر بہت زیادہ تنقید ہوئی. بولڈ فوٹو شوٹ وائرل ہونے کے بعد رنویر سنگھ کو لیا سوشل میڈیا صارفین نے آڑھے ہاتھوں. یہاں تک کہ اداکار کے خلاف ممبئی پولیس سٹیشن میں مقدمے کی درخواست جمع کروائی گئی،.کہا جا رہا ہے کہ اداکار کے خلاف درخواست درج کر لی گئی ہے درخواست گزار کون ہے اس حوالے سے تفصیلات ابھی سامنے نہیں آسکیں. درخواست گزار نے درخواست میں کہا کہ رنویر سنگھ یہ عمل اخلاقیات کے نقطہ نظر سے بالکل غلط ہے، اور ان کا یہ فوٹو شوٹ دیکھ کر بہت

سارے لوگوں کی دل آزاری ہوئی ہے.یاد رہے کہ عوامی سطح پر رنویر سنگھ کو یقینا تنقید کا سامنا ہے لیکن ان کے بالی وڈ کے تمام ساتھی ان کا ساتھ دے رہے ہیں اداکار پر ہونے والی تنقید کو بے جا کہتے ہوئے ان کی حمایت میں بیانات دے رہے ہیں. ارجن کپور بھی کھل کر رنویر کی حمایت کررہے ہیں اسی طرح سے ان کی اہلیہ دیپیکا پاڈوکون بھی اپنے شوہر کی حمایت میں بات کررہی ہیں ان کا بھی کہنا ہے کہ میں نے اپنے شوہر کا شوٹ دیکھا ہے مجھے ان کی تصاویر بہت اچھی لگی ہیں.

بالی وڈ کی فلمیں ان دنوں مشکل کا شکار ہیں، پورے سال میں مجموعی طور پر دیکھا جا ئے تو ہر سال جتنی فلمیں ریلیز ہوتی ہیں ان میں سے آٹے میں نمک کے برابر باکس آفس پر کامیابی حاصل کرتی ہیں. بزنس کے نقطہ نذر سے دیکھیں تو ایک عرصہ سے بالی وڈ فلمیں زوال کا شکار نظرآ رہی ہیں. گزشہ دنوں سلمان خان کچا سدیپ وکرانت رانا کے ایک پروموشنل پروگرام میں شریک تھے اس دوران کسی صحافی نے سلمان خان سے فلموں کی ناکامی پر سوال کیا تو دبنگ اداکار نے کہا کہ کامیابی کا کوئی خاص فارمولا نہیں ہے ہم محنت کرتے ہیں باقی آڈینز کے ہاتھ میں‌ہوتا ہے بعض اوقات ہم بہت اچھی چیز بناتے ہیں وہ پسند نہیں‌کی جاتی بعض اوقات بہت نارمل سی فلم شائقین کے دل کو چھو جاتی ہے.لہذا کاماییابی کا کوئی خاص فارمولا

نہیں ہے .سلمان خان نے یہ بھی کہا کہ بالی وڈ فلمساز ہر بار بہترین فلم بنانے کی کوشش کرتے ہیں وہ چلے گی یا نہیں اسکے بارے کچھ کہا نہیں‌جا سکتا. سلمان خان نے یہ بھی کہا کہ سائوتھ کے ساتھ مل کر فلمیں بھی ہم نے بنائی ہیں اس دوران مجھے سدیپ ، پرابھو دیوا اور پرکاش راج جیسے بڑے ناموں کے ساتھ کام کرنے کا تجربہ بھی ہوا اب میں ویکنتیش کے ساتھ کام کررہا ہوں.کمل ہاسن جیسے سٹارز نے بالی وڈ کو سپر ہٹ فلمیں دی ہیں. یاد رہے کہ آج کل سلمان خان کبھی عید کبھی دیوالی کی شوٹنگ میں‌مصروف ہیں اس کے علاوہ سلمان خان ٹائیگر 3 میں بھی نظر آئیں گے اس فلم میں ان کے ساتھ کترینہ کیف اور عمران ہاشمی بھی نظر آئیں گے.

جنید خان اور منشا پاشا ڈرامہ سریل ”عدن” میں ایک ساتھ نظر آئیں گے، اس ڈرامے میں ان کے ساتھ اظفر رحمان بھی اہم کردار نبھائیں گے. ڈائریکشن عظیم سجاد اور سکرپٹ عتیق عنایت نے لکھا ہے. ڈرامہ ستمبر سے آن ائیر جا ئیگا. جنید خان ڈرامے کے بارے میں کہتے ہیں کہ میں اپنے اس پروجیکٹ کے بار ے میں بہت پرجوش ہوں کیونکہ میں نے جب اسکرپٹ پڑھا تومجھے محسوس ہوا کہ یہ واقعی عام ڈراموں سے بہت مختلف ہے اور جب کوئی ایسی مختلف چیز میرے پاس آئے تو میں اس کے لئے انکار نہیں کرتا اگر مصروفیت بھی ہو تو بھی کچھ اس طرح سے مینج کرتا ہوں کہ پروجیکٹ ہاتھ سے نہیں‌جانے

دیتا.جنید نے مزید کہا کہ میری اور منشا پاشا کی جوڑی کو یقینا ایک بار پھر سراہا جائیگا.منشا پاشا کہتی ہی کہ مجھے یہ اس ڈرامے میں اپنا کردار روٹین سے ہٹ کر لگا اس لئے میں نے ہاں کردی اور جنید خان ایک منجھے ہوئے اداکار ہیں ان کے ساتھ کام کرنا ہمیشہ ہی بہت اچھا لگتا ہے.
یا رہے کہ کہ جنید خان اور منشا پاشا دونوں پہلی بار ایک ساتھ نہیں آرہے بلکہ اس سے پہلے یہ دونوں فلم ”کہے دل جدھر” میں بھی شائقین کو ایکساتھ نظر آچکے ہیں. جنید خان ورسٹائل پرفارمنس اور مختلف کردار کرنے کے حوالے سے جانتے ہیں اداکاری کے ساتھ ساتھ جنید گلوکاری بھی کرتے ہیں انہوں نے گانے بجانے سے اپنے کیرئیر کا آغاز کیاجبکہ منشا پاشا کم مگر معیاری کام کرنے کے حوالے سے جانی جاتی ہیں.

عید الاضحی پر ریلیز ہونے والی پاکستانی فلم ”لندن نہیں جائونگا” کو شائقین کی جانب سے بے حد پذیرائی مل رہی ہے . ہر روز فلم کے تمام شوز ہائوس فلم جا رہے ہیں. اسی دوران جمعہ کے روز رنبیر کپور اور سنجے دت کی فلم شمشیرا ریلیز ہوئی ہے کہا جا رہا ہے کہ اسکا ابھی تک جتنا بزنس ہے اس سے کہیں زیادہ لندن نہیں جائونگا کا ہے. لندن نہیں جاونگا بین الاقوامی مارکیٹوں میں غیرمعمولی طور پر اچھی کارکردگی کا مظاہرہ کر رہی ہے اور تیسرے ہفتے میں اس کی تعداد ہفتے کے آخر میں ملٹی اسٹارر بالی ووڈ فلم شمشیرا سے زیادہ ہوگئی ہے۔ یوکے باکس آفس کی رپورٹس کے مطابق، ہمایوں سعید، مہوش حیات کی اداکاری والی فلم لندن نہیں جاونگا نے تیسرے ہفتے میں 46,710 پاؤنڈ کمائے جو اپنے پہلے ہفتے میں جمع کیے گئے £43,688 شمشیرا سے زیادہ ہے۔

خلیل الرحمٰن قمر کی تحریر کردہ اور ندیم بیگ کی ہدایت کاری میں بننے والی لندن نہیں جاونگا ریلیز ہونے کے بعد سے اب تک مسلسل باکس آفس پر مسلسل راج کر رہی ہے – ہمایوں سعید کی یہ بلاک بسٹر اس وقت پاکستان اور دنیا بھر کے سینما گھروں میں کامیابی سے چل رہی ہے. یاد رہے کہ ڈرامہ سیریل میرے پاس تم ہو کے بعد ہمایوں سعید کی حالیہ فلم نے کامیابی کے ریکارڈز قائم کئے ہیں، مہوش حیات اور ہمایوں سعید کی جوڑی کو ایکبار پھر سراہا گیا ہے.فلم کامیوزک بھی کافی پسند کیا جا رہا ہے.