Category: شوبز

سری دیوی اور بونی کپور کی بیٹی جھانوی کپور جو کافی عرصے سے ہمیں فلمی تقریبات یا فوٹو شوٹس میں ہی دکھائی دے رہی تھیں اب وہ ایک بار پھر سے بڑے پردے پر بھی نظر آئیں گی۔ ان کی فلم ”گڈ لک جیری“ کا پوسٹر جا ری کر دیا گیا ہے ایک پوسٹر میں جھانوی کپور ڈری سہی اور پستول پکڑے ہوئے دکھائی دے رہی ہیں جبکہ دوسرے پوسٹر میں وہ ڈیسک کے پیچھے چھپی ہوئی دکھائی دے رہی ہیں۔فلم کے پوسٹر دیکھ کر اندازہ ہو رہا ہے کہ کہانی کسی سنجیدہ موضوع پر مبنی ہے۔فلم میں جھانوی کپور کے ساتھ دیپک ڈوبریل ،میتا واششت ،نیرج سود اور سوشانت سنگھ اہم کرداروں میں نظر آئیں گے ۔

اس فلم کے علاوہ جھانوی کپور فلم ” ملی “ میں بھی نظر آئیں گی اس فلم کو ان کے والد بونی کپور پرڈیوس کررہے ہیں جبکہ مٹھوکٹے اس کی ہدایتکاری کررہے ہیں ۔یہ فلم ڈائریکٹر مٹھو کٹے کی اپنی ہی ملیالم فلم ہیلن کا ری میک ہے جھانوی کے ساتھ اس فلم میں ورون دھون دکھائی دیں گی۔بونی کپور کے ساتھ جھانوی کا یہ پہلا پراجیکٹ ہے جو وہ کرنے جا رہی ہیں جبکہ جھانوی کپور گڈ لک جیری کے لئے کافی پر امید نظر آرہی ہیں ۔جھانوی کپور نے گڈ لک جیری کا پوسٹر انسٹاگرام پر شیر کرتے ہوئے لکھا ہے کہ نکل پڑی ہوں میں ایک نئے ایڈونچر پہ کیا مجھے گڈ لک نہیں بولیں گے ان کی ایسی پوسٹ کے بعد بہت سارے لوگوں انہیں کامیابی کی دعائیں دیں ۔

نوے کی دہائی میں بہت سارے پاپ گلوکار تھے جن کی اپنی فین فالونگ تھی ہر پاپ گلوکار اُس دور میں ہر سال کچھ نہیں تو ایک البم تو ریلیز کیا کرتا تھا ۔علی حیدر اُ ن دنوں میں کافی مقبول تھے یہاں تک کہ ان کا ایک گانا تھا ” پرانی جینز اور گٹا“ اس کی وڈیو میں بھارت میں بنی تھی اس کے علاوہ بھی علی حیدر کے دیگر گیتوں کی وڈیوز بھارت میں بنیں اور وہاں بہت مقبول ہوئیں یوں علی حیدر بھارت اور پاکستان دونوں ملکوں میں یکساں مقبول تھے ۔پھر ایکدم ملک کے حالات ایسے ہوئے کہ پاپ میوزک بننا کم ہو گیا کرتے کرتے ختم ہونے تک پہنچ گیا اور گلوکار البم ریلیز کرنے کی بجائے

ایک گانا ریلز کرنے پر اکتفا کرنے لگ گئے ۔لیکن علی حیدر کے پرستاروں کے لئے ایک خوشخبری ہے کہ علی حیدر کو ایک بار پھر وہ سن سکیں گے ،علی حید ر ایک نئی البم لانچ کرنے جا رہے ہیں یہ خبرانہوں نے اپنے انسٹاگرام پر شئیر کی ۔البم میں چھ گانے موجود ہوں گے علی حیدر نے انسٹاگرام پر یہ بھی بتایا کہ ان کی البم کا ٹائٹل ” تم ہی تو ہو “ ہو گا اس کے علاوہ علی حیدر نے اپنے گانے کا ٹیزر بھی انسٹاگرام پر شیر کیا جس کو سن کر علی کے پرستاروں نے بہت سراہا اور امید کی کہ البم کے چھ کے چھ گیت ہی اچھے ہوں گے اور علی حیدر کی یہ البم نوے کی دہائی جیسا سماں باندھ دے گی ۔

منجھی ہوئی اداکارہ بشری انصاری جن کے خود کے بے شمار پرستار ہیں وہ کن کی مداح نکلیں سن کر رہ جائیں گے آپ حیران ۔ بشری انصاری جو خود میں اداکاری کا انسٹیٹیوشن ہیں وہ سرمد سلطان کھوسٹ کے کام کی مداح نکلیں انہوں نے اس چیز کا اظہار ایک سوشل میڈیا پوسٹ کے زریعے کیا ۔انہوں نے حال ہی میں ریلیز ہوی فلم کملی کا پوسٹر شئیر کرتے ہوئے فلم کی تعریفیں لکھنے کے ساتھ سرمد کھوسٹ کی بے حد تعریفیں لکھیں اور کہا کہ میں ان کے کام کی مداح ہوں بلکہ انہوں نے سرمد کھوسٹ کو شاباش بھی دی اور کہا تم نے بے پناہ جذبے کے ساتھ مشکل راستہ چننے کی قوت ہمیں دکھائی ہے ہمیں تم پہ فخر ہے ۔بشری یہیں نہیں رکیں بلکہ انہوں نے اپنے پرستاروں سے کہا کہ آپ جا کر فلم ضرور دیکھیں ہم تو ساس بہو کے چکر میں غرق ہو کر رہ گئے ہیں ۔بشری انصاری نے سرمد کھوسٹ کے ساتھ ثانیہ سعید اور صبا قمر کو مزید اچھا کام کرنے کی دعائیں بھی دیں ۔

بشری انصاری کا خود سے چھوٹے کسی ایکٹر ڈائریکٹر کا کام اتنے کھلے دل سے سراہے جانے کو سوشل میڈیا صارفین نے بے حد پسندکیا ۔بشری انصاری کی پوسٹ کے نیچے سب دلچپسپ تبصرے بھی کرتے رہے ۔کملی حال ہی میں ریلیز ہوئی ہے اور سنجیدہ حلقوں میں اسے بہت زیادہ سراہا جا رہا ہے ،خصوصی طور پر صبا قمر کی اداکاری کی بے حد تعریف ہورہی ہے ۔

وہاج علی جو کہ ایک اینیمیٹڈ سیریز میں بھی کام کررہے ہیں انہیں ڈرامہ سیریل ” رسم دل “ کے لئے کاسٹ کر لیا گیا ہے ۔اے آر وائی پر نشر ہونے والے اس ڈرامے میں دونوں اداکاروں کو پہلی بار کاسٹ کیا گیا ہے یوں ان دونوں کے مداح ان دونوں کو ایک ساتھ پہلی بار دیکھیں گے ۔وہاج علی اورہانیہ عامر کے ساتھ نعمان اعجاز کے بیٹے زاویار نعمان بھی دکھائی دیں گے ۔ڈرامے کو بد محمود ڈائریکٹ کریں گے ۔
یاد رہے کہ ہانیہ عامر ،وہاج علی اور زاویار پہلی بار ایک ساتھ کسی ڈرامے میں جلوہ گر ہو رہے ہیں ۔تینوں ہی باصلاحیت اداکار ہیں ۔ وہاج علی کی اداکاری ڈرامہ سیریل” جو بچھڑ گئے “ زاویار کی ” سنگ ماہ “ اور ہانیہ عامر کی ”میرے ہمسفر“ میں اداکاری دیکھنے سے تعلق رکھتی ہے ۔ڈرامے کی دیگر کاسٹ میں کون کون شامل ہو گا اسکی تفصیلات تاحال سامنے نہیں آسکیں۔

یاد رہے کہ زاویار نعمان ابھی تک سنجیدہ اداکاری کرتے ہوئے ہی دکھائی دئیے ہیں اب دیکھنا یہ ہے کہ رسم دل میںان کا کردار کیسا ہوتا ہے اپنے پہلے کرداروں کی طرح سنجیدہ کردار کرتے ہی دکھائی دیں گے یا کچھ روٹین سے ہٹ کر کریں گے ۔اسی طرح سے ہانیہ عامر کا جو حال ہی میں ڈرامہ چل رہا ہے میرے ہمسفر ،اس میں وہ روتی دھوتی اور ڈری سہمی ہوئی لڑکی کا کردار ادا کررہی ہیں ان کا کردار رسم دل میں کیسا ہو گا یہ تو ڈرامہ آن ائیر جائیگا تو پتہ چلے گا ۔

ثناءجاوید اور علی رحمان خان اب ایکساتھ دکھائی دیں گے دونوں کو ڈرامہ سیریل ” کالا ڈوریا“ کے لئے کاسٹ کر لیا گیا ہے ،ڈرامے کی ڈائریکشن دانش نو از کررہے ہیں جبکہ اس کی کہانی ہر دلعزیز صائمہ اکرم چوہدری لکھ رہی ہیں ۔کہا جا رہا ہے کہ اس ڈرامے کےلئے پہلے فرحان خان اور عثمان مختار کا انتخاب کیا گیا تھا لیکن ایک بار پھر کاسٹ تبدیل کر دی گئی ہے اور علی رحمان خان کو مرکزی کردار کے لئے منتخب کر لیا گیا ہے اور ان کے ساتھ بہت ہی خوبصورت اور باصلاحیت اداکارہ ثناءجاوید نظر آئیں گے ۔صائمہ اکرم چوہدری کا لکھا ہوا ہر ڈرامہ شائقین کے دل کو چھوتا ہے امید ہے کہ اس بار بھی وہ کچھ الگ ہی لکھیں گی اور ایسا لکھیں گی جو شائقین کو پسند آئیگا ۔ ڈرامے کی کاسٹ میں علی رحمان خان اور ثناءجاوید کے علاوہ کون کون ہو گا اس کی تفصیلات آنا ابھی باقی ہیں ۔ڈرامہ ہم ٹی وی پر آن ائیر کیا جائیگا ۔

یاد رہے کہ علی رحمان خان کی حال ہی میںفلم ” پردے میں رہنے دو “ ریلیز ہوئی اس میںان کے ساتھ ہانیہ عامر دکھائی دیں ۔علی رحمان خان کو ان کے پرستار فلم اور ٹی وی دونوں میں پسند کرتے ہیں جبکہ دوسری طرف ثناءجاوید کے مداح بھی کم نہیں ہیں ان کو ہر کردار میں پسند کیا جاتا ہے اب دیکھنا یہ ہے کہ علی رحمان خان اور ثناءجاوید کی جوڑی ٹی وی پر کیا رنگ جماتی ہے۔

ہمایوں سعید جن کو ہر عمر کے لوگ بے پناہ پسند کرتے ہیں ،پردے پر بے شک وہ سنجیدہ کرداروں میں نظر آتے ہیں لیکن ذاتی زندگی میںکافی ہنسی مذاق کرنے والے انسان ہیں ۔ ہنسی مذاق میں کچھ ایسی باتیں بھی کہہ جاتے ہیں کہ جو ان کے پرستاروں کے لئے دلچپسی کا باعث بنتی ہیں ۔ایسی ہی ایک بات انہوں نے گزشتہ روز کہہ دی۔ ہمایوں سعید نے کہا کہ کچھ لڑکیوں کو یقینا تھور کا مرکزی کردار پسند ہے لیکن میںاتنا جانتا ہوں کہ لڑکیاں مجھے اور فہد مصطفی کو بہت زیادہ پسند کرتی ہیں ۔ہمایوں سعید نے یہ بات اس وقت کہی جب وہ کسی تقریب میں شریک تھے ۔ان کی کہی ہوئی یہ بات سوشل میڈیا پر دلچپسی کا باعث بن گئی ۔لوگ اپنے اپنے انداز سے اس بات پر کمنٹ کررہے ہیں اور زیادہ تر صارفین ہمایوں سعید کی اس بات سے اتفاق کرتے ہوئے محظوظ ہورہے ہیں ۔

یاد رہے کہ فہد مصطفی اور ہمایوں سعید دونوں ہی ٹاپ کے پرڈیوسر بھی ہیں ان دونوں کے درمیان دوستی تو کسی سے ڈھکی چھپی نہیں ہے ۔ فہد اور ہمایوں دونوں کی فلمیں عید الاضحی پر ریلیز ہو رہی ہیں دونوں فلموں کے ٹریلر جا ری ہو چکے ہیں ٹریلر دیکھ کر شائقین کافی پسند بھی کررہے ہیں ۔فہد مصطفی کی قائداعظم زندہ باد اور ہمایو ں سعید کی لندن نہیںجاﺅنگا کی ریلیز کا شدت سے انتظار کیا جا رہا ہے فلموں کی ٹریلر لانچ پر دونوں پراجیکٹس سے جڑے لوگ کافی پر امید دکھائی دئیے ۔

نیلو اور ریاض شاہد کے بیٹے شان شاہد کی فلم “ضرار“ کا ٹریلر گزشتہ دنوں ریلیز کیا گیا ٹریلر سے اندازہ لگایا جا رہا ہے کہ فلم ایکشن اور تھرل سے بھرپور ہے ۔اس فلم کا ٹریلر دیکھ کر گمان ہی نہیں ہوتا کہ یہ کوئی پاکستانی فلم ہے۔ شان شاہد نے فلم میں نئی ٹیکنیکس کو استعمال کیا ہے اور شاید ایسی کہانیوں پر پاکستان میں کم کم کام کیا گیا ہے۔ضرار کا ٹریلر جس جس نے دیکھا ہے اس نے بے حد سراہا ہے ۔فلم شان شاہد نے خود لکھی ہے اس ٹریلر میں دیکھا جا سکتا ہے کہ شان ایک ایسا کردار نبھا رہے ہیں جو دنیا کی بری قوتوں کا مقابلہ کرتا ہے ۔

یاد رہے کہ فلم ضرار کی ریلیز مسلسل تاخیر کا شکار جا رہی ہے دو سال قبل اسکا ٹریلر ریلیز کیا گیا تھا لیکن ایک بار پھر سے فلم کا ٹریلر جاری ہوا ہے ٹریلر یقینا بہت ہی زبردست ہے لیکن ابھی بھی فلم کی ریلز کی تاریخ کا اعلان نہیں کیا گیا ۔شان کے علاوہ فلم میں نئیر اعجاز ،ندیم بیگ اور کرن ملک اہم کرداروں میں نظر آئیں گے ۔شان ضرار کے حوالے سے کافی پر امید ہیں انہوں نے اپنے ٹویٹر اکاﺅنٹ سے بھی فلم ضرار کے حوالے سے ٹویٹ کیا لیکن تاحال فلم کی یلیز کی تاریخ سامنے نہیں آسکی جبکہ شائقین فلم دیکھنے کےلئے بےتاب ہیں ۔شان ایک عرصہ پنجابی سینما بھی کرتے رہے ہیں لیکن کافی سال سے وہ پنجابی فلموں میں نظر نہیں آرہے ۔شان کو ان کی پنجابی فلموں کی وجہ سے سوشل میڈیا پر کافی تنقید کا سامنا رہتا ہے ۔

بالی وڈکے بادشاہ جن کے کریڈیٹ پر بے شمار ایسی فلمیں اور گیت ہے جو یقینا نئے آنے والوں کے لئے مشعل راہ ہیں ۔ان کی ایک فلم ” میں ہوں نا“ جو کہ سال 2004 میں ریلیز ہوئی تھی اس فلم کے تما م گیت سپر ہٹ تھے آج تک ان گانوں کو گنگایا جا تا ہے ۔ فرح خان کی ہدایتکاری میں بننے والی اس فلم کا ایک گیت ” تم سے مل کے دل کا ہے جو حال کیا کریں “ کو اداکار وکی کوشل نے نئے انداز سے پیش کرکے فرخ خان کے ساتھ ساتھ اپنے پرستاروں اور بھارتی فلم انڈسٹری کے لوگوں کے دل جیت لئے ۔رپورٹس کے مطابق ہدایتکارہ فرح خان جو آج کل وکی کوشل کے ساتھ ایک فلم کی شوٹنگ میں مصروف ہیں ، وکی نے ان کے اور ٹیم کے باقی ممبرز کے ساتھ مل کر شاہ رخ خان کے گیت تم سے مل کر دل کا جو حال کو نئے اندازمیں

پیش کیا ۔یہ وڈیو جب انسٹاگرام پر ڈالی گئی تو شائقین نے بہت پسند کیا ۔چند ہی منٹوں میں فرح خان وکی کوشال اور ترپتی دیمری کی یہ وڈیو سوشل میڈیا پر وائرہ ہو گئی جہاں صارفین وڈیو کے نیچے کمنٹس کرتے رہے وہیں شوبز کی شخصیات بھی اس وڈیو سراہتی رہیں اور مزے مزے کے کمنٹس کر تی رہیں۔
یاد رہے کہ فرح خان شاہ رخ خان کی بہت قریب دوست ہیں دونوں مل کر ایک ساتھ ہٹ پراجیکٹس میں کام کیا ۔فلم ” میں ہوں نا“ میں شاہ رخ خان کیساتھ ماضی کے سپر ہٹ اداکار سنجے خان کے بیٹے زائد خان کے علاوہ سشمیتا سین بھی تھیں۔

صدیوں کے اداکار دلیپ کمار جو اب ہم میں نہیں ہیں ان کی خدمات کے اعتراف میں بھارتی حکومت نے اعلی سول ایوارد دینے کا اعلان کیا تھا گزشتہ دنوں اس ایوارڈ کو دینے کے لئے ایک پروقار تقریب کا اہتمام کیا گیا ۔دلیپ کمار کی اہلیہ سائرہ بانو نے یہ ایوارڈ وصول کیا ۔ایورڈ پکڑتے ساتھ ہی سائرہ بانو کی آنکھیں چھلک گئیں اور وہ اپنے جذبات پر قابو نہ رکھ سکیں۔ سائرہ بانو اس موقع پر بہت زیادہ جذباتی ہوئیں انہوں نے کہا کہ دلیپ کمار ہندوستان کا کوہ نور تھے اور ان کا حق بنتا تھا کہ اس ایوارڈ سے نوازا جائے لیکن اگر وہ خود یہ ایوارڈ لیتے تو زیادہ خوشی ہوتی ۔سائرہ بانو نے مزید کہا کہ مجھے آج تک یقین ہی نہیں آتا کہ وہ دنیا سے رخصت ہوچکے ہیں میری یادوں میں دلیپ زندہ تو ہیں ہی لیکن میں محسوس کرتی ہوں کہ ہر قدم پہ وہ میرے ساتھ ہوتے ہیں تبہی تو میں زندہ ہوں سانس لے رہی ہوں۔

یاد رہے کہ دلیپ کمار گزشتہ برس سات جولائی کو دنیا سے رخصت ہو گئے تھے دلیپ کمارکافی عرصے سے بیمار تھے اور انہیں تو اپنی خبر نہیں تھی لیکن ان کی اہلیہ سائرہ بانو نے انکی بہت زیادہ خدمت کی۔سائرہ بانوکہتی ہیں کہ وہ دلیپ کمار سے عشق کرتی تھیں ۔سائرہ بانو اور دلیپ کمار میں بیس برس کا فرق تھا لیکن سائرہ دلیپ کو پا کر بہت خوش تھیں ۔ان دونوں کی مثالی جوڑی تھی ۔ٹریجڈی کنگ دلیپ کمار کی سائرہ بانو سے محبت کی شادی تھی گو کہ اس سے پہلے وہ مدھوبالا سے شادی کرنا چاہتے تھے لیکن حالات ایسے بنے کہ دونوں کو راہیں جد کرنی پڑیں ۔دلیپ کمار کی اداکاری کا منفرد انداز ان کو آج تک دوسروں سے ممتاز بناتا ہے ۔

ادیب، شاعر ،کالم نگار اور اداکار طارق عزیز جن کو ہم سے بچھڑے دو سال بیت چکے ہیں لیکن وہ اپنے مداحوں کے دلوں میں آج بھی زندہ ہیں ان کی آج دوسری برسی منائی جا رہی ہے۔طارق عزیز نے جو بھی کام کیا اس میںان کو کامیابی ملی۔ ریڈیو پاکستان سے اپنے کیرئیر کا آغازکیا کئی سال تک صداکاری کی پھر جب 1964میں ٹی وی آیا تو طارق عزیز ٹی وی پر آگئے ان کو پاکستان ٹیلی ویژن کے پہلے اناﺅنسر ہونے کا اعزاز بھی حاصل ہے ۔ستر کی دہائی میں نیلام گھر شروع ہو ا جو کئی دہائیاں چلتا رہا اس پروگرام نے طارق عزیز کی شہرت کو امر کر دیا،

انہیںمہنگے ترین اینکر ہونے کا اعزاز بھی حاصل ہے،میزبانی کو نئی جہتوں سے متعارف کروانے والے طارق عزیز نے فلموں میں بھی قسمت آزمائی یہاں بھی انہیں شہرت اور کامیابی ملی۔ طارق عزیز نے اُس وقت کے بڑے ناموں کے ساتھ کام کیا ان کی پہلی فلم میں ہی انہوں نے زیبا اور وحید مراد کے ساتھ کام کیا ۔ان کی تقریبا فلمیں کامیاب رہیں ۔انہوں نے شاعری بھی کی کالمز بھی لکھے ،انکی پنجابی شاعری اور کالمز کا مجموعہ شائع ہو چکا ہے ۔طارق عزیز کو ادب سے بہت زیادہ لگاﺅ تھا اس چیز کی جھلک ان کی گفتگو میں بھی نظر آتی تھی ،ان کو اگر ادب کا درخشندہ ستارہ کہیں تو بے جا نہ ہو گا ۔طارق عزیز نے عملی سیاست میں بھی حصہ لیا اور سیاسی کیرئیر پاکستان پیپلز پارٹی سے شروع کیا اس کے بعد الیکشن بھی لڑا ۔دیکھتی آنکھوں سنتے کانوں کہنے والا دنیا سے رخصت تو ہو گیا لیکن پرستاروں کے دِلوں میں اپنی گہری یادیں چھوڑ گیا۔