Category: شوبز

اداکارہ سشمیتا سین جنہوں نے ابھی تک شادی نہیں‌ کی ان سے کئی موقعوں پر سوال ہوئے لیکن انہوں نے کھی تسلی بخش جواب نہیں‌ دیا. حال ہی میں ان کا ایک انٹرویو ہوا س میں ان سے جب شادی نہ کرنے کا سوال ہوا تو انہوں نے کہا کہ میں اپنی زندگی میں بہت اچھے مردوں سے بھی ملی ہوں میری دوستی بھی رہی ہے لیکن مجھے لگا کہ ان کی ترجیحات میں میرے لے پالک بچے نہیں ہیں‌ جن کو میں‌جان سے لگا کر رکھتی ہوں. میری بیٹی کو ایک خاص عمر تک میری ضرورت ہےمجھے اس وقت بھی دینا ہے. سشمیتا سین نے کہا کہ میری زندگی میں‌جو بھی آیا میرے بچوں‌ نے کھلے دل سے ان کو قبول کیا.سشمیا سین نے اس انٹرویو میں یہ بھی کہا کہ مجھے کسی بھی چیز یا فیصلے کا کوئی پچھتاوا نہیں ہے.

یاد رہے کہ سشمیتا سین کا نام کئی مردوں کے ساتھ جوڑا جاتا رہا ہے ان کی دوستیاں کافی لوگوں سے تھیں پاکستانی کرکٹر وسیم اکرم سے بھی ان کے اچھے تعلقات تھے. سشمیا سین کافی وقت سے روہمن شال کے ساتھ دوستی کے بندھن میں تھیں لیکن روہمن شال کے ساتھ بھی انہوں نے پچھلے برس علیحدگی اختیار کر لی ہے. روہمن شال سے سشمیتا کی دوستی 2018 میں انسٹاگرام کے ڈی ایم میں ہوئی تھی.سشمیا سین نے مس یونیورس کا خطاب 1994 میں‌پایا تھا ان کے ساتھ اسی مقابلے میں ایشوریا رائے کو مس ورلڈ کا خطاب ملا.

کائنات کی حسین لڑکی کا خطاب پانے والی اداکارہ و ماڈل سشمیتا سین نے حال ہی میں اکشے کمار کی اہلیہ ٹوئنکل کھنہ کو ایک انٹرویو دیا ہے. اس انٹرویو میں انہوں نے بتایا کہ جب میں مس یونیورس کا خطاب جیت کر وطن واپس آئی تو مجھے ہدایتکار مہیش بھٹ ملے اور کہا کہ وہ چاہتے ہیں کہ میں ان کی فلم میں کام کروں میں نے ان سے کہا کہ لیکن میں تو ایکٹنگ نہیں‌کر سکتی لیکن ان کے اصرار اور وژن کو دیکھتے ہوئے میں نے ہاں کردی. انہوں نے کہا کہ مہیش بھٹ نے ان کو ایک سین دیا جس میں ان کو غصہ دکھانا تھا انہوں نے وہ سین بہت اچھے سے کیا لیکن مہیش بھٹ نے کہا کہ آپ یہ کام نہیں کر سکتیں انکی اس بات نے سشمیتا سین کو

بہت زیادہ ناراض کر دیا وہ یہ بات سن کر سیدھا مہیش بھٹ کے پاس گئیں اور کہا کہ آپ ایسا مجھے نہیں کہہ سکتے اور یہ کہہ کر سشمیتا وہاں سے چل دیں. جب وہ وہاں سے جانے لگیں تو مہیش بھٹ نے ان کا ہاتھ پکڑ کر کہا کہ ایسا نہیں‌ ہے تم نے اچھا کام کیا ہے چلو واپس سیٹ پر اور کام کرو.سشمیتا نے بتایا کہ مجھے اصل میں ناراض کرنے کےلئے مہیش بھٹ نے ایسا کیا اور وہ اپنے مشن میں‌ کامیاب بھی ہوگئے. یاد رہے کہ سشمیتا سین نے بہت کم فلموں میں‌ کام کیا ہے ان کے کریڈٹ پر کافی اچھی فلمیں‌ ہیں انہوں نے شاہ رخ اور سلمان خان کے ساتھ کام بھی کیا.

شعیب منصور کی فلم ورنہ سے شہرت پانے والے ہارون شاہد نے حال ہی میں‌ کہا ہے کہ میں نے نوٹس کیا ہے کہ اس انڈسٹری میں نئے آنے والوں کی بجائے پرانے آرٹسٹ زیادہ عاجز ہیں ان کے رویوں میں زیادہ لچک ہے. نئے لوگ اپنی شرائط کے ساتھ آگے بڑھنا چاہتے ہیں. انہوں نے مثال دیتے ہوئے احسن خان کا نام لیا اور کہا کہ میں نے تو احسن خان کو لوئر سٹاف کے ساتھ بدتمیزی کرتے ہوئے نہیں دیکھا لیکن نئے لوگوں‌ کو ایسا ضرور کرتے دیکھا ہے حالانکہ

انکو یہ بھی نہیں پتہ ابھی کے انہوں نے خود کو اس انڈسٹری میں کیسے لیکر چلنا ہے. یوں ہارون شاہد نے کھل کر کیا انڈسٹری میں نئے آنے والوں کے ساتھ گلہ شکوہ. یاد رہے کہ ہارون شاہد ماضی قریب میں‌ ماہرہ خان کے ساتھ ڈرامہ سیریل ہم کہاں کے سچےتھے میں نظر آئے ہارون اس سے پہلے بھی ماہرہ خان کے ساتھ شعیب منصور کی فلم ورنہ میں‌ ہیرو کے طور پر نظر آچکے ہیں.ہارون شاہد ایک اچھے اداکار ضرور ہیں لیکن ابھی تک ان کا کوئی بھی ایسا کردار یا پراجیکٹ سامنے نہیں آ سکا کہ جس سے یہ ثابت ہو کہ یہ صف اول کے اداکاروں کی دوڑ میں شامل ہیں. ورنہ فلم کے بعد ابھی تک ہارون شاہد کسی ایک بھی فلم میں‌ نظر نہیں آئے،اب یہ تو ہارون شاہد ہی بتا سکتے ہیں کہ اصل وجہ کیا ہے ہم تو یہی کہہ سکتے ہیں‌کہ انہیں کسی فلمساز نے کاسٹ نہیں کیا یا خود ابھی فلم ان کی ترجیحات میں نہیں ہے.

عالیہ بھٹ اور رنبیر کپور جن کی شادی رواں برس اپریل میں ہوئی اور اب وہ دونوں والدین بھی بننے والے ہیں.رپورٹس کے مطابق عالیہ بھٹ اور ان کی ساس نیتو کپور کی آپس میں کافی دوستی ہے لیکن اس کے باوجود وہ اپنی ساس کے ساتھ ان کے گھر میں نہیں رہیں گی انہوں نے اپنی شادی سے قبل ہی اپنے الگ گھر کی تلاش شروع کر دی تھی اور انہوں‌ نے ممبئی کے مہنگے ترین علاقے میں اپنا اپارٹمنٹ خریدا ہے خوبصورت اس اپارٹمنٹ میں عالیہ اور رنبیر اپنی نئی زندگی کی شروعات کرنے جا رہے ہیں. میڈیا رپورٹس کے مطابق رنبیر کپور چاہتے تھے کہ ان کے گھر کی ہر چیز مہنگی ہو اس کے لئے انہوں‌ نے پانی کی طرح‌ پیسہ بہایا اور

گھر کی سجاوٹ کروائی شاہ رخ خان کی بیوی گوری خان سے .جی ہاں گوری خان نے عالیہ بھٹ اور رنبیر کپور کے گھر کو عالیشان بنایا ہے. عالیہ اور رنیبر کا گھر دیکھنے سے تعلق رکھتا ہے گوری خان نے اسکا انٹیرئیر اتنے خوبصورت انداز میں کیا ہے کہ لگتا ہے کہ جیسے کہ یہ کوئی محل ہے. عالیہ اور رنبیر کے گھر کے پاس عامر خان اور ورن دھون بھی رہتے ہیں اور عالیہ کے سسرال والے بھی ارد گرد ہی رہتے ہیں. دونوں کا اپارٹمںٹ ممبئی کی ایک مہنگی ترین بلڈنگ کی بارہویں منزل پر ہے. یاد رہے کہ عالیہ نے چند روز قبل اپنے پرستاروں سے ممی بننے کی خبر انسٹاگرام پر شئیر کی تھی جس کے بعد سے ابھی تک ان کو مبارکبادیں موصول ہو رہی ہیں.

اجے دیوگن اور کاجول کی بیٹی نیسا دیوگن اور گوندا کا بیٹا ہرش وردھن شادی کے بندھن میں بندھیں گے ایسی خبریں تسلسل سے آرہی ہیں. دونوں ایک دوسرے کے ساتھ گھومتے پھرتے بھی دکھائی دیتے ہیں. اجے دیوگن کی بیٹی نیسا نے اپنے سسر گوندا کے سامنے شادی کرنے کےلئے تین شرائط رکھ دی ہیں پہلی شرط یہ ہے کہ ہمارے اور آپ کے خاندان میں برابری ہو گی ہم لڑکی والے ہیں ایسا کوئی پریشر نہیں دیا جائیگا. دوسری شرط یہ کہ میں جس طرح کے کپڑے پہنتی ہوں‌ مجھے ویسے ہی پہننے دئیے جائیں گے مجھے یہ نہیں کہا جائیگا کہ میں ان کو تبدیل کروں یا چھوٹے کپڑے نہ پہنوں ہاں میں‌ایسا کوئی کام نہیں کروں گی یا ایسی ڈریسنگ نہیں‌کروں گی کہ جس سے سسر گوندا کو شرمندگی کا سانا کرنا پڑے تیسری اہم شرط یہ رکھی

کہ میں ایکٹنگ کرنا نہیں‌چھوڑوں گی مجھے یہ نہ کہا جائے کہ شادی کے بعد ایکٹنگ چھوڑ دوں، گو کہ میں نے اپنا کیرئیر ابھی شروع نہیں کیا لیکن میں‌ شروع کرنا چاہوں گی اور شروع کرنے سے پہلے ہی اس کو ختم نہیں‌کرنا چاہتی. کہا جاتا ہے کہ گوندا نے اپنی ہونے والی بہو سے کہا تھا کہ وہ شادی کے بعد ایکٹنگ نہیں کریگی اس پر نیسا نے اپنے سسر کے سامنے رکھ دی ہے یہ شرطیں اور امید کی ہے کہ ان شرطوں کو مانا جائیگا. نیسا اپنی والدہ کاجول سے کافی سے متاثر ہیں اور وہ ان جیسی بننا چاہتی ہیں لیکن فی الوقت تو نیسا نے اپنے سسر کے سامنے رکھ دی ہیں تین شرطیں.

ہمایوں سعید کی فلم لندن نہیں‌ جائونگا جو کہ عید الاضحی پر ریلیز ہونے جا رہی ہے اسکا پریس میٹ آج کے دن لاہور میں رکھا گیا تھا لیکن اسے موخر کر دیا گیا ہے. اس حوالے سےکہا جا رہا ہے کہ لندن سے فنکاروں کو واپسی کے ٹکٹ کا ایشو ہو رہا ہے اور سٹار کاسٹ کی عدم دستیابی ہے. ہماری اطلاعات کے مطابق ہمایوں سعید اور مہوش حیات دبئی میں ہیں جبکہ کبری خان لندن میں‌ ہیں. پہلے ہمایوں سعید کی طرف سے کہا گیا کہ وہ آج کے دن لاہور پہنچ کر پریس میٹ میں‌پہنچیں گے. ساری تیاریاں مکمل کی جا چکی تھیں اور میڈیا کو کوریج کے دعوت نامے بھی بھیجے جا چکے تھے لیکن عین ٹائم پر اس پریس میٹ کو موخر کر دیا گیا ہے. نئی تاریخ کا اعلان پوری

سٹار کاسٹ کی دستیابی پر کیا جائیگا. لندن نہیں‌جائونگا کی پرموشن کے لئے پچھلے چند دن سے پوری کاسٹ لندن مینں موجود تھی لیکن ہمایوں سعید اور مہوش حیات دبئی آچکے ہیں کبری خان کے بارے میں اطلاعات یہی ہیں وہ لندن میں‌ ہیں.کہا جا رہا ہے کہ جب تک سٹار کاسٹ پوری نہیں ہو گی پریس میٹ یا لاہور میں پرموشنز شروع نہیں‌ہوں گی.یاد رہے کہ لندن نہیں‌جائونگا پنجاب نہیں‌جائونگی کا ری بوٹ ہے اسے ندیم بیگ نے ڈائریکٹ کیا ہے اور ہمایوں سعید کے ساتھ اس میں گوہر رشید بھی نظر آرہے ہیں جبکہ کبری خان اور مہوش حیات اہم کردار کر رہی ہیں.

ہمارے ہاں بننے والی فلموں کی پرموشن بہت ہی زور و شور سے ہوتی ہے بڑے بڑے دعوے بھی کئے جاتے ہیں لیکن ہوتا کیا ہے کچھ بھی نہیں ۔ یہ فلمیں دو ہفتے بھی پورے نہیں کر پاتیں اور سینما گھروں سے اتر جاتی ہیں۔عید الفطر پر ریلیز ہونے والی دو فلمیں دم مستم اور پردے میں رہنے دو اب ٹی وی پر دکھائی جائی عید الاضحی کے اس موقع پر شائقین ان فلموں کے ساتھ کھیل کھیل میں بھی دیکھ سکیں گے ۔ پردے میں رہنے دو میں ہانیہ عامر کے علی رحمان خان ہیں ، دم مستم میں عمران اشرف اور امر خان ہیں امر خان نے یہ فلم خود لکھی بھی ہے اور عمران اشرف کی یہ پہلی فلم ہے۔کھیل کھیل میں سجل علی اور بلال عباس خان ہیں ۔ تینوں فلمیں سینما گھروں میں گوکہ بہت اچھا بزنس نہیں کر سکیں لیکن یقینا ان کی کہانیاں فیملی

اورینٹڈ ہی تھیں ۔ تینوں فلموںکا میوزک بھی اچھا ہے ۔فلم پردے میں رہنے دوکو وجاہت رﺅف اور شازیہ وجاہت نے ڈائریکٹ کیا ہے۔ دم مستم کے ڈائریکٹر احتشام الدین ہیں اور پرڈیوسر اختر حسین کے ساتھ عدنان صدیقی ہیں۔عدنان صدیقی تو فلم کی پرموشن کرنے کے لئے جب لندن پہنچے تو وہ میاں نواز شریف کے گھر بھی گئے اور ان کو بھی فلم دیکھنے کی دعوت بھی دی ۔فلم کھیل کھیل کے ڈائریکٹر نبیل قریشی ہیں ۔

بونی کپور کے صاحبزادے ارجن کپور جو اپنی گرل فرینڈ ملائکہ اروڑا کے ساتھ اپنی سالگرہ منانے کےلئے پیرس گئے تھے ممبئی واپس پہنچ چکے ہیں ۔دونوں نے وہاں سے اپنی تصاویر جاری کیں ان تصاویر میں دیکھا جا سکتا ہے کہ کپل نے ان چھٹیوں کو بھرپور انداز سے منایا ہے۔ان کی تصاویر کے سوشل میڈیا پر کافی چرچے رہے یہاں تک کہ دونوں کا پیرس ٹرپ مختلف ویب سائٹ پر آنے والی خبروں کی زینت بنا رہا ۔ارجن کپور حال ہی میں سینتیس برس کے ہوئے ہیں اور اس بار انہوں نے اپنی برتھ ڈے پیرس اپنی گرل فرینڈ کے ساتھ منانے کو ترجیح دی۔ ارجن کپور ملائکہ اروڑا سے گیاراں برس چھوٹے ہیں۔ ارجن کپور سے جب سوال

ہوا کہ آپ اور ملائکہ اروڑا کب شادی کے بندھن میں بندھیں گے تو انہوں نے کہا کہ تھا ہم ایک دوسرے کے ساتھ اسی طرح سے خوش ہیں ہمیں شادی کی ضرورت نہیں ہے جب لگے گا کہ شادی کر لینی چاہیے تو ہم یقینا کر لیں گے ۔ لیکن اس کے باوجود ان دونوں کا رشتہ اور شادی کی خبریں زیر بحث ہیں ۔ یاد رہے کہ ملائکہ اروڑا نے سلمان خان کے بھائی ارباز خان کے ساتھ محبت کی شادی کی تھی شادی کے اٹھاراں برس کے بعد دونوں کے ایک دوسرے علیحدگی اختیار کر لی دونوں نے اس علیحدگی کے حوالے سے میڈیا پر کچھ خاص بات نہیں کی۔

اداکار ہ زارا نور عباس اور ان کے شوہر اداکار اسد صدیقی چھٹیاں منانے کے لئے لندن پہنچے ہوئے ہیں زارا نور اور اسد دونوں اس ٹوور کی خوبصورت تصاویر سوشل میڈیا پر خوبصورت کیپشنز کے ساتھ شئیر کررہے ہیں تصویروں میں دیکھا جا سکتا ہے کہ دونوں کتنے خوش ہیں۔ زارا نور عباس اور اسد صدیقی دونوں کی یہ محبت کی شادی ہے دونوں اپنی اپنی زندگیوں میں پہلے چوٹ کھا چکے ہیں لیکن جب سے ان دونوں نے ایک دوسرے کا ہاتھ تھاما ہے دونوں کا فی خوش ہیں اور وہ خوشی ان کے چہروں سے نظر آتی ہے۔یاد رہے کہ اسد صدیقی عدنان صدیقی کے رشتہ

دار ہیں جبکہ زارا نور عباس بشری انصاری کی رشتہ دار ہیں ان کی ماں اسما عباس اور بشری انصاری دونوں بہنیں ہیں۔ زارا نور عباس کو شروع میں اداکاری کرنے کی اجازت نہیں تھی ایک ڈرامہ کرنے کے بعد انہوں نے کچھ بریک لیا اس کے بعد انہوں نے دوبارہ ایکٹنگ کی طرف دھیان دیا اور پھر اپنی صلاحیتوں کا لوہا منوایا ۔انہوں نے کامیڈی اور سنجیدہ دونوں کرداروں میں خود کو منوایا آج زارا کا شمار بہترین اداکاراﺅں میں ہوتا ہے۔اسی طرح سے اسد صدیقی نے بھی اپنا آپ منوایا ہے لیکن وہ زیادہ تر سنجیدہ کردار کرتے ہیں ان کو کامیڈی کرداروں میں کافی کم دیکھا گیا ہے۔لیکن دونوں کی جوڑی کو کافی سراہا جاتا ہے ۔

اقرا عزیز اور یاسر حسین اپنے بیٹے کبیر حسین کے ساتھ آج کل چھٹیاں منانے کے لئے دبئی گئے ہوئے ہیں۔دونوں نے مصروفیت سے تھوڑی بریک لینے کےلئے ملک سے باہر جانے کو ترجیح دی، دونوں اپنی خوبصورت تصاویر سوشل میڈیا پر شئیر کررہے ہیں جنہیں ان کے پرستار کافی پسند کررہے ہیں۔یاد رہے کہ یاسر حسین اور اقرا عزیزنے پسند کی شادی کی تھی اور یاسر اقرا سے تیراں سال بڑے بھی ہیں۔ یاسر حسین کو اکثر سوشل میڈیا پر اس قسم کی تنقید سننی پڑتی ہے کہ یاسر تو اقرا کے باپ لگتے ہیں۔اس حوالے سے یاسر کہتے ہیں کہ مجھے ایسی باتوں سے فرق نہیں پڑتا ۔یاسر کہتے ہیں کہ میں بہت خوش قسمت ہوں کہ مجھے اقرا جیسی ذمہ دار یبوی ملی وہ جس طرح سے میرے بچے کا خیال رکھتی ہے میں حیران ہوتا ہوں اور سوچتا ہوں کہ ماں بننا کتنا مشکل کام ہے کتنی ذمہ داری والا ہے کام ہے ۔

حال ہی میں یاسر حسین کی دو فلمیں ریلیز ہوئیں ایک کا نام پیچھے تو دیکھو اور دوسری چوہدری ہے ،پیچھے تو دیکھو کی پرموشن میں یاسر حسین آگے آگے دیکھے گئے لیکن چوہدری فلم کی پرموشن میں وہ کہیں بھی نہیں دیکھے گئے وجوہات کیا ہیں یہ تو یاسر ہی بتا سکتے ہیں۔ اقرا عزیزکی صلاحیتوں کے تو سبھی معترف ہیں وہ اپنے ہر کردار سے ثابت کرتی ہیں وہ نمبر ون اداکارہ ہیں جن کا کوئی مقابلہ نہیں ہے۔