چھوٹی سکرین کی بڑی اداکارہ حرامانی کہتی ہیں کہ وہ پنجابی گلوکارہ نصیبو لعل کی آواز سے بے پناہ محبت کرتی ہیں انہوں نے سوشل میڈیا پر نصیبو لعل کے ایک گانے کی وڈیو لگائی اور کیپشن میں لکھا کہ میں نصیبو کی آواز سے محبت کرتی ہوں۔نصیبو لعل جنہیں اکثر ان کے پنجابی گانوں کی وجہ سے تنقید کا نشانہ بنایا جاتا ہے وہ نہایت ہی سادہ دل کی سادی خاتون ہیں اور بہترین گلوکارہ ہیں لیکن ستم ظریفی ہے کہ ان کے ٹیلنٹ سے اچھی طرح فائدہ نہیں اٹھایا گیا انہیں زیادہ تر ولگر گانے ،گانے کو دئیے گئے ۔اس حوالے سے نصیبو لعل کہتی ہیں کہ میں کیا کر سکتی ہوں آرٹسٹ ہوں میرے ساتھ پیٹ لگا ہوا ہے مجھے جوملے گا میں تو گاﺅں گی۔ یاد رہے کہ نصیبو لعل نے جب پی ایس ایل کا اینتھم گایا تھا اس وقت ان پر کافی تنقید کی گئی تھی

کہ نصیبو کو یہ گانا کیوں دیا گیا ہے ۔اس کے بعد بی بی سی نے جب نصیبو لعل کا انٹرویو کیا تو وہ رو پڑیں تھیں اور انہوں نے کہا تھا کہ میں اپنے وطن سے بہت محبت کرتی ہوں اور میں شکر گزار ہوں کہ مجھے اس طرح کا اینتھم گانے کا موقع میسر آیا ۔ ناقدین کے لئے وہ کہتی ہیں کہ کسی کو اچھا لگے تو اس کی مہربانی اور کسی کو برا لگے تو کوئی بات نہیں ۔ضروری نہیں ہے کہ ہر فنکار کو ہر کوئی پسند کرے ، پسند نہ پسند ہر کسی کی ہوتی ہے۔

بغیر ڈر خوف کے دل میں جو آئے وہ بول دینے والے رائٹر خلیل الرحمان قمر کہتے ہیں کہ غلطیاں ہم سب سے ہوجاتی ہیں ہم سب غطیاں کرتے ہیں ۔عامر لیاقت سے بھی ہوئیں اللہ ان کو جنت میں جگہ دیں لیکن ان کے ساتھ بہت غلط ہوا۔میری اپنی ذاتی یہ رائے ہے کہ ان کو ایک نیک اور دیندار لڑکی سے شادی کرنی چاہیے تھی ۔جس طرح کی لڑکی سے شادی کی انہوں نے تو نیتجہ یہی ہونا تھا اور اسی نیتجے نے ان کو مارا ۔وہ بھی کیا بیوی ہوگی جس نے اپنے شوہر کی پرائیویٹ تصاویر اور وڈیوز بنائیں اور پھر سوشل میڈیا پر جاری کر دیں ۔شرم آنی چاہیے ایسی بیوی کو، جو دانیہ نے کیا ہے ایسا کسی لڑکی کے ساتھ ہو تو طوفان اٹھ جاتا ہے میرے حساب سے ایسی عورت کو سنگسار کر دینا چاہیے۔

یاد رہے کہ ڈاکٹر عامر لیاقت مردہ حالت میں اپنے کمرے میں پائے گئے وہ شدید ڈپریشن کی حالت میں تھے ان کی اہلیہ دانیہ شاہ نے ان کی برہنہ وڈیوز اور تصاویر جاری کر دیںتھی۔ دوسری طرف خلیل الرحمان قمر کو دیکھا جائے تو وہ ہر معاملے میں کھل کر بیان دیتے ہیں اور وہ لگی لپٹی نہیں رکھتے ۔یہی وجہ ہے کہ ان کی ہر بات پہ انہیں آڑھے ہاتھوں لیا جاتا ہے ۔لیکن وہ پھر بھی وہی کہتے اور کرتے ہیں جو انکے دل میں ہوتا ہے۔

ماضی کے سینئر اداکار توقیر ناصر کہتے ہیں کہ آج کل جس طرح کا کام ہو رہا ہے میں اس سے دور ہی اچھا ۔ہم نے اپنا نام چار دہائیوں میں بنایا ہم اس طرح سے ان کے ساتھ اس طرح کا کام کرکے خود کو ضائع نہیں کرنا چاہتے ۔نہ کوئی ڈائیلاگز، نہ کہانی ہوتی ہے نہ کوئی سکرپٹ ہوتا ہے ڈائریکٹر تو سرے سے ہی نہیں ،نہ بڑے چھوٹے کی تمیز ہے نہ ہی آرٹسٹ کو وہ عزت ملتی ہے جو ملنے کا حق ہے۔کاسٹنگ تو پراپر ہوتی ہی نہیں ہے ،مس کاسٹنگ کی جا رہی ہے جو ملا اسکو کھڑا کر لیا اور سین کر والیا ایسے تھوڑی ہوتا ہے ایسی چیزیں میری برداشت سے

باہر ہیں۔کام کی صورتحال اتنی خراب ہے کہ کیا بتایا جائے، بیٹھنے کی صحیح سے جگہ نہیں ہوتی اور آرٹسٹ کو کہا جاتا ہے کہ جی آپ آٹھ گھنٹے پورے کریں بھئی کیسے آٹھ گھنٹے پورے کریں پہلے ورکنگ کنڈیشنز تو بہتر کر لو۔پی ٹی وی کا دور بہت بہتر تھا اس میں آرٹسٹ کی عزت کی جاتی تھی ۔ میں تو اپنے سیئنر ساتھیوں سے بھی کہتا ہوں کہ کیسے آپ ایسے حالات میں کام کررہے ہیں فردوس جمال سے بھی میں نے ایسا کہا، اب فردوس جمال و دیگر یہ سب بڑے نام ہیں ،کسی سینئر کے تو پروٹول کا تصور ہی نہیں ہے وہ کھڑا ہے تو کھڑا ہے ۔ میں اس لئے ٹی وی پر نظر ہی نہیں آتا۔

اداکارہ شائستہ جبین اپنے نام کی طرح کی شائستہ ہیں انہوں نے اپنے حالیہ انٹرویو میں کہا ہے کہ فلم گھبرانا نہیں ہے مجھے آفر ہوئی تھی اور میں نے کام کی مصروفیت کی وجہ سے چھوڑ دی ۔ اچھا کردار تھا اور کردار تھا بھی صباقمر کی والدہ کا ۔ انہوں نے مزید کہا کہ فلم بھی اچھی تھی ڈائریکٹر پرڈیوسر اور ساری کاسٹ کے ساتھ میری کافی اچھی سلام دعا تھی لیکن میں ڈراموں کی شوٹنگ میں بے حد مصروف تھی اور چاہ کر بھی ڈیٹس نہیں دے پا رہی تھی۔کسی بھی کردار کو چھوڑنے کا کبھی افسوس نہیں ہوتا کیونکہ جس کے نصیب کا کام ہوتا ہے وہ اسکو مل جاتا ہے اس لئے میں افسوس نہیں کرتی مزید کسی اچھے موقع کی منتظر رہتی ہوں۔

شائستہ جبین نے کہا کہ ایسا نہیں ہے کہ میں فلموں میں کام نہیں کرنا چاہتی مجھے کوئی اچھا کردار آفر ہو گا تو میں یقینا کروں گی اور کرنا بھی چاہیے کیونکہ میرے مداح مجھے بڑی سکرین پر دیکھنا چاہتے ہیں۔ میں آج کل جس ڈرامے کی شوٹ کروا رہی ہوں اس میں میرا کردار کافی مختلف اور روٹین سے ہٹ کر ہے۔میں اس میں گھروں میں کام کرنے والی بنی ہوئی ہوں میرے ساتھ کاسٹ میں علی عباس بھی شامل ہیں مجھے امید ہے کہ شائقین میرے اس کردار میں مجھے بہت سراہیں گے۔میں کردار سائن کرتے وقت یہ ضرور دیکھتی ہوں کہ کہیں میرے پرستار بور تو نہیں ہوجائیں گے ۔

ستر کی دہائی کی بولڈ اور بیوٹی فل اداکارہ زینت امان جو اپنے زمانے میں فشین آئی کون کے طور پر بھی جانی جاتی تھیں. انہوں نے اپنے حالیہ انٹرویو میں کہا ہے کہ مجھے ہر قسم کے کرداروں میں سراہا گیا یہاں تک کہ میں نے اگر منشیات کی عادی لڑکی کا کردار بھی کیا تو اسکو بھی بہت سراہا گیا.اچھی بری لڑکی ہر طرح‌ کے کردار لکھے گئے جن کو میں‌نے نبھایا. زینت نے مزید کہا کہ جب میں نے اپنا ایکٹنگ کیرئیر شروع کیا تو میں کم عمر تھی اور جب میں ماں بنی تو مجھے کام چھوڑنا پڑا. میں بہت خوش قسمت ہوں کہ مجھے دیو آنند، راج کپور ، شمی کپور ، منوج کمار ، امجد خان ،فیروز خان اور سنجے خان جیسے اداکاروں اور ہدایت کاروں کے ساتھ کام کرنے کا موقع ملا.انہوں نے مزید کہا کہ ہرے راما ہرے کرشنا اور ستیم شیوم سندرم ان کے

کیرئیر کی مشکل ترین فلمیں تھیں.زینت نے کہا کہ میں نے کبھی یہ نہیں پوچھا تھا کہ میرے مد مقابل کون سا اداکار ہےاور نہ ہی اس حوالے سے میں‌ کبھی پریشان ہوئی تھی. میں‌ ہر کسی کے ساتھ بھی سین کر لیتی بس مجھے کیمرے کے پیچھے ایک اچھے ہدایت کار اور مصنف کی ضرورت تھے.یاد رہے کہ زینت امان کو آخری بار آتشوتوش گوریکر کی فلم پانی پت میں دیکھا گیا جس میں انہوں نے سکینہ بیگم کا کردار ادا کیا تھا اس میں ان کے سنجے دت، ارجن کپور اور کریتی سینن تھیں.

گلوکارہ اور اداکارہ رہنے والی رابی پیرزادہ جو مستقل طور پر شوبز کو خیرباد کہہ چکی ہیں وہ آج کل قربانی کے جانور فروخت کر رہی ہیں.رابی پیرزادہ کے پرستاروں کے لئے یہ بات کافی انوکھی تھی کہ رابی نے یہ کیا کام شروع کر دیا ہے. رابی پیرزادہ نے بتایا کہ میں نے عید کی مناسبت سے چھوٹے اور بڑے جانور لیکر رکھے تھے اور ان کو اپنے فارم ہائوس پر بھی رکھا ہوا تھا، کافی عرصہ سے ان کو خالص خوراک کھلائی جا رہی تھی میں نے سوچا تھا لوگوں کو ایسے جانور فروخت کروں جو صحت مند ہوں اور جنہوں نے خالص خوراک کھائی ہو.اب جبکہ عید الاضحی کی آمد آمد ہے لوگ جانوروں کی خریداری کررہے ہیں اس لئے میں نے قربانی کے جانوروں کو فروخت کرنا شروع کر دیا

ہے.انہوں نے مزید یہ کہا کہ قربانی کے جانوروں‌ کی قیمت مناسب ہونی چاہیے تاکہ لوگ اسے خرید سکیں کیونکہ بہر حال قربانی کرنے کی خواہش ہر کسی کی ہوتی ہے.رابی پیرزادہ نے مزید کہا کہ میں ابھی تک کافی جانور فروخت کر چکی ہوں اور اندازہ لگائیں کہ پہلی کھیپ ختم ہو چکی ہے اب دوسری کھیپ میں جانور فروخت کررہی ہوں.
یاد رہے کہ رابی پیرزادہ گلوکاہ اور اداکارہ تھیں ان کی کچھ نامناسب وڈیوز عام ہوئیں تو انہوں نے شوبز سے بالکل علیحدگی اخیتار کر لی اور برقعہ پہننا شروع کر دیاتھا.ان کے پرستار ان کو اس روپ میں بھی کافی پسند کرتے ہیں.

پوری دنیا کی طرح ٹک ٹاک ایپ پاکستان میں بھی بہت مقبول ہے زیادہ تر تو یہاں نوجوان لڑکے لڑکیوں کی وڈیوز دیکھنے کو ملتی ہیں لیکن اب ہم سینئر اداکارہ شگفتہ اعجاز کو بھی دیکھ رہے ہیں. سینئیر اداکارہ شگفتہ اعجاز ٹک ٹاک پر مختلف وڈیوز بنا کر پوسٹ کرتی رہتی ہیں اور ان کی وڈیوز ایسی نہیں‌ہیں کہ جس میں‌کوئی چھچھورا پن ہو بہت ہی صوبر انداز میں وہ ٹک ٹاک کا استعمال کررہی ہیں.اگر ان کی ہم عصر اداکارائوں کو دیکھیں تو مشکل سے ہی کوئی اداکارہ ٹک ٹاک پر نظر آئینگی. اگر ہم یہ کہیں ٹک ٹاک شفگتہ اعجاز پہلی سیئنر اداکارہ ہیں تو بے جا نہ ہو گا. شگفتہ اعجاز کہتی ہیں کہ ٹاک ہنسی مذاق کے ساتھ اصلاح کا بھی ایک پلیٹ فارم ہے.

شگفتہ اعجاز کےبرعکس اگر ہم بشری انصاری کو دیکھیں تو وہ سوشل میڈیا اور مختلف قسم کی ایپس کے غلط استعمال پر کافی نالاں دکھائی دیتی ہیں. ان کی طرح بہت سارے ایسے سینئر فنکار ہیں جو مختلف قسم کی ایپس کا استعمال پسند نہیں کرتے.بشری انصاری نے تو ان ایپس اور سوشل میڈیا کے پلیٹ فارمزکو گند کا ٹوکرا کہہ دیا تھا. شگفتہ اعجاز کافی مصروف اداکارہ ہیں وہ یقینا وقت نکال کر اس ایپ کےلئے وڈیوز بنا رہی ہیں ان کی وڈیوز کو بہت زیادہ سراہا بھی جا رہا ہے.اداکارہ عموما سیریس کونٹینٹ بناتی ہیں.

شوبز سلیبرٹیز کیا کررہی ہیں کیا نہیں اس حوالے ان کے پرستار جانکاری رکھتے ہیں میڈیا یا سوشل میڈیا پر کوئی غلط خبر بھی چلا دی جائے تو وہ ایسے وائرل ہوجاتی ہے کہ متعلقہ سلیبرٹی کو تردیدیں کرنی پڑتی ہے. ایسا ہی ہوا عالیہ بھٹ کے ساتھ انہوں نے اپنے حاملہ ہونے کی خبر جب سوشل میڈیا پر شئیر کی تو مبارکبادوں کے ساتھ من گھڑت باتیں بھی ان کے ساتھ منسوب کی جانے لگیں کبھی ان کے اور کبھی ان کے شوہر رنیبر کے حوالے سے خبریں سننے کو ملتی رہیں.یہاں تک بھارتی میڈیا پر چلا کہ عالیہ بھٹ کے حاملہ ہونے کی وجہ رنبیر انکو لندن لینے جائیں گے عالیہ بھٹ کو اس حوالے سے صفائی دینی پڑی انہوں نے کہا کہ ایسا کچھ نہیں ہے.اسی طرح‌ سے بھارتی میڈیا کی جانب سے الٹی سیدھی رپورٹنگ کی جا رہی ہے. یہ تک کہہ دیا گیا کہ بچے کی وجہ سے عالیہ کام سے بریک لیں گی. ہماری

پاکستانی دو اداکارائوں نے بھارتی میڈیا کے غری ذمہ دارانہ رپورٹنگ پر سوال اٹھائے اور کہا کہ ہم تو سوچتے تھے کہ ہمارے ہاں ہی ایسا ہوتا ہے لیکن بھارت میں بھی ایسا ہوتا ہے.زارا نو عباس نے کہا کہ کیوں‌لوگوں‌کو لگتا ہے کہ حاملہ ہونے والی لڑکیاں کام نہیں کر سکتیں.اسی طرح درفشاں نے بھی کہا کہ م شادی کر سکتے ہیں اور بچے بھی پیدا کر سکتے ہیں، شادی زندگی کا حصہ ہے، لوگوں کو خواتین کو کیریئر کے اہداف سے متعلق بتانے کی ضرورت نہیں۔ان دونوں اداکارائوں کی اس پوسٹ کو بہت سراہا جا رہا ہے.

اے پی ایس سانحہ پر آج تک ہر کوئی افسردہ ہے اس حملے میں مائوں کے جگر گوشے ان سے چھن گئے.اس سانحے میں چند بچے معجزانہ طور پر بچ بھی گئے تھے لیکن وہ اتنے خوفزدہ تھے کہ نہ وہ کچھ بولتے تھے نہ کسی سے ملتے تھے لیکن وقت کے ساتھ ساتھ وہ بچے نارمل زندگی کی طرف لوٹے. ایک ایسا ہی بچہ احمد نواز بھی ہے جو اُن بچوں میں شامل تھا جن پر ظلم ہوا لیکن خدا کی کرنی ایسی ہوئی کہ یہ بچ گیا نہ صرف بچ گیا بلکہ زندگی کی طرف بھی واپس لوٹا. .آج احمد نواز آکسفورڈ یونین کا صدر منتخب ہوا ہے. اداکار و گلوکار علی ظفر نے ٹویٹر پر ایک پوسٹ کی، اس پوسٹ میں انہوں نے احمد نواز کی ایک تصویر لگائی اور لکھا

کہ آکسفورڈ یونین کا صدر منتخب ہونے پر آپکو میری طرف سے مبارک ہو.انہوں نے مزید لکھا کہ احمد نواز کا اے پی ایس سانحے میں معجزانہ طور پر بچ جانا اور آج آکسفورڈ یونین کا صدر منتخب ہونا اس بات کی دلیل ہے کہ چاہے بم چلائے جائیں یا گولیاں یہ چیزیں کسی کا حوصلہ نہیں‌توڑ سکتے ہمیں آپ پر فخر ہے آپ اسی طرح سے کامیابیاں سمیٹتے رہیں.علی ظفر کی اس پوسٹ کے نیچے بہت سارے صارفین نے کمنٹس کرکے احمد نواز کے حوصلے اور ہمت کو سراہا اور ان کو آکسفورڈ یونین کا صدر منتخب ہونے پر مبارکبادیں دیں.