Category: شوبز

ڈرامہ سیریل دوبارہ جو شاید اپنی نوعیت کا پہلا ڈرامہ رہا ہے جس کے بارے میں چینل کو دو بار لکھنا پڑا کہ اسکی آخری قسط نشر ہو گی لیکن ایسا نہ ہو سکا بلکہ ڈرامے کی قسطوں کو بڑھایا گیا اور یوں گزشتہ رات اس ڈرامے کی آخر کار آخری قسط نشر ہوگئی ۔ ڈرامے کو شائقین نے بے حد پسند کیا اس کی کہانی معاشرتی رویوں پر سوال اٹھاتی ہے اور دیکھنے والوں کو سبق بھی دیتی ہے کہ ہر کسی کو اسکی زندگی پر حق ہے اسکو اسکی مرضی کے مطابق جینے دیا جائے ۔کہانی میں بتایا گیا کہ کس طر ح سے کم عمر لڑکی کی شادی اس سے دگنی عمر کے آدمی کے ساتھ کر دی جاتی ہے اور یوں اس لڑکی کا

الٹہر پن ، اسکی تمام خواہشات کہیں دفن ہو کر رہ جاتی ہیں او ر جب اسے اپنی زندگی اپنے مطابق جینے کا موقع ملتا ہے تو وہ رسموں کی تما م زنجیریں توڑ کر آگے نکل جاتی ہے اور سوسائٹی کی پرواہ نہیں کرتی ۔اس کہانی میں یہ بھی دکھایا گیا ہے بعض اوقات جذبات میں آکر کئے گئے فیصلے کل کو پچھتاوے کا باعث بھی بنتے ہیں ۔
یاد رہے کہ ڈرامے میں مرکزی کردار حدیقہ کیانی اور بلال عباس نے ادا کئے ہیں اس کے علاوہ شبیر جان اورزویاادیب بھی اہم کرداروں میں نظر آئے ۔نعمان اعجاز مہمان اداکار کے طور پر ڈرامے میں دکھائی دئیے۔ڈرامے کی کہانی پر شروع میں بہت اعتراضات کئے گئے لیکن جیسے جیسے کہانی آگے بڑھتی گئی تو وہ اعتراضات بھی ختم ہو تے گئے۔کہانی کی بُنت بہت زبردست ہے کہیں کوئی جھول نظر نہیں آتی ۔

اداکارہ نوال سعید جو آج تک ہمیں ٹی وی ڈراموں میںہی نظر آئی ہیں وہ اب فلم پیچھے تو دیکھو کے زریعے بڑی سکرین پر اینٹری دینے کے لئے تیار ہیں ۔ان کا کہنا ہے کہ یہ میری پہلی فلم ہے اور میں بہت زیادہ خوش ہوں۔نوال کا کہنا ہے کہ ڈائریکٹر عاطف علی کے ساتھ ڈرامہ کر چکی ہوںاس ڈرامے کا نام تھا ”بے زبان“ ۔ انہوں نے مجھے کہا کہ میں ایک فلم لکھ رہا ہوں اور تمہارے لئے خصوصی طور پر ایک کردار ہے مجھے لگتا ہے کہ تم اسکو بہت اچھے سے کرو گی جب میں نے کردار سنا تو حامی بھر لی ۔پاکستان کی یہ پہلی کامیڈی ہارر فلم ہے یوں کہیے کہ پاکستان کی یہ پہلی کوشش ہے اسے ہاتھ سے جانے نہ دیں ضرور دیکھیں آپ لطف اندوز ہوں گے ۔

نوال سعید نے کہا کہ میں کسی کے دماغ میں نہیں گھس سکتی نہ ہی کسی کی پسند نہ پسند کو جان سکتی ہوں جو یہ کہوں کہ یہ فلم لوگوں کو کیسی لگے گی لیکن یہ ضرور ہے کہ ایک بار دیکھنے والے یہ ضرور کہیں گے کہ اچھی کوشش کی گئی ہے ۔اس فلم میںپئیر کسی کا کسی کے ساتھ نہیں ہے میرا پئیر عدیل عادی کے علاوہ جنید اختر کے ساتھ بھی دکھایا گیا ہے دو گھنٹے کی اس فلم میں ہر وہ چیز دیکھنے کو ملے گی جو موڈ کو اچھا کر دے ۔حالانکہ یہ میری پہلی فلم ہے لیکن میں بالکل بھی نروس نہیں ہوں میں نے محنت کی، پوری ٹیم نے محنت کی اب کسی کواچھی لگتی ہے یا بری یہ ہمارے ہاتھ میں نہیں ایک اچھی چیز بنانا ہمارے ہاتھ میں ضرور ہوتا ہے لیکن اسکو پسند کرنا یا نہ کرنا یہ شائقین کے ہاتھ میں ہوتا ہے ۔

نصیبو لعل جو ہمارے ملک کی مایہ نازز گلوکارہ ہیں ان کے کریڈٹ پر بے شمار اچھے گیت ہیں لیکن کچھ ایسے گانے بھی ہیں جن کی وجہ سے ان کو تنقید کا سامنا رہتا ہے ۔اس کے باوجود نصیبو لعل کے چاہنے والے کم نہیں ہیں وہ آج بھی انہیں سننا پسند کرتے ہیں ۔گزشتہ دنوں لاہور کے بھٹی سٹوڈیو میں ایک گانے کی ریکارڈنگ ہوئی اس گانے کے بول ہیں ”مینوں ٹچ والا لیہ دے موبائل “ اس گانے کو نصیبو لعل نے گایا ہے ۔فلم لاہور قلندر کے لئے گائے جانے والے اس گیت کو خاقان حیدر غازی نے لکھا ہے جبکہ فلم کے پرڈیوسر بنٹی بٹ اور ڈائریکٹر شاہد رانا ہیں۔

نصیبو لعل نے اس گانے کے حوالے سے کہا کہ اس کی دھن بہت ہی خوبصورت بنائی گئی ہے اور لکھا بھی بہت اچھا گیا ہے مجھے اس کی ہر لائن گا کر مزا آیا ہے میں چاہتی ہوں کہ اسی طرح کے اچھے اچھے گانے میرے لئے لکھے جاتے رہیں اور میں اپنے مداحوں کے لئے گاتی رہوں ۔
یاد رہے کہ نصیبو لعل نے جب پی ایس ایل کا اینتھم گایا تھا تو ان پربہت زیادہ تنقید کی گئی تھی اور کہا گیا تھا کہ نصیبو جو فحش گانے گاتی ہیںان کو کیسے پی ایس ایل کا اینتھم دے دیا گیا ہے اس نے تو اینتھم کا بیڑا غرق کر دیا ہے جس پر بی بی سی والوں نے جب نصیبو کو انٹرویو کیا تو وہ رو پڑیں تھیں ۔نصیبو لعل کی سادگی کا انداہ ان کی باتوں سے لگایا جا سکتا ہے ۔وہ کھلے دل سے جو بہتر سمجھتی ہیں بول دیتی ہیں اور کہتی ہیں کہ ہم نے بھی اسی فیلڈ میں رہنا ہے لہذا جو ملتا ہے گانا پڑتا ہے ۔

کامیڈی ہارر فلم ”پیچھے تو دیکھو “ کا پریمئیر آج کراچی میں ہونے جا رہا ہے شوبز کی نامور شخصیات اس میں شرکت کریں گی ، اس موقع پر فلم کی مکمل کاسٹ وقار حسین، یاسر حسین ،نوال سعید ، سارا ،جنید اختر،عامر قریشی ،عدیل عادی ،ڈائریکٹر عاطف علی ، پرڈویوسر بھی موجود ہوں گے ۔ فلم کی کاسٹ کافی پر امید ہے کہ یہ کہانی شائقین کو بہت پسند آئیگی۔تمام کاسٹ کا یہ دعوی ہے کہ یہ پاکستان کی پہلی کامیڈی ہارر فلم ہے جو ہر عمر کے لوگوں کے لئے بنائی گئی ہے۔یاسر حسین کہتے ہیں کہ اس فلم کی کامیڈی ایسی ہے کہ جس میں فحش جملوں کا استعمال نہیں کیا گیا بلکہ ہلکے پھلکے سلجھے ہوئے ڈائیلاگز بولے گئے ہیں جن کو سن کر یقینا شائقین محظوظ ہو ں گے ۔فلم چوبیس جون کو ریلیز ہونے جا رہی ہے۔نوال سعید کا کہنا ہے کہ ان کی یہ پہلی فلم ہے اور انہوں نے

اس میںبہت اہم کردار ادا کیا ہے اور ان کا کردار ستر کی دہائی اور اس کے وقت کے ماحول کو بیان کریگا ۔عدیل عادی نے کہا کہ صرف فلم میں ہی نہیں بلکہ سیٹ پر بھی ہمارا ہنسی مذاق چلتا رہتا تھا ۔
یاد رہے کہ پاکستان میں کامیڈی فلمیں اور ڈرامے نہ ہونے کے برابر بنتے ہیں لیکن پیچھے تو دیکھو کی کاسٹ کا یہ دعوی ہے کہ انہوں نے روٹین سے ہٹ کر ایک تجربہ کیا ہے جو شائقین کو ضرور پسند آئیگا ۔اب دیکھنا یہ ہے کہ جس طرح اس فلم کے بارے میں دعوے کئے جا رہے ہیں یہ ان دعوﺅں پر پورا اترتی ہے یا نہیں ۔

رابی پیردازہ جن کی وجہ شہرت ان کی گلوکاری ہے انہوں نے اداکاری بھی لیکن اب وہ شوبز کو خیرباد کہہ چکی ہیں تاہم سوشل میڈیا پر کافی متحرک رہتی ہیں۔ رابی پیرزادہ نے سوشل میڈیا پر کافی پریشانی کا اظہار کیا ہے اور کہا ہے کہ ملک میں اس وقت بہت مہنگائی ہو چکی ہے اتنی مہنگائی تو پچھلے چار سال میں نہیں ہوئی جتنی ان چار مہینوں میں ہوئی ہے، پیٹرول کی قیمتیں بجلی کی قمتیں آسمان سے باتیں کررہی ہیں لیکن کوئی بول ہی نہیں رہا۔ کیا اب کسی کو مہنگائی نظر نہیں آرہی۔ رابی پیرزادہ نے کہا کہ اس مہنگائی کے عال۱قم میں اخراجات پورے کرنے ہیں تو پھر گھر کے ہر فرد کو کام کرنا ہو گا اس کے بغیر گزارہ ناممکن ہے۔جو عورتیں ان پڑھ ہیں یا گھر سے باہر نہیں نکلتیں ان کو چاہیے کہ وہ گھر میں سلائی کڑھائی کا کام کریں نہیں آتا تو سیکھ لیں اور جو بچوں کو گھر میں ٹیوشن پڑھا سکتی ہیں وہ ٹیوشن پڑھا لیں لیکن کام ضرور کریں اور گھر کا ہرفرد

مہنگائی کے اس عالم میں کام کرے یہ بہت ضروری ہے۔ملک میں بڑھتی ہوئی مہنگائی نے سب کا جینا دو بھر کر دیا ہے۔
یاد رہے کہ صرف رابی پیرزادہ ہی نہیں ہر کوئی مہنگائی اور لوڈ شیڈنگ سے کافی پریشان ہے۔

اداکارہ و میزبان ندا یاسر جن کا مارننگ شو خاصا مقبول ہے انہوں نے ایکبار پھر اپنے پرستاروں کو خوش کر دیا۔ندا یاسر اپنے شوز میں اکثر کچھ ایسا بول دیتی ہیں یا ان کی کہی ہوئی کسی بات کا ایشو بن جاتا ہے۔ ان کی باتوں کے اکثر کلپس سوشل میڈیا پر وائرل رہتے ہیں۔ ندا یاسر اپنے شو میں کسی نہ کسی کو بلاتی اور انٹرویو کرتی ہیں ان کے انٹرویو سے لوگ محظوظ ہوتے ہیں گزشتہ روز انہوں نے ایک ماہر غذائیات کو شو میں مدعو کیا اور ان سے مزے مزے کے سوال کرتی رہیں ماہر غذائیات
انٹرمیٹینٹ فاسٹنگ پر بات کررہیں تھیں پھر ایک ایسا وقت بھی ٓآیا کہ ندا اور ماہر غذائیات دونوں انٹرمیٹینٹ فاسٹنگ کو انٹرمیڈیٹ فاسٹنگ کہنے لگیں۔ان دونوں کا یہ کلپ سوشل میڈیا پر کافی وائرل ہوا اور لوگ ندا یاسر کے انٹرمیٹینٹ فاسٹنگ کو انٹرمیٹینٹ فاسٹنگ کہنے پر کافی ہنسے۔ یوں ندا یاسر ایک بار پھر سوشل میڈیا پر چھائی رہیں اور لوگ ان کے وائرل کلپ سے محظوظ ہوتے رہے۔

واضح رہے کہ ندا یاسر کا شو اکثر تنقید کی ذد میں اس وقت آتا ہے جب ندا کچھ غیر ضروری بول دیتی ہیں۔ندا ڈراموں میں بھی کام کرتی رہی ہیں لیکن ایک عرصے سے انہوں نے صرف مارننگ شو کو ہی فوکس کیا ہوا ہے اس عید پر ان کی بنائی ہوئی فلم چکر بھی ریلیز ہو چکی ہے۔

حالیہ حکومت نے بجٹ میں فلم انڈسٹری کے لئے جو اعلانات کئے ہیں اس کے بعد شوبز سے جڑے لوگوں میں خوشی کی لہر دوڑ گئی ہے۔ہر کوئی ان اعلانات سے کافی مطمئن ہے۔ ریشم سمیت دیگر فنکاروں نے اس حوالے سے خوشی کا اظہار کرتے ہوئے سوشل میڈیا پر وڈیوز جاری کیں تو مہوش حیات بھی پیچھے نہ رہیں انہوں نے ایک وڈیو پیغام جاری کیا جس میں کہتی ہوئی نظر آرہی ہیں کہ میں بہت خوش ہوں کہ حکومت نے فلم انڈسٹری کو مراعات دینے کا اعلان کیا ہے ۔انہوں نے یہ بھی کہا کہ بجٹ میں فلم سازی کو صنعت کادرجہ دینے اور ٹیکسوں میں چھوٹ حکومت قابل ستائش اقدام ہے۔مہوش حیات نے مزید کہا کہ ہم سب فنکار اس حوالے سے کئی برسوں سے بات چیت کررہے تھے جو بھی حکومت آتی تھی اسکے پاس جارہے تھے لیکن کبھی کچھ نہیں ہو سکا میں ان اعلانات کے بعد بہت خوش ہوں کہ ہم سب کو ہمارا حق مل رہا ہے۔

یاد رہے کہ صدارتی ایوارڈ یافتہ مہوش حیات جتنی ٹی وی پر مقبول ہیں اتنی ہی فلم میں بھی مقبول ہیں ان کی فلم ’’لندن نہیں جائونگا‘‘ عید الاضحی پر ریلیز ہونے جارہی ہے فلم میں مہوش کے ساتھ ہمایوں سعید اور کبری خان مرکزی کرداروں میں نظر آئیگے۔اس فلم کے علاوہ ان کا ڈرامہ ’’ میں منٹو نہیں ہوں‘‘ بھی جلد ہی آن ائیر جائیگا اس میں بھی شائقین ہمایوں سعید کو مہوش کے ساتھ دیکھ سکیں گے۔

بھارتی گلوکار اریجیت سنگھ جن کو نہ صرف بھارت بلکہ پاکستان میں بھی بہت زیادہ پسند کیا جاتا ہے ان کا حال ہی میں ٹورنٹو میں ایک شو ہوا اس شو میں بڑی تعداد میں پاکستانی اور بھارتی پرستاروں نے شرکت کی. پرستار پاکستانی اور بھارتی پرچم شو میں لہراتے رہے .شو ابھی چل رہا تھا ایک گارڈ نے اریجیت کے پاکستانی مداح کو پاکستانی پرچم لہرنے سے روک دیا. اریجیت سنگھ کی نظر پڑی تو انہوں نے گارڈ کو ایسا کرنے سے منع کیا اور پاکستانی مداح کو جھنڈا لہراتے رہنے کی اجازت دی.اس شو کی وڈیوز سوشل میڈیا پر وائرل ہیں وڈیوز میں دیکھا جا سکتا ہے کہ اریجیت سنگھ پاکستانی جھنڈے کے احترام میں ہاتھ جوڑ کر نہ صرف جھک رہے ہیں بلکہ جھنڈے کو دور سے بوسہ بھی دے رہے ہیں اور ساتھ ہی دل پر ہاتھ رکھ پاکستان سے محبت کا اظہار بھی کررہے ہیں.گلوکار کا یہ رویہ دیکھ کر پورے ہال میں موجود لوگوں نے تالیاں بجائیں بلکہ ہال تالیوں سے گونج اٹھا.

اریجیت سنگھ کے شو کی وڈیو کے وہ حصے جن میں وہ جھنڈا لہرنے کی اجازت دے رہے ہیں اور پاکستنانیوں سے محبت کااظہار کررہے ہیں، سوشل میڈیا پر پاکستانیوں کے دل جیت رہ ہیں.
یاد رہے کہ اریجیت سنگھ کے کریڈٹ پر کئی ہٹ گانے ہیں ان کی دل کو چھو لینے والی آواز کے متوالے ہر وقت ان کو سننے کے لئے بے تاب رہتے ہیں.

ارچنا پورن سنگھ جو ہر وقت ہنستی مسکراتی ہوئی دکھائی دتی ہیں. کپل شرما کے شو میں سدھو کو ہٹایا گیا تو ارچنا پورن سنگھ نے ان کی سیٹ اچھے سے سنبھالی.ارچنا آج کل شیکھر سمن کے ساتھ کامیڈی شو انڈیا لافٹر چیمپئین میں بطور جج فرائض انجام دے رہی ہیں.ان پر کچھ لوگوں کی جانب سے تنقید کی جا رہی ہے کہ وہ ہرمعمولی بات پر ہنستی ہیں اور بہت ہی عجیب طریقے سے ہنستی ہیں .ارچنا کی ہنسی کا سوشل میڈیا پر مذاق بنایا جا رہا ہے باقاعدہ میمز بنائے جا رہے ہیں. ارچنا پورن سنگھ نے حال ہی میں ایک انٹرویو دیتے ہوئے کہا ہے کہ جو لوگ میرا مذاق بنارہے ہیں وہ اس کام کو جاری رکھیں اور میں ان کے اس مذاق سے نہ متاثر ہوں گی نہ ہی ڈپریس.

ارچنا پورن سنگھ نے انٹرویو میں مزید یہ بھی کہا ہے کہ میں بھارت میں مزاح پر مبنی ٹیلنٹ پیش کرنے کی ہمیشہ کمی محسوس کرتی رہی ہوں، اب ایسا ہو رہا ہے تو میں بہت خوش ہوں.جن لوگوں‌کو اس بات پر اعتراض ہے کہ میں ہر لطیفے پر ہنستی ہوں تو میں ان سے کہنا چاہتی ہوں کہ میں‌ذہین ہوں پڑھی لکھی ہوں چیزیں سمجھتی ہوں اور مزاح کیا ہے اسکو بہت اچھے سے جانتی ہوں اسلئے میں‌ کھل کر ہنستی ہوں.انہوں نے اس انٹرویو میں یہ بھی کہا کہ میں ذاتی زندگی میں کتنی بھی پریشان کیوں نہ ہوں ہمیشہ سکرین پر آ کر قہقہے بکھیرتی ہوں، جن لوگوں‌کو میرے ہنسنے یا قہقے بکھیرنے پر اعتراض ہے میں ان کا کچھ نہیں‌کر سکتی وہ اپنا کام جاری رکھیں میں اپنا کام جاری رکھوں گی.

چھوٹی سکرین کی بڑی اداکارہ رمشا خان نے ایک انٹرویو میں کہا ہے کہ شادی ایک بہت ہی خوبصورت بندھن ہے اور یہ تب ہی ممکن ہے جب اللہ چاہے. رمشا خان نے مزید کہا کہ میں نے دو سال پہلے کہا تھا کہ دو سال تک شادی کرنے کا ارادہ نہیں ہے لیکن میں اب اپنے اس بیان کو موجودہ حالات سے جوڑتے ہوئے کہنا چاہتی ہوں کہ میں وقت کے ساتھ ارتقائی عمل سے گزر رہی ہوں اور یہ تب ہی ممکن ہو گا جب اللہ چاہے گا.

یاد رہے کہ رمشا خان بہت ہی باصلاحیت اداکارہ ہیں اور بہت کم عرصے میں انہوں نے اپنا نام بنایا ہے اور اپنی صلاحیتوں کا لوہا منوایا ہے.رمشا سنجیدہ کردار کرتی ہیں تو محسوس ہوتا ہے کہ سنجیدہ کردار ان سے بہتر کوئی نہیں کر سکتا کامیڈی کرتی ہیں تو لگتا ہے کہ ان سے بہتر کامیڈی کوئی نہیں‌کر سکتا. رمشا خان نے رمضان المبارک میں چلنے والے ڈرامہ ” ہم تم ” میں ہلکا پھلکا کردار ادا کیا تھا جسے دیکھنے والوں‌ نے بے حد سراہا .رمشا خان نے حال ہی میں اختتام پذیر ہونے والے ڈرامہ ” صنف آہن ” میں بھی ایک اہم کردار ادا کیا. رمشا کا آج کل نام سجل علی کے سابق شاہر احد رضا میرا کے ساتھ جوڑا جا رہا ہے ان دونوں کے درمیان دوستی ہے یا اس سے بڑھ کر کوئی تعلق ہے یہ تو وقت ہی بتائے گا .