Category: شوبز

عامر لیاقت کی اچانک موت نے سب کو کر دیا پریشان اور سب تو نہیں لیکن زیاد ہ تر لوگوں نے اس موت کا ذمہ دار ان کی اہلیہ دانیہ شاہ کو قرار دیا ہے لوگوں کا کہنا ہے کہ دانیہ شاہ نے عامر لیاقت کی پرائیویٹ وڈیوز اور تصاویر شئیر کیں جس کے بعد وہ کمرے میں بند ہو کر رہ گئے ۔کوئی دانیہ شاہ کی گرفتاری کی بات کررہا ہے اور کوئی کہہ رہا ہے کہ اس لڑکی نے جو کیا ہے قابل معافی نہیں ہے اسی کی وجہ سے عامر لیاقت موت کے منہ میں چلے گئے۔آج کل سوشل میڈیا پر دانیہ شاہ کے خلاف ایک مہم چلائی جا رہی ہے لیکن اس مہم کا یشما گل اور رامینہ رانا خان حصہ نہیں بنیں انہوں نے دانیہ شاہ کے ناقدین کو لیا آڑھے ہاتھوں اور کہا کہ کیا عامر لیاقت کی موت سے آپ سب نے کچھ نہیں سیکھا ؟ ایک زندگی تو چلی گئی ہے کیا دوسری زندگی کو بھی کھونا چاہتے ہیں آپ لوگ۔ہوش کریں اور چھوڑ دیں دانیہ شاہ کی جان وہ کم عمر لڑکی ہے اس کو پریشان کرنا بند کریں اور اللہ تعالی کو حساب کرنے دیں ۔

یاد رہے کہ ڈاکٹر عامر لیاقت حسین اور دانیہ شاہ کی شادی چند ماہ قبل ہوئی تھی اور دونوں اکثر اپنی وڈیو ز بھی ٹک ٹاک پر ڈالا کرتے تھے اچانک ان کے درمیان لڑائی جھگڑے کی خبریں سامنے آئیں اور دانیہ نے اپنے شوہر کی پرائیویٹ تصاویر شئیر کریں جس کے بعد عامر لیاقت حسین کافی پریشان تھے اور کسی سے ملتے جلتے نہیں تھے اور چند روز قبل وہ اسی پریشانی میں خالق حقیقی سے جا ملے ۔

ٹک ٹاکر جنت مرزا نے حال ہی میںایک انٹرویو دیا ہے اس انٹرو یو میں میزبان نے ان سے سوال کیا کہ مہوش حیات یا دیپیکا پاڈوکون آپ دونوں میں سے کس کے ساتھ کام کرنا چاہیں گی تو جنت مرزا نے کہا کہ میں مہوش حیات کے ساتھ نہ صرف کام کرنا چاہتی ہوں بلکہ ان جیسا کام بھی کرنا چاہتی ہوں انہوں نے جو اور جتنا کام کیا ہے وہ بہت اچھا ہے ۔ٹک ٹاکر نے مزید کہا کہ میںپاکستانی ہوں اور پاکستان میں رہ کر کام کرنے کو ترجیح دوں گی اور میں کسی کو بھی ٹف ٹائم نہیں دینا چاہتی بس کام کرنا چاہتی ہوں اور وہ بھی اچھا کام ۔

یاد رہے کہ جنت مزرا کی حال ہی میں فلم تیرے باجرے دی راکھی ریلیز ہوئی تھی فلم کچھ خاص بزنس تو نہیں کر سکی لیکن پہلی ہی فلم میں جنت مرزا کو کافی سراہا گیا جنت نے اس فلم میں صائمہ نور ،مصطفی قریشی ،عامر قریشی ،بابر علی اور نغمہ بیگم کے ساتھ کام کیا ۔ جنت نے تاحال مزید فلمیں سائن نہیں کی ہیں نہ کوئی ڈرامہ سائن کرنے کی خبر سامنے آئی ہے۔جنت مرزا کا شمار انسٹاگرام کی مشہور شخصیات میں ہوتا ہے ان کے ملینز میں فالورہیں جو ان کو پسند کرتے ہیں ۔جنت نے ٹک ٹاک سے ہی مشہوری حاصل کی ان کی مشہوری گھر گھر تک گئی یہاں تک کہ سید نور نے انہیں اپنی فلم میں کاسٹ کر لیا ۔

اداکارہ میرا جو اپنی گفتگو کی وجہ سے اکثر خبروں میں رہتی ہیں اورصحافیوں کی بھی کوشش ہوتی ہے کہ میرا سے کوئی نہ کوئی ایسا سوال کیا جائے کہ جس کا جواب وائرل ہو اور میرا کے کیا ہی کہنے وہ کسی بھی بات پہ جواب دینے سے نہیں رکتیں ۔حال ہی میں فلمسٹار میرا نے ہمایوں سعید کی فلم لندن نہیں جاﺅنگا کے لئے دعائیں مانگی ہیں ان کا کہنا ہے کہ میری دعا ہے کہ فلم کامیابی سے ہمکنار ہو ،انہوں نے شائقین سے اپیل کی کہ اس فلم کو دیکھنے کے لئے ضرور جائیں میں بھی دیکھنے جاﺅں گی ۔

یاد رہے کہ فلم لندن نہیں جاﺅں گا میں مرکزی کرداروں میں ہمایوں سعید ،مہوش حیات اور کبری خان ہیں ۔ہدایتکاری ندیم بیگ کی ان کا حال ہی میںڈرامہ صنف آہن اور اس سے قبل میرے پاس تم ہو آیا تھا دونوں ڈراموں نے کامیابی کے ریکارڈز قائم کئے ۔ندیم بیگ اور ہمایوں سعید کی جوڑی جب بھی کسی پراجیکٹ میں ساتھ آتی ہے وہ ہٹ ثابت ہوتا ہے ۔مہوش حیات اور ہمایوں سعید کی جوڑی تو ویسے ہی بہت پسند کی جاتی ہے ڈرامہ سیریل دل لگی ہو جوانی پھر نہیں آنی ۔رپورٹس ہیں کہ دونوں کا ڈرامہ ایک ساتھ ڈرامہ میں منٹو نہیں ہوں بہت جلد آن ائیر جائیگا ۔

پنجابی گلوکار سدھو موسے والا کا قاتل گرفتار ہو چکا ہے قاتل بسنوئی گینگ کا کارندہ ہے اسے پہلے بھی قتل کے مقدمات میں گرفتار ہو چکا ہے ۔بھارتی میڈیا کے دعوے کے مطابق سدھو موسے والا پر جس نے فائرنگ کی وہ قاتل گرفتا ر کر لیا گیا ہے ۔قاتل کا نام سنتوش جادھو ہے قاتل کے ھوالے سے پولیس نے مزید معلوما ت شئیر نہیں کیں لیکن اتنا ضرور بتا دیا ہے کہ سدھو موسے والا کا قاتل گرفتار ہو چکا ہے ۔

یاد رہے کہ سدھو موسے والا کو ایک ماہ قبل گولیاں مار کر ہلاک کر دیا گیا تھا کچھ روز قبل ان کے والد نے حکومت سے اپیل کی تھی کہ میرے بیٹے کے قاتلوں کو گرفتار کیا جائے روتے ہوئے انہوں نے سوال کیا تھا کہ آخر میرے بیٹے کا کیا قصور تھا وہ تو بہت اچھا تھا وہ اکثر پریشان رہتا تھا مجھ سے اپنی پریشانی شیر کرتا تھا اور میں اسکو ھوصلہ دیا کرتا تھا ۔اس سے قبل پنجابی گلوکار میکا سنگھ نے بھی میڈیا کو بتایا تھا کہ جب سدھو موسے والا ممبئی ائیرپورٹ سے میرے گھر تک آئے تھے تو بہت خوش تھے کہ کسی قسم کی پریشانی یا خطرے کا سامنے نہیں کرنا پڑا میکا نے اس افسوس کا بھی اظہار کیا کہ کیوں میں نے سدھو کو ممبئی منتقل ہونے کا مشورہ نہیں دیا ۔سدھو موسے والا کے قتل کی مزید تحقیقات بھی جاری ہیں ۔

بالی وڈ کے کنگ اور دبنگ خان کے درمیان گہری دوستی پائی جاتی ہے وہ الگ بات ہے کہ اس دوستی میں چند برس دونوں کی بول چال نہیں رہی لیکن اس بول چال کے نہ ہونے کے باوجود دونوں نے ایک دوسرے کے خلاف کچھ نہیں کہا ۔حالانکہ میڈیا نے اس دوران بہت کوشش کی کہ کسی طرح سے شاہ رخ خان اور سلمان ایک دوسرے کے خلاف کچھ ایسا بول دیں کہ جس سے ہیڈنگز بنیں لیکن دونوں نے ایک دوسرے کے احترام کو ملحوظ خاطر رکھا۔گزشتہ روز ایک ایسی وڈیو سوشل میڈیا پر وائر ل ہوئی جس میں شاہ رخ خان ایک ایوارڈ شو میں سلمان خان کو الو کا پٹھا کہہ رہے ہیں اور

دونوں اس دوران ہنسی مذاق میں مصروف ہیں ۔ایک دوسرے کی باتوں سے لطف اندوز ہو رہے ہیں یہ وڈیو کچھ نہیں تو آج سے بائیس تئیس برس پرانی ہے تب بھی دونوں عروج پر تھے آج بھی دونوں عروج پر ہیں ۔یہ وڈیو جب سوشل میڈیا پر وائرل ہوئی تو ان دونوں کے پرستار کافی محظوظ ہوئے سوشل میڈیا صارفین نے دلچپسپ اور اپنی پسند نا پسند کے مطابق کمنٹس کئے ۔
واضح رہے کہ شاہ رخ خان اور سلمان خان نے فلموں میں کام کیا ہے لیکن یہ کام کم فلموں تک محدود رہا ۔ان دونوں کی فلم کرن ارجن کے ڈائیلاگز آج تک زبان دز عام ہیں اس فلم کا میوزک بھی کافی پسند کیا جاتا ہے ۔

معروف اداکارہ نادیہ افگن جن کو ان کی زبردست اداکاری کی وجہ سے بے حد سراہا جاتا ہے وہ کسی بھی کردار میں حقیقت ک رنگ بھر دیتی ہیں ان کا ہر کردار شائقین کو یاد رہ جاتا ہے۔نادیہ افگن نے حال ہی میںایک انٹرویو دیا ہے اس انٹرویو میں ان سے جہاں بہت سارے سوال ہوئے بچوں کا بھی سوال ہوا تو انہوں نے کہا کہ میں بچوں کے مستقبل کی وجہ سے بہت خوفزدہ رہتی ہوں یہاں تک کہ بھائی کے بچوں کے لئے بھی بہت پریشان رہتی ہوں ۔اسلئے بچے پیدا نہیں کئے۔میری شادی کو پندرہ سال کا عرصہ بیت گیا ہے اس دوران میں ہم نے کئی بار سوچا کہ ہمارے بچے ہونے چاہیں لیکن ہر بار یہی سوچا کہ دنیا میں بہت سارے بچے ہیں اس لئے ہم رہنے دیتے ہیں ۔اداکارہ نے مزید کہا کہ میری اور میرے شوہر کے درمیان بہت زبردست ذہنی ہم آہنگی ہے وہ بہت سپورٹ کرتے ہیں ۔انہوں نے مزید کہا کہ بچے نہ ہوں اس حوالے سے ہم نے کبھی کوئی منصوبہ بندی نہیں کی ۔انہوں نے مزید کہا کہ میں ٹھنڈے مزاج کی اپنے شوہر کی وجہ سے بنی ہوں ۔ہم ایک دوسرے کے ساتھ بہت خوش ہیں ۔

یاد رہے کہ نادیہ افگن کی شادی جواد جودی سے ہوئی نادیہ نے گلوکار جواد احمد کے پاپ گیت ”بن تیرے کیا ہے جینا“ کی وڈیو میں بطور ماڈل بھی کام کیا ۔نادیہ کا شمار کامیاب اداکاراﺅں میں ہوتا ہے ۔سرمد سلطان کھوسٹ کے ساتھ ان کی بہت دوستی ہے۔

نور بخاری جنہوں نے اداکاری کو خیرباد کہہ دیا ہوا ہے ان کی سوشل میڈیا پر ایک وڈیو وائرل ہو رہی ہے جس میں وہ کہتی ہوئی دکھائی دے رہی ہیں کہ دعا ذھری کو ان کے والدین کےساتھ ملنے کی اجازت دی جائے انہوں نے اس وڈیو میں اعلی حکام سے اپیل کی ہے کہ بچی کو والدین سے ملوایا جائے ہو سکتا ہے یہ ملاقات معاملات کو بہتر کر دے ۔نور بخاری نے برہمی کا اظہار کرتے ہوئے کہا کہ کیوں بچی کو والدین سے نہیں ملوایا جا رہا ہے ۔معاملہ شاید اتنا خراب ہی نہ ہوتا اگر بچی کو والدین کے ساتھ ملا دیا جاتا اب بھی بچی کو والدین کے ساتھ ملایا جائے ممکن ہے کہ اس ملاقات میں مسئلے کا حل نکل آئے ۔

یاد رہے کہ دعا زھری نے پسند کی شاد ی کرنے کےلئے اپنا گھر بار چھوڑ دیا اور لاہور آگئیں کراچی میں دو تین دن تک ان کے والدین اپنی بیٹی کوپولیس کی مدد سے تلاش کرتے رہے پولیس نے معاملے کی سنگینی کو دیکھتے ہوئے تحقیقات کا دائرہ وسیع کیا تو دعا دھری کا سراغ مل گیا اور پتہ چلا کہ بچی نے تو شادی کر لی ہے اور اپنے شوہر کےساتھ سسرال میں رہ رہی ہے یہ خبر والدین پر بجلی بن کر گری ۔ابھی تک معاملہ حل نہیں ہو سکا والدہ اپنی بیٹی سے ملنے کے لئے ایک وڈیو میں بے چین دکھائی دے رہی ہے تاہم بچی کے بیانات جو سامنے آئے ہیں ان میں وہ کہہ رہی ہے کہ میںاپنے شوہر کیساتھ بہت خوش ہوں ۔

اکشے کمار جو کہ کرن جوہر اور دھرما پروڈکشن کی تین فلمیں ،کیسری، گڈ نیوز اور سیلفی میں اپنی اداکاری کے جوہر دکھا چکے ہیں اب وہ ان کی اگلی اور نئی فلم میں اہم کردار ادا کرتے ہوئے دکھائی دے رہے ہیں ۔اس فلم میں اکشے کماروکیل کا کردار ادا کررہے ہیں۔جب سے اس فلم کی اناﺅنسمنٹ ہوئی ہے اکشے کمار اس کردار کے لئے پہلی چوائس تھے اور انہی کو ہی فائنل کر لیا گیا ہے ۔اکشے کمار کے ساتھ اس کردار اور پراجیکٹ کو لیکر تمام ضروری ریکوائرمنٹس کو پورا کر لیا گیا ہے ۔ یوں اکشے کمار آفیشلی اس فلم کا حصہ بن چکے ہیں ۔کہانی ناول پر مبنی ہے جس میں آزادی سے پہلے کے واقعات کو شامل کیا گیا ہے ۔

واضح رہے کہ بالی وڈ میں اکشے کمار واحد ایسے اداکار ہیں جن کی ہر سال سب سے زیادہ فلمیں ریلیز ہوتی ہیں ۔رشی کپور کے بعد اکشے کمار واحد ایسے اداکار ہیں جنہوں نے اپنے سے کم عمر تقریبا تمام ہیروئینز کے ساتھ کام کیا ۔شائقین کھلاڑیوں کے کھلاڑی اکشے کمار کو بڑی سکرین پر کافی پسند کرتے ہیں ۔ کرن جو ہر نے حال ہی میں اپنی فلم جگ جگ جیو کا ٹریلر ریلیز کیا تو اس میں ایک گانا بھی ہے جو کہ پاکستانی گلوکار ابرارالحق کے پنجابی گانے نچ پنجابن کی نقل تھا وہ گانا ابرارالحق کی اجازت کے بغیر فلم میں شامل کئے جانے پر گلوکار عدالت جا چکے ہیں لہذا کرن جوہر اس تنازع میں بھی پھنسے ہوئے ہیں ۔

اداکارہ سونیا حسین جو کہ ڈاکٹر عامر لیاقت حسین کی موت کی وجہ سے کافی پریشان ہیں انہوں نے گزشتہ روز سوشل میڈیا پر ایک وڈیو جاری کی جس میںوہ کہہ رہی ہیںکہ جنریٹر کا دھواں ڈاکٹر عامر لیاقت حسین کی موت کا صرف بہانہ ہی ہے اصل میں تو ہم سب یہ سوسائٹی اور حالات جو اُن کے لئے پیدا کئے گئے وہ ذمہ دار ہیں ان کی موت کے ۔عامر لیاقت بہت ہی مضبوط آدمی تھے وہ کہا کرتے تھے کہ میرے بارے میں کسی کو جو بھی کہنا ہے کہے میںتو بس اپنا کام ہی کرتا جاﺅنگا اس انسان نے شدید ڈپریشن میں جا کر موت کو گلے لگا لیاان کا ایسا کرنا ہمارے لئے لمحہ فکریہ ہے۔زندگی میں بہت سارے واقعات ہوتے ہیں جو ہمیں ہلا کر رکھ دیتے ہیں اور عامر لیاقت حسین کی موت ان میں سے

ایک واقعہ ہے۔جب میں نے لوگوں سے خبرشئیر کی ان کے انتقال کی خبر تو کچھ نے کہا افسوس ہوا اور کچھ نے کہا کہ اچھا ہوا وہ تو تھا ہی برا نسان ۔ سونیا حسین نے کہا کہ ہم کیسے یہ سوچ سکتے ہیں کہ ایک انسان اچھا نہیں ہے تو اسے مرجانا چاہیے اور اسکی موت پہ افسوس بھی نہیں ہونا چاہیے ۔جب انسان کے دل سے جینے کی امنگ نکل جاتی ہے تو پھر سادہ پانی بھی گلے میں پھنس کر موت کا بہانہ بن سکتا ہے ،سونا بھی موت کا بہانہ بن سکتا ہے ۔سونیا نے مزید کہا کہ ہمارے ہاں ہر کوئی غیر اخلاقی مواد دیکھتا اور اسے آگے شئیر بھی کرتا ہے اسلئے کسی دوسرے کو اس بات پہ اتنا برا نہ جانیں کہ وہ مرجائے تو سوچا جائے کہ بہت اچھا ہوا

نامور شخصیت وقار ذکاءنے ایک وڈیو جاری کی ہے اس وڈیو میں ایک اہم پیغام دے رہے ہیں بلکہ اپنے دوستوں اور چاہنے والوں سے درخواست کررہے ہیں کہ میری اس وڈیو کو زیادہ سے زیادہ لوگوں کو بھیجیں انہیں ٹیگ کریں سوشل میڈیا پر وائرل کریں ۔اپنے اس وڈیو پیغام میں وقار ذکاءکہہ رہے ہیں کہ ہمیں ہر اس انسان کو انصاف دلانا ہے جس کی پرائیویٹ تصاویر اور وڈیوز کو سوشل میڈیا پر شئیر کیا گیا اور ہم عامر لیاقت حسین کے علاوہ ہر کسی کے ساتھ ہیں اور اسکو انصاف دلانا چاہتے ہیں جن کے ساتھ ایسی زیادتی ہوئی ۔وقار ذکاءنے اپنے اس وڈیو پیغام میں ویب سائٹ کا ایڈریس بھی دیا اور کہا وہاں جا کر اپیلیکیشن فل کریں اور زیادہ سے زیادہ لوگوں سے کہیں کہ وہ ایسا کریں ۔

یاد رہے کہ ڈاکٹر عامر لیاقت حسین جو گزشتہ دنوں اپنے گھر میں مردہ حالت میں پائے گئے تھے وہ شدید پریشانی کی حالت میں تھے کسی سے نہ ملتے تھے نہ بات کرتے تھے اور وہ تب سے ایسی صورتحال میں تھے جب سے ان کی اہلیہ دانیہ شاہ نے ان کی پرائیویٹ وڈیوز اور تصاویر سوشل میڈیا پر جاری کر دی تھیں ان کی پرائیویٹ تصاویر اور وڈیوزکے بعد لوگ انہیں ہر لیول پر برا بھلا کہہ رہے تھے یہ چیز ڈاکٹر عامر لیاقت حسین برداشت نہیں کر پائے اور انہوں نے خود کو کمرے کی حد تک محدود کر لیا تھا ۔ دانیہ شاہ کو ان کی موت کی وجہ قرار دیا جا رہا ہے اور کہا جا رہا ہے دانیہ نے ان کے ساتھ اس حد تک برا کیا کہ عامر لیاقت نے موت کو گلے لگانا مناسب سمجھا