Category: شوبز

فہد مصطفی شاہ رخ کی طرح ڈانس سٹیپس اٹھاتے ہیں :ماہرہ خان
پاکستان اور بھارت میں یکساں مقبول لاکھوں دلوں کی دھڑکن ماہرہ خان نے حال ہی میںایک تقریب میں کسی کے سوال کا جواب دیتے ہوئے کہا ہے کہ میں نے شاہ رخ خان کیساتھ کام کیا اور دیکھا کہ وہ ڈانس کی ریہرسل کے بغیر ڈانس کے سٹیپس ا س طر ح اٹھاتے ہیں کہ کوئی بھی حیران رہ جائے اور میں بھی حیران رہ جاتی تھی اور سوچتی تھی کہ بھئی ہم پانچ دن سے ریہرسل کررہے ہیں اور یہ آتے ہی ڈانس کرنا شروع ہو گئے ہیں اور بغیر ریہرسل کے اتنا زبردست ڈانس کررہے ہیں ۔ماہرہ خان نے کہا کہ اس طرح کی پریکٹس میں نے یہاں کسی کی نہیں دیکھی لیکن فہد مصطفی میں یہ چیز دیکھی اوران کا اس طرح کرنا مجھے شاہ رخ خان کی یاد دلاتا تھا ۔ماہرہ خان اور فہد مصطفی کی فلم ”قائداعظم زندہ باز“ عید الاضحی پر ریلیز کی جا رہی ہے اس میں دونوں پہلی بار ایک ساتھ نظر آرہے ہیں فلم کا ٹریلر لانچ ہو چکا ہے جو کہ کافی دلچپسپ ہے فلم سے کافی امیدیں کی جا رہی ہیں۔

یاد رہے کہ ماہرہ خان نے شاہ رخ خان کی فلم رئیس میں کام کیا تھا،شاہ رخ خان نے ماہرہ خان کا کام دیکھتے ہوئے انہیں اپنی فلم کی آفر کی جسے ماہرہ نے قبول کر لیا ۔رئیس میں ماہرہ خان کو شاہ رخ خان کے ساتھ ڈانس کرتے ہوئے دیکھا جا سکتا ہے۔ماہرہ اور شاہ رخ خان کی جوڑی کو کافی سراہا گیا تھا ۔

شکتی کپور کے بیٹے سدھاناتھ کپور جو کہ چند روزقبل ایک پارٹی میں شریک تھے اس پارٹی کے حوالے سے پولیس کو اطلاعات موصول ہوئی کہ اس میں ڈرگز کا استعمال کیا جا رہا ہے بینگلور پولیس جہاں پارٹی ہو رہی تھی وہاں پہنچی اور چھاپہ مارا اس چھاپے کے دوران انہوں نے پارٹی میں شریک کچھ لوگوں کو گرفتار کیا ۔ان میں لیجنڈ اداکار شکتی کپور کے بیٹے سدھانتھ کپور بھی موجود تھے ۔ان کے بارے میں پولیس کو شک گزرا کہ یہ بھی ڈرگز لے رہے تھے لہذا پولیس نے ا ن کے ساتھ ساتھ چھ دوسرے لوگوں کے ٹیسٹ کروائے اور ٹیسٹ کی رپورٹ جب سامنے آئیں تو شکتی کپور کے بیٹے سدھانتھ کپور ڈرقصور وار نکلے رپورٹ پازیٹیو نکلی ۔پولیس اس معاملے کی مزید تحقیقات کررہی ہیں اور سدھاناتھ کپور اس وقت کہاں ہیں اور پولیس مزید کیا کرنے والی ہے اس حوالے سے ابھی تفصیلات آنا باقی ہیں ۔

یاد رہے کہ پچھلے برس کنگ آف بالی وڈ شاہ رخ خان کے بیٹے آریان خان کو بھی ایک پارٹی سے گرفتار کیا گیا تھا یہ کہہ کر یہ آریان ڈرگز لے رہے تھے تحقیقات ہوئیں آریان حراست میں رہا اس دوران ان کے گھر والوں کو بھی ان سے ملنے کی اجازت نہ تھی ،آریان خان کا فون بھی چیک ہوا ان کے تمام رابطوں کو دیکھا گیا ان کے ٹیسٹ کروائے گئے ہر سطح پر تحقیقات ہونے کے بعدآریان خان بے قصور ثابت ہوئے اور عدالت نے انہیں رہا کر دیا اب دیکھنا یہ ہے کہ شکتی کپور کے بیٹے سدھاناتھ کپور کے کیس میں کیا بنتا ہے ۔

جاوید اختر کے بیٹے معروف ڈائریکٹر فرحان اختر کی فلم ” جی لے زرا“ تاخیر کا شکار ہو گئی ہے ۔فرحان اختر اس فلم کو ڈائریکٹ کررہے ہیں۔زویا اختر کی لکھی اس فلم میں فرحان اختر نے بالی وڈ کی تین خوبصورت اور جانی مانی اداکاراﺅں کترینہ کیف ،پریانکا چوپڑا اور عالیہ بھٹ کو اکٹھا کیا ہے۔کہا جا رہا ہے کہ تینوں اداکاراﺅں کی مصروفیت کے باعث فرحان اختر کو ڈیٹس لینے میں دشواری کا سامنا ہے ۔ عالیہ بھٹ جو کہ اپنی پہلی ہالی وڈ فلم ہارٹ آف تھرونز کی شوٹنگ میں بیرون ملک میں مصروف ہیں،انڈیا آتے ہی ان کا ایک اور پراجیکٹ ریڈی ہے جس کی شوٹنگ شروع ہو نی ہے دوسری طرف کترینہ کیف میری کرسمس میں مصروف ہیں

کہا جا رہا ہے کہ اس کے بعد انہیں فلم فون بند اور ٹائیگر میں کاسٹ کیا جا رہا ہے ،پریانکا چوپڑا جونز بھی فلم کی شوٹنگ میں مصروف ہیں ۔تینوں اداکاراﺅں کی مصروفیت کی وجہ سے لگ رہا ہے کہ جیسے اس کی شوٹنگ رواں برس ستمبر میںنہیں ہو سکے گی،اس کی شوٹنگ اگلے سال ہی شروع ہو گی ۔ کترینہ کیف ،پریانکا چوپڑا اور عالیہ بھٹ کے پرستار اپنی پسندیدہ اداکاراﺅں کو ایک ساتھ دیکھنے کےلئے کافی بےتاب ہیں۔
عالیہ بھٹ ،کترینہ کیف اور پریانکا چوپڑا کی اپنی اپنی جگہ بہت زیادہ فین فالونگ ہے اور عالیہ بھٹ کا شمار تو اب بالی وڈکی بہترین اکاراﺅں میں ہونے لگا ہے جبکہ پریانکا چوپڑا اور کترینہ کیف اپنی صلاحیتوں کا لوہا پہلے ہی منوا چکی ہیںان کے کریڈیٹ پر بے شمار ہٹ فلمیں ہیں۔

اداکارہ ریشم نے اپنے حالیہ ایک وڈیو پیغام میں کہا ہے کہ کہ حکومت پاکستان نے فلم کو انڈسٹری کا درجہ دیکر بد حال انڈسٹری میں روح پھونک دی ہے۔انہوں نے یہ بھی کہا کہ فنکاروں کی انشورنس بہت ہی اچھا قدم ہےایسے اقدامات سے بہت زیادہ خوشحالی آئیگی اور فنکاروں کی حالت بھی بہتر ہوگی۔یہ جو اعلانات کئے گئے ہیں اس سے سینما اور فلم انڈسٹری ترقی کریگی میں دل کی گہرائیوں سے وزیراعظم میاں محمد شہباز شریف کا شکریہ ادا کرتی ہوں۔دوسری طرف ایگزیبیٹر جہانزیب بیگ نے کہا کہ حکومت پاکستان میں بجٹ میں فلم کے لئے جو اعلانات کئے ہیں وہ قابل تحسین ہیں خصوصی طور پر فنکاروں کی انشورنس اور نیشل فلم اکیڈمی اور نیشنل آرٹ سٹوڈیو کے لئے ایک ارب کا بجٹ رکھا گیا ہے یہ بہت ہی خوش آئند بات ہے اس سے نہ صرف حوصلہ افزائی ہوگی بلکہ انویسٹمنٹ بھی آئیگی اور

ہماری حستہ حال فلم انڈسٹری بہتری کی طرف بڑھے گی کوئی شک نہیں کہ ہم تخلیقی لوگ ہیں ہم نے مختصر بجٹ میں بہت اچھی فلمیں بھی بنائیں۔ ہمارا کبھی اس طرف فوکس ہی نہیں رہا خوشی کی بات ہے کہ اب اس پہ فوکس ہو گا۔ یاد رہے کہ اس بجٹ میں حکومت پاکستان نے فلم انڈسٹری کے لئے کچھ ہم اعلانات کئے ہیں ان اعلانات کو فلمی صنعت کے لئے خوش آئند قرار دیا جا رہا ہے.

بہت ہی باصلاحیت اداکارہ صبا قمر نے حال ہی میں ایک انٹرویو دیا ہے جس میں انہوں نے کہا کہ ہمارے معاشرے میں دوسری شادی قبول نہیں کی جاتی اسکو نہایت ہی بری نظر سے دیکھا جاتا ہے یا برا فعل سمجھا جاتا ہے لیکن کسی کے اگر دس افئیر ہیں تو وہ قبول ہیں۔جائز طریقے سے کسی رشتے کو بنانا غلط اور افئیرز ٹھیک؟ کسی کے بہت سارے افئیرز ہوں گے تو کوئی کچھ نہیں کہے گا لیکن اگر کوئی دوسری شادی کر لے گا تو اسے برا سمجھا جائے گا۔ ہم سب کا مسئلہ یہ ہے کہ ہم سب اپنے گھروں کی چار دیواری میں سب کچھ کرتے ہیں اور باہر اپنے عیب ظاہر نہیں کرتے لیکن کوئی اگر جائز طریقے سے کوئی رشتہ بناتا ہے یا دوسری شادی کرتا ہے تو اس پر ہم بول پڑتے ہیں۔صبا قمر نے مزید اس انٹرویو میں کہا کہ میں یہ نہیں سوچتی کہ لوگ کیا کہیں گے میں بول پٖڑتی ہوں جو بھی دل میں ہوتا ہے۔

یاد رہے کہ صبا قمر کی حال ہی میں فلم کملی ریلیز ہوئی ہے جس میں ان کی اداکاری کو بے حد سراہا جا رہا ہے، انڈسٹری کا کوئی ایسا فنکار نہیں ہے جس نے صبا کی کملی میں تعریف نہ کی ہو۔ ساتھ ہی ساتھ ان کا ڈرامہ فراڈ بھی چل رہا ہے جس میں بھی وہ ایک بہت ہی دلچپسپ کردار میں نظر آرہی ہیں۔

اداکارہ عمائمہ ملک اور فیروز خان کی بہن دعا ملک نے عامر لیاقت حسین کی موت پر گہرے رنج کا اظہار کرتے ہوئے کہا ہے کہ میرا آنکھ میرا دل سب رو رہے ہیں میرے پیارے بھائی آپ کتنے گھر چلا رہے تھے کتنی ٹانگیں اور ہاتھ جڑوا چکے تھے یہ تو کوئی نہیں جانتا۔ ایک آواز پر حاضر ہونے والا عامر بھائی مشکل میں ساتھ دینے والا ان میں نہیں رہا۔ خدا کے لئے سوشل وار بند کی جائے سوشل میڈیا پر لوگوں کی بھینٹ چڑھانا بند کیا جائے اور پیار بانٹیں اسی میں زندگی ہے۔

یاد رہے کہ ڈاکٹر عامر لیاقت حسین کا شمار ان میں ہوتا ہے جنہوں شوز کی میزبانی کو نئی جہتوں سے متعارف کروایا اور ان کی دیکھ کر کئی ستارے میزبانی کے میدان میں آئے۔ ابھی کل ہی ادکار فہد مصطفی نے کہا کہ ہے انہوں نے ڈاکٹر عامر لیاقت حسین کو دیکھ کر ان کی میزبانی کے انداز کو دیکھ کر بہت کچھ سیکھا۔ میں ان کی موت سے بہت رنجیدہ ہوں۔عامر لیاقت حسین کے ساتھ کام کرنے والے تمام فنکار سوگ کی سی کیفیت میں ہیں. ہر کوئی اس تکلیف میں زیادہ دکھائی دے رہا ہے کہ ان کی زندگی میں کیوں ان کے برے وقت میں ان کے ساتھ کھڑے نہیں‌ ہوئے.

ڈاکٹر عامر لیاقت حسین کی اچانک موت نے سب کو پریشان کر کے رکھ دیا ہے۔ہر آنکھ اشکبار ہے خصوصی طورپر ان کے دوست۔ جن میں وسیم بادامی ،فیصل قریشی اور ساحر لودھی کا نام قابل ذکر ہے یہ تینوں عامر لیاقت کے جنازے پر پھوٹ پھوٹ کر روئے ایسے روئے کہ جیسے کوئی چھوٹا بچہ کوئی چیز کھو جانے پر روتا ہے۔ فیصل قریشی نے کہا کہ یہ دنیا صرف سوشل میڈیا تک رہ گئی ہے کوئی مرے یا جیے بس سٹیٹس لگا دو، شرکت نہ بھی ہو بس کچھ لکھ دو تاکہ ہر جگہ چھپ جائے۔کل افسوس ہوا یہ دیکھ کر کہ جن کے لئے عامر لیاقت نے بہت کچھ کیا وہ ان کے جنازے میں نہیں آئے۔

خیر جو شہرمیں نہیں تھے وہ سمجھ آتا ہے لیکن یہاں ہوتے ہوئے بھی نہ آئے بے حسی ہے۔وسیم بادامی نے کہا کہ آخری دنوں میں وہ بہت دل شکستہ تھے ہم نے کوشش کی کہ ان کو دوبارہ زندگی کی طرف لائیں میں نے دو بار فون ملا یا کوشش کی کہ بات ہو سکے لیکن انہوں نے بس اتنا کہا کہ یار میرے ساتھ اچھا نہیں ہوا میں نے کوشش کی کہ ملاقات ہوجائے لیکن نہیں ہو سکی میری دعا ہے کہ جو بھی ان کے ساتھ ہوا اور جو دکھ انہوں نے دیکھے ان کا آخرت میں مداوا ہو۔

عامر لیاقت حسین کی موت کے بعد بہت سارے لوگ خصوصی طور پر شوبز انڈسٹری کے لوگ کافی پریشان اور افسردہ ہیں۔ہر کوئی ان کی اچانک موت اور موت سے قبل ان کے ساتھ جو ہوا اس پہ بہت ہی دکھی ہے۔ اداکارہ اشنا شاہ بھی ان میں سے ایک ہیں انہوں نے عامر لیاقت حسین کی موت کے بعد کہا ہے کہ مجھے بہت دکھ ہے عامر لیاقت کی موت کا سن کر۔ میں خود سے شرمندہ ہوں بلکہ ہم سب خود سے شرمندہ ہیں اور یہ شرمندگی ہمیں سال ہا سال ستائے گی۔ جب ان کے ساتھ غلط ہو رہا تھا تو مجھے انکے حق میں بولنا چاہیے تھا۔ جنہوں نے بھی ان کی وڈیوز شئیر کیں ان کا مذاق بنایا ان سب کے ہاتھ پر ڈاکٹر عامر لیاقت حسین کا خون ہے، وہ ذلت کی ہر حد کو محسوس کرتے ہوئے اس جہان فانی سے کوچ کئے ہیں۔

یاد رہے کہ ڈاکٹر عامر لیاقت حسین اپنے آخری دنوں میں کسی سے نہیں مل رہے تھے نہ بات کررہے تھے وہ بہت پریشان تھے اور اسی پریشانی اور ڈپریشن کی حالت میں وہ دنیا سے رخصت ہو گئے۔،عامر لیاقت حسین کی اہلیہ دانیہ شاہ نے ان کی کچھ پرائیویٹ وڈیوز ریلیز کیں جن کے بعد وہ کافی ٹوٹ گئے تھے کیونکہ ان کو ہر طرف سے تنقید کا سامنا تھا اسی لئے انہوں نے خود کمرے کی حد تک محدود کر لیا تھا .

عید الاضحی پر ریلیز کی جانے والی فلم ’’لندن نہیں جائونگا‘‘ کا ٹریلر آج کراچی میں لانچ کر دیا گیا ہے۔تقریب میں ہمایوں سعید ،ندیم بیگ ،علی رحمان خان ، واسع چوہدری ،ثنا شاہنواز، گوہر رشید ،مہوش حیات و دیگر نے شرکت کی۔ ہمایوں سعید،واسع چوہدری ، گوہر رشید دھوتی پہنے ہوئے تھے۔فلم کی پوری کاسٹ کا کہنا تھا کہ فلم دیکھ کر آپ سب بہت محظوظ ہوں گے اور امید ہے کہ پچھلی فلموں کی طرح اس فلم کو بھی پسند کریں گے۔ لندن نہیں جائونگا کے ٹریلر لانچ میں ہمایوں سعید اور ندیم بیگ نے سرمد سلطان کھوسٹ کی ڈائریکشن میں بننے والی فلم ’’ کملی‘‘ کی تعریف کی اور تالیاں بھی بجائیں۔

یاد رہے کہ لندن نہیں جائونگا کی ہدایتکاری ندیم بیگ نے کی ہے لکھی خلیل الرحمان قمر نے ہے۔ دو روز قبل ہمایوں سعید نے اپنے سوشل میڈیا اکائونٹ سے فلم کا پوسٹرجاری کیا تھا۔ ٹریلر لانچ ہو چکا ہے اور شائقین فلم دیکھنے کےلئے کافی پرجوش بھی ہیں۔ فلم میں ہمایوں سعید ایک پنجابی کے کردار میں جبکہ کامیڈین سہیل احمد اہم کردار میں نظر آرہے ہیں۔ سہیل احمد اور ہمایوں سعید کی جوڑی کو فلم پنجاب نہیں جائوں گا میں بھی کافی سراہا گیا تھا۔