Category: شوبز

اداکارہ نورا فتحی نے ڈائریکشن کے میدان میں قدم رکھ دیا بطور ڈانس ڈائریکٹر انہوں نے اپنا پہلا پراجیکٹ بھی کر لیا ہے اور وہ پراجیکٹ ہے ”ڈرٹی لٹل سیکرٹ “ ۔اس گانے میں نہ صرف انہوں نے خود پرفارم کیا ہے بلکہ اس کی ڈائریکشن بھی کی ہے ۔نورا فتحی کا یہ گانا دیکھ کر اندازہ لگایا جا سکتا ہے کہ نورا اس شعبے میں اپنا نام بنائیں گے اور بہت آگے تک جائیں گی ۔گانے کی وڈیو آج کل سوشل میڈیا پر دیکھی جا سکتی ہے لوگ اس گانے کو اور اس میںکئے گئے ڈانس کو بہت پسند کررہے ہیں یوں کہا جا سکتا ہے کہ نورا فتحی کا پہلا ہی گانا بطور ڈانس ڈائریکٹر سپر ہٹ ہو گیا ہے۔ ”ڈرٹی لٹل سیکرٹ “ سے

ڈائریکشن کے میدان میں ڈیبیو کرنے والی اس فنکارہ کو ہر طرف سے بہت زیادہ پذیرائی مل رہی ہے۔نورا س گانے کی ڈائریکشن کے حوالے سے کہتی ہیں کہ مجھے بطو ر ڈائریکٹر کام کرکے بہت مزا آیا ہے اور میں نے اس گانے کے حساب سے اسکا سکرین پلے بنایا تاکہ دیکھنے والوں کو احساس ہو کہ وہ کوئی اچھی چیز دیکھ رہے ہیں۔گو کہ گانے کی ڈائریکشن بہت آسان کام نہیں ہے لیکن میں جو بھی کام کرتی ہوں جنون کے ساتھ کرتی ہوں خوش نصیبی ہے کہ مجھے کامیابی مل جاتی ہے ۔نورا مزید یہ بھی کہتی ہیں کہ مجھے ہمیشہ کچھ نہ کچھ نیا ،اچھا اور منفرد کرنے کی بھوک رہتی ہے اور اسلئے کوئی پراجیکٹ ملتا ہے تو جی جان لگا دیتی ہوں۔

جراسک پارک سلسلے کی چھٹی فلم جراسک ورلڈ ڈومینین نے ریلیز ہوتے ہی دھماکہ خیز بزنس کیا ہے، یہ فلم شائقین کی اولین چوائس بنی ہوئی ہے یہی وجہ ہے کہ سینما گھروں میں سب سے زیادہ ہجوم اسی فلم کے لئے دکھائی دے رہا ہے ۔فلم نے ریلیز ہوتے ہی اب تک 14کروڑ اور 21لاکھ ڈالر کا بزنس کیا ہے فلم کی کاسٹ میں ڈیلاس ،کوراڈرن ، برائد ، سیم نیل جیسے اداکار شامل ہیں یہ سب اہم کرداروں میں نظر آرہے ہیں ۔فلم نے صرف امریکہ میں ہی نہیں بلکہ دوسرے ممالک میں بھی 17کروڑ اور 50 لاکھ سے زیادہ بزنس کر لیا ہے رواں ہفتے کے بزنس کی تفصیلات آنا ابھی باتی ہیں بزنس کی یہ اطلاعات اتوار تک کی ہیں ۔دس جون کو سینما گھروں کی زینت بننے والی اس فلم کی شوٹنگ

امریکہ ،مالٹا اور انگلینڈ میں ہوئی ۔شائقین فلم کی ریلز کا بے چینی سے انتظار کررہے تھے ۔جراسک پارک کے سلسلے کی ابھی تک جتنی بھی فلمیں آئیں انہیں شائقین نے ہاتھوں ہاتھ لیا ہے اور پہلے ہی دن سینما گھروں میں اس فلم کو دیکھنے کےلئے ہجوم دیکھا گیا اس بار بھی ایسا ہی ہوا محض چار ہی دن میں فلم نے کمال بزنس کیا ہے ۔
یاد رہے کہ بڑے بجٹ سے بننے والی یہ فلم کورونا کی وجہ سے تاخیر سے ریلز ہوئی ہے جہاں بہت سار ی فلموں کی ریلز رک گئی تھی وہیں اس فلم کی ریلیز بھی رکی تھی لیکن حالات بہتر ہوتے ہی فلم سینما گھروں کی زینت بنی اور آتے ہی چھا گئی۔

بالی وڈ کے معروف اداکار شکتی کپور کے بیٹے سدھانتھ کپور جو بینگلورپولیس کی حراست میں تھے انہیں ضمانت پر رہا کر دیا گیا ہے رپورٹس کے مطابق سدھانتھ کپور کے ساتھ چار مزید لوگوں کو بھی ضمانت پر رہا کیا گیا ہے ۔سدھانتھ کپور اتوار کے روز ایک پارٹی میں شریک تھے ، بینگلور پولیس کو اطلاعات موصول ہوئیں تھیں کہ اس پارٹی میں ڈرگز کا ستعمال کیا جا رہا ہے،پولیس نے چھاپہ مار کر سدھانتھ سمیت دیگر لوگوں کو بھی گرفتار کیا ،پولیس نے جب ٹیسٹ کروائے تو رپورٹس پازیٹیو آئیں ۔ڈپٹی کمشنر آف پولیس فار ایسٹ بینگلور مسٹر بھیما شنکر کا کہنا ہے کہ

سدھانتھ کپور کی میڈیکل رپورٹس بتاتی ہیں کہ انہوں نے ڈرگز کا استعمال کیا ہے۔ہم نے ان کو گرفتار کر لیا ہوا ہے اور اگلے پروسیجر کو فالو کررہے ہیں ۔ہم انہیں جیوڈیشل کسٹڈی میں بھیجیں گے سدھانتھ کے ساتھ ان کے دیگر چار لوگوں کو پولیس کے سامنے حاضر ہونا پڑے گا جب انہیں بلایا جائیگا ۔
یاد رہے کہ پولیس نے اتوار کی رات کو ایک پارٹی پر چھاپہ مارا اور سدھانتھ سمیت پینتیس لوگوں کو گرفتار کیا اور انہیں جن پر شک تھا ان کے ٹیسٹ کروائے گئے اور دوسرے لوگوں کے ساتھ سدھانتھ کی رپورٹ پازیٹیو آئی تھی،لیکن سدھانتھ کپور کو اب ضمانت پر رہائی مل گئی ہے ۔

خوبرو اداکارہ دارھیکا آپٹے آج کل اپنی فلم ”فورینزک“ کی پروموشن میں مصروف ہیں،فورینزک ملیالم فلم کا ری میک ہے ۔فلم کی پروموشن کے دوران رادھیکا آپٹے نے اٹھایا کچھ رازوں سے پردہ اور بتایا کہ انہیں کیرئیر کے آغاز میں کس کس طر ح سے پریشرائز کیا جاتا رہا ۔رپورٹس کے مطابق رادھیکا آپٹے نے فلم فورینزک کی پروموشن کے دوران میڈیا کو بتایا ہے کہ انہیں کیرئیر کے آغاز میں کہا جا تا رہا کہ آپ پلاسٹ سرجری کروائیں ۔پریشرائز کیا جاتا رہا کہ آپ اپنی باڈی پر بہت ساری چیزیں کریں ،ناک کو بہتر کرنے کے ساتھ ،جبڑوں اور جسم کے دیگر حصوں کو بہتر کرنے کےلئے کبھی بوٹوکس اور کبھی پلاسٹک سرجری کرنے کا کہا جاتا رہا ۔رادھیکا نے مزید کہا کہ مجھے کہا جاتا رہا کہ میری ناک اچھی نہیں ہے گالوں کو فِل کرواﺅں ۔میں سب باتیں سن کر پریشان تو نہیں ہوئی لیکن پریشر محسوس کیا اور پھر فیصلہ کیا کہ

میں ایسا کچھ نہیں کروں گی۔مجھے ایسی تجاویز دئیے جانے پر غصہ تو آتا تھا لیکن اس چیز نے مجھے میری باڈی سے مزیدمحبت کرنے کا جذبہ دیا اور میں نے فیصلہ کیا کہ میں ایسا کچھ نہیں کروں گی جیسا کہا جا رہا ہے ۔
یاد رہے کہ فلم فورینزک میں رادھیکا آپٹے کے ساتھ پراچی ڈیسائی ،وسدھو دارا سنھگ اور روہت شیٹی اہم کرداروں میں نظر آئیں، چوبیس جون کو زی فائیو پر فلم کا پریمئیر ہونے جا رہا ہے۔رادھیکا آپٹے کا کہنا ہے کہ فورینزک لوگوں کو بہت پسند آئیگی ۔

عامر لیاقت کی اچانک موت نے سب کو کر دیا پریشان اور سب تو نہیں لیکن زیاد ہ تر لوگوں نے اس موت کا ذمہ دار ان کی اہلیہ دانیہ شاہ کو قرار دیا ہے لوگوں کا کہنا ہے کہ دانیہ شاہ نے عامر لیاقت کی پرائیویٹ وڈیوز اور تصاویر شئیر کیں جس کے بعد وہ کمرے میں بند ہو کر رہ گئے ۔کوئی دانیہ شاہ کی گرفتاری کی بات کررہا ہے اور کوئی کہہ رہا ہے کہ اس لڑکی نے جو کیا ہے قابل معافی نہیں ہے اسی کی وجہ سے عامر لیاقت موت کے منہ میں چلے گئے۔آج کل سوشل میڈیا پر دانیہ شاہ کے خلاف ایک مہم چلائی جا رہی ہے لیکن اس مہم کا یشما گل اور رامینہ رانا خان حصہ نہیں بنیں انہوں نے دانیہ شاہ کے ناقدین کو لیا آڑھے ہاتھوں اور کہا کہ کیا عامر لیاقت کی موت سے آپ سب نے کچھ نہیں سیکھا ؟ ایک زندگی تو چلی گئی ہے کیا دوسری زندگی کو بھی کھونا چاہتے ہیں آپ لوگ۔ہوش کریں اور چھوڑ دیں دانیہ شاہ کی جان وہ کم عمر لڑکی ہے اس کو پریشان کرنا بند کریں اور اللہ تعالی کو حساب کرنے دیں ۔

یاد رہے کہ ڈاکٹر عامر لیاقت حسین اور دانیہ شاہ کی شادی چند ماہ قبل ہوئی تھی اور دونوں اکثر اپنی وڈیو ز بھی ٹک ٹاک پر ڈالا کرتے تھے اچانک ان کے درمیان لڑائی جھگڑے کی خبریں سامنے آئیں اور دانیہ نے اپنے شوہر کی پرائیویٹ تصاویر شئیر کریں جس کے بعد عامر لیاقت حسین کافی پریشان تھے اور کسی سے ملتے جلتے نہیں تھے اور چند روز قبل وہ اسی پریشانی میں خالق حقیقی سے جا ملے ۔

ٹک ٹاکر جنت مرزا نے حال ہی میںایک انٹرویو دیا ہے اس انٹرو یو میں میزبان نے ان سے سوال کیا کہ مہوش حیات یا دیپیکا پاڈوکون آپ دونوں میں سے کس کے ساتھ کام کرنا چاہیں گی تو جنت مرزا نے کہا کہ میں مہوش حیات کے ساتھ نہ صرف کام کرنا چاہتی ہوں بلکہ ان جیسا کام بھی کرنا چاہتی ہوں انہوں نے جو اور جتنا کام کیا ہے وہ بہت اچھا ہے ۔ٹک ٹاکر نے مزید کہا کہ میںپاکستانی ہوں اور پاکستان میں رہ کر کام کرنے کو ترجیح دوں گی اور میں کسی کو بھی ٹف ٹائم نہیں دینا چاہتی بس کام کرنا چاہتی ہوں اور وہ بھی اچھا کام ۔

یاد رہے کہ جنت مزرا کی حال ہی میں فلم تیرے باجرے دی راکھی ریلیز ہوئی تھی فلم کچھ خاص بزنس تو نہیں کر سکی لیکن پہلی ہی فلم میں جنت مرزا کو کافی سراہا گیا جنت نے اس فلم میں صائمہ نور ،مصطفی قریشی ،عامر قریشی ،بابر علی اور نغمہ بیگم کے ساتھ کام کیا ۔ جنت نے تاحال مزید فلمیں سائن نہیں کی ہیں نہ کوئی ڈرامہ سائن کرنے کی خبر سامنے آئی ہے۔جنت مرزا کا شمار انسٹاگرام کی مشہور شخصیات میں ہوتا ہے ان کے ملینز میں فالورہیں جو ان کو پسند کرتے ہیں ۔جنت نے ٹک ٹاک سے ہی مشہوری حاصل کی ان کی مشہوری گھر گھر تک گئی یہاں تک کہ سید نور نے انہیں اپنی فلم میں کاسٹ کر لیا ۔

اداکارہ میرا جو اپنی گفتگو کی وجہ سے اکثر خبروں میں رہتی ہیں اورصحافیوں کی بھی کوشش ہوتی ہے کہ میرا سے کوئی نہ کوئی ایسا سوال کیا جائے کہ جس کا جواب وائرل ہو اور میرا کے کیا ہی کہنے وہ کسی بھی بات پہ جواب دینے سے نہیں رکتیں ۔حال ہی میں فلمسٹار میرا نے ہمایوں سعید کی فلم لندن نہیں جاﺅنگا کے لئے دعائیں مانگی ہیں ان کا کہنا ہے کہ میری دعا ہے کہ فلم کامیابی سے ہمکنار ہو ،انہوں نے شائقین سے اپیل کی کہ اس فلم کو دیکھنے کے لئے ضرور جائیں میں بھی دیکھنے جاﺅں گی ۔

یاد رہے کہ فلم لندن نہیں جاﺅں گا میں مرکزی کرداروں میں ہمایوں سعید ،مہوش حیات اور کبری خان ہیں ۔ہدایتکاری ندیم بیگ کی ان کا حال ہی میںڈرامہ صنف آہن اور اس سے قبل میرے پاس تم ہو آیا تھا دونوں ڈراموں نے کامیابی کے ریکارڈز قائم کئے ۔ندیم بیگ اور ہمایوں سعید کی جوڑی جب بھی کسی پراجیکٹ میں ساتھ آتی ہے وہ ہٹ ثابت ہوتا ہے ۔مہوش حیات اور ہمایوں سعید کی جوڑی تو ویسے ہی بہت پسند کی جاتی ہے ڈرامہ سیریل دل لگی ہو جوانی پھر نہیں آنی ۔رپورٹس ہیں کہ دونوں کا ڈرامہ ایک ساتھ ڈرامہ میں منٹو نہیں ہوں بہت جلد آن ائیر جائیگا ۔

پنجابی گلوکار سدھو موسے والا کا قاتل گرفتار ہو چکا ہے قاتل بسنوئی گینگ کا کارندہ ہے اسے پہلے بھی قتل کے مقدمات میں گرفتار ہو چکا ہے ۔بھارتی میڈیا کے دعوے کے مطابق سدھو موسے والا پر جس نے فائرنگ کی وہ قاتل گرفتا ر کر لیا گیا ہے ۔قاتل کا نام سنتوش جادھو ہے قاتل کے ھوالے سے پولیس نے مزید معلوما ت شئیر نہیں کیں لیکن اتنا ضرور بتا دیا ہے کہ سدھو موسے والا کا قاتل گرفتار ہو چکا ہے ۔

یاد رہے کہ سدھو موسے والا کو ایک ماہ قبل گولیاں مار کر ہلاک کر دیا گیا تھا کچھ روز قبل ان کے والد نے حکومت سے اپیل کی تھی کہ میرے بیٹے کے قاتلوں کو گرفتار کیا جائے روتے ہوئے انہوں نے سوال کیا تھا کہ آخر میرے بیٹے کا کیا قصور تھا وہ تو بہت اچھا تھا وہ اکثر پریشان رہتا تھا مجھ سے اپنی پریشانی شیر کرتا تھا اور میں اسکو ھوصلہ دیا کرتا تھا ۔اس سے قبل پنجابی گلوکار میکا سنگھ نے بھی میڈیا کو بتایا تھا کہ جب سدھو موسے والا ممبئی ائیرپورٹ سے میرے گھر تک آئے تھے تو بہت خوش تھے کہ کسی قسم کی پریشانی یا خطرے کا سامنے نہیں کرنا پڑا میکا نے اس افسوس کا بھی اظہار کیا کہ کیوں میں نے سدھو کو ممبئی منتقل ہونے کا مشورہ نہیں دیا ۔سدھو موسے والا کے قتل کی مزید تحقیقات بھی جاری ہیں ۔

بالی وڈ کے کنگ اور دبنگ خان کے درمیان گہری دوستی پائی جاتی ہے وہ الگ بات ہے کہ اس دوستی میں چند برس دونوں کی بول چال نہیں رہی لیکن اس بول چال کے نہ ہونے کے باوجود دونوں نے ایک دوسرے کے خلاف کچھ نہیں کہا ۔حالانکہ میڈیا نے اس دوران بہت کوشش کی کہ کسی طرح سے شاہ رخ خان اور سلمان ایک دوسرے کے خلاف کچھ ایسا بول دیں کہ جس سے ہیڈنگز بنیں لیکن دونوں نے ایک دوسرے کے احترام کو ملحوظ خاطر رکھا۔گزشتہ روز ایک ایسی وڈیو سوشل میڈیا پر وائر ل ہوئی جس میں شاہ رخ خان ایک ایوارڈ شو میں سلمان خان کو الو کا پٹھا کہہ رہے ہیں اور

دونوں اس دوران ہنسی مذاق میں مصروف ہیں ۔ایک دوسرے کی باتوں سے لطف اندوز ہو رہے ہیں یہ وڈیو کچھ نہیں تو آج سے بائیس تئیس برس پرانی ہے تب بھی دونوں عروج پر تھے آج بھی دونوں عروج پر ہیں ۔یہ وڈیو جب سوشل میڈیا پر وائرل ہوئی تو ان دونوں کے پرستار کافی محظوظ ہوئے سوشل میڈیا صارفین نے دلچپسپ اور اپنی پسند نا پسند کے مطابق کمنٹس کئے ۔
واضح رہے کہ شاہ رخ خان اور سلمان خان نے فلموں میں کام کیا ہے لیکن یہ کام کم فلموں تک محدود رہا ۔ان دونوں کی فلم کرن ارجن کے ڈائیلاگز آج تک زبان دز عام ہیں اس فلم کا میوزک بھی کافی پسند کیا جاتا ہے ۔

معروف اداکارہ نادیہ افگن جن کو ان کی زبردست اداکاری کی وجہ سے بے حد سراہا جاتا ہے وہ کسی بھی کردار میں حقیقت ک رنگ بھر دیتی ہیں ان کا ہر کردار شائقین کو یاد رہ جاتا ہے۔نادیہ افگن نے حال ہی میںایک انٹرویو دیا ہے اس انٹرویو میں ان سے جہاں بہت سارے سوال ہوئے بچوں کا بھی سوال ہوا تو انہوں نے کہا کہ میں بچوں کے مستقبل کی وجہ سے بہت خوفزدہ رہتی ہوں یہاں تک کہ بھائی کے بچوں کے لئے بھی بہت پریشان رہتی ہوں ۔اسلئے بچے پیدا نہیں کئے۔میری شادی کو پندرہ سال کا عرصہ بیت گیا ہے اس دوران میں ہم نے کئی بار سوچا کہ ہمارے بچے ہونے چاہیں لیکن ہر بار یہی سوچا کہ دنیا میں بہت سارے بچے ہیں اس لئے ہم رہنے دیتے ہیں ۔اداکارہ نے مزید کہا کہ میری اور میرے شوہر کے درمیان بہت زبردست ذہنی ہم آہنگی ہے وہ بہت سپورٹ کرتے ہیں ۔انہوں نے مزید کہا کہ بچے نہ ہوں اس حوالے سے ہم نے کبھی کوئی منصوبہ بندی نہیں کی ۔انہوں نے مزید کہا کہ میں ٹھنڈے مزاج کی اپنے شوہر کی وجہ سے بنی ہوں ۔ہم ایک دوسرے کے ساتھ بہت خوش ہیں ۔

یاد رہے کہ نادیہ افگن کی شادی جواد جودی سے ہوئی نادیہ نے گلوکار جواد احمد کے پاپ گیت ”بن تیرے کیا ہے جینا“ کی وڈیو میں بطور ماڈل بھی کام کیا ۔نادیہ کا شمار کامیاب اداکاراﺅں میں ہوتا ہے ۔سرمد سلطان کھوسٹ کے ساتھ ان کی بہت دوستی ہے۔