نیٹ فلیکس کی فلم ”ہیرا منڈی“ کے لئے ایک بڑا بجٹ مختص کیا گیا ہے اور وہ بجٹ دو سو کروڑ ہے ۔کہا جا رہا ہے کہ فلم کو سنجے لیلا بھنسالی ڈائریکٹ کریں گے اور اس کا معاوضہ وہ ساٹھ سے پینسٹھ کروڑ کے درمیان لیں گے ۔بہت بڑے بجٹ کے ساتھ بننے والی اس فلم میں سوناکشی سنہا، منیشا کوئرالا، ہما قریشی، ریچا چڈھا اہم کرداروں میں نظر آئیں گے جبکہ مرد فنکاروں میں کون کون اس ٹیم کا حصہ ہو گا یہ چیز اپنی فائنل ہو رہی ہے ۔

سنجے لیلا بھنسالی جو الگ نوعیت کا کام کرنے پر یقین رکھتے ہیں ان کی ابھی تک کی بنائی گئی تمام فلموں کی میکنگ ایک الگ لیول کی محسوس ہوتی ہے۔سنجے لیلا بھنسالی سکرپٹ کو بہترین انداز میں سمجھ کر ڈائریکشن اور ماحول بناتے ہیں جو دیکھنے والے کے لئے یقینا کسی ٹریٹ سے کم نہیں ہوتی۔ ویسے بھی اب لوگ نیٹ فلیکس اور دیگر او ٹی ٹی پلیٹ فارمز کے لئے زیادہ پرجوش نظر آتے ہیں ہر کسی کی کوشش ہے کہ ایسے پلیٹ فارمز کے لئے کام کریں۔دوسری طرف سوال یہ بھی اٹھ رہے ہیں کہ کیا او ٹی ٹی پلیٹ فارمز سینما بلاک بسٹرفلموں کا دور ختم کر رہا ہے؟ پاکستان کی بات کی جائے تو یہاں تو ابھی ایسا کچھ نظر نہیں آتا لیکن بھارت سمیت دیگر ممالک میں او ٹی ٹی پلیٹ فارمز پر بہت ساری چیزوں کے تجربات ہورہے ہیں لہذا اس سوال کے جواب کےلئے ہمیں کچھ عرصہ انتظار کرنا پڑے گا۔

مہرین جبار ہمارے ہاں بننے والوں ڈراموں پر برس پڑیں ۔آج جو ڈرامہ بن رہا ہے اس کے بارے میں کیا سوچتی ہیں انہوں نے سب کھل کر کہہ دیا اور لگی لپٹی نہیں رکھی۔ مہرین جبار جو کہ اپنے منفرد اور الگ کام کی وجہ سے الگ پہچان رکھتی ہیں ان کا کہنا ہے کہ ہمارے ہاں بننے والے ڈرامے تو انڈین سوپ بن گئے ہیں ، سخت بری لائٹنگ ہوتی ہے ،نان سٹاپ میوزک چل رہا ہوتا ہے ،ہر خاتون نے بلو ڈرائی کر رکھا ہوتا ہے جبکہ مردوں نے چھوٹی چھوٹی داڑھی رکھی ہوتی ہے۔ہر خاتون ایک مسلسل اذیت اور کشمکش میں دکھائی دیتی ہے ۔سٹوری لائن اتنی کھنچی جاتی ہے کہ ایک ہزار قسطوں تک بات جا پہنچتی ہے۔انہوں نے سوشل میڈیا پر کی گئی اپنی اس پوسٹ کے نیچے سوال کیا کہ ” کہاں کھو گئے وہ لحے“ ؟ ۔

مہرین جبار جو کہ کم کم تنقید کرتی ہوئی دکھائی دیتی ہیں ان کی جانب سے سخت قسم کی تنقید آج کے بننے والے ڈرامے پر کی گئی ہے ان کی اس تنقید نے بہت سارے سوال اٹھائے ہیں جو یقینا ڈرامہ میکرز کے لئے سوچنے کا مقام ہے ۔مہرین ہی نہیں بہت سارے لوگوں کو آج جو ڈرامہ بن رہا ہے اس پر اعتراض ہے یہاں تک کہ جو آرٹسٹ کام کررہے ہیں ان میں سے بھی بہت سارے شاید ایسا سوچتے ہوں گے لیکن روزی رزق کی وجہ سے ہر کوئی اپنی زبان بند رکھنے کو ترجیح دیتا ہے۔
یاد رہے کہ مہرین جبار فلم اور ٹی وی کی پرڈیوسر اور ڈائریکٹر ہیں ،وہ جاوید جبار کی بیٹی اور گلوکار ،اداکار ہدایتکار یاسر اختر کی کزن بھی ہیں۔

میوزک ڈائریکٹر شنکر مہادیون نے ہندوستان ٹائمز کو انٹرویو دیتے ہوئے انکشاف کیا ہے کہ میرے اور کے کے کے درمیان بہت زیادہ دوستی تھی یہاں تک کہ ہم فلموں میں بھی نہیں آئے تھے جب سے ہماری دوستی تھی ۔ہم ایکدوسرے کے ساتھ مل کر جنگلز گایا کرتے تھے اور ایسے ہی تجربات بعد میں فلموں میں بھی کئے۔ شنکر نے یہ بھی بتایا کہ کے کے بہت زیادہ فیملی کے ساتھ رہنے والے انسان تھے ان کے پاس جو بھی فری وقت ہوتا تھا،پارٹیوں میں جانے کی بجائے فیملی کے ساتھ گزارنے کو ترجیح دیتے تھے ۔وہ باقاعدہ طور پر اپنے کام سے کچھ دنوں کا وقفہ لیکر فیملی کے ساتھ رہتے تھے وہ سوشل میڈیا کے بھی شوقین نہیں تھے یہاں تک کہ ان کے پاس وٹس ایپ نمبر بھی نہیں تھا انہیں اگر کال کرنی ہوتی تھی تو ڈائریکٹ نمبر پر کرنی پڑتی تھی ۔

شنکر نے یہ بھی کہا کہ کے کے نے بہت اچھا گایا لیکن جس حساب سے اچھا گایا اس حساب سے انہیں ایوارڈز نہیں ملے اور یہ چیز ان کو کبھی پریشان نہیں کرتی تھی وہ اپنی دھن میں مست رہتے تھے اور کام کرتے رہتے تھے ۔ کے کے شوز کے معاملے میں بھی بہت سلیکٹیو تھے ہر کسی کا شو نہیں کر تے تھے .
واضح رہے کہ گلوکار کے کے گزشتہ دنوں دل کا دورپ پڑنے سے انتقال کر گئے تھے ان کے انتقال کی خبر سن کر نہ صرف بالی وڈ بلکہ پاکستان کی شوبز انڈسٹری اور پرستار دکھی ہیں.

ماضی کی پنجابی فلموں کی دو خوبصورت اداکارائیں جو کہ بہنیں بھی ہیں دونوں کافی برسوں کے بعد کسی تقریب میں دیکھی گئی ہیں اور مزے کی بات ہے کہ دونوں کو نہیں پتہ تھا کہ یہ دونوں وہاں موجود ہوں گی ۔تقریب کی ایک سائیڈ پر گوری موجود تھیں دوسری طرف انجمن ۔ جب دونوں کا سامنا ہوا تو دونوں ایک دوسرے کو اس طرح سے ملتی ہوئی دکھائی نہیں دیں جس طرح سے وہ وہاں موجود دوسرے لوگوں سے مل رہی تھیں لیکن وہاں صورتحال ایسی بنی کے دونوں کو ایک دوسرے کے ساتھ کھڑا کر دیا گیا اور ایک گروپ کی صورت میں تصویر بنائی گئی۔

یاد رہے کہ انجمن اور گوری کی آپسی بول چال کئی برس سے بند ہے جب گوری نے فلم انڈسٹری میں قدم رکھا تو اس وقت انجمن پنجابی فلموں کی نمبر ون ہیروئین ہوا کرتی تھیں اور کہا جاتا ہے کہ انجمن اور گوری کے درمیان پروفیشنل جیلسی پائی جاتی تھی ۔ان دونوں کے درمیان لڑائی جھگڑوں کی خبریں بھی آتی رہیں اب صورتحال یہ ہے کہ دونوں بہنوں میں بول چال تک نہیں ہے یہاں تک کہ انجمن کے بیٹے کی کچھ مہینے پہلے شادی ہوئی تھی اس میں گوری کو مدعو نہیں کیا تھا ۔اس موقع پر جب کسی نے گوری سے سوال کیا کہ آپ فلموں اور ڈراموں میں نظر نہیں اآرہیں تو انہوں نے کہا کہ بہت جلد ایسا ہونے جا رہا ہے.میں‌کام کرنا چاہتی ہوں اگر اچھے کام کی آفرز آئیں‌تو ..

گزشتہ دنوں اداکارہ اشنا شاہ نے صبا قمر کے ٹیلنٹ کی تعریف کی تھی ان کے بعد ماہرہ خان میدان میں آئی ہیں انہوں نے سوشل میڈیا پر ایک پوسٹ کے زریعے صبا قمر سے کہا کہ میں فلم کملی کو دیکھنے کےلئے مزید انتظار نہیں کر سکتی مجھے امید ہے کہ تم نے اس میں شاندار کام کیا ہو گا ،تم سے اور سرمد سے میں یہی توقع کر سکتی ہوں۔ اس پرصبا قمر نے انہیںشکریہ ادا کرتے ہوئے جواب دیا آپ کا اس طرح سے کہنا اور وہ بھی میرے متعلق میرے لئے یقینا معنی رکھتا ہے۔میں بہت زیادہ پرجوش ہوں” قائداعظم زندہ باد“ دیکھنے کےلئے ۔میری طرف سے آپ کے لئے بہت پیار اور دعائیں یقینا مجھے بہت اچھی وائبز بھی آرہی ہیں ۔ان دونوں ادکااراﺅں کا آپس میں اتنے خوبصورت انداز میں مکالمہ ان کے پرستاروں کو بے حد پسند آیا ۔

ماہرہ خان جن کی فلم ” قائداعظم زندہ باد“ عید الاضحی پر ریلزہونے جا رہی ہے اس میں فہد مصطفی ان کے ساتھ نظر آرہے ہیں اس فلم کے لئے بھی شائقین بے چینی سے انتظارکررہے ہیں ۔کہا جا رہا ہے کہ یہ فلم کامیابی کے ریکارڈز قائم کرے گی ، یہ فلم اب کتنی کامیاب ہوتی ہے یہ تو آنے والا وقت ہی بتائے گا

فلم ” کملی“ گزشتہ روز سینما گھروں کی زینت بن گئی یہ وہ فلم رہی ہے کہ جس کا شائقین نے بے حد انتظار کیا ہے آخر وہ دن آن پہنچا جب فلم دیکھنے کےلئے سینما گھروں کے دروازے کھل گئے۔تین جون یعنی گزشتہ روز کملی پورے پاکستان میں ریلیز کی گئی ۔ پورے پاکستان میں پہلے ہی دن 140سے زیادہ شوز چلے ،ملٹی پلیکس سینما گھروں میں تو اس فلم کی ایڈوانس بکنگ تھی ،لہذا ان سینما گھروں کا پہلے دن کا بزنس کافی اچھا رہا اور امید کی جا رہی ہے یہ فلم اپنے منفرد موضوع کی وجہ سے عوام میں مقبولیت حاصل کریگی۔ کملی ایک ایسے موضوع پر بننے والی فلم ہے جس کو ہم نظر انداز کرتے ہیں جس پر بات کرنے کو ایسا سمجھتے ہیں جیسے رسموں رواج پر کوئی ضرب لگ رہی ہو۔ نوجوان نسل کملی کو دیکھنے میں کافی دلچپسی لے رہی ہے

صبا قمر ،سرمد کھوسٹ اور ثانیہ سعید کا کمبینشن ہمیشہ کی طرح اس بار بھی بہت اچھا رہا ہے۔بہت عرصے کے بعد کسی بھی فلم میں اتنا چھا میوزک سننے کو ملا ہے فلم کا ہر گیت سیچوایشن کے حساب سے بنایا گیا ہے شاعری ہو یا میوزک ہر چیز پر جم کر کام کیا گیا ہے۔عید سے لیکر ا ب تک جتنی بھی فلمیں ریلیز ہوئی ہیں ان میں سے اگر میوزک کا موازنہ کیا جائے تو کملی کا میوزک سب سے ہٹ کر ہے ۔
یار رہے کہ سرمد سلطان کھوسٹ کی فلم ”منٹو“ کی اوپننگ تھوڑی ہلکی رہی تھی لیکن جیسے جیسے دن گزرتے گئے ہائپ بنتی گئی اور فلم نے فلم بینوں کو سینما گھروں تک آنے کے لئے مجبور کر دیا ۔اسی طرح سے کملی ہے جس نے نوجوان نسل ہو یا یا بڑی عمر کے لوگ اپنے منفرد موضوع کی وجہ سے انہیں سینما گھروں تک آنے پر

نوشین شاہ جو لوگوں کی توجہ حاصل کرنے کےلئے الٹی سیدھی باتیں کرتی رہتی ہیں وہ اکثر خود کو بھارتی اداکارہ کرینہ کپور کیساتھ ملاتی ہوئی نظر آتی ہیں ۔نوشین اپنے ساتھ اداکاروں کے بارے میں بھی ایسے بیان دیتی ہیں کہ جس کے بعد انہیں شدید تنقید کا سامنا کرنا پڑتا ہے لیکن لگتا ہے کہ ان کو اثر نہیں ہوتا اور وہ جان بوجھ کر ایسا کچھ بولتی ہیں کہ وہ خبروں میں رہیں۔ اس بار انہوں نے شاید عمران خان کی حمایت میں مریم نواز کو آڑھے ہاتھوں لے لیا انہوں نے کہا کہ اپنے والد کے خادموں کے پروٹوکول میں شوہر کو نظر انداز کرکے نکل جانا ،سارا دن بے تکا بولنا،بے نظیر بننے کی کوشش کرنا، گلے کی حد سے زیادہ چیخنا اور پھر سوجانا، ایسا جب انہوں نے مریم نواز کے بارے میں کہا تو مسلم لیگ ن کی رہنما حنا پرویز نے انہیں کھری کھری سنا دیں جس کے بعد مسلم لیگ کے فالورز نے نوشین شاہ کو کھری کھری سنائیں ۔

نوشین کافی ڈراموں میں کام کر چکی ہیں لیکن ایک عرصے سے وہ کسی بھی پراجیکٹ میں کم ہی نظر آرہی ہیں ،نوشین شاہ کافی موڈی ہیں اور وہی کہتی اور کرتی ہیں جو ان کا دل کرتا ہے ،ان کا شمار ان لوگوں میں ہوتا ہے جو اپنی شرائط پر زندگی جیتے ہیں ۔نوشین شاہ سوشل میڈیا پر بھی کافی متحرک رہتی ہیں اور اکثر اپنی تصاویر شیئر کرتی رہتی ہیں جنہیں ان کے مداحوں کی جانب سے بھی خوب سراہا جاتا ہے