کراچی: اداکارہ و میزبان وینا ملک نے ’’عورت مارچ‘‘ کے حوالے سے کہا ہے کہ عورت مارچ خواتین کی مدد نہیں کرتا بلکہ تنازعات کو ہوا دیتا ہے۔

باغی ٹی وی : پاکستان سمیت دنیا بھر میں 8 مارچ کو عالمی یوم خواتین منایا جاتا ہے تاہم پاکستان میں کچھ لوگ عورت کے مارچ کے خلاف ہیں اور کچھ لوگ اس کے حق میں ہیں حال ہی میں سوشل میڈیا پر وائرل ایک پوسٹ میں عالمی یوم خواتین کے موقع پر اداکارہ وینا ملک نے ’’عورت مارچ‘‘ کے حوالے سے اپنی رائے کا اظہار کیا ہے۔

انہوں نے کہا میں جو محسوس کرتی ہوں وہ یہ ہے کہ عورت مارچ ان چیزوں کی تصویر کشی کر رہا ہے جوخواتین کی مدد نہیں کررہیں بلکہ صرف تنازعات کو اپنی طرف راغب کرتی ہیں۔

وینا ملک نے خواتین کے مسائل کے بارے میں بتاتے ہوئے کہا کہ خواتین کے صحت کے مسائل ہیں، مساوی تنخواہ کے مسائل ہیں اور بہت سی دوسری چیزیں ہیں خواتین کو حقوق ملنے چاہئیں لیکن جب آپ سنجیدہ نہیں ہوتے تو آپ سڑکوں پر نکل کر چیختے ہیں۔

آنجہانی اداکار رشی کپور کی آخری فلم کی تاریخ کا اعلان

اداکارہ نے کہا جب آپ سنجیدہ ہیں تو جائیں نظام میں جائیں اور قوانین کو تبدیل کریں اور یہ طریقہ درحقیقت لوگوں کی مدد کرے گا۔ میرا یہی موقف ہے کہ شور شرابا کرنے والے کبھی سنجیدہ نہیں ہوتے۔

یوکرین کی طرح مسلمان ممالک پر حملوں کی مذمت کیوں نہیں کی جاتی؟ بیلا حدید کا دنیا…

لاہور: معروف اسٹیج اداکار طارق ٹیڈی کے وارنٹ گرفتاری جاری ہوگئے۔

باغی ٹی وی : تفصیلات کے مطابق اداکار طارق ٹیڈی کے وارنٹ گرفتاری بچیوں کا ماہانہ خرچہ نہ دینے پر جاری ہوئے۔فیملی عدالت کی جج نے اداکار کے وارنٹ جاری کیے-

لاہور کی فیملی عدالت میں اسٹیج اداکار طارق ٹیڈی کی سابقہ بیوی عاصمہ بی بی کی جانب سے بچیوں کے اخراجات ادا کرنے کیلئے رجوع کیا۔

فیملی عدالت کی جج رافعہ قریشی نے درخواست کی سماعت کی، اسٹیج ادکار طارق ٹیڈی کے خلاف سابقہ بیوی نے بچیوں کا خرچ دینے کے لیے کیس دائر کر رکھا تھا۔

فیملی عدالت میں بچیوں کی والدہ عاصمہ ریاض کا کہنا تھا کہ طارق ٹیڈی کی دو بچیاں میرے پاس ہیں دونوں سکول جاتی ہیں باپ خرچہ نہیں دے رہا جس کی وجہ بچیوں کو پڑھائی میں دشواری ہو رہی ہے عدالت نے طارق ٹیڈی کو خرچہ دینے کا پابند کیا لیکن وہ عمل درآمد نہیں کر رہا۔

گزشتہ سماعت کے موقع پر اداکار طارق ٹیڈی کو نوٹس جاری کیے گئے تھے عدالت نے اداکار کو دونوں بچیوں کا ماہانہ خرچ 34 ہزار روپے دینےکا حکم جاری کیا تھا۔

عدالتی حکم کے باوجود اداکار جج کے روبرو پیش ہوٸے اور نہ ہی سابقہ بیوی کو اپنی بچیوں صفا اور مروا کا ماہانہ خرچہ ادا کیا عدالت نے حکم عدولی کی بنا پر اداکار طارق ٹیڈی کے وارنٹ گرفتاری جاری کرتے ہوئے کیس کی سماعت سترہ مارچ تک ملتوی کردی-

ترکی میں موجود ٹک ٹاکر حریم شاہ کی طبیعت ناساز

لاہور ہائیکورٹ سے گلوکارہ میشا شفیع سمیت دیگر کی ایف آئی اے کا مقدمہ خارج کرنے کی درخواستیں جرمانے کے ساتھ خارج کر دیں جس پر اداکار و گلوکار علی ظفر کا ردعمل سامنے آیا ہے-

باغی ٹی وی :لاہور ہائیکورٹ میں میشا شفیع کی ایف آئی اے کی جانب سے درج مقدمہ خارج کرنےکی درخواست پر سماعت ہوئی ہائیکورٹ کے جسٹس طارق سلیم شیخ نے درخواستوں پر محفوظ فیصلہ سناتے ہوئے گلوکارہ میشا شفیع سمیت دیگر کی ایف آئی اے کا مقدمہ خارج کرنے کی درخواستیں جرمانے کے ساتھ خارج کردیں-

میشا شفیع سمیت دیگر نے اپنے خلاف درج ایف آئی اے کے مقدمے کو لاہور ہائیکورٹ میں چیلنج کیا تھا عدالت نے وکلاء کے دلائل مکمل ہونے کے بعد فیصلہ محفوظ کیا تھا۔

میشا شفیع نے لاہور ہائیکورٹ میں دائر درخواست میں موقف اختیار کیا تھا کہ ایف آئی اے نے علی ظفر کی درخواست پر حقائق کے برعکس مقدمہ درج کیا جبکہ ایف آئی اے نے ملزمان کا موقف لیے بغیر مقدمہ درج کیا درخواست میں استدعا کی گئی تھی کہ عدالت ایف آئی اے کی جانب سے درج مقدمہ خارج کرنے کا حکم دے۔

محترمہ سے بڑی عزت سے صرف ایک سوال پوجھیئے گا۔

وہ کیا حقیقت ہے جس کے نمایاں ہو جانے کے ڈر سے وہ عدالت سے اتنے سال کہتی رہیں کہ کوووِڈ میں کینیڈا سے عدالت نہیں آ سکتیں مگر پھر کوک سٹوڈیو کے لئے فوراً آ پہنچیں اور پھر عدالت کو بتائے بغیر اپنی جرہ بیچ میں چھوڑ کر واپس چلی گئیں؟ https://t.co/rpAPXMV1dv

— Ali Zafar (@AliZafarsays) March 9, 2022

علی ظفر نے عدالتی فیصلہ سامنے آنے کے بعد سماجی رابطے کی ویب سائٹ ٹوئٹر پر ردعمل دیتے ہوئے طنزیہ انداز میں سوال کیا ہے محترمہ (میشا شفیع) سے بڑی عزت سے صرف ایک سوال پوچھئے گا کہ وہ کیا حقیقت ہے جس کے نمایاں ہوجانے کے ڈر سے وہ عدالت سے اتنے سال کہتی رہیں کہ کووڈ میں کینیڈا سے عدالت نہیں آسکتیں مگر پھر کوک اسٹوڈیو کے لیے فوراً آپہنچیں اور پھر عدالت کو بتائے بغیر اپنی جرح بیچ میں چھوڑ کر واپس چلی گئیں؟

اور پھر نہایت احترام سے پوچھئیے گا کہ کیا وہ میرے ہرجانے کے کیس میں، جہاں ان کو ان کا موقف بیان کرنے کا پورا موقعہ دیا جا رہا ہے، اپنی جرح مکمل کروانے کے لئیے اس ہفتے ۱۲ تاریخ کو عدالت آئیں گی؟ یا پھر سے نہیں آئیں گی؟

— Ali Zafar (@AliZafarsays) March 9, 2022

علی ظفر نے ایک اور ٹوئٹ میں مزید کہا کہ اور پھر نہایت احترام سے پوچھیے گا کہ کیا وہ میرے ہرجانے کے کیس میں جہاں ان کو ان کا موقف بیان کرنے کا پورا موقع دیا جار ہاہے، اپنی جرح مکمل کروانے کے لیے اس ہفتے کی 12 تاریخ کو عدالت آئیں گی؟ یا پھر سے نہیں آئیں گی؟‘‘۔

ترکی میں موجود معروف ٹک ٹاکر حریم شاہ کی طبیعت ناساز ہوگئی۔

باغی ٹی وی : سماجی رابطے کی ویب سائٹ انسٹاگرام پر ٹک ٹاکر نے ایک ویڈیو پیغام شیئر کرتے ہوئے مداحوں کو اپنی طبیعت کی اطلاع دی تاہم ٹک ٹاکر نے اپنے ویڈیو پیغام میں یہ واضح نہیں کیا کہ انہیں کیا ہوا ہے اور وہ کس بیماری میں مبتلا ہیں-

ویڈٰیو لیک ہونے کا کوئی ڈر نہیں حریم شاہ

حریم شاہ نے اپنی ویڈیو میں پشاور دھماکے سمیت فرقہ واریت پر بات کی جب کہ ٹک ٹاکر نے فرقہ واریت پھیلانے والوں پر برہمی کا اظہار کرتے ہوئے کہا کہ سوشل میڈیا پر ان دنوں فرقہ واریت میں تقسیم ہوئے لوگوں کی ویڈیوز زیرگردش ہیں جنہیں دیکھ کر خود کو کہنے سے نہیں روک پائی کیوںکہ ایسے لوگ جو خود کو درست اور دوسروں کو غلط قرار دیں انہیں ضرور ان کی اوقات یاد دلانی چاہیے۔

حریم شاہ کے ہاتھ میں شراب کی بوتلیں اور….ویڈیو وائرل

دوسری جانب سندھ ہائیکورٹ میں حریم شاہ کے کیس سے متعلق سماعت ہوئی جس میں ان کے وکیل نے عدالت میں ان کی رپورٹ پیش کی تھی جو ترک میں زبان تھی ٹک ٹاکر کے وکیل نے عدالت کو بتایا تھا کہ ان کے مؤکلہ ترکی میں بیمار ہیں –

جس پر عدالت نے استفسار کیا کہ انہیں کیا بیمار ی لاحق ہے اور کس چیز کا علاج کرارہی ہیں؟ اس پر حریم کے وکیل نے بتایا کہ حریم شاہ ترکی میں لیو اسکوپی کا علاج کرارہی ہیں، ڈاکٹروں نے انہیں آرام کا مشورہ دیا ہے۔

حریم شاہ اپنے تعلقات بارے پھر بول اٹھی

پاکستانی شوبز انڈسٹری کی معروف اداکارہ مہوش حیات کو ایک مداح نے فوٹو لیتے ہوئے عقب سے چھونے کی کوشش کی جس کے مناظر کیمرے کی آنکھ میں قید ہو گئے-

باغی ٹی وی : حال ہی میں اداکارہ مہوش حیات کو ایک تقریب میں مداح کی نامناسب حرکت کا سامنا کرنا پڑا جس سے اداکارہ بے خبر تھیں ایک تقریب کے موقع پر فوٹوسیشن کے دوران کسی پرستار نے مہوش حیات کو ہاتھ لگانے کی کوشش کی تاہم ساتھ ہی موجود ریحان نامی شخص نے اسے روک دیا اور واقعے کی ویڈیو سوشل میڈیا پر وائرل ہوگئی۔

اداکارہ نے فوٹو اور ویڈیو شیئرنگ ایپ انسٹاگرام پر خود بھی ویڈیو شیئر کی جس میں وہ ایک تقریب میں مداحوں کے ساتھ تصاویر بنواتی دکھائی دیتی ہیں اور ان کے ساتھ دوسرے لوگ بھی وہاں کھڑے ہیں۔

اداکارہ کی جانب سے شیئر کی گئی ویڈیو میں دیکھا جا سکتا ہے کہ ایک مداح ان کے ساتھ تصویر بنانے کے لیے مہوش حیات کے قریب آتا ہے، وہی شخص اداکارہ کی کمر پر ہاتھ رکھنے کی کوشش کرتا ہے۔

ویڈیو میں دیکھا جا سکتا ہے کہ مداح کی کمر پر ہاتھ رکھنے کی کوشش کو وہاں اداکارہ کے پیچھے کھڑا ہوا دوسرا شخص ناکام بنا دیتا ہے اور مداح مہوش حیات کی کمر پر ہاتھ رکھے بغیر ان کے ساتھ تصویر بنوا دیتا ہے۔

مہوش حیات نے ویڈیو شیئر کرتے ہوئے لکھا کہ حیران ہوں کہ کس طرح مداح فنکاروں کو چھونے کی کوشش کو آسان لیتے ہیں۔

مہوش حیات نے لکھا کہ مجھے نہیں پتا تھا کہ عقب میں کیا ہوا لیکن میں ریحان کی مشکور ہوں کہ انہوں نے مجھے محفوظ رکھا، ریحان جیسے شخص سے دیگر افراد کو بھی سیکھنا چاہیے کہ ایک بہترین انسان کو کیا کرنا ہوتا ہے۔

ساتھ ہی انہوں نے ہم ایف ایم کے عہدیدار ریحان کا شکریہ بھی ادا کیا-

ریحان نے بھی اداکارہ کی مذکورہ ویڈیو کو شیئر کرتے ہوئے پیغام لکھا کہ بعض لوگوں کو دوسرے سے ملاقات کرتے وقت اخلاقیات کا سبق سیکھ لینا چاہیے کچھ لوگوں کو خصوصی طور پر خواتین کے ساتھ ملاقات کے وقت احسن انداز میں ملنے کی تربیت لینی چاہیے اور اقدار کا خیال بھی رکھنا چاہیے۔

انہوں نے لکھا کہ انہوں نے ویڈیو میں نظر آنے والے چچا کو مہوش حیات کی کمر پر ہاتھ رکھنے سے روکا تھا۔