بالی ووڈ کے ماضی کے مقبول ترین اداکار دیو آنند 1950 اور 1960 کی دہائی میں بولی وڈ کے تین سپرا سٹارز میں سے تھے جنہوں نے کئی دہائیوں تک لوگوں بالخصوص خواتین کے دلوں پر راج کیا ۔
باغی ٹی وی : بھارتی خبر رساں ادارے ہندوستان ٹائمز کے مطابق منفرد انداز اور اداکاری کے لیے مشہور بولی وڈ اداکار دیو آنند کا شمار ان چند اداکاروں میں ہوتا ہے جن کے بے انتہا چاہنے والے تھے دیو آنند کی زندگی میں ایسا بھی وقت آیا جب انہوں نےعوامی مقامات پر کالے رنگ کا سوٹ پہننا چھوڑ دیا تھا جس کی وجہ 1958 میں پیش آنے والا ایک واقعہ بتائی جاتی ہے۔
ہندوستان ٹائمز کے مطابق 1958 میں جب دیو آنند کی مدھو بالا کے ساتھ فلم ’کالا پانی‘ ریلیز ہوئی تو اس موقع پر انہوں نے کالے رنگ کا کوٹ پہنا ہوا تھا۔کہا جاتا ہے کہ دیو آنند کالے کوٹ میں اتنے خوبصورت لگ رہے تھے کہ وہاں موجود ایک لڑکی انہیں اس روپ میں دیکھ کر اس قدر دنگ رہ گئی کہ اس نے مبینہ طور پر خودکشی کر ڈالی۔
رپورٹ کے مطابق اس وقت ایسی خبریں بھی سامنے آئیں تھیں کہ نوجوان لڑکیوں نے دیو آنند کی ایک جھلک دیکھنے کے لیے عمارت کی چھت سے چھلانگ لگا دی تھی۔
دیو آنند کا شمار اپنے وقت کے بے انتہا کامیاب اداکاروں میں ہوتا ہے لیجنڈ اداکار نے گائیڈ ، ہرے کرشنا ہر رام ، دیس پردیس جیسی 100 سے زیادہ فلموں میں دکھائی دے کر شائقین کو محظوظ کیا جو سینما کے چاہنے والوں کے دلوں میں اب بھی ایک خاص مقام رکھتے ہیں۔
لیجنڈری اداکار نے 1970 کی دہائی میں آنے والی فلموں میں بھی مرکزی کردار ادا کیا جب ان کے ساتھی اداکار راج کپور اور دلیپ کمار نے یا تو بطور ڈائریکٹر کام کرنا شروع کر دیا تھا اور یا پھر سینیئر اداکار کے طور پر فلموں میں آتے تھےدیو آنند اداکاری کے علاوہ ہدایت کار اور ڈائریکٹر کے طور پر بھی کام کر رہے تھے-
جبکہ مقبول ترین اداکارہ زینت امان کو 1971 کی فلم ’ہرے راما ہرے کرشنا‘ میں متعارف کروانے والے بھی دیو آنند ہی تھے۔
