بالی ووڈ اداکارہ کرشمہ کپور کاشمار 90 کی دہائی کی صف اول کی اداکاراؤں میں ہوتا ہے لیکن کاروباری شخص سنجے کپور سے ان کی شادی 13سال ہی چل سکی اس طلاق کے بعد کرشمہ اور سنجے دونوں کی طرف سے ایک دوسرے پر کئی الزامات لگائے گئے ۔

باغی ٹی وی :90 کی دہائی میں بالی ووڈ کی ہیروئن کرشمہ کپور نے اپنی اداکاری کے ذریعے بے پناہ شہرت حاصل کی اور صف اول کی اداکاراﺅں میں اپنا نام بنایا- ان کی جوڑی اداکار گووندے کے ساتھ بہت مقبول ہوئی اور دونوں کے ایک ساتھ کئی فلموں میں کام بھی کیا لیکن شوبز انڈسٹری میں کامیابی ان کی ازدواجی زندگی میں کامیابی نہ لا سکی اور ان کی شادی 13 سال رہنے کے بعد 2016میں ختم ہو گئی ۔

اداکارہ کرشمہ کپور نے اپنی اداکاری سے سبھی کو متاثر کیا تھا ۔ کامیڈی ہو ، ٹریجڈی ہو یا رومانس کرشمہ کپور نے ہر فلیور کی فلمیں کیں اور ناظرین کی تعریفیں حاصل کیں ۔ لیکن کرشمہ کی پروفیشنل لائف کافی شاندار تھی ، مگر ذاتی زندگی میں انہیں کئی مرتبہ دھوکہ ملا ۔

ابھیشیک بچن سے پوری دنیا کے سامنے رشتہ طے ہونے اور منگنی کا اعلان ہونے کے بعد بھی کرشمہ بچن کنبہ کی بہو نہیں بن سکیں ۔ اپنے کریئر کی بلندیوں پر ہوتے ہوئے کرشمہ نے سنجے کپور سے شادی کا فیصلہ کرلیا ، لیکن اس شادی سے خود کو الگ کرنے کے بعد کرشمہ کپور نے جو انکشافات کئے وہ انتہائی چونکانے والے تھے ۔

سنجے کپور پہلے شادی شدہ تھے لیکن انہوں نے پہلی بیوی سے علیحدگی کے بعد کرشمہ سے 20 ستمبر 2003 شادی کر لی ، سنجے کے ساتھ شادی نے کرشمہ کی زندگی میں بہت بڑی تبدیلیاں رونما کر دیں ، کرشمہ کپور نے 2012 میں شوہر سنجے کپور سے الگ رہنا شرو ع کر دیا تھا لیکن ان کی طلاق 2016 میں ہوئی ۔

کرشمہ کپور نے شادی ٹوٹنے کے لمبے عرصہ کے بعد خاموشی توڑی اور سنجے کپور پر خوفناک الزامات کی بارش کر دی –

کرشمہ نے اپنے سابق شوہر پر ہنی مون کے دوران دوستوں کے سامنے بولی لگوانے کا بھی الزام لگایا ۔ ماضی میں دیئے گئے انٹرویو میں کرشمہ کا کہناتھا کہ سنجے نے شادی کے کچھ عرصہ بعد ہی تشدد کرنا شروع کر دیا تھا ، جب میں اپنے شوہر کے ساتھ ہنی مون پر تھی تو سنجے نے اپنے دوستوں کے ساتھ ایک رات سونے کیلئے مجھ پر دباﺅ ڈالا لیکن میں نے انکار کر دیا جس پر سنجے نے مجھے تشدد کا نشانہ بنایا ۔

کرشمہ کپور کا کہناتھا کہ یہاں تک کہ سنجے نے اپنے دوستوں کے سامنے میری بولی تک لگائی کرشمہ کے مطابق سنجے مجھے بہت مارا کراتا تھا اور میں اکثر ان سبھی زخموں کو اپنے میک اپ سے چھپایا کرتی تھی –

کرشمہ نے کہا کہ جب چیزیں میرے ہاتھ سے بالکل نکل گئیں اور میرے پاس کوئی چارہ نہیں بچا ، تب میں نے پولیس میں شکایت کی –

کرشمہ نے مزید کہا کہ انہوں نے مزید کہا کہ صرف سنجے ہی نہیں بلکہ ان کی ماں اور میری ساس بھی مجھ پر ظلم کیا کرتی تھیں ۔سنجے کپور سے طلاق کے بعد کرشمہ کپور اپنے بچوں کو پروان چڑھا رہی ہیں ، دونوں بچوں کی ذ مہ داری اداکارہ نے ہی اٹھا رہی ہے ، بچوں کی بھلائی کیلئے سنجے اور کرشمہ کپور نے آپسی رنجشوں کو ایک طرف رکھتے ہوئے تعلق کو معمول پر لانے کی کوشش کی تاکہ ان کے بچوں کو توجہ مل سکے ۔

بھارتی میڈیا کے مطابق دوسری جانب بیٹی کی اس شادی پر والد رندھیر کپور نے بتایا تھا کہ وہ کبھی نہیں چاہتے تھے کہ کرشمہ اور سنجے کی شادی ہو ۔ ہندوستان ٹائمز کو دئئے ایک انٹرویو میں رندھیر کپور نے کہا تھا کہ سبھی ہمارے خاندان کے بارے میں جانتے ہیں ، ہم کپور ہیں، ہمیں کسی کے پیسے کے پیچھے بھاگنے کی ضرورت نہیں ہے ۔

انہوں نے کہا تھا کہ سنجے ایک گھٹیا آدمی ہے ، میں کبھی نہیں چاہتا تھا کہ کرشمہ اس سے شادی کرے ۔ اس نے اپنی بیوی کی کبھی پروا نہیں کی ۔ وہ اپنی بیوی کی بے عزتی کررہا تھا اور دوسری عورت کے ساتھ رہ رہا تھا ۔

واضح رہے کہ طلاق کی عرضی میں سنجے نے الزام لگایا تھا کہ کرشمہ ایک اچھی ماں نہیں ہے اور اس نے صرف پیسے کیلئے سنجے سے شادی کی تھی-

خیال رہے کہ طلاق میں معاہدے کے مطابق بچوں کے نام 10 کروڑ کی رقم جمع کرائی گئی تھی جسے بچوں پر خرچ کیا جانا تھا اور بچوں کے تعلیمی اخراجات بھی والد کے ذمے لگائے گئے تھے جبکہ شادی کے زیورات اور تحائف کرشمہ کپور کی ملکیت میں دیئے گئے تھے-

معاہدے کے تحت بچے اپنی والدہ کرشمہ کپور کے پاس ہی رہیں گے لیکن سال میں 3 ماہ اپنے والد کے ساتھ گزار سکیں گے۔

بالی ووڈ کے معروف اداکار اکشے کمار اپنے بارے میں جعلی خبریں پھیلانے والوں سے سخت پریشان ہوگئے-

باغی ٹی وی : بھارتی میڈیا کے مطابق چند روز قبل اکشے کمار سے متعلق یہ افواہ گردش کررہی تھی کہ اداکار کی میگا بجٹ فلم ’بیل بوٹم‘ کے فلمسازوں نے کورونا وبا کے تناظر میں اکشے سے فلم کا معاوضہ کم کرنے کی درخواست کی جس پر انہوں نے اپنے معاوضے میں 30 کروڑ تک کی کمی کردی-

یہ خبریں وائرل ہونے کےبعد اکشے کمار نے ٹوئٹ کے ذریعے ان خبروں کو جھوٹا قرار دیا تھا۔

اب یہ خبریں سامنے آرہی ہیں کہ فلمساز ساجد ناڈیاڈوالا نے اکشے کمار کے ساتھ سنیل شیٹھی کے بیٹے آہان کو مرکزی کردار میں کاسٹ کیا ہے تاہم اداکار نے ایک بار پر اس خبر کی تردید کردی۔

10/10 on FAKE news scale! How about I start my own fake news busting business ? 🤔 https://t.co/oiXSBr4nD9

— Akshay Kumar (@akshaykumar) June 21, 2021

سماجی رابطے کی ویب سائٹ پر ٹوئٹ کرتے ہوئے اکشے کمار نے کہا کہ جھوٹی خبروں کا اسکیل 10 میں سے 10 ہے، کیوں نہ میں جھوٹی خبروں کو مسترد کرنے کا کاروبار شروع کردوں۔

واضح رہے کہ اس سے قبل ٹوئٹر پر اکشے کمار نے اپنی فلم "کھلاڑیوں کا کھلاڑی” کی ریلیز کو 25 سال مکمل ہونے پر ایک پیغام جاری کرتے ہوئے کہا تھا کہ ان کی اس فلم میں دی انڈر ٹیکر کا کردار ریسلر برین لی نے نبھایا تھا۔

انڈرٹیکر نے اکشے کمار کو فائٹ کا چیلنج دے دیا

تاہم اپنے اس پیغام کے ساتھ اکشے کمار نے میم کے طور پر ریسلر براک لزنر،ٹرپل ایچ اور رومان رينز کے ساتھ اپنی تصویر ٹوئٹ کی جس پر لکھا تھا کہ ’جو دی انڈر ٹیکر کو شکست دے چکے ہیں وہ اپنا ہاتھ اٹھائیں‘-

تاہم اکشے کمار کو مذاق اس وقت مہنگا پڑ گیا جب ٹوئٹر پوسٹ معروف ریسلر دی انڈر ٹیکر تک جا پہنچی۔ انڈر ٹیکر نے اس پر ردعمل دیتے ہوئے انڈر ٹیکر نے انھیں فائٹ کا چیلنج دے دیا۔

ان کا کہنا تھا کہ "اب آپ بتائیے کہ دوبارہ حقیقی میچ کے لیے آپ کب تیار ہیں-"

بالی ووڈ کے لیجنڈری اور سینئیر اداکار جیکی شیروف کا کہنا ہے کہ ان کے بیٹے ٹائیگر نے وعدہ کیا ہے کہ جو گھر قرض اتارنے کے لیے بیچا تھا واپس خرید کردوں گا۔

باغی ٹی وی : بھارتی میڈیا کے مطابق بالی ووڈ اداکار جیکی شیروف کی اہلیہ عائشہ شیروف نے 2003 میں فلم ’بوم‘ پروڈیوس کی تھی جس کی کاسٹ میں امیتابھ بچن، جیکی شیروف، زینت امان اور کترینہ کیف شامل تھے-

فلم ناکام ہونے کی صورت میں جیکی شیروف کو بھاری مالی نقصان کا سامنا کرنا پڑا اور وہ مقروض ہوگئے جس کے باعث انہیں اپنا گھر بیچ کر چھوٹے گھر میں منتقل ہونا پڑا۔

جب جیکی شروف کو فلم کی ناکامی کا نقصان پورا کرنے کیلئے اپنا ذاتی سازوسامان فروخت کرنا پڑا

بھارتی میڈیا کے مطابق ایک انٹرویو میں جیکی شیروف نے کہا کہ اس وقت ان کے دونوں بچے چھوٹے تھے تاہم ان کے ذہن میں پرانے گھر کی یادیں اب بھی تازہ ہیں-

انہوں نے کہا کہ میرے دونوں بچے اب بڑے ہوگئے ہیں اور بے حد قابل ہیں تاہم ٹائیگر کو اب بھی پرانا گھر یاد آتا ہے لہذا ٹائیگر نے مجھ سے وعدہ کیا ہے کہ وہ پرانا گھر واپس خرید کر دے گا اور اسی وجہ سے مجھے ٹائیگر پر فخر ہے۔

بالی ووڈ کے معروف اداکار اجے دیوگن کو بنگلہ خریدنے کے لیے کروڑوں روپے کا قرض لینا پڑگیا۔

باغی ٹی وی : بھارتی میڈیا رپورٹس کے مطابق حال ہی میں اداکار اجے دیوگن نے ممبئی کے مضافاتی علاقے جوہو میں ایک بنگلے کا سودا کیا ہے جس کی قیمت کروڑوں میں ہے۔

بنگلہ اداکار کی موجودہ رہائش گاہ سے بالکل قریب ہی واقع ہے، بنگلہ 474 مربع میٹر تک پھیلا ہوا ہےجس کی مجموعی قیمت 47 کروڑ 5 لاکھ روپے ہے۔

میڈیا رپورٹس کے مطابق بنگلہ خریدنے کا معاہدہ گزشتہ سال نومبر اور دسمبر کے درمیان ہوا، بنگلہ کپول کوآپریٹو ہاؤسنگ سوسائٹی میں واقع ہے، بنگلہ اداکار اور ان کی والدہ وینا وریندر دیوگن کی مشترکہ جائیداد ہے جو 7 مئی کو دونوں کے نام ٹرانسفر کی گئی،اجے دیوگن اور ان کے اہل خانہ اس وقت شیو شکتی بنگلے میں رہائش پزیر ہیں۔

رپورٹس کے مطابق اداکار نے پراپرٹی کی قانونی دستاویزات کے لیے 2 کروڑ 73 لاکھ روپے ادا کردیئے، اجے دیوگن نے رواں سال 27 اپریل کو 18 کروڑ 75 لاکھ روپے کا قرض لیا۔

اجے دیوگن نے بھی ممبئی کے مہنگے ترین علاقے میں بنگلا خرید لیا