شہر آفاق ترک ڈرامہ ’ارطغرل غازی‘ میں مرکزی کردار ادا کرنے والے ترک اداکار انجین آلتان نےاسرائیل کے مقبوضہ بیت المقدس میں مسجد الاقصٰی پر حملےاور غزہ پر وحشیانہ بمباری اور تشدد کے واقعات کی مذمت کی ہے۔

باغی ٹی وی :اداکار انجین آلتان نے اپنے تصدیق شدہ انسٹاگرام اکاؤنٹ پرفلسطین کی آزادی کے لیے اپنی آواز اٹھاتے ہوئے خصوصی انسٹا اسٹوری شیئرکی ہے۔

انجین آلتان نے لکھا کہ ا ب یہ کہنے کی ضرورت نہیں ہے، ہمارے دل و دماغ کہہ رہے ہیں کہ یروشلم میں جو ہوا وہ ناقابل بیان درد ہے۔

اداکار نے مزید لکھا کہ ’فلسطین کو آزاد کرو۔‘

واضح رہے کہ مقبوضہ بیت المقدس کے علاقے عین الوزہ میں ابھی بھی شدید جھڑپیں جاری ہیں۔

فلسطینی وزارت صحت کا کہنا ہے کہ جاں بحق فلسطینیوں کی تعداد 43 ہوگئی ہے، 13 بچے اور مزاحمتی تنظیموں کے کئی رہنما بھی شہداء میں شامل ہیں، ایک ہزار سے زائد افراد زخمی، درجنوں عمارتیں مٹی کا ڈھیر بنادی گئی ہیں۔

خدا کے لئے فلسطین کو سانس لینے دو صبا قمر

غزہ پر اسرائیلی مظالم دیکھ کر خاموش رہے تو اللہ ہمیں معاف نہیں کرے گا احسن خان

بالی ووڈ اداکارہ دیشا پٹانی کا کہنا ہے کہ فلم ، رادھے، کی ریلیز سے ایک دن قبل پرجوش بھی ہوں اور گھبراہٹ بھی محسوس کررہی ہوں۔

باغی ٹی وی :بھارتی میڈیا کو دیئے گئے انٹرویو میں فلم ’رادھے‘ میں بڑے اداکاروں کے ساتھ کام کرنے کے سوال کے جواب میں دیشا پٹانی نے کہا کہ سلمان خان،رندیپ ہودا اور جیکی شروف لیجنڈ اداکار ہیں،ان کےساتھ کام کرنے میں مزہ آیا۔

دیشا نے بتایا کہ شوٹنگ کے ہر دن ان تمام لوگوں سے سیکھنے کا موقع ملا میں نے بھارت کے بڑے اداکاروں کے ساتھ کام کیا اس سے زیادہ اور کیا چاہیے۔

دیشا پٹانی نے مزید کہا کہ سلمان خان کا الگ ہی اسٹائل ہے ان کی موجودگی بہت بڑی چیز ہے وہ جب ڈانس کرتے ہیں تو لوگ کسی اور کو نہیں دیکھتے۔

دیشا پٹانی کا کہنا ہے کہ فلم دیکھنے والوں کا ردعمل جاننے کے لئے پرجوش ہوں اور امید کرتی ہوں کہ ’رادھے‘ لوگوں کو پسند آئے گی۔

واضح رہے کہ سلمان خان کی فلم ’رادھے‘ کل سنیما گھروں اور دیجیٹل پلیٹ فارم پر ریلیز ہورہی ہے سلمان خان نے فلم کی آمدنی سے حاصل ہونے والی رقم سے کورونا متاثرین کی مدد کرنے کا فیصلہ بھی کیا ہے۔

فلم کی ریلیز کے حوالے سے صحافیوں سے آن لائن بات کرتے ہوئے سلمان خان نے کہا تھا کہ اس وقت بھارت سمیت پوری دنیا شدید مشکل دور سے گزر رہی ہے ایسے میں ’رادھے‘ کو ریلیز کرنے کا مقصد لوگوں کی زندگیوں میں خوشی لانا ہے تاکہ وہ اس فلم سے کچھ دیر کے لیے ہی اپنے غم بھول کر اس سے لطف اندوز ہیں، ورنہ اس وقت تمام بڑے اداکاروں کی فلمیں رکی ہوئی ہیں اور وہ اچھے وقت کا انتظار کررہے ہیں۔

دبنگ اداکار نے مزید کہا کہ مجھے اس بات کا بھی اندازہ ہے کہ باکس آفس پر اس فلم کی کمائی صفر ہوگی اور یہ میری کمائی کے حساب سے ناکام ترین فلم ہوگی کیوںکہ یہ محدود سینما گھروں میں ریلیز ہوگی جبکہ بیرون ممالک بھی بہت کم سینما گھروں میں بڑے پردے پر لگے گی۔

فلم ’رادھے‘ میں دیشا اور میں ہم عمر لگ رہے ہیں سلمان خان

سلمان خان 40 ہزار فلم ملازمین کو کیش اور راشن دیں گے

سلمان خان کی جانب سے کورونا سے متاثر طالبعلم کی مالی امداد

سلمان خان کا اپنی فلم کی آمدنی کورونا ریلیف میں دینے کا فیصلہ

’رادھے‘ میری ناکام ترین فلم ثابت ہوگی سلمان خان

اسلامی فتوحات پر مبنی شہرہ آفاق تُرک سیریز ’ارطغرل غازی‘ میں سیلجان خاتون کا کردار ادا کرنے والی تُرک اداکارہ کے ہاں بیٹے کی پیدائش ہوئی ہے۔

باغی ٹی وی : تُرک اداکارہ نے سوشل میڈیا ویب سائٹ انسٹاگرام پر مختلف تصاویر شیئر کرتے ہوئے فیملی میں اس نئے مہمان کی آمد کی خوشخبری مداحوں کو سنائی دیدم بالچن نے بیٹے کا نام ’عالیجان‘ رکھا ہے-

اداکارہ نے تصاویر شیئر کرتے ہوئے بیٹے کے چہرے کو واضح نہیں کیا اور ایک ایموجی کے ذریعے چہرے کو چھپا دیا۔

سیلجان خاتون نے کچھ دن پہلے ہی اپنی انسٹاگرام پوسٹ میں بتایا تھا کہ انتظار کی گھڑیاں ختم ہونے والی ہیں کیونکہ کچھ دن میں ہی وہ ننھے مہمان کی والدہ بن جائیں گی۔

واضح رہے کہ تُرک اداکارہ دیدم بالچن نے تُرک سیریز میں ارطغرل کے بڑے بھائی گنگودو کی اہلیہ سیلجان کا کردار ادا کیا تھا – تُرک اداکارہ گزشتہ سال اپنے منگیتر جان ایدین کے ساتھ رشتۂ ازدواج میں منسلک ہوئی تھیں جس کی تصاویر اُنہوں نے اپنے انسٹاگرام پر اکاؤنٹ پر شیئر کی تھیں۔

بالی ووڈ کے دبنگ اداکار سلمان خان کا کہنا ہے کہ اگر حقیقی زندگی میں میں گھر پر ’چلبل پانڈے‘ کی طرح چلوں تو میرے والدین مجھے تھپڑ مار دیں اور بہن بھائی شرمندہ ہوں گے-

باغی ٹی وی :اپنی آنے والی فلم’رادھے‘ کے حوالے سے میڈیا نمائندوں سے گفتگو کرتے ہوئے سلمان خان کا کہنا تھا کہ جب میں جوان تھا اور کوئی فلم دیکھتا تھا تو میں بھی اسی ہیرو کی طرح بننا چاہتا تھا، اور مجھے لگتا ہے کہ یہ کل ہی کی بات ہو۔

سلمان خان کا کہنا تھا کہ میں اب بھی عام لوگوں سے مختلف نہیں اور جب کوئی فلم دیکھتا ہوں تو اس کے کردار جیسا بننا چاہتا ہوں، فلموں میں ہیرو جو اچھےکام کرتا ہے میں اس سے بہت متاثر ہوتا ہوں اور اس کردار کو اپنے ساتھ گھر لے جانا چاہتا ہوں۔

ان کا کہنا تھا کہ جو میں ایکشن فلمیں کرتا ہوں جیسا کہ ’دبنگ‘ کا کردار ہے اسے میں گھر نہیں لے کر جاسکتا۔ ’رادھے‘ بھی ایک کردار ہے، اسے بھی میں گھر نہیں لےکر جاسکتا، اگر میں اپنے والدین کے سامنے چلبل پانڈے کی طرح چلوں تو میرے والد مجھے ماریں گے، والدہ تھپڑ ماریں گی اور بہن بھائی بھی شرمندہ ہوں گے۔

سلمان کا کہنا تھا کہ گھر پہ ہم ایک بھائی اور بیٹے ہوتے ہیں لیکن فلم میں کردار ہوتا ہے ،اس میں بھی بہت سی اچھی چیزیں ہوتی ہیں۔

ایک سوال پر سلمان خان کا کہنا تھا کہ میں سمجھتا ہوں کہ ’بجرنگی بھائی جان‘ جیسے کردار کو میں گھر لاسکتا ہوں اور اگر مجھ سمیت دیگر لوگوں کی جانب سے ایسے کردار میں سے 15 سے 20 فیصد بھی گھر میں عمل ہوگیا تو میرا مقصد پورا ہوگیا۔

’رادھے‘ میری ناکام ترین فلم ثابت ہوگی سلمان خان