پاکستان سمیت دنیا بھر میں ماؤں کا عالمی دن منایا گیا جس میں ہر عام و خاص نے اپنی والدہ سمیت دنیا بھر کی ماؤں کو اس دن کی مبارک دی۔

باغی ٹی وی : پاکستان شوبز انڈسٹری کی معروف جڑواں اداکار بہنیں منال خان اور ایمن خان تقریباً ایک جیسی ہی دکھتی ہیں، اسی دھوکے کا شکار ہو کر ایمن خان کی بیٹی امل نے اپنی خالہ منال خان کو مدرز ڈے کی مبارکباد دے دی۔

منال خان کی جانب سے اپنے انسٹا گرام اکاؤنٹ پر ایک تصویر شیئر کی گئی جس میں وہ اپنی بھانجی، ایمن خان کی بیٹی امل کے ساتھ کھیل رہی ہیں۔

منال خان کا اپنی اس پوسٹ کے کیپشن میں بتایا کہ ’ایک مزاحیہ سچ، کوئی بھی نہیں جانتا کہ امل یہاں اُنہیں مدرز ڈے پر مبارکباد دے رہی ہے۔

منال خان نے اپنی پوسٹ میں اپنی والدہ سمیت دنیا کی تمام ماؤں کو بھی مدرز ڈے کی مبارکباد دی۔

مختصر ویڈیو سے شہرت کی بلندیوں پر پہنچنے والی دنانیر مبین نے عاطف اسلم کا کلام ’سلام عاجزانہ‘ پڑھ کر مداحوں کے دل جیت لیے ہیں۔

باغی ٹی وی :دن نیر نے سوشل میڈیا ویب سائٹ انسٹاگرام پر ایک ویڈیو شیئر کی جس میں انہیں عاطف اسلم کا حالیہ کلام سُریلی آواز میں پڑھتے دیکھا جاسکتا ہے۔

دنانیر مبین نے ویڈیو کے کیپشن میں لکھا کہ ’مصطفیٰ جانِ رحمت پر لاکھوں سلام، آج کی خوبصورت اور مقدس رات۔‘

انہوں نے لکھا کہ اس خوبصورت کلام کو پڑھنے کی عاجزانہ سی کوشش کی ہے جسے حال ہی میں عاطف اسلم نے ریلیز کیا تھا اگر اس میں کوئی غلطی ہوگئی ہے تو وہ پیشگی معذرت خواہ ہیں۔

دنا نیر کی آوز میں کلام کو مداحوں سمیت اداکارہ ہانیہ عامر کی جانب سے کافی پسند کیا گیا ہے

واضح رہے کہ عاطف اسلم نے گزشتہ ماہ رمضان المبارک کی مناسبت سے نبی آخری الزماںﷺ کو درود و سلام پیش کرتا کلام ’سلامِ عاجزانہ‘ ریلیز کیا تھا جو ریلیز ہوتے ہی مقبول ہوگیا تھا۔

کلام میں عاطف اسلم کے ہمراہ علی پرویز، نعمان جاوید، علی پرویز مہدی، احسان پرویز مہدی اور کمیل جعفری نے اپنی آواز کا جادو جگایا ہے۔

رمضان کے مہینے اس وقت پاکستان میں نیٹ فلکس کی ایک بالغان کی فلم سیکسیفائی ٹرینڈ کر رہی ہے جس پر صبا قمر نے عوام پر ایک طنزیہ تبصرہ کیا ہے۔

باغی ٹی وی :گزشتہ ماہ 28 اپریل کو ریلیز ہونے والی ’سیکسیفائی‘ ایک بالغ فلم (ایڈلٹ مووی) ہے جو اس وقت پاکستان میں نیٹ فلکس پر ٹرینڈ کر رہی ہے اس میں کالج کی کچھ ایسی طالبات کی کہانی پیش کی گئی ہے جو خواتین کی خوشنودی کو دھیان دیتے ہوئے سیکس ایپلیکیشن بنانے کا فیصلہ کرتے ہیں۔

ملک میں رمضان المبارک کے اس مقدس مہینے میں اس فلم کے ٹویٹر پر ٹاپ ٹرینڈنگ سے صارفین نے غم وغصے کا اظہار کرتے ہوئے تنقید کی ہے-
https://twitter.com/AbdulGJutt/status/1390619772128309248?s=20
ایک صارف نے ٹویٹ کیا ، "یہ رمضان کا آخری جمعہ ہے اور سیکسیفائی نیٹ ورک میں پاکستان میں پہلے نمبر پر ٹرینڈ کررہا ہے۔ واہ !! اس نے ہیش ٹیگ حجۃ الوداع کا بھی استعمال کیا-
https://twitter.com/titan_427/status/1389643847689453570?s=20
ایک اور صارف نے لکھا کہ کیا یہ اسلامی جمہوریہ پاکستان ہے ماشاءاللہ سیکسیفائی رمضان المبارک میں ٹاپ ٹرینڈنگ پر ہے-

صارفین کے علاوہ باغی ڈرامے میں اپنے کردار کے لیے جانی جانے والی اداکارہ صبا قمر نے اپنی انسٹاگرام پوسٹ میں نیٹ فلکس سیریز ’سیکسیفائی‘ پر عوام کو طنز کا نشانہ بنایا ہے۔

اداکارہ کو متعدد مواقع پر مداحوں کی طرف سے طنز اور تنقید کا سامنا کرنا پڑا ہے۔ تاہم اب صبا قمر نے ہی پاکستان میں بالغان کی فلم ’سیکسیفائی‘ کے ٹرینڈ پر مداحوں سے سوال کیا ہے۔

صبا قمر نے انسٹاگرام پر ایک فوٹو شیئر کی ہے جس میں وہ بظاہر صوفے پر بیٹھ کر ٹی وی دیکھ رہی ہیں کیونکہ ان کے ہاتھ میں ٹی وی کا ریموٹ ہے۔ تصویر کے ساتھ اداکارہ نے لکھا کہ ’ہماری عوام بہت شریف ہے تو پھر یہ ٹرینڈنگ میں سب سے آگے کیوں ہے؟‘

صبا قمر نے اپنی تصویر کے ساتھ کسی فلم کا نام نہیں لکھا ہے۔ اداکارہ نے اس پوسٹ کے ساتھ نیٹ فلکس کا ہیش ٹیگ استعمال کیا ہے جس سے ظاہر ہورہا ہے کہ وہ نیٹ فلکس کے ٹرینڈ کی بات کر رہی ہیں۔

صبا قمر نے چند روز قبل اپنے دوستوں اور شوبز سے وابستہ شخصیات کے ساتھ اپنی سالگرہ منائی تھی۔ اداکارہ کے مداحوں نے ان کے لباس پر انہیں تنقید کا نشانہ بنایا تھا اور سوشل میڈیا صارفین نے ان پر کئی میمز بھی بنائی گئیں تھیں-

پاکستان کی عالمی شہرت یافتہ اداکارہ ماہرہ خان نے بھارتی سُپر اسٹار شاہ رُخ خان پر پاکستان کے معروف فنکار و میزبان ساحر لودھی کو ترجیح دی ہے۔

باغی ٹی وی : اداکارہ ماہرہ خان نے بھارتی اداکار شاہ رُخ خان کے مدِ مقابل فلم ریئس یں اپنی جاندار اداکاری اور خوبصورت اداؤں کے سبب سرحد پار بھی کافی داد وصول کی تھی ماہرہ خان کے نہ صرف پاکستان اور بھارت بلکہ دنیا بھر میں بھی بڑی تعداد میں مداح پائے جاتے ہیں۔

ماہرہ خان کی سوشل میڈیا ویب سائٹ انسٹا گرام پر ایک مختصر سی ویڈیو وائرل ہو رہی ہے جس میں وہ ایک میزبان کے ساتھ کار کے سفر کے دوران ساتھ میں انٹرویو دے رہی ہیں اور ساتھ ہی میزبان کی دلچسپ باتوں سے محظوظ ہو رہی ہیں۔

میزبان کی جانب سے ماہرہ خان سے متعدد سوالات کیے گئے ہیں ماہرہ خان کا یہ مکمل انٹرویو تو عید پر جاری کیا جائے گا جبکہ فی الحال اس شو کا ایک مختصر سے ٹیزر نے ہی مداحوں کی کافی توجہ حاصل کر لی ہے۔

میزبان کے ایک سوال کے جواب میں ماہرہ خان نے اپنا پسندیدہ پروجیکٹ چنتے ہوئے بتایا ہے کہ اُن کا من پسند پروجیکٹ فلم ’بِن روئے‘ کے بجائے اُن کا ڈرامہ سیریل ’ہمسفر‘ ہے۔

میزبان کی جانب سے ماہرہ خان کی پسند پوچھنے کے لیے شو کے دوران سوال کیا گیا ہے کہ ’ماہرہ خان کو ساحرلودھی پسند ہے یا شاہ رُخ خان ؟۔

جس کا جواب دیتے ہوئے ماہرہ خان کا کہنا ہے کہ ’اُنہیں شارُخ خان نہیں بلکہ پاکستان کے معروف میزبان، اداکار، ہدایتکار اور گلوکار ساحر لودھی پسند ہیں۔

ماہرہ خان کی بھارتی فلم کے بعد ڈراموں میں بھی انٹری

ماہرہ خان کی شوبز میں انٹری کس طرح ہوئی؟