Baaghi TV

Category: شوبز

  • ثمینہ پیرزادہ کورونا کی اس مشکل گھڑی میں عبدالستار ایدھی کویاد کرنے لگیں

    ثمینہ پیرزادہ کورونا کی اس مشکل گھڑی میں عبدالستار ایدھی کویاد کرنے لگیں

    پاکستان شوبز انڈسٹری کی سینئر اداکارہ و میزبان ثمینہ پیرزادہ کورونا وائرس کی اس مشکل گھڑی میں مشہور سماجی کارکن عبدالستار ایدھی کو یاد کرنے لگیں۔

    باغی ٹی وی : اداکارہ ثمینہ پیرزادہ نے سماجی رابطے کی ویب سائٹ ٹوئٹر پر اپنی ٹوئٹ میں کہا کہ ’اس دُنیا کو عبدالستار ایدھی صاحب جیسے نیک لوگوں کی شدید ضرورت ہے۔‘


    اداکارہ نے کہا کہ میں عبدالستار ایدھی صاحب کو بہت زیادہ یاد کررہی ہوں کاش! آج ایدھی صاحب انسانیت کی خدمت کرنے کے لیے زندہ ہوتے۔

    دوسری جانب بھارت میں کورونا وائرس کی تشویشناک صورتحال سے اسپتالوں میں طبی سامان اور سہولتوں کی کمی کے پیشِ نظر ایدھی فاؤنڈیشن کی جانب سے بھارت کو مدد کی پیشکش کی گئی ہے۔

    ایدھی فاونڈیشن کے سربراہ فیصل ایدھی نے بھارتی وزیراعظم نریندر مودی کے نام ایک خط لکھا ہے جس میں 50 ایمبولینس سمیت ایمرجنسی میڈیکل ٹیکنیشنز کی ٹیم بھیجنے کی پیشکش کی ہے۔

    واضح رہے کہ انسانیت کی خاطر اپنی زندگی وقف کرنے والی معروف سماجی شخصیت عبدالستار ایدھی شدید علالت کے باعث 8 جولائی 2016 کو انتقال کر گئے تھے-

    ایدھی فاونڈیشن کے سربراہ کا مودی کو خط

  • فیروز خان بھی امتحانات ملتوی کرنے کے لئے طلبہ کے حق میں بول پڑے

    فیروز خان بھی امتحانات ملتوی کرنے کے لئے طلبہ کے حق میں بول پڑے

    پاکستان کے معروف اداکار فیروز خان نے کورونا کیسز میں اضافے کے باعث طلبہ کے امتحانات ملتوی کرنے کے لئے آواز اٹھا دی۔

    باغی ٹی وی : واضح رہے کہ وفاقی وزیرِ تعلیم شفقت محمود نے حال ہی میں اپنے بیان میں کہا تھا کہ اے لیول، او لیول، اے ایس، آئی جی سی ایس ای کے امتحانات شیڈول کے مطابق ہوں گے جبکہ نویں سے بارہویں جماعت کے امتحانات نئی تاریخوں کے تحت ہوں گے، امتحانات کی نئی تاریخوں کا اعلان متعلقہ بورڈ کریں گے۔

    شفقت محمود نے کہا تھا کہ امتحانات کا نیا شیڈول مدِنظر رکھتے ہوئے یونیورسٹیز میں داخلے کئے جائیں گے، متاثرہ اضلاع کی یونیورسٹیز میں آن لائن کلاسیں جاری رہیں گی 8 فیصد سے کم کیسز والے اضلاع میں یونیورسٹیاں کھول دی جائیں گی۔

    اُن کا مزید کہنا تھا کہ کورونا وائرس کے پھیلاؤ کے خدشے کے پیشِ نظر حکومت نے ملک بھر میں پہلی سے آٹھویں جماعت تک اسکول عید الفطر تک بند رہیں گے۔

    وفاقی وزیر تعلیم کے اس بیان کے بعد طلبا نے مطالبہ کیا تھا کہ امتحانات کینسل کئے جائیں کیونکہ کورونا وبا کی وجہ سے اسکولز ، کالجز بند ہونے کی وجہ سے ان کا سلیبس مکمل نہیں ہوا ہے جس کے بعد شوبز شخصیات بھی طلبہ کی حمایت میں سامنے آئیں اور ملک میں بڑھتے کورونا کی شرح کے پیش نظر حکومت سے امتحانات کینسل کرنے کا مطالبہ کیا جن میں اب فیروز خان بھی شامل ہوگئے ہیں-


    سماجی رابطے کی ویب سائٹ پر اداکار فیروزخان نے اپنے پیغام میں کورونا کیسز میں اضافے کے باعث طلبہ کے امتحانات ملتوی کرنے کا مطالبہ کرتے ہوئے کہا کہ امتحانات کینسل کر یں اور جانیں بچائیں-

    واضح رہے کہ اس سے قبل گلوکارعاصم اظہر اور وقار ذکاءبھی طلباءکے حق میں آواز اٹھا چکے ہیں-

    آغا علی نے امتحانات ملتوی کرنے کے لئے طلبہ کے حق میں آواز اٹھا دی

    ابھی بھی وقت ہے، بچوں پر ترس کھالیں ،شفقت محمود کے حالیہ بیان پر عاصم اظہر کا…

    کلاس اول سے ہشتم تک سکولوں کوبندرکھنے کے فیصلے کی توسیع کی مذمت کرتا ہوں:کاشف مرزا

    عاصم اظہر امتحانات سے متعلق پریشان طلبا کی مدد کے لیے میدان میں کود پڑے

    براہ کرم بچوں کے بارے میں سوچیں حدیقہ کیانی کی وزیر تعلیم شفقت محمود سے درخواست

  • نئی دہلی اسپتالوں میں آکسیجن کی کمی، سشمیتا سین مدد کے لئے سامنے آگئیں

    نئی دہلی اسپتالوں میں آکسیجن کی کمی، سشمیتا سین مدد کے لئے سامنے آگئیں

    بالی وڈ اداکارہ سشمیتا سین نے نئی دہلی کے اسپتالوں میں آکسیجن کی کمی پر مدد کیلئے سامنے آگئیں۔

    باغی ٹی وی : بھارتی میڈیا کے مطابق بھارت کے دارالحکومت نئی دہلی کے شانتی مکند اسپتال کے سی ای او سنیل ساگر میڈیا کو کورونا کی صورتحال اور اسپتال میں آکسیجن سلنڈرز کی کمی کے بارے میں بتاتے ہوئے جذبات پرقابو نہ رکھ سکے اور روپڑے۔

    نئی دہلی کے اسپتال میں کورونا مریضوں کیلئے آکسیجن کی کمی کی خبریں سامنے آنے پر پورے بھارت میں بھونچال مچ گیا تھا تاہم اس نازک موقع پر اداکارہ سشمیتا سین پیچھے نہ رہیں اور ممبئی میں ہوتے ہوئے دہلی کے اسپتال کیلئے آکسیجن کی فراہمی میں مدد کی۔


    اداکارہ نے دہلی کے شانتی مکنڈ اسپتال کے سی ای او سنیل ساگر کی ویڈیو پوسٹ کرتے ہوئے لکھا کہ ملک میں آکسیجن کا بحران آگیا ہے اور ایسے میں ممبئی میں اس اسپتال کیلئے کچھ آکسیجن سلنڈرز کا انتظام کرنے میں کامیاب ہوئی ہوں لیکن مشکل یہ ہے کہ ان آکسیجن سلنڈرز کو ممبئی سے دہلی بھیجنے کے لیے کوئی راستہ نہیں ہے۔

    اداکارہ نے تمام لوگوں سے درخواست کرتے ہوئے کہا کہ یہ سلنڈرز دہلی پہنچانے میں ان کی مدد کریں۔

    چند گھنٹوں بعد اداکارہ نے ایک اور ٹوئٹ کرکے بتایا کہ شانتی اسپتال میں آکسجین کی کمی پوری ہوگئی ہے اور یوں مجھے سلنڈرز بھیجنے کیلئے مزید وقت مل گیا ہے، اس دوران مدد کرنے پر سب کی شکر گزار ہیں۔


    سشمیتا نے بتایا کہ آکسیجن سلنڈر ممبئی سے دہلی کے اسپتال کیلئے روانہ کردیے گئے ہیں۔

    سشمیتا سین کے اس اقدام پر کئی صارفین مدد کے لئے میدان میں آگئے-

  • ٹام کروز نے حقیقی زندگی میں بھی مشن امپا سیبل کو پوسیبل بنادیا

    ٹام کروز نے حقیقی زندگی میں بھی مشن امپا سیبل کو پوسیبل بنادیا

    ہالی ووڈ فلموں کے ایکشن ہیرو ٹام کروز نے حقیقی زندگی میں بھی مشن امپا سیبل کو پوسیبل بنادیا-

    باغی ٹی وی : اداکار ٹام کروز کی ایکشن، سسپنس اور تھرلر سے بھرپور ’مشن امپاسبل‘سیریز کی ساتویں فلم ’مشن امپاسبل 7‘کی گزشتہ برس اٹلی میں جاری شوٹنگ کورونا کی وجہ سے روک دی گئی تھی لیکن اب ایک بار پھر فلم کی شوٹنگ دوبارہ شروع کردی گئی ہے۔

    شوٹنگ کے دوران ٹام کروز نے نہایت بہادری کا مظاہرہ کرکے ثابت کردیا کہ وہ صرف فلموں میں ہی لوگوں کی جان نہیں بچاتے بلکہ اصل زندگی میں بھی لوگوں کی جان بچاتے ہیں۔

    غیر ملکی میڈیا کے مطابق فلم ’مشن امپاسبل7‘ کا برطانیہ میں نارتھ یارکشائر ماؤس ریلوے اسٹیشن پر چلتی ٹرین پر ایک ایکشن سین فلمایا جارہا تھا ٹام کروز کے ساتھ ٹرین پر کیمرہ مین بھی موجود تھا جو اس سین کی عکسبندی کررہا تھا اس کیمرہ مین نے خود کو گرنے سے بچانے کے لیے ایک رسی کی مدد سے باندھا ہوا تھا لیکن اس کے باوجود کیمرہ مین کا پیر پھسلا اور وہ ٹرین سے گرنے لگا۔

    جیسے ہی کیمرہ مین چلتی ٹرین سے گرنے والا تھا ٹام کروز نے بہادری سے اسے پکڑا اور اسے اوپر کھینچنے لگے تاکہ کیمرہ مین اسٹیل کے کنارے پر اپنا توازن درست کرلے اور اس طرح اداکار نے کیمرہ مین کو چلتی ٹرین سے گرنے سے بچالیا۔

    واضح رہے کہ ’مشن امپاسبل‘سیریز کی ہر فلم میں اداکار ٹام کروز ایتھن ہنٹ کا مرکزی کردار ادا کرتے ہیں فلم میں اداکارہ ہیلے ایٹ ویل ان کے مقابل مرکزی کردار ادا کررہی ہیں –

  • آغا علی نے امتحانات ملتوی کرنے کے لئے طلبہ کے حق میں آواز اٹھا دی

    آغا علی نے امتحانات ملتوی کرنے کے لئے طلبہ کے حق میں آواز اٹھا دی

    پاکستان کے معروف اداکار آغا علی خان نے کورونا کیسز میں اضافے کے باعث طلبہ کے امتحانات ملتوی کرنے کے لئے آواز اٹھا دی۔

    باغی ٹی وی : سماجی رابطے کی ویب سائٹ پر اداکار آغا علی نے اپنے پیغام میں کہا کہ مجھے پورے ملک سے طلباء کی جانب سے سینکڑوں پیغامات موصول ہوئے ہیں، جس میں سبھی کا کہنا ہے کہ تقریبا تمام انسٹیٹیوٹ ، اسکول اور کالجز کی بندش کے باعث آن لائن کلاسز لیں۔


    اداکار نے کہا کہ کورونا وائرس دن بدن زندگیاں نگلتا جارہا ہے لہذا طلبہ کی زندگیوں کو کسی خطرے میں ڈالنے سے بہتر ہے گزشتہ کارکردگی کی بنیاد پر اگلی جماعت میں پروموٹ کردیا جائے یا امتحانات ملتوی کردیئے جائیں۔
    https://twitter.com/muhammad_zayan_/status/1385532923298951168?s=20
    آغا علی کی پوسٹ پر طالبعلموں نے خوشی کا اظہار کیا اور کہا کہ سر پلیز آپ دوسری سیلیبرٹیز کو بھی بولیں وہ بھی حکومت سے ایگزامز کینسل کرنے کا بولیں کیونکہ انہوں نے صرف 4 مہینے کالجز اور سکولز کھولے ہیں جن میں ہمارا سلیبس بھی مکمل نہیں ہوا-


    ۔آغا علی نے حکومت سے طلبا کے سابقہ ریکارڈز کی بنیاد پر ان کے امتحانات منسوخ کرنے کی درخواست کی۔ان کا کہنا تھا کہ پورا ملک شدید دباﺅ کا شکار ہے اور اس سے طلبہ کو ذہنی پریشانی کا سامنا ہے-

    واضح رہے کہ اس سے قبل گلوکارعاصم اظہر اور وقار ذکاءبھی طلباءکے حق میں آواز اٹھا چکے ہیں۔

    ابھی بھی وقت ہے، بچوں پر ترس کھالیں ،شفقت محمود کے حالیہ بیان پر عاصم اظہر کا…

    کلاس اول سے ہشتم تک سکولوں کوبندرکھنے کے فیصلے کی توسیع کی مذمت کرتا ہوں:کاشف مرزا

    عاصم اظہر امتحانات سے متعلق پریشان طلبا کی مدد کے لیے میدان میں کود پڑے

    براہ کرم بچوں کے بارے میں سوچیں حدیقہ کیانی کی وزیر تعلیم شفقت محمود سے درخواست

  • ندا یاسر نے کورونا ویکسین لگوالی

    ندا یاسر نے کورونا ویکسین لگوالی

    پاکستان میں ان دنوں عالمی وبا کورونا وائرس سے بچاؤ کی ویکسین لگانے کی مہم جاری ہے اور اب تک متعدد فنکار کورونا ویکسین لگوا چکے ہیں-

    باغی ٹی وی : پاکستان کی مارننگ شو کی میزبا ن اور پروڈیوسر ندا یاسر نے بھی ویکسین لگوالی ہے سوشل میڈیا پر ایک ویڈیو وائرل ہو رہی جس میں ندا یاسرعالمی وبا کورونا وائرس کی تیسری لہر سے بچاؤ کے لیے ویکسین لگوا رہی ہیں –

    واضح رہے کہ اب تک متعدد فنکار کورونا ویکسین لگوا چکے ہیں جس میں عدنان صدیقی، جاوید شیخ ، راحت کاظمی ، ثمینہ پیرزادہ، ریما خان ، بشریٰ انصاری ،عفت عُمر، حنا خواجہ، سیمی راحیل، میرا اور ارمینہ خان و دیگر شامل ہیں-

    خیال رہے کہ پاکستان میں کورونا کی وبا کی تیسری لہر میں شدت آ رہی ہے اور گذشتہ 24 گھنٹوں میں وبا کے آغاز کے بعد ملک میں سب سے زیادہ یومیہ اموات ریکارڈ کی گئیں جب سرکاری اعداد و شمار کے مطابق 157 اموات کی تصدیق ہوئی ہے جبکہ 52 ہزار سے زیادہ ٹیسٹس کے بعد ملک بھر میں 5908 متاثرین کی تشخیص ہوئی ہے اور مثبت ٹیسٹس کی شرح 11.27 فیصد رہی۔

  • جو لوگ کورونا کی حقیقی نہیں سمجھتے وہ غلط فہمی کا شکار ہیں فاطمہ ثنا شیخ

    جو لوگ کورونا کی حقیقی نہیں سمجھتے وہ غلط فہمی کا شکار ہیں فاطمہ ثنا شیخ

    بھارتی اداکارہ فاطمہ ثنا شیخ نے کہا ہے کہ بہت سے لوگ کورونا وائرس کو حقیقی نہیں سمجھتے وہ غلط فہمی کا شکار ہیں-

    باغی ٹی وی : بھارتی میڈیا کے مطابق فاطمہ ثنا کا کہنا ہے کہ جو لوگ یہ سمجھتے ہیں کہ کورونا وائرس کی کوئی حقیقت نہیں، وہ غلط فہمی کا شکار ہیں، ان کا کہنا ہے کہ یہ وبا کسی کو بھی لاحق ہوسکتی ہے صرف ان لوگوں کو ٹیسٹ کروانا چاہئے جن میں اس کی علامات ہوں اس طرح صحت کے نظام پر بوجھ نہیں پڑے گا۔

    گزشتہ ماہ کورونا کا شکار ہونے والی اداکارہ نے وبا کے حوالے سے اپنا تجربہ بیان کرتے ہوئے کہا کہ وہ وبا کے دوران پہلے دس روز تکلیف میں رہیں، لیکن کیونکہ میں نوجوان ہوں اور کوئی دوسری بیماری نہیں تھی اس لیے صحتیاب ہوگئی۔

    ثنا شیخ نے کہا کہ ہم سب کو یہ سمجھ لینا چاہئے کہ کورونا کسی کو بھی لگ سکتا ہے لوگ سمجھتے ہیں کہ ماسک پہننے کی کوئی ضرورت نہیں ہے تو یہ سمجھ لیجئے کہ یہ حقیقت ہے اور ہر دوسرا شخص یہ جانتا ہے کہ وہ اس میں مبتلا ہوسکتا ہے۔

    اداکارہ نے کہا کہ کچھ لوگ خوش قسمت ہیں جو اس سے نبرد آزما ہوجاتے ہیں جبکہ دیگر اس سے بچنے کی جدوجہد کرتے ہیں، جس چیز پر عمل کرکے ہم محفوظ رہ سکتے ہیں وہ احتیاطی تدابیر پر عمل پیرا ہونا ہے۔

    انڈیا 23 موبائل آکسیجن پلانٹس جرمنی سے بذریعہ ہوائی جہاز منگوائے گا

    دہلی میں ہیلتھ ورکر کرونا کا شکار ہوئی تو بیڈ ملا نہ شمشان گھاٹ میں آخری رسومات کیلئے جگہ

  • میری نظر میں اسٹار وہ شخص ہے جو ہمدرد، نازک ،خوفزدہ،جذباتی اور بہادر ہو ہانیہ عامر

    میری نظر میں اسٹار وہ شخص ہے جو ہمدرد، نازک ،خوفزدہ،جذباتی اور بہادر ہو ہانیہ عامر

    پاکستان کی معروف اداکارہ ہانیہ عامر نے کہا ہے کہ میری نظر میں اسٹار وہ شخص ہے جو ہمدرد، نازک ،خوفزدہ،جذباتی اور بہادر ہو۔

    باغی ٹی وی :انسٹاگرام پر ہانیہ عامر نے اپنی تصویر شیئر کرتے ہوئے لکھا کہ جس وقت میں نے اپنی یہ تصویر کھینچی اس وقت میں اندر سے بالکل ٹوٹ کر بکھری ہوئی تھی اور ﷲ سے امید کررہی تھی کہ وہ مجھے صبر عطا کرے گا اس تکلیف سے نمٹنے کے لئے جو میں محسوس کررہی تھی۔ میرے آنسو بہنے کو تیار تھے۔

    ہانیہ عامر نے مزید لکھا کہ میں جانتی ہوں کہ میں انسٹاگرام پر بہت زیادہ اظہار کرتی ہوں کیونکہ میں آپ کو اپنی نجی زندگی کا ایک حصہ سمجھتی ہوں –

    انہوں نے اپنی پوسٹ میں ایک اسٹار کی تمام خصوصیات کے بارے میں لکھتے ہوئے کہا کہ مجھے نہیں لگتا کہ میں اس نسل میں سے ہوں جو یہ یقین رکھتی ہے کہ سلیبرٹی کو اسٹار بننے کے لئے لوگوں کی پہنچ سے دور رہنے کی ضرورت ہوتی ہے۔

    اداکارہ نے مزید کہا کہ میری نظر میں اسٹار وہ شخص ہے جو ہمدرد، نازک ،خوفزدہ،جذباتی اور بہادر ہو جسے پتہ ہو مشہور ہونے کا ملطب کیا ہے ایسا شخص جو اپنے پلیٹ فارم کی اہمیت جانتا ہو اور اپنے فالوورز کی تعریف کرتا ہو۔ وہ شخص یہ جانتا ہو کہ اسکی آواز کو دوسروں کی زندگی بہتر بنانے کے لئےاستعمال کیا جاسکتا ہے۔

    ہانیہ عامر نے آخر میں لکھا کہ میں ایسی اسٹار بننا چاہتی ہوں۔

    ہانیہ عامر کی اس پوسٹ کو مداحوں کی جانب سے خوب پسند کیا جا رہا ہے جبکہ کمنٹس سیکشن میں رائے کا اظہار بھی کر رہے ہیں-

  • سلمان خان کی فلم ’رادھے‘ کے ٹریلر میں غلطی یا لاپراوہی؟ سوشل میڈیا پر نئی بحث کا آغاز

    سلمان خان کی فلم ’رادھے‘ کے ٹریلر میں غلطی یا لاپراوہی؟ سوشل میڈیا پر نئی بحث کا آغاز

    بالی ووڈ اداکار سلمان خان کی فلم ’رادھے‘ کا ٹریلرجمعرات کے روز جاری کیا گیا تھا جسے مداحوں کی جانب سے خوب پسند کیا گیا تھا یہاں تک کہ ٹوئٹر پر ٹرینڈنگ فہرست میں رہا-

    باغی ٹی وی : ٹریلر کو دیکھتے ہی مداحوں نے پسندیدگی کی سند جا ری کر دی تھی اور ٹریلر کی دھوم مچنے سے ہی اندازہ ہو گیا تھا کہ بالی ووڈ سلطان کی فلم بلاک بسٹر ثابت ہو گی تاہم ایسا کہاں ممکن ہے کہ سوشل میڈیا صارفین کی نظروں سے کبھی کوئی چیز اوجھل رہی ہو اور پھر سوشل میڈیا پر زیر بحث نہ رہی ہو تاہم یہی کچھ سلمان خان کی فلم کے ٹریلر کے ساتھ ہواجس میں سے مداحوں نے کچھ دیر بعد ہی ایک نقص تلاش کرلیا۔


    بھارتی میڈیا کے مطابق سلمان خان نے فلم کے ایک سین میں سال 2018 کی فلم ’ریس3‘ میں پہنا ہوا لباس استعمال کیا۔

    سوشل میڈیا پر کاسٹیوم ڈیزائنرکی اس غلطی پر کافی تنقید کی جارہی ہے جبکہ کچھ انٹرنیٹ صارفین اس کی میمز بھی بنارہے ہیں۔ فی الحال فلم انتظامیہ کی جانب سے اس پر کوئی وضاحت سامنے نہیں آئی ہے۔


    واضح رہے کہ سلمان خان اور دیشا پٹانی کے اکاؤنٹ کے علاوہ سوشل میڈیا پر بھی ایکشن سے بھرپور اس فلم کے ٹریلر کو دیکھنے والوں کی تعداد لاکھوں میں ہے۔

    ایکشن سے بھرپور فلم’ رادھے‘ میں سلمان خان ڈرگ مافیا کو کنٹرول کرنے کے لئے لڑتے نظر آئیں گے۔ اداکار رندیپ ہودا فلم میں ولن کا کردار نبھا رہے ہیں جب کہ دیگر کاسٹ میں اداکارہ دیشا پٹانی اور جیکی شروف شامل ہیں۔

    سلمان خان کی فلم ’رادھے‘ گذشتہ سال عید پر ریلیز کی جانی تھی تاہم کورونا کے باعث اسے ملتوی کیا گیا اور اب اس عیدالفطر کے موقع پر فلم 13 مئی کو ریلیز کی جائے گی۔

    سلمان خان کی فلم ’رادھے‘ ٹریلر جاری ہوتے ہی ٹوئٹر پر ٹاپ ٹرینڈ

  • کارتک کے آؤٹ ہونے کے بعد کرن جوہر نے دوستانہ 2 میں مرکزی کردار کیلئے کسے کاسٹ کیا؟

    کارتک کے آؤٹ ہونے کے بعد کرن جوہر نے دوستانہ 2 میں مرکزی کردار کیلئے کسے کاسٹ کیا؟

    بالی ووڈ کے نوجوان اداکار کارتک آریان کو غیر پیشہ وارانہ رویے کی وجہ سے فلم ’دوستانہ 2‘ سے باہر نکال دیا گیا تھا جس کے بعد کرن جوہر کو مرکزی کردار کی تلاش ہے۔

    باغی ٹی وی : نامور پروڈیوسر ، ہدایتکار کرن جوہر کے دھرما پروڈکشن کے بینر تلے بننے والی فلم ’دوستانہ 2‘ کی تیاریوں کا آغاز 2019 میں ہوا تھا تاہم کورونا کی وجہ سے فلم کی شوٹنگ تاخیر کا شکار ہوگئی، فلم میں اداکارہ جھانوی کپور کے مقابل کارتک آریان کو کاسٹ کیا گیا تھا تاہم انہیں فلم سے غیر پیشہ وارانہ رویہ کی وجہ سے نکال دیا گیا تھا جس کے بعد کئی اداکاروں کو فلم کی کردار کی پیشکش کی گئی ہے۔

    بعض بھارتی میڈیا رپورٹس میں دعویٰ کیا گیا تھاکہ فلم کے مرکزی کردار کیلئے اکشے کمار کو پیشکش کی گئی تاہم اب راج کمار راؤ کو پروڈیوسر کی پہلی پسند قرار دیا جارہا ہے۔

    رپورٹس کے مطابق راجکمار راؤ پہلے بھی فلم کے مرکزی کردار کیلئے کرن کی پہلی پسند تھے لیکن انہوں نے مصروفیات کے باعث فلم میں کام کرنے سے معذرت کی تھی جبکہ اس فلم میں اداکارہ جھانوی کپور اور لکش لالوانی مرکزی کردار میں نظر آئیں گی۔

    واضح رہے کہ دوستانہ 2 ، پریانکا چوپڑا ، ابھیشیک بچن اور جان ابراہم کی دوستانہ (2008) کا سیکوئل ہے ، جس کی ہدایتکاری ترون منسوخانی نے کی تھی۔

    کارتک آریان دھرما پروڈکشن کی فلم ’دوستانہ 2‘ سے باہر