بالی ووڈ کی سابق اداکاراؤں زائرہ وسیم اور ثنا خان کے بعد ایک اور بھارتی اداکار اور ماڈل ثاقب خان نے اسلام کی خاطر شوبز کو خیر باد کہہ دیا-
باغی ٹی وی : نوجوان بھارتی اداکار اور ماڈل ثاقب خان نے اسلام کی خاطر شوبز کی دنیا کو خیرباد کہہ کر سب کو حیران کردیا۔ ثاقب خان کا تعلق بھارت کے زیرانتظام جموں کشمیر سے ہے اور وہ ایک وکیل ہیں۔
انہیں شہرت ایم ٹی وی کے مشہور رئیلیٹی شو ’روڈیز ریوولیوشن‘ میں منتخب ہونے سے ملی تھی۔ اس کے علاوہ وہ آلٹ بالاجی کی ویب سیریز ’دل ہی تو ہے سیزن 3‘ میں بھی کام کرچکے ہیں۔
ثاقب خان نے چند روز قبل انسٹاگرام پرہاتھ میں قرآن پاک پکڑے سر پر نماز والی ٹوپر رکھے چند تصاویر شئیر کرتے ہوئے شوبز کو ترک کرنے کے حوالے ایک طویل پوسٹ شئیر کی انہوں نے لکھا ’اسلام و علیکم بھائیوں اور بہنوں! امید ہے آپ سب خیریت سے ہوں گے۔ آج کی پوسٹ میں میں اعلان کرنا چاہتاہوں کہ میں شوبز کو خیرباد کہہ رہاہوں۔ لہذا اب میں مستقبل میں نہ ہی ماڈلنگ کروں گا اور نہ اداکاری۔
ثاقب نے مزید کہا ایسا نہیں ہے کہ کام نہیں تھا میرے پاس یا میں نے کوشش ہی ترک کردی بلکہ میرے پاس بہت اچھے پراجیکٹس تھے، بس اللہ کی مرضی نہیں تھی۔ضرور کچھ اچھا اور بہتر اللہ نے سوچا ہوگامیرے لیے انشااللہ۔
ثاقب نے کہا کہ وہ (اللہ) بہترین منصوبہ بندی کرنے والا ہے۔ جہاں تک میں نے ممبئی میں جدوجہد دیکھی ہے تو وہاں سروائیو کرنا بہت مشکل ہے لیکن میں فخریہ کہہ سکتا ہوں کہ میں نے ایک سال کے قلیل عرصے میں نے بہت اچھی شہرت اور مداح حاصل کرلیے ہیں لیکن وہ تو دنیا کے لیے ہے اور آخرت کے لیے کچھ بھی نہیں۔
ثاقب نے کہا میں نماز پڑھتا تھا لیکن کچھ کمی تھی اور وہ تھا سکون اور اللہ کے سامنے جوابدہ ہونا۔ لہذا اب میں مکمل طور پر اللہ کے حضور سجدہ ریز ہوں وہ سکون جس کی مجھے تلاش تھی وہ تو میرے سامنے تھا میری کتاب (قرآن پاک) میں۔
میں خدا کا بہت زیادہ شکراداکرتا ہوں کہ اس نے مجھے توبہ کا موقع دیا اور مجھے قبول کیا کیونکہ میں اپنی زندگی میں معجزات ہوتے دیکھ رہاہوں مجھے مقدس کتاب قرآن پاک کو پڑھتے ہوئے بہت سکون ملا ایک محاورہ ہے ’100 چوہے کھا کے بلی حج کو چلی‘ لیکن ہر کسی کا حج قبول نہیں ہوتا۔
ثاقب خان نے اپنی پوسٹ کے آخر میں ان تمام لوگوں سے معافی کی درخواست کی جنہیں انہوں نے کبھی دانستہ اور نادانستہ طور پر دکھ پہنچایا ہو۔
اس کے ساتھ ہی انہوں نے کہا دعاؤں میں یاد رکھیے گا۔ اللہ تعالیٰ ہم سب کی دعائیں قبول کرے اور ہم پر اپنی رحمت برسائے رکھے آمین۔‘
