بالی ووڈ اداکارہ راکھی ساونت نے سلمان خان کو فرشتہ قرار دیتے ہوئے کہا ہے کہ ان کی عمر بھی سلمان کو لگ جائے۔

باغی ٹی وی: گزشتہ روز اداکارہ راکھی ساونت کی والدہ کا کینسر کا آپریشن کیا گیا اور ان کا ٹیومر نکال لیا گیا اس آپریشن کا سارا خرچ بھی سلمان خان اور ان کے چھوٹے بھائی سہیل خان نے اٹھایا۔ راکھی ساونت نے میڈیا کے سامنے سلمان خان اور ان کی فیملی کا شکریہ ادا کیا۔

راکھی ساونت نے گھٹنوں کے بل جھک کر کہا سلمان بھائی آپ نے میری ماں کو بچالیا اور انڈیا کا سب سے بڑا ڈاکٹر مجھے میری ماں کے علاج کے لئے دیا ساتھ ہی اداکارہ نے سہیل خان کا بھی شکریہ ادا کیا-

انہوں نے سلمان خان کو فرشتہ قرار دیتے ہوئے کہا میری پوری عمر سلمان جی اور سہیل بھائی کو لگ جائے میں اس عمر کا کیا کروں گی۔

واضح رہے کہ اس سے پہلے بھی سلمان خان اور سہیل خان نے راکھی ساونت کی مالی مدد کی ہے راکھی ساونت نے انہیں اپنا خدائی مددگار قرار دیتے ہوئے کہا تھا سلمان خان اور سہیل بھائی نے میرے لیے بہت کیا ہےاور انہوں نے ہمیشہ مجھے کہا ہے ہم تمہاری جو بھی مدد کرتے ہیں اسے دوسروں کے سامنے کہنے کی ضروررت نہیں ہے۔

راکھی نے کہا تھا کہ مجھے معلوم ہے جب سلمان خان آس پاس ہوتے ہیں تو کچھ بھی غلط نہیں ہوسکتا۔

اس سے قبل اسپتال میں آپریشن کے لیے لے جانے سے قبل راکھی کی والدہ نے سلمان خان کا شکریہ ادا کیا۔

راکھی ساونت نے اپنے انسٹاگرام پر ویڈیو شئیر کی جس میں ان کی والدہ کا کہنا تھا کہ ہم دعا کرتے تھے ہمارے پاس پیسے نہیں تو ہم کیا کریں گے، کیا میں ایسے ہی مر جاؤں گی لیکن خدا نے سلمان خان کو میرے لیے فرشتہ بناکر بھیجا ہے-

راکھی کی والدہ نے کہا تھا سلمان خان آج میرے لیے کھڑے ہیں اور میرا آپریشن کرارہے ہیں، میں سلمان خان کا شکریہ اداکرتی ہوں کیوں کہ ان ہی کی وجہ سے میں آج اپنا آپریشن کروارہی ہوں۔

راکھی ساونت نے سلمان خان اور سہیل خان کو اپنا ’’گاڈ برادر‘‘ قرار دیا

دیا مرزا سلمان خان کی شکر گزار کیوں؟

ماہ مقدس میں سلمان خان نے انسانیت کی ایک اور مثال قائم کر دی

بھارتی شوباز انڈسٹری کی معروف اداکارہ حنا خان کے والد دل کا دورہ پڑنے سے چل بسے۔

باغی ٹی وی :بھارتی میڈیا رپورٹس کے مطابق حنا خان کو والد کے انتقال کی خبر مقبوضہ کشمیر میں شوٹنگ کے دوران دی گئی ہے جس کے بعد وہ ممبئی کیلئے روانہ ہوگئی ہیں۔

میڈیا رپورٹس میں کہا گیا ہے کہ اداکارہ حنا خان والد کے بے حد قریب تھیں اور ان کے ساتھ تصاویر بھی سوشل میڈیا پر پوسٹ کرتی رہتی تھیں۔

حنا خان کے والد کی موت پر بالی ووڈ سمیت مداحوں اور معروف شخصیات کی جانب سے افسوس کا اظہار کیا جارہا ہے۔

بھارتی اداکارویویک دل کا دورہ پڑنے سے انتقال کر گئے

حنا خان کی خوبصورتی پرمداح کیجانب سے کیس کرنے کی دھمکی

دہلی کی عدالت نے آنجہانی اداکار سوشانت سنگھ راجپوت کی زندگی پر فلم بنانے والے پروڈیوسر کو طلب کر لیا۔

باغی ٹی وی :بھارتی میڈیا کے مطابق جج منوج کمار اوہری نے فلم ساز آریا ببر کو 24 مئی کوعدالت طلب کرلیا ہے عدالت نے یہ نوٹس سوشانت سنگھ راجپوت کے والد کرشنا کشور سنگھ کی درخواست پر جاری کیے جنہوں نے اپنے بیٹے کی زندگی پر بننے والی فلم پر پابندی کے لیے دہلی ہائی کورٹ میں کیس دائر کردیا ہے۔

عدالت میں دائر مقدمے میں آنجہانی اداکار کے والد نے موقف اختیار کیا ہے کہ ان کے بیٹے کی زندگی پر بننے والی فلم ‘Nyay: The Justice’, ‘Suicide or Murder: A star was lost’, میں فلم سازموقع سے فائدہ اٹھاتے ہوئے درپردہ حاصل مواقع کو کیش کرنے کی کوشش کر رہے ہیں۔

مدعی کا کہنا ہے کہ کھیل، فلمز، ویب سیریز، کتابوں اور انٹرویوز میں میرے خاندان اور بیٹے کی ساکھ کو نقصان پہنچایا جا رہا ہے۔

کرشنا کشور نے درج بالا فلم کے فلم ساز پر سوشانت سنگھ کی ساکھ کو نقصان پہنچانے، دماغی دباؤ اور ہراسمنٹ پر 2 کروڑ روپے ہرجانے کا دعوی بھی کیا ہے۔

کیس میں دعوی کیا گیا ہے کہ اس نوعیت کی کسی ویب سیریز، کتاب یا کسی اور مواد کو شائع یا نشر کیا گیا تو یہ متوفی اور متاثرین کے حق کو نقصان پہنچانے کے مترادف ہوگا۔ جبکہ آنجہانی اداکار کے نام، تصویر کا غلط استعمال، مُضَحکَہ خیز تَصوير، ڈائیلاگ کی ادائیگی بھی شخصی حقوق کی خلاف ورزی سمجھی جائے گی۔

واضح رہے کہ بھارتی فلم ساز آریا ببر نے گزشتہ سال اگست میں آنجہانی اداکار کی زندگی پر فلم بنانے کا اعلان کیا تھا، فلم کی عکس بندی مکمل ہوچکی ہے اور رواں سال جون میں اسے ریلیز کیا جانا ہے۔ کیس کی سماعت 24 مئی کو دہلی ہائی کورٹ میں ہوگی۔