پاکستانی ماڈل و اداکارہ صبا قمر کی میوزک ویڈیو چنگاریاں ریلیز کر دی گئی-

اغی ٹی وی : دو روز قبل صبا قمر نے اپنی انسٹاگرام پوسٹ پر میوزک ویڈیو ریلیز کرنے کے بارے میں بھی بتایا تھا انہوں نے کہا تھا کہ ان کی نئی میوزک ویڈیو چنگاریاں ان کی سالگرہ کے دن یعنی 5 اپریل کو ریلیز کی جائے گی-

اپنی نئی میوزک ویڈیو کا ٹیزر جاری کرتے ہوئے انہوں نے لکھا تھا کہ ’محبت ایک خاص قسم کی ہمت کا تقاضا کرتی ہے۔ بار بار چوٹ لگنے کی ہمت۔‘

صبا قمر نے مزید لکھا تھا کہ ‘چنگاریاں’ جو میرے دل سے بہت قریب ہے اور ایک ایسی کہانی جو آپ سب سے متعلق ہے-

انہوں نے اس گانے سے متعلق گلوکار مصطفیٰ زاہد کا بھی شکریہ ادا کیا اور ساتھ ہی لکھا کہ میرے آن اسکرین پسندیدہ ہیرو عماد عرفانی کا شکریہ کہ وہ اس کا حصہ بنے۔

تاہم صبا قمر نے اپنی میوزک ویڈیو ایک ادھوری لوَ اسٹوری: چنگاریاں ریلیز کردی چنگاریاں ان کے یوٹیوب چینل کی قسط نمبر 6 ہے، جس میں وہ خود پہلے ہنسی مسکراتی اور پھر روتی بھی دکھائی دیتی ہیں۔

اس قسط کے حوالے سے اداکارہ کا کہنا ہے کہ یہ قسط ان کے احساسات کی عکاسی کررہی ہے اور ان کے لیے بہت خاص اور دل کے قریب ہے۔

انہوں نے کہا کہ اپنی سالگرہ اور اپنے یوٹیوب چینل کی پہلی سالگرہ پر میں نے یہ قسط ریلیز کی کیونکہ یہ میرے دل کے بہت قریب ہے اور اسے تیار کرنے میں، میں نے دل و جان سے محنت کی ہے کیونکہ اس قسط کی صورت میرا ایک خواب پورا ہورہا ہے۔

اداکارہ نے کہا کہ یہ ویڈیو آپ کو بھی ایسا ہی احساس دلائے گی کہ زندگی بڑھتی رہتی ہے، یہ ویڈیو ایسی کہانی پر مبنی ہے جو آپ سب کی کہانی ہے۔

آخر میں انہوں نے اپنے اس پروجیکٹ کو مکمل کرنے میں ساتھ دینے والوں کا شکریہ ادا کیا، ایک بار پھر اس پوسٹ میں خصوصی طور پر عماد عرفانی اور مصطفی زاہد کی شکرگزار دکھائی دیں۔

صبا قمر کی میوزک ویڈیو کو شائقین کی جانب سے خوب پسند کیا جا رہا ہے یہاں تک کہ محض 19 گھنٹے قبل شئیر کئے گئے گانے کو 51 ہزار سے زائد بار دیکھا جا چکا ہے-

یاسر حسین کو سوشل میڈیا یا ٹی وی شوز کسی بھی اداکار یا اداکارہ کے حوالے سے پوچھے گئے سوال پر اپنی رائے کا کھل کر اظہار کرتے ہیں جس وجہ یاسر حسینخود ہی ےنقید کا نشانہ بن جاتے ہیں –

باغی ٹی وی : گزشتہ دنوں برطانوی نشریاتی ادارے ’بی بی سی اردو‘ سے بات کرتے ہوئے یاسر حسین نے کہا تھا کہ پاکستانی شوبز انڈسٹری شروع سے ہی ’منافق‘ ہے اور کہ تھ کہہمارے پروڈکشنز ہاؤسز کا ماحول بالکل فیکٹریوں والا ہے-

ٰیاسر حسین نے کہا تھا کہ وہ جب بھی جس موضوع پر جو بات کہتے ہیں، وہ متنازع ہوجاتی ہے اور ایک نئی بحث چھڑ جاتی ہے۔

جس کے بعد اب یاسر حسین کی اہلیہ اور اداکارہ اقرا عزیز نے سوشل میڈیا پر کی گئی ایک طویل پوسٹ میں ان کا دفاع کرتے ہوئے بتایا کہ لوگوں کی شدید تنقید کے باوجود انہیں یاسر حسین سے محبت کیوں ہوئی۔

اقرا عزیز نے لکھا کہ ‘میں نے یاسر کا انتخاب اپنے لیے اس لیے کیا کیونکہ یہ ہمیشہ سچ بولتے ہیں اور لوگوں میں فرق نہیں کرتے’۔

اقرا عزیز نے لکھا کہ یاسر، سب کی عزت کرتے ہیں اور ان کو ان کا کریڈٹ دیتے ہیں۔

اداکارہ نے مزید لکھا کہ اس سب سے بڑھ کر یہ کہ عورت کی صحیح معنوں میں عزت کرنا جانتے ہیں، میری امی اور بہن کے بعد ان سے زیادہ اعتماد مجھے کسی نے نہیں دیا۔

انہوں نے لکھا کہ ‘آج کل کے زمانے میں یہ ایک بڑی بات ہے کہ ایک مرد، آپ کا شوہر، آپ کو آپ کے کام، آپ کے خوابوں کو سپورٹ کرے اور چاہے کہ آپ کامیابی کی بلندیوں کو سر کریں’۔

اقرا عزیز نے مزید لکھا کہ ‘ایک عورت سے پیار کرنا، اس کی عزت کرنا اور اسے ہزاروں کروڑوں لوگوں کے سامنے اپنا تسلیم کرنا، اپنے گھر کی عزت بنانا، اس کے خوابوں کو پورا کرنے میں نہ صرف اسے سپورٹ کرنا بلکہ اس کی مدد بھی کرنا، اپنی خوشی سے زیادہ اس کی خوشی کا خیال ہونا، میاں بیوی یا مرد و عورت میں فرق نہ کرنا، یہ ہر لڑکی کا خواب ہوتا ہے اور میرا یہ خواب پورا ہوا’۔

اقرا عزیز کی پوسٹ پر صارفین نے تنقید کا نشانہ بنایا ایک صارف نے کہا کہ بیچاری جب سے شادی ہوئی ہے صفائی ہی دے رہی ہے صرف بعض اوقات اس کے لئے بہت دُکھ ہوتا ہے-

جہاں صارفین نے تنقید کی وہیں کچھ صارفین یاسر حسین کی حمایت میں بھی سامنے آئے اایک صارف نے کہا کہ جو بھی کہہ لو یاسر ایمندار آدمی ہے میں نے اس کے بہت سے انٹر ویوز دیکھے ہیں یہ کبھی کسی کی برائی نہیں کرتا اور جو بھی بات ہوتی ہے اس کا بڑے اچھے سے جواب دیتا ہے-

خیال رہے کہ اقرا عزیز اور یاسر حسین نے 28 دسمبر 2019 کو کراچی میں شادی کی تھی شادی کی تقریب میں شوبز شخصیات سمیت ان کے قریبی رشتہ داروں نے بھی شرکت کی تھی۔

یاسر حسین نے جولائی 2019 میں اقرا عزیز کو لکس اسٹائل ایوارڈ کے دوران شادی کی پیشکش کی تھی اداکار نے ایوارڈ شو میں اقرا عزیز کو سب کے سامنے انگوٹھی پہنائی جبکہ ان کے گال پر بوسہ بھی دیا تھا جس کے بعد دونوں پر تنقید بھی کی گئی تاہم جلد ہی دونوں نے متعدد انٹرویوز کے ذریعے یہ اعلان کیا تھا کہ دونوں جلد شادی کے بندھن میں بندھ جائیں گے۔

جتنی مضبوط صبا ہے وہ اتنے ہی مضبوط مرد کی حقدار ہے یاسر حسین

ہمارے پروڈکشنز ہاؤسز کا ماحول بالکل فیکٹری والا ہے یاسر حسین

کینسر کی شکار سینئر اداکارہ نائلہ جعفری کی جانب سے مالی مدد کی اپیل کے بعد اداکار بھی ان کی مدد کے لیے سامنے آگئے۔

باغی ٹی وی : نائلہ جعفری گزشتہ 5 سال سے کینسر سے جنگ لڑ رہی ہیں اور حال ہی میں انہیں انفیکشن کی وجہ سے ہسپتال داخل کرایا گیا تھا ہسپتال میں داخل کرائے جانے کے بعد چند دن قبل ان کی ایک ویڈیو وائرل ہوئی تھی، جس میں وہ ہسپتال کے بستر سے کسم پرسی کی حالت میں مدد مانگتے ہوئے آبدیدہ ہوگئی تھیں۔

نائلہ جعفری نے واضح طور پر شوبز شخصیات یا ٹی وی مالکان سے مالی مدد نہیں مانگی تھی، تاہم انہوں نے مطالبہ کیا تھا کہ جن اداکاروں کے ڈرامے دوبارہ نشر کیے جاتے ہیں انہیں ان کا معاوضہ بھی دوبارہ ملنا چاہیے۔

اداکارہ کی ویڈیو وائرل ہونے کے بعد سندھ کی وزارت ثقافت نے نائلہ جعفری کی مدد کا اعلان کیا تھا اور اداکارہ کے علاج کے تمام اخراجات برداشت کرنے کی یقین دہانی بھی کروائی تھی۔

اور اب نائلہ جعفری کی مدد کے لیے اداکار میکال ذوالفقار اور یاسر حسین بھی سامنے آگئے۔

میکال ذوالفقار اور یاسر حسین نے داکارہ کے مطالبے کی حمایت کی اور کہا کہ ٹی وی مالکان کو ڈرامے دوبارہ نشر کرنے یا انہیں یوٹیوب سمیت دیگر سائٹس پر چلانے کا معاوضہ بھی دینا چاہیے۔

میکال ذوالفقار نے نائلہ جعفری کی مالی معاونت کا اعلان کرنے پر سندھ حکومت کی تعریف کی اور ساتھ ہی کہا کہ یہ لازمی ہوگیا ہے کہ ٹی وی مالکان ڈرامے کو دوبارہ نشر کرنے یا پھر اسے یوٹیوب سمیت دیگر سائٹس پر چلائیں تو اداکاروں کو بھی دوبارہ معاوضہ دیں۔

میکال ذوالفقار کے مطابق ٹی وی مالکان کو لکھاریوں، ہدایت کاروں اور پروڈیوسرز سمیت اداکاروں کو بھی ہر بار معاوضہ دینا چاہیے اور اب اس عمل کو تبدیل ہونا چاہیے کہ صرف ایک بار ہی معاوضہ ملے گا۔

یاد رہے کہ میکال ذوالفقار پہلے بھی مطالبہ کر چکے ہیں کہ ڈرامے کو دوبارہ نشر کرنے پر ٹی وی مالکان اداکاروں کو معاوضہ بھی دوبارہ فراہم کریں۔

دوسری جانب اداکار یاسر حسین نے کہا کہ یہ ٹی وی والوں کے لیے شرم کا مقام ہے اور ہم سب اداکاروں کے لئے بھی-

یاسر حسین نے لکھا کہ افسوس صد افسوس، پھر ہم کہتے ہیں کہ ہمیں خدا کا خوف ہے اور آخرت سے ڈرتے ہیں۔

واضح رہے کہ نائلہ جعفری 2016 سے بیمار ہیں اور ابتدائی طور پر ان میں اوورین کینسر کی تشخیص ہوئی تھی اور بعد ازاں ان میں معدے کے کینسر کی بھی تشخیص ہوئی کینسر کے تیسرے اسٹیج کی وجہ سے انہیں تشویش ناک حالت میں ہسپتال داخل کرایا گیا بعد ازاں نائلہ جعفری کو کچھ عرصہ ہسپتال میں رکھنے کے بعد ڈسچارج کردیا گیا تھا تاہم وہ 2016 سے مسلسل زیر علاج ہیں اور وقتاً فوقتاً ہسپتال داخل ہوتی رہتی ہیں۔

اداکارہ نے 2017 میں اس وقت کی مرکزی پاکستان مسلم لیگ (ن) کی حکومت کی مالی مدد لینے سے انکار کردیا تھا تاہم بعد ازاں انہوں نے اس وقت کے صدر مملکت ممنون حسین کی معاونت قبول کی تھی ساتھ ہی انہوں نے حکومت سندھ کی مالی مدد بھی قبول کی تھی۔

سندھ حکومت کا کینسر کا شکار نائلہ جعفری کی مالی معاونت کا اعلان

کنیسر میں مبتلا اداکارہ نائلہ جعفری کی حکومت سے بیمار اور سینئراداکاروں کی مالی…

پاکستان شوبز انڈسٹری کی نامور اداکارہ و ماڈل صبا قمر کو گزشتہ روز منائی گئی اپنی سالگرہ پر نامناسب لباس پہننے کے سبب مبارکباد اور نیک تمناؤں کے بجائے صارفین کی شدید تنقید کا سامنا کرنا پڑگیا۔

باغی ٹی وی : اداکارہ صبا قمر اپنی سالگرہ کے موقع پر بھی سوشل میڈیا صارفین کی تنقید سے بچ نہ سکیں۔ جس کی بنیادی وجہ اُن کا نا مناسب لباس تھا جوکہ سوشل میڈیا صارفین کو ایک آنکھ نہ بھایا۔

صبا قمر نے پیر کو اپنی 37 ویں سالگرہ منائی جس کے لیے اُن کے دوستوں نے مقامی ہوٹل میں اُن کے لیے سرپرائز پارٹی کا بندوبست کیا۔ تقریب میں شوبز سے وابستہ فن کاروں نے بھی شرکت کی۔

اداکارہ صبا قمر نے نیلے رنگ کا نامناسب لباس زیب تن کیا ہوا تھا جس پر سوشل میڈیا صارفین آگ بگولا ہوگئے اور انہیں شدید تنقید کا نشانہ بناتے ہوئے ان لئے ہدایت کی دعا کی-ایک صارف نے سالگرہ پر گیدرنگ پر سوال اٹھاتے ہوئے کہا کہ اب کورونا کہاں ہے ایک نے کہا کہ یہی لوگ رمضان میں ہمیں درس دے رہے ہوں گے-

واضح رہے کہ خوبرو پاکستانی اداکارہ نے ٹی وی اور ڈراموں میں اپنی اداکاری کا آغاز ’میں عورت ہوں‘ سے کیا تھا۔ صبا قمر پاکستانی فلم انڈسٹری لالی ووڈ کے علاوہ بھارتی فلم انڈسٹری بالی ووڈ میں بھی اداکاری کے جوہر دکھا چکی ہیں۔

ہ گزشتہ برس گلوکار بلال سعید اور اداکارہ صبا قمر کا ایک ساتھ پہلا ویڈیو گانا ‘قبول ہے’ بھی ریلیز ہوا تھا جسے چند ہی گھنٹوں میں 2 لاکھ کے قریب بار دیکھا گیا جبکہ یہ گانا کافی متنازع کا شکار بھی رہا جبکہ بلال سعید اور صبا قمر کو متعدد مقدمات کا بھی سامنا کرنا پڑا-

‘قبول’ کے ذریعے صبا قمر نے میوزک گانوں کی ہدایت کاری میں بھی قدم رکھا تھا اس سے قبل وہ اپنے یوٹیوب چینلز پر مختصر ڈراموں کی ہدایات بھی دیتی رہی ہیں۔

صبا قمر نےاپنی نئی میوزک ویڈیو چنگاریاں کی ریلیز کی تاریخ کا اعلان کردیا

صبا قمر کی 37ویں سالگرہ کی تقریب کے سوشل میڈیا پر چرچے