بھارتی اداکارہ و ڈانسر اور بگ باس 4 کی کھلاڑی راکھی ساونت نے بالی ووڈ کے دبنگ اداکار سلمان خان اور ان کے چھوٹے بھائی سہیل خان کو اپنا گاڈ برادر یعنی خدائی مددگار قراردے دیا۔

باغی ٹی وی: بھارتی میڈیا رپورٹس کے مطابق راکھی ساونت نے حال ہی میں ایک انٹرویو کے دوران سلمان خان اور سہیل خان کے بارے میں بات کرتے ہوئے کہا کہ ان دونوں نے اس وقت ان کی مالی اور جذباتی مدد کی جب انہیں مدد کی بہت زیادہ ضرورت تھی۔

راکھی ساونت نے بتایا کہ انہوں نے میری ماں کے علاج میں بھی میری مدد کی ہے۔حتیٰ کہ ان دونوں نے اس بات کو میڈیا سے دور رکھنے کے لیے بھی کہا اور انہوں نے ہمیشہ مجھے کہا ہے ہم تمہاری جو بھی مدد کرتے ہیں اسے دوسروں کے سامنے کہنے کی ضروررت نہیں ہے۔

راکھی ساونت نے سلمان اور سہیل خان کو اپناگاڈ برادر قرار دیتے ہوئے کہا مجھے معلوم ہے جب سلمان خان آس پاس ہوتے ہیں تو کچھ بھی غلط نہیں ہوسکتا۔

راکھی ساونت نے مزید کہا کہ سلمان خان نے ان کی صرف مالی طور پر مدد نہیں کی بلکہ بگ باس شو کے دوران انہوں نے میری رہنمائی بھی کی اور مجھے ہر طرح سے سپورٹ کیا۔

راکھی نے اپنے کیریئر میں آنے والی مشکلات کا ذکر کرتے ہوئے کہا کہ میں بہت کم عمری میں سمجھدار ہوگئی تھی مجھ پر میری ماں، بھائی اور بیوہ بہن کی ذمہ داری تھی میں اس وقت ہر کسی کے ساتھ بہت تلخ لہجے میں بات کرتی تھی کیونکہ مجھے کوئی سمجھانے والا نہیں تھا۔

لیکن اب سلمان خان نے مجھے سمجھایا ہے کہ مجھے اپنی زبان پر قابو رکھنا چاہئے اور بگ باس کے گھر کے اندر بھی مجھے سب سے نرمی سے پیش آنا چاہئے اگر میں نے خود کو تبدیل کرلیا تو مجھے انڈسٹری میں کام ملے گا اور مجھے اب کام چاہئے۔

بالی ووڈ سُپراسٹار شاہ رخ خان کا کہنا ہے کہ نہوں نے اپنی بیٹی سہانا خان پر نظر نہیں رکھی بس مجھے معاشرے کا پتہ ہے تو میں اپنی بیٹی کا خیال رکھتا ہوں۔

باغی ٹی وی : بھارتی میڈیا پر بالی ووڈ کنگ شاہ رخ خان کی ایک پرانی ویڈیو وائرل ہورہی ہے جس میں وہ ہدایتکار کرن جوہر کے پروگرام ’کافی ود کرن‘ میں موجود ہیں اور اس دوران ان کے ہمراہ اداکارہ عالیہ بھٹ بھی ہیں-

کرن جوہر نے سوال پوچھا ’آپ کے خیال میں عالیہ بھٹ کو کس کے ساتھ ڈیٹ پر جانا چاہیے‘؟ جس کے جواب میں کنگ خان نے کہا ’’ ہر ایک نوجوان کے ساتھ، کیوںکہ میں جس سے بھی ملتا ہوں تو مجھے یہی سننے کو ملتا ’عالیہ آج کل اس کو ڈیٹ کررہی ہیں‘ لیکن مجھے کبھی ان سے پوچھنے کا اتفاق نہیں ہوا حالانکہ عالیہ میرے لیے بچوں کی طرح ہے۔

میزبان نے کہا، کیا آپ ان سے اب پوچھنا چاہیے گے کیوںکہ وہ آپ کے ساتھ ہی بیٹھی ہیں۔ شاہ رخ نے جواب دیا کہ نہیں کیوںکہ اگر ان کے 3، 4 بوائے فرینڈ ہوئے تو مجھے مایوسی ہوگی۔

اس دوران عالیہ بھٹ نے کہا نہیں ایسا نہیں ہے، میرے 4 بوائے فرینڈ رہے ہیں لیکن اس وقت صرف ایک ہی ہے۔

شاہ رخ خان نے جواب دیا کہ نہیں میرا یہ مطلب نہیں تھا کہ ایک ساتھ 4 بوائے فرینڈ لیکن اتنی سی عمر میں 4 بوائے فرینڈ رکھنا بھی میرے لیے بہت بڑی بات ہے۔ جس پر میزبان نے سوال پوچھا اگر آپ کو پتہ چلا کہ آپ کی بیٹی کا کوئی بوائے فرینڈ ہے تو آپ کیا کریں گے؟

شاہ رخ خان نے جواب دیا مجھے اگر پتہ چلا تو میں اس کا منہ توڑ دوں گا۔

کرن جوہر نے فوراً کہا ہاں مجھے پتہ ہے تم نے بیٹی پر کڑی نظر رکھی ہوئی ہے۔ اداکار نے جواب دیا کہ میں نے نظر نہیں رکھی بس مجھے معاشرے کا پتہ ہے تو میں اپنی بیٹی کا خیال رکھتا ہوں۔

خیال رہے شاہ رخ خان اپنی بیٹی سہانا خان کا روایتی والد کی طرح بہت خیال رکھتے ہیں اور وہ انہیں متعدد بار لڑکوں سے دور رہنے کا مشورہ بھی دے چکے ہیں۔ ایک بار انہوں نے سہانا کو کہا تھا ’ اگر کسی پارٹی کے دوران کوئی لڑکا تمہیں کمرے کی طرح اشارہ کرے یا پاس بلائے تو اسے زور سے مارنا۔

گزشتہ روز بھارتی اداکارہ گوہر خان کے خلاف قرنطینہ توڑنے پر مقدمہ درج کیا گیا تھا –

باغی ٹی وی : گزشتہ روز بھارتی میڈیا نے بتایا تھا کہ گوہر خان کورونا میں مبتلا ہونے کے باوجود قرنطینہ میں رہنے کے بجائے فلم کی شوٹنگ پر گئی تھیں اور اس وجہ سے ان کے خلاف مقدمہ درج کیا گیا۔

اب گوہر خان کی ٹیم کی جانب سے اس معاملے کی وضاحت کی گئی ہے اور انہوں نے بتایا کہ اداکارہ گوہر خان کا کورونا وائرس کا ٹیسٹ منفی آیا تھا گوہر خان قانون کی پاسداری کرنے والی شہری ہیں اور بریہن ممبئی میونسپل کارپوریشن (بی ایم سی) کے تمام تر اصولوں کو اپنا رہی ہیں۔

گوہر خان کی ٹیم نے اپنے بیان میں کہا کہ وہ تمام لوگ جو اداکارہ کے لیے نیک تمناؤں کا اظہار کر رہے ہیں ان کے لیے یہ تازہ ترین رپورٹ ہے کہ گوہر کا کورونا ٹیسٹ منفی آیا ہے ہماری اپیل ہے کہ ان تمام قیاس آرائیوں کو ختم کریں کیونکہ گوہر بی ایم سی کے ساتھ تعاون کر رہی ہیں۔

علاوہ ازیں گوہر خان کی ٹیم کی جانب سے بھارتی میڈیا سے درخواست کی گئی کہ وہ ان تمام قیاس آرائیوں میں شامل نہ ہوں اور گوہر کے جذبات کا احترام کریں 10 دن پہلے ہی ان کے والد کا انتقال ہوا ہے۔

کورونا وائرس کے قوانین کی خلاف ورزی: بھارتی اداکارہ گوہر خان پر مقدمہ درج

کچھ لکھنے سے پہلے اپنے حقائق درست کریں گوہر خان بھارتی میڈیا پر برہم

باگ باس 14 کی کنٹسٹنٹ ،ڈانسر اور اداکارہ راکھی ساونت کا کہنا ہے لوگ ان کی جسمانی ساخت اور چہرے کے باعث ان کا مذاق اڑایا کرتے تھے۔

باغی ٹی وی :بھارتی میڈیا رپورٹ رپورٹس کے مطابق اداکارہ راکھی ساونت نے اپنے ایک حالیہ انٹر ویو میں کہا کہ مجھے یقین نہیں ہوتا کہ میری زندگی میں ایک بار پھر پیار شامل ہوگیا ہے لوگ مجھے ہمیشہ نظر انداز کیا کرتے تھےمیری جسمانی ساخت اور چہرے کو لے کر مذاق اڑایا جاتا تھا۔

راکھی ساونت نے بتایا کہ میں انگلش نہیں بول سکتی چنانچہ میری انگلش کا مذاق اڑایا جاتا تھا کوئی نہیں جانتا کہ میں زندگی میں کئی بار مشکل حالات سے بچتی رہی ہوں، لوگ مجھے بدصورت، موٹی اور فضول بولنے والی جیسے القابات سے پکارا کرتے تھے لیکن اس سب سے کے باوجود ہمیشہ اپنے کام پر توجہ مرکوز کی اور سب کو معاف کردیا۔

اداکارہ کا کہنا تھا کہ بلآخر اب میں لوگوں کا پیار حاصل کرنے میں کامیاب ہوگئی ہوں تاہم اب بھی اکثر لڑکے ،لڑکیوں ، ماں اور بچے بچیوں کی محبت دیکھ کر کنفیوز ہوجاتی ہوں اور ایسا لگتا ہے جیسے سب کچھ ایک خواب ہو۔