کورونا وائرس میں مبتلا بھارتی اداکارہ و ماڈل گوہر خان کے خلاف قرنطینہ توڑ نے پر مقدمہ درج کرلیا گیا۔

باغی ٹی وی :بھارتی میڈیا کے مطابق گوہر خان کورونا وائرس میں مبتلا ہونے کی وجہ سے قرنطینہ میں رہنے کے بجائے فلم کی شوٹنگ کے لیے چلی گئیں جس پر کورونا وائرس کے قوانین کی خلاف ورزی کرنے پر ان کے خلاف مقدمہ درج کرلیا گیا۔

بھارتی میڈیا رپورٹس کے مطابق اداکارہ گوہر خان کا کورونا وائرس کا ٹیسٹ مثبت آیا تھا اور انہیں اس کے بعد گھر میں قرنطینہ میں رہنا چاہیے تھے لیکن وہ فلم کی شوٹنگ کے لیے چلی گئیں۔

بریہن ممبئی میونسپل کارپوریشن (بی ایم سی) عہدیدار مبینہ طور پر گوہر خان کے گھر گئے تھے لیکن انہیں وہاں پر اداکارہ نہیں ملیں۔

جس پر بی ایم سی نے گوہر خان کے خلاف ایف آئی درج کر ادی اور اس میں گوہر خان کے نام کو چُھپا کر اسے سوشل میڈیا پر بھی شیئر کیا۔

خیال رہے کہ اداکارہ گوہر خان گزشتہ سال دسمبر میں زید دربار کے ساتھ رشتہ ازدواج میں منسلک ہوئی تھیں –

کچھ لکھنے سے پہلے اپنے حقائق درست کریں گوہر خان بھارتی میڈیا پر برہم

بھارتی اداکارو سیاستدان کمال ہاسن کی گاڑی کا دروازہ کھولنے کی کوشش کرنے والے نوجوان کو کارکنوں نے مار مار شدید زخمی کردیا۔

باغی ٹی وی : بھارتی میڈیا رپورٹس کے مطابق بھارتی سیاستدان اور اداکار کمل ہاسن تامل ناڈو میں انتخابی مہم کے بعد چنئی جانے کے لیے جیسے ہی گاڑی کے پاس پہنچے کہ اسی دوران ایک نوجوان تیزی سے بھاگتا ہوا آیا اور ان کی گاڑی کا دروازی کھولنے کی کوشش کی –

جس پر کمل ہاسن کے ارد گرد کھڑے پارٹی ورکرز نے نوجوان کو دبوچ لیا اور بری طرح پیٹ ڈالا جس کے باعث نوجوان شدید زخمی ہوگیا۔

کمل ہاسن کی جماعت کے سیاسی کارکنوں کا کہنا ہے کہ نوجوان نے اداکار پر حملے کی کوشش کی جس کے نتیجے میں گاڑی کی ونڈ اسکرین کو نقصان پہنچا۔

دوسری جانب پولیس کا کہنا ہے کہ شدید زخمی ہونے کے باعث نوجوان کو اسپتال منتقل کردیا گیا ہے نوجوان اداکار کا مداح ہے اس کا مقصد حملہ کرنا نہیں تھا۔

سلمان اور وویک کے درمیان برسوں سے ایشوریا رائے کو لیکر دشمنی چلی آرہی ہے تاہم 28 سال بعد ایسا لگ رہا ہے کہ دونوں کے درمیان دشمنی ختم ہونے جارہی ہے-

باغی ٹی وی :بھارتی اداکار وویک اوبرائے نے فلمی کیرئیر کا آغاز 2002 میں فلم ’’کمپنی‘‘ سے کیا جس سے انہوں نے خوب شہرت حاصل کی تاہم 2003 میں دبنگ خان کے خلاف پریس کانفرنس اور اس کے بعد پیدا ہونے والے تنازع نے ان کا کیرئیر ختم کردیا۔

بھارتی میڈیا کے مطابق اداکار وویک اوبرائے نے گزشتہ دنوں سلمان خان کی فیملی پارٹی میں شرکت کی، وویک کو سلمان خان کے چھوٹے بھائی سہیل خان کی اہلیہ سیمان خان نے اپنی سالگرہ پر مدعو کیا جس میں حیران کن طور پر وویک اوبرائے بھی پہنچ گئے-

اداکار کو سلمان خان کے گھر کی نجی تقریب میں دیکھ کر سب حیران رہ گئے تاہم وویک کی پارٹی میں شرکت سے اندازہ لگایا جاسکتا ہے کہ شاید اب دشمنی دوستی میں بدلنے جارہی ہے۔

واضح رہے کہ سلمان خان کے خلاف پریس کانفرنس کرنے بعد وویک اوبرائے نے متعدد بار ایوارڈ شوز یا دیگر تقریبات میں دبنگ خان سے اپنے رویئے پر معافی بھی مانگی تھی تاہم سلمان خان کی جانب سے وویک اوبرائے سے متعلق کبھی کوئی بات نہیں کی گئی۔

سومی علی کی متھن دا اور سلمان خان سمیت کئی بالی ووڈ اداکاروں سے معذرت

سلمان خان کی سابقہ دوست کا جنسی ہراسانی کا شکار ہونے کا انکشاف

دنیا بھر میں پھیلی کورونا کی وبا کے باعث کورونا سے تحفظ کی ویکسین آجانے کے باوجود پاکستان سمیت کئی ممالک میں تاحال جزوی لاک ڈاؤن نافذ ہے جس وجہ سے کروڑوں افراد کو روزگار کے مسائل بھی ہونے لگے ہیں جن میں تھیٹرز اداکار بھی شامل ہیں اور ایسے ہی شعبے سے وابستہ یورپی ملک فرانس کی ایک اداکارہ نے طویل لاک ڈاؤن کے خلاف منفرد احتجاج کرکے حکومت کی آنکھیں کھول دیں۔

باغی ٹی وی :خبر رساں ادارے ’رائٹرز‘ کے مطابق فرانسیسی دارالحکومت پیرس میں ملک کے اعلیٰ ترین فلمی ایوارڈز کی ایک تقریب میں 57 سالہ تھیٹر اداکارہ سورینے میسیرو (Corinne Masiero) نے برہنہ احتجاج کرکے سب کو حیران کردیا۔

سورینے میسیرو اسٹیج پر پرفارمنس کے لیے آئی تھیں اور انہوں نے پرفارمنس کے دوران خود کو ’گدھے‘ کی کھال کے لباس سے ڈھانپ رکھا تھا۔

سورینے میسیرو کی پرفارمنس کو کافی سراہا گیا اور منفرد لباس پہننے پر ان کی تعریفیں بھی کی گئیں، تاہم شائقین اس وقت حیران رہ گئے جب انہون نے پرفارمنس کے بعد اپنا لباس اتار دیا۔

خبر رساں ادارے کے مطابق سورینے میسیرو نے پرفارمنس کے بعد مختصر وقت کے لیے ملک میں نافذ لاک ڈاؤن پر بات کی اور بتایا کہ کس طرح تھیٹرز اداکار فاقاکشی کا شکار ہیں لاک ڈاؤن ختم کرکے تھیٹرز اداکاروں کو کام کرنے دیے جائےکیوںکہ ثقافت نہیں تو کوئی مستقبل نہیں۔

French actress Corinne Masiero stripped naked on stage during a Cesar Awards ceremony in Paris to protest the government's months-long closure of theatres and cinemas during the coronavirus pandemic. https://t.co/midRxwDqUv

— IOL Lifestyle (@IOL_Lifestyle) March 13, 2021

اداکارہ نے مختصر خطاب کے بعد اپنا لباس اسٹیج پر سب کے سامنے اتارا اور انہوں نے شائقین کو اپنے برہنہ جسم کا دوسرا رخ بھی دکھایا۔

اسٹیج اداکارہ نے سینے اور پیٹ پر ’ہمیں اپنا فن واپس دے دو‘ اور ’ثقافت نہیں تو کوئی مستقبل نہیں‘ جیسے نعرے بھی درج کر رکھے تھے۔

اداکارہ کی جانب سے لباس اتارے جانے پر اگرچہ کئی شائقین نے اپنی نظریں جھکالیں یا اپنے چہرے کا رخ موڑ لیا، تاہم زیادہ تر شائقین نے ان کی بہادری پر ان کے لیے تالیاں بھی بجائیں۔

موسیقی کی دنیا کے معتبر ایوارڈ گریمی کی 63 ویں سالانہ تقریب میں تمام بڑے ایوارڈز خواتین گلوکاروں نے جیت کر نئی تاریخ رقم کر دی-

باغی ٹی وی :خبر رساں ادارے ’رائٹرز‘ کے مطابق 63 ویں گریمی ایوارڈز کی تقریب کورونا کے باعث ورچوئل منعقد کی گئی اور فنکاروں نے آن لائن پرفارمنس سے شائقین کو محظوظ کیا۔

’گریمی ایوارڈز‘ کی تقریب میں مجموعی طور پر 83 کیٹیگریز میں ایورڈز دیے گئے ’39 سالہ امریکی گلوکارہ بیونسی نے گریمی کی تاریخ میں سب سے زیادہ ایوارڈز اپنے نام کرنے میں گلوکارہ اور موسیقارہ ایلیسن کراس کو بھی پیچھے چھوڑ دیا۔

گریمی ایوارڈ2021 میں گلوکارہ بیونسی نے’آر اینڈ بی پرفارمنس‘ کا بڑا ایوارڈ اپنے نام کیا ساتھ ہی انہوں نے مجموعی طور پر 4 ایوارڈز جیتے، جس کے بعد ان کے گریمی ایوارڈز کی تعداد 28 ہوگئی اور وہ اتنے زیادہ گریمی ایوارڈز جیتنے والی پہلی گلوکارہ بن گئیں۔

ایوارڈ وصول کرتے وقت بیونسی نے کہا کہ ایک فنکار ہونے کی حیثیت سے میرا یقین ہے کہ وقت کی عکاسی کرنا میرا کام ہے اور یہ اتنا مشکل وقت رہا ہے لہٰذا میں ان تمام خوبصورت سیاہ فام کوئنز اور کنگز کی ترقی اور حوصلہ افزائی کا جشن منانا چاہتی ہوں جو مجھے اور دنیا کو متاثر کرتے رہے ہیں۔

دوسری جانب امریکی گلوکارہ ٹیلر سوئفٹ بھی گریمی کی تاریخ میں 3 مرتبہ البم آف دی ائیر کا ایوارڈ اپنے نام کرنے والی پہلی خاتون فنکار بن گئی ہیں۔

گلوکارہ ٹیلر سوئفٹ کو ان کے لاک ڈاؤن کے البم ’فوک لور‘ پر ایوارڈ سے نوازا گیا جب کہ اس سے قبل صرف 3 فنکار ایسے ہیں جنہوں نے 3 بار البم آف دی ائیر کا ایوارڈ اپنے نام کیا جن میں فرینک سنتارا، پاؤل سمن اور اسٹیو ونڈر شامل ہیں۔

63 ویں گریمی ایوارڈز تقریب میں ’ریکارڈ آف دی ایئر‘ کا بڑا ایوارڈ امریکی گلوکارہ بلی آئلش نے جیتا۔

اسی طرح ’سانگ آف دی ایئر‘ کا دوسرا بڑا ایوارڈ ’ہر‘ (H.E.R) کودیگر گلوکاراؤں کے ساتھ دیا گیا۔

’گریمی ایوارڈز‘ کی تقریب کو کورونا کی وجہ سے آن لائن منعقد کیا گیا اور وچوئل تقریب میں بھی گلوکاراؤں نے شاندار پرفارمنس سے مداحوں کے دل جیتے۔