معروف مصنفہ اور ڈرامہ نویس حسینہ معین کا کہنا ہے کہ مصنف کا کام حدود میں رہ کر معاشرے کو آگہی دینا، معلومات دینا اور لوگوں کو تفریح فراہم کرنا ہےمجھے تو کبھی کبھی لگتا ہے کہ ڈرامہ آرٹ کی شکل سے نکل کر نوٹنکی بن چکا ہے۔

باغی ٹی وی : غیر ملکی اردو ویب سائیٹ کو دیئے گئے انٹرویو میں حسینہ معین نے ڈرامہ انڈسٹری کے بارے میں بات کرتے ہوئے کہا کہ ماضی میں ایک ڈرامے میں دکھایا گیا کہ لڑکی شادی کے لیے نہیں مانتی تو لڑکا اس کے چہرے پر تیزاب پھینک دیتا ہے-

انہوں نے کہا کہ یہ منظر دیکھنے کے بعد بہت سارے ایسے واقعات رونما ہوئے تھے، اس لئے ہمیں ایسی چیزوں کا خیال ضرور رکھنا چاہیے اور معاشرے کی حقیقتوں کو طریقے سے دکھایا جانا چاہیے۔

حسینہ معین کا کہنا تھا کہ بری سے بری بات کو بھی سلیقے سے کہا اور دکھایا جا سکتا ہے بس یہ خیال رکھنا چاہیے کہ ٹی وی کو ہر گھر میں دیکھا جاتا ہے، بچے بڑے بوڑھے ہر کوئی ڈرامے دیکھتا ہے اور ٹی وی پر دکھائی جانے والی چیز کا اثر دیرپا ہوتا ہے۔ لوگ جو دیکھتے ہیں ویسا کرنے کی کوشش کرتے ہیں۔

دور حاضر کے ڈراموں اور ان پر ہونے والی تنقید اور پابندیوں کے حوالے سے حسینہ معین نے کہا کہ چینلز کا کام تو اب جیسے صرف پراڈکٹ بیچنا ہی رہ گیا ہے انہیں ذمہ داری کا مظاہرہ کرنا چاہیے۔

انہوں نے کہا کہ پیمرا کو بھی سوچ سمجھ کر حرکت میں آنا چاہیے آج کئی ایسے ڈرامے دکھائے جا رہے ہیں جن میں سسر بہو پر گندی نظر رکھے ہوئے ہے، دیور بھابھی پر نظر رکھے ہوئے ہے اب ایسی کہانیاں دیکھ کر بچیاں تو دل ہی دل ہی میں سسر دیور اور جیٹھ سے یقیناً ڈریں گی۔

حسینہ معین نے کہا کہ مصنف کا کام حدود میں رہ کر معاشرے کو آگہی دینا، معلومات دینا اور لوگوں کو تفریح فراہم کرنا ہے۔ مجھے تو کبھی کبھی لگتا ہے کہ ڈرامہ آرٹ کی شکل سے نکل کر نوٹنکی بن چکا ہے۔

معاشرتی مسائل پر اپنی آواز بُلند کرنے والی سماجی کارکن شنیرا اکرم لڑکے کو شادی کی پیشکش کرنے والی لاہور کی نجی یونیورسٹی کی طلبہ کی حمایت میں سامنے آ گئیں-

باغی ٹی وی : حال ہی میں سوشل میڈیا پر لاہور کی ایک نجی یونیورسٹی کی لڑکی کی لڑکے کو شادی کی پیشکش کرتے وقت کی ویڈیو وائرل ہوئی تھی جس کے بعد یونیورسٹی انتظامیہ کی جانب سے دونوں کو نکال دیا گیا تھا۔

ویڈیو سامنے آنے کے بعد ٹوئٹر پر یہ معاملہ ٹرینڈ کرنے لگا اور صارفین کی جانب سے اس حوالے سے ملے جلے ردعمل بھی سامنے آئے۔

متعدد صارفین کی جانب سے یونیورسٹی انتظامیہ کو لڑکا لڑکی کو نکالنے کو سراہا جا رہا ہے جب کہ چند صارفین کی جانب سے اس کی مذمت بھی کی جا رہی ہے۔

اس حوالے سے سماجی کارکن شنیرا اکرم نے مائیکرو بلاگنگ سائٹ ٹوئٹر پر اپنا پیغام جاری کیا اپنے پیغام میں شنیرا نے لکھا کہ ہم نے حال ہی میں خواتین کا عالمی دن منایا ہے اور اب ہم ایک ایسی نامور یونیورسٹی کا ساتھ دے رہے ہیں جہاں ایک نوجوان لڑکی کو پُراعتماد اور بااختیار ہونے پر بےدخل کیا جارہا ہے۔

محبت ایک ایسا خوبصورت احساس ہے جو انسان کو زندگی جینے کے قابل بنا تا ہے شنیرا اکرم

وسیم اکرم کی اہلیہ نے اپنے ٹوئٹ میں لکھا کہ لڑکی کی غلطی صرف یہ ہے کہ اُس نے سب کے سامنے اپنی محبت کا اظہار کرتے ہوئے لڑکے کو شادی کی پیشکش کی ہے۔

شنیرا اکرم نے سوالیہ انداز میں لکھا کہ ہم یہاں کس قسم کی مثال قائم کر رہے ہیں؟-

انہوں نے اپنے ٹوئٹ میں ہیش ٹیگ Can’tExpelLove کا یعنی آپ محبت کو بے دخل نہیں کر سکتے کا بھی استعمال کیا-
https://twitter.com/_UsamaBhatti_/status/1370682421398671361
شنیرا اکرم کے اس ٹویٹ پر ایک عثمان جلیل بھٹی نامی صارف نے لکھا کہ میڈم پاکستان ایک اسلامی ملک ہے اور یہ آئین اسلامی ہےآئین کی تجویز یہ بھی کہتی ہے کہ مسلمان قرآن و سنت کے احکامات کے مطابق انفرادی اور اجتماعی شعبوں میں اپنی زندگی گزار سکیں گے۔

صارف نے مزید کہا کہ اس کے علاوہ ، آئین کے آرٹیکل 19 میں آزادی اظہار اور اظہار رائے کو معاشرے کے شائستہ اور اخلاقیات کے مفاد میں قانون کی طرف سے عائد پابندیوں کے تابع بنایا گیا ہے کوئی بھی غیر قانونی اور غیر منطقی بات کہنے سے پہلے براہ کرم زمین کے کچھ قانون پڑھیں۔

واضح رہے کہ اس سے قبل بی شنیرا اکرم نے ایک معنی خیش پیغام دیا تھا کہ محبت ہمارے دلوں میں ہے، جوان ہونے کے بارے میں محبت ایک بہترین جز ہے۔

اُنہوں نے لکھا تھا کہ محبت ایک ایسا خوبصورت احساس ہے جو انسان کو زندگی جینے کے قابل بنا دیتا ہے آپ محبت کے بارے میں اس سے کہیں زیادہ سیکھتے ہیں جو آپ کسی ادارے میں سیکھ سکتے ہیں۔

محبت ایک ایسا خوبصورت احساس ہے جو انسان کو زندگی جینے کے قابل بنا تا ہے شنیرا اکرم

یونیورسٹی سے نکالے گئے طالب علم اور طالبہ کی ایک اور ویڈٰیو وائرل

پاکستان میوزک انڈسٹری کے عالمی شہرت یافتہ اداکار و گلوکار عاطف اسلم کا گزشتہ روز ہونے والا کنسرٹ اچانک ملتوی کردیا گیا ہے۔

باغی ٹی وی :عاطف اسلم کے فیس بک پیچ سے جاری پوسٹ میں بتایا گیا کہ کنسرٹ کی انتظامیہ کو مطلوبہ مقام پر کنسرٹ کرنے کی اجازت نہ ملنے کی وجہ سے کنسرٹ ملتوی کردیا گیا ہے۔

پوسٹ کے مطابق گزشتہ شب ہونے والے کنسرٹ کے ملتوی ہونے پر انہیں افسوس ہے۔

فیس بک پوسٹ میں کنسرٹ کا ٹکٹ خریدنے والوں سے درخواست کی گئی کہ وہ ٹکس کی رقم کی واپسی کیلئے کنسرٹ انتظامیہ سے جلد رابطہ کریں۔

یاد رہے کہ آج یعنی 13 مارچ کو عاطف اسلم کا کراچی میں کنسرٹ تھا جو کہ انتظامیہ کی غفلت کے باعث ملتوی کر دیا گیا ہے-

چند سال قبل سوشل میڈیا پر دھوم مچانے والے ’ارشد چائے والا‘ کے نام سے مشہورنوجوان ماڈل بھی پاوری ٹرینڈ کا حصہ بن گئے۔

باغی ٹی وی :ارشد خان نے سماجی رابطے کی ویب سائٹ انسٹاگرام اکاؤنٹ پر اپنی نئی ویڈیو شیئر کی جس میں وہ اپنے کیفے میں موجود ہیں ویڈیو میں دیکھا جاسکتا ہے کہ ارشد خان کے ساتھ کیفے میں اُن کا اسٹاف بھی ہے جن کے ساتھ وہ پاوری کررہے ہیں۔

ارشد خان نے ویڈیو میں پاوری گرل دینانیر مبین کا منفرد انداز اپناتے ہوئے یہ جملے کہے:یہ میں ہوں، یہ میرا کیفے ہے، یہ میرا اسٹاف ہے، اور یہ پھر سے میں ہوں، اور یہ ہماری پاوری ہورہی ہے
2
ارشد خان کی یہ پاوری ویڈیوتیزی سے سوشل میڈیا پر وائرل ہورہی ہے۔

واضح رہے کہ گزشتہ ماہ سوشل میڈیا پر ایک مختصر ویڈیو وائرل ہوئی تھی جس میں ایک دینانیر مبین نامی لڑکی پاکستان کے شمالی علاقے نتھیا گلی میں اپنے دوستوں کے ساتھ موجود تھی اور وہاں اُس نے تین جملے کہے تھے:یہ ہماری کار ہے، یہ ہم ہیں اور یہاں پاوری ہورہی ہے-

دینانیر کا یہ انداز سوشل میڈیا صارفین کو اس قدر بھایا کہ رات و رات اس پر سیکڑوں ویڈیوز بنا ڈالیں اور صرف پاکستان ہی نہیں سرحد کے اُس پار بھارت میں بھی بالی ووڈ اسٹارز بھی پاوری ٹرینڈ کا حصہ بن گئے-

پاکستانی نژاد کینیڈین یوٹیوبر اور کامیڈین زید علی کا کہنا ہے کہ سب سے قیمتی چیز جو آپ عورت کو دے سکتے ہیں وہ عزت ہے-

باغی ٹی وی: یوٹیوبر زید علی نے فوٹو اینڈ ویڈیو شیئرنگ ایپ انسٹاگرام پر اپنی اہلیہ یمنیٰ کے ہمراہ ایک خوبصورت تصویر شیئر کی ہےتصویر میں دیکھا جاسکتا ہے کہ یمنیٰ اور زید علی محبت بھری نظروں سے ایک دوسرے کی طرف دیکھ رہے ہیں۔

زید علی نے اس تصویر کو ایک معنی خیز کیپشن بھی دیا انہوں نے لکھا کہ سب سے قیمتی چیز جو آپ عورت کو دے سکتے ہیں وہ عزت ہے۔

زید علی نے لکھا کہ تحائف اور محبت سے زیادہ عورت کو عزت کی ضرورت ہے۔

زید علی کی یہ بامعنی پوسٹ انسٹاگرام صارفین کو بےحد پسند کیا جا رہا ہے اور لائکس کے ساتھ ساتھ تبصروں کا سلسلہ بھی جاری ہے۔

واضح رہے کہ زید علی نے گزشتہ دنوں ہی اپنی انسٹاگرام پوسٹ کے ذریعے اس بات کی اطلاع دی تھی کہ وہ اور یمنیٰ جلد ہی والدین بننے جا رہے ہیں اُنہوں نے اپنی خوشی کا اظہار کرتے ہوئے کہا کہ آج کا دن میری زندگی کا سب سے خوبصورت اور خوشگوار دن ہے۔

پاکستان کے معر وف گلوکارراجہ ریپسٹار کا "23 مارچ یوم پاکستان” کے حوالے سے نغمہ ریلیز کردیا گیا۔

باغی ٹی وی : نغمہ کا ٹائٹل "نعرہ تکبیر اللہ اکبر” ہے 2 منٹ اور 58 سیکنڈ پر مشتمل نغمہ کی ویڈیومیں نظریہ پاکستان اور افواج پاکستان سے محبت کا اظہار کیا گیا ہے ترانے کو صارفین کی جانب سے خوب سراہا جا رہا ہے-

راجہ ریپ سٹار مقبوضہ کشمیر کے نوجوانوں اور پاک فوج پر بھی بہت سے ترانے ریلیز کر چکے ہیں-
https://www.youtube.com/watch?v=CzCcyB-MS18
واضح رہے کہ اس سے قبل گزشتہ برس گلوکار نے گانا پولیس والا ریلیز کیا تھا جس کو سوشل میڈیا پر کافی مقبولیت حاصل ہو ئی تھی اپنے اس گانے کے بارے میں بات کرتے ہوئے راجہ ریپ سٹار نے بتایا تھا کہ پولیس ہماری محافظ ہے اگر فوج سرحد پر تعینات ہے تو ہماری سڑکوں پر علاقوں میں شہر میں صوبہ میں ہماری حفاظت کے لئے پولیس ہی تعینات ہے، ہمیں یہ جاننا چاہیے کہ ایک پولیس والا آخر ہمارے لئے کیا کچھ قربان کرتا ہے۔

گلوکار نے مزید کہا تھا کہ ایک پولیس والا جو قربانیاں دیتا ہے وہ میں یا ہم میں سے کوئی شخص نہیں دے سکتا، اچھے برے لوگ ہر جگہ ہوتے ہیں پر ہماری قوم کو پولیس سے متعلق اپنا نقطہ نظر بدلنا ہو گا، اس ترانے میں آپ دیکھ سکیں گے کہ پولیس والا ہونا ہی کتنی بڑی ذمہ داری ہے۔

سلمان خان کی سابقہ پاکستانی نژاد امریکی دوست اداکارہ مصنفہ اور فلم میکر سومی علی نے انکشاف کیا ہے کہ انہیں کم عمری میں ریپ کا نشانہ بنایا گیا تھا-

باغی ٹی وی : اپنے ایک حالیہ انٹرویو میں سومی علی کا کہنا تھا کہ بچپن میں جب ہم پاکستان میں رہتے تھے تو سرونٹ کوارٹر میں جنسی طور پر ہراساں کیا گیا-

انہوں نے کہا کہ میں نے والدین کو جب بتایا تو انہوں نے کارروائی ضرور کی لیکن مجھے خاموش رہنے کا کہا، میں ہمیشہ سوچا کرتی تھی کہ شاید میں نے ہی کچھ غلط کیا اسی وجہ سے مجھے خاموش رہنے کا کہا گیا۔

اداکارہ کا کہنا تھا کہ 9 سال اور 14 سال کی عمر میں مجھے زیادتی کا نشانہ بنایا گیا تاہم 3 سال قبل میں اپنے ساتھ ہونے والے واقعات سے پردہ اٹھایا اور بولنا شروع کیا کیوں کہ مجھے لگتا تھا کہ نہ بول کر میں منافقت کررہی ہوں۔

خیال رہے کہ اس سےقبل ایک انٹرویو میں سومی علی کا کہنا تھا کہ بچپن میں ریپ ہونے کے باعث وہ سمجھتی تھیں کہ سلمان خان سے شادی کرکے خود کو محفوظ بنالیں گی ان کا اداکاری کا کوئی ارادہ نہیں تھا وہ تو بالی وڈ میں سلمان خان سے شادی کرنے کیلئے گئی تھیں۔

واضح رہے کہ سومی علی پاکستان میں پیدا ہوئیں تاہم بعد میں امریکا میں رہائش اختیار کرلی جب کہ 90 کی دہائی میں انہوں نے بالی ووڈ میں کام بھی کیا، اس دوران سومی علی بھارتی اداکار سلمان خان کے انتہائی قریب سمجھی جاتی تھیں۔

تحفظ کے لئے سلمان خان سے شادی کرنا چاہتی تھی، پاکستانی نژاد سابق بالی وڈ اداکارہ…