شہرہ آفاق ترک ڈرامہ سیریل میں حلیمہ سلطان کا مرکزی کردار ادا کرنے والی اداکارہ اسرا بلجیک نے پی ایس ایل فرنچائز پشاور زلمی کا حصہ بننے اور ٹیم کا ساتھ دینے پر فخر کا اظہار کیا ہے۔

باغی ٹی وی : ترک اداکارہ اسرا بلجیک اب باقاعدہ پاکستان سپر لیگ کی فرنچائز پشاور زلمی کا حصہ بن چکی ہیں پشاور زلمی کے چئیرمین جاوید آفریدی نے دو روز قبل ترک اداکارہ کے پشاور زلمی کا حصہ بننے کی خوشخبری سنائی تھی۔

گزشتہ روز زلمی کا آفیشل ترانہ ’کنگڈم‘ریلیز کیا گیا تھا جس میں ماہرہ خان اور ہانیہ عامر کے ساتھ اسرا بلجیک بھی پرفارم کرتی نظر آئی تھیں۔

گانے کی ریلیز کے کچھ ہی دیر بعد اسرا نے اپنے انسٹاگرام اکاؤنٹ پر اپنی ایک خوبصورت تصویر شیئر کی اور پشاور زلمی کی برانڈ ایمبیسیڈر بننے کا باقائدہ اعلان کیا۔

انہوں نے اردو میں لکھا ’کہ اب میں زلمی فیملی کا حصہ ہوں مجھے فخر ہے کہ میں آپ کے ساتھ ٹیم کاساتھ دوں گی۔‘ یہی پیغام انہوں نے انگریزی میں بھی لکھا اور زلمی کنگڈم، ماہرہ اسرا ہانیہ اور یلو اسٹروم کے ہیش ٹیگز بھی استعمال کیے۔

اسرا کی اس پوسٹ پر پاکستانی سپر اسٹار اور پشاور زلمی کی ایمبیسیڈر ماہرہ خان نے کمنٹ کرتے ہوئے انہیں زلمی فیملی میں خوش آمدید کہا۔

یاد رہے کہ اس بار پی ایس ایل میں ترک اداکارہ کی موجودگی کے باعث شائقین کی کھیل میں دلچسپی دگنی ہوگئی ہے۔ سوشل میڈیا صارفین کے مطابق کہ ماہرہ خان ، اسرا بلجیک اور ہانیہ عامر کو زلمی کا ایمبیسیڈر بناکر جاوید آفریدی پی ایس ایل مقابلے سے قبل ہی جیت چکے ہیں۔

اسرا بلجیک اور جاوید آفریدی کی ویڈٰیو کال پر صارفین کی چہ مگوئیاں

ماہرہ خان پی ایس ایل 6 میں پشاور زلمی کی برانڈ ایمبیسیڈر مقرر

ایچ بی ایل پی ایس ایل 6 کی رنگارنگ افتتاحی تقریب

شہرہ آفاق ترک ڈرامہ سیریل ارطغرل غازی میں گنکت الپ اور کوتلوکا الپ کا کردار ادا کرنے والے تُرک اداکار حکام سیرم اور مہمت پالا پاکستان پہنچ گئے ہیں-

باغی ٹی وی : گزشتہ برس پاکستان کے وزیراعظم عمران خان کی ہدایت پر ترک ڈرامہ سیریل دیریلیس ارطغرل کو پاکستان ٹیلیویژن (پی ٹی وی) پر اردو میں ڈب کر کے ارطغرل غازی کے نام پر نشر کیا گیا تھا جسے پاکستان عوام کی جانب سے خوب پذیرائی حاصل ہوئی اور اس ڈرامے نے مقبولیت کے نئے ریکارڈ قائم کئے-

نہ صرف ڈرامے نے بلکہ اس کے کرداروں کو بھی پاکستان میں خوب پسند کیا گیا اور پاکستان کے معروف برانڈز کے ایمبیسیڈر بھی مقرر کیا گیا اور ارطغرل غازی ڈرامے کے کردار پاکستان میں بھی آ چکے ہیں جہاں ان کا پُرتپاک استقبال کیا گیا-

تاہم گزشتہ رات ارطغرل غازی کی ٹیم کے ممبران پاکستان کے شہر لاہور میں پہنچے ہیں جہاں ان کو پاکستان ریسٹورنٹ یونٹی ایسوسی ایشن کے چئیرمین عامر فاروق قریشی نے مدعو کیا ہے یہ وفد لاہور میں 10 دن قایم کرے گا جس دوران یہ لاہور کے تاریخی مقامات کی سیر کریں گے اور معروف شخصیات سے ملاقاتیں بھی کریں گے-

آج پریس کانفرنس میں ترک مہمانوں پاکستان کے بارے میں اپنی رائے کا اظہار کرتے ہوئے کہا کہ ارطغرل ڈرامہ پاکستان میں بہت پسند کیا گیا جس کے لئے ہم پاکستانیوں کے مشکور ہیں اور ان کا کہنا تھا کہ ہم پاکستان میں ہیں لیکن ایسے لگ رہا ہے کہ ہم ترکی میں ہی موجود ہیں پاکستان اور ترکی میں بس موسم کا فرق ہے –

ترک مہمانوں نے کہا کہ 2023 تک ترکی سُپر پاور بنے گا اور ترکی اور پاکستانی کی دوستی ایک مثالی دوستی ہو گی-

ترک مہمانوں نے سی سی پی لاہور کے ساتھ بھی ملاقات کی اور انہوں نے ایمرا کے آفس کا بھی وزٹ کیا-

سوشل میڈیا انفلوئنز دینانیر مبین نے سپورٹ کرنے اور ‘پاوری ہو رہی ہے’ پر ویڈیو بنانے پر اداکارہ ماہرہ خان کا شکریہ ادا کیا ہے۔

باغی ٹی وی :چند روز قبل پاکستانی لڑکی دنانیر مبین نے چند سیکنڈ کی ایک مختصر ویڈیو سوشل میڈیا پر شیئر کی تھی جس میں وہ منفرد اسٹائل میں اردو بولتے ہوئے کہہ رہی تھیں ’یہ ہماری کار ہے، یہ ہم ہیں اور یہ ہماری پاوری ہورہی ہے۔‘

دینانیر مبین کا یہ انداز لوگوں کو اتنا زیادہ پسند آیا کہ عام لوگوں ،کھلاڑیوں اور فنکاروں نے اس ویڈیو کو ری کری ایٹ کرکے سینکڑوں مزاحیہ ویڈیوز بناکر سوشل میڈیا پر شیئر کیں۔ صرف پاکستان میں ہی نہیں بلکہ بھارت میں بھی دنانیر مبین کی ویڈیو بہت زیادہ وائرل ہورہی ہے بھارتی اداکار بھی ’پاکستانی پارٹی‘ کے رنگ میں رنگ گئے ہیں-

جبکہ حال ہی میں پاکستانی سُپر اسٹار ماہرہ‌خان نے پارٹی ہو رہی ہے پر دلچسپ انداز میں ویڈیو بنا کر کر اپنے سوشل میڈیا اکاؤنٹ انسٹاگرام پر شئیر کی جس میں انہیں یہ ہم ہیں یہ ہماری کار ہے اور یہ ہماری پاوری ہو رہی ہے پر چند دوستوں کے ہمراہ ڈانس کرتے دیکھا جا سکتا ہے –

ماہرہ خان کی جانب سے شئیر کی گئی ویڈیو کو ساتھی اداکاراؤں سمیت مداحوں کی جانب سے بے حد انجوائے کیا گیا-

تاہم دینا نیر نے بھی ماہرہ خان کا شکریہ ادا کیا پے-

دینا نیر نے اپنی انسٹاگرام اسٹوریز میں ماہرہ کی ‘پاوری ہو رہی ہے’ ویڈیو کو شیئر کیا اور ساتھ انہیں "کوئین” یعنی ملکہ کا لقب دیا۔

انہوں نے ماہرہ کا شکریہ ادا کرتے ہوئے لکھا کہ ماہرہ آپ ہیرو ہیں-

پاکستان ڈرامہ انڈسٹری کی نامور اداکارہ رمشا خان نے وائرل شدہ ویڈیو ’پاوری ہو رہی ہے‘ کی ری کری ایٹ ویڈیو بنانے سے ہاتھ جوڑ کر انکار کردیا۔

باغی ٹی وی :چند روز قبل پاکستانی لڑکی دنانیر مبین نے چند سیکنڈ کی ایک مختصر ویڈیو سوشل میڈیا پر شیئر کی تھی جس میں وہ منفرد اسٹائل میں اردو بولتے ہوئے کہہ رہی تھیں ’یہ ہماری کار ہے، یہ ہم ہیں اور یہ ہماری پاوری ہورہی ہے۔‘

دینانیر مبین کا یہ انداز لوگوں کو اتنا زیادہ پسند آیا کہ عام لوگوں ،کھلاڑیوں اور فنکاروں نے اس ویڈیو کو ری کری ایٹ کرکے سینکڑوں مزاحیہ ویڈیوز بناکر سوشل میڈیا پر شیئر کیں۔ صرف پاکستان میں ہی نہیں بلکہ بھارت میں بھی دنانیر مبین کی ویڈیو بہت زیادہ وائرل ہورہی ہے بھارتی اداکار بھی ’پاکستانی پارٹی‘ کے رنگ میں رنگ گئے ہیں-

تاہم اب اداکارہ رمشا خان نے مذکورہ طرز کی ویڈیو بنانے سے معذرت کر لی ہے۔

اداکار عمر خان نے سوشل میڈیا پر ویڈیو شیئر کی جس میں اُن کے ہمراہ اداکارہ مریم نور اور رمشا خان بھی موجود ہیں۔ اداکار نے موقع سے فائدہ اُٹھاتے ہوئے ’پارٹی گرل‘ کی طرح اپنی ویڈیو بنانے کی کوشش کی جس پر انہیں بے عزتی کا سامنا کرنا پڑا۔

عمر خان نے ویڈیو میں اپنا اور مریم کا تعرف کروایا لیکن جب انہوں نے بتایا کہ میرے ساتھ رمشا بھی ہیں بس یہ کہنا تھا کہ اداکارہ رمشا غصے میں آگئیں اور انہوں نے ہاتھ جوڑ کر کہا کہ خدا کا واسطہ ہے چپ ہوجاؤ، کچھ نہیں ہو رہا نہ ہی کوئی پارٹی ہو رہی ہے بلکہ صرف کام ہو رہا ہے۔

’پاوری ہورہی ہے‘ ٹوئٹر پر ٹاپ ٹرینڈ

پاکستانی لڑکی کی دلچسپ ویڈیو پر بھارتی یوٹیوبر نے گانا تیار کر لیا

یہ ہماری کار ہے، یہ ہم ہیں اور یہ ہماری پارٹی ہو رہی پر فنکاروں کی مزاحیہ ویڈیوز

اداکارہ اقرا عزیز ٹوئٹر پر ٹاپ ٹرینڈ کیوں؟

پاوری گرل دینانیر نے وائرل ویڈیو کی میمز پر خاموشی توڑ دی

پاکستانی پاوری گرل کی ویڈٰیو سے متاثر بھارتی پولیس نے مودی سرکار کو آئینہ دکھا دیا

اسٹیٹ بینک آف انڈیا بھی پاکستانی ’پاوری گرل‘ کی ویڈٰیو سے متاثر

چند روز قبل پاکستانی لڑکی دنانیر مبین نے چند سیکنڈ کی ایک مختصر ویڈیو سوشل میڈیا پر شیئر کی تھی جس میں وہ منفرد اسٹائل میں اردو بولتے ہوئے کہہ رہی تھیں ’یہ ہماری کار ہے، یہ ہم ہیں اور یہ ہماری پاوری ہورہی ہے۔‘

باغی ٹی وی :دینانیر مبین کا یہ انداز لوگوں کو اتنا زیادہ پسند آیا کہ عام لوگوں ،کھلاڑیوں اور فنکاروں نے اس ویڈیو کو ری کری ایٹ کرکے سینکڑوں مزاحیہ ویڈیوز بناکر سوشل میڈیا پر شیئر کیں۔ صرف پاکستان میں ہی نہیں بلکہ بھارت میں بھی دنانیر مبین کی ویڈیو بہت زیادہ وائرل ہورہی ہے بھارتی اداکار بھی ’پاکستانی پارٹی‘ کے رنگ میں رنگ گئے ہیں-

تاہم اب حال ہی میں پاکستانی سُپر اسٹار ماہرہ‌خان نے پارٹی ہو رہی ہے پر دلچسپ انداز میں ویڈیو بنا کر کر اپنے سوشل میڈیا اکاؤنٹ انسٹاگرام پر شئیر کی جس میں انہیں یہ ہم ہیں یہ ہماری کار ہے اور یہ ہماری پاوری ہو رہی ہے پر چند دوستوں کے ہمرای ڈانس کرتے دیکھا جا سکتا ہے –

ماہرہ خان کی جانب سے شئیر کی گئی ویڈیو کو ساتھی اداکاراؤں سمیت مداحوں کی جانب سے بے حد انجوائے کیا جا رہا ہے-

ویڈیو شئیر کرتے ہوئے ماہرہ خان نے دینا نیر کے ساتھ محبت کا اظہار کرتے ہوئے روشن مستقبل کے لئے نیک تمناؤں کا اظہار کیا-

’پاوری ہورہی ہے‘ ٹوئٹر پر ٹاپ ٹرینڈ

پاکستانی لڑکی کی دلچسپ ویڈیو پر بھارتی یوٹیوبر نے گانا تیار کر لیا

یہ ہماری کار ہے، یہ ہم ہیں اور یہ ہماری پارٹی ہو رہی پر فنکاروں کی مزاحیہ ویڈیوز

اداکارہ اقرا عزیز ٹوئٹر پر ٹاپ ٹرینڈ کیوں؟

پاوری گرل دینانیر نے وائرل ویڈیو کی میمز پر خاموشی توڑ دی

پاکستانی پاوری گرل کی ویڈٰیو سے متاثر بھارتی پولیس نے مودی سرکار کو آئینہ دکھا دیا

اسٹیٹ بینک آف انڈیا بھی پاکستانی ’پاوری گرل‘ کی ویڈٰیو سے متاثر

وزیر اعظم عمران خان کے مشہور جملے ’گھبرانا نہیں ہے‘ پر بنائی جانے والی اداکارہ صبا قمر ، اداکسر زاہد احمد اور سید جبران کی فلم کی شوٹنگ گزشتہ برس مارچ میں ملک میں کورونا وائرس کے تیزی سے پھیلاؤ کے باعث روک دی گئی تھی۔

باغی ٹی وی : تاہم گزشتہ برس دسمبر میں فلم کی شوٹنگ کا دوبارہ آغاز کیا گیا تھا اور اب اس کی شوٹنگ مکمل ہوگئی ہے فلم ’گھبرانا نہیں ہے‘ کی کاسٹ میں صبا قمر، سید جبران، زاہد احمد اور نیر اعجاز سمیت دیگر اداکار شامل ہیں جبکہ اس فلم کی ہدایات کے ذریعے ثاقب خان ڈائریکٹوریل ڈیبیو کریں گے۔

فلم ’گھبرانا نہیں ہے‘ کو نیوپلیکس سینما کے مالک، صنعت کار جبران بیگ پروڈیوسر حسن ضیا کے ساتھ پروڈیوس کیا ہے۔

فلم کی شوٹنگ مکمل ہونے کا اعلان اداکارہ صبا قمر اور زاہد احمد نے اپنی سوشل میڈیا پوسٹس میں کیا۔

زاہد احمد نے سماجی رابطے کی ویب سائٹ انسٹاگرام پر فلم کی شوٹنگ کی تصاویر شیئر کرتے ہوئے ایک پوسٹ میں بتایا کہ شوٹنگ مکمل کرلی گئی ہے۔

انہوں نے کہا کہ کہتے ہیں کہ پہلی فلم آپ کا انتخاب کرتی ہے پھر آپ اپنی اگلی فلمیں منتخب کرتے ہیں اس فلم میں منتخب کیے جانے پر مجھے بہت زیادہ خوشی محسوس ہورہی ہے جو میری پہلی فلم ہے۔

اداکار نے لکھا کہ ‘گھبرانا نہیں ہے’ کی شوٹنگ مکمل ہوگئی ہے اور میں پروڈیوسرز حسن ضیا، جمیل بیگ اور ہمارے بہترین ڈائریکٹڑ ثاقب خان کا بہت شکر گزار ہوں۔

انہوں نے اپنے ساتھی اداکاروں اور عملے کے ہر فرد کی بہترین کام اور سخت محنت کو بھی سراہا۔

اداکار زاہد احمد نے اپنی پوسٹ میں بتایا کہ فلم’گھبرانا نہیں ہے’ رواں برس عیدالاضحیٰ پر سینما میں ریلیز ہوگی۔

دوسری جانب اداکارہ صبا قمر نے مداحوں کو فلم کی شوٹنگ سے آگاہ کرتے ہوئے ایک جذباتی پوسٹ شیئر کی۔

صبا قمر نے لکھا کہ ‘جب لوگ مجھ سے پوچھتے ہیں کہ کیا میں فلم اسکول گئی تو میں انہیں بتاتی ہوں کہ نہیں میں فلموں میں گئی ہوں’

انہوں نے لکھا کہ کسی کو الوداع کہنا مجھے تکلیف دیتا ہے لیکن بطور اداکار میری سب سے بڑی طاقت یہ ہے کہ میں اپنے ڈائریکٹر کی ہدایات پر عمل کرتی ہوں۔

صبا قمر نے لکھا کہ میرے ہدایت کار بہترین تھے جنہوں نے مجھے بہترین کردار ادا کرنے کی ترغیب دی، میرے بہترین ساتھی اداکار جنہوں نے ہر چیز کو بہت آسان اور پُر مزاح بنایا۔

انہوں نے فلم کی پروڈکشن ٹیم کا بھی دل سے شکریہ ادا کیا اور لکھا کہ انتہائی باصلاحیت لکھاری اس فلم میں ریڑھ کی ہڈی کی حیثیت رکھتے ہیں اسٹائلسٹس، ڈیزائنر، کیمرے کا عملہ اور اس فلم میں شامل ہر فرد نے بہت اچھا کام کیا۔

صبا قمر کی پوسٹ پر اداکارہ مہوش حیات اور اظفر رحمٰن نے نیک تمناؤں کا اظہار کیا-

فلم ’گھبرانا نہیں ہے‘ کی شوٹنگ صوبہ سندھ کے دارالحکومت کراچی میں کی گئی ہے فلم کی کہانی ایک بیٹی اور ان کے والد کے گرد گھومتی ہے اور ان کا خاندان جب مشکل میں پھنس جاتا ہے تو بیٹی والد کو کہتی ہیں کہ ’گھبرانا نہیں ہے‘ وہ مسئلے کو حل کرنے کے لیے موجود ہیں۔

پاکستان کی سُپراسٹار اداکارہ ماہرہ خان کا کہنا ہے کہ بالی وڈ اداکار رنبیر کپور کے ساتھ سگریٹ نوشی والے واقعے نے مجھے زندگی کا بہت بڑا سبق سکھایا ہے-

باغی ٹی وی: ماہرہ خان نے حال ہی میں واسع چوہدری کے شو میں شرکت کی جہاں انہوں نے بالی وڈ اداکار رنبیر کپور کے ساتھ چار سال پرانے سگریٹ نوشی والے تنازع پر بات کی ہے۔

شو کے میزبان واسع چوہدری نے ماہرہ خان سے سوال کیا رنبیر کے ساتھ سگریٹ نوشی والا تنازع آپ پر کس طرح اثر انداز ہوا؟

ماہرہ خان نے جواب دیا یہ واقعہ آج بھی لوگ بھولے نہیں ہیں چاہے میں کچھ بھی کہہ لوں کوئی اچھا کام کرلوں اگر میں کہوں ’انشااللہ‘ تو لوگ آگے سے ان کی اور رنبیر کی تصویر دکھاکر کہتے ہیں ’تم نے یہ کیاتھا‘۔

ماہرہ خان نے کہا کہ اگر میں کہوں ’عید مبارک‘ لوگ پھر سے مجھے وہی واقعہ یاد دلاکر کہتے ہیں ٹھیک ہے لیکن یاد ہے تم نے یہ کیا تھا اور اس کے جواب میں میں کیا کہہ سکتی ہوں سوائے اس کے کہ ’اوکے‘۔

ماہرہ خان نے رنبیر کپور کے ساتھ ہونے والے تنازع پر کہا کہ اس واقعے نے مجھے زندگی کا بہت بڑا سبق سکھایا کیونکہ میری اور رنبیر کی تصاویر صرف سوشل میڈیا پر نہیں تھیں بلکہ یہ واقعہ میڈیا پر ہیڈ لائن بنا اور ہر دن اسے ہیڈ لائن بنایا جاتا تھا۔

واسع چوہدری نے ماہرہ خان کی بات کے جواب میں کہا مجھے ذاتی طور پر لگتا ہے یہ اتنی بڑی بات نہیں تھی کہ اس واقع کو ہیڈ لائن نیوز بنایا جاتا۔

ماہرہ خان نے کہا یہ میرا ایک ذاتی معاملہ تھا پروفیشنل معاملہ نہیں تھا۔

تاہم جب واسع چوہدری نے ماہرہ خان سے کہا کیا آپ اس تصویر کو دوبارہ دیکھنا چاہیں گی تو ماہرہ خان نے صاف انکار کرتے ہوئے کہا نہیں۔

واضح رہے آج سے چار سال قبل 2017 کا ہے جب نیویارک کے ایک ہوٹل کے باہر آدھی رات کو ماہرہ خان اور رنبیر کپور کی سگریٹ نوشی کرتے ہوئے تصاویر وائرل ہوئی تھیں اس وقت یہ تنازع کھڑا ہوا تھا اور اس تنازع پر اتنا بڑا ہنگامہ کھڑا ہوا تھا کہ پاکستانی اور بھارتی میڈیا پر کئی روز تک یہ خبر گردش کرتی رہی تھی۔

ماہرہ خان نے اپنے قریبی دوست سالم کریم سےتعلق پر خاموشی توڑ دی

ماہرہ خان ہمایوں سعید کو دل پھینک کیوں سمجھتیں تھیں؟

ماہرہ خان نے ویب سیریز بارہواں کھلاڑی میں کام نہ کرنے کی وجہ بتادی

اداکار و گلوکار علی ظفر کی جانب سے گلوکارہ میشا شفیع کے خلاف دائر کیے گئے ہتک عزت کے کیس کی سماعت ہوئی-

باغی ٹی وی : لاہور کی سیشن کورٹ میں ایڈیشنل سیشن جج اظہر اقبال رانجھا نے گلوکار علی ظفر کے ہتک عزت کے دعوی پر سماعت کی17 فروری کو ہونے والی سماعت میں میشا شفیع کی گواہ اداکارہ عفت عمر جرح کے لیے ایک مرتبہ پھر پیش نہ ہوئیں۔

سماعت کے دوران میشا شفیع کے وکیل نے کہا کہ اداکارہ عفت عمر کراچی میں مصروف ہیں جس کی وجہ سے وہ آج پیش نہیں ہوسکتیں۔

دوران سماعت گلوکار علی ظفر کے وکیل نے کہا کہ عفت عمر نے علی ظفر کے خلاف دوبارہ ٹوئٹ کی ہے وکیل کے مطابق علی ظفر پاکستان سپر لیگ (پی ایس ایل) کی ٹیم پشاور زلمی کے برانڈ ایمبیسڈر مقرر ہو رہے ہیں جس پر عفت عمر نے ٹوئٹ کی۔

وکیل نے مزید کہا کہ ابھی علی ظفر کے خلاف ہراسانی کا الزام ثابت بھی نہیں ہوا۔

علی ظفر کے وکیل نے اداکارہ عفت عمر کی ٹوئٹ عدالت میں پیش کی اور کہا کہ علی ظفر کی عزت اچھالی جا رہی ہے۔

17 فروری کو ہونے والی سماعت میں میشا شفیع کی گواہ لینا غنی کا بیان بھی قلمبند ہوا لینا غنی نے بتایا کہ وہ سماجی کارکن ہیں اور خواتین کے حقوق کے لیے آواز بلند کرتی ہیں۔

لینا غنی نے کہا کہ انہوں نے نیشنل کالج آف آرٹ سے تعلیم حاصل کی اور کیمبرج سے ماسٹر کی ڈگری مکمل کی، ماسٹر تعلیم مکمل ہونے کے بعد انہوں نے لندن میں بہت بڑی برانڈز کے ساتھ کام کرنا شروع کیا میں نے لندن میں بہت بڑی شخصیات کے ساتھ کام کیا اور پاکستان واپس آ کر مختلف برانڈز کے ساتھ کام کرنا شروع کیا’۔

لینا غنی نے اپنے بیان میں کہا کہ علی ظفر این سی اے میں مجھ سے جونیئر تھے اور میں انہیں اتنا نہیں جانتی تھی ان کی بیوی عائشہ فضلی کو بھی نہیں جانتی تھی میں نے علی ظفر کو 2014 میں جاننا شروع کیا میں نے علی ظفر کی منگنی پر ان کی بیوی کا میک اپ کیا تھا۔

لینا غنی نے کہا کہ لندن میں فیملی ٹور میں ان کی دوست زارا شاہجہاں اور عمارہ حکمت نے علی ظفر سے ملاقات کروائی تھی زارا شاہجہاں علی ظفر کی بیوی عائشہ کی بہت اچھی دوست ہیں۔

بیان میں لینا غنی نے کہا کہ زارا شاہجہاں لندن میں 9 جون 2014 کو اپنے کپڑوں کی نمائش کررہی تھیں جہاں انہوں نے علی ظفر کو بھی مدعو کیا تھا ہم ریڈ کارپٹ پر موجود تھے علی ظفر نے میری اجازت کے بغیر میرے کندھے پہ ہاتھ رکھا اور ہاتھ رکھتے ساتھ ہی کہا لینا دیکھو باہر بارش ہورہی ہے علی ظفر نے مزید کہا کہ لینا میرا دل کررہا ہے کہ میں آپ کا بوسہ لوں اور میں یہ سنتے ہی ایک دم چونک گئی-

لینا غنی نے کہا کہ میں علی ظفر کے نازیبا الفاظ سن کر ریڈ کارپٹ سے اترگئی۔

لینا غنی نے بتایا کہ بیروت ایکسپریس میں ڈنر کے دوران علی ظفر نے ان سے دوبارہ نازیبا گفتگو کی اس موقع پر ان کی دوست اور علی ظفر کی اہلیہ بھی موجود تھیں علی ظفر کی بیہودہ باتوں سے میں اپنی حدود کا تعین کیا ایسے سوال کبھی میری دوستوں نے بھی مجھ سے نہیں پوچھے تھے۔

انہوں نے مزید کہا کہ علی ظفر نے مجھے یہ بھی کہا کہ لینا اگر ہم دوست نہ ہوتے تو ہم ابھی کمرے میں بند ہوتے گلوکار کی ان باتوں کی وجہ سے میں ڈر گئی اور وہاں سے چلی گئی۔

لینا غنی کا کہنا تھا کہ یہ تمام واقعات انہوں نے زارا شاہجہاں عمارہ حکمت اور اپنی بہن کو بھی بتائے جس پر ان کے اہلخانہ اور دوستوں نے کہا کہ علی ظفر بیہودہ باتوں کا عادی ہے اسے نظر انداز کرو جس پر انہوں نے گلوکار سے دور رہنا شروع کردیا۔

ان کا مزید کہنا تھا کہ علی ظفر کی اہلیہ عائشہ کی بے حد عزت کرتی ہوں اور ان سے مجھے ہمدردی بھی ہے۔

لینا غنی نے کہا کہ میشا شفیع کو 2018 میں اس وقت جانا جب انہوں نے علی ظفر کے خلاف ٹوئٹ کی تھی انہوں نے کہا کہ میشا نے 2004 میں این سی اے میں داخلہ لیا تھا تب وہ انہیں نہیں جانتی تھیں 2012 میں ہیلو میگرین میں میشا شفیع کے میک اپ کے دوران ان سے پہلی ملاقات ہوئی تھی۔

ان کا کہنا تھا کہ میشا کی علی ظفر کے خلاف ٹوئٹ کا لنک ان کی دوست نے ان سے شیئر کیا تھا تب انہیں اس معاملے کا علم ہوا تھا۔

لینا غنی کا کہنا تھا کہ علی ظفر کے خلاف بیان دینے پر وفاقی تحقیقاتی ادارے (ایف آئی اے) نے انہیں ہراساں کرنا شروع کیا، گلوکار نے ٹی وی پر بیٹھ کر انہیں جیل بھجوانے کی دھمکی دی اورمجھے جھوٹا کہہ کر میری ساکھ متاثر کرنے کی بھی کوشش کی۔

لینا نے کہا کہ ایف آئی اے کے نوٹسز کے بعد میں نے ہائی کورٹ سے رجوع کیا اور جب میں علی ظفر کے خلاف گواہی کے لیے پیش ہونے لگی تو میرے خلاف جھوٹا مقدمہ درج کروا دیا گیا۔

لینا غنی نے کہا کہ علی ظفر نے ٹوئٹر سمیت تمام سوشل میڈیا کے ذریعے ان پر الزامات لگائے میشا شفیع کے خلاف ہتک عزت کا جھوٹا دعویٰ دائر کیا گیا یہ ہائی پروفائل می ٹو کیس ہے اور ساری دنیا اس کیس کو دیکھ رہی ہے علی ظفر نے طیفا ان ٹربل میں کروڑوں روپے کمائے ان کا کوئی مالی نقصان نہیں ہوا۔

لینا غنی نے کہا کہ صدر مملکت نے علی ظفر کو پرائیڈ آف پرفارمنس ایوارڈ دیا، وزیراعظم نے علی ظفر کو نمل یونیورسٹی کا ایمبیسڈر بنایا ہے ان سب سے علی ظفر کی تشہیر ہوئی ہے نہ کہ بدنامی۔

عدالت میں لینا غنی کا بیان قلمبند ہونے کے بعد سیشن کورٹ نے اداکارہ میشا شفیع سمیت دیگر گواہوں کو جرح کے لیے طلب کرتے ہوئے کیس کی سماعت 6 مارچ تک ملتوی کردی۔