پاکستان شوبز انڈسٹری کی نامور اداکارہ مایا علی نے کہا ہے کہ ڈراموں کی کہانیوں میں یکسانیت ہے لیکن لوگوں کو پسند بھی وہی ڈرامے آتے ہیں اور اگر کسی ڈرامے میں کہانی مختلف ہو تو تنقید شروع ہوتی ہے۔

باغی ٹی وی : یو ٹیوب چینل کو دیئے گئے انٹرویو میں سوشل میڈیا پر تنقید کے حوالے سے مایا علی نے کہا کہ کچھ لوگ ایسے ہوتے ہیں جن کی عادت ہوتی ہے کہ وہ منفی لکھیں ہر ایک کے کام کرنے کا اپنا طریقہ ہوتا ہے اگر میں انہیں اتنی بری لگتی ہوں تو ان فالو کیوں نہیں کرتے۔

طیفا ان ٹربل کی اداکارہ مایا علی نے کہا کہ مجھے وقت ، حالات اور لوگوں نے بہت کچھ سکھایا ہے میں اس حوالے سے خوش قسمت ہوں کہ کام کے لیے الگ الگ اقسام کے کردار ملنے لگے ہیں مستقبل میں ہدایت کاری بھی کرنا چاہوں گی مجھے لگتا ہے کہ ہر کوئی کسی نا کسی وجہ سے دوسرے انسان کے پیچھے ہے-

مایا علی نے کہا کہ ایک کڑوا سچ یہ ہے کہ لوگ چڑھتے سورج کو سلام کرتے ہیں کل اگر مجھے کام نہ ملے تو کسی کو پتہ بھی نہ چلے کہ کسی پارٹی میں آئی بھی کہ نہیں

ترک اداکاروں کے ساتھ شارٹ فلم ’سنیپ شاٹ‘ سب کو حیران کر دے گی ارمینہ خان

یہ ہمارے معاشرے کا المیہ ہے میں آج جس مقام پر ہوں وہاں کسی نے نہیں پہنچایا میں خود یہاں تک آئی ہوں اگر انسان میں صلاحیت نا ہو تو تعلقات کسی حد تک ہی ساتھ دیتے ہیں۔

مایا علی نے مزید کہا کہ میں نے 12 سال دوائیوں کے سہارے گزارے میں صبح اور رات کو 11 ،11 گولیاں لیتی تھیں مجھے لگتا تھا کہ کبھی بھی لوگوں کا سامنا نہیں کرپاؤں گی لیکن ہمیں ہمت کرنی پڑتی ہے کچھ برس پہلے میں یہ سوچتی تھی کہ میرے بہت دوست ہیں لیکن وقت نے سکھایا کہ ہر ہاتھ ملانے والا دوست نہیں ہوتا میں اب چند لوگوں کے ساتھ ہی بہت خوش ہوں۔

مایا علی نے کہا کہ ایک مرد میں 3 خوبیاں ہونی چاہیئں وہ اچھی طرح بات کرنے والا ہو وہ عزت کرنے والا ہو اور خوش لباس ہو۔ بہت سے مرد ایسے ہوتے ہیں جو ہوتے تو خوش شکل ہیں لیکن جب ان سے بات کی جائے تو یہی خیال آتا ہے کہ اس خوبصورتی کا اچار ڈالنا ہے؟

مایا علی نے مزید کہا کہ ڈراموں کی کہانیوں میں یکسانیت ہے لیکن لوگوں کو پسند بھی وہی ڈرامے آتے ہیں اور اگر کسی ڈرامے میں کہانی مختلف ہو تو تنقید شروع ہوتی ہے۔ لوگ دوسرے ممالک کے ڈراموں اور فلموں کو بہت پسند کرتے ہیں لیکن اگر ویسا ہی کام ہم کریں گے تو مسائل کھڑے ہوجاتے ہیں۔

فنکاروں اور دستکاروں کو سہولیات کی فراہمی حکومت کی اولین ترجیح ہے صدر مملکت…

پاکستان شوبز انڈسٹری کی سابقہ اداکارہ نور بخاری کا احسن محسن اور منال خان کی تصویر پر تبصرہ کرتے ہوئےکہنا ہے کہ ایسی تصاویر کو پوسٹ کر کے یہ لوگ نوجوانوں کو گمراہ کر رہے ہیں-

باغی ٹی وی :سوشل میڈپا پر منال خان اور احسن محسن خان سوشل میڈیا پر تصاویر شئیر کرنے اور احسن اور منال ان دنوں کئی مواقع پر ایک ساتھ دیکھے جا نے کی وجہ سے خبروں کی زینت بنے ہوئے ہیں منال خان کے مداحوں کی جانب سے مسلسل قیاس آرائیاں کی جا رہیں ہیں کہ منال خان اور احسن محسن میں قربتیں بڑھ رہی ہیں جبکہ صارفین شوبز انڈسٹری کی اس نئی بننے والی جوڑی کے لیے نیک خواہشات کا اظہار بھی کر رہے ہیں-

ایمن خان اور منال خان نے سالگرہ کیسے منائی؟

تاہم اب دونوں اداکاروں کی ایک ساتھ لی گئی سوشل میڈیا پر وائرل تصویر پر پاکستان کی سابق اداکارہ نور بخاری نے تنقید کا نشانہ بنا تے ہوئے کہا کہ اگر آپ شادی شدہ ہیں تو قریب ہی رہنا چاہیں اور ان تصویروں کو پوسٹ کرنا چاہیں تو ٹھیک ہے۔

نور بخاری نے لکھا کہ لیکن اس طرح وہ بغیر کسی رشتے کے بغیر نکاح کے ےصاویر شئیر کر کے نوجوانوں کو گمراہ کررہے ہیں-

سابق اداکارہ نے لکھا کہ شادی کئے بغیر اس طرح ایک ساتھ تصاویر شئیر کرنا مناسب نہیں ہے-

منال خان اور احسن محسن کے بارے میں سوشل میڈیا صارفین کی قیاس آرائیاں حقیقت میں بدل…

منال خان اور احسن محسن کی نئی تصویر کے سوشل میڈیا پر چرچے

واضح رہے کہ اس سے قبل اداکارہ منا ل خان کی احسن محسن اکرام کے ساتھ میوزیکل نائٹ میں شرکت کی کے دوران لی گئی تصویر کے سوشل میڈیا پر چرچے رہے ہیں تصویر میں وہ اپنے دوست احسن محسن کے ساتھ کافی خوش دکھائی دے رہیں تھیں-

دوسری جانب منال کی سالگرہ کے موقع پر احسن محسن کی جانب سے منال خان کے لیے سرپرائز برتھ ڈے پارٹی بھی ارینج کی گئی تھی –

اس سے قبل اداکار احسن محسن اکرام نے منال خان کی تصویر پر کمنٹ کرتے ہوئے اُن سے اظہار محبت کیا تھا احسن محسن کے اظہارمحبت کا جواب دیتے ہوئے منال خان نے کچھ لکھے بغیر دل والا ایموجی بنایا تھا

اداکار احسن محسن اکرام کا منال خان سے محبت کا اظہار

۔

پاکستان شوبز انڈسٹری کی نامور اداکارہ اور تمغہ امتیاز مہوش حیات نے چیئرمین پاکستان پیپلزپارٹی بلاول بھٹو سے شادی سے متعلق خبروں پر برہمی کا اظہار کیا ہے –

باغی ٹی وی : سماجی رابطے کی سائٹ ٹوئٹر پر اداکارہ مہوش حیات کا کہنا ہے کہ کس سے شادی کرنی ہے یہ میرا نجی معاملہ ہے اور جب شادی کروں گی تو سب کو پتہ چل جائے گا لہذا برائے مہربانی میرے رشتے جوڑنا بند کریں اور سکون سے بیٹھیں۔

Who I choose to marry is my personal decision & ppl will know when it happens! Take a chill pill guys & stop matchmaking!✋🏻Let’s not take a throwaway line in a 2-year-old interview out of context & make unnecessarily juicy headlines. Aur b gham hain zamane mein Shadi k siwaa! LOL

— Mehwish Hayat TI (@MehwishHayat) November 29, 2020

مہوش حیات کا کہنا تھا کہ 2 سال پرانے انٹرویو سے سیاق سباق سے ہٹ کر غیر ضروری ہیڈ لائنز نکالنا بند کریں، مہوش حیات نے پوسٹ میں شیر بھی لکھا کہا کہ اور بھی غم ہیں زمانے میں شادی کے سوا۔

واضح رہے کہ چند روز قبل سوشل میڈیا پر مہوش حیات کا ایک انٹرویو وائرل ہوا تھا جس میں ان کا کہنا تھا کہ انہیں بلاول بھٹو زرداری سے شادی کرنے میں انہیں کوئی مسئلہ نہیں۔

میزبان کی جانب سے پسندیدہ مرد کے حوالے سے پوچھے گئے سوال کے جواب میں انہوں نے بتایا کہ انہیں مردانہ وجاہت والے ایسے مرد پسند ہیں جن کا قد بھی لمبا ہو اور وہ بااخلاق بھی ہوں۔

مہوش حیات نے وضاحت کی کہ ان کے لیے پسندیدہ مرد میں گوری چٹی رنگت ثانوی ہے تاہم دراز قد اور مردانہ وجاہت اولین ترجیح ہیں۔

اداکارہ کے جواب پر میزبان نے انہیں بتایا کہ ان کی نظر میں بلکل ایسا ہی ایک مرد ہے جو بہت مقبول اور اثر و رسوخ والے بھی ہیں اور وہ پہلی بار رکن اسمبلی بھی بنے ہیں۔

جس پر مہوش حیات نے کہا کہ کہیں میزبان بلاول بھٹو زرداری کی بات تو نہیں کر رہی ہیں؟

جس پر میزبان نے کہا کہ اگرچہ ان کا اشارہ بلاول کی جانب نہیں تھا لیکن اگر ایسے مرد بلاول بھٹو زرداری ہیں تو اس پر مہوش حیات کو کیا پریشانی ہے؟

جس پر مہوش حیات نے مسکراتے ہوئے کہا کہ انہیں بلاول سے کوئی مسئلہ نہیں بلکہ انہوں نے بلاول کو اچھی شخصیت والا بھی قرار دیا۔

مہوش حیات کے جواب پر میزبان بیگم نوازش نے اداکارہ سے پوچھا کہ اگر وہ ان کی شادی کی بات بلاول بھٹو زرداری سے چلائیں تو انہیں تو کوئی اعتراض نہیں ہوگا؟

اس پر مہوش حیات نے مسکراتے ہوئے کہا کہ انہیں کیا اعتراض ہوسکتا ہے؟

ایک اور سوال کے جواب میں مہوش حیات نے کہا کہ اگر انہیں شادی کے لیے کسی مرد کو منتخب کرنے کا کہا جائے گا تو وہ فہد مصطفیٰ کو منتخب کریں گی جب کہ انہیں کسی بوائے فرینڈ کا انتخاب کرنے کا کہا جائے گا تو ہمایوں سعید کو منتخب کریں گی۔

بلاول بھٹو سے شادی کرنے میں کوئی اعتراض نہیں مہوش حیات

گزشتہ سال شوبز انڈسٹری سے کنارہ کشی اختیار کرنے والی سابقہ گلوکارہ رابی پیرزادہ کہتی ہیں کہ وہ جلد ہی مصوری میں بین الاقوامی سطح پر پاکستان کی نمائندگی کریں گی۔

باغی ٹی وی : رابی پیرزادہ نے سماجی رابطے کی ویب سائٹ ٹوئٹر پر اپنی نئی پینٹنگ کی تصویریں شیئر کی ہیں جن میں رابی پیرزادہ کو بھی ہاتھ میں برشز تھامے دیکھا جاسکتا ہے۔

ٹوئٹر پر شیئر کی نئی پینٹنگ ماں اور اولاد کے خوبصورت رشتے کی عکاسی کی گئی ہے اور ماں کی بچے کے ساتھ محبت کو ظاہر دکھایا گیا ہے پینٹنگ میں ایک طرف ہتھنی اور اس کے بچے کو دِکھایا گیا ہے جبکہ دوسری طرف ایک خاتون کو اُس کی بیٹی کے ساتھ دِکھایا گیا ہے۔

رابی پیرزادہ نے پینٹنگ مکمل ہونے پر اللہ تعالیٰ کا شکر ادا کرتے ہوئے کہا کہ الحمداللہ ایک اور پینٹنگ مکمل، اب جلد ہی انٹرنیشنل پلیٹ فارم پر پاکستان کو متعارف کراؤں گی۔

اُنہوں نے کہا کہ آئیے اس دنیا کو دکھائیں کہ پاکستانی فنکار کتنے باصلاحیت ہیں۔

رابی پیرزادہ نے مزید کہا کہ میں ان شاءاللہ جلد ہی انٹرنیشنل نمائش میں فن کے شعبے میں پاکستان کی نمائندگی کروں گی۔

اُنہوں نے اپنے اگلے ٹوئٹ میں اپنی پینٹنگ کی مناسبت سے حضرت رابعہ بصریؒ کا قول بھی شیئر کیا۔

رابی پیرزادہ نے قول کچھ یوں لکھا:جب میں دنیا کے ہنگاموں سے تھک جاتی ہوں، اپنے اندر کے شور سے ڈر جاتی ہوں تو پھر میں اللہ کے آگے جھک جاتی ہوں یا پھر اپنی ماں کی گود میں سر رکھ کے جی بھر کے رو لیتی ہوں-

رابی پیرزادہ نے کہا کہ میں ماں کے پیار کو ایک آرٹ میں بیان کرنے کی کوشش کی ہے اور میری دُعا ہے کہ اللہ سب کی ماؤں کو سلامت رکھے۔

ایک اور ٹوئٹ میں رابی نے من کی میل کو ختم کرنے کا طریقہ بتایا لکھا کہ من کی میل کو ختم کرنے کے لئے پہلے اپنی میں کو ختم کریں اور میں کو ختم کرنے کے لئے عاجز بننا ضروری ہے اور عاجز بننے کے لئے ضروری کے کہ تم اپنی ہستی کو بھول جاؤ-

کہ تم کیا ہو بس تم اتنا یاد رکھو کہ تم خاک ہو خاک پر ہے اور تمہیں خاک میں ہی جانا ہے-

واضح رہے کہ رابی پیرزادہ نے شوبز چھوڑنے کے بعد مصوری کو اپنا ذریعۂ معاش بنالیا ہے اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیں۔

پاکستان شوبز انڈسٹری کی عالمی شہرت یافتہ اداکارہ سجل علی نے عرب انٹرنیشنل فیسٹیول میں ایوارڈ اپنے نام کر لیا ہے۔

باغی ٹی وی : ڈسٹنکٹف انٹرنیشنل عرب فیسٹیول ایوارڈ (DIAFA) کے چوتھے ایڈیشن کی تقریب دبئی میں منعقد کی گئی جس میں دنیا بھر سے نامور شوبز شخصیات نے شرکت کی جس میں پاکستانی اداکارہ سجل علی بھی شامل ہیں۔

یہ ایوارڈ شو ہر سال دبئی میں منعقد کیا جاتا ہے جس میں بین الاقوامی اور عرب شخصیات کو ان کی سالانہ کامیابیوں اور معاشرے کی بہتری کے لیے تعاون کے اعتراف میں ایوارڈ سے نوازا جاتا ہے۔

اس موقع پر پاکستانی اداکارہ سجل علی کو فلم کی دنیا میں منفرد پہچان بنانے پر قابل ستائش قرار دیتے ہوئے ایوارڈ سے نوازا گیا۔

سماجی رابطے کی سائٹ انسٹاگرام پر سجل علی نے ایوارڈ کے ساتھ تصویر پوسٹ کرتے ہوئے ایوارڈ ملنے پر اداکارہ نے خوشی کا اظہار کرتے ہوئے کہا کہ یہ ایوارڈ میرے لیے ناصرف بطور اداکارہ ایک اعزاز ہے بلکہ یہ ایوارڈ مجھے ایک قابلِ فخر پاکستانی بھی بناتا ہے۔

اداکارہ نے کہا کہ یہاں پر ہونا میرے لیے ایک اعزاز کی بات ہے بالخصوص اتنے زبردست اداکاروں کے ساتھ ہونا کسی اعزاز سے کم نہیں، تمام مداحوں کی شکر گزار ہوں جنہوں نے مجھ پر اعتماد کیا۔

عالمی ایوراڈ اپنے نام کرنے پر ساتھی اداکاروں نے بھی سجل علی کو مبارکباد دی جن میں اداکارہ منال خان ، ماہرہ خان ،اسد لغاری ،حرا مانی اور سعدیہ غفار سمیت متعدد اداکاروں نے مبارکباد دی –

اداکارہ کے شوہر احد رضا میر نے بھی لکھا کہ انہیں سجل علی پر فخر ہے-

واضح رہے کہ (DIAFA) ڈسٹنکٹف انٹرنیشنل عرب فیسٹیول ایوارڈ کی تقریب ہر سال منعقد کی جاتی ہے جس میں نہ صرف عرب بلکہ بین الاقوامی شخصیات کو ان کے فن میں گراں قدر خدمات، کامیابیوں اور متاثر کن کارکردگی کے اعتراف میں ایوارڈ سے نوازا جاتا ہے۔

خیال رہے کہ اس سے قبل اداکارہ سجل علی نے بین الاقوامی ایوارڈ شو ’گرین کارپٹ فیشن ایوارڈ 2020‘ میں شامل ہونے کا اعزاز اپنے نام کیا تھا۔

اداکارہ نے 10 اکتوبر کو ہونے والی تقریب میں پاکستان کی نمائندگی کی، اداکارہ نے اپنی انسٹاگرام پوسٹ پر مداحوں کو اطلاع دی تھی کہ وہ معروف ’گرین کارپٹ فیشن ایوارڈ‘ کا حصہ بن کرمعیاری فیشن کو سپورٹ کرنے جارہی ہیں۔

پاکستان شوبز انڈسٹری کی معروف گلوکارہ مومنہ مستحسن اور نامور گلوکاربلال سعید کا نیا گانا ’باری 2‘ ریلیز ہوتے ہی مقبول ہوگیا۔

باغی ٹی وی :گلوکارہ مستحسن اور بلال سعید نے اپنے گانے باری کا دوسرا حصہ ’باری 2‘ (اُچیاں دیواراں) ریلیز کردیا جسے مداحوں کی جانب سے خوب سراہا جارہا ہے۔

بلال سعید نے اپنے انسٹاگرام اکاؤنٹ پر گانے کی ویڈیو شئیر کی اور سولہ گھنٹے قبل شئیع کی گئی ویڈیو اب تک ایک لاکھ پچاس ہزار سے لوگ دیکھ اور لائک کر چُکے ہیں –

بلال سعید کی پوسٹ پر رد عمل دیتے ہوئے مزاحیہ یوٹیوبر راحیم پردیسی نے بھی گانے کو امیزنگ قرار دیا جواب میں بلال سعید نے یوٹیوبر کا باری 2 کا حصہ بننے پر شکریہ ادا کیا-
https://www.youtube.com/watch?v=HrgAjxUORGQ&feature=youtu.be
واضح رہے کہ باری 2 میں مومنہ مستحسن اور بلال سعید کے ساتھ کامیڈین یوٹیوبر راحیم پردیسی بنے بھی اداکاری کی ہے-

یاد رہے کہ گزشتہ سال نومبر میں دونوں گلوکاروں نے اپنا پہلا گانا ’باری‘ ریلیز کیا تھا، جس نے کامیابی کے ریکارڈ بنائے تھے۔

گزشتہ دنوں مومنہ مستحسن اور بلال سعید نے اعلان کیا تھا کہ وہ جلد ہی گانے کا ری میک بھی ریلیز کریں گے۔

بلال سعید اوو مومنہ مستحسن کا رومانوی گانے باری کا ری میک ریلیز کرنے کا اعلان

علی ظفر کی جانب سے میشا شفیع پر کیے جانے والے ہتک عزت کے دعوی پر کیس کی سماعت پراداکارہ عفت عمر نے کمرہ عدالت میں جرح نہ کرنےکی استدعا کی ہے-

باغی ٹی وی : اداکارہ عفت عمر نے کمرہ عدالت میں کیا کہ جرح نہ کی جائے وہ کراچی سے آئی ہیں تھکاوٹ کا شکار ہیں تاہم علی ظفر کی جانب سے میشا شفیع پر کیے جانے والے ہتک عزت کے دعوی پر کیس کی سماعت 12 دسمبر تک ملتوی کردی گئی-

لاہورسیشن کورٹ میں علی ظفر کی جانب سے میشا شفیع پر کیے جانے والے ہتک عزت کے دعوی پرسماعت ہوئیعدالت میں ادکارہ عفت عمر بطور میشا شفیع کے گواہ کے پیش ہوئیں۔

انہوں نے عدالت بیان پر جرح نہ کرنے کی استدعا کردی اور کمرہ عدالت میں کہا کہ ابھی کراچی سے آئی ہوں تھکاوٹ کا شکار ہوں۔

علی ظفر کے خلاف نفرت انگیز مہم چلانے کے مقدمے میں اداکارہ عفت عمر نے عبوری ضمانت…

ایڈیشنل سیشن جج امیتاز علی نے علی ظفر کی درخواست پر سماعت کرتے ہوئے کیس کی سماعت 12 دسمبر تک ملتوی کردی۔

ادکارہ عفت عمر نے میڈیا سے گفتگو کرتے ہوئے کہا کہ علی ظفر نے جھوٹے مقدمات درج کروائے ہیں ہم بھاگنے والے نہیں ہیں جھوٹ کے پاؤں نہیں ہوتے ہم سچ کے ساتھ کھڑے ہیں ۔

واضح رہے کہ میشا شفیع نے اپریل 2018 میں علی ظفر پر اپنی ٹوئٹس میں جنسی ہراسانی کے الزامات لگائے تھے، جنہیں علی ظفر نے جھوٹا قرار دیا تھا۔

بعد ازاں میشا شفیع نے علی ظفر کے خلاف جنسی ہراسانی کی درخواست محتسب اعلیٰ پنجاب اور گورنر پنجاب کو بھی دی تھی اور گلوکارہ کی دونوں درخواستوں کو مسترد کردیا گیا تھا۔

مذکورہ درخواستیں مسترد کیے جانے کے بعد علی ظفر نے میشا شفیع کے خلاف لاہور کی سیشن کورٹ میں ایک ارب ہرجانے کا دعویٰ دائر کیا تھا، جس پر تقریبا گزشتہ 2 سال سے درجنوں سماعتیں ہوچکی ہیں۔

مذکورہ کیس میں علی ظفر اور ان کے تمام 13 گواہوں نے بیانات قلمبند کروا دیے ہیں جب کہ میشا شفیع کے وکلا نے ان سے جرح بھی مکمل کرلی ہے۔

علی ظفر نے صارفین سے آن لائن سوشل میڈیا عدالتوں کے بارے میں رائے مانگ لی

اسی کیس میں میشا شفیع اور ان کی والدہ نے بھی اپنے بیانات قلمبند کروا لیے ہیں تاہم میشا شفیع کے گواہوں کے بیانات قلم بند ہونا اور ان پر جرح ہونا باقی ہے میشا شفیع کے گواہوں کے بیانات اور ان سے جرح کے بعد ہی مذکورہ درخواست پر عدالت کوئی فیصلہ سنائے گی-

دوسری جانب وفاقی تحقیقاتی ادارے (ایف آئی اے) کے سائبر کرائم ونگ نے 28 ستمبر کو پاکستان کے عالمی شہرت یافتہ گلوکار و اداکار علی ظفر کےخلاف سوشل میڈیا پر مہم چلانے کے الزام میں 9 افراد کے خلاف ایف آئی آر درج کی گئی تھی-

پریوینشن آف الیکٹرانک کرائمز ایکٹ (پیکا) 2016 کے سیکشن 20 (1) اور پاکستان پینل کوڈ کے آر/ڈبلیو 109 کے تحت 9 افراد میں میشا شفیع ، عفت عمر ،لینہ غنی،حسیم الزمان ، عفت عمر، حمنہ رضا، ماہم جاوید، علی گل پیر، فریحہ ایوب اور سید فیضان رضا شامل ہیں-

ان تمام شخصیات پر الزام ہے کہ انہوں نے ایک منصوبے کے تحت علی ظفر کے خلاف سوشل میڈیا پر الزامات لگائے لگا کر ان کی شہرت کو نقصان پہنچایا اور ابھی اسی سائبر کرائم کا فیصلہ ہونا بھی باقی ہے۔

علی ظفر کے جمع کرائے گئے شواہد کے مطابق یہ الزامات انہیں ایک ملٹی نیشنل کے بہت بڑے کنٹریکٹ سے نکلوانے کے لئے لگائے گئے-

علی ظفر نے اپنی گواہی میں بتایا تھا کہ میشا شفیع کی جانب سے ان کو یہ دھمکی دی گئی تھی کہ اگر وہ اس کانٹریکٹ سے پیچھے نہ ہٹے تو وہ ان پر جنسی ہراسانی کا الزام عائد کر دیں گی-

لاہور کی سیشن عدالت نے میشا شفیع اور ان کے گواہوں طلب کر لیا

اس دھمکی میں نہ آنے پر میشا شفیع نے علی ظفر کے خلاف 19 اپریل 2018 کو ٹوئٹر پر اپنے ساتھیوں سمیت الزامات کی بوچھاڑ کر دی اور ان کو اس پروگرام سے خارج کروادیا-

علی ظفر نے کہا تھا کہ ان کے خلاف یہ مہم می ٹو کے بینر تلے لانج کی گئی جس میں میشا شفیع اور ان کی وکیل نے اپنے ساتھیوں کی مدد لی اور میڈیا پر ان کی کردار کشی کرنے کے لئے ٹوئٹر فیس بک اور انسٹا گرام پر متعدد جعلی اکاؤنٹس کے ذریعے علی ظفر کو ایک لمبے عرصے تک سائبر پلنگ اور ہراسمنٹ کا نشانہ بنایا گیا جبکہ ان میں سے کئی اکاؤنٹس ان کی ایف آئی اے کمپلین کے بعد اچانک ڈیلیٹ کر دیئے گئے-

علی ظفر کےخلاف سوشل میڈیا پر مہم چلانے کے الزام میں میشا شفیع اور عفت عمر سمیت 9 افراد کے خلاف ایف آئی آر درج

وفاقی تحقیقاتی ایجنسی (ایف آئی اے) کے سائبر کرائم ونگ نے اڑھائی سال کی اندرونی تحقیقات کے بعد ایف آئی آر درج کی۔

ایف آئی اے حکام کا کہنا تھا کہ ایف آئی اے کی جانب سے ان ملزمان کو دفاع کے3 سے زائد مواقع دئیے گئے تھے –

تاہم بعد میں سائبر کرائم ونگ نے اداکارہ و ماڈل عفت عمر، فریحہ ایوب، شہزاد رضا ،علی گُل پیر اور حمزہ رضا کو شامل تفتیش کیاتھا ملزمان نے جُرم سے انکار دیا تھا ملزمان نے بیان دیتے ہوئے کہا تھا ہم نے عوامی رائے پر اپنے سوشل میڈیا اکاؤنٹس پر اسٹیٹس اپ لوڈ کئے اداکارہ عفت عمر کا کہنا ہے کہ ہم نے کسی کی دل آزاری کے لیے پوسٹ نہیں کیں۔

گلوکارہ میشا شفیع سمیت 9 افراد کے خلاف مقدمہ درج کرنے والے ایف آئی اے افسر کومعطل…

بعد ازاں ایڈیشنل سیشن جج حامد حسین نے ایف آئی اے کی جانب سے دائر کیے گئے مقدمات میں نامزد 5 ملزمان کی درخواستوں پر سماعت کی عدالت نے ملزمان میں فریحہ ایوب، سید فیضان رضا، عفت عمر، حزیم الزمان خان اور علی گل کو شامل تفتیش کیا تھا-

درخواست گزاروں نے مؤقف اختیار کیا تھا کہ وہ بے قصور ہیں ایف آئی اے حقائق کے برعکس مقدمہ درج کیا درخواستوں پر سماعت کے دوران گلوکار علی ظفر کے وکلا نے ضمانتوں کی مخالفت نہیں کی۔

میشا شفیع نے علی ظفر کی جانب سے دائر ہتک عزت کے دعوے پر کارروائی روکنے کے لیے لاہور ہائی کورٹ سے رجوع کرلیا

عدالت نے ریمارکس دیے تھے کہ ضمانت حاصل کرنے والے ملزمان کی سزا اور جزا کا فیصلہ ٹرائل میں کیا جائے گا اس کے ساتھ ہی سیشن کورٹ نے وفاقی تحقیقاتی ادارے کو جلد چالان جمع کرانے کی ہدایت بھی کی۔

علاوہ ازیں اپریل 2018 سے لے کر اب تک علی ظفر سے کم از کم 3 خواتین جھوٹے الزامات لگائے جانے پر معافی بھی مانگ چکی ہیں۔

جنسی ہراسانی کا جھوٹا الزام لگانے والی خاتون نے علی ظفر سے معافی مانگ لی

علی ظفر سے معافی مانگنے والی خواتین میں معروف بلاگر و صحافی مہوش اعجاز، بلاگر حمنہ رضا اور صوفی نامی خاتون شامل ہیں تینوں خواتین نے بھی علی ظفر پر میشا شفیع کے بعد اپنی ٹوئٹس میں ہراسانی کے الزامات لگائے تھے، تاہم تینوں نے بعد میں اعتراف کیا کہ انہوں نے غلط الزامات لگائے اور اداکار سے معافی بھی مانگی۔

جنسی ہراساں کیس: میشا شفیع،اعلٰی عدلیہ کوبھی فریب دینے لگیں:اس باربھی گواہان عدالت میں پیش نہ کرسکیں

علی ظفر کی جانب سے میشا شفیع کے خلاف دائر کردہ ہتک عزت کیس نئے جج کو منتقل