پاکستان شوبز انڈسٹری کی معروف اداکارہ منشا پاشا کا کہنا ہے کہ سسٹین ایبل فیشن صدیوں سے چلے آرہے ہیں اور اصل میں یہ دیسی فیشن کا ہی نیا فینسی نام ہے-

باغی ٹی وی : گزشتہ چند سال سے دنیا بھر میں ’سسٹین ایبل فیشن‘ کی اصطلاح کا زیادہ استعمال کیا جانے لگا ہے اور بڑے ادارے فیشن کی مصنوعات کو متعدد بار استعمال کرنے کی حوصلہ افزائی بھی کر رہے ہیں۔

اسی اصطلاح پر اداکارہ منشا پاشا نے بھی حال ہی میں سماجی رابطے کی ویب سائٹ ٹوئٹر پر اپنی سلسلہ وار ٹوئٹس میں مداحوں کو آسان الفاظ میں سمجھایا کہ دراصل ’سسٹین ایبل فیشن‘ کیا ہے اور اسے فینسی نام دے کر لوگوں کو کیا سمجھایا جا رہا ہے؟

منشاپاشا نے اپنی ٹوئٹ میں لکھا کہ دراصل ’سسٹین ایبل فیشن‘ صدیوں سے چلے آ رہے ہیں اور یہ دیسی فیشن کا نیا فینسی نام ہے۔

اداکارہ نے لکھا کہ آج کل ’سسٹین ایبل فیشن‘ اس لیے ٹرینڈ بنا ہوا ہے کیوںکہ اسے فینسی نام دیا گیا ہے لیکن درحقیقت یہ وہی ہمارا پرانا دیسی فیشن ہے۔

Sustainable fashion/living:
Dont know why this has become a trend because its been given a fancy name. Its basically what parents in the subcontinent have always taught their children: cheezoin ko zaya mat karo aur kapre ko alag alag occasions par use karo!

— Mansha Pasha (@manshapasha) October 24, 2020

منشا پاشا نے لکھا کہ برصغیر میں ہمشیہ والدین نے اپنی اولاد کو سکھایا ہے کہ چیزوں کو ضائع مت کریں اور کپڑوں کو الگ الگ تقریبات میں استعمال کریں۔

اداکارہ نے اپنی ایک اور ٹوئٹ میں بتایا کہ وہ اور ان کی بہنیں ایک دوسرے کے کپڑے پہن کر بڑی ہوئی ہیں۔

منشا پاشا نے انکشاف کیا کہ یہی کچھ ایک دیسی گھرانے کی حقیقی آواز دینے کے لئے مقبول ڈرامے ’زندگی گلزار ہے‘ کی شوٹنگ کے سیٹ پر کیا گیا تھا ڈرامے کے چبد سینز میں جب انہوں نے صنم سعید کے کپڑے پہنے اور صنم سعید نے ثنا سرفراز کے کپڑے پہنے۔

انہوں نے ٹوئٹ کے آخر میں لکھا کہ ممختصر یہ کہ ، دیسی فیشن ہی پائیدار فیشن ہے۔

اداکارہ کی ان ٹوئٹس پر صارفین نے اختلاف کرتے ہوئے کہا کہ منشا پاشا سسٹین ایبلٹی کے وسیع موضوع کا احاطہ کرنے میں ناکام ہوگئیں۔

Desi fashion is not always sustainable fashion.Sharing clothes is one of the many sustainable things you can do to maintain a sustainable wardrobe. How is the cloth made and how it is dyed is most important. Desi fashion is made of polyester which is unsustainable

— ankita madur (@AnkitaMadur) October 26, 2020

انکتا نامی صارف نے لکھا کہ دیسی فیشن ہمیشہ پائیدار فیشن نہیں ہوتا۔ کپڑے کو شیئر کرنا ان پائیدار چیزوں میں سے ایک ہے جو آپ پائیدار الماری برقرار رکھنے کے لئے کرسکتے ہیں۔ کپڑا کس طرح بنایا جاتا ہے اور اسے کیسے رنگایا جاتا ہے یہ سب سے اہم ہے۔ دیسی فیشن پولیسٹر سے بنا ہے جوان سسٹین ایبل ہے-

جس پر منشا پاشا نے اپنے گزشتہ روز کے ٹوئٹس کا حوالہ دیتے ہوئے کہا کہ اخلاقی فیشن میں بہت سی چیزیں ہوتی ہیں جس میں ورکرز کے حقوق، رنگے جانے والے کپڑے کے ماحولیاتی اثرات اور پانی کا استعمال بھی شامل ہوتے ہیں۔

With respect to my last tweet –
Ethical fashion encompasses many things including worker rights, ecological impact of dying fabric, water consumption.
I was speaking of the trend of reusing clothing done in desi households already and is promoted as sustainable fashion online.

— Mansha Pasha (@manshapasha) October 26, 2020

منشا پاشا نے کہا کہ انہوں نے دیسی گھرانوں میں پہلے سے موجود کپڑوں کو دوبارہ استعمال کرنے کے رجحان پر بات کی تھی جسے اب سسٹین ایبل فیشن کے طور پر آن لائن فروغ دیا جارہا ہے۔

منشا پاشا کی اس ٹوئٹ کے رد عمل پر ٹوءٹر صارف نے کہا کہ ہماری مشہور شخصیات کو پائیدار فیشن کی بات کرتے ہوئے دیکھ کر بہت اچھا لگا یہ پائیدار ترقی اور کارپوریٹ پائیداری کی عالمی تحریک کا ایک حصہ ہے۔
https://twitter.com/MasoodA69428359/status/1320722284055826434?s=20
صارف نے کہا کہ پائیدار فیشن کے صحیح تصور کے بارے میں شعور پیدا کرنے کے لئے اکیڈمیا اور فیشن انڈسٹری کو مل کر کام کرنا چاہئے۔
https://twitter.com/darya_farhad/status/1320707866702028802?s=20

Great

— Rashid Khan 🇵🇰 (@Rkhanofficial10) October 27, 2020

واضح رہے کہ ماحولیات کے تحفظ اور وسائل کو محفوظ بنانے کے لیے گزشتہ کچھ عرصے سے فیشن کی دنیا میں ’سسٹین ایبل فیشن‘ کی اصطلاح کا استعمال کیا جا رہا ہے اور بڑے ادارے فیشن کی مصنوعات کو متعدد بار استعمال کرنے کی حوصلہ افزائی بھی کر رہے ہیں۔ مذکورہ اصطلاح کو استعمال کرنے کا مقصد فیشن انڈسٹری میں بننے والی مصنوعات کے بار بار استعمال کرنا ہے اور ساتھ ہی اس کا مقصد ایسی مصنوعات تیار کرنا ہے جو مختلف مواقع پر استعمال کی جا سکیں۔

’سسٹین ایبل فیشن‘ کی اصطلاح کا مقصد فیشن کی دنیا میں کپڑوں، جوتوں اور دیگر چیزوں کو متعدد بار استعمال کرکے وسائل کو محفوظ بنانا اور ماحولیات کا تحفظ ہے۔

منشا پاشا کی سالگرہ کی تصاویر اور ویڈیوز سوشل میڈیا پر وائرل

پاکستان شوبز انڈسٹری کے معروف اداکار اور میزبان یاسر حیسن کو سوشل میڈیا صارف نے (beast) درندہ کہہ ڈالا-

باغی ٹی وی :سماجی رابطے کی ویب سائٹ انسٹاگرام پر اداکارہ اقراء عزیز نے کچھ تصویریں شیئر کی ہیں جن میں وہ یاسر حسین کے ساتھ کھڑی ہیں ان دونوں کی یہ تصاویر شمالی علاقہ جات کی سیر سپاٹوں کے دوران لی گئیں تھیں –
https://www.instagram.com/p/CGzt_cQHQCz/?utm_source=ig_embed
انسٹاگرام پر اداکارہ نے تصویر شئیر کرتے ہوئے اداکارہ لکھا کہ یہ تم ہو، یہ میں ہوں اور یہ ہم ہیں۔

اداکارہ کی اس پوسٹ پر ان کے شوہر یاسر حسین نے شاعرانہ انداز میں کمنٹ کرتے ہوئے لکھا کہ سنا ہے اُس کے لبوں سے گلاب جلتے ہیں، سو ہم بہار پہ الزام دھار کے دیکھتے ہیں سنا ہر رات اُسے چاند تکتا رہتا ہے، ستارے بام ِ فلک سے اُتر کے دیکھتے ہیں ۔

یاسر حسین کے کمنٹ کا جواب دیتے ہوئے اہلیہ اقراء نے لکھا کہ سنا ہے بولے تو باتوں سے پھول جھرتے ہیں یہ بات ہے تو چلو بات کرکے دیکھتے ہیں۔

دوسری جانب اداکارہ کی پوسٹ پر صارفین کی جانب سے بھی دلچسپ تبصرے کیے جارہے ہیں کیونکہ یاسر حسین اپنے متنازع بیانات کی وجہ سے زیادہ پسند نہیں کیے جاتے اس لیے صارفین اکثر اُن کی پوسٹ پر ایسے ہی کمنٹ کرتے دکھائی دیتے ہیں صارفین نے اقراء کو کوئین قرار دیا- جبکہ ایک صارف خاتون نے کمنٹ میں یاسر کو بیوٹی اینڈ دی بیسٹ کہہ ڈالا-

جہاں لوگوں نے پوسٹ پر مزاحیہ اور تنقید بھرے تبصرے کئے وہیں کچھ سارفین نے دونوں کی جوڑی کو خوبصورت اور بہترین جوڑی قرار دیتے ہوئے جوڑی کے لئے نیک خواہشات کا اظہار کیا-

وزیراعظم عمران خان نے پاکستان کے نامور گلوکار و اداکار علی ظفر کو ملک کے پہلے نمل نالج سٹی کا ایمبیسڈر مقرر کردیا-

باغی ٹی وی : گذشتہ روز سماجی رابطے کی ویب سائٹ ٹوئٹر پر کی گئی ٹوئٹ میں گلوکار علی ظفر نے بتایا تھا کہ وزیراعظم عمران خان کی جانب سے پاکستان کے پہلے اور سب سے بڑے نالج سٹی ’نمل نالج سٹی‘ کا ایمبیسڈر مقرر کیا جانا ان کے لیے بہت بڑا اعزاز ہے۔

علی ظفر نے اپنی ٹوئٹ میں مزید کہا تھا کہ کسی ملک اور معاشرے کی ترقی میں علم کلیدی کردار ادا کرتا ہے۔

علاوہ انسٹا گرام پوسٹ میں بھی انہوں نے کہا تھا کہ ڈاکٹر کنول امین اور پروفیسر محمد ظفر اللہ کا بیٹا ہونے کے باعث میرے لیے یہ اعزاز انتہائی اطمینان بخش اور پرجوش ہے جنہوں نے بطور ماہر تعلیم اپنی زندگی کو حصول علم اور اسے پھیلانے کے لیے وقف کیا اور ہمیں بھی اسی راہ پر چلنے پر زوردیا۔

علی ظفر نے کہا تھا کہ اللہ نے مجھے موقع دیا ہے کہ میں بطور ایمبیسڈر اپنی نوعیت کے پہلے نالج سٹی ’نمل’ کی تعمیر میں اپنا کردار ادا کروں۔

گلوکار نے مزید لکھا تھا کہ بنجر زمین میں بنایا ہوا ایک ایسا شہر جس کا تصور وزیر اعظم عمران خان نے کیا ہے۔

خیال رہے کہ نمل نالج سٹی کا ایمبیسڈر مقرر کیا جانا علی ظفر کے لیے رواں برس کا دوسرا بڑا اعزاز ہے، اس سے قبل اگست میں صدر مملکت کی جانب سے سول ایوارڈز کا اعلان کیا گیا تھا جن میں علی ظفر کا نام بھی شامل تھا۔

علی ظفر کے اس نمل نالج سٹی کے سفیر مقرر کرنے کے بعد سے علی ظفر پاکستان ٹوئٹر پر ٹرینڈ کر رہا ہے جس میں صارفین علی ظفر کے سفیر بننے پر تبصروں میں اپنی اپنی رائے کا اظہار کر رہے ہیں-

Welcome to Islamic Republic of Pakistan where world renowned economist Atif Mian cannot address university students and alleged harasser Ali Zafar who has no academic credentials to his name is appointed academic ambassador at a university whose Founding Chair is the current PM.

— Aimun (@bluemagicboxes) October 26, 2020

ایمن نامی خاتون نے علی ظفر کے نمل نالج سٹی کے سفیر مقرر ہونے پر طنزیہ انداز میں لکھا کہ اسلامی جمہوریہ پاکستان میں آپ کا استقبال ہے جہاں عالمی شہرت یافتہ ماہر معاشیات عاطف میاں یونیورسٹی طلباء سے خطاب نہیں کرسکتے ہیں اور مبینہ طور پر ہراساں کرنے والے علی ظفر کو جن کے نام کی کوئی سند نہیں ہے اس یونیورسٹی میں تعلیمی سفیر مقرر کیا جاتا ہے جس کی بانی چیئر موجودہ وزیر اعظم ہیں۔

Re Ali Zafar's latest reward from the Government, let's be clear: this isnt even about whether Ali Zafar is innocent or guilty at this stage. It is a clear signal from the Prime Minister of the country that the issue of sexual harassment should not be taken seriously.

— Imaan Zainab Mazari-Hazir (@ImaanZHazir) October 26, 2020

ایمان نامی خاتون نے تنقیدی ٹوئٹ کرتے ہوئے لکھا کہ حکومت کی طرف سے علی ظفر کا تازہ ترین انعام ، آئیے واضح کریں: اس سے بھی اس بارے میں کوئی غرض نہیں کہ اس مرحلے پر علی ظفر بے قصور ہے یا قصوروار ہے۔ ملک کے وزیر اعظم کا یہ واضح اشارہ ہے کہ جنسی طور پر ہراساں کرنے کے معاملے کو سنجیدگی سے نہیں لیا جانا چاہئے۔

Ali Zafar's "defamation" continues as the Govt continues to reward him for being an alleged harasser.

Deplorable move by the Prime Minister. PTI & IK have provided complete protection to Ali Zafar, at the expense of victims. This is not how civilised or decent govts behave. pic.twitter.com/mz33fEVu3T

— Imaan Zainab Mazari-Hazir (@ImaanZHazir) October 26, 2020

ایمان نامی خاتون نے ایک اور ٹوئٹ میں لکھا کہ علی ظفر کی "بدنامی” جاری ہے کیوں کہ حکومت اسے مبینہ طور پر ہراساں کرنے کا بدلہ دیتی ہے۔وزیر اعظم کا قابل تحسین اقدام۔ پی ٹی آئی اور عمران خان نے متاثرین کی قیمت پر علی ظفر کو مکمل تحفظ فراہم کیا ہے۔ مہذب یا مہذب حکومتوں کا طرز عمل ایسا نہیں ہے۔

Ah yes famous scholar Ali zafar who is known primarily for his intellectual and academic pursuits https://t.co/c3KW98KIQ2

— mav ♡ (@404mav) October 26, 2020

اس کے برعکس ایک خاتون صارف نے خوشی کا اظہار کرتے ہوئے لکھا کہ آہ ہاں عالمی شہرت یافتہ علی ظفر جو بنیادی طور پر اپنے فکری اور علمی حصولیات کے لئے مشہور ہیں-
https://twitter.com/TrimiziiiSyeda/status/1320643725454938114?s=20
سیدہ ترمذی نامی ایک صارف نے لکھا کہ وزیر اعظم عمران خان نے گلوکار / اداکار علی ظفر کو نمل نالج سٹی کا سفیر مقرر کیا واقعی وقت بہترین بدلہ ہے-
https://twitter.com/SilkLodhi/status/1320655790156505088?s=20
ایک صارف نے سوالیہ انداز مین ٹوئٹ کیا کہ عمران خان نے گلوکار اور اداکار علی ظفر کو نمل نالج سٹی کا سفیر مقرر کیا ہےکس بنیاد پر؟ اہلیت؟ تعلیمی پیشوں میں مہارت؟

Even putting aside the sexual harassment case against Ali – it could be completely baseless, hypothetically – what is Ali Zafar's contribution to education?@ShehzadRoy would have been a fantastic choice if the ambassador of Namal had to be a star.
Cc Prime Minister @ImranKhanPTI https://t.co/nshcB6wJPf

— Mehr Tarar (@MehrTarar) October 26, 2020

ایک صارف نے عمران خان کو تیگ کرتے ہوئے لکھا کہ علی ظفر کی بجائے شہزاد رائے نمل نالج سٹی کے سفیر کے لئے بیترین انتخاب تھا-

خیال رہے کہ 2 روز قبل 24 اکتوبر کو وزیراعظم عمران خان نے میانوالی میں نمل نالج سٹی فیز ون کا سنگ بنیاد رکھا تھا۔

تقریب سے خطاب میں وزیراعظم عمران خان نے پاکستان کے نوجوانوں کے لیے سستے اور معیاری اعلیٰ تعلیمی مواقع فراہم کرنے پر زور دیتے ہوئے کہا تھا کہ اچھی تعلیم ہی تحمل مزاج اور ترقی پسند معاشرے کی بنیاد رکھتی ہے۔

وزیراعظم آفس سے جاری پریس ریلیز میں کہا گیا تھا اس نالج سٹی کا وژن دور دراز علاقوں کی پسماندہ آبادی کے لیے وزیراعظم نے پیش کیا تھا۔

اس موقع پر وزیراعظم عمران خان کو بریفنگ دی گئی تھی کہ نالج سٹی کے پہلے مرحلے کی تکمیل کے بعد پسماندہ علاقوں کے 10 ہزار سے زائد طلبہ اس مستفید ہوں گے۔

وزیراعظم کو آگاہ کیا گیا تھا کہ یہ منصوبہ ماحول دوست اور گرین اسٹرکچر کا جدید نمونہ ہوگا سنگِ بنیاد کی تقریب سے خطاب میں وزیراعظم نے لاکھوں روپے کے عطیات دینے والے افراد کے عزم کو خراج تحسین پیش کیا اور ان کا شکریہ ادا کیا۔

وزیراعظم عمران خان نے اس نالج سٹی کو بین الاقوامی شہرت کا حامل ادارے میں تبدیل کرنے کی خواہش کا اظہار بھی کیا تھا۔

اس حوالے سے وزیراعظم عمران خان کے آفیشل انسٹاگرام اکاؤنٹ پربتایا گیا تھا کہ پاکستان کے سب سے بڑے نالج سٹی کا تصور میں نے 2005 میں کیا تھا اور آج اس کا پہلا قدم حقیقت بن گیا ہے۔

علی ظفر نمل نالج سٹی کے سفیر مقرر

بالی وڈ سپر اسٹار امیتابھ بچن اور مقبول ترین اداکارہ کترینہ کیف کی ماضی کی یادگار تصویر سوشل میڈیا پر وائرل ہو گئی جسے مداحوں کی جانب سے خوب سراہا جا رہا ہے-

باغی ٹی وی : سماجی رابطے کی ویب سائٹ انسٹاگرام پر بالی وڈ بگ بی امیتابھ بچن نے اداکارہ کترینہ کیف کے ہمراہ ماضی کے ایک یادگار فوٹو شوٹ کی تصویر پوسٹ کی ہے جس میں کترینہ کیف بھاری زیورات کے ساتھ عروسی لباس میں ملبوس ہیں جبکہ امیتابھ بچن بھی شیروانی میں دلکش لگ رہے ہیں۔
https://www.instagram.com/p/CGvZIReBdpJ/?utm_source=ig_embed
امیتابھ بچن نے ہندی میں اپنی پوسٹ کا کیپشن لکھا کہ اچانک ہمیں ماضی کی یہ تصویر مل گئی۔

کون بنے گا کروڑ پتی کے میزبان نے لکھا کہ یہ تصویر ہم نے خود سے نہیں تلاش کی بلکہ صفحہ پلٹتے وقت یہ تصویر مل گئی۔

اُنہوں نے لکھا کہ زیور میں کترینہ جی خوبصورت لگ رہی ہیں جبکہ ان کے ساتھ کُرسی پر بیٹھے شخص ہم یعنی میں ہوں۔

امیتابھ بچن اور کترینہ کیف کی تصویر سوشل میڈیا صارفین کی جانب سے بہت پسند کی جا رہی ہے صارفین کی جانب سے تبصروں کا سلسلہ بھی جاری ہے۔

یاد رہے کہ کترینہ کیف کو آخری بار علی عباس ظفر کی 2019 میں بننے والی فلم ’بھارت‘ میں دیکھا گیا تھا اور اس فلم میں اُنہوں نے اداکار سلمان خان کے ہمراہ مرکزی کردار ادا کیا تھا۔

ترکی میں سوشل میڈیا پر سب سے زیادہ فالوورز رکھنے والے عالمی شہرت یافتہ شیف براق اوزڈیمیر نے اپنی ننھی تُرک مداح کی خواہش پوری کر دی-

باغی ٹی وی : ترک شیف براق نے سماجی رابطے کی ویب سائٹ انسٹاگرام پر اسٹوری میں ایک ویٰڈیو شئیر کی جس میں انہوں اپنی ایک ننھی ترک مداح کے ساتھ ریسٹورنٹ میں تصویر بنا کر چھوٹی بچی کی خواہش پوری کر دی-

انسٹا سٹوری میں شئیر کی گئی ویڈیو میں دیکھا جا سکتا ہے کہ براق اپنے ریسٹورنٹ میں ہیں اور انہوں نے ریسٹورنٹ کا مخصوص ایپرن پہن رکھا ہے جس پر سی زیڈ این براق لکھا ہے ریسٹورنٹ میں آئی ایک ننھی ترک بچی نے ایپرن پہن کر شیف کے ساتھ تصویر بنوانے کی خواہش کا اظہار کیا –

ترک شیف نے چھوٹی بچی کی خواہش کو فوراً پورا کرتے ہوئے اسے ایپرن پہنایا اور اس کے ساتھ تصویر بنوائی اور محبت اورپُر خلوص شفقت کا اظہار بھی کیا-

ویڈیو میں یہ بھی دیکھا جا سکتا ہے کہ ریسٹورنٹ میں براق کے مداحوں کی ایک بڑی تعداد موجود ہے جو اپنے پسندیدہ شیف کے ساتھ تصاویر بنوانے ریسٹورنٹ میں آتے ہیں اور ترک شیف بھی اپنی کیوٹ مسکراہٹ اور خندہ پیشانی کے ساتھ مداھوں کی فرمائش پوری کرتے ہیں-

واضح رہے کہ ترکی میں سوشل میڈیا پر سب سے زیادہ فالوورز رکھنے والی شخصیات ہیں اور عام طور پر سوشل میڈیا پر سی زیڈ این برک کے نام سے جانے جاتے ہیں ترک شیف کی مقبولیت کی ایک بڑی وجہ ان کی بڑی پیاری سی مسکراہٹ ہے جو ہر وقت ان کے چہرے پر سجی رہتی ہے۔

خیال رہے کہ 26 سال کی کم عمری میں براق پہلے ہی ترکی میں ریستورانوں کی ہاتے میڈینیئٹلر سوفراسی چین کے مالک تھے جس کی استنبول میں ٹاقسم ، اکسرائے ، اور ایٹلائر نامی تین شاخیں ہیں-مشہور ہونے کے بعد عوام کے ساتھ ساتھ بہت ساری مشہور شخصیات ترکی میں ان کے ریستوران جاتی ہیں اور ان کے ہاتھ کے بنے کھانے سے لطف اندوز ہونے کے ساتھ تصاویر بھی بنواتے ہیں یہاں تک کہ ترک صدر طیب اردگان بھی ان سے ملنے اور کھانا کھانے ان کے ریستورانٹ گئے-

خیال رہے کہ اس سے قبل بُراق نے اپنے ایک ویڈیو پیغام پاکستان آنے کی خواہش کا اظہار کیا تھا -شہور سماجی کارکن اور وکیل ، حسن نیازی کے ساتھ اپنی حالیہ ویڈیو میں ، براق اوزڈیمیر نے انکشاف کیا تھا کہ وہ رواں ماہ پاکستان آرہے ہیں۔

براق نے اپنی ویڈیو میں نیازی سے تعارف کرواتے ہوئے انہیں اپنا ‘پاکستان بھائی’ کہا اور بتایا کہ وہ اس ماہ پاکستان آرہے ہیں اور جلد ہی سب سے ملیں گے-

علاوہ ازیں عالمی شہرت یافتہ تُرک شیف براق اوزڈیمیر نے حال ہی میں اپنے ویڈیو پیغام میں پاکستان اور کشمیر سے محبت کا اظہار کیا اور کشمیر آنے کی خوہش ظاہر کی تھی –

سوشل میڈیا پر جاری ویڈیو میں براق نے پاکستان کے ساتھ محبت کا اظہار کرتے ہوئے کہا تھا کہ ہمارا تعلق ترکی سے ہے، ہم پاکستان سےبہت بہت زیادہ محبت کرتےہیں۔ پاکستان ہمارے دل میں ہے۔ میری خواہش اور دعا ہےکہ ہم جلد کشمیر میں آئیں۔ کشمیر کےلیے محبت پاکستان کےلیے محبت ویڈیو میں براق کے ساتھ موجود ترک سماجی کارکن علی کیسک نے بھی کشمیر اور پاکستان کے ساتھ محبت کا اظہار کیا تھا –

ترکش شیف کی دورہ پاکستان میں لاہور اور اسلام آباد میں اہم شخصیات سے ملاقاتیں ہو ں گی لاہور میں گورنر پنجاب سے بھی ملاقات ہو گی علاوہ ازیں براق آزاد کشمیر کا دورہ بھی کریں گے ان کے دورے کے لئےخصوصی انتظامات اور تیاریاں جاری ہیں-

ترک شیف کے مداحوں کو جہاں ان کے پاکستان آنے کی بے چینی سے انتظار ہے اور اپنی پسندیدہ معروف شخصیت کی آمد کی خوشی میں خصوصی انتظامات کر رہے ہیں وہیں عا لمی شہرت یافتہ شیف براق کی پاکستان آمد پر باغی ٹی وی بھی پاکستانیوں کی خوشی میں شریک ہوتے ہوئےان کی بھر پور کوریج کرے گا اور براق کے پاکستانی مداحوں کو ان کے پاکستان میں وزٹ پر لمحہ بہ لمحہ آگاہ کرے گا-

باغی ٹی وی پاکستان کا ڈیجیٹل میڈیا کا معروف ادارہ ہے جسے نہ صرف پاکستان بلکہ اوورسیز پاکستانیوں میں بھی مقبولیت حاصل ہے۔ پاک ترکی تعلقات کی مضبوطی کے لیے بھی باغی ٹی وی کوشاں ہے۔ باغی ٹی وی برادر ملکوں پاکستان اور ترکی کے تعلقات کی مزید مضبوطی کے لیے اہم کردار ادا کر رہا ہے-جو کہ میڈیا کے میدان میں ایک قابل تحسین کاوش ہے-

ترک شیف براق اوزڈیمیر کا پاکستان سے اظہار محبت

عالمی شہرت یافتہ ترک شیف براق اوزڈیمیر کا پاکستان آنے کا اعلان

میری خواہش اور دعا ہے کہ میں جلد کشمیر آؤں ترک شیف براق اوزڈیمیر

عمران عباس کو بھی ترک شیف براق اوزڈیمیر کی پاکستان آمد کا بے چینی سے انتظار