Baaghi TV

Category: کھیل

  • جنوبی افریقہ کے 3 سابق کرکٹرز کرپشن کیس میں گرفتار

    جنوبی افریقہ کے 3 سابق کرکٹرز کرپشن کیس میں گرفتار

    پولیس نے جنوبی افریقہ کے 3 سابق کرکٹرز کو کرپشن کیس میں گرفتار کرلیا ہے۔

    میڈیا رپورٹس کے مطابق جنوبی افریقہ کی پولیس کا اس حوالے سے کہنا ہے کہ 3 سابق کرکٹرز کرپشن کیس میں گرفتار کرلیا ہے، سوٹ سوبے، سولوکیلی اور ایم بھالاتی پر میچ فکسنگ کے الزامات ہیں۔کرکٹ جنوبی افریقہ کے مطابق تینوں کھلاڑیوں کو 2017 میں کرکٹ سے معطل کیا جاچکا ہے۔اس سے قبل انٹرنیشنل کرکٹ کونسل (آئی سی سی) کے انسداد بدعنوانی ٹریبیونل نے میچ فکسنگ کا الزام سچ ثابت ہونے پر دو کھلاڑیوں پر پابندی عائد کردی تھی۔رپورٹس کے مطابق انٹرنیشنل کرکٹ کونسل میں اماراتی کھلاڑیوں محمد نوید اور شیمان انور کو میچ فکسنگ کا قصور وار قرار دیاگیا تھا۔متحدہ عرب امارات کی کرکٹ ٹیم کے کپتان محمد نوید اور بلے باز شیمان انور پر 2019 میں کرپشن کا الزام عائد کیا گیا تھا۔آئی سی سی کی جانب سے لگائے گئے الزامات کے مطابق محمد نوید اور شیمان انور نے 2019 کے ٹی20 ورلڈ کپ کے لیے کوالیفائی ہونے والے اماراتی ٹیم کے کھلاڑیوں کو میچ فکسنگ کی پیش کش کی تھی۔رپورٹ کے مطابق بعد ازاں اماراتی کرکٹ بورڈ نے محمد نوید پر ٹی ٹین لیگ سے متعلق دو کرپشن کیسز کا الزام عائد کیا گیا تھا۔

    سکیورٹی فورسز کی خیبرپختونخواہ میں کارروائیاں، 8 خارجی دہشتگرد ہلاک

    چین کا تائیوان کو ہتھیاروں کی فروخت کی امریکی منظوری پر شدید ردعمل

    پہلا ٹی ٹونٹی، پاکستان کا ٹاس جیت کر بیٹنگ کا فیصلہ

    پہلا ٹی ٹونٹی، پاکستان کا ٹاس جیت کر بیٹنگ کا فیصلہ

  • قومی برج ٹرائلز، شیخ عطا میموریل کے نتائج، باغی ٹی وی ٹیم سیمی فائنل میں

    قومی برج ٹرائلز، شیخ عطا میموریل کے نتائج، باغی ٹی وی ٹیم سیمی فائنل میں

    پاکستان کے قومی برج ٹرائلز، جو کہ شیخ عطا میموریل ٹرائلز کے نام سے معروف ہیں، ایک شاندار اختتام کو پہنچے۔

    ان ٹرائلز میں راؤنڈ رابن مرحلوں کے دوران چار بہترین ٹیموں نے شاندار کارکردگی کا مظاہرہ کیا۔ ان مقابلوں نے کھلاڑیوں کی مہارت اور لگن کو نمایاں کیا اور ملک کی بہترین برج ٹیموں کے درمیان سخت مقابلہ دیکھنے کو ملا۔گیارہ سخت اور چیلنجنگ راؤنڈز کے بعد، ٹیم بلال اور ٹیم تحسین نے بہترین حکمت عملی اور ٹیم ورک کا مظاہرہ کرتے ہوئے سرفہرست مقام حاصل کیا۔

    اس کے علاوہ، ٹیمز ایلیمینٹری اور باغی ٹی وی نے سیمی فائنلز کے لیے کوالیفائی کیا، جو ان کی زبردست محنت اور مہارت کو ظاہر کرتا ہے۔ٹیم باغی ٹی وی، جس کی قیادت معروف صحافی واینکر پرسن مبشر لقمان کر رہے ہیں، جنہیں اس وقت پاکستان برج فیڈریشن کا صدر اور برِج فیڈریشن آف ایشیا اینڈ مڈل ایسٹ کا نائب صدر ہونے کا اعزاز حاصل ہے، نے ٹرائلز میں اپنی بہترین مہارت کا مظاہرہ کیا۔

    ان ٹرائلز کے فاتحین کو 2025 میں دبئی میں ہونے والے بیفیم ایونٹ میں پاکستان کی نمائندگی کرنے کا اعزاز حاصل ہوگا، اور اس کے بعد وہ ڈنمارک میں ہونے والے برمودا باؤل میں بھی شرکت کریں گے، جو عالمی سطح پر ایک نمایاں ایونٹ ہے۔ٹرائلز میں مجموعی طور پر چار مختلف کیٹیگریز شامل تھیں، مگر یہاں پیش کردہ نتائج خاص طور پر اوپن ٹیمز پر مرکوز ہیں، جو اس سال کے ٹرائلز میں اعلیٰ سطح کے مقابلے اور عزم کو اجاگر کرتے ہیں۔

    پاکستان برج فیڈریشن تمام ٹیموں کو ان کی شاندار کارکردگی پر مبارکباد پیش کرتی ہے اور فائنلسٹ ٹیموں کے لیے نیک خواہشات کا اظہار کرتی ہے جو بین الاقوامی سطح پر پاکستان کی نمائندگی کے لیے تیار ہو رہی ہیں۔

  • پہلا ٹی ٹونٹی، پاکستان کا ٹاس جیت کر بیٹنگ کا فیصلہ

    پہلا ٹی ٹونٹی، پاکستان کا ٹاس جیت کر بیٹنگ کا فیصلہ

    تین ٹی ٹونٹی میچز کی سیریز کے پہلے مقابلے میں پاکستان نے زمبابوے کیخلاف ٹاس جیت کر پہلے بیٹنگ کرنے کا فیصلہ کیا ہے۔

    اس سے قبل زمبابوے کے خلاف پہلے ٹی 20 میچ کے لیے گیارہ رکنی ٹیم کا اعلان کر دیا گیا۔ سلمان علی آغا قومی ٹیم کی قیادت کریں گے جب کہ دیگر کھلاڑیوں میں صائم ایوب، عمیر بن یوسف ،عثمان خان، طیب طاہر، محمد عرفان خان، جہانداد خان ، محمد عباس آفریدی، حارث رؤف، ابرار احمد اور سفیان مقیم شامل ہیں۔پریس کانفرنس کے دوران کپتان سلمان علی آغا نے کہا ہے کہ سیریز میں نئے چہرے نظر آئیں گے۔ ان کا کہنا تھا کہ سب سے پہلی ترجیح تو سیریز جیتنا ہے، ہم اپنی بینچ اسٹرینتھ کو دیکھنا چاہتے ہیں ۔ انہوں نے کہا کہ اس سیریز میں ہمیں اپنے نوجوان کھلاڑیوں کو زیادہ سے زیادہ موقع دینا ہے، ہم نے ون ڈے سیریز جیتی اب بھی ہدف ٹی ٹونٹی سیریز جیتنا ہے۔ٹی20 ٹیم کے کپتان نے مزید کہا کہ ٹی ٹونٹی سیریز میں نئے چہرے نظر آئیں گے، یہ بھی وائٹ بال سیریز ہے ہمیں کچھ ایڈجسٹ ہونا پڑتا ہے۔ ان کا کہنا تھا کہ ٹی ٹونٹی سیریز میں اپنا مومینٹم برقرار رکھیں گے، اسکواڈ میں ہمارے پاس اچھے اسپنر ہیں، ہم جارحانہ انداز میں کھیلنے کی کوشش کریں گے۔

    روس نے امریکا کو نیوکلیئر ہتھیاروں کی جنگ کے تباہ کن اثرات سے خبردار کردیا

  • آئی سی سی چئیرمین کو ایک ماہ کی توسیع دینے کا فیصلہ

    آئی سی سی چئیرمین کو ایک ماہ کی توسیع دینے کا فیصلہ

    دبئی: آئی سی سی کے چیئرمین گریگ بارکلے کو ایک ماہ کی توسیع دینے کا فیصلہ کیا گیا ہے-

    باغی ٹی وی : کرکٹ ویب سائٹ کے مطابق گریگ بارکلے کے منصب کی میعاد یکم دسمبر کو ختم ہو رہی ہے، گریگ بارکلے کا تعلق نیوزی لینڈ سے ہے، انہوں نے اگست میں یہ منصب چھورنے کا اعلان کیا تھا، پہلے کہا گیا تھا کہ گریگ بارکلے 30 نومبر کو منصب چھوڑ دیں گے،اب ان کی مدت میں ایک ماہ تک کا اضافہ کیا جاسکتا ہے۔

    بورڈ آف کنٹرول فار کرکٹ ان انڈیا (BCCI) کے سکریٹری جے شاہ کو انٹرنیشنل کرکٹ کونسل (ICC) کا چارج سنبھالنے کے لیے انتظار کرنا پڑ سکتا ہے، کرکٹ پاکستان کی رپورٹس کے مطابق معلوم ہوا ہے کہ ان کی تقرری میں ایک ماہ کی تاخیر ہو سکتی ہے۔

    بی سی سی آئی کے سکریٹری جے شاہ یکم دسمبر سے آئی سی سی کا چارج سنبھالنے کے لیے تیار تھے تاہم، موجودہ چیئرمین گریگ بار کلے کو ایک ماہ کی توسیع دینے کا فیصلہ کیا گیا ہے تاکہ آئی سی سی کی قیادت میں ہموار منتقلی کو یقینی بنایا جا سکے۔

    بارکلے کے بعد آئی سی سی کے چیئرمین کے منصب پر جے شاہ فائز ہوں گے جو بلا مقابلہ منتخب ہوئے ہیں، انہیں یکم دسمبر کو چارج لینا ہے، اب ایسا لگتا ہے کہ آئی سی سی میں قیادت کی تبدیلی میں کم و بیش ایک ماہ کا وقت لگے گا،گریگ بارکلے نیوزی لینڈ کرکٹ (بورڈ) کے چیئرمین تھے، آئی سی سی کے چیئرمین کے منصب کے لیے منتخب ہونے پر انہوں نے قومی منصب چھوڑ دیا تھا تاکہ آئی سی سی میں ڈھنگ سے خدمات انجام دے سکیں۔

  • پاکستان ہائبرڈ ماڈل پر راضی، بھارتی میڈیا کا دعویٰ

    پاکستان ہائبرڈ ماڈل پر راضی، بھارتی میڈیا کا دعویٰ

    بھارتی میڈیا کا کہنا ہے کہ پی سی بی نے آئی سی سی چیمپئنز ٹرافی کےلیے ہائبرڈ ماڈل پر مشروط رضامندی ظاہر کردی۔

    باغی ٹی وی : بھارتی میڈیا کا دعویٰ ہےکہ پاکستان کرکٹ بورڈ چیمئنز ٹرافی کے لیے ہائبرڈ ماڈل پر مشروط طور پر مان گیا ہے، پاکستان کی شرط ہے کہ آئندہ انڈیا میں ہونے والے آئی سی سی ایونٹس میں پاکستان کے لیے بھی ہائبرڈ ماڈل ہوگا،اگر انڈیا پاکستان میں نہیں کھیلے گا تو پاکستان کے لیے بھی وہی فارمولا ہونا چاہیے۔

    رپورٹ کے مطابق پی سی بی کی شرط ہےکہ اگر انڈیا چیمپئنز ٹرافی کے سیمی فائنل اور فائنل میں نہ پہنچا تو یہ میچز پاکستان میں ہی ہوں گے یو اے ای میں ہونے والے میچز کی گیٹ منی سے اماراتی بورڈ پی سی بی کو حصہ دےگا،آئی سی سی چیمپئنز ٹرافی پر حتمی فیصلہ اگلے ایک دو روز میں متوقع ہے۔

    دوسری جانب دبئی میں گفتگو کرتے ہوئے چیئرمین پی سی بی محسن نقوی کا کہنا تھا کہ وہ کچھ کریں گے جس سے ملک اور کرکٹ کی جیت ہو ، ایسا فیصلہ ہوگا کہ آئی سی سی کے مستقبل کے ایونٹس بھی اسی فارمولالے کے تحت ہوں گے، ون سائیڈ فیصلے نہیں کرنے دیں گے، جیت ہم نے کرکٹ کی کرنی ہے، فیصلے برابری کی بنیاد پر ہونے چاہئیں، ہم بھارت جائیں اور وہ پاکستان نہ آئیں، ایسا نہیں ہوسکتا ہے، لانگ ٹرم بات کرنا ہوگی، فیصلے صرف چیمپئنز ٹرافی تک محدود نہیں کیے جاسکتے، طویل مدت پر ٹورنامنٹس کے لیے فارمولا طےکرنا ہوگا۔

    ذرائع پی سی بی کا کہنا ہےکہ پاکستان کی شرائط نہ مانی گئیں تو پاکستان چیمپئنز ٹرافی کا ہائبرڈ ماڈل بھی نہیں مانےگا۔

  • پاکستان زمبابوے پہلا ٹی 20، پاکستان کی پلیئنگ الیون کا اعلان

    پاکستان زمبابوے پہلا ٹی 20، پاکستان کی پلیئنگ الیون کا اعلان

    بلاوائیو:زمبابوے کے خلاف 3 ٹی ٹوئنٹی میچز کی سیریز کے پہلے میچ کے لیے پاکستان کی پلیئنگ الیون کا اعلان کردیا گیا۔

    باغی ٹی وی : سلمان علی آغا قومی ٹیم کی قیادت کریں گے دیگر کھلاڑیوں میں صائم ایوب،عمیربن یوسف اورعثمان خان، طیب طاہر، محمدعرفان خان، جہانداد خان ، محمدعباس آفریدی،حارث رؤف، ابرار احمد اور سفیان مقیم ٹیم میں شامل ہیں۔

    بلاوایئو میں پریس کانفرنس کے دوران کپتان سلمان علی آغانے کہا ہے کہ ہدف ون ڈے کی طرح یہ سیریز بھی جتنا ہے، سب سے پہلی ترجیح تو سیریز جیتنا ہے، ہم اپنی بینچ اسٹرینتھ کو دیکھنا چاہتے ہیں،اس سیریز میں ہمیں اپنے نوجوان کھلاڑیوں کو زیادہ سے زیادہ موقع دینا ہے، ہم نے ون ڈے سیریز جیتی اب بھی ہدف ٹی20 سیریز جیتنا ہے۔

    سلمان علی آغا نے کہا کہ ٹی ٹوئنٹی سیریز میں نئے چہرے نظر آئیں گے، یہ بھی وائٹ بال سیریز ہے ہمیں کچھ ایڈجسٹ ہونا پڑتا ہے ٹی ٹوئنٹی سیریز میں اپنا مومینٹم برقرار رکھیں گے، اسکواڈ میں ہمارے پاس اچھے اسپنر ہیں، ہم جارحانہ انداز میں کھیلنے کی کوشش کریں گے۔

  • انڈر 19 ایشیا کپ : پاکستان نے بھارت کو شکست دے دی

    انڈر 19 ایشیا کپ : پاکستان نے بھارت کو شکست دے دی

    دبئی: پاکستان نے انڈر 19 ایشیا کپ کرکٹ میں بھارت کو 43 رنز سے شکست دیدی-

    باغی ٹی وی : دبئی میں کھیلے گئے میچ میں پاکستان ٹاس جیت کر پہلے بیٹنگ کا فیصلہ کیا، پاکستان نے7 وکٹوں کے نقصان پر281 رنز اسکور کیے، بلے باز شاہ زیب خان نے 10چھکوں کی مدد سے 159رنز کی فاتحانہ اور جارحانہ اننگ کھیلی، اوپنرز عثمان خان اور شاہ زیب خان کی پہلی وکٹ پر 160 رنز کی شراکت قائم کی۔

    282 رنز ہدف کے تعاقب میں بھارتی ٹیم 47.1 اوورزمیں 238رنزپرڈھیر ہوگئی اور بھارت کو 43 رنز سے شکست ہوئی،بھارت انڈر-19 کے نکھل کمار 67 اور محمد عنان نے 30 رنز بنا کر نمایاں رہے، پاکستان کے علی رضا نے36رنزدےکرتین وکٹیں حاصل کیں، عبدالسبحان اور فہم الحق نے دو دو کھلاڑیوں کوآؤٹ کی نوید احمد اور عثمان خان نے ایک ایک وکٹ لی۔

  • ہم نے کرکٹ اور سیاست کو الگ الگ رکھنا ہے ۔ محسن نقوی

    ہم نے کرکٹ اور سیاست کو الگ الگ رکھنا ہے ۔ محسن نقوی

    دئبی۔چئیرمین پاکستان کرکٹ بورڈ محسن نقوی کی متحدہ عرب امارات کے کرکٹ بورڈ کے سابق سیکرٹری و آئی سی سی ایسوسی ایٹس ممبر کمیٹی کے چیئرمین مبشر عثمانی سے ملاقات ہوئی

    ملاقات کے دوران چیمپئنز ٹرافی ٹورنامنٹ کے انعقاد کے حوالے سے اہم امور پر تبادلہ خیال کیا گیا،پاکستان اور یو اے ای میں کرکٹ کے فروغ کیلئے مزید اقدامات پر گفتگو کی گئی، چئیرمین پی سی بی محسن نقوی نے چیمپئنز ٹرافی ٹورنامنٹ کے حوالے سےبات چیت کی،سٹیڈیمز کی اپ گریڈیشن پراجیکٹس پر پیش رفت کے بارے میں بھی بتایا گیا، محسن نقوی کا کہنا تھا کہ پاکستان چیمپئنز ٹرافی ٹورنامنٹ کے انعقاد کے لیے پوری طرح تیار ہےپاکستان پر امن ملک ہےاور پاکستانی قوم کرکٹ کے کھیل سے محبت کرتی ہے۔ سکیورٹی سمیت تمام تر انتظامات کو حتمی شکل دی جا چکی ہے۔ کرکٹ شائقین چیمپئنز ٹرافی کے بڑے مقابلے کے لیے بے تاب ہیں۔ تمام ممالک کو سٹیٹ گیسٹ کا پروٹوکول اور سکیورٹی دی جائے گی۔چیمپئنز ٹرافی ٹورنامنٹ کا انعقاد پاکستان کے لئے اعزاز ہے اور ہم ہر ٹیم کو کھلے دل سے خوش آمدید کہتے ہیں۔ ہم نے کرکٹ اور سیاست کو الگ الگ رکھنا ہے ۔ اس موقع پر چیف آپریٹنگ آفیسر پی سی بی سمیر احمد اور ایڈوائزر سلمان نصیر بھی اس موقع پر موجود تھے

  • آئی سی سی چیمپئنز ٹرافی ،معاملات مثبت سمت میں بڑھنے کا امکان

    آئی سی سی چیمپئنز ٹرافی ،معاملات مثبت سمت میں بڑھنے کا امکان

    آئی سی سی چیمپئنز ٹرافی کیلئے اسٹیک ہولڈرز کے درمیان معاملات مثبت سمت میں آگے بڑھ رہے ہیں

    آئی سی سی چیمپئنز ٹرافی کے انعقاد کے حوالے سے اسٹیک ہولڈرز کے درمیان معاملات اب مثبت سمت میں آگے بڑھ رہے ہیں۔ چیمپئنز ٹرافی کی میزبانی کے بارے میں گزشتہ روز دبئی میں ہونے والا آئی سی سی کا ہنگامی اجلاس اہمیت کا حامل تھا، تاہم اس اجلاس میں کوئی حتمی فیصلہ نہیں کیا جا سکا تھا۔

    آئی سی سی، پاکستان کرکٹ بورڈ (پی سی بی) اور بھارتی کرکٹ بورڈ (بی سی سی آئی) کے درمیان اس معاملے کو حل کرنے کے لیے اتفاق رائے پر بات کی گئی تھی۔ اجلاس میں یہ فیصلہ کیا گیا تھا کہ اس معاملے کو تینوں اداروں کے مشترکہ اجلاس کے ذریعے حل کیا جائے گا۔ اسی سلسلے میں ایک نیا اجلاس آج دوبارہ بلانے کا فیصلہ کیا گیا تھا۔تاہم، اس کے بعد اطلاعات موصول ہوئیں کہ آج ہونے والی آئی سی سی بورڈ میٹنگ ملتوی کر دی گئی ہے۔ لیکن ذرائع نے بتایا ہے کہ چیمپئنز ٹرافی کے وینیو اور شیڈول سے متعلق پس پردہ بات چیت کا سلسلہ جاری ہے، اور جلد ہی اس بارے میں کوئی اہم پیشرفت متوقع ہے۔

    ذرائع کا کہنا ہے کہ آئی سی سی بورڈ میٹنگ کسی بھی وقت، ممکنہ طور پر آج رات یا کل بلائی جا سکتی ہے۔ یہ بات بھی سامنے آئی ہے کہ اسٹیک ہولڈرز کے درمیان معاملات اب مثبت سمت میں آگے بڑھ رہے ہیں اور جلد ہی اس اہم ٹورنامنٹ کے حوالے سے کوئی حتمی فیصلہ متوقع ہے۔چیمپئنز ٹرافی کے حوالے سے یہ پیشرفت کرکٹ دنیا میں اہمیت کی حامل ہے کیونکہ یہ ٹورنامنٹ بین الاقوامی کرکٹ کے منظرنامے پر ایک اہم مقام رکھتا ہے اور اس کی میزبانی کے لیے مختلف ممالک اور کرکٹ بورڈز کے درمیان مسلسل مشاورت جاری ہے۔

    یہ پیشرفت پاکستان کرکٹ کے لیے بھی ایک بڑی خوشخبری ہو سکتی ہے کیونکہ پاکستان میں بین الاقوامی کرکٹ کی واپسی کی کوششیں مسلسل جاری ہیں، اور آئی سی سی چیمپئنز ٹرافی کا انعقاد پاکستان کے کرکٹ شائقین کے لیے ایک تاریخی موقع ہوگا۔آگے آنے والے دنوں میں مزید اطلاعات اور تفصیلات سامنے آئیں گی جس سے اس ٹورنامنٹ کے انعقاد کے بارے میں حتمی فیصلہ کیا جا سکے گا۔

  • پاکستان کو چیمپئنز ٹرافی ہائبرڈ ماڈل نہ ماننے پرمنتقلی کی دھمکی

    پاکستان کو چیمپئنز ٹرافی ہائبرڈ ماڈل نہ ماننے پرمنتقلی کی دھمکی

    انٹرنیشنل کرکٹ کونسل کا چیمپئنز ٹرافی کی میزبانی سے متعلق فیصلے کے لیے اہم اجلاس کل تک کے لیے ملتوی ہوگیا۔

    غیر ملکی میڈیا رپورٹس کے مطابق بھارت مکمل چیمپئنز ٹرافی پاکستان سے باہر لے جانے کےلیے لابنگ کررہا ہے لیکن پی سی بی نے بھی بھارتی حربے بلاک کرنے کی تیاری مکمل کرلی ہے، پاکستان کرکٹ بورڈ کوئی بھی آپشن اپنی شرائط کے بغیر تسلیم نہیں کرے گا۔ ایونٹ کی میزبانی کے فرائض پاکستان کے سپرد ہیں تاہم بھارتی انکار کے بعد آئی سی سی کے پیش کردہ ہائبرڈ ماڈل کو چیئرمین پی سی بی اور حکومت نے ماننے سے صاف انکار کرتے ہوئے دوٹوک پیغام دیا ہےکہ فیصلہ برابری کی بنیاد پر ہوگا۔پاکستان کا کہنا ہے کہ اگر بھارت کو کسی قسم کا فائدہ پہنچایا گیا تو پاکستانی ٹیم آئندہ ایونٹس میں روایتی حریف کے خلاف کسی بھی میدان میں کھیلنے کے لیے نہیں اترے گی۔ اُدھر بھارتی کرکٹ بورڈ (بی سی سی آئی) اپنے اسپانسرز اور پیسے کا رعب دکھاتے ہوئے انٹرنیشنل کرکٹ کونسل (آئی سی سی) کو ہائبرڈ ماڈل پر ایونٹ کروانے کے لیے مجبور کرے گا۔پاکستان نے بورڈ میٹنگ سے قبل ہی ٹرافی کا قابل قبول فارمولا طلب کیا تھا۔ اس سلسلے میں چیئرمین پی سی بی محسن نقوی نے پاکستان کے واضح مؤقف سے آئی سی سی کو آگاہ کردیا ہے۔ محسن نقوی کا کہنا تھا کہ ہم زخم سہہ لیں گے لیکن ہم اپنی عزت پر بات نہیں آنے دیں گے۔ پی سی بی چیمپئینز ٹرافی کے تمام انتظامات تقریباً مکمل کرچکا ہے اور حتمی فیصلے کا انتظار ہے۔دوسری جانب براڈ کاسٹرز کی جانب سے شیڈول کے لیے دی گئی ڈیڈلائن بھی ختم ہوچکی ہے، دونوں ممالک کے درمیان ڈیڈلاک کی وجہ سے معاملات بورڈ ممبرز کی ووٹنگ کے ذریعے حل کیا جاسکتا ہے۔

    ریلوے آمدن میں اضافہ ،بلند ترین سطح پر پہنچ گئی

    سونے کی اونچی اڑان، آج بڑا اضافہ

    جنرل ساحر شمشاد کا نیول آپریشنل بیس اورماڑہ کا دورہ

    پسند کی شادی پر باجوڑ سے علاقہ بدر کیے گئے میاں بیوی کراچی میں قتل

    آرمی چیف کا نیشنل کاؤنٹر ٹیررازم سینٹر کا دورہ،مشقوں کا مشاہدہ کیا