Category: کھیل

پاکستان کرکٹ ٹیم نے بھارت کے خلاف ایشیا کپ کے فائنل کی پوری فیس رواں برس 7 مئی میں بھارت کی جانب سے کیے جانے والے حملے میں شہید ہونے والے شہریوں کے نام کردی

گزشتہ روز دبئی میں کھیلے گئے ایشیا کپ کے فائنل میں بھارت نے سنسنی خیز مقابلے کے بعد پاکستان کو آخری اوور میں 5 وکٹوں سے شکست دی،لیکن ٹورنامنٹ جیتنے کے باوجود بھارتی ٹیم کی ہٹ دھرمی برقرار رہی اور انہوں نے چیئرمین ایشین کرکٹ کونسل محسن نقوی سے ٹرافی لینے سے انکار کیا تاہم محسن نقوی بھی ڈٹ گئے جس پر بھارتی ٹیم کو ٹرافی کے بغیر ہی مایوس ہو کر گراؤنڈ سے باہر جانا پڑا،ٹورنامنٹ کے دوران بھارتی ٹیم کے کپتان سوریا کمار یادیو کو سیاسی پریس کانفرنس کرنے پر جرمانہ بھی ہوا لیکن انہوں نے فائنل میچ کے بعد ایک بار پھر پریس کانفرنس کے دوران اعلان کیا کہ وہ ایشیا کپ میں کھیلے گئے اپنے تمام میچز کی فیس بھارتی فوج کو دینے کا اعلان کرتے ہیں۔

اب پاکستان کرکٹ بورڈ کی جانب سے بھی سوشل میڈیا پر ایک بیان جاری کیا گیا ہے جس میں کہا گیا ہے کہ پاکستان کرکٹ ٹیم ایشیا کپ کے فائنل کی تمام فیس 7 مئی کو ہونے والے حملے میں شہید ہونے والے بچوں اور عام شہریوں کے نام کرتی ہے، ہماری دعائیں متاثرہ خاندانوں کے ساتھ ہیں

چیئرمین پاکستان کرکٹ بورڈ محسن نقوی نے قومی کرکٹ ٹیم کے کھلاڑیوں کو بھارت کے خلاف ایشیا کپ کے فائنل میں کھل کر مقابلہ کرنے کا پیغام دیا ہے۔

نجی ٹی وی کے مطابق ذرائع کا بتانا ہے کہ بھارت کے خلاف بڑے اور فیصلہ کن میچ سے قبل محسن نقوی نے قومی کھلاڑیوں کو اہم پیغام بھجواتےہوئے کہا کہ کھل کر بھارتی ٹیم کا مقابلہ کریں اور جو چاہیں کریں، میں سب کچھ ہینڈل کر لوں گا۔

ایشیا کپ فائنل سے قبل پاکستان ٹیم کے ہیڈ کوچ مائیک ہیسن نے اپنے پیغام میں کہا کہ ایشیا کپ کے دوران اور اس سے پہلے اس ٹیم نے جو جذبہ دکھایا اس پر فخر ہے، ہم شاید بہت اچھا نہیں کھیلے مگر یہ یقین دلاتا ہوں کہ ہم نے کبھی ہار نہیں مانی،پاکستان اور بھارت کے درمیان ایشیا کپ کا فائنل آنے میں 41 سال لگے، آج کا میچ بڑا شاندار ہوگا۔

خیال رہے کہ پاکستان اور بھارت کے درمیان ایشیا کپ کا فائنل آج دبئی میں کھیلا جائے گا، روایتی حریف ایشیا کپ کی 41 سالہ تاریخ میں پہلی بار فائنل میں آمنے سامنے ہوں گے۔

دبئی: پاکستان اور بھارت کے درمیان ایشیا کپ کا فائنل کل بروز اتوار دبئی انٹرنیشنل کرکٹ اسٹیڈیم میں کھیلا جائے گا، جس کا شائقین کرکٹ بے صبری سے انتظار کر رہے ہیں۔

ذرائع کے مطابق دونوں ملکوں کی ٹیموں کے درمیان حالیہ تناؤ کے باعث اس مرتبہ فائنل سے پہلے دونوں کپتانوں کا ٹرافی کے ساتھ روایتی فوٹو شوٹ نہیں ہوگا۔ ٹورنامنٹ کے منتظمین نے اس کی باضابطہ تصدیق کرتے ہوئے کہا ہے کہ آج (ہفتے کو) فوٹو شوٹ کا کوئی انعقاد نہیں ہو رہا، البتہ اتوار کو میچ سے قبل اس حوالے سے حتمی فیصلہ متوقع ہے۔

دلچسپ بات یہ ہے کہ بھارت کی ٹیم نے ایونٹ کے دوران پاکستان کے خلاف کھیلے گئے دونوں میچز میں کھلاڑیوں سے ہاتھ ملانے سے گریز کیا، اور امکان ظاہر کیا جا رہا ہے کہ کل ہونے والے فائنل میں بھی ایسا ہی ماحول دیکھنے کو ملے گا۔ کرکٹ مبصرین کے مطابق یہ صورتحال کھیل کے روایتی کھیل روح کو متاثر کر رہی ہے۔

ادھر پاکستان کرکٹ ٹیم کے کپتان سلمان علی آغا آج رات پاکستانی وقت کے مطابق 7 بجے پریس کانفرنس کریں گے جس میں وہ ٹیم کی تیاریوں اور حکمتِ عملی سے متعلق صحافیوں کو آگاہ کریں گے۔ اس کے علاوہ قومی ٹیم دبئی میں واقع آئی سی سی اکیڈمی میں رات 7 بجے سے 10 بجے تک فائنل کے لیے خصوصی پریکٹس سیشن میں حصہ لے گی۔

ایشیا کپ فائنل نہ صرف دونوں ممالک کے شائقین کے لیے اعصاب شکن مقابلہ ثابت ہوگا بلکہ یہ دونوں ٹیموں کے کھلاڑیوں کے اعصاب کا بھی سخت امتحان ہوگا۔ شائقین کرکٹ کی نظریں دبئی اسٹیڈیم پر جمی ہوئی ہیں جہاں کل روایتی حریف ایک بار پھر آمنے سامنے ہوں گے۔

انٹرنیشنل کرکٹ کونسل نے بھارتی شکایت پر حارث رؤف پر بھی جرمانہ عائد کردیا۔

کرکٹ ویب سائٹ کے مطابق میچ ریفری نے حارث رؤف کو قصور وار قرار دیتے ہوئے میچ فیس کا 30 فیصد جرمانہ عائد کیا،ویب سائٹ نے دعویٰ کیا کہ میچ ریفری نے صاحبزادہ فرحان کے خلاف کوئی کارروائی نہیں اور انہیں وارننگ دی ہے۔

قبل ازیں ایشیا کپ 2025 کے سپر فور مرحلے میں پاک بھارت میچ کے دوران اشاروں پر تنازع کے بعد پاکستانی کرکٹرز صاحبزادہ فرحان اور حارث رؤف نے آئی سی سی کے میچ ریفری اینڈی پائی کرافٹ کے سامنے اپنا مؤقف پیش کیا،بھارتی کرکٹ بورڈ (بی سی سی آئی) نے صاحبزادہ فرحان کے خلاف نصف سنچری مکمل کرنے کے بعد کیے گئے ’گن شوٹ‘ اشارے پر شکایت درج کرائی تھی، جبکہ حارث رؤف سے ان کے مبینہ ’6-0‘ کے اشارے پر وضاحت طلب کی گئی،ذرائع کے مطابق صاحبزادہ فرحان نے سماعت میں بتایا کہ وہ خیبرپختونخوا سے تعلق رکھتے ہیں اور یہ اشارہ وہاں کی ثقافت اور جشن منانے کا حصہ ہے۔ یہ عمل نہ تو سیاسی تھا اور نہ ہی بھارت کے خلاف کیا گیا، بلکہ یہ پشتون روایتی انداز میں خوشی منانے کا طریقہ ہے۔

دوسری جانب، حارث رؤف سے جب بار بار ’6-0‘ اشارے کی وضاحت پوچھی گئی تو انہوں نے مؤقف اپنایا کہ یہ صرف شائقین کو انگیج کرنے کے لیے تھا اور اس کا کوئی منفی مقصد نہیں تھا۔ اس پر میچ ریفری واضح جواب دینے میں مشکل کا شکار نظر آئے

انٹرنیشنل کرکٹ کونسل نے 14 ستمبر کو ایشیا کپ میں پاک بھارت میچ کے بعد پریزنٹیشن میں متازع گفتگو پر بھارتی کپتان سوریا کمار یادیو کو قصور وار قرار دے کر جرمانہ عائد کر دیا۔

آئی سی سی نے پاکستان کے خلاف میچ کے بعد پریزنٹیشن میں متازع گفتگو پر بھارتی کپتان سوریا کمار یا کو قصوروار قرار دیا ہے۔نجی ٹی وی کے مطابق ذرائع کا کہنا ہے کہ بھارتی کپتان پاکستانی شکایت پر کل آئی سی سی ریفری کے سامنے پیش ہوئے تھے تاہم آج آئی سی سی میچ ریفری رچی رچرڈ سن نے فیصلہ سنایا اور سوریا کمار پر سیاسی بیان دینے کا الزام ثابت ہوا ہے،آئی سی سی نے بھارتی کرکٹ ٹیم کے کپتان سوریا کمار یادیو پر میچ فیس کا 30 فیصد جرمانہ عائد کیا ہے،سوریا کمار یادیو کے خلاف فیصلے کی تفصیلات جلد آئی سی سی جاری کرےگا۔

واضح رہے کہ 14 ستمبر کو بھارتی کپتان سوریا کمار نے ایشیا کپ کے گروپ اسٹیج میچ میں جیت کے بعد پریزنٹیشن میں گفتگو کرتے ہوئے پہلگام واقعے کا ذکر کرتے ہوئے متنازع بات کی تھی،جس کے بعد پاکستان کرکٹ بورڈ کی جانب سے بھارتی کپتان سوریا کمار یادیو کے خلاف آئی سی سی کو خط لکھا گیا تھا جس میں متنازع اور سیاسی بیان بازی پر بھارتی کپتان کے خلاف کارروائی کا مطالبہ کیا گیا تھا،گزشتہ روز انٹرنیشنل کرکٹ کونسل( آئی سی سی) نے ایشیا کپ میں پاک بھارت میچ کے بعد پریزنٹیشن میں متنازع اور سیاسی بیان بازی کے ذریعے ہیرو بننے کی کوشش پر بھارتی کپتان سوریا کمار یادیو کی سرزنش کی تھی۔