Baaghi TV

Category: کھیل

  • ایشیا کپ سپر 4: پاکستان کی سری لنکا کو 5 وکٹوں سے شکست

    ایشیا کپ سپر 4: پاکستان کی سری لنکا کو 5 وکٹوں سے شکست

    ایشیا کپ سپر 4 راؤنڈ میں پاکستان نے سری لنکا کو 5 وکٹوں سے شکست دے دی ہے۔

    ابوظبی میں کھیلے گئے میچ میں پاکستان نے سری لنکا کا 134 رنز کا ہدف 5 وکٹوں کے نقصان پر 18ویں اوور میں حاصل کر لیا۔80 کے مجموعے پر 6 کھلاڑیوں کے آؤٹ ہونے کے بعد حسین طلعت اور محمد نواز نے ناقابل شکست بیٹنگ کرتے ہوئے پاکستان کو جیت دلانے میں اہم کردار ادا کیا۔محمد نواز 38 اور حسین طلعت 32 رنز کی زمہ دارانہ ناٹ آؤٹ اننگز کھیلیں۔اوپنر بلے باز صاحب زادہ فرحان 24، فخر زمان 17، محمد حارث 13، کپتان سلمان علی آغا 5 اور صائم ایوب 2 رنز بنا کر آؤٹ ہوئے۔

    سری لنکن ٹیم نے مقررہ 20 اوورز میں 8 وکٹوں کے نقصان پر 133 رنز بنائے، کامندو مینڈس 50 رنز کے ساتھ نمایاں رہے۔ پاتھن آسالنکا نے 20، پریرا اور ہاسارنکا نے 15، 15، پاتھن نسنکا نے 8 جبکہ کوشل مینڈس بغیر کھاتہ کھولے آؤٹ ہوئے۔ چمیکا کرونارتنے 17 رنز پر ناٹ آؤٹ رہے۔پاکستانی بولرز نے شاندار کارکردگی دکھائی۔ شاہین شاہ آفریدی نے 3 وکٹیں حاصل کیں، حارث رؤف اور حسین طلعت نے 2، 2 جبکہ ابرار احمد نے ایک کھلاڑی کو آؤٹ کیا۔

    پاکستان نے بھارت کے خلاف گزشتہ میچ والی ٹیم ہی سری لنکا کے خلاف برقرار رکھی۔ ایونٹ میں دونوں ٹیمیں سپر فور مرحلے کے اپنے ابتدائی میچز میں شکست سے دوچار ہوچکی ہیں۔

    مستونگ میں دھماکا، جعفر ایکسپریس کی 6 بوگیاں پٹڑی سے اتر گئیں، 4 زخمی

  • پی سی بی کا ملک بھر میں سکولز کے لئے بڑے ٹیلنٹ ہنٹ پروگرام کا آغاز

    پی سی بی کا ملک بھر میں سکولز کے لئے بڑے ٹیلنٹ ہنٹ پروگرام کا آغاز

    پاکستان کرکٹ بورڈ (پی سی بی) نے ملک بھر میں اسکولز کے لیے بڑے ٹیلنٹ ہنٹ پروگرام کا آغاز کردیا۔

    تفصیلات کے مطابق چئیرمین پی سی بی محسن نقوی نے ٹیلنٹ ہنٹ پروگرام برائے اسکولز 2025-26 کا افتتاح کردیاٹیلنٹ ہنٹ پروگرام برائے اسکولز کی افتتاحی تقریب کا انعقاد کریسنٹ ماڈل ہائیر اسکول میں ہوا جہاں چئیرمین پی سی بی نے ٹورنامنٹ کی ٹرافی کی رونمائی کی۔

    چئیرمین پی سی بی کا کریسنٹ ماڈل ہائیر سیکنڈری اسکول اور کریسنٹ گرامر اسکول کے کھلاڑیوں سے تعارف کرایا گیامحسن نقوی نے ٹیموں کو پی سی بی کے کٹ بیگز دیےاس موقع پر چیئرمین پی سی بی نے کہا کہ ٹیلنٹ ہنٹ پروگرام ملک بھر کے تمام صوبوں میں بیک وقت شروع ہو رہا ہے جس میں 391 اسکولز حصہ لے رہے ہیں۔

    https://x.com/TheRealPCBMedia/status/1970354860647207328

    محسن نقوی نے بتایا کہ ٹیلنٹ ہنٹ پروگرام میں 175 سرکاری اسکولز جبکہ 218 نجی اسکولز شامل ہیں، ہمارا مقصد یوتھ سے نئے کرکٹ اسٹارز کی تلاش ہےامید ہے کہ ٹورنامنٹ سے نئے کھلاڑی سامنے آئیں گے جو پاکستان ٹیم میں شامل ہوکر ملک کا نام روشن کریں گے۔

    محسن نقوی نے بتایا کہ ٹیلنٹ ہنٹ پروگرام سے سکولز سے کرکٹ سٹارز ابھریں گے،میں نےکریسنٹ ماڈل ہائیر سکول میں تعلیم حاصل کی اس سکول سے بہت سے یادیں وابستہ ہیں،خوشی ہے کہ ٹورنامنٹ کا آغاز کریسنٹ ماڈل ہائیر سکول سے ہو رہا ہے ہم اسی گراؤنڈ میں کئی کئی گھنٹے گھنٹے گزارتے تھے یہ پروگرام ٹیلنٹ کی تلاش کے دائرہ کار کو وسعت دینے اور نوجوانوں کو روایتی ڈھانچے کے علاوہ تعلیمی اداروں سے سامنے لانے کی جانب ایک اہم قدم ہے۔محسن نقوی

    محسن نقوی نے بتایا کہ،طلباء کو تعلیم کے ساتھ ساتھ پیشہ وارانہ کرکٹ میں کیریئر بنانے کا موقع ملے گا،تمام سکولز بہترین ٹیلنٹ سامنے لائیں گے اور ہم اچھے کھلاڑیوں کا انتخاب کریں گے،پی سی بی ٹورنامنٹ میں جیتنے والی سکولز ٹیمز کی حوصلہ افزائی کرے گا ،بہترین کارکردگی دکھانے والے کھلاڑیوں کو U15، U17 اور U19 ریجنل ٹیموں اور اکیڈمیوں میں شامل کیا جائے گا

    بورڈ آف گورنرز پی سی بی کے ممبر انوار غنی۔منیجنگ ٹرسیٹز کریسنٹ ماڈل ہائیر سکول میاں سیلم الطاف۔ پرنسپل رابعہ نجم۔ صدر ایل سی سی اے خواجہ ندیم
    ۔سیکرٹری سپورٹس۔ ڈی جی پنجاب سپورٹس بورڈ بھی اس موقع پر موجود تھے چیف فنانشل آفیسر پی سی بی جاوید مرتضی۔ ڈائریکٹر ڈومیسٹک کرکٹ عبداللہ خرم نیازی اور متعلقہ حکام نےبھی افتتاحی تقریب میں شرکت،کی-

  • پاکستان نے کامن ویلتھ بیچ ہینڈ بال چیمپئن شپ جیت لی

    پاکستان نے کامن ویلتھ بیچ ہینڈ بال چیمپئن شپ جیت لی

    پاکستان نے مالدیپ میں منعقدہ کامن ویلتھ بیچ ہینڈ بال چیمپئن شپ اپنے نام کرلی۔

    فائنل میں پاکستان نے سری لنکا کو اسٹریٹ سیٹس میں 0-2 سے شکست دی۔فیصلہ کن میچ میں پاکستان نے پہلا سیٹ 18-26 اور دوسرا سیٹ 12-28 سے اپنے نام کیا۔ پاکستان کی ٹیم پورے ٹورنامنٹ میں ناقابل شکست رہی۔

    ایونٹ کے سیمی فائنل میں پاکستان نے بنگلادیش کو شکست دے کر فائنل میں جگہ بنائی تھی، جبکہ ابتدائی میچ میں بھارت کو بھی 0-2 سے آؤٹ کلاس کیا تھا۔

    اقوام متحدہ جنرل اسمبلی کا 80واں اجلاس شروع، وزیراعظم خطاب کریں گے

    چار بیویاں اور 100 سے زائد بچے،اماراتی محقق کے خطاب پر حاضرین حیران

    سویلین کے کورٹ مارشل کی اجازت، آرمی ایکٹ آئین کے مطابق قرار،سپریم کورٹ کا تفصیلی فیصلہ

    حنیف عباسی سے امریکی ناظم الامور کی ملاقات، سرمایہ کاری پر گفتگو

  • ایشیا کپ: پاکستانی ٹیم ابوظبی پہنچ گئی، کل اہم میچ ہوگا

    ایشیا کپ: پاکستانی ٹیم ابوظبی پہنچ گئی، کل اہم میچ ہوگا

    پاکستان کرکٹ ٹیم ایشیا کپ ٹی ٹوئنٹی کے سپر فور مرحلے کا دوسرا میچ کھیلنے کے لیے دبئی سے ابوظبی پہنچ گئی ہے، جہاں کل سری لنکا کے خلاف میدان میں اترے گی۔

    ٹیم مینجمنٹ کے مطابق آج قومی ٹیم کی کوئی سرگرمی شیڈولڈ نہیں تھی، کھلاڑیوں نے ابوظبی پہنچنے کے بعد آرام کیا جبکہ کچھ کرکٹرز نے معمول کے مطابق انفرادی طور پر جم میں ٹریننگ کی۔خیال رہے کہ پاکستان سپر فور کے پہلے میچ میں بھارت کے ہاتھوں شکست کھا چکا ہے، اس لیے فائنل کی دوڑ میں شامل رہنے کے لیے منگل کو سری لنکا کو ہر حال میں شکست دینا ضروری ہے۔ قومی ٹیم کا اگلا میچ جمعرات کو بنگلادیش سے ہوگا۔

    گزشتہ روز دبئی میں بھارت کے خلاف کھیلے گئے میچ میں پاکستانی بولرز 172 رنز کا دفاع نہ کرسکے اور بھارت نے پاکستان کو 6 وکٹوں سے شکست دے کر سپر فور مرحلے میں لگاتار چوتھی کامیابی حاصل کرلی۔ یہ آٹھویں بار ہے کہ پاکستان بھارت کے خلاف پہلے بیٹنگ کرتے ہوئے شکست سے دوچار ہوا۔

  • فخر زمان کا غلط آؤٹ، پاکستان نے امپائر کےخلاف شکایت کردی

    فخر زمان کا غلط آؤٹ، پاکستان نے امپائر کےخلاف شکایت کردی

    پاکستان ٹیم مینجمنٹ نے ایشیا کپ کے دوران بھارت کے خلاف میچ میں فخر زمان کو غلط آؤٹ پر آئی سی سی کو باضابطہ شکایت درج کروا دی۔

    پاکستان نے فخر زمان کے آوٹ ہونے کا معاملہ اٹھا دیا اور اس حوالے سے انٹرنیشنل کرکٹ کونسل (آئی سی سی) میں باضابطہ شکایت درج کروائی گئی ہے،قومی ٹیم منیجمنٹ نے ٹی وی امپائر کے خلاف بھی شکایت درج کروائی اور میچ ریفری اینڈی پائیکرافٹ کو اپنے تحفظات سے آگاہ کیا، فخر زمان کے آؤٹ پر شک واضح تھا مگر امپائر نے مزید زاویوں سے چیک کرنے کے بجائے شک کا فائدہ بھارت کو دیا۔

    واضح رہے کہ امپائر کے غلط فیصلے کے خلاف نہ صرف سوشل میڈیا صارفین نے برہمی کا اظہار کیا بلکہ وسیم اکرم، وقار یونس، محمد عامر، محمد حفیظ اور فواد عالم نے بھی فیصلے کو غلط قرار دیا،سابق کرکٹر سعید اجمل نے سوشل میڈیا پر اپنے پیغام میں کہا کہ یہ وہی امپائر ہے جسے آپ لوگ جاکر پھول دے کر آئے تھے، اب اس کا نتیجہ دیکھ لیا، یہ ہمارے ساتھ ایسا ہی کرتے ہیں۔

    پاکستان اور یو اے ای کے میچ کے درمیان محمد حارث کی جانب سے باؤلنگ سائیڈ پر موجود صائم ایوب کی جانب تھرو کی گئی گیند فیلڈ امپائر کے سر پر لگی تھی جس کے بعد قومی ٹیم مینجمنٹ ان کی عیادت کے لیے ہسپتال گئی تھی اور گزشتہ روز کا غلط فیصلہ بھی اسی امپائر نے دیا تھا۔

  • ایشیا کپ: بھارت کی فتح، مگر حارث رؤف شائقین کی توجہ کا مرکز بنے

    ایشیا کپ: بھارت کی فتح، مگر حارث رؤف شائقین کی توجہ کا مرکز بنے

    ایشیا کپ سپر فور کے دوسرے میچ میں بھارت نے پاکستان کو 6 وکٹوں سے شکست دے دی، تاہم پاکستانی فاسٹ باؤلر حارث رؤف میدان اور میدان کے باہر دونوں جگہ موضوعِ بحث رہے۔

    پاکستان کی جانب سے دیا گیا 172 رنز کا ہدف بھارتی ٹیم نے 4 وکٹوں کے نقصان پر حاصل کر لیا۔ اس دوران حارث رؤف نہ صرف بھارتی بلے بازوں کا سامنا کرتے رہے بلکہ شائقین کو بھی دلچسپ انداز میں جواب دیتے رہے۔میچ کے دوران بھارتی فینز نے حارث رؤف کو بار بار ’کوہلی کوہلی‘ کے نعرے لگا کر چڑانے کی کوشش کی، تو جواب میں فاسٹ باؤلر نے ہاتھوں کے اشاروں سے 6 رافیل طیاروں کے گرنے کی کہانی دہرا دی، جس پر اسٹیڈیم گونج اٹھا۔

    حارث کے اس ردعمل کی ویڈیو سوشل میڈیا پر وائرل ہوگئی اور صارفین نے دلچسپ تبصرے کیے۔ ایک صارف نے لکھا: ”رافیل طیاروں کے گرنے کی بہترین نقل“، جب کہ دوسرے نے کہا: ”0-6 زبردست جواب ہے“۔ شیر علی نامی صارف نے تبصرہ کیا: ”حارث بھارتیوں کو دکھا رہے تھے کہ ان کے جہاز کیسے گرائے گئے“۔

    احسن اقبال چین روانہ، سی پیک فیز ٹو کے مستقبل پر غور ہوگا

    روسی دراندازی،پولینڈ اور بالٹک ریاستوں کا دفاع کریں گے،ٹرمپ

    پاکستان میں زیرِ التواء مقدمات سنگین مسئلہ، ثالثی ہی بہترین حل ہے: اعظم نذیر تارڑ

    برطانیہ، آسٹریلیا اور کینیڈا کا فلسطین کو تسلیم کرنا تاریخی پیش رفت ہے،حماس

  • پاک–بھارت میچ میں حارث رؤف اور ابھیشیک شرما کے درمیان گرما گرمی

    پاک–بھارت میچ میں حارث رؤف اور ابھیشیک شرما کے درمیان گرما گرمی

    ایشیا کپ ٹی ٹوئنٹی 2025 کے سپر فور مرحلے میں پاکستان اور بھارت کے درمیان سنسنی خیز مقابلے کے دوران ایک موقع پر ماحول خاصا کشیدہ ہو گیا جب پاکستانی فاسٹ بولر حارث رؤف اور بھارتی بلے باز ابھیشیک شرما آمنے سامنے آ گئے۔

    تفصیلات کے مطابق حارث رؤف کے اوور کی پہلی گیند پر بھارتی اوپنر شبمن گل نے 142 کلومیٹر فی گھنٹہ کی رفتار سے آنے والی گیند کو مڈ وکٹ کی جانب کھیل کر چوکا جڑ دیا۔ اس شاٹ کے فوراً بعد حارث رؤف اور ابھیشیک شرما کے درمیان تلخ جملوں کا تبادلہ ہوا، جس پر امپائر کو بیچ بچاؤ کرنا پڑا۔اسی اوور میں ابھیشیک شرما نے بھی جارحانہ انداز اپناتے ہوئے ایک چوکا لگایا اور مجموعی طور پر 7 رنز حاصل کیے۔ اس دوران دونوں کھلاڑیوں کے درمیان نظریں ملنے اور جملوں کے تبادلے کا سلسلہ جاری رہا، جس سے ماحول میں مزید کشیدگی بڑھ گئی۔

    یہ لمحہ اسٹیڈیم میں موجود تماشائیوں کے لیے بھی انتہائی سنسنی خیز اور پرجوش ثابت ہوا۔ دونوں ٹیموں کے سپورٹرز نے اپنے کھلاڑیوں کے حق میں نعرے بازی کی، جس سے میچ کا جوش و خروش مزید بڑھ گیا۔

    پاک سعودی دفاعی معاہدہ اور ‘معرکۂ حق’ نے بھارت کو عبرت دی،وزیراعظم آزادکشمیر

    غیر ملکی نہیں، مقامی مصنوعات استعمال کریں،مودی کی اپیل

    جنوبی لبنان میں اسرائیلی ڈرون حملہ، 5 افراد شہید

    ایشیا کپ سپر فور:پاکستان کا بھارت کو جیت کیلئے 172 رنز کا ہدف

  • ایشیا کپ سپر 4: بھارت کی پاکستان کو 6 وکٹوں سے شکست

    ایشیا کپ سپر 4: بھارت کی پاکستان کو 6 وکٹوں سے شکست

    ایشیا کپ سپر فور راؤنڈ کے دوسرے مقابلے میں بھارت نے پاکستان کو 6 وکٹوں سے شکست دے دی ہے۔

    دبئی کرکٹ اسٹیڈیم میں کھیلے گئے میچ میں بھارت نے پاکستان کا 172 رنز کا ہدف 4 وکٹوں کے نقصان پر 19ویں اوور میں حاصل کر لیا۔بھارتی کپتان سوریا کمار یادو دوسری ہی گیند پر کیچ آؤٹ ہو گئے۔بھارتی اوپنر بیٹر ابھیشک شرما نے پاکستانی باؤلرز کے خلاف جارحانہ بلے بازی کی اور صرف 39 گیندوں پر 74 رنز کی اننگز کھیلی، بلے باز کو ابرار احمد نے آؤٹ کیا۔ میچ میں پاکستان نے پہلے بیٹنگ کرتے ہوئے 5 وکٹوں کے نقصان پر 171 رنز بنائے، ٹاپ آرڈر بلے باز صاحب زادہ فرحان شاندار 58 رنز بنا کر شیوم دھوبے کا شکار بنے۔

    صائم ایوب 17 گیندوں پر 21 اور اوپنر بلے باز فخر زمان 9 گیندوں پر 15 رنز بنا کر پویلین واپس لوٹے، جبکہ حسین طلعت 11 گیندوں پر 10 رنز بنا کر وکٹ گنوا بیٹھے۔روایتی حریف بھارت کے خلاف اہم میچ کے لیے پاکستان نے دو تبدیلیاں کی ہیں۔حسین طلعت اور فہیم اشرف کو فائنل الیون میں شامل کیا گیا۔حسن نواز اور اسپنر صفیان مقیم کو اسکواڈ سے ڈراپ کردیا گیا۔

    قومی ٹیم کی پلیئنگ الیون

    کپتان: سلمان علی آغا
    دیگر کھلاڑی: صائم ایوب، فخر زمان، محمد حارث، صاحب زادہ فرحان، محمد نواز، حسین طلعت، فہیم اشرف، ابرار احمد، شاہین شاہ آفریدی، حارث رؤف۔

    گروپ اسٹیج میں بھارتی ٹیم ناقابل شکست رہی تھی، جبکہ پاکستان نے 2 میچز جیتے اور ایک میں شکست کا سامنا کیا۔

  • پاک بھارت میچ،بھارتی کپتان نے پاکستانی کپتان سے ہاتھ نہ ملایا

    پاک بھارت میچ،بھارتی کپتان نے پاکستانی کپتان سے ہاتھ نہ ملایا

    ایشیا کپ ٹی ٹوئنٹی 2025 کے سپر 4 مرحلے میں پاک بھارت میچ میں بھارتی کپتان نے پاکستانی کپتان سے ہاتھ نہیں ملایا۔

    آج کھیلے جانے والے پاک بھارت میچ میں بھارت نے ٹاس جیت کر پہلے بیٹنگ کا فیصلہ کیا تاہم ٹاس کے بعد بھارتی کپتان سوریا کمار یادو نے پاکستانی کپتان سلمان علی آغا سے ہاتھ نہیں ملایا، خیال رہے کہ گزشتہ ہفتے بھی پاک بھارت میچ میں ٹاس کے وقت بھارتی کپتان نے پاکستانی کپتان سے ہاتھ نہیں ملایا تھا، بھارتی کھلاڑیوں نے میچ کے اختتام پر بھی پاکستانی کھلاڑیوں سے ہاتھ نہیں ملایا تھا،بعد ازاں یہ بات سامنے آئی تھی کہ آئی سی سی کے میچ ریفری اینڈی پائی کرافٹ نے کپتانوں کو ہاتھ نہ ملانے کا کہا تھا جو کہ اسپورٹس مین اسپرٹ کی خلاف ورزی تھی،پاکستان نے اینڈی پائی کرافٹ کے اس اقدام پر سخت احتجاج کیا تھا اور ٹورنامنٹ کے آئندہ میچ نہ کھیلنے کی دھمکی دی تھی جس کے بعد اینڈی پائی کرافٹ نے اپنے اقدام پر معافی مانگ لی تھی،آج کے میچ میں بھی اینڈی پائی کرافٹ میچ ریفری کے فرائض انجام دے رہے ہیں۔

    ایشیا کپ ٹی ٹوئنٹی کے سپر فور مرحلے کے دوسرے میچ میں نے بھارت نے پاکستان کے خلاف ٹاس جیت کر پہلے فیلڈنگ کا فیصلہ کیا ہے،ایشیا کپ میں آج پاک بھارت ٹاکرا دبئی انٹرنیشنل اسٹیڈیم میں ہو رہا ہے، اینڈی پائی کرافٹ ہی میچ ریفری ہیں،پاکستانی اسکواڈ میں آج 2 تبدیلیاں کی گئی ہیں، پاکستانی ٹیم میں آج فہیم اشرف اور حسین طلعت پلیئنگ الیون میں شامل کیےگئے ہیں،قومی ٹیم صائم ایوب، صاحبزادہ فرحان، فخر زمان، حسین طلعت، فہیم اشرف، سلمان علی آغا، محمد نواز، محمد حارث (وکٹ کیپر)، شاہین شاہ آفریدی، حارث رؤف اور ابرار احمد پر مشتمل ہے۔

    بھارتی ٹیم میں بھی دو تبدیلیاں ہوئی ہیں، جسپریت بھمراہ اور ورون چکرورتی کی واپسی ہوئی ہے،

  • ایشیا کپ سپر فور مرحلہ: پاک-بھارت ٹاکرا آج

    ایشیا کپ سپر فور مرحلہ: پاک-بھارت ٹاکرا آج

    ایشیا کپ 2025 کے سپر فور مرحلے میں روایتی حریف پاکستان اور بھارت کی کرکٹ ٹیمیں آج دوسری بار مدمقابل ہوں گی۔

    رپورٹ کے مطابق سپرفور مرحلے میں پاک بھارت میچ دبئی کے میدان میں کھیلا جائے گا،پاکستانی وقت کے مطابق میچ رات ساڑھے 7 بجے شروع ہو گا،پاکستان ٹیم مینجمنٹ نے بھارت کے خلاف اہم میچ کے لیے 12 کھلاڑیوں کا انتخاب کیا ہے،خوشدل شاہ کی حتمی ٹیم میں شمولیت کے امکانات کم ہیں، جبکہ حسن نواز اور بائیں ہاتھ کے اسپنر سفیان مقیم پلیئنگ الیون کا حصہ نہیں ہوں گے۔

    اطلاعات کے مطابق آج کے میچ میں پاکستان کی ممکنہ ٹیم صائم ایوب، صاحبزادہ فرحان، فخر زمان، فہیم اشرف، کپتان سلمان علی آغا، محمد نواز، حسین طلعت، وکٹ کیپر محمد حارث، شاہین شاہ آفریدی، حارث رؤف اور ابرار احمد پر مشتمل ہو سکتی ہے،کوچ مائیک ہیسن اور کپتان سلمان علی آغا نے بھارتی بیٹنگ لائن کو قابو کرنے کے لیے نئی حکمت عملی تیار کر لی ہے۔ ٹیم اس بار اسپن کے بجائے فاسٹ بولنگ پر زیادہ انحصار کرے گی۔

    کراچی : مین ہول کی صفائی کے دوران دم گھٹنے سے 3 مزدور جاں بحق

    اس سے قبل گروپ میچ میں بھارت نے پاکستان کو شکست دی تھی، جس کے بعد پاکستان نے متحدہ عرب امارات کو شکست دے کر سپرفور مرحلے میں اپنی جگہ بنائی۔ جبکہ پاکستان نے عمان کو بھی شکست دے کر اپنے پوائنٹس میں اضافہ کیا۔

    گزشتہ روز بھارتی میڈیا نے دعویٰ کیا کہ سپرفور مرحلے میں پاکستان اور بھارت کے میچ کے دوران متنازعہ ریفری اینڈی پائی کرافٹ ہی ریفری ہوں گے۔

    ٹرمپ کی بگرام ایئربیس واپس نہ کرنے پر افغانستان کو سنگین نتائج کی دھمکی