صوبائی وزیرکھیل وامورنوجوانان رائے تیمورخان بھٹی نے نیشنل ہاکی سٹیڈیم میں پنجاب اولمپک ایسوسی ایشن کے نئے دفترکا افتتاح کردیا ہے، اس موقع پرصدرپنجاب اولمپک ایسوسی ایشن عامرجان، سیکرٹری ادریس حیدرخواجہ، سپورٹس فیڈریشنزاورایسوسی ایشنز کے نمائندے بھی موجود تھے.
صوبائی وزیرکھیل وامورنوجوانان رائے تیمورخان بھٹی نے کہا ہے کہ اولمپیئن نوید عالم مرحوم کے علاج کے لئے پنجاب حکومت نے فوری اقدامات کئے تھے، مگر اللہ کی رضا ہے کہ نوید عالم اب ہم میں نہیں رہے ہیں، مرحوم نوید عالم کے اہلخانہ کی مددکے لئے اقدامات اٹھائے جائیں گے، ساؤتھ ایشیئن گیمزکے لئے ہماری تیاری مکمل ہے، گیمز کے لئے بہترین انتظامات کررہے ہیں، سپورٹس پالیسی میں کھلاڑیوں اورویٹرن کھلاڑیوں کیلئے فنڈ زرکھے گئے ہیں، کھلاڑیوں کی فلاح وبہبود کا خاص خیال رکھا گیا ہے جو ماضی میں نہیں رکھا گیا، وقت کے ساتھ ساتھ بہتری آرہی ہے، گراس روٹ لیول پرگراؤنڈزبنا رہے ہیں، ہائی پرفارمنس سنٹر قائم کررہے ہیں، نشتر پارک سپورٹس کمپلیکس میں فائیوسٹارہوٹل بنانے کے لئے رپورٹ پی پی پی اتھارٹی کوبجھوادی ہے، اتھارٹی نے ایڈوائرمقررکردیا ہے، ہوٹل نشترپارک سپورٹس کمپلیکس میں ہی بنایا جائے گا۔
