Category: کھیل

ون ڈے سیریز میں کامیابی ،پاکستان آئی سی سی ون ڈے سپر لیگ میں کونسے نمبر پر آ گیا ؟
پاکستان کی جنوبی افریقہ کے خلاف ون ڈے سیریز میں کامیابی ،پاکستان آئی سی سی ون ڈے سپر لیگ میں دوسرے نمبر پر آگیا

کامیابی کے بعد پاکستان کے 40 پوائنٹس ہوگئے ہیں انگلش ٹیم کے بھی اب تک لیگ میں 40 پوائنٹس ہیں انگلیند کا رن ریٹ پاکستان سے بہتر ہے آسٹریلوی ٹیم تیسرے اور نیوزی لینڈ چوتھے نمبر پر ہے انڈین ٹیم آئی سی سی سپر لیگ میں آٹھویں نمبر پر ہے

دوسری جانب قومی کرکٹ ٹیم کے کپتان بابراعظم نے کہا کہ آج کے میچ میں تجربے کو دیکھتے ہوئے سرفراز کو موقع دیا۔ جنوبی افریقا کے خلاف ٹاپ آرڈر نے بہت عمدہ پرفارم کیا ۔سیریز میں کوشش کہ وکٹ پر رک کر کھیلوں ۔ ٹاپ آرڈر کا فارم میں آنا انتہائی مفید رہا ۔ سیریز میں مڈل آرڈر بیٹنگ نے پرفارم نہیں کیا ۔ٹیم کی مجموعی کارکردگی سے مطمئن ہوں ۔سیریز میں بلے بازوں ،فیلڈرز اور باولرز نے بہت عمدہ پرفارم کیا ۔ آئی سی سی رینکنگ میں نمبرون بلے باز بننا خوشی کی بات ہوگی۔ میری کوشش ہوتی ہے کہ ٹیم کے لیے کھیلوں اور سب کو ساتھ لے کر چلوں ۔

علاوہ ازیں پاکستان کرکٹ بورڈ کے بورڈ آف گورنرز کا 62واں اجلاس 10 اپریل بروز ہفتہ کو ہوگا۔ کورونا وائرس کے بڑھتے کیسز اور بورڈ ارکان کی صحت اور حفاظت کے پیشِ نظر یہ اجلاس آن لائن ہوگا۔ اجلاس میں چیئرمین اور چیف ایگزیکٹو کی رپورٹس . آڈٹ کمیٹی کی رپورٹ، ہیومن ریسورس اینڈ ریمونریشن، رسک منیجمنٹ اور کمرشل افیئرز کمیٹیز پر اپڈیٹ ،ماڈل آئین برائے کرکٹ کلبز پر تبادلہ خیال ،دیگر امور زیر بحث آئیں گے اجلاس کے اختتام پر پی سی بی پریس ریلیز کے ذریعے اجلاس کی کارروائی سے متعلق آگاہ کرے گا۔

پی سی بی کا قومی انڈر 19 کرکٹ ٹیم کے دورہ بنگلہ دیش کیلئے کپتان کا اعلان

پاکستان کرکٹ بورڈ نے اعلان کیا ہے کہ دورہ بنگلہ دیش کے لیے قومی انڈر 19 کرکٹ ٹیم کی قیادت ابھرتے ہوئے نوجوان آلراؤنڈر قاسم اکرم کریں گے۔

18 سالہ قاسم اکرم نے گزشتہ سال جنوبی افریقہ میں کھیلے گئے آئی سی سی انڈر 19 کرکٹ ورلڈ کپ میں 46.50 کی اوسط سے 93 رنز بنانے کے ساتھ ساتھ 3 وکٹیں بھی حاصل کی تھیں۔ ایونٹ سے واپسی پر نوجوان بیٹنگ آلراؤنڈر کو عمدہ صلاحیتوں کی بدولت سینٹرل پنجاب میں شامل کیا گیا، جہاں انہوں نے ڈومیسٹک سیزن 21-2020 میں 8 فرسٹ کلاس، 12 لسٹ اے اور 10 ٹی ٹونٹی میچز کھیلے۔ وہ ایچ بی ایل پی ایس ایل 6 میں کراچی کنگز کے اسکواڈ کا بھی حصہ رہے۔انہوں نے پاکستان کپ کے 12 میچوں میں ایک سنچری اور تین نصف سنچریوں کی بدولت 57.75 کی اوسط سے 462 رنزبنانے کے ساتھ ساتھ 4 وکٹیں بھی حاصل کیں۔ نوجوان آلراؤنڈر نے قائداعظم ٹرافی کی 14 اننگز میں تین نصف سنچریوں کی مدد سے 35.36 کی اوسط سے 389 رنز اسکور کیے، اس ایونٹ میں انہوں نے 13 وکٹیں حاصل کیں، جس میں ایک اننگز میں پانچ وکٹیں حاصل کرنا بھی شامل ہے۔نیشنل ٹی ٹونٹی کپ میں قاسم اکرم نے 6 میچوں میں 72 رنز بنائے اور 3 وکٹیں حاصل کیں۔

قاسم اکرم کا کہنا ہے کہ پاکستان انڈر 19 کرکٹ ٹیم کی قیادت کرنا ان کے لیے ایک اعزاز ہے، اعتماد کا اظہار کرنے پر وہ ٹیم منیجمنٹ کے مشکور ہیں، گزشتہ ایک سال سے کارکردگی میں بتدریج بہتری آرہی ہے۔ انہوں نے کہا کہ ڈومیسٹک سیزن 21-2020 میں سینٹرل پنجاب کی نمائندگی کے دوران انہوں نے بہت کچھ سیکھا ہے، جس کا فائدہ اٹھانے کی کوشش کریں گے۔قاسم اکرم نے کہا کہ وہ اپنی صلاحیتوں کو ٹیم کی قیادت میں بروئے کار لانے کی ہر ممکن کوشش کریں گے تاکہ آئندہ سال ویسٹ انڈیز میں شیڈول آئی سی سی انڈر 19 کرکٹ ورلڈکپ کی تیاریوں میں مدد مل سکے۔انہوں نے کہا کہ دورہ بنگلہ دیش قومی انڈر 19 کرکٹ ٹیم کے لیے ایک مفید تجربہ ثابت ہوگا۔

دوسری طرف دورے کے لیے حتمی 17 رکنی قومی انڈر 19 کرکٹ ٹیم کا اعلان کردیا گیا ہے۔ فاسٹ باؤلر عاصم علی، اسپنر ارحم نواب اور بیٹسمین رضوان محمود حتمی اسکواڈ میں جگہ نہیں بناسکے تاہم یہ تینوں کرکٹرز اسکواڈ کی 17 اپریل کو بنگلہ دیش روانگی سے قبل تک تربیتی کیمپ کا حصہ رہیں گے۔

حتمی 17 رکنی اسکواڈ:

قاسم اکرم (کپتان) (سینٹرل پنجاب) ، عباس علی (خیبر پختونخوا) ، عبد الفصیح (ناردرن) ، عبدالواحد بنگلزئی (بلوچستان) ، عالیان محمود (سندھ) ، احمد خان (خیبر پختونخوا) ، علی اسفند (سینٹرل پنجاب) ، فہد منیر (سینٹرل پنجاب) ، فیصل اکرم (سدرن پنجاب) ، حسیب اللہ (وکٹ کیپر) (بلوچستان) ، معاذصداقت (خیبر پختونخوا) ، محمد عرفان نیازی (سینٹرل پنجاب) ، محمد شہزاد (سدرن پنجاب) ، منیب واصف (سینٹرل پنجاب) ، رضا المصطفٰی (وکٹ کیپر) (ناردرن) ، طاہر حسین (سدرن پنجاب) اور ذیشان ضمیر (سندھ)۔

اسپورٹ اسٹاف:

اعجاز احمد (ہیڈ کوچ اور ٹیم منیجر) ، عمران اللہ (ٹرینر) راؤ افتخارانجم (باؤلنگ کوچ) ، مہتشم رشید (فیلڈنگ کوچ) ، حافظ نعیم (فزیو تھراپسٹ) ، کرنل (ر) صفدر سعید (سیکورٹی منیجر) ، فیصل رائے (اینالسٹ) اور عماد احمد حمید (میڈیا منیجر)۔

نیا شیڈول:

17 اپریل: بنگلہ دیش روانگی
23 تا 26 اپریل: واحد چار روزہ میچ بمقام سلہٹ
30 اپریل: پہلا پچاس اوورز پر مشتمل میچ بمقام سلہٹ
2 مئی: دوسرا پچاس اوورز پر مشتمل میچ بمقام سلہٹ
4 مئی: تیسرا پچاس اوورز پر مشتمل میچ بمقام سلہٹ
7 مئی: چوتھا پچاس اوورز پر مشتمل میچ بمقام ڈھاکہ
9 مئی: پانچواں پچاس اوورز پر مشتمل میچ بمقام ڈھاکہ
10 مئی: وطن واپسی

فیصلہ کن معرکہ میں شاہینوں کاپروٹیز کو اچھا ہدف

باغی ٹی وی : جنوبی آفریقہ کی ٹیم پاکستان کے 321 کے ہدف کے تعاقب میں اپنی بیٹنگ جاری رکھے ہوئے ہے . سات اورز میں 37 رنز بنائے ہیں اور ان کا کوئی نقصان نہیں ہوا ہے . پاکستان اور جنوبی افریقا کے خلاف تین ون ڈے میچز کی سیریز کے فیصلہ کن میچ میں قومی ٹیم نے پروٹیز کو 321 رنز کا ہدف دیدیا ہے۔ فخر زمان نے شاندار سنچری بنائی، جنوبی افریقا کے درمیان سیریز کے فیصلہ کن ون ڈے میچ کا ٹاس میزبان ٹیم نے جیتا اور شاہینوں کو بیٹنگ کی دعوت دی۔

اوپنرز امام الحق اور فخر زمان کریز پر آئے اور پہلی شراکت داری میں ایک چھکے اور 7 چوکوں کی مدد سے 112 رنز بنائے تاہم 22 ویں اوور کی پہلی گیند پر امام الحق مہاراج کی بال پر کیچ دے بیٹھے، انہوں نے 57 رنز بنائے۔

فخر زمان نے جنوبی افریقا کے خلاف 99 گیندوں پر ون ڈے کیرئیر کی چھٹی سنچری مکمل کی اور اگلے ہی لمحے 101 رنز پر مہاراج ہی کی گیند پر کیچ آوٹ ہوئے۔ ان کی اننگز میں 9 چوکے اور 3 چھکے شامل ہیں۔

محمدرضوان جلد بازی میں 7 گیندوں پر 2 رنز بنا کر سٹیمپ آؤٹ ہو گئے۔ ایک مرتبہ پھر مہاراج نے وکٹ حاصل کی۔ 15 ماہ بعد ون ڈے ٹیم میں واپس آنے والے سرفراز احمد کی اننگز 13 گیندوں پر 13 رنز پر محدود رہی، سمٹس نے اپنی ہی گیند پرکیچ پکڑا .

بعد ازان کپتان بابر اعظم کا ساتھ دینے کے لیے آنے والے مڈل آرڈر بیٹسمین ایک کے بعد ایک آؤٹ ہوتے گئے، تاہم بابر نے اپنا عمدہ کھیل جاری رکھا اور ٹیم کو 300 رنز کے قریب پہنچایا۔

ایک موقع پر پاکستان کے لیے 300 رنز کا ہندسہ عبور کرنا بھی مشکل دکھائی دے رہا تھا، ایسے میں حسن علی نے 4 چھکوں اور ایک چوکے کی مدد سے صرف 11 گیندوں پر 32 رنز بنا کر ٹیم کو 320 رنز تک پہنچایا۔

بابر اعظم اپنی سنچری مکمل نہ کرسکے اور 94 رنز پر اننگز کی آخری گیند پر کیچ آؤٹ ہوگئے۔

فیفا سے پاکستان فٹ بال فیڈریشن کی معطلی فٹ بالر مایوس ہوگئے

باغی ٹی وی : فیفا سے پاکستان فٹ بال فیڈریشن (پی ایف ایف) کی رکنیت معطل ہونے پر قومی فٹبالرز نے مایوسی کا اظہارکیا ہے ا

اس سلسلے میں فٹ بالر کلیم اللہ کا کہنا ہے کہ پانچ سال میں دوسری مرتبہ پاکستان فٹبال فیڈریشن کومعطل کیا ہے، صورتحال کا سب سے زیادہ نقصان قومی فٹبالرز اور پاکستان کے امیج کا ہے

قومی ویمن فٹ بالر فاطمہ انصاری کا کہنا ہے کہ معطلی کے بعد ہم سب کا مستقبل تباہ ہوجائے گا، موجودہ صورتحال پاکستان میں فٹبالرز کےلیے بہت دکھ کی بات ہے۔حکومت کو ان حالات میں کنٹرول کرنا چاہیے .

واضح رہے کہ فیفا کی جانب سے پاکستان فٹبال فیڈریشن کے معاملات میں بیرونی مداخلت پر پاکستان کی رکنیت معطل کی گئی ہے۔ اطلاعات کے مطابق فیفیا نے پی ایف ایف ہیڈ کوارٹر پر مبینہ قبضے کی وجہ سے رکنیت معطل کی ہے پاکستان فٹبال فیڈریشن نارملازیشن کمیٹی کو اختیارات کی واپسی تک پاکستان کی رکنیت معطل رہے گی۔

فیفا نے پی ایف ایف کے معاملات میں بیرونی مداخلت پر پاکستان کو رکنیت معطل کرنے کے حوالہ سے وارننگ بھی دی تھی،فیفا کی جانب سے لکھے گئے ایک خط میں کہا گیا تھا کہ بدھ 31 مارچ کی رات تک فیڈریشن کا چار ج ہارون ملک کے حوالے نہ کیا گیا تو پاکستان فٹبال کے خلاف کارروائی کی جائے گی۔ پی ایف ایف کے فٹبال ہاؤس میں در اندازی کا معاملہ کانگریس اجلاس میں لے جایا جائے گا۔اگر فیڈریشن کے حالات بہتر نہ ہوئے تو پاکستان فٹبال فیڈریشن کی رُکنیت کو معطل بھی کیا جاسکتا ہے

فیفا نے بیرونی معاملات میں مداخلت پر پاکستان کی رکنیت معطل کردی

فیفا کی جانب سے پاکستان فٹبال فیڈریشن کے معاملات میں بیرونی مداخلت پر پاکستان کی رکنیت معطل کی گئی ہے۔ اطلاعات کے مطابق فیفیا نے پی ایف ایف ہیڈ کوارٹر پر مبینہ قبضے کی وجہ سے رکنیت معطل کی ہے پاکستان فٹبال فیڈریشن نارملازیشن کمیٹی کو اختیارات کی واپسی تک پاکستان کی رکنیت معطل رہے گی۔

فیفا نے پی ایف ایف کے معاملات میں بیرونی مداخلت پر پاکستان کو رکنیت معطل کرنے کے حوالہ سے وارننگ بھی دی تھی،فیفا کی جانب سے لکھے گئے ایک خط میں کہا گیا تھا کہ بدھ 31 مارچ کی رات تک فیڈریشن کا چار ج ہارون ملک کے حوالے نہ کیا گیا تو پاکستان فٹبال کے خلاف کارروائی کی جائے گی۔ پی ایف ایف کے فٹبال ہاؤس میں در اندازی کا معاملہ کانگریس اجلاس میں لے جایا جائے گا۔اگر فیڈریشن کے حالات بہتر نہ ہوئے تو پاکستان فٹبال فیڈریشن کی رُکنیت کو معطل بھی کیا جاسکتا ہے

قومی انڈر 19 کرکٹ ٹیم کے دورہ بنگلہ دیش کا شیڈیول تبدیل ہوگیا

باغی ٹی وی : قومی انڈر 19 کرکٹ ٹیم کے دورہ بنگلہ دیش کا شیڈول تبدیل ہوگیا . قومی ٹیم 17 اپریل کو لاہور سے ڈھاکہ روانہ ہوگی

دورے کے لیے حتمی 17 رکنی قومی انڈر 19 کرکٹ ٹیم کا اعلان بعد میں کیا جائے گا. محدود طرز کی کرکٹ کے ابتدائی 3 میچز سلہٹ اور آخری دو ڈھاکہ میں کھیلے جائیں گے.دونوں ٹیموں میں واحد4روزہ میچ 23 اپریل سے سلہٹ میں شروع ہوگا،

لاک ڈاؤن کی وجہ سے قومی انڈر 19 اسکواڈ کی ڈھاکہ روانگی میں تاخیر ہوئی. قومی انڈر 19 کرکٹ ٹیم اب 10 مئی کو وطن واپس پہنچے گی،

شیڈول کے مطابق پاکستان ٹیم نے 12 اپریل کو بنگلہ دیش پہنچنا تھا ۔ ذرائع کے مطابق بنگلہ دیش میں لاک ڈاؤن میں اضافہ نہ ہونے کی صورت میں پاکستان جونئیر ٹیم کا ٹور بروقت ہوگا، تاہم لاک ڈاؤن میں اضافے کی صورت میں بنگلہ دیش بورڈ اپنی حکومت کی ہدایات پر عمل کرے گا۔ دونوں بورڈز کا ٹور کے حوالے سے باہمی رابطے برقرار رکھنے پر اتفاق ہوا ہے۔

قومی ٹیم ٹور میں ایک چار روزہ اور پانچ ایک روزہ میچز کھیلے گی۔ قومی ٹیم سہلٹ پہنچ کر 16 سے 17 اپریل تک ٹریننگ کرے گی۔ سہلٹ ہی میں 19 سے 22 اپریل تک واحد چار روزہ میچ کھیلا جائے گا۔ سیریز کے پہلے تین ایک روزہ میچز 26، 28 اور 30 اپریل کو سہلٹ میں ہوں گے جبکہ تین اور پانچ مئی کو تیسرا اور چوتھا ون ڈے ڈھاکہ میں ہوگا۔

شکست کے باوجود ٹیم کا مورال بلند ہے،مصباح الحق
باغی ٹی وی کی رپورٹ کے مطابق ہیڈ کوچ قومی کرکٹ ٹیم مصباح الحق نے کہا ہے کہ گزشتہ میچ میں شکست کے باوجود ٹیم کا مورال بلند ہے،

مصباح الحق کا کہنا تھا کہ ڈریسنگ روم کا ماحول بہت حوصلہ افزاء ہے، لڑکے سیریز جیتنے کے لیے پرامید ہیں،نوجوان کھلاڑیوں پر مشتمل اس ٹیم کے لیے ہر جیت بہت اہم ہے، سنچورین اور وانڈررز کی پچز جنوبی افریقی کنڈیشنز کی حقیقی ترجمانی کرتی ہیں، ان باؤنسی پچز پر ہمارے ٹاپ آرڈر بیٹسمین کا سنچری کرنا بہت خوش آئند ہے، یقین ہے کہ ہمارے باؤلرز تیسرے ون ڈے انٹرنیشنل میں بہترین کم بیک کریں گے،

مصباح الحق کا مزید کہنا تھا کہ مڈل آرڈر بیٹنگ میں بہتری کی ضرورت ہے، شاداب خان کے متبادل سمیت ٹیم کمبی نیشن کے لیے جو تبدیلی ضروری ہوئی کریں گے،

واضح رہے کہ شاداب خان دورہ جنوبی افریقہ اور زمبابوے سے باہر ہوگئے ہیں،پی سی بی کے مطابق شاداب خان بائیں پاؤں میں انجری کے باعث باہر کیے گئے، شاداب خان 4 ہفتوں کے لیے مسابقتی کرکٹ سے دور رہیں گے،شاداب خان بیٹنگ کے دوران بائیں پاؤں پر گیند لگنے کے باعث زخمی ہوئے،انجری ہونے پر شاداب خان کا ایکس رے کروایا گیا،انجری کا شکار ہونے پر شاداب خان کا ایکسرے کروایا گیا جس میں انٹرا آرٹیکلور کیمونیکیٹڈ فریکچر تشخیص ہوا جس پر ڈاکٹروں نے انہیں چار ہفتوں کے لیے آرام کی تجویز کی ہے

باغی ٹی وی کی رپورٹ کے مطابق شاداب خان دورہ جنوبی افریقہ اور زمبابوے سے باہر ہوگئے

پی سی بی کے مطابق شاداب خان بائیں پاؤں میں انجری کے باعث باہر کیے گئے، شاداب خان 4 ہفتوں کے لیے مسابقتی کرکٹ سے دور رہیں گے،شاداب خان بیٹنگ کے دوران بائیں پاؤں پر گیند لگنے کے باعث زخمی ہوئے،انجری ہونے پر شاداب خان کا ایکس رے کروایا گیا،انجری کا شکار ہونے پر شاداب خان کا ایکسرے کروایا گیا جس میں انٹرا آرٹیکلور کیمونیکیٹڈ فریکچر تشخیص ہوا جس پر ڈاکٹروں نے انہیں چار ہفتوں کے لیے آرام کی تجویز کی ہے

قومی کرکٹ ٹیم کے دورہ جنوبی افریقہ میں 3 ایک روزہ انٹرنیشنل میچز اور 4 ٹی ٹونٹی انٹرنیشنل میچز شامل ہیں۔قومی اسکواڈ وہاں سے 17 اپریل کو 3 ٹی ٹونٹی انٹرنیشنل میچز اور 2 ٹیسٹ میچز کھیلنے ہرارے روانہ ہوگا، جہاں سے 12 مئی کو قومی اسکواڈ کی وطن واپسی ہوگی۔

جنوبی افریقہ کی پاکستان کے خلاف بیٹنگ جاری
باغی ٹی وی : جوہانسبرگ میں کھیلے جانے والے دوسرے ون ڈے میں جنوبی افریقہ کی پاکستان کے خلاف بیٹنگ جاری ہے، ٹاس کی جیت پاکستان کے حصے میں آئی جس پر کپتان بابر اعظم نے جنوبی افریقہ کو پہلے بیٹنگ کی دعوت دی۔

پاک ساوتھ افریقہ دوسرے ون ڈے میں پروٹیز اوپنرز ڈی کوک اور ٹیمبا کریز پر موجود ہیں، ایک وکٹ کے نقصان پر 56 رنز سکور کیے ہیں. شاہین آفریدی نے ایک کھلاڑی کو آؤٹ کیا ہے .

جوہانسبرگ میں کھیلے جارہے دوسرے ون ڈے انٹرنیشنل میں پاکستان نے جنوبی افریقہ کے خلاف ٹاس جیت کر فیلڈنگ کا فیصلہ کیا۔

پاکستان کی جانب سے پہلے ون ڈے کی فاتح ٹیم کو برقرار رکھا گیا ہے اور کوئی تبدیلی نہیں کی گئی ہے۔

گزشتہ میچ میں پاکستان نے جنوبی افریقہ کو 3 وکٹوں سے شکست دی تھی، سنسنی خیز میچ میں بابر اعظم نے شاندار سنچری بنا کر شائقین کے دل جیت لئے، انہیں مین آف دی میچ قرار دیا گیا تھا۔

Pakistan win the toss and elect to field!#SAvPAK | #HarHaalMainCricket | #BackTheBoysInGreen pic.twitter.com/IFd0g99VDz

— Pakistan Cricket (@TheRealPCB) April 4, 2021

تین میچوں کی سیریز میں پاکستان کو ایک صفر کی برتری حاصل ہے۔

میزبان ٹیم کی جانب سے بھی دوسرے ون ڈے میں کوئی تبدیلی نہیں کی گئی ہے۔