Category: کھیل

قلندرز اب وہ ٹیم نہیں رہی ، لاہور قلندرز کے آل راؤنڈر جنوبی افریقی کرکٹر ڈیوڈ ویئسا نے کی بڑی بات

باغی ٹی وی :پی ایس ایل ٹیم لاہور قلندرز کے آل راؤنڈر جنوبی افریقی کرکٹر ڈیوڈ ویئسا کا کہنا ہے کہ قلندرز اب وہ ٹیم نہیں رہی کہ جسے کوئی کمزور یا ٹیبلز پر آخری پوزیشن پر رہنے والی ٹیم سمجھے، یہ ایک مضبوط ٹیم اور پی ایس ایل جیتنے کی سنجیدہ امیدوار ہے۔

ڈیوڈ ویئسا نے کہا کہ لاہور قلندرز نے ابتدائی دو میچز میں شاندار پرفارمنس کا مظاہرہ کرکے ٹورنامنٹ میں فاتحانہ آغاز کیا ہے جس سے پیغام جاتا ہے کہ اس بار کیا ارادے ہیں۔

ادھر پی ایس ایل 6 کا چھٹا میچ آج کراچی کنگز اور اسلام آباد یونائیٹڈ کے درمیان ہو گا، فاتحانہ آغاز کرنے والی دونوں ٹیمیں وِننگ ٹریک پر رہنے کے لیے پرعزم ہیں نیشنل کرکٹ اسٹیڈیم کراچی میں پی ایس ایل سکس کا چھٹا میچ، دفاعی چیمپئن کراچی کنگز، اسلام آباد یونائیٹڈ کے خلاف اِن ایکشن ہوں گے۔ دن کا واحد میچ شام سات بجے کھیلا جائے گا دونوں ٹیموں نے تیاریاں مکمل کر لیں، پلان بھی فائنل ہیں شائقین کو خوشگوار موسم میں چوکے چھکے لگنے کا انتظار ہے۔ شاداب خان کو کھلاڑیوں پر مان ہے، الیکس ہیلز اور آل راؤنڈر فہیم اشرف ٹیم کی جان ہوں گے

ایچ بی ایل پی ایس ایل ہر سال ترقی کی نئی منازل طے کرے گا، محمد نبی

افغانستان کے سابق کپتان محمد نبی پرامید ہیں کہ ایچ بی ایل پاکستان سپر لیگ ہر سال ترقی کی نئی منازل طے کر ےگی، یہ ایونٹ نوجوان کھلاڑیوں کو آگے بڑھنے کے مواقع فراہم کرتا ہے۔

36سالہ آلراؤنڈراس سال دفاعی چیمپئین کراچی کنگز کی نمائندگی کر رہے ہیں ، ماضی میں وہ کوئٹہ گلیڈی ایٹرز کی نمائندگی بھی کرچکے ہیں۔آلراؤنڈر محمد نبی اپنی جارحانہ بیٹنگ اور شاندار آف اسپن باؤلنگ کی بدولت دنیا بھر کی ٹی ٹونٹی لیگز میں اپنی صلاحیتوں کا اظہار کرچکے ہیں، وہ بگ بیش لیگ، کیربین پریمیئر لیگ، بنگلہ دیشں پریمیئر لیگ،افغانستان پریمیئر لیگ اور انگلینڈ وائٹلیٹی بلاسٹ میں شرکت کرچکے ہیں۔

محمد نبی کا کہنا کہ ایچ بی ایل پی ایس ایل خوب کامیابیاں سمیٹ رہی ہے۔ ایچ بی ایل پاکستان سپرلیگ کو ہر گزرتے وقت کے ساتھ مزید پذیرائی ملے گی کیونکہ یہاں ہر سال نئے کھلاڑی اس لیگ کا حصہ بن رہے ہیں، جب بھی کوئی لیگ اچھا مقامی ٹیلنٹ سامنے لاتی ہے تو اس کی پذیرائی میں اضافہ ہوتا ہے۔

ایڈیشن 2016 میں کوئٹہ گلیڈی ایٹرز کی نمائندگی کرنے والے محمد نبی ایچ بی ایل پی ایس ایل میں اپنی پہلی شرکت کو بھی یادگار سمجھتے ہیں۔ انہوں نےاس ٹورنامنٹ کے4 میچز میں شرکت کی تھی۔محمد نبی کا کہنا ہے کہ انہوں نے ایڈیشن 2016 کو بھی بہت انجوائے کیا اور اب وہ لیگ میں اپنے اس نئے سفر میں دفاعی چیمپئن، کراچی کنگز کی نمائندگی پر بھی فخر محسوس کرتے ہیں۔ کراچی کنگز اس ٹورنامنٹ کی دفاعی چیمپئین ہے، خواہش کہ وہ کراچی کنگز کو دوبارہ چیمپئین کا اعزاز دلائیں وہ ایچ بی ایل پی ایس ایل کو خوب انجوائے کر رہے ہیں، وہ بارہ سال بعد کراچی آئے ہیں۔

محمد نبی نےکہا کہ کراچی شہر کے ساتھ ان کی بہت سی یادیں وابستہ ہیں، یہاں رہتے ہوئے وہ سال 2008 اور 2009 میں پاکستان کسٹمز کی نمائندگی کرچکے ہیں۔افغانستان کے آلراؤنڈر محمد نبی نیشنل اسٹیڈیم کراچی میں شائقین کرکٹ کی واپسی پر بہت پرجوش ہیں۔انہوں نے کہا کہ حال ہی میں انہوں نے کیریبیئن پریمیئر لیگ میں شرکت کی مگر وہاں شائقین کرکٹ کو اسٹیڈیم آنے کی اجازت نہیں تھی۔انہوں نے کہاکہ اسٹیڈیم میں تماشائی نہ ہوں تو لطف بھی نہیں آتا، گذشتہ سال بہت سی لیگز تماشائیوں کے بغیر ہوئی تھیں لیکن ایچ بی ایل پی ایس ایل میں شائقین کرکٹ اسٹیڈیم میں موجود ہیں اور ہم اس کا لطف اٹھارہے ہیں۔

محمد نبی نے گذشتہ سال نومبر میں سابق کرکٹر اور موجودہ وزیراعظم پاکستان عمران خان سے ہونے والی ملاقات کو بھی یادگار قرار دیا ہے۔اس ملاقات میں افغانستان کرکٹ ٹیم نےعمران خان کو دستخط شدہ بیٹ پیش کیا تھا۔ اس موقع پر عمران خان نے مستقبل قریب میں دونوں ممالک کے مابین ایک کرکٹ سیریز کے انعقاد کا عہد بھی کیا تھا۔یہ سیریز پاکستان اور افغانستان کے درمیان پہلے سے شیڈول ایک روزہ سیریز کے علاوہ ہو گی۔

محمد نبی نے وزیر اعظم پاکستان سے ہونے والی ملاقات کو شاندار قرار دیتے ہوئے کہا کہ اس ملاقات کے دوران ہم نےاکٹھے دوپہر کا کھانا کھایا اور عمران خان کے ساتھ فوٹو شوٹ بھی کیا، اس موقع پر ہم نے عمران خان سے پاکستان اور افغانستان کے مابین کرکٹ سیریز کی درخواست کی جسے انہوں نے منظور کیا۔انہوں نے مزید کہا کہ وہ اکتوبر میں بھارت میں شیڈول آئی سی سی ٹی ٹونٹی ورلڈ کپ 2021 کے بارے میں بہت پر جوش ہیں اورانہیں یقین ہے کہ افغانستان کی ٹیم اس ایونٹ میں سرپرائز دینے کے لیے تیار ہیں۔

محمد نبی نے کہا کہ افغانستان کی ٹیم میگا ایونٹ کے لیے بھرپور تیاری کر رہے ہیں اور ان کے پاس ٹی ٹونٹی کے بہترین کھلاڑی موجود ہیں، ان میں سے کچھ تو دنیا بھر میں ٹی ٹونٹی لیگز کھیلنےمیں مصروف ہیں، جس کافائدہ اٹھانے کی ہر ممکن کوشش کریں گے۔افغان آلراؤنڈر نے کہا کہ نوجوان نسل کرکٹ کو بہت پسند کرتی ہے، گذشتہ 20سال سے کرکٹ کو افغانستان میں نمبر ون گیم کی حیثیت حاصل ہو چکی ہے، آج نوجوان نسل ہمیں کھیلتے ہوئے دیکھتی ہے تو ان کو بھی تحریک ملتی ہے۔انہوں نے کہاکہ افغانستان کے کھلاڑی انڈر 16اور انڈر 19کرکٹ میں بھی اچھا کھیل پیش کر رہے ہیں اور یہی افغانستان کا روشن مستقبل ہے۔

فرانسیسی وزارت خارجہ نے پاکستانی سفیر کو طلب کر لیا، آخر کیا وجہ بنی

باغی ٹی وی : فرانسیسی وزارت خارجہ نے صدر مملکت عارف علوی کے بیان کے خلاف احتجاج کرتے ہوئے پاکستان کے سفیر کو طلب کیا ہے جس میں کہا گیا ہے کہ ایک فرانسیسی بل نے بنیاد پرست اسلام کے خلاف قانون سازی کی ہے جس سے مسلمانوں کو بدنام کیا جارہا ہے۔

ہفتہ کے روز مذہب سے متعلق ایک کانفرنس سے خطاب کرتے ہوئے صدر مملکت ڈاکٹر عارف علوی نے کہا:تھا کہ "جب آپ دیکھتے ہیں کہ اقلیت کو الگ تھلگ رکھنے کے لئے اکثریت کے حق میں قوانین تبدیل کیے جارہے ہیں ، تو یہ ایک خطرناک مثال ہے۔

خاص طور پر حضرت محمد صلی اللہ علیہ وسلم کے کارٹونوں پر ایک مسلمان کی طرف سے ایک فرانسیسی استاد کے سر قلم کرنے کے بعد وضع کردہ قانون سازی کا ذکر کرتے ہوئے ، صدر مملکت ڈاکٹر عارف علوی نے کہا: "جب آپ پیغمبر کی توہین کرتے ہیں تو ، آپ تمام مسلمانوں کی توہین کرتے ہیں۔
"میں فرانس کی سیاسی قیادت سے گزارش کرتا ہوں کہ وہ ان رویوں کو قانون میں شامل نہ کریں … آپ کو لوگوں کو ساتھ لینا ہوگا – کسی خاص طریقے سے کسی مذہب پر مہر لگانے اور لوگوں میں تفرقہ پیدا کرنے یا تعصب پیدا کرنے کی ضرورت نہیں ہے۔

کرس گیل نے پی ایس ایل مداحوں کو افسردہ کردیا

باغی ٹی وی : ویسٹ انڈیز کے جارح مزاج بلے باز کرس گیل نے کوئٹہ گلیڈی ایٹرز کے چاہنے والوں کو افسردہ کردیا۔

تفصیلات کے مطابق پاکستان سُپر لیگ میں کوئٹہ گلیڈی ایٹرز کی نمائندگی کرنے والے ویسٹ انڈین کرکٹر کرس گیل پی ایس ایل ادھورا چھوڑ کر وطن واپس لوٹ گئے، جارح مزاج بیٹسمین نے کہا کہ ان کی خواہش تھی کہ پورا پی ایس ایل کھیلتے اور ہر میچ میں چھائے رہتے۔

کرس گیل نے میڈیا کو دئیے گئے انٹرویو میں کہا کہ میں نے ویسٹ انڈیز ٹیم کے لئے اپنا نام واقعتا پیش کیا تھا، میرا اصل مقصد پاکستان آکر کر پی ایس ایل کھیلنا تھا تاکہ پاکستانی مداحوں کو اپنی کرکٹ سے زیادہ محظوظ کرسکوں۔

مگر بدقسمتی سے نیشنل ڈیوٹی آڑے آگئی، میں پرامید ہوں کہ ابھی کوئٹہ ٹیم کی بہت کرکٹ باقی ہے، اور ہم لاہور میں دوسرے راؤنڈ تک جائیں گے اور میں وہاں کا دورہ کرونگا۔

پی ایس ایل سیزن سکس میں ویسٹ انڈیز بلے باز نے دو میچوں میں کوئٹہ گلیڈی ایٹرز کی نمائندگی کی، گیل نے کراچی کنگز کے خلاف 39 جبکہ کل ہونے والے میچ میں 68 رنز کی شاندار اننگز کھیلی تھی

سرفراز مجھےعزیز ہے حفیظ نے کی کھل کر بات

باغی ٹی وی : سینئر کھلاڑی محمد حفیظ نے ایک بار پر سرفراز احمد کے بارے میں بات کرتے ہوئے کہا ہےکہ سرفراز ہو یا کوئی، جب کبھی اچھا پرفارم کرے گا، تعریف کروں گا، مجھے سرفراز دوسرے کھلاڑیوں کی طرح عزیز ہے۔محمد حفیظ نے جیو نیو سے گفتگو کے دوران کہا ہے کہ آج تک میرا کسی کھلاڑی کے ساتھ مسئلہ نہیں رہا، میں ہمیشہ سب کی تعریف کرتا ہوں کسی سے مقابلہ نہیں کرتا.

کھیلے گئے کوئٹہ گلیڈی ایٹرز بمقابلہ لاہور قلندرز سے متعلق بات کرتے ہوئے محمد حفیظ نے مزید کہا کہ میچ کی صورتحال ایسی تھی کہ پیشہ ورانہ طور پر نمٹنا تھا، میں نے کوچ کو کہا کہ مجھے ون ڈاؤن پر جانے دیں۔

انہوں نے مزید کہا کہ ایک اچھی اننگز کی جس پر خوشی ہے، ڈیمانڈ کے مطابق اپنا رول پلے کرنا چاہتاہوں، ورلڈ کپ میں احساس ہوا ٹیکنیک پرکام کرتے ہیں، ماڈرن کرکٹ پر نہیں، باہر دوسری لیگز میں بیٹسمین چھکے مارنے پر فوکس کرتے ہیں، میں نے توجہ مرکوز کرتے ہوئے پاور ہٹنگ پر کام کیا

آج کن کن ٹیموں کے درمیان ہوگا دنگل ، شائقین کرکٹ رہیں تیار

باغی ٹی وی : آج پھر ایک اہم میچ ہونے جا رہا ہے جس میں دو بڑی ٹیمیں آمنے سامنے ہوں گی . کراچی میں ملتان سلطانز اور پشاور زلمی کے مابین آج شام سپر مقابلہ ہونے جا رہا ہے، دونوں ٹیمیں شام سات بجے نیشنل اسٹیڈیم میں آمنے سامنے ہوں گی، سلطانز کے دیوانے اپنی ٹیم کی جیت کیلئے پرامید ہیں۔

میچ شام سات بجے نیشنل اسٹیڈیم کراچی میں کھیلا جائے گا، یہ پی ایس ایل سکس کا پانچواں میچ ہوگا، جہاں ملتان سلطانز اور پشاور زلمی کی ٹیمیں پنجا آزمائیں گی۔

دونوں ٹیمیں اپنا پہلا میچ ہارچکی ہیں، پشاور زلمی کو لاہور قلندرز اور ملتان سلطانز کو اسلام آباد یونائیٹڈ نے زیر کیا تھا۔

دونوں ٹیمیں پی ایس ایل میں چھ بار آمنے سامنے آئیں، جن میں سے چار میچز ملتان سلطان نے اپنے نام کئے جبکہ دو میں پشاور زلمی فاتح رہا۔

پاکستان سپر لیگ سکس کے پوائنٹس ٹیبل پر لاہور قلندر مسلسل دو فتوحات کے ساتھ پہلے نمبر پر ہے، دفاعی چیمپئن کراچی کنگز دوسرے جبکہ اسلام آباد یونائٹیڈ تیسرے نمبر پر ہے ۔

گذشتہ روز نیشنل اسٹیڈیم میں کھیلے جانے والے پاکستان سپر لیگ 6 کے چوتھے میچ میں لاہور قلندرز نے کوئٹہ گلیڈی ایٹرز کو9وکٹوں سے شکست دیتے ہوئے مسلسل دوسری فتح حاصل کی تھی۔

خوشی ہے کہ عمران خان جیسا کرکٹر ملک کا وزیراعظم ہے، کرس گیل

"یونیورس باس” کے نام سے جانے والے کرس گیل ایچ بی ایل پی ایس ایل کے چھٹے ایڈیشن میں شرکت کے لیے 15سال بعد پاکستان آئے ۔یہ پہلا موقع تھا کہ جب ٹی ٹونٹی کرکٹ کی تاریخ میں سب سے زیادہ رنز بنانے والے کرکٹر "کرس گیل” اس طرز کی کرکٹ کھیلنے پاکستان آئے ۔

قابل ذکر بات تو یہ ہے کہ کرس گیل کورونا وائرس کی عالمی وبا ءکے دنوں میں پاکستا ن میں کرکٹ کھیلنے آئے ،یہاں فینز کی ایک بڑی تعداد کرس گیل کو پسند کرتی ہے اور وہ بھی اپنے مداحوں کو خوش کرنے کے لیے ہی کرکٹ کھیلتے ہیں۔

41سالہ بیٹسمین نےکوئٹہ گلیڈی ایٹرز کی نمائندگی کرتے ہوئے ٹورنامنٹ کے افتتاحی میچ میں 24گیندوں پر 39 اور اگلے میچ میں 40گیندوں پر 68رنز کی برق رفتاراننگز کھیلی۔کرس گیل نے ایچ بی ایل پی ایس ایل کے ابتدائی دو ایڈیشنز، 2016میں لاہور قلندرز اور 2017میں کراچی کنگز کی نمائندگی کی۔

کرس گیل کا کہنا ہے کہ وہ عالمی وباء کے اس مشکل وقت میں کرکٹ کھیلنے پر بہت خوش ہیں، ان حالات میں کرکٹ کھیلنا خوشی کی بات ہے،وہ پر امید ہیں کہ مستقبل میں حالات بہتر ہوجائیں گے۔

پاکستان دنیا کا وہ واحد ملک ہے جس نے عالمی وباءکے دنوں میں سخت احتیاطی تدابیر اختیار کرتے ہوئےتمام ڈومیسٹک مقابلوں کی میزبانی کی ہے۔ایچ بی ایل پی ایس ایل کے چھٹے ایڈیشن کے اختتام پرپاکستان کرکٹ بورڈ 275 ڈومیسٹک مقابلوں کی میزبانی کر چکا ہوگا۔

کرس گیل نے بتایاکہ اس وقت کوویڈ19 کی عالمی وبا ء سے لاکھوں افراد اپنی جان گنوا چکے ہیں، شروع کے دنوں میں کھیلوں کی سرگرمیوں کو ضرور روکا گیا مگر اب یہ بحال ہوچکی، تاہم یہ میچز تماشائیوں کے بغیر ہی کھیلے جا رہے ہیں۔

انہوں نے کہا کہ دنیا بھر میں کرکٹ کو بہت پسند کیا جاتا ہے، مگر ابھی بھی تماشائیوں کی اکثریت گراؤنڈ میں موجود نہیں، لوگ صرف ٹیلی ویژن اسکرین کے سامنے بیٹھ کرہی میچ دیکھ رہے ہیں۔

کرس گیل کہتے ہیں کہ کھلاڑیوں سمیت سب کولاک ڈاؤن کے دنوں میں بہت کچھ سیکھنے کا موقع ملا، اب بھی لوگ مشکل میں ہیں۔ان کا مزید کہنا تھا کہ ہمیں بہتر انداز میں زندگی گزارنی ہوگی، ہم کرکٹ کے ذریعے لوگوں کو ایک دوسرے کے قریب لاسکتے ہیں تاکہ اس مشکل وقت میں خوشیاں بانٹی جاسکیں۔یونیورس باس نے کہا کہ تمام کھلاڑی کرکٹ کھیلنے کے لیے بے چین ہیں ، کیونکہ یہ ان کی زندگی ہے اور اسی سےان کا روزگار بھی وابستہ ہے۔

انہوں نے کہا کہ پندرہ سال بعد پاکستان آنا انہیں بہت اچھا لگا، احتیاطی تدابیر کے باعث ایونٹ کے ابتدائی دو میچز میں عوام کی حاضری محدود رہی مگر پھر بھی انہیں اسٹیڈیم میں تماشائیوں کو دیکھ کر خوشی ہوئی ہے۔سری لنکا اور ویسٹ انڈیز کے مابین ٹی ٹونٹی انٹرنیشنل سیریز کی وجہ سےکرس گیل جلد وطن واپس لوٹ رہے ہیں، امکان ہے کہ وہ ایچ بی ایل پی ایس ایل کے چھٹے ایڈیشن کی لاہور لیگ میں شرکت کریں گئے۔ کرس گیل نے کہا ہےکہ وہ پاکستان میں مزید کرکٹ کھیلنے کے منتظر رہیں گے۔

دورہ پاکستان پر تبادلہ خیال کرتےہوئے کرس گیل کا کہنا تھا کہ وہ 2006کے بعد پہلی مرتبہ پاکستان آئے ہیں اور وہ اس حوالے سے بہت پرجوش ہیں۔سال 2006میں ویسٹ انڈیز کرکٹ ٹیم کے ہمراہ پاکستان کا دورہ کرنے والے کرس گیل کا کہنا ہے کہ انہیں آج بھی ملتان ٹیسٹ میں اپنی 94رنز کی اننگز یاد ہے، پھر محمد یوسف اور یونس خان کی بیٹنگ کی وجہ سےانہیں تپتے سورج میں ایک طویل عرصے تک فیلڈنگ کرنی پڑی۔ٹی ٹونٹی کرکٹ میں سب سے زیادہ چھکوں (1003)کا ریکارڈبنانے والے کرس گیل کہتے ہیں کہ کسی بھی کھلاڑی کے لیے اس سے زیادہ خوشی کی بات کیا ہوسکتی ہے کہ فینز آپ کا کھیل پسند کریں یا آپ کھیلیں تو انہیں خوشی ملے۔

کرس گیل نے کہا کہ انہیں خوشی ہے کہ عمران خان جیسا کرکٹر ایک ملک کا وزیراعظم ہے مگر کیریبین میں ہر جزیرے کا اپنا وزیراعظم ہوتا ہے، مگر وہ پورے کیریبین کے وزیراعظم ہیں۔انہوں نے کہا کہ وہ اپنے تمام وزرائے اعظم کے لیے عزت کے جذبات رکھتے ہیں، انہیں ان تمام وزرائے اعظم سے محبت ہے، وہ ان سب کے سربراہ ہیں،کیونکہ وہ یونیورس باس ہیں۔

انگلینڈ کے ٹام کوہلر کیڈ مور پاکستان کی کن کن چیزوں کے فین بن گئے

باغی ٹی وی : انگلینڈ کے ٹام کوہلر کیڈ مور پاکستان اور یہاں کے لوگوں اور کھانوں کے فین بن گئے . انگلینڈ کے ٹام کوہلر کیڈمور پی ایس ایل میں پشاور زلمی کی نمائندگی پر خوش ہیں.

, ٹام کوہلر کیڈمور نے اپنے جذبات کا اظہار کرتےہوئے کہا کہ پشاور زلمی کا حصہ بننے پر فخر ہے کھلاڑیوں کے ساتھ بہت اچھا وقت گزرا ہے,

انگلینڈ کے ٹام کوہلر کیڈ مور پاکستان اور یہاں کے لوگوں اور کھانوں کے فین بن گئے #baaghitv #pakistan #pslanthem2021 #PSL6 #cricket #sports @TheRealPCBMedia @PeshawarZalmi pic.twitter.com/VxYZLCfgoh

— Baaghi TV باغی ٹی وی (@BaaghiTV) February 23, 2021

شعیب ملک اور کامران اکمل جیسے تجربہ کار کرکٹرز کے ساتھ ڈریسنگ روم شیئر کرنا یادگار ہے، پاکستان بہترین ملک ہے، یہاں کے لوگ، کرکٹ فینز، کلچر اور یہاں کے کھانوں کا فین بن گیا ،پشاور زلمی پی ایس ایل میں اچھی کارکردگی دکھائے گی ،

لاہور قلندرز کی شاندار پرفامنس ایک اور فتح کو لگایا گلے

باغی ٹی وی :پاکستان سپر لیگ (پی ایس ایل) 2021ء کے چوتھے میچ میں لاہور قلندر نے کوئٹہ گلیڈی ایٹرز کو پچھاڑ دیا اور ایونٹ میں مسلسل دوسری فتح کو گلے لگا لیا۔ اوپنر فخر زمان اور آل راؤنڈر محمد حفیظ نے فتح گر اننگز کھیلی۔

لاہور قلندرز کے تجربہ کار بیٹسمین محمد حفیظ اور جارح مزاج فخر زمان نے 179 رنز کا ہدف 19ویں اوور میں پورا کرلیا۔

کراچی کے نیشنل اسٹیڈیم میں کھیلے گئے اس میچ میں لاہور قلندرز نے ٹاس جیت کر پہلے بولنگ کرنے کا فیصلہ کیا تھا۔

گلیڈی ایٹرز کے اوپنرز ٹام بینٹن اور صائم ایوب بالترتیب 4 اور 3 رنز بنا کر آؤٹ ہوئے، اس وقت ٹیم کا اسکور 12 تھا۔ایسے میں گلیڈی ایٹرز کے کرس گیل اور سرفراز احمد نے اپنے تجربے کو بروئے کار لاتے ہوئے ٹیم کو مشکلات سے نکالا اور سنچری پارٹنر شپ بنا کر ٹیم کو بڑے ٹوٹل کی جانب گامزن کیا۔

لاہور قلندرز کے تجربہ کار بیٹسمین محمد حفیظ اور جارح مزاج فخر زمان نے 179 رنز کا ہدف 19ویں اوور میں پورا کرلیا۔

کراچی کے نیشنل اسٹیڈیم میں کھیلے جارہے اس میچ میں لاہور قلندرز نے ٹاس جیت کر پہلے بولنگ کرنے کا فیصلہ کیا تھا۔

گلیڈی ایٹرز کے اوپنرز ٹام بینٹن اور صائم ایوب بالترتیب 4 اور 3 رنز بنا کر آؤٹ ہوئے، اس وقت ٹیم کا اسکور 12 تھا۔

ایسے میں گلیڈی ایٹرز کے کرس گیل اور سرفراز احمد نے اپنے تجربے کو بروئے کار لاتے ہوئے ٹیم کو مشکلات سے نکالا اور سنچری پارٹنر شپ بنا کر ٹیم کو بڑے ٹوٹل کی جانب گامزن کیا۔

What. A. 50.@henrygayle has been on 🔥 🔥 🔥#HBLPSL6 | #MatchDikhao | #QGvLQ pic.twitter.com/lx7MG04ABP

— PakistanSuperLeague (@thePSLt20) February 22, 2021

سرفراز احمد نے 5 چوکوں کی مدد سے 40 جبکہ کرس گیل نے 5 چوکوں اور اتنے ہی چھکوں کی مدد سے 68 رنز کی اننگز کھیلی اور دونوں کھلاڑی بالترتیب 113 اور 118 رنز پر پویلین لوٹ گئے

اختتامی لمحات میں محمد نواز نے 33 رنز کی اننگز کھیل کر ٹیم کو 178 کے ٹوٹل تک پہنچادیا۔

لاہور قلندرز کی جانب سے حارث رؤف سب سے کامیاب بولر رہے جنھوں نے 3 وکٹیں لیں جبکہ ان کے علاوہ شاہین شاہ آفریدی، راشد خان اور احمد دانیال کے حصے میں ایک ایک وکٹ آئی۔

ہدف کے تعاقب میں لاہور قلندرز کی ٹیم صرف ایک ہی وکٹ گنوائی۔

پہلے فخر زمان اور کپتان سہیل اختر نے 64 رنز کا آغاز فراہم کیا۔ اس مجموعے پر سہیل اختر 21 رنز بنا کر زاہد محمود کی گیند پر کلین بولڈ ہوگئے۔

بعد ازاں محمد حفیظ فخر زمان کا ساتھ دینے آئے اور دونوں نے کوئٹہ گلیڈی ایٹرز کے بولرز کی ایک نہ چلنے دی۔

کنڈیشنز کا بھرپور فائدہ اٹھاتے ہوئے محمد حفیظ نے صرف 33 گیندوں 5 چوکوں اور 6 چھکوں کی مدد سے 73 رنز کی دھواں دھار اننگز کھیلی۔

دوسرے اینڈ پر موجود اوپنر فخر زمان نے 52 گیندوں پر 82 رنز کی اننگز کھیل کر اپنی ٹیم کو ایونٹ میں مسلسل دوسری فتح سے ہمکنار کیا۔

اس فتح کے ساتھ ہی لاہور قلندرز کی ٹیم پوائنٹس ٹیبل پر پہلے نمبر پر آگئی