Baaghi TV

Category: کھیل

  • ایشیا کپ: بھارتی کپتان نے ہینڈ شیک سوال کو نظرانداز کردیا

    ایشیا کپ: بھارتی کپتان نے ہینڈ شیک سوال کو نظرانداز کردیا

    بھارتی کپتان سوریا کمار یادو نے پاکستان کے خلاف سپر فور مرحلے کے میچ سے قبل دبئی میں پریس کانفرنس کے دوران ہینڈ شیک تنازع سے متعلق سوال کو گول کرتے ہوئے کہا کہ اصل مقابلہ گیند اور بلے کے درمیان ہوگا۔

    خبر رساں ادارے اے ایف پی کے مطابق صحافیوں نے بھارتی کپتان سے پاکستانی کھلاڑیوں کے ساتھ مصافحے اور میچ ریفری اینڈی پائیکرافٹ کی موجودگی کے بارے میں سوال کیا، تاہم انہوں نے براہِ راست جواب دینے کے بجائے بات کا رخ کھیل کی طرف موڑ دیا۔سوریا کمار یادو نے مزید کہا: "کمرہ بند کرو، فون بند کرو اور سو جاؤ، میرا خیال ہے یہی شور کو بند کرنے کا بہترین طریقہ ہے، کہنا آسان ہے لیکن کبھی کبھار مشکل بھی ہوتا ہے۔”

    پریس کانفرنس کے دوران بھارتی کپتان نے عمان کی ٹیم کی بھی تعریف کی، جو پہلی بار ایشیا کپ کھیل رہی ہے۔ انہوں نے کہا کہ عمان نے اچھی مزاحمت کی اور بیٹرز نے شاندار بیٹنگ کی، جبکہ ہم نے بھی اپنے کھلاڑیوں کو بہترین موقع فراہم کیا۔ایشیا کپ میں بھارت نے اپنے تینوں گروپ میچ جیتے ہیں، جس میں عمان کو 21 رنز سے، پاکستان کو 7 وکٹوں سے اور متحدہ عرب امارات کو 9 وکٹوں سے شکست دی۔

    واضح رہے کہ 14 ستمبر کو پاکستان اور بھارت کے درمیان گروپ میچ تلخ نوٹ پر ختم ہوا تھا جب بھارتی کھلاڑیوں نے پاکستانی پلیئرز سے ہاتھ ملانے سے انکار کر دیا تھا۔ یہ دونوں ٹیموں کا مئی میں ہونے والی 4 روزہ سرحدی جھڑپ کے بعد پہلا آمنا سامنا تھا۔

    ایشیا کپ: پاک بھارت ٹیمیں دوبارہ آمنے سامنے، اینڈی پائی کرافٹ ہی ریفری مقرر

    پاکستان کا نیوکلیئر پاور پروگرام بہتر رفتار سے آگے بڑھ رہا ہے،آئی اے ای اے

    امریکا میں بالغ افراد کو کورونا ویکسین لگانے کی سفارش واپس

  • ایشیا کپ: پاک بھارت ٹیمیں دوبارہ آمنے سامنے، اینڈی پائی کرافٹ ہی ریفری مقرر

    ایشیا کپ: پاک بھارت ٹیمیں دوبارہ آمنے سامنے، اینڈی پائی کرافٹ ہی ریفری مقرر

    ہینڈ شیک تنازع کے بعد ایک بار پھر پاکستان اور بھارت کی ٹیمیں آج ایشیا کپ سپر فور مرحلے میں مدمقابل ہوں گی۔ دلچسپ امر یہ ہے کہ وہی ٹیمیں، وہی میدان اور وہی میچ ریفری اینڈی پائی کرافٹ ہوں گے۔

    ایونٹ کے گروپ مرحلے میں بھارت نے پاکستان کو 7 وکٹوں سے شکست دی تھی۔ اس بار میچ سے قبل دونوں ٹیموں کی سرگرمیوں پر بھی شائقین کی نظریں جمی ہوئی ہیں۔گزشتہ روز پاکستانی اسکواڈ جب دبئی کرکٹ اکیڈمی پہنچا تو بھارتی شائقین نے ان کا خیرمقدم کیا، فخر زمان کے ساتھ تصاویر بنوائیں اور آٹوگراف بھی لیے۔ اس موقع پر چیئرمین پی سی بی محسن نقوی بھی ٹیم سے ملے، کوچ مائیک ہیسن، کپتان سلمان علی آغا اور دیگر کھلاڑیوں سے ملاقات کرکے ان کا حوصلہ بڑھایا۔

    آئی سی سی اکیڈمی میں محسن نقوی کی آمد کے دوران بھارتی کھلاڑی اور اسٹاف ٹریننگ ختم کرکے ہوٹل واپس چلے گئے۔ پاکستانی ٹیم نے پریکٹس سیشن کیا مگر پریس کانفرنس نہیں کی۔ دوسری جانب بھارتی کپتان سوریا کمار یادو نے پریس کانفرنس میں پاکستان کے خلاف میچ پر سوال کا جواب دیتے ہوئے ہاتھ نہ ملانے کے تنازع کو گول کر دیا۔

    یاد رہے کہ 14 ستمبر کے پاک بھارت میچ میں دونوں ٹیموں کے کپتانوں نے ٹاس کے وقت اور میچ کے اختتام پر ہینڈ شیک نہیں کیا تھا۔ اس سے قبل میچ ریفری اینڈی پائی کرافٹ نے پاکستانی کپتان سلمان علی آغا کو بھارتی کپتان سے ہاتھ نہ ملانے کا کہا تھا، جس پر پاکستان نے اعتراض کرتے ہوئے آئی سی سی کو خط لکھا اور ریفری کو ہٹانے کا مطالبہ کیا تھا۔ تاہم دوسرے میچ سے قبل اینڈی پائی کرافٹ نے پاکستانی ٹیم سے باضابطہ معافی مانگ لی تھی۔

    بھارت کو بڑا دھچکا،ٹرمپ کا ایچ ون بی ویزا فیس 1 لاکھ ڈالر مقرر کرنے کا فیصلہ

    پاکستان کا نیوکلیئر پاور پروگرام بہتر رفتار سے آگے بڑھ رہا ہے،آئی اے ای اے

    امریکا میں بالغ افراد کو کورونا ویکسین لگانے کی سفارش واپس

    ایشیا کپ سپر فور،سنسنی خیز مقابلے میں سری لنکا کو 4 وکٹ سے شکست

  • ایشیا کپ سپر فور،سنسنی خیز مقابلے میں سری لنکا کو 4 وکٹ سے شکست

    ایشیا کپ سپر فور،سنسنی خیز مقابلے میں سری لنکا کو 4 وکٹ سے شکست

    ٹی20 ایشیا کپ کے سپر فور مرحلے کے پہلے میچ میں بنگلادیش نے دلچسپ مقابلے کے بعد سری لنکا کو 4 وکٹ سے شکست دے دی۔

    سری لنکا نے پہلے بیٹنگ کرتے ہوئے 20 اوورز میں 7 وکٹ پر 168 رنز بنائے۔ داسن شناکا نے 64 رنز کی ناقابلِ شکست اننگز کھیلی، جبکہ کوشل مینڈس نے 34، پتھم نسانکا نے 22 اور کپتان چریتھ اسالانکا نے 21 رنز بنائے۔ دیگر کھلاڑی خاطر خواہ کارکردگی نہ دکھا سکے۔ بنگلادیش کی جانب سے مستفیض الرحمٰن نے 3، مہدی حسن نے 2 اور تسکین احمد نے ایک وکٹ حاصل کی۔

    ہدف کے تعاقب میں بنگلادیشی ٹیم نے سنسنی خیز مقابلے کے بعد 169 رنز ایک گیند قبل 6 وکٹوں کے نقصان پر مکمل کیے۔ سیف حسن نے 61 اور توحید ہردوئے نے 58 رنز کی شاندار اننگز کھیل کر ٹیم کی کامیابی کی بنیاد رکھی۔آخری اوور میں بنگلادیش کو 5 رنز درکار تھے۔ ذاکر علی نے پہلی گیند پر چوکا مار کر اسکور برابر کیا، تاہم اگلی تین گیندوں پر شناکا نے 2 وکٹیں حاصل کر کے میچ کو سنسنی خیز بنا دیا، لیکن نتیجہ اپنے نام نہ کرسکے۔

    بنگلادیش کی جانب سے دیگر بیٹسمینوں میں لٹن داس نے 23، شمیم حسین نے 14، ذاکر علی نے 9 اور مہدی حسن نے صفر رنز بنائے۔یہ سپر فور مرحلے کا پہلا میچ تھا۔ گروپ مرحلے میں سری لنکا نے بنگلادیش کو 6 وکٹ سے شکست دی تھی۔ سپر فور کے لیے گروپ اے سے پاکستان اور بھارت جبکہ گروپ بی سے سری لنکا اور بنگلادیش نے کوالیفائی کیا ہے۔

    جیکب آباد میں جعفر ایکسپریس کو سیکیورٹی خدشات کے باعث روک دیا گیا

    اسرائیلی حمللے، غزہ کے مزید 51 فلسطینی شہید، مجموعی تعداد 65 ہزار سے تجاوز

    کراچی نے کبھی کسی کی بدمعاشی قبول نہیں کی،خالد مقبول صدیقی

  • ایشیا کپ:پاک بھارت میچ سے قبل پی سی بی کا بڑا فیصلہ

    ایشیا کپ:پاک بھارت میچ سے قبل پی سی بی کا بڑا فیصلہ

    ایشیا کپ 2025 کے سپر فور مرحلے میں بھارت کے خلاف میچ سے قبل پاکستان کرکٹ بورڈ (پی سی بی) نے بڑا فیصلہ کرلیا۔

    ذرائع کے مطابق 21 ستمبر کو شیڈول پاک بھارت میچ سے قبل پاکستان کرکٹ ٹیم کی کارکردگی کو بہتر بنانے کے لیے سائیکولوجسٹ کی خدمات حاصل کر لی گئی ہیں،اسپورٹس سائیکولوجسٹ ڈاکٹر راحیل نے پاکستان ٹیم کو جوائن کر لیا ہے۔

    پاک بھارت میچ سے قبل قومی ٹیم کی پریس کانفرنس منسوخ

    ذرائع کے مطابق میچ سے قبل پاکستان کرکٹ تیم کی آج شیڈول پریس کانفرنس منسوخ کردی گئی ہے، قومی ٹیم کا کوئی بھی کھلاڑی یا مینجمنٹ کا فرد آج پریس کانفرنس نہیں کرے گادوسری جانب پاکستان ٹیم شیڈول کے مطابق پریکٹس کرے گیقومی ٹیم کا پریکٹس سیشن دبئی میں پاکستانی وقت کے مطابق شام سات بجے ہوگا۔

    واضح رہے کہ پاکستان اور بھارت کے درمیان ایشیا کپ کا دوسرا میچ کل دبئی کے انٹرنیشنل کرکٹ اسٹیڈیم میں کھیلا جائے گا، گروپ میچ میں پاکستان کو بھارت کے ہاتھوں شکست کا سامنا کرنا پڑا تھا،اس میچ میں صاحبزادہ فرحان 40 اور شاہین آفریدی 33 رنز بنا کر نمایاں رہے تھے بھارت نے میچ سات وکٹوں سے جیتا تھا،ٹی ٹوئنٹی ایشیا کپ کے سپر فور مرحلے کا آغاز آج سری اور بنگلہ دیش کے درمیان میچ سے ہو گا 21 ستمبر کو بڑے مقابلے میں پاکستان اور بھارت دبئی میں ہی مدمقابل آئیں گے۔

    100کمسن بچیوں سے زیادتی کے ملزم کو عدالت میں سائلین کے تشدد کا سامنا

    22 ستمبر آرام کا دن ہوگا،23 ستمبر کو پاکستان اور سری لنکا کی ٹیمیں ابوظہبی میں مدمقابلے ہوں گی 24 اور 25 ستمبر کو بنگلہ دیش کی ٹیم بالترتیب بھارت اور پاکستان کے خلاف دبئی میں میچ کھیلے گی،سپر فور مرحلے کا آخری میچ 26 ستمبر کو بھارت اور سری لنکا کے درمیان دبئی میں ہی کھیلا جائے گا۔ اس مرحلے میں پہلی دو پوزیشن پر رہنے والی ٹیمیں 28 ستمبر کو فائنل کھیلیں گی۔

    ایشیا کپ، پاک بھارت میچ کے ٹکٹس بلیک میں فروخت ہونے لگے

  • ایشیا کپ، پاک بھارت میچ کے ٹکٹس بلیک میں فروخت ہونے لگے

    ایشیا کپ، پاک بھارت میچ کے ٹکٹس بلیک میں فروخت ہونے لگے

    دبئی: ایشیا کپ کے سپر فور مرحلے میں پاک بھارت میچ کے ٹکٹس کی مانگ میں اضافہ ہو گیا اور ٹکٹیں بلیک میں فروخت ہونے لگیں۔

    ایشیا کپ سپرفور مرحلے میں پاکستان اور بھارت کے درمیان اگلا میچ اتوار کو کھیلا جائے گا بڑے میچ کے ٹکٹوں کی مانگ میں بےانتہا اضافہ ہو گیا اور ٹکٹس مہنگے فروخت ہونے لگےسپرفور مرحلے میں پاک بھارت میچ کے ٹکٹس کی قیمت کم سے کم 350 درہم (پاکستانی تقریباً 27 ہزار روپے) میں فروخت ہو رہے ہیں۔

    دوسری طرف بھارتی میڈیا نے دعویٰ کیا ہے کہ ایشیا کپ میں پاکستان اور بھارت کے درمیان سپر فور مرحلے کے میچ میں اینڈی پائی کرافٹ ہی میچ ریفری ہوں گےدونوں ٹیموں کے درمیان اہم میچ میں اینڈی پائی کرافٹ ہی میچ ریفری رہیں گے۔

    واضح رہے کہ گروپ میچ میں پاکستان کو بھارت کے ہاتھوں شکست کا سامنا کرنا پڑا تھا،اس میچ میں صاحبزادہ فرحان 40 اور شاہین آفریدی 33 رنز بنا کر نمایاں رہے تھے بھارت نے میچ سات وکٹوں سے جیتا تھا،ٹی ٹوئنٹی ایشیا کپ کے سپر فور مرحلے کا آغاز آج سری اور بنگلہ دیش کے درمیان میچ سے ہو گا 21 ستمبر کو بڑے مقابلے میں پاکستان اور بھارت دبئی میں ہی مدمقابل آئیں گے۔

    22 ستمبر آرام کا دن ہوگا،23 ستمبر کو پاکستان اور سری لنکا کی ٹیمیں ابوظہبی میں مدمقابلے ہوں گی 24 اور 25 ستمبر کو بنگلہ دیش کی ٹیم بالترتیب بھارت اور پاکستان کے خلاف دبئی میں میچ کھیلے گی،سپر فور مرحلے کا آخری میچ 26 ستمبر کو بھارت اور سری لنکا کے درمیان دبئی میں ہی کھیلا جائے گا۔ اس مرحلے میں پہلی دو پوزیشن پر رہنے والی ٹیمیں 28 ستمبر کو فائنل کھیلیں گی۔

  • اینڈی پائیکرافٹ تنازع پر آئی سی سی وضاحت طلبی اور بھارتی پروپیگنڈا مسترد

    اینڈی پائیکرافٹ تنازع پر آئی سی سی وضاحت طلبی اور بھارتی پروپیگنڈا مسترد

    پاکستان کرکٹ بورڈ (پی سی بی) نے واضح کیا ہے کہ آئی سی سی کی جانب سے اینڈی پائیکرافٹ معاملے پر کوئی وضاحت طلب نہیں کی گئی، بھارتی میڈیا کی رپورٹس اور پروپیگنڈا بے بنیاد ہیں۔

    پی سی بی نے بھارتی میڈیا کے اس دعوے کو مسترد کیا کہ آئی سی سی کے سی ای او سنجوگ گپتا نے 18 ستمبر کو پی سی بی کو سخت ای میل بھیجی تھی، جس میں میٹنگ کی ریکارڈنگ کو پروٹوکولز کی خلاف ورزی قرار دیا گیا تھا۔پی سی بی ذرائع کے مطابق بھارتی میڈیا کا یہ پروپیگنڈا بے بنیاد ہے اور اس کا حقیقت سے کوئی تعلق نہیں۔

    واضح رہے کہ پاکستان ٹیم مینجمنٹ نے پاک-بھارت میچ کے بعد بھارتی کپتان سوریا کمار یادو کے سیاسی بیان کے خلاف آئی سی سی کو باضابطہ شکایت جمع کرائی ہے، جس پر شواہد اور کوڈ آف کنڈکٹ کا جائزہ لیا جا رہا ہے۔

    اس سے قبل بھارتی میڈیا میں یہ رپورٹ سامنے آئی تھی کہ میچ ریفری اینڈی پائیکرافٹ نے صرف غلط فہمی پر افسوس کا اظہار کیا تھا جبکہ پی سی بی نے بیان جاری کیا کہ انہوں نے پاکستان ٹیم کے کپتان اور منیجر سے معافی مانگی ہے۔ آئی سی سی نے بھی پی سی بی کے مؤقف سے اختلاف کیا تھا۔

    کراچی: اسٹریٹ کرائم کیس میں مجرم کو 27 سال قید اور جرمانہ

    پاکستان نے افغانستان میں دہشت گردوں کا معاملہ اقوام متحدہ میں اٹھا دیا

    افغانستان کا مستقبل عوام کے ہاتھ میں ہونا چاہیے،چین کا مؤقف

    نیشنل کرکٹ اکیڈمی میں کیمپ، بابر اعظم سمیت کھلاڑیوں کا سیناریو بیسڈ میچ

  • نیشنل کرکٹ اکیڈمی میں کیمپ، بابر اعظم سمیت کھلاڑیوں کا سیناریو بیسڈ میچ

    نیشنل کرکٹ اکیڈمی میں کیمپ، بابر اعظم سمیت کھلاڑیوں کا سیناریو بیسڈ میچ

    سیناریو بیسڈ میچ (این سی اے) میں جاری ریڈ بال ٹیم کے کیمپ میں آج کھلاڑیوں کے درمیان سیناریو بیسڈ میچ کھیلا گیا جس میں بابر اعظم سمیت تمام شریک کھلاڑیوں نے حصہ لیا۔

    ایل سی سی اے گراؤنڈ لاہور میں کھیلے گئے اس میچ میں بابر اعظم، عبداللّٰہ شفیق، علی رضا، اذان اویس، کامران غلام، محمد علی، محمد حریرہ، محمد سلمان، روحیل نذیر اور ساجد خان نے اپنی صلاحیتوں کا مظاہرہ کیا۔این سی اے کے کوچز کی نگرانی میں بیٹرز کو بیٹنگ اور بولرز کو بولنگ کے بھرپور مواقع فراہم کیے گئے۔ کھلاڑی کیمپ کے دوران اِن ڈور اور آؤٹ ڈور سیشنز میں بھی حصہ لے رہے ہیں۔

    ریڈ بال ٹیم کا یہ تربیتی کیمپ 28 ستمبر تک جاری رہے گا۔

    کامن ویلتھ بیچ ہینڈ بال چیمپئن شپ: پاکستانی کامیابیوں کی شاندار ہیٹ ٹرک

    پاکستان نے بھارتی طیاروں کے لیے فضائی حدود کی بندش پھر بڑھا دی

    اولمپکس کمیٹی کا کھیلوں میں سیاست کے خلاف گروپ بنانے کا اعلان

    اسرائیل کی نئی ہولناک حکمتِ عملی، غزہ میں بارودی روبوٹس کا استعمال شروع کر دیا

  • کامن ویلتھ بیچ ہینڈ بال چیمپئن شپ: پاکستانی کامیابیوں کی شاندار ہیٹ ٹرک

    کامن ویلتھ بیچ ہینڈ بال چیمپئن شپ: پاکستانی کامیابیوں کی شاندار ہیٹ ٹرک

    کامن ویلتھ بیچ ہینڈ بال چیمپئن شپ میں کامن ویلتھ بیچ ہینڈ بال چیمپئن شپحاصل کر لی۔ سنسنی خیز مقابلے میں میزبان مالدیپ کو 2-1 سے شکست دے دی۔

    ایونٹ کے تیسرے میچ میں پاکستان نے پہلا سیٹ ہارنے کے بعد شاندار کم بیک کیا اور اگلے دو سیٹس جیت کر فتح اپنے نام کی۔ میچ کا اسکور 15-16، 22-10 اور 7-6 رہا۔پاکستان کی جانب سے بہترین کارکردگی دکھانے والے کاشف علی نے 11 پوائنٹس اسکور کیے اور مین آف دی میچ قرار پائے۔اس سے قبل صبح کے سیشن میں پاکستان نے سری لنکا کو 2-0 سے اور گزشتہ شب بھارت کو بھی 2-0 سے شکست دی تھی۔ یوں قومی ٹیم اب تک ایونٹ میں اپنے تینوں میچز جیت چکی ہے۔

    پاکستان کل اپنے اگلے میچز میں جنوبی افریقا اور بنگلا دیش کے خلاف میدان میں اترے گا۔

    اولمپکس کمیٹی کا کھیلوں میں سیاست کے خلاف گروپ بنانے کا اعلان

    بشریٰ بی بی کا جیل میں طبی معائنہ کرانے سے انکار

    اسرائیل کی نئی ہولناک حکمتِ عملی، غزہ میں بارودی روبوٹس کا استعمال شروع کر دیا

  • اولمپکس کمیٹی کا کھیلوں میں سیاست کے خلاف گروپ بنانے کا اعلان

    اولمپکس کمیٹی کا کھیلوں میں سیاست کے خلاف گروپ بنانے کا اعلان

    انٹرنیشنل اولمپکس کمیٹی (آئی او سی) نے کھیلوں میں سیاسی مداخلت کے بڑھتے واقعات پر تشویش کا اظہار کرتے ہوئے کھیلوں کو سیاست سے الگ رکھنے کے لیے ورکنگ گروپ بنانے کا اعلان کر دیا۔

    آئی او سی ایگزیکٹیو بورڈ اجلاس کے بعد جاری اعلامیے میں کہا گیا کہ کھیل قوموں کو قریب لانے میں اہم کردار ادا کرتے ہیں اور یہی اولمپک کا بنیادی اصول ہے۔ ملکوں کے درمیان کشیدگی مذاکرات سے حل ہونی چاہیے، کھیل دنیا کو امن اور اتحاد کے رشتے میں جوڑنے کی طاقت رکھتے ہیں، اس لیے انہیں سیاسی چپقلش کا شکار نہیں بنایا جانا چاہیے۔کمیٹی نے کہا کہ سیاسی وجوہات کی بنیاد پر ایونٹس کے بائیکاٹ، کھلاڑیوں کے سفر میں رکاوٹ اور مقابلوں کی منسوخی کھلاڑیوں کے حقوق پر ڈاکا ڈالنے کے مترادف ہیں۔ نئے ورکنگ گروپ کا مقصد کھیلوں کی سیاسی غیر جانبداری کو یقینی بنانا ہوگا۔

    آئی او سی کے مطابق کھلاڑی امن کے سفیر ہیں اور اولمپکس کا بنیادی اصول یہی ہے کہ کھیلوں کو سیاست سے الگ رکھا جائے۔یاد رہے کہ حالیہ برسوں میں بھارت کھیلوں میں بارہا سیاسی رویہ اختیار کر چکا ہے۔ کبھی پاکستانی کھلاڑیوں کو ویزے دینے سے انکار، بلائنڈ کرکٹ، اسکریبل، اسنوکر اور اسکواش ٹیموں کو روکے رکھنا، تو کبھی کرکٹ اور فٹبال ٹیموں کو آخری لمحات تک انتظار کرانا، اس کی واضح مثالیں ہیں۔حالیہ دنوں میں بھارتی کرکٹرز نے پاکستانی کھلاڑیوں سے ہاتھ نہ ملا کر کھیلوں کی روح کی بھی نفی کی، جس پر ماہرین کا کہنا ہے کہ یہ طرزِ عمل بھارت کی 2036ء اولمپکس کی میزبانی کی بڈ کے لیے نقصان دہ ثابت ہو سکتا ہے۔

    عالمی سطح پر کھیلوں کو سیاست سے بچانے کی آوازیں تیز ہو رہی ہیں اور اب آئی او سی کا ورکنگ گروپ اس پیغام کو مزید مضبوط کرے گا۔ ماہرین کے مطابق بھارت کو کھیل اور سیاست کے بیچ فیصلہ کرنا ہوگا کیونکہ عالمی اسٹیج پر کھیلوں میں سیاست کے لیے کوئی جگہ نہیں۔

    بشریٰ بی بی کا جیل میں طبی معائنہ کرانے سے انکار

    اسرائیل کی نئی ہولناک حکمتِ عملی، غزہ میں بارودی روبوٹس کا استعمال شروع کر دیا

    پاکستان نے بھارتی طیاروں کے لیے فضائی حدود کی بندش پھر بڑھا دی

  • کامن ویلتھ بیچ ہینڈ بال چیمپین شپ: پاکستان کی سری لنکا کو شکست

    کامن ویلتھ بیچ ہینڈ بال چیمپین شپ: پاکستان کی سری لنکا کو شکست

    کامن ویلتھ بیچ ہینڈ بال چیمپیئن شپ ایونٹ کے دوسرے میچ میں پاکستان نے سری لنکا کو شکست دے دی۔

    کامن ویلتھ بیچ ہینڈ بال چیمپین شپ میں پاکستان کی کامیابیوں کا سلسلہ جاری ہے ایونٹ کے دوسرے میچ میں پاکستان نے سری لنکا کو شکست دے دی، میچ میں پاکستان کی کامیابی کا اسکور 20-18 اور 23-06 رہا،پاکستان کی جانب سے آصف علی کو شاندار پرفارمنس پر مین آف دی میچ دیا گیا۔

    واضح رہے کہ پاکستان نے ایونٹ میں گزشتہ شب بھارت کو بھی دو صفر سے ہرایا تھا، پاکستانی ٹیم ایونٹ میں اپنا تیسرا میچ آج رات میزبان مالدیپ کے خلاف کھیلے گی۔

    سیلاب ،مسلم ویمن لیگ کی رہنما و خواتین رضاکار بھی متحرک

    9 مئی کے دو مقدمات میں خدیجہ شاہ کے وارنٹ گرفتاری جاری

    شادی کے لئے بھارت آنے والی امریکی خاتون قتل ، لاش جلا دی گئی