Baaghi TV

Category: کھیل

  • دوسرا ٹی ٹوئنٹی:پاکستان کےساتھ کیا ہوگیا کہ شائقین کرکٹ دکھی ہوگئے

    دوسرا ٹی ٹوئنٹی:پاکستان کےساتھ کیا ہوگیا کہ شائقین کرکٹ دکھی ہوگئے

    لاہور:دوسرا ٹی ٹوئنٹی:پاکستان کےساتھ کیا ہوگیا کہ شائقین کرکٹ دکھی ہوگئے،اطلاعات کے مطابق جنوبی افریقہ نے پاکستان کے خلاف ٹاس جیت کر فیلڈنگ کا فیصلہ کیا جس کے بعد پاکستان نے پہلے کھیلتے ہوئے 7 وکٹوں پر 144 رنز بنائے۔

     

    پاکستان نے جنوبی افریقہ کو جیت کےلیے 145رنز کا ہدف دیا جو جنوبی افریقہ نے 16.2 اوورز میں 4 وکٹوں پر باآسانی حاصل کرلیا۔ جنوبی افریقا کے ریزا ہینڈرکس اور پٹ وان بلجون نے 42،42 رنز کی اننگز کھیلی، جے جے اسموٹس 7 اور ملان نے 4 رنز بنائے۔

    پاکستان نے پہلے کھیلتے ہوئے وکٹ کیپر بیٹسمین محمد رضوان کی شاندار نصف سنچری کی بدولت 20 اوورز میں 7 وکٹوں پر 144 رنز بنائے۔محمد رضوان 51 رنز بناکر آؤٹ ہوئے۔ کپتان بابراعظم پانچ رنز اور حیدرعلی 10 رن پر آؤٹ،حسین طلعت 3 رنز بنا کرپویلین لوٹ گئے۔

     

    افتخار احمد 20، خوشدل شاہ 15 اور محمد نواز بغیر کوئی رن بنائے آؤٹ ہوئے۔ فہیم اشرف 12 گیندوں پر 30 رنز اور عثمان قادر 4 رنز بناکر ناٹ آؤٹ رہے۔جنوبی افریقہ کی جانب سے ڈیوائن پریٹوریئس نے 5 کھلاڑیوں کو آؤٹ کیا۔

     

    آج کے میچ میں قومی ٹیم میں بابراعظم ، محمدرضوان، حیدرعلی، حسین طلعت ، افتخاراحمد، خوشدل شاہ، محمد نواز ، فہیم اشرف ، عثمان قادر، شاہین شاہ آفریدی اور حارث رؤف بھی شامل تھے۔

     

    تین ٹی ٹوئنٹی میچوں کی سیریز اب 1-1 سے برابر ہوگئی ہے۔ پہلے ٹی ٹوئنٹی میچ میں پاکستان نے دلچسپ مقابلے کے بعد جنوبی افریقہ کو تین رنز سے شکست دی تھی۔ تیسرا اور آخری میچ کل 14 فروری کو کھیلا جائے گا۔

     

  • ایچ بی ایل پی ایس ایل 6 کا آغاز کب ہو گا!!!

    ایچ بی ایل پی ایس ایل 6 کا آغاز کب ہو گا!!!

    پی سی بی کا ایچ بی ایل پی ایس ایل 6 کی اسٹریمنگ کے لیے ٹیپمیڈ سے معاہدہ ہوا۔
    پاکستان کرکٹ بورڈ نے آسٹریلیا، مڈل ایسٹ اور شمالی افریقہ میں ایچ بی ایل پاکستان سپر لیگ 6 کی اسٹریمنگ کے لیے ٹیپمیڈ سے معاہدہ کرلیا ہے۔ یہ اسٹریمنگ www.tapmad.com/psl6 پر دستیاب ہوگی۔
    شراکت داری کے اس معاہدے سےنہ صرف آسٹریلیا، مڈل ایسٹ اور شمالی افریقہ میں موجود کرکٹ فینز کو ایچ بی ایل پی ایس ایل 6 کی کوریج میسر آئے گی بلکہ اس سے پاکستان کرکٹ کی مزید پذیرائی بھی ہوگی۔
    اس نئے معاہدے کے ساتھ ہی اب ایچ بی ایل پی ایس ایل 6 دنیا بھر میں اسٹریم ہوگی۔شمالی امریکہ میں وِلو ٹی وی، کیریبئن میں فلو اسپورٹس، یو کے میں اسکائے اسپورٹس یوکے، سب سہارا افریقہ میں سپر اسپورٹس، جنوبی ایشیا میں سونی پکچرز نیٹ ورک، نیوزی لینڈ میں اسکائے نیوزی لینڈ، مڈل ایسٹ اور شمالی افریقہ، آسٹریلیا اور باقی دنیا میں ٹیمپیڈ ایچ بی ایل پی ایس ایل 6 کو اسٹریم کرے گا۔
    ایچ بی ایل پی ایس ایل 6 کا آغاز 20 فروری سے ہوگا، جہاں دفاعی چیمپئن کراچی کنگز اور ایڈیشن 2019 کی فاتح کوئٹہ گلیڈی ایٹرز کی ٹیمیں نیشنل اسٹیڈیم کراچی میں مدمقابل آئیں گی۔ایونٹ کا فائنل 22 مارچ کو قذافی اسٹیڈیم لاہور میں کھیلا جائے گا۔

  • پاکستان اولمپک ایسوسی ایشن جنرل کونسل اجلاس، اہم فیصلے کر دیے گئے

    پاکستان اولمپک ایسوسی ایشن جنرل کونسل اجلاس، اہم فیصلے کر دیے گئے

    پاکستان اولمپک ایسوسی ایشن جنرل کونسل اجلاس ہوا جس میں لیفٹیننٹ جنرل (ر) سید عارف حسن نے صدارت کی۔
    جنرل ہاوس نے بھی پی او اے ایگزیکٹو بورڈ کے فیصلے کی توثیق کرتے ہوئے پاکستان اتھلیٹکس فیڈریشن کی پی او اے سے رکنیت ختم کرنے کی منظوری دی۔ پی او اے جنرل کونسل نے سابق سیکرٹری پاکستان آرچری فیڈریشن کے خلاف سخت کارروائی عمل میں لانے کی بھی منظوری دی۔ جنرل کونسل نے پی او اے صدر سید عارف حسن اور سیکرٹری خالد محمود پر مکمل اعتماد کا اظہار کیا۔ نیشنل گیمز ہر دو سال کی بجائے چار سال بعد کرائی جانے کی تجویز پر معاملہ سپورٹس کمیشن کے سپرد کیا۔ پاکستان اولمپک ایسوسی ایشن اجلاس میں ساوتھ ایشین گیمز کو دو کی بجائے چار سال بعد کرانے کی تجویز دی ۔ ساوتھ گیمز کی میزبانی اور وزیر اعظم سے ملاقات کے حوالے سے بریف کیا جسے ہاوس کی جانب سے پی او اے کی کوششوں کو سراہا۔ سیکرٹری جنرل پی او اے نے پاکستان اولمپک ایسوسی ایشن کی ہونے والی ایکٹیوٹی کے حوالے سے بریف کیا۔ اجلاس میں 20-2019 آڈٹ رپورٹ کی بھی منظوری کے ساتھ ساتھ نئے مالی سال کے لیئے آڈیٹر کی تعیناتی کی گئی۔ اجلاس میں 34 ویں نیشنل گیمز کے انعقاد کے حوالے سے بھی بریف کیا گیا۔اجلاس میں پی او اے کی مختلف کمشن اور کمیٹیز کےسربراہان نے اپنی رپورٹ پیش کی۔ اجلاس میں چھٹی ایشین ان ڈور اینڈ مارشل گیمز کی تیاریوں کے حوالے سے بریف کیا گیا۔ ٹوکیو اولمپک، پانچویں اسلامک سالیڈیریٹی گیمز اور تیسری ایشین یوتھ گیمز میں شرکت اور تیاریوں کے حوالے سے بریف کیا گیا۔ اجلاس میں برمنگھم کامن ویلتھ گیمز کی بیٹن کی آمد کے حوالے سے بتایا گیا۔ اجلاس میں پی او اے ایگزیکٹو کمیٹی کے فیصلوں کی بھی منظوری دی گئی۔ پی او اے جنرل کونسل اجلاس میں 23 ممبران نے آن لائن جبکہ 80 کے قریب ممبران نے فزیکلی اجلاس میں شرکت کی۔ پی او اے کے تمام مالی معاملات کو آن لائن ویب سائیٹ پر جاری کیا جائے گا، تمام اخراجات کے حوالے سے تمام آڈٹس رپورٹ موجود ہیں

  • پاکستان کو ساوتھ ایشین سائیکلنگ چیمپپن شپ کی میزبانی مل گئی

    پاکستان کو ساوتھ ایشین سائیکلنگ چیمپپن شپ کی میزبانی مل گئی

    لاہور:پاکستان کو ساوتھ ایشین سائیکلنگ چیمپپن شپ کی میزبانی مل گئی ،اطلاعات کے مطابق پاکستان سائیکلنگ فیڈریشن کے صدر سید اظہرعلی شاہ نے کہاہے کہ پاکستان کو ساوتھ ایشین سائیکلنگ چیمپپن شپ کی میزبانی مل گئی ہے ایونٹ اسلام آباد یا پشاورمیں کرایاجائے گاجس میں ساوتھ ایشین کے اٹھ ممالک شریک ہونگے۔

     

     

    ان خیالات کااظہارانہوں نے میڈیاسنٹرمیں میٹ دی پریس سے خطاب کرتے ہوئے کیااس موقع پرخیبرپختونخواسائیکلنگ ایسوسی ایشن کے صدرنثاراحمد بھی موجود تھے۔سید اظہرعلی شاہ نے بتایاکہ سال 2021 سائیکلنگ کے حوالے سے ایک روشن وتابناک سال ہوگاگذشتہ سال کورنا کی وجہ جن مشکلات وتکلیف دہ حالات کاسامناکیااس کاازالہ اس سال ضرورکیاجائیگا۔اس سال مقابلوں کاآغاز29مارچ سے نیشنل سائیکلنگ ٹریک چیمپین شپ سے کیاجارہاہے جو تین دن جاری رہے گی۔

     

    لاہورمیں ہونے والی ٹریک نیشنل چیمپین شپ میں جونیئروسنیئرزکھلاڑی شرکت کریں گے جبکہ دوسراایونٹ تیسری انٹرنیشنل خنجراب سائیکل ریس ہے جس کے لیے تمام تیاریاں مکمل کرلی ہے مقابلے رمضان سے قبل یافورآ بعد منعقد ہونگے۔ایونٹ می ںسات ممالک کی شرکت تقریبا یقینی ہے تاہم اندازہ ہے کہ دس سے زائد ممالک خنجراب انٹرنیشنل سائیکل ریس میںشرکت کریںگے پچھلے سال ایونٹ پرتین کروڑروپے کے اخرجات آئے تھے اس سال بھی حکومت گلگت بلتستان بہترین انداز سے انٹرنیشنل سٹینڈرڈ کی ریس کرانے کے لیے پرامیدہے

  • خیبر پختونخوا، مالم جبہ کی رونقیں بحال ہو رہی ہیں

    خیبر پختونخوا، مالم جبہ کی رونقیں بحال ہو رہی ہیں

    پشاورمحکمہ سیاحت کی جانب سے سال کا ساتواں سرمائی فیسٹیول مالم جبہ میں جاری ہو گیا، فیسٹیول میں سکی کے 120کھلاڑی حصہ لیں رہے ہیں۔
    ھوم رن 19 ممالک میں کھیلا جاتا ہے۔ مالم جبہ سکی ریزارٹ پاکستان بھر میں سکی اور دیگر برف پر کھیلی جانے والے کھیلوں کے لئے نہایت موزوں ہے۔
    محکمہ سیاحت کی جانب سے سوات کے پر فضا سیاحتی مقام گبین جبہ میں بھی خصوصی تہوار کا اہتمام کیا گیا ہے۔ محکمہ سیاحت کی جانب سے مارچ میں ڈیرہ جات فیسٹیول کا اہتمام کیا گیا ہے۔ سیاحت کو فروغ دینے اور سیاحتی مقامات تک آسان رسائی کے لئے انفراسٹرکچر کو بہتر کیا جا رہا ہے۔

  • دوسرا ٹی 20میچ ،ٹیمیں سٹیڈیم پہنچ گئیں

    دوسرا ٹی 20میچ ،ٹیمیں سٹیڈیم پہنچ گئیں

    دوسرا ٹی 20میچ ،ٹیمیں سٹیڈیم پہنچ گئیں

    باغی ٹی وی کی رپورٹ کے مطابق پاکستان اور جنوبی افریقہ کے درمیان دوسرا ٹی 20میچ ،جنوبی افریقہ اور قومی ٹیم سخت سیکیورٹی میں قذافی اسٹیڈیم پہنچ گئیں

    دوسرے ٹی 20میچ کیلئے ٹاس ساڑھے 5بجے اور میچ کا آغازشام6بجے ہوگا پاکستانی ٹیم کو سیریز میں 0-1کی برتری حاصل ہےقذافی اسٹیڈیم میں میچ کی تیاری جاری ہے

    اس موقع پر سیکورٹی کے سخت انتظامات کئے گئے ہیں،پولیس کی بھاری نفری تعینات کی گئی ہے،پہلے میچ میں رضوان نے شاندار بیٹنگ کرتے ہوئے سنچری سکور کی، بولنگ میں عثمان قادر اور حارث رؤف نے کمال دکھایا۔ فہیم اشرف نے بھی بھرپور پرفارمنس دکھائی، یوں پاکستان کو پہلے ٹی 20 میں تین رنز سے فتح حاصل ہوئی۔

  • پشاور زلمی کے ہیڈ کوچ ڈیرن سیمی نے کراچی پہنچ کر دیا فینزکو اہم پیغام

    پشاور زلمی کے ہیڈ کوچ ڈیرن سیمی نے کراچی پہنچ کر دیا فینزکو اہم پیغام

    پشاور زلمی کے ہیڈ کوچ ڈیرن سیمی نے کراچی پہنچ کر دیا فینزکو اہم پیغام

    باغی ٹی وی کی رپورٹ کے مطابق پشاور زلمی کے ہیڈ کوچ ڈیرن سیمی پی ایس ایل چھ کے لیے کراچی پہنچ گئے

    ڈیرن سیمی نے کراچی پہنچنے پر ویڈیو پیغام میں کہا کہ اسلام و علیکم پاکستان , ڈیرن سیمی کا پاکستانیوں کو سلام ،پاکستان سپر لیگ اور پشاور زلمی کا حصہ بننے پر ایک بار پھر خوشی ہے , طور کوچ ایک بار پھر پشاور زلمی کا حصہ بننے پر پرجوش ہوں ,

    ڈیرن سیمی نے اپنے فینز کو پیغام دیا کہ کرکٹ کو انجوائے کریں لیکن ماسک پہن کر اپنی اور سب کی احتیاط بھی کریں

    پی ایس ایل 6 کا حصہ بننے کے لیے دیگر غیر ملکی کھلاڑیوں کی بھی آمد کا سلسلہ جاری ہے۔ گزشتہ روز کراچی کنگز کے غیر ملکی کھلاڑی چاڈوک والٹن، کولن انگرام، افغان کرکٹر نور احمد اور ہیڈ کوچ ہرشل گبز کراچی پہنچے تھے۔

    ہوٹل پہنچنے پر کووڈ ٹیسٹنگ کے بعد غیر ملکی کھلاڑی قرنطینہ میں ہیں۔ رپورٹ کلیئر آنے پر کھلاڑی اور آفیشلز بائیو سیکیور ببل میں جائیں گے، فرنچائز ٹیموں کے ٹریننگ سیشنز 15 فروری سے شروع ہوں گے۔

    پاکستان سپر لیگ کے سیزن چھ کیلئے آن لائن ٹکٹوں کی پری بکنگ شروع کر دی گئی ہے جس کے بعد شائقین کرکٹ نے آن لائن رجسٹریشن کروانا بھی شروع کر دی ہے ۔کراچی میں ہونے والے میچز میں 7500 اور لاہور میں ہونے والے میچز میں 5500 شائقین کرکٹ کو سٹیڈیم آنے کی اجازت دی جائے گی

  • تیسرے چیئرمین واپڈا گالف ٹورنامنٹ کا افتتاح ہوگیا

    تیسرے چیئرمین واپڈا گالف ٹورنامنٹ کا افتتاح ہوگیا

    باغی ٹی وی : تیسرے چیئرمین واپڈا شوقیہ گالف ٹورنامنٹ کا افتتاح ہوکیا
    تیسرا چیئرمین واپڈا امیچر شوقیہ گالف ٹورنامنٹ آج باضابطہ طور پر لاہور جم خانہ گالف کلب میں شروع ہوا ، واپڈا کے چیئرمین لیفٹیننٹ جنرل مزمل حسین (ر) نے شارٹ لگا کر گولفنگ ٹورنا منٹ کا افتتاح‌کیا جہاں .واپڈا اسپورٹس بورڈ کے عہدیدا ر اور متعدد گولفرز بھی موجود تھے۔

    اس موقع پر واپڈا کے چیئرمین نے خطاب کرتے ہوئے کہا کہ کھیل صرف ایک سرگرمی نہیں بلکہ خود ایک رجحان ہے ، جس میں ملک کو درپیش تمام مسائل سے نمٹنے کی صلاحیت موجود ہے۔ کھیل اقتصادی صلاحیتوں پر قابو پانے ، ہم آہنگی پیدا کرنے اور اقوام کو ایک دوسرے کے ساتھ جوڑنے کی صلاحیت رکھتے ہیں۔ کھیل آنے والی نسلوں کے لئے زندگی کا لازمی حصہ ہے ۔ ہمیں واپڈا کی ٹیموں پر فخر ہے جو بین الاقوامی سطح پر پاکستان کا نام روشن کررہی ہیں۔ واپڈا پانچ دہائیوں سے زیادہ عرصہ سے پاکستان میں کھیلوں کی سرپرستی کر رہا ہے اور وہ 35 کھیلوں میں نیشنل چیمپیئن ہے اور 18 کھیلوں میں رنر اپ ہے۔ واپڈا کا بطور ایک ادارہ نوجوان نسل میں قومی اور بین الاقوامی کھیلوں کے مقابلوں میں حصہ لینے کے لئے جذبے پیدا کرنا ہے۔ واپڈا بیک وقت کھیلوں کے تمام شعبوں پر توجہ مرکوز کرتا رہا ہے اور یہ گولف ٹورنامنٹ اس سلسلے میں ایسی کوششوں کا ایک حصہ ہے۔ انہوں نے مزید کہا کہ اس ٹورنامنٹ میں پاکستان بھر کے نامور گولفرز حصہ لے رہے ہیں۔

    ٹورنامنٹ کی شکل کے مطابق ، میچوں میں شوقیہ ، سینئر شوقیہ ، خواتین ، سابق فوجیوں اور دعوت نامہ کے زمرے میں کھیلے جارہے ہیں جن میں شوقیہ افراد کے لئے 54 ہول ، سینئر شوقیہ اور خواتین کے لئے 36 ہو ل جبکہ تجربہ کار کے لیے 9 ہول ہیں۔

  • "پروفیسر ” محمد حفیظ نے نوجوان کرکٹرز کودیا لیکچر

    "پروفیسر ” محمد حفیظ نے نوجوان کرکٹرز کودیا لیکچر

    باغی ٹی وی : پروفیسر محمد حفیظ نے نوجوان کرکٹرز کودیا لیکچر

    لاہور : کرکٹر محمد حفیظ نے قلندرز ہائی پرفارمنس سنٹر میں نوجوان کرکٹرز کو پلاننگ اینڈ سیٹنگ گولز پر لیکچرز دیا
    محمد حفیظ نے کہا کہ پلاننگ اور ٹارگٹ سیٹ کئے بفیر کامیابی حاصل نہیں کی جاسکتی . سخت محنت اور واضح ویژن کے ساتھ آگے بڑھنے کی کوشش کرنی چاہئے. کامیابی محنت سے ملتی ہے اس کے لئیے قربانی دینے سے گھبرانا نہیں چاہئے . سوچ اور ویژن کو بڑا رکھنا چاہئے. لاہور قلندرز کے پلیٹ فارم کو مثبت انداز میں لیں

    محمد حفیظ کا کہنا تھا کہ لاہور قلندرز کے پلیٹ فارم کو کامیابی کی سیڑھی بنائیں . ہر وقت ملک کی نمائندگی کا سوچیں ، اس سطح پر قلندرز کے کوچز کا ملنا بڑی بات ہے . قلندرز ہائی پرفارمنس سنٹر سے بہتر سہولیات آپ کو نہیں مل سکتیں .

  • پی ایس ایل 2021کے لیے میچ آفیشلز کا تقرر کردیا گیا

    پی ایس ایل 2021کے لیے میچ آفیشلز کا تقرر کردیا گیا

    باغی ٹی وی : ایچ بی ایل پی ایس ایل 2021کے لیے میچ آفیشلز کا تقرر کردیا گیا

    باغی ٹی وی : پاکستان کرکٹ بورڈ نے ایچ بی ایل پاکستان سپر لیگ 2021 کے لیے میچ آفیشلز کا تقرر کردیا ہے۔بیس فروری سے بائیس مارچ تک جاری رہنے والے ایونٹ کے میچز کراچی اور لاہور میں کھیلے جائیں گے۔

    آئی سی سی ایلیٹ پینل آف امپائرز میں شامل علیم ڈار، رچرڈ ایلنگ ورتھ اور مائیکل گف سمیت پی سی بی ایلیٹ پینل آف امپائرز میں شامل سات ارکان بھی لیگ میں امپائرنگ کی ذمہ داریاں نبھائیں گے۔ ان سات مقامی امپائرز میں آصف یعقوب(پی سی بی امپائر آف دی ائیر 2020)، احسن رضا، فیصل خان آفریدی، عمران جاوید، راشد ریاض، شوزب رضا اور ضمیر حیدر شامل ہیں۔

    آئی سی سی ایلیٹ پینل آف ریفریز کے سابق رکن روشن ماہنامہ اور پی سی بی ایلیٹ پینل آف ریفریز میں شامل علی نقوی، افتخار احمد، محمد انیس اور محمد جاوید ملک ٹورنامنٹ کے 34 میچوں میں پلیئنگ کنٹرول ٹیم کی سربراہی کریں گے۔

    ایونٹ کے افتتاحی میچ میں علیم ڈار اور احسن رضا فیلڈ امپائرز کی ذمہ داریاں نبھائیں گے، راشد ریاض کو تھرڈ امپائر اور آصف یعقوب کو فورتھ امپائر مقرر کیا گیا ہے۔روشن ماہنامہ اس روز میچ ریفری کے فرائض انجام دیں گے۔

    ایونٹ کا افتتاحی میچ بیس فرور ی کو نیشنل اسٹیڈیم کراچی میں کھیلا جائے گا، جہاں دفاعی چیمپئن کراچی کنگز اور 2019 کی فاتح کوئٹہ گلیڈی ایٹرز کی ٹیمیں مدمقابل آئیں گی۔

    پی سی بی ایلیٹ پینل میں شامل امپائرز: احسن رضا (لاہور) ، آصف یعقوب (اسلام آباد) ، فیصل خان آفریدی (سرگودھا) ، عمران جاوید (کراچی) ، راشد ریاض (لاہور) ، شوزب رضا (لاہور) اور ضمیر حیدر (لاہور) ۔

    آئی سی سی ایلیٹ پینل میں شامل امپائرز:علیم ڈار ، مائیکل گف اور رچرڈ ایلنگ ورتھ۔

    پی سی بی ایلیٹ پینل میں شامل میچ ریفریز: علی نقوی (لاہور) ، افتخار احمد (کراچی) ، محمد انیس (لاہور) ، اور محمد جاوید ملک (ملتان)

    انٹرنیشنل میچ ریفری: روشن ماہنامہ (سری لنکا)

    ایونٹ کے کوالیفائر، دو ایلیمنٹرزاور فائنل کے لیے امپائرز اورمیچ ریفریز کی تقرری ان میچز سے کچھ روز قبل کی جائے گی۔ڈے میچز دوپہر 2 بجے اور نائٹ میچز رات 7 بجے شروع ہوں گے۔جمعے کو شیڈول ڈبل ہیڈر کا پہلا میچ سہ پہر 3 بجے اور دوسرا رات 8 بجے شروع ہوگا۔

    بیس فروری :
    کراچی کنگز بمقابلہ کوئٹہ گلیڈی ایٹرز (نائٹ میچ)۔ علیم ڈار اور احسن رضا (آن فیلڈ امپائرز) ، راشد ریاض (تھرڈ امپائر) ، آصف یعقوب (فورتھ امپائر)، روشن ماہنامہ (میچ ریفری)

    اکیس فروری:
    لاہور قلندرز بمقابلہ پشاور زلمی (ڈے میچ)۔ شوزب رضا اور راشد ریاض (آن فیلڈ امپائرز) ، ضمیر حیدر (تھرڈ امپائر) ، عمران جاوید (فورتھ امپائر)، افتخار احمد (میچ ریفری)
    اسلام آباد یونائیٹڈ بمقام ملتان سلطانز (نائٹ میچ)۔ رچرڈ ایلنگ ورتھاور احسن رضا (فیلڈ امپائر) ، علیم ڈار (تھرڈ امپائر) ، آصف یعقوب (فورتھ امپائر)، روشن ماہنامہ(میچ ریفری)

    بائیس فروری:
    لاہور قلندرز بمقابلہ کوئٹہ گلیڈی ایٹرز (نائٹ میچ)۔ علیم ڈار اور آصف یعقوب (فیلڈ امپائرز) ، راشد ریاض (تھرڈ امپائر) ، ضمیر حیدر (فورتھ امپائر)،علی نقوی (میچ ریفری)

    تئیس فروری:
    پشاور زلمی بمقام ملتان سلطانز (نائٹ میچ)۔ رچرڈ ایلنگ ورتھ اور شوزب رضا (آن فیلڈ امپائرز) ، آصف یعقوب (تھرڈ امپائر) ، احسن رضا (فورتھ امپائر)، روشن ماہنامہ(میچ ریفری)

    چوبیس فروری :
    کراچی کنگز بمقابلہ اسلام آباد یونائیٹڈ (نائٹ میچ) احسن رضا اور راشد ریاض (آن فیلڈ امپائرز) ، شوزب رضا (تھرڈ امپائر) ، عمران جاوید (فورتھ امپائر)، علی نقوی (میچ ریفری)

    چھبیس فروری:
    لاہور قلندرز بمقابلہ ملتان سلطانز (ڈے میچ)۔ علیم ڈار اور فیصل آفریدی (آن فیلڈ امپائرز) ، شوزب رضا (تھرڈ امپائر) ، راشد ریاض (فورتھ امپائر)، روشن ماہنامہ(میچ ریفری)
    پشاور زلمی بمقابلہ کوئٹہ گلیڈی ایٹرز (نائٹ میچ) رچرڈ ایلنگ ورتھ اور آصف یعقوب (آن فیلڈ امپائرز) ، احسن رضا (تھرڈ امپائر)، عمران جاوید (فورتھ امپائر)، افتخار احمد (میچ ریفری)

    ستائیس فروری :
    کراچی کنگز بمقابلہ ملتان سلطانز (ڈے میچ)۔ رچرڈ ایلنگ ورتھ اور راشد ریاض (آن فیلڈ امپائر) ، احسن رضا (تھرڈ امپائر) ، فیصل آفریدی (فورتھ امپائر)، روشن ماہنامہ(میچ ریفری)
    پشاور زلمی بمقابلہ اسلام آباد یونائیٹڈ (نائٹ میچ) شوزب رضا اور آصف یعقوب (آن فیلڈ امپائرز) ، عمران جاوید (تھرڈ امپائر) ، ضمیر حیدر (فورتھ امپائر)، علی نقوی (میچ ریفری)

    اٹھائیس فروری:
    لاہور قلندرز بمقابلہ کراچی کنگز (نائٹ میچ)۔ علیم ڈار اور رچرڈ ایلنگ ورتھ (آن فیلڈ امپائرز) ، راشد ریاض (تھرڈ امپائر) ، شوزب رضا (فورتھ امپائر)، ر…