Category: کھیل

شعیب اختر نے ویرات کوہلی کو جیت کے لیے مشورہ دے دیا

باغی ٹی وی : بھارت کی انگلینڈ کے ہاتھوں شکست کے بعد بہت بے عزتی ہو رہی ہے . ہر کوئی یا تو مزاق کر رہاہے یا مشورے دیے رہا ہے . قومی کرکٹ ٹیم کے سابق فاسٹ بولر شعیب اختر نے بھارتی کرکٹ ٹیم کے کپتان ویرات کوہلی کو انگلینڈ کے خلاف جیتنے کیلئے مشورہ دیتے ہوئے کہا کہ اگلے میچ میں ٹھوس منصوبہ بندی کریں۔

انہوں نے بھارتی ٹیم کی چنائی ٹیسٹ میں شرمناک شکست پر ردعمل دیتے ہوئے کہا کہ بھارتی سرزمین پر انگلینڈ نے بڑی کامیابی حاصل کی۔

Big win for England on Indian soil. A solid Comeback required from here. Kohli & the think tank needs to have a solid plan to combat strong England. #INDvENG

— Shoaib Akhtar (@shoaib100mph) February 9, 2021

سپیڈ سٹار نے کہا کہ یہاں سے بھارتی ٹیم کو بڑے کم بیک کی ضرورت ہے۔سابق فاسٹ بولر نے کہا کہ مضبوط انگلینڈ کا مقابلہ کرنے کے لئے کوہلی اور تھنک ٹینک کو ٹھوس منصوبہ بندی کرنے کی ضرورت ہے۔

واضح رہے کہ جیک لیچ اور جیمز اینڈرسن کی تباہ کن بولنگ کی بدولت انگلینڈ نے بھارت کو چنئی ٹیسٹ میں عبرتناک شکست سے دوچار کردیا ہے۔

تفصیلات کے مطابق انگلینڈ نے چار میچوں کی سیریز پر مشتمل پہلے ٹیسٹ میچ میں بھارت کو 227 رنز کی عبرتناک شکست سے دے دی ہے ، مہمان انگلینڈ کی جانب سے 420 رنز کا پہاڑ جیسا تعاقب کا ہدف کرنے والے بھارتی سورما صرف 192 رنز پر ڈھیر ہوگئی

پی ایس ایل کے لیے کھلاڑی کراچی آنا شروع

باغی ٹی وی : نئے پی ایس ایل کیلئے ملکی کھلاڑیوں کی آمد شروع ہو گئی ، اسلام آباد یونائیٹڈ کے شاداب خان اور فاسٹ بولر موسی خان کراچی پہنچ گئے۔

پی ایس ایل 20فروری سے کراچی میں شروع ہوگا جس کے لیے ٹیموں نے کراچی کا رخ کرنا شروع کردیا ہے ۔

اسلام آباد یونائیٹڈ کے شاداب خان اور فاسٹ بولر موسیٰ خان کراچی پہنچ گئے ہیں جبکہ ملکی و غیر ملکی کھلاڑیوں کی آمد کا سلسلہ جمعرات سے شروع ہوگا۔

ایونٹ میں شریک ٹیمیں اسکواڈ مکمل ہونے کےبعد کوویڈ 19ٹیسٹ کرائیں گی، رپورٹ کلیئر آنے پر کھلاڑی اور آفیشلز گراؤنڈ کا رخ کریں گے۔پی ایس ایل کیلئے ٹیموں کا باقاعدہ ٹریننگ سیشن 15فروری سے شروع ہوگا۔

ادھر پاکستان کرکٹ بورڈ نے معروف ای ٹکٹنگ کمپنی bookme.pk کو ایچ بی ایل پاکستان سپر لیگ 2021 کا آفیشل ٹکٹنگ پارٹنر مقرر کردیا ہے۔ایونٹ 20 فروری کو نیشنل اسٹیڈیم کراچی میں شروع ہوگا۔

این سی او سی کی اجازت کے بعد لیگ کےچھٹے ایڈیشن میں 20 فیصد تماشائیوں کو شرکت کی اجازت ہے۔کرکٹ فینز ان میچز میں شرکت کے لیے اپنی ٹکٹیں بک می ڈاٹ پی کے سے خرید سکیں گے۔

بک می ڈاٹ پی کے میں روپے کی منتقلی جاز کیش یا ایزی پیسہ سے کی جاسکے گی۔

bookme.pk ایچ بی ایل پی ایس ایل 2021 کا ٹکٹنگ پارٹنر مقرر

باغی ٹی وی :bookme.pk ایچ بی ایل پی ایس ایل 2021 کا ٹکٹنگ پارٹنر مقرر

پاکستان کرکٹ بورڈ نے معروف ای ٹکٹنگ کمپنی bookme.pk کو ایچ بی ایل پاکستان سپر لیگ 2021 کا آفیشل ٹکٹنگ پارٹنر مقرر کردیا ہے۔ایونٹ 20 فروری کو نیشنل اسٹیڈیم کراچی میں شروع ہوگا۔

این سی او سی کی اجازت کے بعد لیگ کےچھٹے ایڈیشن میں 20 فیصد تماشائیوں کو شرکت کی اجازت ہے۔کرکٹ فینز ان میچز میں شرکت کے لیے اپنی ٹکٹیں بک می ڈاٹ پی کے سے خرید سکیں گے۔

بک می ڈاٹ پی کے میں روپے کی منتقلی جاز کیش یا ایزی پیسہ سے کی جاسکے گی۔

ٹکٹوں کی قیمتوں سمیت مزید تفصیلات جلد جاری کردی جائیں گی۔

بابرحامد، ڈائریکٹر کمرشل پی سی بی:

پاکستان کرکٹ بورڈ کے ڈائریکٹر کمرشل بابرحامد کا کہنا ہے کہ ہم ایچ بی ایل پی ایس ایل 6 کے لیے bookme.pk کو آفیشل ٹکٹنگ پارٹنر بننے پر مبارکباد پیش کرتے ہیں، امید ہے کہ بک می ڈاٹ پی کے کرکٹ فینز کو اعلیٰ معیار کی سہولیات فراہم کرے گا۔
انہوں نے کہا کہ فینز کو محدود تعداد میں اسٹیڈیم میں داخلے کی اجازت ملنے پر بہت خوش ہے، اس دوران پی سی بی سماجی فاصلے سمیت کوویڈ 19 پروٹوکولز پر مکمل عمل درآمد کو یقینی بنائے گا۔

فیضان اسلم، چیف ایگزیکٹو آفیسر بک می ڈاٹ پی کے:

چیف ایگزیکٹو آفیسر بک می ڈاٹ پی کے فیضان اسلم کا کہنا ہے کہ وہ پاکستان کرکٹ بورڈ کے ساتھ کام کرنے کا موقع ملنے پر خوش ہیں،ہم فینز کو قطاروں میں کھڑے ہونے کی بجائے گھر بیٹھے ڈیجٹل انداز سے ٹکٹیں خریدنے کے لیے اعلیٰ معیار کی سہولیات فراہم کریں گے۔

انگلینڈ نے بھارت کو ہوم گراؤنڈ میں دھول چٹادی

باغی ٹی وی : جیک لیچ اور جیمز اینڈرسن کی تباہ کن بولنگ کی بدولت انگلینڈ نے بھارت کو چنئی ٹیسٹ میں عبرتناک شکست سے دوچار کردیا ہے۔

تفصیلات کے مطابق انگلینڈ نے چار میچوں کی سیریز پر مشتمل پہلے ٹیسٹ میچ میں بھارت کو 227 رنز کی عبرتناک شکست سے دے دی ہے ، مہمان انگلینڈ کی جانب سے 420 رنز کا پہاڑ جیسا تعاقب کا ہدف کرنے والے بھارتی سورما صرف 192 رنز پر ڈھیر ہوگئی

گھر کے شیر گھر ہی میں ڈھیر، سیریز کا ابتدائی ٹیسٹ میچ میزبان بھارتیوں کے لیے کڑا امتحان ثابت ہوا۔ مہمان انگلش ٹیم نے ٹاس جیت کر بیٹنگ کے خوب جوہر دکھائے، کپتان جورُوٹ قیمتی 218 رنز کی بدولت مرد میدان قرار پائے۔

پہلی اننگزمیں انگلینڈ کا 578 کا پہاڑ جیسا ٹوٹل بنا جس سے نام نہاد بھارتی سورما بوجھ تلے دب گئے، جواب میں 337رنز بنائے۔ دوسو اکتالیس رنز کی برتری کے ساتھ مہمان انگلش کھلاڑیوں نے ایک سو اٹھہتر رنز بنا کر سورماؤں کو گویا چارسوبیس لگا دی۔

کپتان ویرات کوہلی نے بمشکل 72 کی مزاحمت کی، پوری ٹیم 192 رنز پر ڈھیر ہوئے اور 227 رنز کی بری شکست کھائی۔ مہمان انگلش ٹیم نے ایک تیر سے دو شکار کئے، چار میچز کی سیریز میں ایک صفر کی برتری پر ٹیسٹ چیمپئن شپ میں تیس پوائنٹس ملے، ٹاپ پوزیشن مستحکم کر لی۔

پاکستان اور زمبابوے کی خواتین کرکٹ ٹیموں کے مابین سیریز ،میدان میں اترنے کے لیے تیارہیں، کپتان

پاکستان اور زمبابوے کی خواتین کرکٹ ٹیموں کے مابین سیریز کا آغاز 9 فروری بروز منگل سے ہرارے میں ہوگا۔ دونوں ٹیموں کے مابین پچاس اوورز پر مشتمل تین میچز ہرارے اسپورٹس کلب میں کھیلے جائیں گے۔

یہ پہلا موقع ہوگا کہ جب قومی خواتین کرکٹ ٹیم زمبابوے میں کوئی کرکٹ سیریز کھیلے گی۔ سیریز میں شامل تین ایک روزہ میچز 9، 12 اور 14 فروری کو کھیلے جائیں گے۔

پچاس اوورز پر مشتمل سیریز کے اختتام پر دونوں ٹیموں کے مابین ٹی ٹونٹی انٹرنیشنل سیریز بھی کھیلی جائے گی۔ سیریز میں شامل تین میچز 17، 19 اور 20 فروری کو کھیلے جائیں گے۔

پاکستان ویمنز کرکٹ ٹیم نے حال ہی میں جنوبی افریقہ کا دورہ کیا ، جہاں اسے ون ڈے انٹرنیشنل سیریز میں 0-3 اور ٹی ٹونٹی انٹرنیشنل سیریز میں 1-2 سے ناکامی کا سامنا کرنا پڑا تھا تاہم آلراؤنڈر عالیہ ریاض 136 رنز بنا کر ایک روزہ انٹرنیشنل سیریزمیں سب سے زیادہ رنز بنانے والی بیٹر اور ڈیانا بیگ 9 وکٹیں حاصل کرکے بہترین باؤلر قرار پائی تھیں۔

اسی طرح ٹی ٹونٹی انٹرنیشنل سیریز کے آخری میچ میں کپتان جویریہ خان نے 56 رنز کی اننگزکھیلی تھی۔ ان کی اس اننگز نے اس دورے میں پاکستان کی جانب سے حاصل کی گئی واحد فتح میں اہم کردار ادا کیا تھا۔

جویریہ خان، کپتان قومی خواتین کرکٹ ٹیم:

قومی خواتین کرکٹ ٹیم کی کپتان جویریہ خان کا کہناہے کہ اسکواڈ میں شامل تمام ارکان زمبابوے کے خلاف سیریز کے لیے پرجوش ہیں، جنوبی افریقہ کے خلاف آخری ٹی ٹونٹی میچ میں فتح سے کھلاڑیوں کے حوصلے بلند ہیں، زمبابوے کے خلاف فتح حاصل کرکے ٹیم کو وننگ ٹریک پر برقرار رکھنا اصل ہدف ہے۔

انہوں نے کہا کہ کوویڈ 19 کی عالمی وباء کی وجہ سے دنیا بھر میں ویمنز کرکٹ کےمقابلے محدود ہیں تاہم وہ خوش قسمت ہیں کہ پاکستان کی ٹیم جنوبی افریقہ کے فوری بعد اب زمبابوے کے خلاف میدان میں اترنے کے لیے تیار ہے۔

جویریہ خان نے کہا کہ زمبابوے کی ٹیم ورلڈکپ کوالیفائر کا حصہ ہوگی، ایونٹ سے قبل اس ٹیم سے کھیلنا پاکستان کے لیے مفید ثابت ہوگا۔

سابق کپتان انضمام الحق کی ٹیم کو مبارکباد،کس کس کو دیا کریڈٹ؟

پاکستان کرکٹ ٹیم جنوبی افریقہ کو ہوم سیریز میں شکست دے کر عالمی ٹیسٹ رینکنگ میں پانچویں نمبر پر پہنچ گئی ہے. نیشنل اسٹیڈیم کراچی میں کھیلے گئے سیریز کے پہلے میچ میں 7 وکٹوں سے کامیابی حاصل کرنے والی پاکستان کرکٹ ٹیم نے پنڈی ٹیسٹ میں جنوبی افریقہ کو 95 رنز سے ہرایا.

اس موقع پر قومی کرکٹ ٹیم کے کپتان انضمام الحق نے 18 سال بعد جنوبی افریقہ کو ٹیسٹ سیریز میں شکست دینے پر پاکستان کرکٹ ٹیم کو مبارکباد پیش کی ہے. انہوں نے کہا کہ نوجوان ٹیم نے ہوم گراؤنڈ میں اعلیٰ کارکردگی کا مظاہرہ کیا.

انضمام الحق نے مزید کہا کہ یہ کامیابی ٹیم ورک کا نتیجہ ہے، پاکستان نے تینوں شعبوں میں بہترین کھیل کا مظاہرہ کیا، فیلڈنگ میں عمدہ کیچز، فواد عالم اور محمد رضوان کی سنچریوں اور پھر پہلے ٹیسٹ میچ میں اسپنرز کے بعد دوسرے ٹیسٹ میچ میں حسن علی اور شاہین شاہ آفریدی کی شاندار باؤلنگ نے پاکستان کو فتح سے ہمکنار کیا.

سابق کپتان کا کہنا ہے کہ پاکستان کے لوئر آرڈر کا متواتر رنز بنانا اس ٹیسٹ سیریز میں دونوں ٹیموں کے درمیان فرق ثابت ہوا. انہوں نے کہا کہ فہیم اشرف، حسن علی، یاسر شاہ، نعمان علی اور شاہین شاہ آفریدی نے بیٹنگ میں شاندار فائیٹ کی.

لیجنڈری کرکٹر نے کہا کہ محمد رضوان کی کارکردگی میں دن بدن نکھار آرہا ہے، بطور بیٹسمین وہ جس طرح لوئر آرڈر کے ساتھ مل کر اسکور بورڈ چلا رہے ہیں وہ قابل دید ہے، آسٹریلیا، انگلینڈ اور نیوزی لینڈ میں متواتر اچھی کارکردگی کا مظاہرہ کرنے والے محمد رضوان کی جنوبی افریقہ کے خلاف ہوم سیریز میں بھی کارکردگی نمایاں رہی.

انضمام الحق نے کہا کہ فرسٹ کلاس کرکٹ کی ایک خاص اہمیت ہے اور کسی بھی کھلاڑی کو تراشنے میں اس کا کردار بہت اہم ہے، حسن علی اس کی تازہ ترین مثال ہیں کہ جس طرح انہوں نے فرسٹ کلاس کرکٹ کھیل کر اپنی فارم، فٹنس اور ردھم کو واپس حاصل کیا. انہوں نے کہا کہ حسن علی نے دوسرے ٹیسٹ میچ میں عمدہ باؤلنگ کی، شاہین شاہ آفریدی نے بھی دوسری اننگز میں ان کا بہت ساتھ دیا.

سابق کپتان نے کہا کہ وہ آخر میں ٹیم منیجمنٹ کی تعریف کرنا چاہتے ہیں، مصباح الحق، وقار یونس اور یونس خان کے لیے یہ سیریز بہت اہم تھی مگر ان تینوں تجربہ کار کرکٹرز نے تحمل کا مظاہرہ کیا اور کھلاڑیوں کو بہترین اسپورٹ فراہم کی، جس کے نتیجے میں فتح پاکستان کے نام رہی.

کرکٹ کمیٹی کا کبھی دباوَ نہیں لیا ،مصباح الحق
باغی ٹی وی کی رپورٹ کے مطابق پاکستان کی قومی ٹیم کے ہیڈ کوچ مصباح الحق نے کہا ہے کہ بہت خوشی کی بات ہے کہ پاکستان نے ٹیسٹ سیریز جیتی،

مصباح الحق کا کہنا تھا کہ پاکستان میں اب بین الاقوامی ٹیمیں آنا شروع ہوگئی ہیں،ہوم گراوَنڈ میں سیریر کھیل کر نوجوان کھلاڑیوں کو تجربہ ملتا ہے،امید ہے کہ آگے بھی اچھا کھیلیں، غلطیوں کو دور کریں، کرکٹ کمیٹی کی باتوں سے کوئی فرق نہیں پڑتا،کرکٹ کمیٹی کا کبھی دباوَ نہیں لیا ،

مصباح الحق کا مزید کہنا تھا کہ سمجھتا ہوں کہ اپنی کارکردگی پر فوکس رکھوں،قومی ٹیم بہتری کی طرف گامزن ہے، ٹیم کا مورال بلند ہے، ٹی ٹوئنٹی میں بغیر دباوَ کے کھیلیں گے، جنوبی افریقہ کیخلاف ٹی ٹوئنٹی سیریز بہت اہم ہے،ٹی ٹوئنٹی میں کوئی بھی ٹیم آسان نہیں ہوتی،

قبل ازیں پاکستان اور جنوبی افریقہ کے اسکواڈز راولپنڈی سے لاہور پہنچ گئیں دونوں اسکواڈز بذریعہ چارٹرڈ فلائیٹ لاہور پہنچے پاکستان اور جنوبی افریقہ کے مابین تین ٹی ٹونٹی انٹرنیشنل میچوں پر مشتمل سیریز کا پہلا میچ 11 فروری کو لاہور میں کھیلا جائے گا

پاکستان اور جنوبی افریقہ کے اسکواڈز لاہور پہنچ گئے

باغی ٹی وی :پاکستان اور جنوبی افریقہ کے اسکواڈز راولپنڈی سے لاہور پہنچ گئیں
دونوں اسکواڈز بذریعہ چارٹرڈ فلائیٹ لاہور پہنچے
پاکستان اور جنوبی افریقہ کے مابین تین ٹی ٹونٹی انٹرنیشنل میچوں پر مشتمل سیریز کا پہلا میچ 11 فروری کو لاہور میں کھیلا جائے گا

ادھر پاکستان نے راولپنڈی ٹیسٹ میں بھی جنوبی افریقہ کوشکست دے دی راولپنڈی ٹیسٹ کے پانچویں روز پاکستان کے 370 رنز کے ہدف کے تعاقب میں جنوبی افریقہ کو 274 پر آؤٹ کر دیا۔ پاکستان نے دو صفر سے جنوبی افریقہ کو ٹیسٹ سیریز میں شکست دے دی۔ پاکستان نےجنوبی افریقہ کو ہراکر سیریز اپنے نام کرلی

جنوبی افریقہ نے پانچویں دن کا کھیل 127 رنز ایک کھلاڑی آؤٹ سے شروع کیا تو اس کی گلی دو وکٹیں جلد ہی گر گئی جب وین ڈر ڈیوسن 48 رنز اور ڈوپلیسی 5 رنز بنا کر حسن علی کا نشانہ بنے۔

ساؤتھ افریقہ کی 258 پر ساتویں وکٹ گر گئی ،دوسری اننگز میں بھی حسن علی کی 5وکٹیں سامنے آئیں ،ٹیسٹ میچ میں حسن علی مجموعی طورپر 10وکٹیں لے چکے ہیں.