Category: کھیل

کرکٹ آسٹریلیا نے جنوبی آفریقہ کے دورے سے کیا انکار تو پروٹیز نے کیا دیا جواب

باغی ٹی وی : کرکٹ آسٹریلیا نے جنوبی آفریقہ کو آگاہ کردیا کہ وہ کرونا کی وجہ سے ان کے ملک جنبوبی افریقہ کا سفر نہیں‌کر سکیں‌گے. آج منگل کے روز آسٹریلیائی کرکٹ بورڈ نے جنوبی افریقہ کے بورڈ کو باقائدہ اپنے اس فیصلے سے آگاہ کیا

کرکٹ آسٹریلیا کے اس فیصلے پر جنوبی آفریقہ کے بورڈ نے مایوسی کا ظہار کرتے ہوئے کہا کہ ہم نے کورونا ایس او پیز کے تمام قائدے پورے کیے جن کی مانگ آسٹریلیا کرکٹ نے کی تھی لیکن اس کے باوجود ان کا جنوبی آفریقہ نہ آنا عجیب بات ہے .
آسٹریلیا کرکٹ کا فیصلہ اس حوالے سے بھی عجیب ہے کہ پاکستان کی ویمن کرکٹ ٹیم جنوبی آفریقہ کے دورے پر ہے .

ان کا کہنا تھا کہ "ہم نے جو پروٹوکول کرکٹ آسٹریلیا نے تجویز کیا تھا وہ بے مثال تھا۔ “اول ، ہم نے اس پر اتفاق کیا تھا
ہماری اپنی پروٹیز ٹیم آسٹریلیائی ٹیم کی آمد سے 14 دن پہلے تمام حفاظتی اور طبی قوائد پر عمل کرے گی

باغی ٹی وی : سید فخر علی شاہ ایشیاء / صدر پاکستان فیڈریشن بیس بال کا دورہ ایران ، اہم وینیوز کا معائنہ

لارج بیس بال فیڈریشن آف ایشیاء / صدر پاکستان فیڈریشن بیس بال سید فخر علی شاہ نے جنوری 2021 کے آخری ہفتے میں ایران کا دورہ کیا۔ ان کے اس دورے کا مقصد ایران میں بیس بال کی ترقی اور 15 ویں ایشیاء کے لئے تیار کی جانے والی گراؤنڈ کا معائنہ کرنا تھا۔ ان کے ہمراہ عماد کاظمی ، ڈائریکٹر یوتھ ڈویلپمنٹ پاکستان بیس بال فیڈریشن ، انڈین بیس بال فیڈریشن کے صدر کرشنامورتی اور سکریٹری جنرل ہریش کمار بھی ہمراہ تھے۔

اس دورے کے پہلے روز ، فخر شاہ ، ایران بیس بال فیڈریشن کے صدر اور ہندوستانی بیس بال فیڈریشن کے نمائندوں کے ہمراہ ، کرج بیس بال اسٹیڈیم کا دورہ کیا جہاں 15 ویں ویسٹ ایشیاء بیس بال کپ ہوگا۔ انہوں نے کھلاڑیوں کی رہائش کے لئے گراؤنڈ ، ہاسٹل اور دیگر سہولیات کا معائنہ کیا۔ فخر شاہ نے کارج بیس بال اسٹیڈیم کے ڈائریکٹر سے بھی ملاقات کی۔ ڈائریکٹر نے کہا کہ یہ بہت اعزاز کی بات ہے کہ ایران میں بیس بال کا ایک بین الاقوامی ایونٹ منعقد ہونے والا ہے۔ ہم ٹورنامنٹ کی تاریخ سے قبل تمام تیاریاں مکمل کر لیں گے۔ سید فخر شاہ نے تمام سہولیات اور گراؤنڈ کا معائنہ کیا اور اطمینان کا اظہار کیا۔

دورے کے دوسرے دن ، سید فخر علی شاہ نے تہران میں ایران اولمپک ایسوسی ایشن کے سکریٹری جنرل اور دیگر عہدیداروں سے ملاقات کی۔ اجلاس کے دوران اولمپک سکریٹری نے ویسٹ ایشیاء بیس بال کپ کے کامیاب انعقاد کے لئے ہر ممکن تعاون کی یقین دہانی کرائی۔ اس ملاقات میں ہندوستانی عہدیدار بھی شریک تھے۔

تیسرے دن ، فخر شاہ نے ایرانی وزارت کھیل کے ڈائریکٹر جنرل ، جناب فرشید طہمسبی سے ملاقات کی۔ ملاقات کے دوران پاکستان ، ایران اور بھارت کے مابین کھیلوں کے تعلقات ، اسپورٹس ڈپلومیسی ، دوطرفہ تعلقات اور کھیلوں کی سرگرمیوں پر تبادلہ خیال کیا گیا۔ فرشید نے ایران میں انٹرنیشنل بیس بال ایونٹ کی میزبانی کا خیرمقدم کیا اور کھیلوں کی وزارت کے مکمل تعاون کی یقین دہانی کرائی۔

اس دورے کے اختتام پر ، سید فخر علی شاہ نے کہا کہ ایران کی وزارت کھیل کھیل کے ساتھ ساتھ خطے کے دیگر ممالک کے ساتھ پاکستان کے ساتھ اچھے تعلقات اور مستقبل میں دوطرفہ کھیلوں کے وفود کے تبادلے کی خواہاں ہے۔ ورلڈ بیس بال سافٹ بال کنفیڈریشن کی اجازت سے تینوں ممالک کی یوتھ بیس بال ٹیموں اور سینئر قومی ٹیموں کے مابین دوطرفہ سیریز یا ٹورنامنٹ کے علاوہ ، بیس بال کے پانچ میچز بھی ہوں گے۔

سید فخر شاہ نے مزید کہا کہ وہ خطے میں بیس بال کی ترقی کے لئے کام جاری رکھیں گے۔ انہوں نے امید ظاہر کی کہ اگر ڈبلیو بی ایس سی اور بی ایف اے کے صدور ویسٹ ایشیاء بیس بال کپ کی افتتاحی یا اختتامی تقریب میں شریک ہوئے تو اس سے خطے میں بیس بال کی ترقی میں بہت مدد ملے گی۔

باغی ٹی وی: قائداعظم انٹر ڈویژن ہاکی چیمپئن شپ ، کون سی ٹیم جیتی اور کس کو ملی شکست

لاہور. سپورٹس بورڈ پنجاب کے زیراہتمام ہونیوالی پہلی قائداعظم انٹر ڈویژن ہاکی چیمپئن شپ 2021ء کے نویں روز بھی نیشنل ہاکی سٹیڈیم میں مقابلے جاری رہے، لاہور اور فیصل آباد ڈویژنز نے اپنے اپنے مخالفین کو شکست دیدی جبکہ ساہیوال ڈویژن اور راولپنڈی ڈویژن کے مابین میچ 2-2، بہالپور ڈویژن اور گوجرانوالہ ڈویژن کے درمیان میچ ایک، ایک گول سے برابر رہے، ڈائریکٹر جنرل سپورٹس پنجاب عدنان ارشد اولکھ نے میچز دیکھے اور کھلاڑیوں کی حوصلہ افزائی کی، ڈائریکٹر جنرل سپورٹس پنجاب عدنان ارشد اولکھ نے فیصل آباد ڈویژن کی ٹیم کو بہترین کارکردگی پر 10ہزار روپے نقد انعام دیا، اس موقع پر سیکرٹری پنجاب ہاکی ایسوسی ایشن لیفٹیننٹ کرنل(ر) آصف ناز کھوکھر، ڈائریکٹر سپورٹس محمد حفیظ بھٹی، ڈویژنل سپورٹس آفیسر رانا ندیم انجم، طارق نذیر و دیگر بھی موجود تھے، ڈائریکٹر جنرل سپورٹس پنجاب عدنان ارشد اولکھ نے اس موقع پر گفتگو کرتے ہوئے کہا کہ فیصل آباد ڈویژن کی ٹیم نے شاندار کھیل کا مظاہرہ کیا ہے، سرگودھا ڈویژن کی ٹیم نے بھی اچھا مقابلہ کیا جس کی وجہ سے میچ کافی دلچسپ رہا، چیمپئن شپ میں کھلاڑی بہت محنت کررہے ہیں اور اپنی صلاحیتوں کے جوہر دکھا رہے ہیں، ہر کھلاڑی کی مانیٹرنگ کی جارہی ہے، پہلی قائداعظم انٹر ڈویژن ہاکی چیمپئن شپ سے اچھے کھلاڑی سامنے آرہے ہیں جس سے اُمید ہے کہ ہاکی کو ایک بار پھر عروج ملے گا۔پہلی قائداعظم انٹر ڈویژن ہاکی چیمپئن شپ 2021ء میں منگل کے روز چار میچز کھیلے گئے، پہلا میچ ساہیوال ڈویژن اور راولپنڈی ڈویژن کے درمیان کھیلا گیا جو 2-2گول سے برابر رہا، ساہیوال کی طرف سے راجہ ارمان اور شاکر علی نے گول کئے جبکہ راولپنڈی ڈویژن کی جانب سے محمد سلیمان اور سکندر علی ذکی نے گول کئے، دوسرے میچ میں لاہور ڈویژن نے ڈی جی خان ڈویژن کو 4-0 سے ہرادیا، لاہور ڈویژن کی جانب سے محمد ربیعہ نے 2، کپتان حسن شاہد اور حسن امین نے ایک، ایک گول کیا، تیسرے میچ میں فیصل آباد ڈویژن نے سرگودھا ڈویژن کو 5-2سے شکست دی، فیصل آباد ڈویژن کی جانب سے محمدسید، محمد عثمان، محمد باقر، حسن شہباز، معظم نے ایک، ایک گول کیا، سرگودھا ڈویژن کی جانب سے رفاقت رفیق اور ابرار ارشد نے ایک، ایک گول کیا، چوتھا میچ بہاولپور ڈویژن اور گوجرانوالہ ڈیژن کے درمیان ایک، ایک گول سے برابر رہا، بہاولپور ڈویژن کی جانب سے محمد عذیراور گوجرانوالہ ڈویژن کی جانب سے عبدالرحمان نے ایک گول کیا۔

راولپنڈی کرکٹ سٹیڈیم کا ٹریک ریکارڈ کیسا ، گرین شرٹس کی پرفارمنس کیسی رہی ، اہم رپورٹ

باغی ٹی وی : راولپنڈی ٹیسٹ کھیلنے کے لیے دونوں ٹیموں کی بھر پور تیاریاں ہیں. پاکستان کو کراچی ٹیسٹ جتوانے والے اسپنرز کے لئے انوکھا انعام،راولپنڈی کے دوسرے ٹیسٹ سے باہر بٹھانے کا فیصلہ،ہیڈ کوچ مصباح الحق نے عندیہ دےدیا ہے۔کیا یہ فیصلہ درست ثابت ہوگا. اس بارے شکوک و شبہات پائے جاتے ہیں

جنوبی افریقا کے خلاف 4فروری سے شیڈول دوسرا ٹیسٹ راولپنڈی کرکٹ اسٹیڈیم میں کھیلا جائے گا،رپورٹ کےمطابق پاکستانی ٹیم منیجمنٹ کراچی ٹیسٹ میں 7،7وکٹیں حاصل کرنے والے اسپنرز یاسر شاہ اور نعمان علی کو ڈراپ کرسکتی ہے ۔اس کی وجہ وکٹ کاپیسرز کے لئے سازگار ہوناہے۔پاکستانی ٹیم منیجمنٹ کے لئے اس صورتحال میں دونوں اسپنر زکا باہر کرنا شاید مشکل ہوجائے کیونکہ انگلینڈ،نیوزی لینڈ ،جنوبی افریقا اور آسٹریلیا کی بائونسی پچز پر بھی کم سے کم ایک اسپنر کھلایا جاتا ہے،اس لئے حتمی الیون میں ایک اسپنر شامل ہونگے اور وہ یاسر شاہ ہونگے جب کہ نعمان علی کی جگہ حارث رئوف کو کھلایا جائے گا جو بگ بیش لیگ چھوڑ کو ٹیسٹ اسکواڈ کا حصہ بنے ہیں۔

پاکستان کے فرسٹ کلاس میچزکا گزشتہ چند سالہ ریکارڈ دیکھا جائے تو راولپنڈی کی پچ نے ہمیشہ پیسرز کو مدد دی ہے،اس لئے یہ بات بھی ٹیم منیجمنٹ کے ذہن میں موجود ہے۔

راولپنڈی کرکٹ اسٹیڈیم میں اگر پاکستان کے اب تک کے کھیلے گئے ٹیسٹ میچزکا ریکارڈ دیکھاجائے تو وہ کوئی زیادہ حوصلہ افزا نہیں ہے۔1993 سے 2020تک قومی ٹیم نے یہاں10ٹیسٹ میچزکھیلے ہیں۔4فتوحات کے ساتھ 3 شکستیں بھی ماتھے کاجھومر بنی ہیں۔3میچز ڈرا ہوئے ہیں،۔پاکستان کا یہاںہائی اسکور537 اور کم 145 رنزہے۔اکتوبر 1994میں آسٹریلیا کے خلاف یہ ہائی اسکور کیاگیا تھاجبکہ اکتوبر 1998میں آسٹریلیا ہی خلاف پاکستان کا کم اسکور بنا تھا۔پاکستان کی یہاں حاصل کی گئی فتوحات کوئی بڑی ٹیموں کے خلاف نہیں ہیں،
انداز اکریں کہ پہلی جیت زمبابوے کے خلاف ہے جو 1993میں حاصل کی گئی ،دوسری فتح1996میں نیوزی لینڈ کے خلاف درج کی اور تیسری فتح اس کے اگلے سال 1997میں ویسٹ انڈیز کے خلاف رقم ہوئی۔اس کے بعد پاکستان کو چوتھی اور آخری فتح کے لئے 23 برس کا وقت لگا جب 2020میں اس نے یہاں بنگلہ دیش کو ہرایا تھا۔کرک سین کے مطابق 1997سے 2020کے دوران آخری ایک عشرہ تو ایسا تھا کہ پاکستان میں ٹیسٹ کرکٹ ہی ممکن نہ ہوسکی لیکن اس سے قبل کھیلے گئے4میچز میں سے 3میں پاکستان ہارا اور ایک میچ ڈرا کھیل سکا۔1998میں آسٹریلیا،2000میں سری لنکا اور 2004میں بھارت سے یہاں شکست ہوئی۔

اس میدان میں پاکستان اور جنوبی افریقا اس سے قبل ایک بار مدمقابل ہوچکے ہیں،اکتوبر 1997میں کھیلا گیا میچ ڈرا پر ختم ہوا تھا۔یہ میچ کئی اعتبار سے یاد گار رہا۔پاکستان جس کی 9ویں وکٹ 305پر گر گئی تھی،اس نے حیران کن طور پر 456پر اننگ تمام کی۔1ویں وکٹ پراظہر محمود اور مشتاق احمد نے 151رنزکا اضافہ کیا جو ورلڈ ریکارڈ کے برابر ہے،ڈیبیو کرنے والی علی نقوی اور اظہر محمود نے سنچریز کیں،یہ الگ سے ریکارڈ تھا۔

راولپنڈی کی پچ اگر پیسرز کی ہی مدد گار ہوئی تو پاکستانی بیٹنگ کے لئے بھی مشکلات کھڑی ہونگی۔پاکستان یہاں پہلے بیٹنگ کرکے قدرے محفوظ رہا ہے لیکن تمام 3ناکامیاں بعد میں بیٹنگ کرنے کے نتیجہ میں ہوئی ہیں ،گویا پاکستان کے لئے چوتھی اننگ میں بیٹنگ مشکلات کا سبب بنی ہے۔

پاکستان نے کراچی ٹیسٹ 7وکٹ سے جیت کر 2میچزکی سیریز میں 0-1سے برتری لے رکھی ہے اور اس میچ میں 20 میں سے 14وکٹیں اسپنرز نے لی تھیں

فواد عالم کا خاص بیٹنگ سٹائل حریف بولرز کے لیے مسئلہ بن گیا

فواد عالم کا خاص بیٹنگ سٹائل حریف بولرز کے لیے مسئلہ بن گیا

باغی ٹی وی : پاکستان کے مایہ ناز ٹیسٹ پلیئر فواد عالم کا بیٹنگ کرتے ہوئے مخصوص انداز ہے . اس سلسلے میں ان کا یہ مخصوص انداز اکثر باؤلرز کو ڈبل مائنڈڈ کر دیتا ہے اور اس وجہ سے باؤلرز اپنی لائن اینڈ لینتھ بھول جاتے ہیں . باولر جب سٹارٹ لیتا ہے تو اور انداز سے کھڑے ہوتے ہیں اور جب وکٹ پر آکر بول کرتا ہے تو اپنی اصل پوزیشن پر آجاتے ہیں. جس بات کا فواد عالم کو فائدہ ہوتا ہے جبکہ حریف باؤلر کنفیوژن کا شکار ہو جاتا ہے

واضح رہے کہ فواد عالم نے پہلے ٹیسٹ میں مشکل وقت میں بیٹنگ کر کے ٹیم کو فتح‌ سے ہمکنار کیا . ان کی اس اننگ کو ماہرین بہت سراہتے ہیں انضمام الحق کا کہنا تھا کہ فوادعالم کراچی ٹیسٹ کے ہیروہیں،وکٹ بیٹنگ کیلئے آسان نہیں ہے ،ٹیسٹ کے دوسرے روزہمارے بیٹسمین اچھا کھیلے ہیں ۔ انہوں نے کہا کہ فواد عالم نے جس طرح اننگزکھیلی ان کی صلاحیتیں سامنے آئیںانہوں نے ہوم گراونڈ کاپورافائدہ اٹھایا۔

واضح رہے کہ فواد عالم نے کراچی ٹیسٹ میں یاگار اننگ کھیلی . کراچی ٹیسٹ پینتیس سالہ فواد عالم کے لیے یادگار بن گیا ہے۔ جنوبی افریقا کی جانب سے 220 رنز کے جواب میں چار وکٹوں کے جلد گر جانے پر ٹیم کی نیا گویا بھنور میں پھنس گئی تھی۔

دوسرے ٹیسٹ کے لیے ٹیمیں ان ایکشن

باغی ٹی وی :کرکٹ کا فیور عروج پر ہے . اس سلسلےمیں پنڈی کرکٹ اسٹیڈیم میں پاکستان اور جنوبی افریقا کی ٹیمیں دوسرے پریکٹس سیشن کیلئے پہنچ کر پریکٹس میں مصروف ہیں.

پہلےٹیسٹ کے بعد دوسرے ٹیسٹ سےقبل دونوں ٹیموں کا آج دوسرا پریکٹس سیشن ہو رہا ہے .۔ٹیموں کے سفر کے دوران جڑواں شہروں میں میٹرو بس سروس عارضی طور پر معطل کی گئی۔پاکستان اور جنوبی افریقا کے مابین دوسرا ٹیسٹ پنڈی کرکٹ اسٹیڈیم میں 4 فروری کو ہوگا۔

خیال رہے کہ پاکستان نے دو ٹیسٹ میچوں کی سیریز کے پہلے کرکٹ میچ میں جنوبی افریقا کو سات وکٹوں سے شکست دے کر دو ٹیسٹ میچز کی سیریز میں برتری حاصل کر رکھی ہے۔ادھر پاک جنوبی افریقا ٹی ٹونٹی سیریز ،قذافی اسٹیڈیم میں سیکیورٹی انتظامات کے حوالے سے اہم اجلاس ہوا. اجلاس میں اعلی سیکیورٹی حکام اور پی سی بی حکام نے شرکت کی،اجلاس میں پاک جنوبی افریقا سیریز کے انتظامات کا جائزہ لیا گیا

اسٹیڈیم میں دونوں ٹیموں کی پریکٹس کے انتظامات کا جائزہ لیا گیا ٹیموں کوپریکٹس کے لیے ہوٹل سے اسٹیڈیم لانے اور لے جانے کے انتظامات کا جائزہ لیا گیا پاکستان اور جنوبی افریقا ٹی ٹونٹی اسکواڈ کے کھلاڑی کل بائیو ببل جوائن کریں گے

پاک جنوبی افریقا ٹی ٹونٹی سیریز ،قذافی اسٹیڈیم میں سیکیورٹی انتظامات کے حوالے سے اہم اجلاس

پاک جنوبی افریقا ٹی ٹونٹی سیریز ،قذافی اسٹیڈیم میں سیکیورٹی انتظامات کے حوالے سے اہم اجلاس

پاک جنوبی افریقا ٹی ٹونٹی سیریز ،مڈل آرڈر بلے باز آصف علی کو قلندرز نے ٹی ٹین لیگ سے ریلیز کردیا

آصف علی آج ٹی ٹین لیگ میں اپنا آخری میچ کھیلیں گے آج کے میچ کے بعد آصف علی کو ریلیز کردیا جائے گا جارح مزاج بلے باز کل لاہور پہنچیں گے آصف علی بروقت قومی کھلاڑیوں کے ہمراہ بائیو ببل جوائن کریں گے

پاک جنوبی افریقا ٹی ٹونٹی سیریز، قذافی اسٹیڈیم میں سیکیورٹی انتظامات کے حوالے سے اجلاس ہوا،اجلاس میں اعلی سیکیورٹی حکام اور پی سی بی حکام نے شرکت کی،اجلاس میں پاک جنوبی افریقا سیریز کے انتظامات کا جائزہ لیا گیا

اسٹیڈیم میں دونوں ٹیموں کی پریکٹس کے انتظامات کا جائزہ لیا گیا ٹیموں کوپریکٹس کے لیے ہوٹل سے اسٹیڈیم لانے اور لے جانے کے انتظامات کا جائزہ لیا گیا پاکستان اور جنوبی افریقا ٹی ٹونٹی اسکواڈ کے کھلاڑی کل بائیو ببل جوائن کریں گے