Category: کھیل

دوسرے ٹیسٹ کے لیے ٹیم روانہ

باغی ٹ وی ؛ جنوبی افریقہ کے خلاف دوسرے ٹیسٹ میچ کے لئے قومی اسکواڈ کی کراچی سے روانہ ہو گئی . کرکٹرز، اسپورٹ اسٹاف اور امپائرز سمیت دیگر عملہ چارٹرڈ طیارے پر اسلام آباد کے لیے روانہ ہوا. دونوں ٹیموں کے مابین دوسرا ٹیسٹ میچ 4 فروری سے پنڈی کرکٹ اسٹیڈیم راولپنڈی میں شروع ہوگا

سابق پاکستانی کپتان رمیز راجہ کا خیال ہے کہ تجربہ کار بلے باز اظہر علی کو جنوبی افریقہ کے خلاف دوسرے ٹیسٹ سے قبل قومی ٹیم کے لئے اننگز کا آغاز کرنا چاہئے۔ واضح رہے کہ پاکستان کی اوپننگ جوڑی عابد علی اور عمران بٹ کراچی ٹیسٹ میں متاثر کن کارکردگی دکھانے میں ناکام رہی تھی، عمران بٹ نے 9 اور 12 رنز بنائے جب کہ عابد علی صرف 4 اور 10 رنز ہی بنانے میں کامیاب ہوسکے ۔

اپنے یوٹیوب چینل پر بات کرتے ہوئے رمیز راجہ کا کہنا تھا کہ میرے خیال میں اظہر علی کو پاکستان کے لئے اننگز کی شروعات کرنی چاہئے کیونکہ وہ عام طور پر تیسرے نمبر پر بیٹنگ کرتے ہوئے بھی جلدی ہی کریز پر آجاتے ہیں، اظہر علی نے دبئی میں ویسٹ انڈیز کے خلاف ٹرپل سنچری اور آسٹریلیا کے خلاف میلبورن میں 200 رنز کی بڑی اننگز بھی اوپننگ کرتے ہوئے ہی کھیلی ہے ۔
انہوں نے مزید کہا کہ اس سے بیٹنگ لائن اپ میں مزید مضبوطی پیدا ہوگی اور مڈل آرڈر پر دباؤ کم ہوگا۔ رمیز راجہ نے یہ واضح نہیں کیا کہ اظہر علی کے لئے اوپننگ کی راہ ہموار کرنے کے لئے بیٹنگ آرڈر میں کس کو ڈراپ یا نچلے نمبروں پر کھلایا جاسکتا ہے۔ یاد رہے کہ پاکستان اور جنوبی افریقہ کے مابین دوسرا ٹیسٹ 4 فروری کو راولپنڈی میں شروع ہوگا۔

قومی ٹی ٹونٹی اسکواڈ کا اعلان کب ہوگا،خبر آگئی

باغی ٹی وی : قومی کرکٹ ٹیم کے چیف سلیکٹر محمد وسیم 31 جنوری بروز اتوار کو دوپہر 2:15 بجے قذافی اسٹیڈیم لاہور میں جنوبی افریقہ کے خلاف سیریز کے لیے قومی ٹی ٹونٹی اسکواڈ کا اعلان کریں گے۔

پریس کانفرنس کی لائیو کوریج پی سی بی کے یوٹیوب چینل پر نشر کی جائے گی۔ تمام میڈیا نمائندگان کو یوٹیوب کا لنک فراہم کردیا جائے گا.

پاکستان اور جنوبی افریقہ کے مابین تین ٹی ٹونٹی انٹرنیشنل میچز پر مشتمل سیریز 11، 13 اور 14 فروری کو قذافی اسٹیڈیم لاہور میں کھیلے جائیں گے۔

اس فارمیٹ میں یہ پہلا موقع ہے کہ جب دونوں ٹیمیں پاکستان کی سرزمین پر مدمقابل آئیں گی۔

ویمن ٹیم نے جنوبی افریقہ کے خلاف ٹاس جیت کر کیا کیا فیصلہ

باغی ٹی وی . پاکستان ویمن کرکٹ ٹیم نے جنوبی افریقہ میں اپنے دورے کے پہلے ٹی 20 میچ میں ٹاس جیت پہلے بیٹنگ کرنے کا فیصلہ کیا ہے . ٹیم نے تین وکٹ کے نقصان پر 50 رنز بنا لیے ہیں. منیبہ علی اور کائنات امتیاز کریز پر موجود ہیں.

یہ آسٹریلیا میں آئی سی سی ٹی ٹونٹی ویمنر کرکٹ ورلڈکپ کے بعد قومی خواتین کرکٹ ٹیم کی پہلی انٹرنیشنل ٹی ٹونٹی اسائنمنٹ ہوگی۔قومی خواتین کرکٹ ٹیم اب تک جنوبی افریقہ میں آٹھ ٹی ٹونٹی میچز کھیل چکی ہے۔ ان آٹھ میں سے چھ مرتبہ پاکستان کی ٹیم میزبان جنوبی افریقہ کے مدمقابل آئی، جہاں دو میں اسے کامیابی اور چار میں شکست کا سامنا کرنا پڑا ویمن کرکٹ ٹیم کی کپتان جویریہ خان کا کہنا ہے کہ ون ڈ ے سیریزمیں شکست کے باوجود کھلاڑیوں کے حوصلے بلند ہیں ٹی ٹونٹی سیریز جیتنے کی کوشش کریں گے مزید کہا کہ پاکستان ویمن ٹیم نے ون ڈے سیریز میں مجموعی طور پر بہت اچھی پرفارمنس دی بدقسمتی سے جیت کے قریب آکر شکست کا سامنا کرنا پڑا

فتح کے پیاسے شاہینوں نے کتنے عرصے بعد جیت کا مزہ چکھا

باغی ٹی وی : پاکستان نے اپنی پہلی فتح حاصل کر لی . پاکستان نے زبردست کشمکش کے بعد آخر کا ر جنوبی افریقا کے خلاف کراچی ٹیسٹ جیت لیا ہے۔نیشنل اسٹیڈیم کراچی میں اس نے 88رنزکا ہدف 3وکٹ پر مکمل کرکے7وکٹ سے فتح اپنے نام کی ہے،اس طرح اس نے 2میچزکی سیریز میں 0-1کی برتری بھی حاصل کر لی ہے۔یہ پاکستان کی ایک سال بعد کسی بھی ٹیسٹ میچ میں پہلی فتح بھی ہے۔مہاراج نے پاکستانی کپتان بابر اعظم کو دونوں اننگ میں آئوٹ کرنے کا اعزاز حاصل کیا.

بابر اعظم بطور ٹیسٹ کپتان پہلے امتحان میں کامیاب ہوئے ہیں

نیشنل اسٹیڈیم کراچی میں کھیلے گئے ٹیسٹ میچ میں جنوبی افریقا نے پہلی اننگز میں 220 رنز بنائے جس کے جواب میں پاکستانی ٹیم فواد عالم کی سنچری کی بدولت 378 رنز بنانے میں کامیاب رہی اور یوں میزبان ٹیم کو 158 رنز کی برتری حاصل کی جس کے جواب میں مہمان ٹیم 245 رنز بناکر آؤٹ ہوگئی

جمعہ کو نیشنل اسٹیڈیم کراچی میں مہمان ٹیم نے 187رنز4وکٹ سے اپنی اننگ شروع کی اور پوری ٹیم کھانے کے وقفہ سے تھوڑی دیرقبل 245رنزبناکر آئوٹ ہوگئی،اسپنرز یاسر شاہ اور نعمان علی کے سامنے کوئی بھی جم کر نہ کھیل سکا۔کپتان ڈی کک سمیت 2 کھلاڑی تو 5رنزکےا ضافہ سے آئوٹ ہوگئے۔ڈی کک 2 رنزبناسکے،مہاراج بھی 2ہی کرسکے۔اکیلے تیمبا باووما نے شدید مزاحمت کی اورلنڈے کے ساتھ مل کر ایک گھنٹہ بھی گزارا لیکن یہ شراکت ٹوٹتے ہی پروٹیز اننگ مکمل بکھر گئی۔آخری 4وکٹیں اسکور میں صرف 11 اور آخری 9وکٹیں مجموعہ میں صرف 70 رنز کا اضافہ ہی کرسکیں۔باووما 40 رنزبناکر نمایاں رہے جبکہ اننگ کے ٹاپ اسکوررمارکرم 74 اور ڈیئر ڈوسین64 رہے۔پاکستان کی جانب سےنعمان علی نہایت ہی کامیاب رہے،انہوں نے 35 اوور 3 بالز میں صرف 35رنز دے کر کیریئر بیسٹ 5وکٹیں لیں۔ڈیبیو کرنے والے اسپنر نے میچ میں73رنز دے کر 7کھلاڑی آئوٹ کئے۔یاسر شاہ نے اس اننگ میں79رنز دے کر 4 اور میچ میں133 رنز دے کر 7ہی وکٹیں لیں۔

جنوبی افریقا کے 245 پر ڈھیر ہونے کے بعد 158رنزکی لیڈ نکالنے سے پاکستان کو88رنزکا ہدف ملا،لنچ تک دونوں اوپنر عمران بٹ اور عابد علی نے 22 رنز جوڑ دیئے لیکن کھانے کے وقفہ کے بعد پہلی ہی گیند پر عابد علی 10 اور عمران بٹ اسی اوور کی آخری بال پر 12رنزبناکر نورتج کا شکار بن گئے،اسموقع پر پروٹیز ٹیم میں جوش آگیا کہ ایک بار پھر ٹوئسٹ پیدا ہونے والا ہے لیکن تجربہ کار بیٹسمین اظہر علی اور کپتان بابر اعظم نے تھوڑی ہی دیر میں پروٹیز ٹیم کی خوش فہمی دور کردی۔دونوں نے کبھی جارحانہ اور کبھی محتاط بیٹنگ کر کے پاکستان کے لئے منزل آسان کردی۔2رنزقبل بابر کو مہاراج نے30پر ایل بی کردیا،پہلی اننگ میں بھی انہوں نے شکار کیا تھا.پاکستان نے 23ویں اوور میں ہدف مکمل کرلیا،اظہر علی 31اور فواد عالم 4رنز پر ناٹ آئوٹ گئے،نورتج نے 2وکٹیں لیں.
اس میچ میں جنوبی افریقا نے ٹاس جیت کر 220 رنزبنائے تھے،پاکستان نے فواد عالم کی سنچری کی مدد سے 378 رنزبنائے،پروٹیز دوسری اننگ میں 245 پر آئوٹ ہوگئے جواب میں پاکستان نے مطلوبہ 88رنزکا ہدف آسانی سے حاصل کرلیا۔کاگیسو ربادا نے اس میچ میں اپنی 200ٹیسٹ وکٹیں بھی مکمل کرلیں۔
پاکستان کی ٹیسٹ کرکٹ میں ایک سال سے صرف 10دن کم پہلی کامیابی ہے،آخری جیت فروری 2020کے آغاز میں راولپنڈی میں بنگلہ دیش کے خلاف درج کی تھی،اس کے بعد ٹیم نے انگلینڈ میں 3 ٹیسٹ کھیلے،ایک ہارا،2 ڈرا کھیلے،پھر نیوزی لینڈ میں دونوں ٹیسٹ ہارے تو 5میچزکے بعد یہ پہلی کامیابی ہے۔

جنوبی افریقہ کے خلاف پہلا ٹیسٹ ، شاہینوں نے قوم کو خوشخبری سنا دی

باغی ٹی وی رپورٹ کے مطابق ، پاکستان نے جنوبی افریقہ کے خلاف اپنا پہلا ٹیسٹ جیت لیا ہے .پاکستان نے سات وکٹ سے میچ اپنے نام کر لیا پاکستان نے 88 رنز کے ہدف کے جواب میں تین وکٹ پر یہ ٹارگٹ حاصل کیا ، کپتان بابر اعًظم 30 رنز بناکر دو سکور جیت سے قبل آؤٹ ہوگئے ، فواد عالم اور اظہر علی نے میچ کو آخری مراحل تک پہنچایا.فواد عالم نے چوکا لگا کر وننگ شارٹ کھیلی.
ٹیسٹ میں چوتھے دن پہلے سیشن کے کھیل میں جنوبی افریقا کی پوری ٹیم دوسری اننگز میں 245 رنز پر ڈھیر ہوگئی،پاکستان کو میچ جیتنے کیلئے 88 رنز کا ہدف ملا۔

پاکستان کی جانب سے ڈیبیو ٹیسٹ کھیلنے والے لیفٹ آرم اسپنر نعمان علی نے دوسری اننگ میں 5 کھلاڑیوں کو آؤٹ کیا، جبکہ یاسر شاہ نے 4 اور حسن علی نے ایک وکٹ حاصل کی

پاکستان اور جنوبی افریقا کے درمیان پہلے ٹیسٹ میچ میں چوتھے دن کے کھیل کا آغاز تباہ کن انداز میں ہوا اور ابتداء میں ہی جنوبی افریقا کی دو قیمتی وکٹیں حسن علی اور یاسر شاہ نے جلد حاصل کرکے میچ میں پاکستان کی گرفت مزید مضبوط کردی۔

جنوبی افریقا نے چوتھے دن اپنی 187 رنز، 4 کھلاڑی آؤٹ سے نامکمل اننگز کا آغاز کیا تو حسن علی نے مہاراج کو انفرادی اسکور 2 رنز سے آگے بڑھانے نہ دیا اور انہیں بولڈ کردیا۔

پاکستان ٹیم کی چھوٹے سے ہدف میں کوشش جاری

باغی ٹی وی : کراچی ٹیسٹ میں کھانے کے وقفے پر پاکستان ٹیم نے جیت کیلئے ملے 88 رنز کے ہدف کے تعاقب میں2 وکٹ کے نقصان کے 22 رنز بنا لیے ہیں۔ بابر اعظم اور اظہر علی وکٹ پر موجود ہیں. جبکہ عابد علی 10اور عمران بٹ 12 رنز بنا کر جلد ہی آؤٹ ہو گئے

ٹیسٹ میں چوتھے دن پہلے سیشن کے کھیل میں جنوبی افریقا کی پوری ٹیم دوسری اننگز میں 245 رنز پر ڈھیر ہوگئی،پاکستان کو میچ جیتنے کیلئے 88 رنز کا ہدف ملا۔

پاکستان کی جانب سے ڈیبیو ٹیسٹ کھیلنے والے لیفٹ آرم اسپنر نعمان علی نے دوسری اننگ میں 5 کھلاڑیوں کو آؤٹ کیا، جبکہ یاسر شاہ نے 4 اور حسن علی نے ایک وکٹ حاصل کی

پاکستان اور جنوبی افریقا کے درمیان پہلے ٹیسٹ میچ میں چوتھے دن کے کھیل کا آغاز تباہ کن انداز میں ہوا اور ابتداء میں ہی جنوبی افریقا کی دو قیمتی وکٹیں حسن علی اور یاسر شاہ نے جلد حاصل کرکے میچ میں پاکستان کی گرفت مزید مضبوط کردی۔

جنوبی افریقا نے چوتھے دن اپنی 187 رنز، 4 کھلاڑی آؤٹ سے نامکمل اننگز کا آغاز کیا تو حسن علی نے مہاراج کو انفرادی اسکور 2 رنز سے آگے بڑھانے نہ دیا اور انہیں بولڈ کردیا۔

کراچی ٹیسٹ ،دوسری اننگز میں جنوبی افریقہ کی پوری ٹیم آؤٹ،پاکستان کو ملا کیا ہدف؟
باغی ٹی وی کی رپورٹ کے مطابق کراچی ٹیسٹ ،دوسری اننگز میں جنوبی افریقہ کی پوری ٹیم آوَٹ ہو گئی ہے

جنوبی افریقہ کی ٹیم 245 رنز پر آؤٹ ہوگئی، پاکستان کو کراچی ٹیسٹ میں جیت کیلئے 88 رنز کا ہدف، نعمان علی 5 اور یاسر شاہ نے 4 وکٹیں لیں ،14 سال بعد پاکستان آنے والی جنوبی افریقہ کی ٹیم نے پاکستان کو پہلا ٹیسٹ میچ جیتنے کے لیئے 88 کا ٹارگٹ دے دیا۔ نعمان علی نے 5 یاسر شاہ نے 4 کھلاڑیوں کو آوٹ کیا

جنوبی افریقہ کی ٹیم نے ٹیسٹ کے چوتھے روز ایک سو ستاسی رنز سے دوسری اننگز آگے بڑھائی تھی اور اس کے چار کھلاڑی آؤٹ ہوئے تھے۔چوتھے روز کا کھیل شروع ہوتے پاکستان نے مزید دو کھلاڑیوں کو پویلین کی راہ دکھائی۔ یاسر شاہ نے ڈی کوک کو2 کے انفرادی اسکور پر آؤٹ کیا جس سے پاکستان کی میچ پر گرفت مزید مضبوط ہوگئی۔

جنوبی افریقہ نے ٹاس جیت کر پہلے بیٹنگ کا فیصلہ کیا تھا اور پاکستانی بولرز مہمان ٹیم پرحاوی رہے اور صرف220 رنز ہی پوری ٹیم آؤٹ ہوگئی۔میچ کے دوسرے پاکستانی بلے بازوں نے قدری بہتر کھیل کا مظاہرہ کیا۔ اظہر علی اور فواد عالم کے درمیان چورانوے رنز کی پارٹنرشپ نے ٹیم کو سہارا دیا۔

گزشتہ روز پروٹیز ٹیم نے 158 رنز کے خسارے میں جانے کے بعد اننگز کا آغاز کیا تو اوپنرز نے سنبھل کر بیٹنگ کرتے ہوئے کھانے کے وقفے تک کوئی وکٹ نہ گرنے دی۔ پاکستان کو پہلی کامیابی کھانے کے وقفے کے بعد اس وقت ملی جب 29رنز بنانے والے ڈین ایلگر وکٹ کیپر کو کیچ دے بیٹھے۔ محمد رضوان نے شاندار کیچ تھاما۔

پہلی وکٹ گرنے کے بعد مارکرم کا ساتھ دینے وین ڈر ڈوسن آئے اور دونوں نے بہترین بیٹنگ کا مظاہرہ کرتے ہوئے دوسرے سیشن میں کوئی وکٹ نہ گرنے دی۔دونوں کھلاڑیوں نے اپنی ٹیم کو خسارے نکالتے ہوئے برتری دلائی اور دوسری وکٹ کے لیے 127 رنز کی عمدہ شراکت قائم کی۔ اس شراکت کا خاتمہ اس وقت ہوا جب یاسر شاہ کی گیند پپر عابد علی نے کیچ لے کر ڈوسن کو چلتا کردیا جنہوں نے 64 رنز کی اننگز کھیلی۔

پاکستان کو اگلی وکٹ کے لیے زیادہ انتظار نہیں کرنا پڑا اور فاف ڈیو پلیسی 10 رنز بنانے کے بعد یاسر شاہ کی اننگز میں تیسری وکٹ بن گئے۔ تاہم جنوبی افریقا کو دن کے اختتام سے قبل برا دھچکا اس وقت لگا جب دوسرے اینڈ پر موجود مرکرم 74 رنز بنانے کے بعد نعمان علی کو وکٹ دے بیٹھے۔

جب میچ کے تیسرے دن کا کھیل ختم ہوا تو جنوبی افریقا نے 4 وکٹوں کے نقصان پر 187 رنز بنائے تھے اور اسے دوسری اننگز میں صرف 29 رنز کی برتری حاصل ہے۔ پاکستان کی جانب سے یاسر شاہ نے تین اور نعمان علی نے ایک وکٹ حاصل کی۔

کراچی ٹیسٹ ،جنوبی افریقہ کی چھٹی وکٹ کتنے رنز پر گری؟
باغی ٹی وی کی رپورٹ کے مطابق کراچی ٹیسٹ ،جنوبی افریقہ کی 192 رنز پر چھٹی وکٹ گر گئی

پاکستان کیخلاف جنوبی افریقہ کی چھٹی وکٹ 192 رنزپرگرگئی،کپتان کوئنٹن ڈی پاک صرف 2رنز بنا کریاسر شاہ کا شکار بنے

پروٹیز کو آج کھیل شروع ہوتے ہی 2 وکٹوں کا خسارہ برداشت کرنا پڑا، کیشاو مہاراج اور ڈی کوک 2، 2 رنز بنا کر 187 اور 192 کے مجموعی سکور پر پویلین لوٹ گئے۔ بواما اور جارج لنڈے اس وقت کریز پر موجود ہیں۔

گزشتہ روز پروٹیز ٹیم نے 158 رنز کے خسارے میں جانے کے بعد اننگز کا آغاز کیا تو اوپنرز نے سنبھل کر بیٹنگ کرتے ہوئے کھانے کے وقفے تک کوئی وکٹ نہ گرنے دی۔ پاکستان کو پہلی کامیابی کھانے کے وقفے کے بعد اس وقت ملی جب 29رنز بنانے والے ڈین ایلگر وکٹ کیپر کو کیچ دے بیٹھے۔ محمد رضوان نے شاندار کیچ تھاما۔

پہلی وکٹ گرنے کے بعد مارکرم کا ساتھ دینے وین ڈر ڈوسن آئے اور دونوں نے بہترین بیٹنگ کا مظاہرہ کرتے ہوئے دوسرے سیشن میں کوئی وکٹ نہ گرنے دی۔دونوں کھلاڑیوں نے اپنی ٹیم کو خسارے نکالتے ہوئے برتری دلائی اور دوسری وکٹ کے لیے 127 رنز کی عمدہ شراکت قائم کی۔ اس شراکت کا خاتمہ اس وقت ہوا جب یاسر شاہ کی گیند پپر عابد علی نے کیچ لے کر ڈوسن کو چلتا کردیا جنہوں نے 64 رنز کی اننگز کھیلی۔

پاکستان کو اگلی وکٹ کے لیے زیادہ انتظار نہیں کرنا پڑا اور فاف ڈیو پلیسی 10 رنز بنانے کے بعد یاسر شاہ کی اننگز میں تیسری وکٹ بن گئے۔ تاہم جنوبی افریقا کو دن کے اختتام سے قبل برا دھچکا اس وقت لگا جب دوسرے اینڈ پر موجود مرکرم 74 رنز بنانے کے بعد نعمان علی کو وکٹ دے بیٹھے۔

جب میچ کے تیسرے دن کا کھیل ختم ہوا تو جنوبی افریقا نے 4 وکٹوں کے نقصان پر 187 رنز بنائے تھے اور اسے دوسری اننگز میں صرف 29 رنز کی برتری حاصل ہے۔ پاکستان کی جانب سے یاسر شاہ نے تین اور نعمان علی نے ایک وکٹ حاصل کی۔

دانش کنیریا کی پی سی بی بحالی پروگرام میں شمولیت کیس،پی سی بی نے لی عدالت سے مہلت

باغی ٹی وی کی رپورٹ کے مطابق سندھ ہائی کورٹ میں دانش کنیریا کی پی سی بی بحالی پروگرام میں شمولیت کیس کی سماعت ہوئی

پی سی بی کی جانب وکالت نامہ عدالت میں جمع کروا دیا گیا، پی سی بی نے جواب کے لیے عدالت سے مہلت طلب کر لی،سندھ ہائی کورٹ نے فریقین سے 4 مارچ تک جواب طلب کرلیا

دانش کنیریا نے کہا کہ پی سی بی میرا موقف آئی سی سی میں پیش کرے، ڈومیسٹک اور قومی کرکٹ کھیلنا چاہتا ہوں،غیر ملکی لیگ کا حصہ بننا چاہتا ہوں، نام فائنل ہوچکا،

گزشتہ سماعت پر دانش کے وکیل نے کہا تھا کہ پی سی بی کی طرف سے کوئی پابندی نہیں ہم پی سی بی کی مدد چاہتے ہیں، دانش کنیریا غلطیوں پر معافی چاہتے ہیں اسی طرح دیگر کھلاڑیوں کو اجازت ملی ہے۔

دائر درخواست میں موقف اپنایا گیا کہ پی سی بی میرا موقف انٹرنیشنل کرکٹ کونسل (آئی سی سی) میں پیش کرے، میں ڈومیسٹک اور قومی کرکٹ کھیلنا چاہتا ہوں اس لئے پی سی بی کو ڈومیسٹک کرکٹ اور کرکٹ کی اجازت دینے کا حکم دیا جائے، غیر ملکی لیگ کا حصہ بننا چاہتا ہوں اور میرا نام بھی فائنل ہوچکا لیکن خدشہ ہے کہ پابندی کے باعث نہیں کھلایا جائے گا۔

درخواست میں مزید کہا گیا کہ مجھے پی سی بی بحالی پروگرام کا حصہ بنایا جائے کیونکہ کرکٹ ہی میرا سب کچھ ہے اور کوئی دوسرا روزگار نہیں، کرپٹ ترین دیگر کھلاڑیوں کو بحالی پروگرام کا حصہ بنایا جا رہا ہے اور کئی کھلاڑیوں کو دوسرا موقع دیا گیا لیکن مجھے نظرانداز کیا جا رہا ہے۔