Category: کھیل

پی ایس ایل6، پشاور زلمی کا اینتھم سانگ کیا ریحانہ گائیں گی ؟ شائقین کرکٹ کے لیے تجسس

باغی ٹی وی ؛ پشاور زلمی کے چیئرمین جاوید آفریدی کی ایک ٹوئٹ نے پاکستانیوں کو تذبذب میں ڈال دیا ہے۔پاکستان سپر لیگ کے سیزن 6 کی آمد آمد ہے، کرکٹ شائقین پی ایس ایل 6 کا بے صبری سے انتظار کر رہے ہیں ۔

جہاں کرکٹ شائقین پی ایس ایل کے دوران اپنی اپنی ٹیم کے لیے جذباتی نظر آ تے ہیں اور اپنی ٹیم کی خوب حوصلہ افزائی کرتے ہیں وہیں ہر سال پی ایس ایل کی ہر ٹیم کے گانے کا بھی انتظار کیا جاتا ہے۔

پاکستان سپر لیگ کے سیزن 6 کی آمد آمد ہے، کرکٹ شائقین پی ایس ایل 6 کا بے صبری سے انتظار کر رہے ہیں ۔جہاں کرکٹ شائقین پی ایس ایل کے دوران اپنی اپنی ٹیم کے لیے جذباتی نظر آ تے ہیں اور اپنی ٹیم کی خوب حوصلہ افزائی کرتے ہیں وہیں ہر سال پی ایس ایل کی ہر ٹیم کے گانے کا بھی انتظار کیا جاتا ہے۔

پشاور زلمی کے چیئرمین جاوید آفریدی کی جانب سے پی ایس ایل 6 کی ٹیم پشاور زلمی کے اینتھم سے متعلق ایک ٹوئٹ کیا گیا ہے جس نے کرکٹ شائقین کو خوشگوار حیرت میں ڈال دیا ہے۔

RIHANNA FOR ZALMI ANTHEM ❓

— Javed Afridi (@JAfridi10) February 3, 2021

جاوید آفریدی نے اپنے ٹوئٹ میں پشاور زلمی کے مداحوں سے پوچھا ہے کہ کیا پی ایس ایل 6، پشاور زلمی کے اینتھم کے لیے عالمی شہرت یافتہ امریکی گلوکارہ ریحانہ کا انتخاب ٹھیک رہے گا؟

جارج لنڈے کی چوٹ بارے ابتدائی رپورٹ‌ آگئی

باغی ٹی وی : جنوبی افریقہ کے کھلاڑی آل راؤنڈر جارج لنڈے کے بائیں ہاتھ کی انگلی میں چوٹ لگنے سے جنوبی افریقہ کو دھچکا لگا .

بائیں بازو کے اسپنر جارج لنڈے اس وقت زخمی ہوگئے جب وہ کھیلتے ہوئے اپنی انگلی پر چوٹ لگوا بیٹھے تھے .
ان کی صحت کی اپ ڈیٹ بارے جنوبی افریقن کرکٹ بورڈ نے بتا یا کہ ان کی تفصیلی رپورٹ ابھی آنی ہے تاہم ان کی انگلی فریکچر نہیں‌ہوئی ہے . میڈیکل ٹیم ان کی انجری بارے دیکھ رہی ہے کہ وہ کب تک کھیل نہیں سکتے . ایکسرے رپورٹ میں فریکچر نہیں آیا ہے .

#GeorgeLinde is off to get his x-ray.#PAKvSA
🇵🇰🏏🇿🇦 pic.twitter.com/s49Wx00VpK

— Proteas Men (@ProteasMenCSA) February 4, 2021

واضح رہے کہ جنوبی افریقہ کی ٹیم اس وقت پاکستان کے دورے پر ہے . اس کراچی ٹیسٹ میں پاکستان سے شکست کھاچکی ہے . اب دوسرا ٹیسٹ راولپنڈی میں جاری ہے .

پی ایس ایل دیکھنے کے لیے شائقین کو کیا کرنا ہوگا نیشنل کمانڈ اینڈ آپریشن سینٹر نے اجازت دے دی

باغی ٹی وی : نیشنل کمانڈ اینڈ آپریشن سینٹر (این سی او سی) نےپاکستان سپر لیگ (پی ایس ایل) سیزن 6 کیلئے 20 فیصد تماشائیوں کی اجازت دے دی۔

این سی او سی کے اجلاس میں پی سی بی حکام نے بھی شرکت کی۔

این سی او سی کا کہنا ہے کہ پی ایس ایل میچز کیلئے 20فیصد تماشائیوں کو اسٹیڈیم جانے کی اجازت ہوگی،جبکہ پلے آف میچز کیلئے مارچ میں دوبارہ جائزہ لیا جائے گا۔

اعلامیے میں کہا گیا ہے کہ گروپ میچز اور پلےآف میچز کیلئے کراؤڈ کے تناسب کا اعلان بعد میں کیا جائے گا۔

این سی او سی کے مطابق میچز دیکھنے کی اجازت کورونا ایس اوپیز اقدامات سےمشروط ہوگی۔

واضح رہے کہ پاکستان سپر لیگ کے چھٹے ایڈیشن، پی ایس ایل 6 کے لیے سخت کوویڈ 19 پروٹوکولز بنانے کا پلان تیار کیا گیا ہے۔

ذرائع کے مطابق پی ایس ایل کے میچز کے دوران ایس او پیز کی خلاف ورزی کسی طور برداشت نہ کرنے کا فیصلہ کیا گیا ہے، پی ایس ایل کے لیے بائیو سیکور ببل 15 فروری سے شروع ہو جائے گا۔

پاکستان کی بیٹنگ جاری ، دو مرد میداں کریز پر موجود

باغی ٹی وی : پاکستان کی جنوبی افریقہ کے خلاف بیٹنگ جاری ہے . پاکستان نے تین وکٹ کے نقصان پر 143 رنز کور کر لیے ہیں. جب کہ اس وقت بابر اعظم 76 رنز پر اور فواد عالم 41 رنز پر کھیل رہے ہیں.

راولپنڈی ٹیسٹ میں پاکستان ٹیم ابتداء سے ہی مشکلات کا شکار ہوگئی اور دن کے پہلے سیشن میں ابتدائی 3 کھلاڑی 22 کے مجموعی اسکور پر پویلین لوٹ گئے۔

#BabarAzam got his 16th FIFTY with a boundary!
It came from just 81 balls!#Pakistan need him to score a BIG 💯!#SouthAfrica need a wicket here pretty badly!#SAvPAK #SAvsPAK #PAKvSA #PAKvsSApic.twitter.com/aeHuLjdNRb

— BlueCap 🇮🇳 (@IndianzCricket) February 4, 2021

پاکستان کی جانب سے پہلے آؤٹ ہونے والے کھلاڑی عمران بٹ تھے وہ 15 رنز بنا سکے، اظہر علی بغیر کوئی رن بنائے آؤٹ ہوئے، جبکہ عابد علی 6 رن بناسکے۔میچ کے آغاز پر اوپنر عمران بٹ نے 2 چوکوں کی مدد سے کھیل کا جارحانہ آغاز کیا تاہم جلد ہی مہاراج کی بال پر کیچ آوٹ ہو گئے، انہوں نے صرف 15 رنز بنائے۔ عابد علی محتاط انداز میں کھیلتے نظر آئے۔
اب دوسرے سیشن کا میچ ختم ہوچکا ہے پاکستان کے دو بہترین باؤلر کریز پر موجد ہیں. اور ان کے درمیان سو رنز کے قریب کی پارٹنر شپ بن چکی ہے

کیا جنوبی افریقن کپتان کا یہ آخری میچ ہے

باغی ٹی وی : جنوبی افریقہ کے کوچ مارک باؤچر کی کل پریس کانفرنس کے بارے میں پروٹیز کرکٹ آفیشل کی جانب سے ایک بات کی اصلاح اور وضاحت کی گئی ہے جس میں کہا گیا ہے کہ مارک واوچر نے اپنی کسی بات میں یہ نہیں کہا کہ یہ جنوبی افریقہ کے کپتان کوئنٹن ڈی کاک کا بطور کپتان آخری میچ ہے .

وضاحتی نوٹس میں کہا گیا کہ ہر سیریز کی طرح اس سیریز کے ختتام پر بھی جائزہ لیا جائے گا اور دیکھا جائے گا کہ کون سا کھلاڑی کس مقام اور پوزیشن پر قائم رکھا جانا مناسب ہے . اور اسی ضابطے کے تحت اس بار بھی فیصلہ کیا جائے گا.

واضح رہے کہ جنوبی افریقہ کی ٹیم اس وقت پاکستان کے دورے پر ہے . اس کراچی ٹیسٹ میں پاکستان سے شکست کھاچکی ہے . اب دوسرا ٹیسٹ راولپنڈی میں جاری ہے .

عباس آفریدی کراچی کنگز کا حصہ بن گئے

باغی ٹی وی : آئی سی سی انڈر 19 کرکٹ ورلڈکپ 2020 میں پاکستان کی نمائندگی کرنے والے آلراؤنڈر عباس آفریدی ایچ بی ایل پاکستان سپر لیگ 2021 میں کراچی کنگز کی نمائندگی کریں گے۔ایونٹ 20 فروری سے نیشنل اسٹیڈیم کراچی میں شروع ہوگا۔

دفاعی چیمپئن کراچی کنگز نے گزشتہ ماہ لاہور میں منعقدہ ڈرافٹنگ کی تقریب میں اپنی 18ویں پک کا استعمال نہیں کیا تھا،لہٰذا اب اپنی 18ویں باری کااستعمال کرتے ہوئے کراچی کنگز نے 19 سالہ آلراؤنڈر کو اسکواڈ میں شامل کرلیا ہے۔

عباس آفریدی نے آئی سی سی انڈر 19 کرکٹ ورلڈکپ 2020 کے 5 میچوں میں 9 وکٹیں حاصل کی تھیں، وہ اس ایونٹ میں پاکستان کی جانب سے سب سے زیادہ وکٹیں حاصل کرنے والے باؤلر تھے۔

عباس آفریدی نے ڈومیسٹک سیزن 21-2020 میں خیبرپختونخوا کی نمائندگی کی۔

پاکستانی بلے باز آغاز میں ہی مشکلات کا شکار

باغی ٹی وی : راولپنڈی ٹیسٹ میں پاکستان ٹیم ابتداء سے ہی مشکلات کا شکار ہوگئی اور دن کے پہلے سیشن میں ابتدائی 3 کھلاڑی 22 کے مجموعی اسکور پر پویلین لوٹ گئے۔

پاکستان کی جانب سے پہلے آؤٹ ہونے والے کھلاڑی عمران بٹ تھے وہ 15 رنز بنا سکے، اظہر علی بغیر کوئی رن بنائے آؤٹ ہوئے، جبکہ عابد علی 6 رن بناسکے۔میچ کے آغاز پر اوپنر عمران بٹ نے 2 چوکوں کی مدد سے کھیل کا جارحانہ آغاز کیا تاہم جلد ہی مہاراج کی بال پر کیچ آوٹ ہو گئے، انہوں نے صرف 15 رنز بنائے۔ عابد علی محتاط انداز میں کھیلتے نظر آئے۔ 11 ویں اوور کے اختتام پر 1.8 کے انتہائی کم رن ریٹ کے سبب پاکستان کا سکور صرف 21 تک محدود تھا۔ اظہر علی کریز پر آئے تو انہوں نے بھی دفاعی انداز اپنایا اور 9 بالز کھیل کر کوئی رن بنائے بغیر پویلین لوٹ گئے۔ ان کے بعد عابد علی نے بھی واپسی کا راستہ اختیار کیا، نورتجے کی بال پرمارکرم کو کیچ دے بیٹھے، یوں 22 کے مجموعی سکور پر پاکستان کی 3 وکٹیں گر چکی تھیں۔

کپتان بابر اعظم نے پاکستانی بیٹنگ لائن کو سہارا دیا، انہوں نے 4 چوکوں کی مدد سے 24 رنز بنائے اور فواد عالم کی شراکت داری میں مجموعی سکور 62 تک پہنچایا۔جنوبی افریقا کی جانب سے مہاراج نے دو اور نورٹج نے ایک کھلاڑی کو پویلین کی راہ دکھائی۔

کھانے کے وقفے تک پاکستان نے 3 وکٹ کے نقصان پر 63 رنز بنالیے ہیں، کپتان بابر اعظم 24 اور کراچی ٹیسٹ کے مین آف دی میچ فواد عالم 16 رنز بنا کر وکٹ پر موجود ہیں۔

اس سے قبل راولپنڈی ٹیسٹ میں پاکستان نے جنوبی افریقا کے خلاف ٹاس جیت کر پہلے بیٹنگ کا فیصلہ کیا

بابر اعظم نے ٹاس جیت کر کیا فیصلہ کیا

باغی ٹی وی :راولپنڈی ٹیسٹ میں پاکستان نے جنوبی افریقہ کیخلاف ٹاس جیت کر پہلے بیٹنگ کا فیصلہ کیا ہے۔

پاکستان کو2 میچوں کی سیریز میں 0-1 کی برتری حاصل ہے۔پاکستانی ٹیم میں کوئی تبدیلی نہیں کی گئی .بابر اعظم کا ٹاس کے بعد کہنا تھا کہ کوشش کریں گے آغاز اچھا کریں، پاکستان کی ٹیم میں‌ شامل ہیں . بابر اعظم کپتان ، اظہر علی ،عابد علی ، عمران بٹ ، فواد عالم ، محمد رضوان ، فہیم اشرف ، یاسر شاہ، حسن علی ، نعمان علی ، شاہین شاہ آفریدی، ریزرو کھلاڑیوں میں حارث رؤوف اور سرفراز احمد شامل ہیں.

سیکیورٹی کے سخت انتظامات کیے گئے ہیں۔جنوبی افریقا 24 سال بعد پنڈی کرکٹ اسٹیڈیم میں آج ٹیسٹ میچ کھیلے گا، دوسرے ٹیسٹ کیلئے ٹاس 9:30 بجے اور میچ کا آغاز 10بجے ہوگا۔

ٹیسٹ میچ کے آغاز سے قبل دونوں ٹیموں کو نجی ہوٹل سے پنڈی کرکٹ اسٹیڈیم لایا گیا، ٹیموں کے سفر کے دوران جڑواں شہروں میں میٹرو بس سروس معطل رکھی گئی۔

انتظامیہ کے مطابق ٹیسٹ میچ کے سبب اسلام آباد اور پنڈی کے درمیان مخصوص اوقات میں میڑو بس سروس بند رکھنے کا فیصلہ کیا گیا ہے۔

انتظامیہ کا کہنا ہے کہ بس سروس آپریشن آج صبح 8.30 سے 10 بجے تک معطل رہے گا، جبکہ شام5:30 سے 7 بجے تک بھی بس سروس معطل رہے گی۔

انتظامیہ میٹرو بس کے مطابق دیگر اوقات میں میڑو بس معمول کے مطابق چلے گی، تاہم شمس آباد اسٹیشن تمام دن مکمل بند رہے گا۔