Category: کھیل

پاکستان کے معروف گیند باز درجہ بندی تنزلی کا شکار

باغی ٹی وی ؛ پاکستان کے معروف گیند باز اب تنزلی کا شکار ہو گئے . آئی سی سی نے ون ڈے کی تازہ رینکنگ جاری کر دی، بنگلادیش کے مہدی حسن نو درجے ترقی کر کے چوتھے نمبر کے بولر بن گئے، محمد عامر کو 2 درجے تنزلی کی کڑوی گولی نگلنا پڑی۔

دبئی سے جاری تازہ ون ڈے رینکنگ کے مطابق بولرز میں ٹرینٹ بولٹ کی ٹاپ پوزیشن برقرار ہے، بنگلا دیش کے مہدی حسن 9 درجے ترقی کر کے چوتھے نمبر پر پہنچ گئے، محمد عامر کی 2 درجے تنزلی ہوئی جس سے قومی بولر کو نویں نمبر پر جانا پڑا۔

بیٹنگ میں ویرات کوہلی پہلے جبکہ بابر اعظم تیسرے نمبر پر براجمان ہیں، آئرلینڈ کے پال اسٹرلنگ 20 ویں نمبر کے بیٹسمین بن گئے، آل راؤنڈر میں شکیب الحسن بدستور پہلے، عماد وسیم پانچویں نمبر پر ہیں۔ کچھ دیر پہلے محمد عامر پاکستان کرکٹ سے مستعفی ہو چکے ہیں.

واضح‌ رہے کہ کرکٹ شائقین کے لیے بالعموم اور پاکستانی شائقین کرکٹ کے لے بالخصوص یہ بات انتہائی افسوس ناک ہے کہ کہ پاکستان کے فاسٹ باؤلر محمد عامر نے کرکٹ سے ریٹائرمنٹ لے لی. پاکستان کرکٹ ٹیم کے اسٹار بائولر محمد عامر 28 سال کی عمر میں انٹر نیشنل کرکٹ کو مشروط خیر آباد کہہ گئے ہیں،انہوں نے موجودہ ٹیم منیجمنٹ کی موجودگی میں کھیلنے سے انکار کردیا ہے۔

محمد عامر پر جب انٹر نیشنل کرکٹ پر پابندی لگی تھی تو اس وقت وزیر اعظم عمران خاں نے کہا تھا کہ یہ پاکستان کرکٹ کا ہی نقصان نہیں‌ہے دنیائے کرکٹ کا بھی نقصان ہے . محمد عامر جیسے کھلاڑی صدیوں میں کرکٹ کو ملتے ہیں. خیال رہے کہ محمد عامر جب انٹر نیشنل کرکٹ کے لیے نئے نئے آئے تھے تو دنیا بھر میں ان کا چرچا ہو گیا تھا . پیسر کی خوبی پر سب ہی حیران تھے اور انہیں‌کرکٹ ہسٹری میں‌ایک بہت اچھا اضافہ تصور کرتے تھے .

محمد عامر کے موقف میں یہ واضح ہے کہ اگر ٹیم منیجمنٹ تبدیل ہوجائے تو وہ پاکستان کے لئے دستیاب ہونگے۔محمد عامر کو کھلے عام تنقید کا نشانہ بنانے والوں میں بائولنگ کوچ وقار یونس پیش پیش رہے ہیں،انہوں نےمتعدد بار لیفٹ آرم پیسر محض اس لئے تنقید کا نشانہ بنایا تھا کہ انہوں نے ٹیسٹ کرکٹ سے ریٹائرمنٹ کیوں لی۔

آخری بار تو چند روز قبل نیوزی لینڈ سے ورچوئل میڈیا کانفرنس میں انہوں نے عامر کا ذکر کردیا،ان سے سوال یہ ہوا تھا کہ ورک لوڈ کی وجہ سے پیسرز کا بھی خیال رکھنا ہوگا تو انہوں نے عامر کی مثال دے کر کہا تھا کہ ورک لوڈ کیسا؟عامر بھی تو لیگ کھیل رہا ہے۔

محمد عامر کی ریٹائرمنٹ سے پاکستان کرکٹ کو کتنا نقصان ہوا، جانیے اہم رپورٹ

دوسرے دن کے کھیل کا پہلا سیشن پاکستانی بلے بازوں کے نام

باغی ٹی وی : پاکستان اور جنوبی افریقا کے درمیان کراچی ٹیسٹ میں دوسرے دن کے کھیل کا پہلا سیشن پاکستانی بلے بازوں کے نام رہا، پہلے دن کے 4 کھلاڑیوں کے نقصان کے بعد اظہر علی اور فواد عالم کی ذمہ دارانہ بیٹنگ جاری ہے۔

جنوبی افریقا کے پہلی اننگز میں 220 رنز کے جواب میں پاکستان نے گزشتہ روز پہلی اننگ کا آغاز کیا پہلے دن کے کھیل کے اختتام پر 33 رنز پر 4کھلاڑی آؤٹ ہوگئے۔

دوسرے دن کھیل کا آغاز ہوا تو اظہر علی اور فواد عالم 5،5 کے انفرادی اسکور پر کریز پر موجود تھے اور پاکستان کو اننگز کا خسارہ پورا کرنے کے لیے 187 درکار تھے۔

اظہر علی اور فواد عالم نے ذمہ داری کا مظاہرہ کرتے ہوئے دوسرے دن کے کھیل کا محتاط انداز میں آغاز کیا ہے۔

اس سے قبل گزشتہ روز جنوبی افریقا نے ٹاس جیت کر پہلے بیٹنگ کا فیصلہ کیا تھا لیکن مہمان ٹیم بڑا اسکور کرنے میں ناکام رہی اور جنوبی افریقا کی پوری ٹیم 220 رنز پر ڈھیر ہوگئی۔

پاکستان کی جانب سے یاسر شاہ نے 3 جب کہ ڈیبیو کرنے والے نعمان علی اور شاہین شاہ آفریدی نے 2،2 وکٹیں حاصل کیں۔

220 رنز کے جواب میں پاکستانی کھلاڑی بھی زیادہ دیر وکٹ پر نہ ٹھہر سکے اور صرف 33 کے مجموعی اسکور پر پاکستان کے 4 کھلاڑی پویلین لوٹ گئے۔ عابد علی 4 ، عمران بٹ 9، بابر اعظم 7 اور نائٹ واچ مین شاہین آفریدی بغیر کوئی رن بنائے پویلین لوٹ گئے تھے

ٹی 10 کے ریفریز کا اعلان ہوگیا

باغی ٹی وی : ابوظبی ٹی 10کے سیزن 2020کے لئے بین الاقوامی میچ آفیشلز ذمہ داریاں نبھائیں گے
آئی سی سی ایلیٹ میچ ریفری اور سابق برطانوی کرکٹ اسٹار کرس براڈ اور سابق آئی سی سی ایلیٹ پینل ایمپائر ایان گولڈ ابوظبی ٹی 10 کے میچز کے ریفری ہوں گے
پریس ریلیز
ابوظبی ۔ ابوظبی ٹی10کی ایگزیکٹو کمیٹی نے ابوظبی ٹی10کے چوتھے ایڈیشن کے کھیل کی نگرانی کے لئے بین الاقوامی مایہ ناز میچ آفیشلز کو شامل کیا ہے شیخ زاید کرکٹ اسٹیڈیم ابوظبی میں 28جنوری سے 6فروری 2021تک کھیلے جانے والے اس ٹورنمنٹ میں بین الاقوامی اسٹارز کے علاوہ میچ ریفریوں کو شامل کیا ہے جن کی موجودگی سے اس ٹورنمنٹ کی ترقی کا سفر جاری رہے گا
ابوظبی ٹی 10میں شامل میچ آفیشلز
کرس براڈ ابوظبی ٹی10میچ ریفری 1(آئی سی سی ایلیٹ میچ ریفری )
µ*نائجل لونگ ۔ سابق آئی سی سی ایلیٹ پینل ایمپائر
*لینڈن ہینبل ۔ آئی سی سی انٹرنیشنل پینل امپائر
*پال بالڈون ۔آئی سی سی پینل امپائر
*شیجو مانیل ۔ آئی سی سی ڈویلپمنٹ پینل
*ایان گولڈ ۔ ابوظبی ٹی 10میچ ریفری ٹو
µ µ*ایلکس وارف ۔ آئی سی سی انٹرنیشنل پینل امپائر
* رنمور مارٹنیز ۔ آئی سی سی انٹرنیشنل پینل امپائر
*بلی ٹیلر ۔ ای سی بی فرسٹ کلاس امپائر
*اکبر علی آئی سی سی ڈویلپمنٹ پینل

ابوظبی ٹی10میں ذمہ داری نبھانے کے بارے میں گفتگو کرتے ہوئے سابق برطانوی کھلاڑی اور آئی سی سی ایلیٹ میچ ریفری کرس براڈ نے کہا کہ ٹی10ایک نیا اور مختصر دورانئیے کا فارمیٹ ہے جو دلچسپی سی بھرپور ہے ، ابوظبی ٹی10ٹورنمنٹ شروع ہونے والا ہے مجھے خوشی ہو گی کہ میں اپنے دیگر رفقا کے ساتھ مل کر کرکٹ میں کے لمحات کو یادگار بنائیں گے اور ابوظبی میں کرکٹ سے لطف اندوز ہونے کا موقع ملے گا
ابوظبی کرکٹ کے چیف ایگزیکٹو آفیسر میتھیو باوچر نے گفتگو کرتے ہوئے کہا کہ ٹورنمنٹ میں فرسٹ کلاس کرکٹ ہمارا عزم ہے ہمارے ساتھ امپائرنگ میں انتہائی پروفیشنل نام اور ایلیٹ پینل شامل ہیں جن کی بدولت ہم اپنے عزائم کی تکمیل کریں گے کیونکہ ہم ابوظبی میں دوسری بار ٹورنمنٹ کا انعقاد کر رہے ہیں ابوظبی ٹی10 واحد دس اور انٹرینشنل کرکٹ ایونٹ ہے جس کو آئی سی سی نے باقاعدہ منظور کیا اور امارات کرکٹ بورڈ سے لائسنس یافتہ ہے بین الاقوامی میچ ریفریوں اور امپائرز کی موجودگی سے اس ٹورنمنٹ کی مقبولیت میں مزید اضافہ ہوگا
مزید معلومات کے لئے ٹی 10کی آفیشل ویب سائیٹ www.ttensports.com ملاحظہ کریں اس کے علاوہ فیس بک ، ٹویٹر ، یوٹیوب اور انسٹاگرام پر ہماری آئی @t10leagueفالو کریں
کچھ ابوظبی ٹی ٹین کے بارے میں
دنیا کی واحد دس اوور کرکٹ ٹونامنٹ آئی سی سی نے باضابطہ منظوہ شدہ اور امارات کرکٹ بورڈ سے لائسنس یافتہ کرکٹ سیریز ہے ابوظبی ٹی ٹین کا دوسرا سیزن اٹھائیس جنوری سے چھ فروری 2021تک زاید کرکٹ اسٹیڈیم ابوظبی میں کھیلا جائے گا ۔
ابوظبی ٹی ٹین متحدہ عرب امارات سے شروع ہونے والا کھیل ہیں جسے دنیائے کرکٹ میں عالمی سطح تک مقبولیت حاصل ہے ۔ دس ، دس اوور کے اس کھیل کا دورائیہ نوے منٹ ہے اور دس دن تک کھیلا جائے گا آخر میں ”روبن راونڈ “ سیمی فائنل اور فائنل ہوتے ہیں ۔ ابوظبی ٹی ٹین کرکٹ شائقین اور کرکٹ اسٹارز میں عالمی سطح پر یکساں مقبول ہے۔

شاہد آفریدی ٹی 10 لیگ میں شامل کیوں نہ ہو سکے

باغی ٹی وی رپورٹ کے مطابق : کپتان شاہد افریدی ویزا مسائل کی وجہ سے ابھی تک ٹی 10 لیگ کے لیے متحدہ عرب امارات میں قلندرز ٹیم کو جوائن نہیں کرسکے۔

پاکستان کرکٹ ٹیم کے سابق کپتان کے پاس یواے ای کا ریذیڈنیشل ویزا ہے اور وہ ایک رات پہلے ابوظہبی بھی گٗئے تھے لیکن ایئرپورٹ پر پہنچ کرعلم ہوا کہ ریذیڈنیشل ختم ہوچکا ہے اورنیا ویزا ابھی تک امیگریشن سسٹم میں اپ ڈیٹ نہیں ہوا، جس کے بعد شاہد آفریدی کراچی واپس لوٹ آئے، اب ویزا اپ ڈیٹ ہونے کے بعد وہ ایک سے دودن میں قلندرز ٹیم کو جوائن کرلیں گے۔

پاکستان کرکٹ بورڈ نے ٹی ٹین لیگ کا معاہدہ رکھنے والے کرکٹرز کو پاکستان کپ سے ریلیز کردیا ہے ۔ 28 جنوری سے ابوظہبی میں شروع ہونے والی لیگ کےلیے پاکستان کے آصف علی،اعظم خان، شرجیل خان، محمد حفیظ،محمدعرفان، معاذ خان،شعیب ملک، سہیل اختر اور محمد عامر کا مختلف ٹیموں کی طرف سے کھیلنے کا معاہدہ ہواہے۔ سابق کپتان شعیب ملک اور پیسر محمد عامر اس وقت دبئی میں موجود ہیں۔ شعیب ملک کے پاس یواے ای میں قیام کا پہلے سے ہی اجازت نامہ موجود ہے، فاسٹ بولر محمد عامر کی سری لنکا موجودگی کے دوران ہی پابندی لگنے سے پہلے ان کی ٹیم نے ویزہ جاری کروالیا تھا اور وہ ابو ظہبی پہنچ چکے ہیں۔

ٹی 10 لیگ کا آغاز 28 جنوری سے ہورہاہے۔ قلندرز سمیت ایونٹ میں شریک دوسری تمام ٹیموں نے قرنطینہ کی مدت پوری ہونے کے بعد منگل کو اپنی ٹریننگ کا بھی آغاز کردیا ہے۔

ویمن ٹیم نے کیا پہلے باؤلنگ کا فیصلہ

باغی ٹی وی : پکستان اور جنوبی افریقا کی خواتین کرکٹ ٹیموں کے مابین سیریز کا آخری ایک روزہ انٹرنیشنل میچ آج کنگز میڈ کرکٹ اسٹیڈیم ڈربن میں کھیلا جا رہا ہے ، پاکستان کی کپتان جویریہ خان نے ٹاس جیت کر پہلے باؤلنگ کرنے کا فیصلہ کیا ہے .

ہفتے کے روز کھیلے گئے سیریز کے دوسرے ون ڈے انٹرنیشنل میچ میں جنوبی افریقا نے پاکستان کو 13 رنز سے شکست دے دی تھی، 253 رنز کے تعاقب میں پاکستان کی خواتین کرکٹ ٹیم مقررہ 50 اوورز میں 8 وکٹوں کے نقصان پر 239 رنز بنا سکی تھی، میزبان ٹیم کو سیریز میں 2 صفر کی برتری حاصل ہے۔قومی ٹیم کی آل راؤنڈر عالیہ ریاض نے 81 رنز کی عمدہ اننگز کھیل کر ٹیم کو میچ میں واپس لانے کی کوشش کی تاہم وہ پاکستان ویمنز کرکٹ ٹیم کو فتح دلانے میں ناکام رہیں۔

انہوں نے ندا ڈار کے ہمراہ چھٹی وکٹ کے لیے 111 رنز کی شراکت قائم کی تھی، یہ پاکستان ویمن کرکٹ کی اس وکٹ کے لیے سب سے بہترین پارٹنر شپ ہے۔عالیہ ریاض کا کہنا ہے کہ ہمیں اندازہ تھا کہ جنوبی افریقا کے خلاف یہ سیریز بہت چیلنجنگ ہو گی کیونکہ ان کی ٹیم بہترین کھلاڑیوں پر مشتمل ہے اور وہ ان کنڈیشنز پر کھیلنے کی ماہر بھی ہیں، برصغیر سے آنے والی کسی بھی ٹیم کے لیے یہ کنڈیشنز ٹف ہوتی ہیں۔انہوں نے کہا گوکہ جنوبی افریقا کے خلاف سیریز کے ابتدائی دونوں میچز میزبان ٹیم نے جیتے تاہم ہم تیسرے ایک روزہ میچ میں بہترین کارکردگی کا مظاہرہ کرکے سیریز کا اچھا اختتام کرنا چاہتے ہیں

کراچی ٹیسٹ کے پہلے روز جنوبی افریقہ کی پاکستان کے خلاف بیٹنگ جاری ہے. کراچی ٹیسٹ کا ٹاس جیت کر جنوبی افریقہ نے پہلے بیٹنگ کا فیصلہ کیا۔ اوپنرز ڈین الگر اور ایڈن مارکرم نے 3،3 چوکوں کی مدد سے 30 رنز بنائے تھے کہ مارکرم شاہین شاہ آفریدی کی بال پر عمران بٹ کے ہاتھوں کیچ آوٹ ہو گئے۔ اس وقت ریسی وینڈر، الگر کی شراکت داری میں کریز پر موجود ہیں۔

پاکستان اور جنوبی افریقہ کے مابین پہلے ٹیسٹ میں بابراعظم بطورٹیسٹ کپتان پہلی باران ایکشن ہو رہے ہیں، جنوبی افریقہ کی ٹیم 14 سال بعد پاکستان کے میدانوں میں اتری ہے۔ آخری بار جنوبی افریقہ نے اکتوبر 2007 میں پاکستان میں ٹیسٹ سیریزکھیلی تھی۔

قومی کپتان بابر اعظم کا ٹاس کے موقع پر کہنا تھا کہ جیت جاتے تو پہلے بیٹنگ کرتے، عمران بٹ اورنعمان علی ٹیسٹ ڈیبیو کر رہے ہیں، وکٹ اسپنرز کیلئے سازگار ہے، گیند بریک ہو گا، جنوبی افریقہ بہترین ٹیم ہے، آسان نہیں لیں گے۔