Category: کھیل

ٹی ٹین لیگ ، پاکستانی کھلاڑیوں کی ابوظہبی روانگی شروع

باغی ٹی وی کی رپورٹ کے مطابق ٹی ٹین لیگ میں پاکستانی کھلاڑیوں کی شمولیت ہوئی ہے

ٹی ٹین لیگ کے لیے پاکستانی کرکٹرز کو خصوصی ویزے جاری کردیئے گئے ،پاکستانی کھلاڑیوں کی ابوظہبی روانگی شروع ہوگئی ،سہیل تنویر ،اعظم خان ،شرجیل خان اور آصف علی ابوظہبی روانہ ہو گئے،

محمد عرفان ،محمد حفیظ، اور آفیشلز کی آج روانگی شیڈول ہے،ٹی ٹین لیگ منتظمین کی درخواست پر پاکستانی کھلاڑیوں کو خصوصی ویزے جاری کئے گئے

اعظم خان، سہیل تنویر، شرجیل خان اور آصف علی کی کراچی سے فلائٹ طے تھی، محمد عرفان، محمد حفیظ کے ساتھ کچھ آفیشلز کی لاہور سے روانگی ہوگی۔ٹیموں کے منتظمین نے مختلف فلائٹس کے ذریعے کرکٹرزکی جلد سے جلد ابوظہبی پہنچنے کا انتظام کیا ہے۔ ٹی ٹین لیگ کے مقابلے 28 جنوری سے 6 فروری تک شیڈول ہیں

ابوظہبی ٹی ٹین لیگ آئی سی سی سے منظور شدہ اور امارات کرکٹ بورڈ سے لائسنس یافتہ دنیا کا واحد 10 اوورز انٹرنیشنل کرکٹ ایونٹ ہے، اس کا چوتھا سیزن 28 جنوری سے 6 فروری 2021 کے درمیان ابوظہبی کے شیخ زید کرکٹ اسٹیڈیم میں کھیلا جائے گا۔

2019 کے سیزن میں شرکت کرنے والی تمام 8 ٹیموں کی واپسی کی تصدیق ہوگئی ہے۔ ان ٹیموں کے نام ابوظہبی، مراٹھا عریبئنز، بنگلہ ٹائیگرز، دکن گلیڈی ایٹرز، قلندرز، دہلی بلز اور ناردرن واریئرز ہیں۔ اس کے علاوہ کرناٹک ٹاسکرز کا نام بدل کر پونے ڈیولز رکھ دیا گیا ہے۔

دفاعی چیمپینز مراٹھا عریبئنز پرویز خان، راجزو ایئر اور انوراگ مہیشوری کی مشترکہ ملکیت میں رہی، جبکہ رنر اپ دکن گلیڈی ایٹرز ہندوستانی ٹائیکون گوراو گروور کی ملکیت میں ہے۔

ٹیم قلندرز کے مالک عاطف رانا، سمین رانا، سلیم رفیق احمد اور چودھری عمر حسین ہیں۔ ابوظہبی مکمل طور پر ابوظہبی کرکٹ کی ملکیت میں ہے اور ابوظہبی اسپورٹس کونسل کے زیر انتظام ہے۔ بنگلہ دیشی تاجر یاسین چودھری اور سراج الدین عالم بنگلہ ٹائیگرز کے مالک ہیں۔ آر نیلش بھٹناگر دہلی بلز فرنچائز کے مالک ہیں۔

اس کے علاوہ ناردرن واریئرز کے مالک نامور تاجر شہباز الیاس ، محمد موورانی، نادر آدم علی، جنید عزیز موتی اور عثمان علی عثمان ہیں اور پونے ڈیولز کی قیادت پیراگ سنگھوی اور کرشن کمار کررہے ہیں۔

باغی ٹی وی کی رپورٹ کے مطابق جنوبی افریقہ کے خلاف پہلے ٹیسٹ کے لیے قومی کرکٹ ٹیم کی پریکٹس جاری ہے

پاکستان کرکٹ ٹیم نے آج سے باقاعدہ نیشنل اسٹیڈیم کراچی میں ٹریننگ کا آغاز کردیا ہے، فاسٹ بولر بھرپور ردھم کے ساتھ نیٹ میں بولنگ کی پریکٹس کررہے ہیں جبکہ اسپنرر گذشتہ روز ماضی کے عظیم اسپنر ثقلین مشتاق کی “ٹپس” کو مدنظر رکھتے ہوئے بولنگ کررہے ہیں جبکہ بلے باز محمد یوسف اور بیٹنگ کوچ یونس خان کی جانب سے دئیے گئے کارآمد مشورے کے تحت بیٹنگ پریکٹس میں مشغول ہیں۔

قومی ٹیم نے نیشنل اسٹیڈیم کراچی میں فیلڈنگ،باؤلنگ اور بیٹنگ کی پریکٹس کی،پاکستان کے دورہ پر آئی ہوئی جنوبی افریقہ کی ٹیم کیخلاف قومی کھلاڑیوں نے نیشنل سٹیڈیم کراچی میں بھرپور پریکٹس کی ۔ کھلاڑیوں نے بائولنگ ، بیٹنگ اور فیلڈنگ کی مشقیں کیں ۔

قومی اسکواڈ کے علاوہ امپائرز پینل میں شامل آفیشلز بھی اسٹیڈیم میں موجود ہیں، جنوبی افریقہ کی ٹیم کل سے نیشنل اسٹیڈیم میں پریکٹس کریگی، بائیو سیکیور ببل کے تحت مہمان ٹیم گزشتہ چار روز سے کراچی جمخانہ میں ٹریننگ کررہی ہے۔

نیشنل اسٹیڈیم میں قومی کرکٹ ٹیم کی پریکٹس کے باعث سیکیورٹی کے پیش نظرحسن اسکوائرسے نیشنل اسٹیڈیم تک سڑک کو ہرقسم کی آمدورفت کے لئے بند کردیا گیا ہے، ٹریفک اہلکار نیشنل اسٹیڈیم اور اس کے اطراف آنے والی ٹریفک کو متبادل راستے کے زریعے پرانی سبزی منڈی کی جانب موڑ رہے ہیں۔

دوسری جانب کراچی کے نیشنل اسٹیڈیم میں پہلے ٹیسٹ کی تیاریاں بھی جاری ہیں، دونوٹ ٹیموں میں دو ٹیسٹ میچ اور 3 ٹی ٹوئنٹی میچز شیڈول ہیں۔ سیریز کا دوسرا ٹیسٹ 4 فروری سے راولپنڈی میں شروع ہوگا۔ ٹی 20 سیریز کےتینوں میچز لاہور کے قذافی اسٹیڈیم میں کھیلے جائیں گے۔

پاکستان جنوبی افریقہ ٹیسٹ سیریز میں کمنٹری کریں گے

باغی ٹی وی کی رپورٹ کے مطابق تیرہ سال سے زائد عرصہ بعد جنوبی افریقہ کرکٹ ٹیم کی پاکستان آمد پر پاکستان کرکٹ بورڈ نے شائقین کرکٹ کو اعلیٰ معیار کی کوریج فراہم کرنے کی تیاری مکمل کرلی ہے۔ چھبیس جنوری سے نیشنل اسٹیڈیم کراچی میں شیڈول پہلے ٹیسٹ میچ سے شروع ہونے والی سیریز کے کمنٹری پینل میں معروف کمنٹیٹرز شامل ہیں۔

ستاروں سے سجی اس کہکشاں میں پاکستان کے سابق کپتان وسیم اکرم، رمیز راجہ اور بازید خان کے ساتھ ساتھ مائیک ہیسمین اور ڈیرل کلینن سمیت نیوزی لینڈ کے سابق فاسٹ باؤلر سائمن ڈول بھی شامل ہیں۔

وسیم اکرم صرف ٹیسٹ سیریز جبکہ سائمن ڈول صرف ٹی ٹونٹی سیریز میں کمنٹری کے فرائض انجام دیں گے۔ دونوں ٹیموں کے مابین تین ٹی ٹونٹی انٹرنیشنل میچوں پر مشتمل سیریز قذافی اسٹیڈیم لاہور میں کھیلی جائے گی۔

‏ اس سلسلے تینوں غیرملکی کمنٹیٹرز نے اپنے جذبات کا اظہار کچھ یوں کیا ہے:

ڈیرل کلینن:

جنوبی افریقہ کے سابق بیٹسمین ڈیرل کلینن کا کہنا ہے کہ وہ ایک بار پھر پاکستان واپسی پر بہت خوش ہیں، دونوں ٹیمیں باصلاحیت ہیں، لہٰذا وہ ایک شاندار سیریز کے انعقاد کے منتظر ہیں۔

سائمن ڈول:

نیوزی لینڈ کے سابق فاسٹ باؤلر سائمن ڈول کا کہناہے کہ وہ اعلیٰ معیار کے فاسٹ باؤلرز پر مشتمل دونوں ٹیموں کے درمیان سیریز کے آغاز کا اب مزید انتظار نہیں کرسکتے۔

مائیک ہیسمین:

معروف کمنٹیٹر مائیک ہیسمین کا کہنا ہے کہ سال 2003 میں پاکستان میں کھیلی گئی سیریز کے دوسرے ٹیسٹ میچ کے اختتام پر انہوں نے آن ائیر ایک جملہ کہا تھا کہ ان دونوں ٹیموں کو کوئی علیحدہ نہیں کرسکتا، آج اٹھارہ سال بعد ان دونوں ٹیموں کے درمیان جنگ کا دوبارہ آغاز ہونے جارہا ہے،اس تاریخی ٹور پر انہیں کانٹے دار مقابلے کی توقع ہے۔ انہوں نے کہا کہ وہ اس سیریز کے میچز پر تبصرہ کرنے کے لیے بہت پرجوش ہیں۔

دوسری طرف سیریز کی براڈکاسٹ پروڈکشن سروسزمشترکہ طور پر ٹرانس گروپ ایف زیڈ ای، این ای پی گروپ اور بلٹز ایڈورٹائزنگ کو فراہم کردی گئی ہیں۔

اس کنسورشیم میں این ای پی گروپ ٹیکنکل پارٹنر ہے۔ این ای پی گزشتہ تیس سال سے دنیا کا ایک نامور پروڈکشن پارٹنر ہے۔

سیریز کی کوریج کُل 28 مختلف کیمروں سے کی جائے گی،جن میں ہاک آئی بال ٹریکنگ پر مشتمل ڈی آر ایس، آلٹر موشن، بگی کیمرہ اور ڈرون کیمرہ بھی شامل ہیں۔

راؤ عمر ہاشم خان،گروپ ڈائریکٹر ٹرانس گروپ:

گروپ ڈائریکٹر ٹرانس گروپ راؤ عمر ہاشم خان کا کہنا ہے کہ انہیں جنوبی افریقہ سیریز کے لیے پی سی بی کے پروڈکشن پارٹنر بننے پر خوشی ہے، وہ اسٹیٹ آف دی آرٹ آلات سےایونٹ کی کوریج کرکےاپنے صارفین کو خوش کرنا چاہتے ہیں۔انہوں نے کہا کہ ٹرانس گروپ پی سی بی کا بہت پرانا پارٹنر ہے، جن کی خاصیت ہی اسٹیڈیمز کی ایونٹ منیجمنٹ، براڈکاسٹ اور کمرشل اسپانسرشپ رائٹس ہیں۔

سعید اعزادی، صدر این ای پی سنگاپور:

این ای پی سنگاپور کے صدر سعید اعزادی کا کہنا ہے کہ پروڈکشن کے ہر پہلو میں ٹیکنالوجی کا کردار بہت اہم ہے، این ای پی اپنے پارٹنرز ٹرانس گروپ اور بلٹز کو اسپورٹ کرنے کے لیے اپنے تجربے اور جدید آلات کے ذریعے کرکٹ کی اعلیٰ معیار کی کوریج فراہم کرےگا۔

انہوں نے مزید کہا کہ وہ ایک انٹرنیشنل سیریز میں پاکستان کرکٹ بورڈ کے ساتھ کام کرنے لیے پرجوش ہیں، وہ پاکستان کے کرکٹ گراؤنڈز میں پہلی مرتبہ 4K ٹیکنالوجی کا استعمال کریں گے۔

احسن ادریس،چیف ایگزیکٹو آفیسر بلٹز ایڈورٹائزنگ :

بلٹز ایڈوارٹائزنگ کے چیف ایگزیکٹو آفیسر احسن ادریس کا کہنا ہے کہ بلٹرز اور ٹرانس گروپ کے کنسورشیم کی حیثیت سے وہ دنیا کی دو بہترین ٹیموں،پاکستان اور جنوبی افریقہ کے مابین سیریز کی کوریج کرنے پر بہت خوش ہے، بلاشبہ دونوں ٹیموں میں بہترین کھلاڑی شامل ہیں۔

انہوں نے کہا کہ اس کنسوریشم کے ٹیکنکل پاڑٹنر این ای پی کے ساتھ یہ ان کے تعلقات کا آغاز ہے، این ای پی دنیا بھر میں کھیلوں اور انٹرٹینمنٹ کے براہ راست ایونٹ کا ایک ٹیکنکل پروڈکشن پارٹنر رہاہے۔ انہوں نے مزید کہا کہ بلٹز ٹرانس گروپ کا یہ کنسوریشم پاکستان اور جنوبی افریقہ سیریز کے دوران اپنےمقررہ معیار کو گرنے نہیں دے گا۔

ٹی ٹین لیگ،پاکستانی کھلاڑیوں کی روانگی شروع

باغی ٹی وی کی رپورٹ کے مطابق پاکستان کرکٹ بورڈ نے ٹی ٹین لیگ کھیلنے کے لیے کرکٹرز کو پاکستان کپ سے ریلیز کردیا

پاکستانی کھلاڑیوں کی مختلف پروازوں سے ابوظہبی روانگی شروع ہوگئی ،آل راونڈر سہیل تنویر، بلے باز آصف علی ، اعظم خان ، شرجیل خان کو ریلیز کردیا گیا ، محمد حفیظ کو بھی این او سی جاری کیا جاچکا ہے

محمدعرفان ، معاذ خان، سہیل اختر، بھی لیگ میں ایکشن میں ہوں گے ،محمد عامر پہلے کی ابوظہبی روانہ ہوچکے ہیں ،جنوبی افریقا کے خلاف ٹی ٹونٹی سیریز کے لیے منتخب ہونے والے کھلاڑی تین فروری کو بائیو ببل جوائن کرنے کے پابند ہوں گے

تمام کھلاڑیوں کو بورڈ کے فیصلے سے آگاہ کردیا گیا

ابوظہبی ٹی ٹین لیگ آئی سی سی سے منظور شدہ اور امارات کرکٹ بورڈ سے لائسنس یافتہ دنیا کا واحد 10 اوورز انٹرنیشنل کرکٹ ایونٹ ہے، اس کا چوتھا سیزن 28 جنوری سے 6 فروری 2021 کے درمیان ابوظہبی کے شیخ زید کرکٹ اسٹیڈیم میں کھیلا جائے گا۔

2019 کے سیزن میں شرکت کرنے والی تمام 8 ٹیموں کی واپسی کی تصدیق ہوگئی ہے۔ ان ٹیموں کے نام ابوظہبی، مراٹھا عریبئنز، بنگلہ ٹائیگرز، دکن گلیڈی ایٹرز، قلندرز، دہلی بلز اور ناردرن واریئرز ہیں۔ اس کے علاوہ کرناٹک ٹاسکرز کا نام بدل کر پونے ڈیولز رکھ دیا گیا ہے۔

دفاعی چیمپینز مراٹھا عریبئنز پرویز خان، راجزو ایئر اور انوراگ مہیشوری کی مشترکہ ملکیت میں رہی، جبکہ رنر اپ دکن گلیڈی ایٹرز ہندوستانی ٹائیکون گوراو گروور کی ملکیت میں ہے۔

ٹیم قلندرز کے مالک عاطف رانا، سمین رانا، سلیم رفیق احمد اور چودھری عمر حسین ہیں۔ ابوظہبی مکمل طور پر ابوظہبی کرکٹ کی ملکیت میں ہے اور ابوظہبی اسپورٹس کونسل کے زیر انتظام ہے۔ بنگلہ دیشی تاجر یاسین چودھری اور سراج الدین عالم بنگلہ ٹائیگرز کے مالک ہیں۔ آر نیلش بھٹناگر دہلی بلز فرنچائز کے مالک ہیں۔

اس کے علاوہ ناردرن واریئرز کے مالک نامور تاجر شہباز الیاس ، محمد موورانی، نادر آدم علی، جنید عزیز موتی اور عثمان علی عثمان ہیں اور پونے ڈیولز کی قیادت پیراگ سنگھوی اور کرشن کمار کررہے ہیں۔

پاکستان کرکٹ لیجنڈ مدثر نذرکہاں ڈائریکٹر بن گئے؟

پاکستان کرکٹ ٹیم کے لیجنڈ مدثر نذر ، جنہوں نے انٹرنیشنل کرکٹ میں 6,500 رنز بنائے اور بین الاقوامی کرکٹ ہی میں 150 سے زیادہ وکٹیں حاصل کرنے کا اعزاز رکھتے ہیں ، کو ٹی 10 اسپورٹس مینجمنٹ (ٹی ایس ایم) کا ٹیکنیکل ڈائریکٹر مقرر کیا گیا ہے ۔

سابق پاکستانی آل راونڈر نے ابوظبی ٹی ٹین کے دوسرے سیزن کے آغاز سے قبل ٹی ٹین اسپورٹس منیجمنٹ میں شمولیت اختیا ر کی ٹی ٹین اسپورٹس بین الاقوامی کاروباری گروپ مُلک ہولڈنگ کا حصہ ہے اس حوالے سے ٹی 10 اسپورٹ مینجمنٹ کے ٹیکنیکل ڈائریکٹر مدثر نذر نے ٹی 10 فارمیٹ کی اہمیت کے بارے میںگفتگوکرتے ہوئے کہا ، "ہم کھیل کے ذریعے تفریح مہیا کرتے ہیں ، چاہے یہ 100 سال پہلے کا تھا یا اب ہے ۔ شائقین کا کھیل سے لطف اندوز ہونا ضروری ہے کوئی بھی کرکٹر جسے کرکٹ سے پیار ہے وہ کرکٹ کے ہر فارمیٹ میں کھیلنا پسند کرتا ہے اور ٹی ٹین ایک بہت ہی دلچسپ فارمیٹ ہے جس میں شائقین کرکٹ زیادہ محظوظ ہوتے ہیں جس سے ناصرف کرکٹ شائقین میں اضافہ ہو رہا ہے بلکہ کرکٹ ایسے ممالک کا بھی پسندیدہ کھیل بنتا جا رہا ہے جہاں اس سے قبل کرکٹ کے کھیل کا تصور بھی نہیں تھا ان کا مزید کہنا تھا کہ اگر میں کرکٹ کھیل رہا ہوتا تو یقینی طور پر اس فارمیٹ کوضرور آزماتا کیونکہ میں نے بہت سخت تربیت حاصل کی ہوئی ہے ، کرکٹ کے کھیل میں جدت آ گئی ہے اور شائد یہی وجہ ہے کہ وہ کھلاری جو چار روزہ یا پانچ روزہ فارمیٹ میں نمایاں ہیں اور انہوں نے نئے طرز پر کھیل میں مہارت حاصل کی اور دوسروں کو آوٹ آف فارم کر دیا اور کرکٹ کے اس تیز ترین فارمیٹ میں اپنی مقبولیت کے جھنڈے گاڑے ۔

ٹی 10اسپورٹس منیجمنٹ کے چیئرمین شجیع الملک نے کہا کہ مدثر نذر کی ٹیکنیکل ڈائریکٹر کے طور پر شمولیت ہمارے لئے باعث اطمنان ہے اس کھیل کے فروغ کے لئے ہم مدثر نذر کی اعلی مہارت سے فائدہ اٹھائیں گے جس سے ابوظبی ٹی 10کو فروغ ملے گا اور کرکٹ کے اس فارمیٹ کی مقبولیت میں اضافہ ہو گا یاد رہے کہ اس سیزن میں پاکستان کے شاہد آفریدی ، شعیب ملک ، محمد حفیظ کے علاوہ ویسٹ ایڈیز کے کرس گیل اور آندرےے ریسل سمیت دیگر بین الاقوامی کرکٹ کھلاڑی آٹھ ٹیموں جن میں ٹیم ابوظبی ، مراٹھا عریبین ، بنگلہ ٹائیگرز ، دکن گلیڈی ایٹرز ، قلندرز ،دہلی بلز ، ناردن واریئرز اور پونے ڈیویلز شامل ہیں میں اپنے شاندار کھیل کا مظاہرہ کریں گے

نیپالی کوہ پیماؤں کا پاک فوج نے کیسے کیا استقبال

باغی ٹی وی : موسم سرما میں کے ٹو کو پہلی بار سر کرنے والی نیپالی کوہ پیماؤں کی ٹیم کا شگر میں پرتپاک استقبال کیا گیا، پاک فوج نے نیپالی ٹیم کو شگر آنے کے لیے ہیلی کاپٹر فراہم کیا۔

نیپالی کوہ پیماؤں کی ٹیم آج ہیلی کاپٹر کے زریعے شگر پہنچی جہاں صوبائی وزیر سیاحت راجہ ناصر علی خان اور چیف سیکرٹری خرم آغا نے ٹیم کے تمام ممبران کا پُرتپاک استقبال کیا اور فاتح ٹیم کے ممبران کو روایتی ٹوپیاں اورچوغہ پہنایا۔

اس موقع پر استقبالیہ تقریب سے خطاب کرتے ہوئے نیپالی ٹیم کے سربراہ نیرمل پور جا نے کہا کہ پاکستان نیپالی عوام کا دوسرا گھر ہے اور ہماری یہ کامیابی پاکستانیوں اور نیپالیوں کی مشترکہ کامیابی ہے ۔

انہوں نے کہا کہ پہاڑ اور دیگر قدرتی وسائل کو درپیش انوئرنمنٹل خطرات ہمارے مشترکہ مسائل ہیں اور اب ہمیں موسمی تبدیلی اور ماحولیات خطرات سے مل کر نمٹنا ہوگا۔

نیپالی کوہ پیماؤں کی ٹیم کل اسکردو سے اسلام آباد روانہ ہوگی جہاں صدر مملکت ڈاکٹر عارف علوی اور وزیر اعظم پاکستان عمران خان سے بھی ملاقات کریں گے۔

پاکستان اور جنوبی افریقہ کی ٹیموں کی بھر پور پریکٹس، دونوں ٹیمیں‌ کہاں‌ رہیں‌ سرگرم

باغی ٹی وی : پاکستان اور ساؤتھ افریقہ کی ٹیمیں آج سے کراچی ٹیسٹ کے لئے پریکٹس کا آغاز کر رہی ہیں، شاہین نیشنل اسٹیڈیم جبکہ پروٹیز جم خانہ میں پریکٹس کی .

جنوبی افریقہ کرکٹ ٹیم کا دورہ پاکستان، کراچی میں کرکٹ کے رنگ بکھرنے میں چندروز باقی ہیں۔ قومی کرکٹرز نیشنل اسٹیڈیم میں آج سے شروع ہونے والا پریکٹس سیشن اتوار تک جاری رکھیں گے۔ پرویٹز بھی ٹیسٹ سیریز کیلئے بھرپور فارم حاصل کرنے کی کوشش میں ہیں۔ افریقن ٹیم آج کراچی جیم خانہ میں پریکٹس میچ کھیلیں گے۔

دوسری جانب کراچی کے نیشنل اسٹیڈیم میں پہلے ٹیسٹ کی تیاریاں بھی جاری ہیں، دونوٹ ٹیموں میں دو ٹیسٹ میچ اور 3 ٹی ٹوئنٹی میچز شیڈول ہیں۔ سیریز کا دوسرا ٹیسٹ 4 فروری سے راولپنڈی میں شروع ہوگا۔ ٹی 20 سیریز کےتینوں میچز لاہور کے قذافی اسٹیڈیم میں کھیلے جائیں گے۔

نامور براڈکاسٹرز پاکستان کرکٹ کودنیا بھرمیں پہنچائیں گے

سپر اسپورٹس کے بعد اب وِلو ٹی وی، فلو اسپورٹس، اسکائے اسپورٹس اوراسکائے نیوزی لینڈبھی 2023 تک پاکستان میں ہونے والی انٹرنیشنل کرکٹ اور ایچ بی ایل پی ایس ایل کے میچز نشر کریں گے
پی  سی بی ایچ ڈی کوالٹی میں اپنی پراڈکشن خود کرنے کاسلسلہ جاری رکھے گا

باغی ٹی وی کی رپورٹ کے مطابق ملک میں بین الاقوامی کرکٹ سرگرمیوں کے دوبارہ آغاز نے دنیا کے نامور اور معروف براڈکاسٹرز کو پاکستان کرکٹ کی طرف متوجہ کردیا ہے، جنہوں نے سال 2023 تک کے لیے ایچ بی ایل پی ایس ایل اور پاکستان میں ہونے والی دوطرفہ ہوم سیریز کے میڈیا رائٹس حاصل کرنے شروع کردئیے ہیں۔

افریقی ریجن کے معروف اسپورٹس نیٹ ورک، سپر اسپورٹس، کے بعد اب پی سی بی نے شمالی امریکہ، کیرئبین، نیوزی لینڈ اور یوکےمیں میڈیا رائٹس کے لیے نئی پارٹنرشپ قائم کرلی ہیں۔

اس نئی شراکت داری کے بعد اب پاکستان کرکٹ فینزدنیا بھر میں قومی کرکٹ ٹیم کے مقابلے دیکھ سکیں گے۔ لہٰذا اب شمالی امریکہ میں موجود کرکٹ فینز وِلو ٹی وی، کیرئبین میں فلو اسپورٹس ، یو کے میں اسکائے اسپورٹس اور نیوزی لینڈمیں اسکائے نیوزی لینڈ پر پاکستان کرکٹ کی نشریات دیکھی جاسکیں گے۔

اس سلسلے میں آسٹریلیا، جنوبی ایشیا (پاکستان کے علاوہ) اور مڈل ایسٹ میں ممکنہ نشریاتی اداروں کے ساتھ بات چیت جاری ہے ، اور اس سلسلے میں مکمل تفصیلات مناسب وقت پر جاری کردی جائیں گی۔پی سی بی نے اپنے انٹرنیشنل میڈیا رائٹس کنسلٹنٹ کولگن باؤر کے تعاون سے مارکیٹ کابغور جائزہ لیا ، اس دوران مارکیٹ میں موجود براڈکاسٹرز کےمعیار کو جانچا گیا۔

آئندہ تین سالوں میں ایچ بی پی ایس ایل 2021، 2022 اور 2023 کے ساتھ درج ذیل ہوم سیریز کی میزبانی پاکستان کو کرنی ہے .سال 2021 میں پاکستان کو جنوبی افریقہ، نیوزی لینڈ، انگلینڈ اور ویسٹ انڈیز کی میزبانی کرنی ہے سال 2022 میں پاکستان کو آسٹریلیا،انگلینڈ اور نیوزی لینڈکی میزبانی کرنی ہے سال 2023 کے ایف ٹی پی ابھی کنفرم ہونا باقی ہیں

پاکستان کرکٹ بورڈ کے چیف ایگزیکٹو وسیم خان کاکہنا ہے کہ کوویڈ 19 کے باوجود یہ پاکستان کرکٹ کے لیے ایک دلچسپ وقت ہے،انٹرنیشنل کرکٹ کی پاکستان میں واپسی سے بڑے اور نامور اسپورٹس نیٹ ورک پاکستان کرکٹ کی طرف متوجہ ہوئے اور یہی وجہ ہے کہ وہ اپنے نیٹ ورک پر پاکستان کرکٹ کے میچز کو نشر کرنے کے خواہشمند ہیں۔

وسیم خان نے کہا کہ یہ پاکستان کرکٹ کے لیے بہت بڑا کارنامہ ہےکہ ہم دنیا کے معروف اسپورٹس براڈکاسٹرزکے ساتھ پارٹنرشپ کرنے میں کامیاب ہوگئے ہیں کیونکہ اس سے دنیا بھر میں موجود کرکٹ فینز کو پاکستان کرکٹ ٹیم کے میچز کی کوریج ملے گی۔

انہوں نے مزید کہا کہ پی سی بی نے ایک واضح اور جامع حکمت عملی کے ساتھ میڈیا رائٹس سے متعلق پارٹنرشپ کی ہیں، ایچ بی ایل پی ایس ایل 2023 تک دنیا کے بڑے اور معروف کرکٹرز پاکستان میں کرکٹ کھیلنے آرہے ہیں اور یہی وجہ ہے کہ دنیا کے نامور براڈکاسٹرز ان لمحات کی کوریج کرنا چاہتے ہیں۔

وسیم خان نے کہا کہ دنیا کے معروف براڈکاسٹرز کی پاکستان کرکٹ کی کوریج کے لیے دلچسپی ظاہر کرتی ہے کہ پاکستان کرکٹ دنیا کے لیے ایک پرکشش پراڈکٹ ہے اور ہم اپنے پراڈکٹ کو مزید بہتر بنانا چاہتے ہیں۔

برائن ہینڈرسن، ڈائریکٹر کرکٹ اسکائے اسپورٹس:

اسکائے اسپورٹس کے ڈائریکٹر کرکٹ برائن ہینڈرسن کاکہنا ہے کہ جنوبی افریقہ کے خلاف سیریز سے شروع ہونے والی پاکستان کرکٹ کے ساتھ اس پارٹنرشپ پر وہ بہت خوش ہیں، اس شراکت داری کے ذریعے انہیں ایچ بی ایل پاکستان سپر لیگ اور انگلینڈ کی مینز اور ویمنز کرکٹ ٹیموں کے دورہ پاکستان کی کوریج کابھی موقع ملے گا۔

انہوں نے کہا کہ اس اعلان سے اسکائے اسپورٹس سال 2021 میں بھی اپنے ناظرین کے لیے کرکٹ کی بلاتعطل نشریات جاری رکھے گا۔

صوفی میلونی، چیف ایگزیکٹو آفیسر اسکائے نیوزی لینڈ:

اسکائے نیوزی لینڈ کی چیف ایگزیکٹو آفیسر صوفی میلونی کا کہنا ہے کہ ہم اسکائے اسپورٹس کی ایک شاندار کرکٹ لائن اپ میں پاکستان کرکٹ کا اضافہ کرنے پر بہت خوش ہیں۔انہوں نے کہا کہ ہمارے صارفین بہترین کرکٹ مقابلے دیکھنا چاہتے ہیں اورہمیں خوشی ہے کہ ہمیں دوہزار اکیس اور اس کے بعد پاکستان کرکٹ کی کوریج کی اجازت مل گئی ہے۔

ٹوڈ مائیرز، وِلو ٹی وی ایس وی پی آپریشنز:

وِلو ٹی وی کے ایس وی پی آپریشن ٹوڈ مائیر کا کہنا ہے کہ وِلو ٹی وی کا مقصد امریکہ اور کینیڈا میں موجود کرکٹ فینز کو کرکٹ کی کوریج فراہم کرنا ہے اور انہیں خوشی ہے کہ وہ یہاں موجود فینز کو اب ایچ بی ایل پی ایس ایل سمیت پاکستان کرکٹ کی کوریج بھی فراہم کرسکیں گے۔

مائیکل لوک ٹونگ، ڈائریکٹر انٹرٹینمنٹ نیٹ ورکس اینڈ میڈیا آپریشنز :

ڈائریکٹر انٹرٹینمنٹ نیٹ ورکس اینڈ میڈیا آپریشنز مائیکل لوک ٹونگ کا کہنا ہے کہ فلو اسپورٹس پاکستان کرکٹ کے ساتھ اس نئے معاہدے پر بہت خوش ہیں، معاہدے کے مطابق ہم کیرئبین میں ایچ بی ایل پی ایس ایل اور پاکستان کے ہوم میچز نشر کرسکتے ہیں۔انہوں نے کہا کہ اس خطے میں پاکستان کرکٹ کی بہت پذیرائی کی جاتی ہے اور ہمیں خوشی ہے کہ ہم پاکستان کرکٹ کے ساتھ پارٹنرشپ کررہے ہیں۔

فاف ڈوپلیسی پاکستان کی سرزمین پر پہلا ٹیسٹ میچ کھیلنے کے لیے بیتاب

باغی ٹی وی کی رپورٹ کے مطابق ہفتے کے روز پاکستان پہنچنے والے جنوبی افریقہ کے اسکواڈ میں شامل فاف ڈوپلیسی کا یہ گزشتہ چار سال میں پاکستان کا تیسرا دورہ ہے۔ تجربہ کار مڈل آرڈر بیٹسمین نےآئی سی سی ورلڈ الیون کرکٹ ٹیم کی قیادت کرتے ہوئے تین ٹی ٹونٹی میچز کھیلنے کے لیے سال 2017 میں لاہور کا دورہ کیا۔فاف ڈوپلسی دوسری مرتبہ گزشتہ سال ایچ بی ایل پی ایس ایل میں شرکت کی غرض سے پاکستان آئے۔ انہوں نے کراچی میں کھیلے گئے لیگ کے پلے آف میچز میں پشاور زلمی کی نمائندگی کی۔

چھبیس جنوری سے نیشنل اسٹیڈیم کراچی میں شروع ہونے والا ٹیسٹ میچ جہاں فاف ڈوپلیسی کے ٹیسٹ کیرئیر کا 68واں میچ ہوگا تو وہیں یہ چھتیس سالہ بیٹسمین کا پاکستان کی سرزمین پر پہلا ٹیسٹ میچ ہوگا۔

اگرچہ گزشتہ دوروں نے فاف ڈوپلیسی کو پاکستان میں سیکورٹی معاملات پر اعتماد فراہم کیا مگر جنوبی افریقہ کے سابق ٹیسٹ کپتان نے اعتراف کیا ہے کہ انہیں اپنے آخری دورہ پاکستان کے وقت اندازہ بھی نہیں تھا کہ وہ دو ماہ بعد ہی طویل طرز کی کرکٹ کھیلنے کے لیے یہاں واپس آئیں گے۔

فاف ڈوپلیسی پاکستان کے خلاف اب تک سات ٹیسٹ میچز میں 27.33 کی اوسط سے 246 رنز بناچکے ہیں۔ اس میں ایک سنچری بھی شامل ہے۔ ان سات ٹیسٹ میچز میں سے 2 متحدہ عرب امارات میں کھیلے گئے جہاں پاکستان نے سال 2010 سے 2019 تک اپنی ہوم کرکٹ کھیلی۔

فاف ڈوپلیسی:

جنوبی افریقہ کے تجربہ کار مڈل آرڈر بیٹسمین فاف ڈوپلیسی کا کہنا ہے کہ یہ ایک ایسا لمحہ ہے کہ جو انہوں نے اب تک اپنی زندگی میں نہیں دیکھا، یہ تو جانتا تھا کہ یہاں محدود طرز کی کرکٹ تو کھیلی جارہی ہے مگریہ اندازہ نہیں تھا کہ اتنی جلدی طویل طرز کی کرکٹ بھی کھیلی جائے گی۔

فاف ڈوپلیسی نے کہا کہ وہ اب پاکستان میں ٹیسٹ کرکٹ کے دوبارہ آغاز کے منتظر ہیں اور انہیں یقین ہے کہ یہ بالکل 13 سال پہلے جیسا آغاز ہی ہوگا، یہاں وکٹیں فلیٹ ہیں، لہٰذا یہاں ہم بلے بازوں کے لیے رنز بنانے کے مواقع بھی زیادہ ہیں۔

انہوں نے کہا کہ پاکستان میں نوجوانوں کو کرکٹ سے متاثر کرنےکے لیے ضروری ہے کہ پاکستان کرکٹ ٹیم اپنی سرزمین پر کرکٹ کھیلے اورامید ہے کہ جنوبی افریقہ کرکٹ ٹیم کا یہ دورہ دیگر بین الاقوامی کرکٹ ٹیموں کو پاکستان لانے میں مدد کرے گا۔

فاف ڈوپلیسی نے کہاکہ پاکستان نے گزشتہ 11 سال اپنی ہوم کرکٹ متحدہ عرب امارات میں کھیلی ، جس کی وجہ سے پاکستان کرکٹ کے فینز کی ایک نسل اپنے اسٹار کرکٹرز کو اپنے گراؤنڈز میں کھیلتا نہیں دیکھ سکی، یہ ضروری ہے کہ پاکستان اپنی ہوم کرکٹ اپنے ملک میں ہی کھیلے۔

سابق ٹیسٹ کپتان نے کہا کہ دیگر قوموں کی طرح پاکستانی فینز بھی اپنی ٹیم پر بہت فخر محسوس کرتے ہیں، جب بھی برصغیر کا دورہ کریں ہمیں یہاں ہمیں کرکٹ کے بہت پرجوش مداح دیکھنے کو ملتے ہیں، یہ فینز ہر میچ دیکھنے آتے ہیں اور ہر میچ میں اپنی ٹیم کو اسپورٹ کرتے ہیں، دن بھر ان کا جوش اور جذبہ دیدنی ہوتا ہے۔فاف ڈوپلیسی نے کہا کہ اس تناظر میں یہ پاکستانیوں کے لیے ایک بہت خوشی کا موقع ہے۔

دوہزار سترہ میں آئی سی سی ورلڈالیون ٹیم کےہمراہ پاکستان کا دورہ کرنے والے فاف ڈوپلیسی کا کہنا ہے کہ پاکستان میں کرکٹ کی بحالی کی غرض سے ورلڈ الیون کرکٹ ٹیم دورہ بہت اہم تھا، اس وقت پاکستان میں کسی قسم کی کرکٹ نہیں ہورہی تھی۔

مڈل آرڈر بیٹسمین نے کہاکہ یہ وہ لمحہ تھا کہ جب دنیا کے مختلف کرکٹرز یہاں کرکٹ کھیلنے آئے، انہوں نے اپنی انکھوں سے یہاں کے سیکورٹی انتظامات کا جائزہ لیا، جس سے ان کے اعتماد میں اضافہ ہوا۔انہوں نے کہا کہ وہ اُس وقت اس ٹیم کی قیادت کررہے تھے ، جنوبی افریقہ واپس لوٹنے پر انہوں نے بتایا کہ وہ پاکستان میں محفوظ تھے،جس سے یقیناََ بہت فرق پڑا ہے۔

دونوں ٹیموں کے مابین سیریز کا دوسرا ٹیسٹ میچ 4 فروری سے راولپنڈی میں شروع ہوگا۔

نیشنل سٹیڈیم میں‌ سیکیورٹی اداروں کی ریہرسل سب کی توجہ کا مرکز بنا گیا

باغی ٹی وی : پاکستان اور جنوبی افریقا کی ٹیمیں پہلے ٹیسٹ میچ کے لئے تو پریکٹس کر رہی ہیں، سیکیورٹی اداروں نے بھی نیشنل سٹیڈیم کراچی میں سیکیورٹی ریہرسل کی۔

26جنوری سے شروع ہونے والے پاکستان اور ساوتھ افریقا کے درمیان ٹیسٹ میچ کے لئے سیکورٹی اداروں نے اپنا پلان فائنل کرلیا ،ٹیموں کو ہوٹل سے نیشنل سٹیڈیم کیسے لانے اور گراونڈ میں کس طرح کھلاڑیوں کی حفاظت کرنی ہے تمام تر تیاریوں کو عملی جامہ پہنایا جا رہا ہے۔

پاکستان آرمی کے کمانڈوز اور ایس ایس یو کے خصوصی دستوں نے اسٹیڈیم کے مختلف حصوں کا معائنہ کیا اس موقع پر ہیلی کاپٹر سے فضائی نگرانی بھی کی جاتی رہی
پاکستان کرکٹ بورڈ (پی سی بی) کے مطابق کراچی میں قومی اسکواڈ کے کورونا ٹیسٹ کیے جائیں گے۔ ٹیسٹ منفی آنے پر کھلاڑی، 21 جنوری سے ٹریننگ کا آغاز کریں گے۔

26 جنوری سے نیشنل اسٹیڈیم میں پہلے ٹیسٹ میچ کا آغاز ہو گا۔جنوبی افریقہ کیخلاف ٹیسٹ سیریز کیلئے 20 رکنی قومی اسکواڈ کا اعلان

یاد رہے کہ گزشتہ دنوں قومی کرکٹ ٹیم کے چیف سیلکٹر محمد وسیم نے جنوبی افریقہ کے خلاف ٹیسٹ سیریز کے لیے 20 رکنی اسکواڈ کا اعلان کیا تھا۔نیوزی لینڈ کے خلاف خراب کارکردگی دکھانے پر شان مسعود، نسیم شاہ، محمد عباس، ظفر گوہر اور حارث سہیل کو ٹیم سے ڈراپ کر دیا گیا ہے۔