پاکستان آکر عزت ملی، بھارتی کبڈی ٹیم کے کپتان نے کس خواہش کا اظہار کر دیا
باغی ٹی وی کی رپورٹ کے مطابق کبڈی ورلڈ کپ میں شرکت کے لئے بھارتی ٹیم پاکستان پہنچ گئی،پاکستان پہنچنے کے بعد بھارتی ٹیم کے کپتان گرلال سنگھ نے میڈیا سے گفتگو کرتے ہوئے کہا کہ پاکستان آ کر بہت عزت ملی ہے۔ پاکستان بھارت میں موسم بہت اچھا باقی ملکوں میں ایسا موسم نہیں ہے۔ پاکستان کی بہت مضبوط ٹیم ہے مقابلہ اچھا ہوگا۔ ہماری ٹیم کے تمام کھلاڑی سینئر کھلاڑی ہیں دیگر کھلاڑی بھی کل تک آجائیں گے۔
گر لال سنگھ نے مزید کہا کہ پاکستانی حکومت اور فیڈریشن کے بہت مشکور ہیں پاکستان میں آکر ڈرنے کی کوئی بات نہیں ہے۔ ہماری زبان اور ثقافت آپس میں ملتے ہیں۔ پاکستان کے خلاف مقابلہ سخت ہو گا، پاکستان اور بھارت کے درمیان ہر کھیل کے مقابلے ہونے چاہئیں۔
بھارتی کبڈی ٹیم کے کپتان گرلال سنگھ نے مزید کہا کہ کہ پاکستان اور بھارت کا مقابلہ ہمیشہ سے اچھا رہا ہے، دونوں ممالک میں موسم ایک جیسا ہے جس کی وجہ سے کبڈی کا ماحول بہت زبردست ملے گا۔
کبڈی ورلڈ کپ، بھارتی ٹیم پہنچی پاکستان،دیگر کن ممالک کی ٹیمیں آ گئیں؟
دوسری جانب کبڈی ورلڈ کپ کی تیاریوں کے سلسلے میں پنجاب سپورٹس کمپلیکس میں عارضی ہسپتال قائم کر دیا گیا ہے، ہسپتال دس بیڈز پر مشتمل ہے، کسی بھی قسم کی ایمرجنسی میں عارضی ہسپتال استعمال کیا جا سکے گا، ہسپتال میں ڈاکٹرز اور پیرا میڈیکل سٹاف ٹورنامنٹ جاری رہنے تک موجود رہیں گے۔
قبل ازیں پنجاب سٹیڈیم میں تیاریوں کو حتمی شکل دے دی گئی ہیں، کبڈی ورلڈکپ کے لیے تمام تر انتظامات مکمل کر لیے گئے ہیں، سٹیڈیم کے اطراف میں سراغ رساں کتوں کی مدد سے اسنیپ چیکنگ کی گئی ہے۔ قذافی سٹیڈیم کے اطراف میں تمام کاروباری مراکز بند کردیئے گئے، سٹیڈیم میں انکلوژر میں صوفے اور کرسیاں لگا دی گئیں، براڈکاسٹرز نے کیمراز سیٹ کر لیے۔ شائقین کے لیے بڑی سکرین بھی نصب کردی گئیں۔
کبڈی ورلڈکپ کا میلہ اس بار 9 فروری سے پاکستان میں سجنے جا رہا ہے۔ایران، آذربائیجان، جرمنی اور اسٹریلیا کے علاوہ انڈین ٹیم بھی پاکستان پہنچ چکی ہے۔ ایونٹ کی رنگا رنگ افتتاحی تقریب پنجاب سٹیڈیم لاہور میں، اور میچ لاہور فیصل آباد اور گجرات میں ہونگے
کبڈی ورلڈ کپ، کون کرے گا افتتاح؟ فائنل کن ٹیموں کے درمیان ہونے کا امکان
