Category: کھیل

دو میچوں پر مشتمل سیریز کے پہلے ٹیسٹ میں پاکستان نے بنگلہ دیش کے خلاف ٹاس جیت کر پہلے گیند بازی کا فیصلہ کیا ہے۔

باغی ٹی وی :قومی ٹیم میں کپتان اظہر علی، شان مسعود، عابد علی، بابر اعظم، اسد شفیق، حارث سہیل، محمد رضوان، یاسر شاہ، محمد عباس، شاہین شاہ آفریدی اور نسیم شاہ شامل ہیں۔ٹاس کے بعد گفتگو کرتے ہوئے قومی ٹیم کے کپتان کا کہنا تھا کہ پچ اچھی ہے جس کا فائدہ اٹھائیں گے۔انہوں نے کہا کہ سلامی بلے باز عابد علی بہترین فارم میں ہیں ان کی مکمل سپورٹ کریں گے، ٹیم میں فاسٹ باولر اہم کردارادا کرسکتے ہیں، کوشش کریں گے بنگلہ دیش کو جلد آوَٹ کریں۔

بنگلہ دیش کرکٹ ٹیم کے کپتان مومن الحق کا کہنا تھا کہ پاکستان کے خلاف میچ جیتنے کےلیے پرعزم ہیں،ہماری بیٹنگ لائن بہت اچھی ہے۔ ٹیم میں شامل نئے کھلاڑیوں کےلیےبہترین موقع ہے۔بنگلہ دیش کرکٹ ٹیم 16 سال بعد پاکستان میں ٹیسٹ میچ کھیلنے جا رہی ہے جبکہ مجموعی طور پر مہمان ٹیم پاکستان میں محض پانچ ٹیسٹ کھیل چکی ہےمحکمہ موسمیات کے مطابق راولپنڈی ٹیسٹ میچ بارش سے متاثر ہونے کے امکان کم ہیں، آج کے دن جڑواں شہروں کا موسم خشک اور سرد رہے گا۔

گزشتہ روز ٹرافی کی رونمائی کے بعد میڈیا سے گفتگو کرتے ہوئے قومی ٹیم کے کپتان اظہر علی نے کہا کہ قومی ٹیم کے پاس مضبوط تیز گیندباز ہیں جن کے پاس میچ جتوانے کی صلاحیت موجود ہے۔

لاہورپاکستان سپر لیگ سیزن فائیو سے قبل پشاور زلمی کی جانب سے Pre Hypeکا سلسلہ جاری،زلمی پرفیوم نے ہرطرف خوشبوئیں بکھیردیں ،ادھرپاکستان سپر لیگ سیزن فائیو سے قبل پشاور زلمی کی جانب سے Pre Hypeکا سلسلہ جاری ہے

باغی ٹی وی کے مطابق پیکیجز مال لاہور میں زلمی پرفیوم کی شاندار لانچنگ، زلمی اسٹارز اور فینز نے ایونٹ کو چار چاند لگادئیے،ذرائع کےمطابق پی ایس ایل فرنچائز پشاور زلمی پرفیوم لانچ کرنیوالی پاکستان کی پہلی اسپورٹس فرنچائز بن گئیپشاور زلمی اور دنیا کی نامور پرفیوم برانڈ اصغر علی کے درمیان زلمی پرفیوم کے لیے پارٹنرشپ قائم ہوگئی ہے ،

میڈیا اور برانڈ ویلیو کے لحاظ سے پاکستان سپر لیگ کی نمبرون فرنچائز پشاور زلمی نے پی ایس ایل سیزن فائیو سے قبل فینز کا جوش و خروش مزید بڑھاتے ہوئے زلمی پرفیوم لانچ کردیا ۔پیکیجز مال لاہور میں اصغر علی – زلمی پرفیوم لانچنگ کی تقریب منعقد ہوئی ۔جس میں پشاور زلمی کے چیرمین جاوید آفریدی، زلمی اسٹار کرکٹرز کامران اکمل ، حسن علی شریک ہوئے ۔۔دنیا کی بہترین پرفیوم برانڈ میں شمار ہونیوالی اصغر علی پرفیوم نے زلمی پرفیوم ڈیزائن کیا یے۔۔

چیرمین پشاور زلمی جاوید آفریدی کا کہنا ہے کہ جیسے جیسے پی ایس ایل فائیو کے آغاز کا وقت قریب آرہا ہے فینز سمیت کرکٹرز اور فرنچائزز کا بھی جوش و خروش بڑھتا جارہا ہے۔ زلمی پرفیوم بھی زلمی اور تمام کرکٹ فینز کی دلچسپی کو بڑھائے گا۔ پشاور زلمی فینز کی دلچسپی کے پیش نظر اسپورٹس / کرکٹ کے ساتھ لائف اسٹائل ، فوڈ ، اپلائننسس اور دیگر شعبہ جات میں پارٹنرشپ قائم کرچکا ہے

اصغر علی کے سی ای او سعد اصغر علی نے کہا کہ پشاور زلمی کے ساتھ پارٹنرشپ باعث خوشی ہے ۔ پشاور زلمی پاکستان سپر لیگ کی نمبرون فرنچائز ہے اور یہ پرفیوم فینز کو بہت پسند آئے گا ۔

پشاور زلمی میڈیا ڈیپارٹمنٹ

بنگلہ دیش اور پاکستان کی کرکٹ ٹیم کا ایوان صدر کا دورہ،صدر مملکت نے کیا کس خواہش کا اظہار؟

باغی ٹی وی کی رپورٹ کے مطابق بنگلہ دیش اور پاکستان کی کرکٹ ٹیموں نے جمعرات کو ایوان صدر کا دورہ کیا اور صدر مملکت ڈاکٹر عارف علوی سے ملاقات کی۔ اس موقع پر صدر مملکت نے دونوں ٹیموں کے کھلاڑیوں سے فرداً فرداً مصافحہ کیا۔

اس موقع پر بین الصوبائی رابطہ کی وفاقی وزیر ڈاکٹر فہمیدہ مرزا، پاکستان کرکٹ بورڈ کے چیئرمین احسان مانی اور ہیڈ کوچ مصباح الحق بھی موجود تھے۔ صدر مملکت نے بنگلہ دیش کی کرکٹ ٹیم کا خیرمقدم کرتے ہوئے کہا کہ بنگلہ دیش کرکٹ ٹیم کی جانب سے پاکستان کا دورہ کرنے پر بنگلہ دیش کی حکومت، کرکٹ بورڈ اور ٹیم کے شکر گزار ہیں۔

قومی خبر رساں ادارے اے پی پی کے مطابق صدر مملکت ڈاکٹر عارف علوی نے مزید کہا کہ پاکستان میں انٹرنیشنل کرکٹ کی بحالی خوش آئند ہے، پاکستان میں سکیورٹی کی صورتحال بہتر ہوئی ہے اور یہاں شائقین کرکٹ کو کرکٹ دیکھنے کا موقع ملے گا، امید ہے دونوں ٹیمیں عمدہ کھیل پیش کریں گی۔

صدر مملکت نے پاکستان ایک خوبصورت اور مہمان نواز ملک ہے اور امید ہے کہ مہمان ٹیم کا دورہ خوشگوار رہے گا۔ صدر مملکت نے کہا کہ وہ کرکٹ کے کھیل کے مداح ہیں، پاکستان میں کرکٹرز کو ہیرو کا درجہ دیا جاتا ہے، یہاں مقامی سطح پر کرکٹ کے فروغ پر کام ہو رہا ہے، پی ایس ایل کی طرح ہاکی اور کبڈی کی لیگ پر بھی کام کرنے کی ضرورت ہے

قبل ازیں آئی سی سی نے ورلڈ ٹیسٹ چیمپئن شپ میں شامل پاکستان اور بنگلہ دیش کے درمیان سیریز کے پہلے ٹیسٹ کے لیے میچ آفیشلز کا اعلان کردیا ہے۔ دونوں ٹیموں کے درمیان 2 ٹیسٹ میچوں پر مشتمل سیریز کا پہلا میچ 7سے 11 فروری تک راولپنڈی میں کھیلا جائے گا۔

جمعہ سے شروع ہونے والے ٹیسٹ میچ میں رچی رچرڈسن میچ ریفری جبکہ نائجل لونگ اور کرس گیفنی آن فیلڈ امپائرز کی ذمہ داریاں نبھائیں گے۔ راولپنڈی ٹیسٹ میچ میں، ماریز ایریزمیس ٹی وی امپائر اور شوزب رضا فورتھ امپائر ہوں گے۔

رچی رچرڈسن دوسری مرتبہ پاکستان آرہے ہیں۔ وہ اس سے قبل ستمبر2017 میں آئی سی سی ورلڈالیون ٹی ٹونٹی کرکٹ ٹیم کےدورہ پاکستان کے دوران بھی میچ ریفری کے فرائض انجام دے چکے ہیں۔

سابق ویسٹ انڈین کرکٹر رچی رچرڈسن بطور کرکٹر 1985 سے 1996 کے دوران پاکستان میں 21 ایک روزہ اور 6ٹیسٹ میچز کھیل چکے ہیں۔

کرس گیفنی اور ماریز ایریزمس پہلی مرتبہ پاکستان کا دورہ کررہےہیں تاہم نائجل لونگ ا س سے قبل بھی پاکستان میں 6 ایک روزہ میچوں میں امپائرنگ کے فرائض انجام دے چکے ہیں۔ نائجل لونگ کا راولپنڈی میں امپائرنگ کا یہ پہلاتجربہ ہوگا وہ اس سے قبل پاکستان کے تین مختلف شہروں کراچی (3)، لاہور(2)اور ملتان (1) میں امپائرنگ کرچکے ہیں۔ نائجل لونگ نے آخری مرتبہ پاکستان میں 2009 میں سری لنکا سیریز میں آن فیلڈ امپائرز کی ذمہ داریاں نبھائیں تھیں۔

میچ آفیشلز:

7تا11فروری، پہلا ٹیسٹ میچ: نائجل لونگ اور کرس گیفنی (آن فیلڈ امپائرز)، ماریز ایریز مس (تھرڈ امپائر)، شوزب رضا (فورتھ امپائر) اور رچی رچرڈسن (میچ ریفری)۔

امن بحال ہو چکا، اگلے سال پی ایس ایل میچز کہاں ہوں گے؟ وزیراعلیٰ خیبر پختونخواہ نے بتا دیا

لاہور:کبڈی ورلڈ کپ کے ليے تيارياں عروج پر پہنچ گئیں، پاکستانی کھلاڑیوں نے پریکٹس شروع کردی، بھارت کی طرف سے اہم پیغام ،اطلاعات کےمطابق کبڈی ورلڈ کپ کے ليے تيارياں عروج پر پہنچ گئيں۔ انڈين ٹيم کی شرکت مشکوک ہوگئی۔

تاحال فيڈريشن کو آمد کی اطلاع نہيں دی ہے۔ ايونٹ کا آغاز نو فروری سے ہونا ہے۔ کبڈی ورلڈ کپ کے ليے پنجاب سٹيڈيم کي تزين و آرئش کا کام مکمل کرليا گيا۔ صوبائی وزير کھيل نے سٹيڈيم کا دورہ کيا اور قومی ٹيم ميں شامل کھلاڑيوں سے ملاقات کی

ذرائع کےمطابق بھارت کے شرکت نہ کرنے کے حوالے سےانہوں نے ميڈيا سے گفتگو کرتے ہوئے کہا کہ انڈيا کی ٹيم نا بھی آئی تو ٹورنامنٹ ہوگا۔ انہوں نے کہا ہے کہ کبڈی ورلڈ کپ میں پاکستان کے علاوہ دنیا کے 9 ممالک کی ٹیمیں حصہ لے رہی ہیں، ہم پُرامید ہیں کہ بھارت کی ٹیم بھی پاکستان آئے گی اور دنیا کے کبڈی کے کھلاڑیوں کا مقابلے کرے گی،

لاہور:ایمرا نے کیا صحافیوں کے لئے سالانہ کرکٹ ٹورنامنٹ کا اعلان،دوسروں کی کھیلوں کی خبریں دینے والے بنیں گے خود خبریں ،باغی ٹی وی کی رپورٹ کے مطابق صحافیوں کی تنظیم الیکٹرانک میڈیا رپورٹر ایسوسی ایشن نے صحافیوں کے لیے "ایمراٹیپ بال کرکٹ ٹورنامنٹ 2020″کا اعلان کر دیا،

باغی ٹی وی کےمطابق ایمرا کے صدر آصف بٹ کا کہنا ہے کہ ایمرا باڈی صحافتی کمیونٹی کے لئے اپنی سابقہ روایات کو برقرار رکھتے ہوئے مارچ میں ایمرا کے سالانہ کرکٹ ٹورنامنٹ کا انعقاد کررہی ہے ،تمام نیوز چینلز 4 مینیجمنٹ کے ارکان سمیت پندرہ رکنی ٹیم کے نام اور ان کے کٹ سائز ایمرا باڈی کو پندرہ فروری تک وٹس ایپ کریں۔

تفصیلات ایمرا سنٹر میں بھی جمع کروائی جا سکتی ہیں۔۔ لیٹ ہونے والے ادارے کو ٹورنامنٹ میں ایڈ نہیں کیا جائے گا،ٹورنامنٹ میں صرف ایمرا کا وہ ممبر کھیل سکے گا جو دوسال سے ادارے میں کام کررہا ہوگا یا اس کا تجربہ دو سال کا ہوگا ،تمام ادارے اپنی ٹیم کا ایک اشتہار بھی تیار کرکے ایمرا باڈی کو بھجوائے اور ہر ٹیم اپنا نام بھی خود رکھ سکتی ہے

ایمرا باڈی مارچ کے آخر میں موسم کی تبدیلی کے بعد ایمرا سالانہ ٹیپ بال کرکٹ ٹورنامنٹ کا انعقاد کروا رہی ہے اور اس بار ایمرا ٹورنامنٹ میں 120 حصہ لے رہی ہیں، ایمرا ٹورنامنٹ میں دوستانہ میچوں سمیت چار ہزار کھلاڑی شرکت کریں گے

اوساکا بیٹری ملک میں کھیلوں کے فروغ کیلئے کوشاں اوساکا بیٹری کپ کی تقریب رونمائی۔۔۔
باغی ٹی وی رپورٹ کے مطابق :جی ایم مینوفیکچرنگ اوساکا بیڑیز افتخار احمد ہنڈل نے پا کستان ٹیسٹ ٹیم کے کپتان اظہر علی اور بنگلا دیش کے کپتان مومن الحق کے ہمراہ ٹرافی کی رونمائی کی۔
پاکستان اور بنگلا دیش کے درمیان دو میچوں پر مشتمل آئی سی سی ٹیسٹ چیمپئن شپ کا پہلا میچ کل سے راولپنڈی کرکٹ اسٹیڈیم میں کھیلا جائے گا۔
راولپنڈی( )پاکستان ٹیسٹ ٹیم کے کپتان اظہر علی نے پریس کانفرنس سے خطاب کرتے ہوئے کہا ہے کہ سیریز کے انعقاد کا کریڈٹ کرکٹ بورڈ کو جاتا ہے ، انٹر نیشنل ٹیموں کاپاکستان آ کر کھیلنا مثبت قدم ہے ، پنڈی میں عام طور پر ٹیسٹ میچ نتیجہ خیز ہوتا ہے ، بنگلہ دیش کو آسان نہیں لے رہے کیونکہ ان کے پاس کھلاڑی ہیں جو میچ جتوا سکتے ہیں۔
ان خیالات کا اظہار انہوں نے اوساکا بیٹری کپ کی تقریب رونمائی سے قبل پریس کانفرنس کے دوران کیا
تفصیلات کے مطابق اظہر علی کا کہناتھا کہ کوشش ہو گی کہ بطور کپتان پرفارمنس دوں اور جیت میں اہم کردار ادا کروں ، کوشش ہو گی کہ کراچی ٹیسٹ کے کمبی نیشن کے ساتھ میدان میں اتریں ۔ انہوں نے کہا کہ جیسے جیسے پاکستان میں کرکٹ ہو گی ،انٹرنیشنل کرکٹ کی بحالی کے معاملات بہتر ہوں گے ، نئے بولنگ اٹیک پر اعتماد ہے اور اچھا پرفارم کر رہے ہیں ۔ ان کا کہناتھا کہ راولپنڈی کا کراؤڈ بہترین ہے اور سری لنکا کے خلاف ٹیسٹ میچ میں کراؤڈ بھر پور تھا ، امید ہے کہ بنگلہ دیش کے خلاف ٹیسٹ میں بھی کراوڈ سٹیڈیم کا رخ کرے گا ، ہم بنگلہ دیش کو آسان نہیں لے رہے کیونکہ ان کے پاس کھلاڑی ہیں جو میچ جتوا سکتے ہیں ۔
اس موقع پر جی ایم مینوفیکچرنگ اوساکا بیڑیز افتخار احمد ہنڈل کا کہنا تھا کہ
اوساکا بیٹری نےعزم کررکھا ہے کہ کرکٹ کو ملک میں دوبارہ واپس لانا ہے ،
پاکستان کرکٹ اور اوساکا بیٹریز کا چولی دامن کا ساتھ ہے، جس ملک کے کھیل کے میدان آباد ہونگے انکی معیشت بھی خوشحال ہوگی اور ملک کی رونقیں بحال ہونگی۔
اورہمیں خوشی ہے کہ اوساکا بیٹریز نے کرکٹ بحالی میں مثبت کردار ادا کیا اور آج ہمیں یہ دن دیکھنے کو ملے کہ پاکستانی گراؤنڈز میں کھیلوں کے میلے سج رہے ہیں۔

ٹیسٹ میں‌بھی بنگلہ دیش کو شکست دینے کے لیے کپتان قومی ٹیم پر عزم

باغی ٹی وی : قومی ٹیسٹ ٹیم کے کپتان اظہر علی نے کہا ہے کہ بنگلہ دیش کی ٹیم کو ہرانے کے لیے پرعزم ہیں، کوشش کریں کے مہمان ٹیم کو جیتنے کا کوئی موقع نہ دیںمیڈیا سے گفتگو کرتے ہوئے ان کا کہنا تھا کہ سری لنکا کے خلاف ٹیسٹ میچ کے دوران راولپنڈی میں شائقین کرکٹ کو دیکھ کر بہت خوشی ہوئی تھی، یہاں جب بھی کھیلے ہیں نتائج اچھے سامنے آئے ہیں۔

ان کا کہنا تھا کہ ہوم گراؤنڈ کا فائدہ ہوتا ہے، پاکستان کا نیا باولنگ اٹیک زبردست ہے،امید ہے یہ اٹیک ہمیں ٹیسٹ میچ جتائےگا۔انہوں نے کہا کہ غیر ملکی ٹیموں کا پاکستان آنا خوش آئند ہے، پاکستان سپر لیگ (پی ایس ایل) میں بھی غیر ملکی کھلاڑی پاکستان آرہے ہیں، کرکٹ بورڈ کی کوشش سے ہی پاکستان میں کرکٹ بحال ہو رہی ہے۔

اظہر نے کہا کہ کہ بطور کپتان اور بحیثیت کھلاڑی میری کوشش ہے کہ اپنی کارکردگی میں بھی بہتری لاؤں۔انہوں نے بتایا کہ ٹیسٹ میچز کو جیتنا آسان کام نہیں ہے، بنگلہ دیش کی ٹیم بہترین ہے، شائقین اچھا مقابلہ دیکھنے کو ملے گا.

لاہور:اسپیشل کرکٹ فین شیراز بٹ کو خصوصی پاس جاری کرنے کا فیصلہ،اطلاعات کےمطابق پاکستان کرکٹ بورڈ (پی سی بی) نے اسپیشل کرکٹ فین شیراز بٹ کو پاکستان سپر لیگ (پی ایس ایل) اور انٹرنیشنل میچز کے لیے خصوصی پاس جاری کرنے کا فیصلہ کیا ہے۔

ایک خاص شخصیت شیراز بٹ قذافی اسٹیڈیم چار دہائیوں سے آ رہے ہیں @ImranKhanPTI کو بھی ایکشن میں دیکھا انہیں باونڈری لائن پر خصوصی طور پر جگہ دی جاتی @sachin_rt بھی انہیں خود ملنے کے لئیے پہنچے وہ عرصہ دراز بعد قذافی اسٹیڈیم آئے تو بولنگ کوچ @waqyounis99 نے انہیں گلے لگا لیا pic.twitter.com/bZY8w93td6

— Sohail Imran (@sohailimrangeo) February 5, 2020

لاہورقذافی اسٹیڈیم سے ذرائع کےمطابق پاکستان کے اسپیشل کرکٹرشیراز بٹ 4 دہائیوں سے لاہور کے قذافی اسٹیڈیم کی باؤنڈری لائن پر اپنی وہیل چیئر پر بیٹھ کر میچ دیکھتے رہے ہیں۔وہ ملکی اور غیر ملکی کھلاڑیوں میں بھی مقبول ہیں، کھلاڑی ان سے گپ شپ بھی لگاتے ہیں۔

شیراز بٹ طویل عرصے بعد قذافی اسٹیڈیم لاہور میں پریکٹس دیکھنے آئے تو بولنگ کوچ وقار یونس نے ان کا استقبال کیا اور گلے ملے۔وقار یونس کی سفارش پر پی سی بی نے شیرازبٹ کو پی ایس ایل اور لاہور میں انٹرنیشنل میچز کے لیے پاس جاری کرنے کا فیصلہ کیا ہے۔

کراچی: پاکستان کھیلوں کیلیے پُر امن ملک بن چکا،اطلاعات کےمطابق آئی سی سی کے نامزد سیکیورٹی آفیشل نے کہا ہے کہ پاکستان پرامن ملک بن چکا ہے اور کرکٹ سمیت تمام انٹرنیشنل کھیلوں کے مقابلوں کیلیے انتہائی موزوں ہے جس کیلیے حکومت اور سیکیورٹی اداروں نے قابل قدرکردار ادا کیا ہے۔

ذرائع کےمطابق پاکستان میں پی ایس ایل 5 کا مکمل طور پر انعقاد ملک میں انٹرنیشنل کرکٹ کی راہیں کھولنے کی کوششوں میں معاون و مددگار ثابت ہوگا، دنیا بھر میں کھیلوں کے مقابلوں کیلیے سیکیورٹی انتظامات کی جانچ اور منظوری دینے کی خدمات انجام دینے والے غیرملکی سیکیورٹی ادارے کے برطانوی نژاد پاکستانی شاہد افسر نے ان خیالات کا اظہار نمائندہ ایکسپریس سے پاکستان نیوی روشن خان، جہانگیرخان انٹرنیشنل اسکواش کمپلیکس میں غیررسمی گفتگو کرتے ہوئے کیا۔

14 ویں چیف آف دی نیول اسٹاف انٹرنیشنل اسکواش چیمپئن شپ کے انتظامات کا جائزہ لینے کیلیے پی ایس اے کی جانب سے نامزد شاہد افسر نے کہا کہ پاکستان میں امن وامان کی صورتحال میں تیزی کے ساتھ آنے والی بہتری میں بتدریج اضافہ ملک میں انٹرنیشنل اسپورٹس کے انعقاد کی راہیں کھولے گا، انھوں نے کہا کہ پی ایس ایل فائیو پاکستان کرکٹ کیلیے سنگ میل ثابت ہوگا۔

پی ایس ایل 3اور4کے دوران خدمات انجام دینے والے شاہد افسر نے کہا کہ 20 فروری سے شروع ہونے والی لیگ کے 5 ویں سیزن کیلیے بھرپور سیکیورٹی انتظامات پرہم ہرطرح سے مطمئن ہیں، کراچی اورلاہورکی طرح راولپنڈی اورملتان میں بھی مطلوبہ معیار کے سیکیورٹی انتظامات کا اہتمام کیے جانے پر ہم نے آئی سی سی کو دونوں مراکز کی کلیئرنس دی ہے۔

امن بحال ہو چکا، اگلے سال پی ایس ایل میچز کہاں ہوں گے؟ وزیراعلیٰ خیبر پختونخواہ نے بتا دیا

باغی ٹی وی کی رپورٹ کے مطابق وزیراعلٰی خیبر پختونخوا محمود خان نے کہا ہے کہ صوبے میں امن بحال ہو چکا ہے اور اگلے سال پی ایس ایل میچز کا انعقاد پشاور میں بھی کروایا جائے گا۔

وزیراعلٰی خیبر پختونخوا محمود خان سے چیئرمین پاکستان کرکٹ بورڈ احسان مانی نے ملاقات کی جس میں خیبر پختونخوا میں کرکٹ انفراسٹرکچر اور فروغ پر تبادلہ خیال کیا گیا، اس کے علاوہ کرکٹ کے فروغ کیلئے حکومت خیبر پختونخوا اور پاکستان کرکٹ بورڈ نے مشترکہ کاوشوں کا فیصلہ بھی کیا۔

اس موقع پر وزیراعلٰی خیبر پختونخوا محمود خان کا کہنا تھا کہ کھیل امن کی نشانی ہے اور خیبر پختونخوا میں امن بحال ہوچکا ہے، کرکٹ سمیت تمام کھیلوں کا فروغ ترجیحات میں شامل ہے۔ ارباب نیاز اسٹیڈیم پشاور کی دبئی اسٹینڈرڈ پر تیاری جاری ہے،  جبکہ اگلے سال پی ایس ایل میچزکا انعقاد پشاور میں بھی کروایا جائے گا۔

چیئرمین کرکٹ بورڈ احسان مانی نے کہا کہ پاکستان میں کھیلوں اور بالخصوص کرکٹ کا وسیع ٹیلنٹ موجود ہے، پی سی بی پشاور میں کرکٹ ایکسیلنس سنٹرز بنا رہا ہے جبکہ اسکول اور مدارس میں کرکٹ کے فروغ کیلئے بھی کام کر رہے ہیں,ہماری خواہش ہے کہ پشاور کا اسٹیڈیم اگلے پی ایس ایل سے قبل تیار ہو،اسٹیڈیم میں ہماری نیشنل اکیڈمی بھی شامل ہو گی،پشاورکے کھلاڑیوں کو کسی دوسرے شہر تیاری کے لیے نہیں جانا پڑے گا،کرکٹ کی بہتری کے لیے دیگر شہروں میں بھی میچز کرانا ضروری ہے،

احسان مانی نے ارباب نیاز کرکٹ اسٹیڈیم کا دورہ کیا اور وہاں جاری تعمیراتی کام کا معائنہ کیا۔چیئرمین پی سی بی احسان مانی کو ارباب نیاز کرکٹ اسٹیڈیم پشاور کے دورے کے دوران اسٹیڈیم میں جاری تعمیراتی کام سے متعلق بریفنگ دی گئی۔

چیئرمین پی سی بی احسان مانی نے خیبرپختونخوا حکومت کے اقدام کو سراہا اور خواہش ظاہر کی کہ ارباب نیاز کرکٹ اسٹیڈیم اگلے پی سی ایل سے قبل تیار ہوجائے گا۔