Category: کھیل

کراچی:بنگلا دیشی کرکٹ ٹیم کوپاکستان کیوں نہیں آنے دیا جارہا،اہم وجہ مگرحیران کردینے والی سامنے آگئی،اطلاعات کےمطابق بنگلادیش نے جو وعدہ کیا وہ پورا نہ کرسکا، دورہ پاکستان کے لیے کرکٹ ٹیم بھیجنے پر حیلے بہانے سے کام کیوں لے رہا ہے؟ اصل وجہ سامنے آگئی۔

ذرائع کےمطابق بنگلادیش کرکٹ ٹیم کا دورہ پاکستان سکیورٹی نہیں بلکہ سیاست کی وجہ سےغیریقینی صورتحال ہے۔یہ بھی معلوم ہواہےکہ بنگلادیش بورڈ اراکین نے پاکستان کرکٹ بورڈ کے آئی سی سی میں جانے کی دھمکی کو پریشان کن قرار نہیں دیا، بنگلا دیش میں کچھ حلقے پاکستان کے دورے کے حق میں نہیں ہیں۔

ذرائع کے مطابق جواصل وجہ بنگلادیشی کرکٹ ٹیم کے پاکستان نہ بھیجنے کی ہے وہ یہ ہےکہ پچھلے دورےمیں جب بنگلادیش کی کرکٹ ٹیم پاکستان آئی تھی توٹیم کے کھلاڑیوں کواس قدرپیاراورمحبت دی گئی کہ ان کوکہنا پڑا کہ بنگلادیشی کرکٹ ٹیم کوپاکستان اپنا دوسرا گھرمحسوس ہوتا ہے،

یہ بھی معلوم ہوا ہےکہ بنگالی کرکٹ ٹیم کے کھلاڑیوں کا پاکستان میں دل لگ گیا تھا ،جن بنگالیوں کوکئی دہائیوں سے پاکستان سے نفرت کا سبق پڑھایا گیا جب ان کویہاں سے محبت ملی توبنگالی کھلاڑیوں نے کھل کر پاکستان سے اپنی محبت کا اظہارکیا تو یہ بات بنگلا دیش کرکٹ بورڈ میں بیھٹے ہوئے بھارت نواز اورپاکستان مخالف اہلکاروں کو گوارا نہ ہوئی ،

باغی ٹی وی اس حوالے سے پہلے بھی یہی حقائق بیان کرچکا ہےجن کی دو ماہ بعد بنگالی بورڈ نے تصدیق کردی ہے،یہ بھی معلوم ہوا ہےکہ واپسی پرجب بنگالی کھلاڑیوں سے پاکستانی کھلاڑیوں کا رویہ پوچھا گیا تو بنگالی کھلاڑیوں نے یہ کہہ کرحیران کردیا کہ وہ توہمیں ایسے ملے جیسے دو بھائی یا خاندان بچھڑنے کے کئی سالوں بعد دوبارہ ملتے ہیں اوراپنی جزباتی محبت کا اظہارکرتے ہیں ،

یہ بات بھی قابل غور ہیں کہ دورہ پاکستان کے دوران ٹیم کے ساتھ آنے والے کچھ آفیشلز ایسے بھی تھے جو اسی چیز کی مانیٹرنگ کرنے آئے تھےکہ کہیں بنگالی کرکٹ ٹیم کے کھلاڑی پاکستانیوں کی محبت سے مرعوب تونہیں ہوتے؟یہی وجہ ہےکہ کچھ حلقوں نے بورڈ اراکین پر دورے کی مخالفت کے لیے دباؤ ڈالا اور بورڈ اراکین نے اجلاس میں پاکستان کے دورے کی کھل کر مخالفت کی،

خیال رہے کہ پی سی بی نے بنگلا دیش کو دو بار خط لکھ کر اس کی وجہ پوچھی ہے جس میں انہیں صدارتی لیول کی سیکیورٹی کی یقین دہانی کے ساتھ کہا گیا کہ سری لنکا کرکٹ ٹیم کے کامیاب دورے کے بعد بنگلا دیش کے پاس انکار کی کوئی وجہ نہیں ہے۔

پی سی بی نے ٹیسٹ سیریز جب کہ بنگلا دیش نے پہلے ٹی ٹوئنٹی سیریز کھیلنے کا کہا ہے تاہم پی سی بی نیو ٹرل وینیو پر سیریز نہ کھیلنے کے اپنے فیصلے پر قائم ہے۔

ٹینس اسٹار اینڈی مرے گرینڈ سلیم آسٹریلین اوپن سے باہر

باغی ٹی وی رپورٹ کے مطابق برطانیہ کے ٹینس اسٹار اینڈی مرے انجری کے باعث سال کے پہلے گرینڈ سلیم آسٹریلین اوپن سے باہر ہوگئے۔

آسٹریلین اوپن کا آغاز 20 جنوری سے ہوگا جس کے لیے تمام ہی ٹینس اسٹارز تیاریوں میں مصروف ہیں، سال کے پہلے گرینڈ سلیم میں کامیابی کے لیے ٹاپ ٹینس پلئیرز سخت محنت کرتے نظر آ رہے ہیں۔

برطانیہ کے اینڈی مرے انجری کے سبب ایونٹ میں شریک نہ ہونے پر کافی مایوس ہیں، وہ کمر کی انجری کے باعث ایونٹ سے دستبردار ہوئے ہیں۔

مرے پریکٹس میں تو مصروف رہے لیکن مکمل فٹنس نہ ہونے کے باعث انہوں نے آسٹریلیا نہ جانے کا فیصلہ کیا ہے۔

کراچی:بھارت محفوظ ملک نہیں، آئی سی سی ٹیموں کو دورے سے روکے، جاوید میاندارنے مطالبہ کردیا،اطلاعات کےمطابق پاکستان کے سابق ٹیسٹ کپتان اور مایہ ناز بیٹسمین جاوید میانداد نے کہا ہے کہ بھارت محفوظ ملک نہیں ہے، انٹرنیشنل کرکٹ کونسل (آئی سی سی) ٹیموں کو وہاں کے دورے سے روکے۔

جاوید میانداد نے بھارتی حکومت کے متنازع شہریت ترمیمی ایکٹ کے حوالے سے کہا ہے کہ آئی سی سی بھارت کے ساتھ تمام تعلقات منقطع کرے۔
انٹرنیٹ پر شیئر کی گئی ایک ویڈیو میں جاوید میانداد کا کہنا ہے کہ بھارت میں جو کچھ ہورہا ہے لوگوں کو اس کا نوٹس لینا چاہئے، میں آئی سی سی پر زور دیتا ہوں کہ اُن کا بائیکاٹ کرے۔

جاوید میانداد کا مزید کہنا ہےکہ پوری دنیا دیکھ رہی ہے کہ وہاں کیا ہورہا ہے، میں کہتا ہوں کہ بھارت کے ساتھ ہر قسم کے کھیلوں کے تعلقات معطل کیے جائیں اور تمام ملکوں کو اُس کے خلاف ایکشن لینا چاہئے۔سابق ٹیسٹ کرکٹر کا کہنا ہے کہ پاکستان نہیں بلکہ بھارت کسی بھی سیاح یا شخص کے لیے غیر محفوظ ملک ہے، بحیثیت ایک انسان، اسپورٹس پرسن ہمیں اس کی مذمت کرنا چاہئے۔

واضح رہے کہ مودی سرکار کی جانب سے متنازع شہریت کے قانون کی منظوری کے بعد بھارت بھر میں پرتشدد مظاہرے جاری ہیں، جس کے دوران دو درجن سے زائد افراد جان کی بازی ہار چکے ہیں۔ہزاروں کوجیلوں میں ڈال دیا گیا ہے اورہزاروں کوتشددکانشانہ بنایا گیاہے

کراچی: بھارت کا بنگلہ دیش پر دباؤ، پاکستانی کھلاڑی نشانہ بن گئے،اطلاعات کے مطابق کرکٹ میں بھارت نے پھر ہرزہ سرائی شروع کردی اور بنگلہ دیش پر دباؤ ڈال پر پاکستانی کھلاڑیوں کو نشانے پر رکھ لیا۔

ذرائع کے مطابق بھارت، کرکٹ میں پھر انتہاپسندی پر اتر آیا، بھارتی دباؤ کے سبب بنگلہ دیش نے ایشین الیون میں کسی بھی پاکستانی کھلاڑی کو شامل نہیں کیا۔اطلاعات کے مطابق مارچ میں شیخ مجیب کی 100 سالہ پیدائش کے سلسلے میں ڈھاکا میں 2 ٹی ٹوینٹی میچز کھیلے جائیں گے، جس میں ایشین الیون کا مقابلہ ورلڈ الیون کے درمیان ہوگا۔

ٹی ٹوینٹی کی نمبر ون ٹیم کے کھلاڑیوں کو ایشین الیون میں بھارتی ایما پر نظر انداز کردیا گیا، واضح رہے کہ آئی سی سی پہلے ہی ان دونوں میچز کو انٹرنیشنل درجہ دے چکی ہے۔ایشین اور ورلڈ الیون کے درمیان دونوں میچز 18 اور 21 مارچ 2020 میں کھیلے جائیں گے۔

رپورٹ کے مطابق پاکستان موقف اپنائے گا کہ انتہاپسندی نامنظور آئی سی سی دونوں میچز میں دیا جانے والا انٹرنیشنل کا درجہ واپس لے۔دوسری طرف پی سی بی نے بنگلہ دیش کو دوسرا خط لکھا ہے جس میں پاکستان نہ آنے کا جواز پوچھا گیا ہے اور سری لنکا کے 34 دن کے ٹور سے بھی آگاہ کیا گیا ہے۔

یاد رہے کہ بنگلہ دیش کرکٹ ٹیم نے جنوری میں تین ٹوینٹی اور 2 ٹیسٹ میچز کی سیریز کھیلنی ہے لیکن بنگلہ دیش کرکٹ بورڈ کھلاڑیوں کے کندھے پر رکھ کربندوق چلانے میں مصروف ہے اور پاکستانی آنے کے لیے حیلے بہانے تلاش کررہا ہے۔

کراچی: چار ملکی ٹورنامنٹ بگ تھری کی طرح فلاپ ثابت ہوگا کیونکہ انٹرنیشنل کرکٹ کونسل کے باقی ممبر ممالک تنہا رہ جائیں گے،اطلاعات کے مطابق قومی کرکٹ ٹیم کے سابق کپتان اور وکٹ کیپر راشد لطیف نے بھارتی کرکٹ بورڈ کی سازش کو بے نقاب کرتے ہوئے سارو کنگولی کے چار ملکی ٹورنامنٹ کوایک ناکام سازش قراردے دیا۔

ذرائع کے مطابق راشد لطیف کا کہنا تھا کہ بھارتی کرکٹ بورڈ کے صدر آسٹریلیا اور انگلینڈ کے ساتھ مل کر چار ملکی سلانہ ٹورنامنٹ کرانے کے لیے کوشاں ہیں۔ چارملکی ٹورنامنٹ بگ تھری کی طرح فلاپ ثابت ہوگا کیونکہ انٹرنیشنل کرکٹ کونسل کے باقی ممبر ممالک تنہا رہ جائیں گے۔

سابق کپتان کرکٹ ٹیم راشد لطیف نے کہا ہےکہ چار ملکی ٹورنامنٹ کسی بھی ملک کے لیے اچھی علامت نہیں ہے کیونکہ اس سے چند ممالک کی اجارہ داری قائم ہوجائے گی۔انہو‌ں‌ نے مزید کہا کہ پاکستان کرکٹ بورڈ بھارتی کرکٹ بورڈ کی سازشوں پرنظررکھے

یاد رہے کہ بھارتی کرکٹ بورڈ گزشتہ کئی سالوں سے اس کوشش میں ہے کہ وہ انگلینڈ اور آسٹریلیا کے ساتھ مل کر تین یا پھر چار ملکی ٹورنامنٹ منعقد کرے تاکہ اس سے حاصل ہونے والی رقم بی سی سی آئی پر ہی خرچ کی جائے۔

تنزانیہ کی ٹیم کو جب فٹ بال کے بجائے کوئی اور کھیل کھیلنا پڑا

باغی ٹی وی رپورٹ کے مطابق تنزانیہ میں فٹبال میچ کھیلتے کھلاڑیوں کا شہد کی مکھیوں سے میچ پڑ گیا، پلیئر، ریفری اور تماشائیوں کو بھاگ کر اور لیٹ کر جان بچانی پڑی۔
غیر ملکی خبر رساں ادارے کے مطابق تنزانیہ کے مقامی فٹبال کلبز کا عام میچ اس وقت خاص بن گیا جب مکھیوں نے ہلہ بول دیا۔

اٹھاون منٹ کے بعد کھلاڑیوں، ریفریر اور حتیٰ کہ تماشائیوں کا میچ شہد کی مکھیوں سے پڑ گیا، سب نے گراؤنڈ پر لیٹ کر اور میدان سے باہر جانے کے لیے بھاگ کر جان بچائی.
سٹیڈیم میں بیٹھے تماشائی بھی مکھیوں کے حملے سے محفوظ نہ رہے، ان کی بھی ایسی دوڑیں لگیں کہ منظر یادگار بن گیا۔

پی ایس ایل کی تیاریاں عروج پر افتتاحی تقریب نئی کمپنی کے حوالے

باغی ٹی وی رپورٹ کے مطابق پی سی بی نے پاکستان سپر لیگ (پی ایس ایل) 5 کی افتتاحی تقریب کے انتظامات ایک نئی کمپنی کے سپرد کر دیئے ہیں۔ذرائع کے مطابق ابتدائی چاروں ایڈیشنزمیں یہ ذمہ داری نبھانے والا ادارہ نیا کنٹریکٹ حاصل نہیں کر پایا جس کے بعد نئی کمپنی کو یہ زمہ داریاں سونپ دی گئی ہیں۔

واضح رہے پی ایس ایل کا پانچواں ایڈیشن اگلے سال فروری میں شروع ہوگا تاہم ابھی تک اس کا حتمی شیڈول تیار نہیں کیا جا سکا۔ذرائع کا کہنا ہے کہ اس میگا ایونٹ کی افتتاحی تقریب 20 فروری کو نیشنل اسٹیڈیم کراچی میں کرائے جانے کی تجویز زیرغور ہے. اس دفعہ پی ایس ایل کے تمام میچز پاکستان میں ہونگے. لاہور ، کراچی کے علاوہ ، راولپنڈی اور ملتان میں بھی میچز کرانے کا پروگرام ہے.

دھائی کی بہترین ٹیسٹ ٹیم کا اعلان، کتنے پاکستانی کھلاڑی جگہ بنا پائے

باغی ٹی وی دنیا کی بہتر اور اچھی کرکٹ ٹیم اگر بنائی جائے تو کون کون سے کھلاڑی اس میں شامل ہو سکتے ہیں.ایساہو چکاہے . آسٹریلیا کی کھیلوں کی معروف ویب سائٹ فوکس اسپورٹس نے ایک دہائی کی بہترین کھلاڑیوں پر مشتمل ٹیسٹ ٹیم کا اعلان کر دیا ہے۔

گیارہ کھلاڑیوں پر مشتمل ٹیم میں دو آسٹریلوی، دو بھارتی اور تین جنوبی افریقن کھلاڑی شامل ہیں جبکہ ایک ایک کھلاڑی کا تعلق سری لنکا اور بنگلہ دیش سے ہے۔

دس سالوں کی بہترین ٹیسٹ ٹیم میں کوئی بھی پاکستانی کھلاڑی جگہ نہیں بنا سکا۔

ٹیسٹ ٹیم میں انگلینڈ سے تعلق رکھنے والے سلامی بلے باز و سابق کپتان الیسٹر کک ہیں جنہوں نے دس سالوں کے دوران 46.51 کی اوسط سے 8 ہزار 818 رنز بنائے جن میں 23 سنچریاں بھی شامل ہیں۔سابق انگلش کپتان کا ساتھ دینے کے لئے چنا گیا ہے آسٹریلیا کے مایہ ناز سلامی بلے ڈیوڈ وارنر کو جنہوں نے اپنی جارحانہ بلے بازی سے دس سالوں کے دوران 48.33 کی اوسط سے 23 سنچریوں سے ساتھ 7 ہزار 9 رنز بنائے۔یسرے نمبر پر سابق سری لنکن کپتان و مایہ ناز وکٹ کیپر بلے باز کمار سنگاکارا کا انتخاب کیا گیا ہے جنہوں نے 17 سنچریوں کی بدولت 61.40 کی اوسط سے 4 ہزار 851 رنز بنائے ہیں۔چوتھے نمبر پر آسٹریلیا کے سابق کپتان اسٹیو اسمتھ کو رکھا گیا ہے جنہوں نے 26 سنچریوں اور 63.14 کی اوسط سے 7 ہزار 70 رنز بنائے۔ایک دہائی کی بہترین ٹیم میں چھٹا نمبر جنوبی افریقہ کے مایہ ناز بلے باز اے بی ڈویلیئرز کا ہے جنہوں نے 57.48 کی اوسط سے 13 سنچریوں سے 5 ہزار 59 رنز اسکور کئے۔بنگلہ دیش کے وکٹ کیپر بلے باز مشفیق الرحیم کو ساتویں نمبر پر رکھا گیا ہے جو بحثیت وکٹ کیپر ٹیم میں شامل ہوئے ہیں۔ سابق بنگلہ دیشی کپتان نے 2 ہزار 860 رنز بنائے ہیں جن میں چھ سنچریاں بھی شامل ہیں۔بھارت کے آف اسپنر روی چندر ایشون کو 25 کی اوسط سے 362 وکٹیں حاصل کرنے پر ٹیم میں رکھا گیا ہے۔جنوبی افریقہ کے مایہ ناز سابق ٹیسٹ باولر ڈیل اسٹین کو ٹیم میں شامل کیا گیا ہے جنہوں نے 22 کی اوسط سے 267 وکٹیں حاصل کیں۔انگلینڈ کی جانب سے سب سے زیادہ وکٹیں حاصل کرنے والے تیز گیند باز جیمز اینڈرسن بھی ٹیم میں جگہ بنانے میں کامیاب رہے ہیں۔ ان دس سالوں کے دوران اینڈرسن نے 24 کی اوسط سے 427 وکٹیں حاصل کیں.ٹیم کے آخری تیز گیند باز کاغیسو رباڈا کا تعلق جنوبی افریقہ سے ہے جنہوں نے 22 کی اوسط سے 183 وکٹیں حاصل کیں۔

واضح رہے کہ قومی ٹیم ٹیسٹ رینکنگ میں بھی کافی پیچھے ہے، ان کھلاڑیوں جگہ نہ بنانےکی وجہ یہ بھی ہو سکتی ہےکہ پاکستان کرکٹ ٹیم کو زیادہ ٹیسٹ کھیلنےکے مواقع نہیں ملتے.

کراچی :پاکستانی طالبہ ندا علی جمالی نے ریسلنگ میں دوگولڈ میڈل حاصل کرکے نام روشن کردیاتفصیلات کے مطابق صوبہ سندھ کے ضلع بدین سے تعلق رکھنے والی پاکستانی طالبہ ندا علی جمالی نے کیلیفورنیا میں منعقدہ خواتین ریسلنگ مقابلے میں بہترین کارکردگی کا مظاہرہ کرتے ہوئےدو طلائی تمغے جیت لیےہیں۔

ندا علی جمالی کےماموں بابرجمالی کا نے مقامی خبر رساں ادارے سے بات کرتے ہوئےکہنا تھا کہ ندا اس وقت اپنی تعلیم کے لئے امریکہ میں مقیم ہے اور وہیں اسے ریسلنگ میں دلچسپی پیدا ہوئی۔ ندا نے ریسلنگ کے مقابلے کے لیےباضابطہ تربیت حاصل کی اور اچھی کارکردگی کا مظاہرہ کیا۔

ندا نے امریکی حکومت کے یوتھ ایکسچینج پروگرام کے تحت اسکالر شپ ٹیسٹ میں 6549 امیدواروں میں سے منتخب ہونے والے77 طلبہ و طالبات میں پہلی پوزیشن حاصل کی تھی۔ندا علی نے 14 اگست 2018 کو وہاں ’میریز ولا ہائی اسکول ‘میں داخلہ لیا تھا اور وہ میزبان والدین کے خاندان کے ساتھ وہیں رہ رہی ہے۔

لندن:انگلش کرکٹ بورڈکومحمد حفیظ کےباولنگ سٹائل پراعتراض پابندی عائد کردی گئی ،اطلاعات کے مطابق یہ فیصلہ محمد حفیظ کےباولنگ ایکشن کومشکوک قراردینےکے بعد ایک رپورٹ پر ہوا ہے، یہ ایکشن اس سال ٹی 20 بلاسٹ کے دوران رپورٹ ہوا تھا۔

بھارت کے حالات بہت خراب ہیں،کسی بھی وقت کچھ ہوسکتا ہے، چین

محمد حفیظ کے ایکشن کے آزادانہ تجزیے میں اس کے غیرقانونی ہونے کی تصدیق ہوئی ہے، ایکشن کی تجزیہ رپورٹ کے مطابق محمد حفیظ کا بازؤں کا خم 15 ڈگری سے زیادہ ہوتا ہے۔انگلش کرکٹ بورڈ کا مزید کہنا ہے کہ محمد حفیظ ایکشن کی درستگی تک ای سی بی ایونٹس میں بولنگ نہیں کراسکیں گے۔

یونیورسٹی کےنصاب سےآزادی اظہار کےاسباق نکال دیے،بےلگام آزادی بربادی ہے،چینی حکام

کرکٹر محمد حفیظ نے ردعمل دیتے ہوئے کہا ہے کہ ایکشن پر ای سی بی بولنگ ریویو گروپ کی رپورٹ موصول ہوئی ہے، چند خامیوں کی نشاندہی کے باوجود ریویو گروپ کی فائنڈنگ کو تسلیم کرتا ہوں۔محمد حفیظ نے ریویو کمیٹی کی جانب سے بھی ٹیسٹنگ کے دوران خامیوں کو مانا گیا، آئی سی سی سے منظور شدہ کسی بھی سینٹر میں بولنگ ایکشن کے لیے تیار ہوں۔

سخت سردی اوردھندکےباعث 63گاڑیاں ٹکراگئیں،گاڑیاں تباہ،درجنوں افراد زخمی