Category: کھیل

سری لنکن ٹیم نے قومی ٹیم پر سبقت حاصل کر لی

باغی ٹی وی رپورٹ کے مطابق دو میچوں پر مشتمل ٹیسٹ سیریز کے دوسرے میچ میں سری لنکن ٹیم پہلی اننگزمیں 271 رنز بنا کر آؤٹ ہوگئی ہے۔

پاکستان کی طرف سے شاہین آفریدی نے پانچ اور محمد عباس نے چار کھلاڑیوں کو آؤٹ کیا۔ مہمان ٹیم کو پاکستان پر 80 رنز کی برتری حاصل ہوگئی ہے۔
اس سے قبل نیشنل اسٹیڈیم میں کھیلےجانے والے تاریخی میچ میں قومی ٹیم کے کپتان اظہرعلی نے سری لنکا کے خلاف ٹاس جیت کر پہلے بلے بازی کا فیصلہ کیا۔

اینجلو میتھیوز اور امبولدینیا 13، 13 رنز بنا کر آؤٹ ہوئے جب کہ دنیش چندیمل کو 74 رنز پر حارث سہیل نے آؤٹ کیا۔ دننجیا ڈی سلوا 32 اور نروشان ڈک ولا 21 رنز بنا کر آؤٹ ہوئے۔

سری لنکا کے دلروان پریرا 48 اور لہیرو کمارا صفر پر آؤٹ ہوئے، پاکستان کی جانب سے شاہین شاہ آفریدی نے 5 اور محمد عباس نے 4 کھلاڑیوں کو آؤٹ کیا۔

کھیل کے پہلے روز پاکستانی ٹیم 191 رنز پر ڈھیر ہو گئی تھی اور سری لنکا نے کھیل کے اختتام پر 3 وکٹوں کے نقصان پر 64 رنز بنا لیے تھے۔

کراچی ٹیسٹ گرین شرٹس کی بیٹنگ مشکلات کا شکار

باغی ٹی وی :پاکستان اور سری لنکا کے درمیان دوسرے ٹیسٹ میں قومی ٹیم کی مہمان ٹیم کے خلاف بیٹنگ جاری ہے۔

کراچی کے نیشنل اسٹیڈیم میں کھیلے جا رہے میچ میں پاکستان کے کپتان اظہر علی نے ٹاس جیت کر پہلے بیٹنگ کا فیصلہ کیا۔ قومی ٹیم نے دو وکٹوں کے نقصان پر 18 رنز بنا لیے ہیں۔

پاکستان کی جانب سے شان مسعود اور اظہر عابد علی نے اننگز کا آغاز کیا لیکن شان مسعود پہلے ٹیسٹ کی پہلی اننگز کی طرح دوسرے ٹیسٹ کی پہلی اننگز میں بھی ناکام ثابت ہوئے اور 5 رن بنا کر بولڈ ہو گئے۔قومی ٹیم کے کپتان اظہر علی بھی دوسری ہی گیند پر اپنا کھاتا کھولے بغیر ہی بولڈ ہو گئے۔
قبل ازیں کپتان اظہر علی نے ٹاس جیت پہلے بیٹنگ کا فیصلہ کیا، اس حوالےسے ان کا کہنا تھا کہ بیٹنگ وکٹ ہے، بڑا سکور کرنے کی کوشش کریں گے۔ واضح رہے کہ قومی ٹیم میں عثمان شنواری کی جگہ یاسرشاہ کو شامل کیا گیا ہے تاہم 10 سال بعد اسکواڈ کا حصہ بننے والے فواد عالم کو پھر ڈراپ کر دیا گیا۔

یاد رہے کہ پاکستان اور سری لنکا کے درمیان راولپنڈی میں کھیلا جانے والا پہلا ٹیسٹ بارش اور کم روشنی کے سبب ڈرا ہو گیا تھا، سری لنکا نے 306 رنز 6 وکٹوں کے نقصان پر اپنی اننگز ڈکلئیر کر دی تھی جس کے جواب میں پاکستان نے 2 وکٹوں کے نقصان پر 252 رنز بنائے تھے۔

کراچی: کارکردگی نہ دکھا سکا توکرکٹ کوخیرباد کہہ دوں گا، اظہرعلی نے شہبازشریف کا بول بول دیا ،اطلاعات کے مطابق پاکستان ٹیسٹ کرکٹ ٹیم کے کپتان اظہر علی کا کہنا ہے کہ بد قسمتی سے پچھلے ٹیسٹ میچ میں بھی رنز نہیں کر پایا تھا تاہم اگر کارکردگی نہ دکھا سکا تو کرکٹ کو خیرباد کہہ دوں گا۔

پریس کانفرنس کرتے ہوئے پاکستان کرکٹ ٹیم کے کپتان اظہرعلی کا کہنا تھا کہ کراچی ٹیسٹ کے لیے پر اعتماد ہیں، کراچی کی وکٹ بہت متوازن نظر آتی ہے لہذا وکٹ کو دیکھ کر ٹیم منتخب کی ہے تاہم اعلان میچ سے قبل ہوگا۔ ان کا کہنا تھا کہ فواد عالم کو ضرورت پر استعمال کریں گے جب کہ عابد علی کو پانچ برس قبل ہی ٹیسٹ کا حصہ بن جاناچاہیے تھا۔

پاکستان کرکٹ ٹیم کے کپتان اظہرعلی نے کہا کہ مثبت تنقید ہونی چاہیے اور دفاعی کپتانی کا تاثر درست نہیں، ٹیم بتدریج بہتری کی جانب جا رہی ہے، بولنگ میں نوجوان اور نئے لڑکے ہیں جو بہتری کی جانب بڑھ رہے ہیں، شاہین شاہ اور نسیم شاہ اچھی بولنگ کر رہے ہیں۔

ٹیسٹ کپتان اظہر علی کا کہنا تھا کہ کوشش ہے کہ بہترین کپتانی کروں، احساس ہے کہ میں رنز نہیں کر پارہا، بد قسمتی سے پچھلے ٹیسٹ میچ میں بھی رنز نہیں کر پایا، انٹرنیشنل کرکٹ میں جب آپ پرفارم نہیں کرتے تو تنقید تو ہوتی ہے، تنقید سے کھلاڑیوں کو غلطیاں سدھارنے کا موقع ملتاہے، اگر کارکردگی نہ دکھا سکا تو کرکٹ کو خیرباد کہہ دوں گا۔

کراچی:پاکستان اورسری لنکا کی کرکٹ ٹیموں کے درمیان دوسرے ٹیسٹ کا آغاز کل سے کراچی کے نیشنل اسٹیڈیم میں ہوگا ،شہر قائد میں آج سے شروع ہونے والے پاکستان اور سری لنکاکے درمیان ٹیسٹ میچ کے باعث متبادل روٹس کا اعلان کردیا گیا۔ جس کے باعث اسٹیڈیم فلائی اوور سے سوک سینٹر (حسن اسکوائر) ٹریفک کے لیے بند ہوگا۔

ٹریفک پولیس کا کہنا ہے کہ ٹریفک براستہ تھانہ نیو ٹاؤن یونیورسٹی روڈ سے یوٹرن پرانی سبزی منڈی سے سوک سینٹر کی طرف جائے گا۔ٹریفک پولیس کی جانب سے جاری کردہ ہدایت نامے کے مطابق سر شاہ سلیمان روڈ نیشنل اسٹیڈیم سگنل سے سوک سینٹر کے لیے بند ہوگا۔

ٹیسٹ میچ کی وجہ سے سڑک پر سفر کرنے والے افراد اسٹیڈیم سگنل سے پرانی سبزی منڈی کی طرف جائیں گے اور وہاں سے لیاقت آباد حسن اسکوائر کی طرف مڑ سکیں گے۔ٹریفک پولیس نے کہا ہے کہ حسن اسکوائر فلائی اوور سے یونیورسٹی روڈ کی طرف جانے کے خواہش مند سوسائٹی بلڈنگ تک متبادل راستہ اپنائیں گے۔

لاہور:پاکستان امن کا گہوارہ:2020 پاکستان میں کرکٹ کی بہارکا موسم،کون آرہا ہے مہمان پی سی بی نے بتادیا،اطلاعات کےمطابق رواں برس سری لنکن ٹیم کی پاکستان آمد سے ملک میں ٹیسٹ کرکٹ کی بحالی کے بعد 2020 پاکستان میں کرکٹ کی بہار کا موسم ثابت ہونے والا ہے۔

پاکستان کرکٹ بورڈ کے چیف ایگزیکٹو آفیسر وسیم خان کے مطابق آئندہ برس بنگلہ دیش ، جنوبی افریقہ اور میری لیبون کرکٹ کلب( ایم سی سی) کی ٹیمیں پاکستان آئیں گی۔بنگلہ دیش کرکٹ بورڈنے دورہ پاکستان کی نوید سنا دی ہے،رواں ہفتے بنگلہ دیش کرکٹ ٹیم کے دورہ پاکستان کا اعلان متوقع ہے۔

پاکستان کرکٹ بورڈ کے چیف ایگزیکٹو آفیسر وسیم خان نے کہا کہ بنگلہ دیش نے مختصر دورہ کے لیے صرف ٹیسٹ میچ کھیلنے کی خواہش کا اظہار ہے۔سیریز تیس جنوری سے پندرہ فروری تک ہونے کے آپشن پر غور کیا جا رہا ہے۔سی ای او وسیم خان نے مزید کہا کہ جنوبی افریقہ سے بھی بات چیت ہو گئی ہے۔جنوبی افریقی ٹیم مارچ کے آخر میں پاکستان میں تین ٹی ٹوئنٹی میچز کھیلے گی۔

چیف ایگزیکٹو آفیسروسیم خان نے کہا کہ افریقی بورڈ کو دورے کے حتمی اعلان کے لیےکھلاڑیوں کی رضامندی کا انتظار ہے۔سی ای او پاکستان کرکٹ بورڈ نے مزید کہا کہ ایم سی سی کرکٹ ٹیم بھی فروری 2020 میں پاکستان کا دورہ کرے گی جس کی قیادت ایم سی سی کے صدر کمار سنگاکارا کریں گے۔

وسیم خان نے کہاکہ ایم سی سی ٹیم کت ہیڈ کوچ اجمل شہزاد جبکہ ٹیم منیجر لاوینڈر ہوں گے۔ایم سی سی کرکٹ ٹیم اپنے تمام میچز ایچی سن کالج لاہور میں کھیلے گی۔وسیم خان نے بتایا کہ کہ ٹیم پاکستان بھجوانے کا فیصلہ ایم سی سی ورلڈ کرکٹ کمیٹی کے اجلاس میں کیا گیا تھا۔ایم سی سی کرکٹ ٹیم کا یہ 46 سال بعد پاکستان کا دورہ ہوگا۔اس سے قبل ایم سی سی کرکٹ ٹیم نے 1973 میں پاکستان کا دورہ کیا تھا۔

چیف ایگزیکٹو پی سی بی نے کہا کہ ایم سی سی کرکٹ ٹیم کی پاکستان آمد پر خوشی ہے، امید ہےاسکواڈ میں شامل ہر کھلاڑی دورہ پاکستان کے دوران بھرپور لطف اٹھائے گا۔وسیم خان نے بتایا کہ 2022 میں آسٹریلیا کی ٹیم بھی 2 ٹیسٹ اور 3 ٹی ٹوئنٹی میچز کے لیے پاکستان کا دورہ کرے گی۔پاکستان اے ٹیم پہلے آسٹریلیا کا دورہ کرے گی پھر ان کا دورہ ہو گا۔

چیف سلیکٹر مصباح الحق نے قومی سلیکشن کمیٹی کا اجلاس کراچی ميں طلب کرليا ۔ اجلاس کے ليے سليکشن کميٹی کے چھ ارکان اور کوارڈنيٹر شرکت کريں گے۔ اجلاس کل شام سات بجے ہوگا۔ اجلاس میں مستقبل کی حکمت عملی طے کی جائے گی۔

پی سی بی ذرائع کا کہنا ہے کہ سليکشن کميٹی کے ارکان جو کہ مختلف ٹيموں کے کوچز بھي ہيں قائد اعظم ٹرافی کےحوالے سے اپنی رپورٹ پیش کریں گے۔اس کے علاوہ مستقبل کےلیے آراوتجاویز بھی لی جائیں گی

تمام کوچز مستقبل کے حوالے سے اپنا پلان پیش کریں گے ۔ کوچز قائد اعظم ٹرافی کے بعد فارغ اوقات میں کھلاڑیوں کو مصروف رکھنے کے حوالے سے بھی پلان پیش کریں گے ۔ اجلاس میں قائد اعظم میں کھلاڑیوں کےڈسپلن کے معاملات کا بھی جائزہ لیا جائے گا۔

کراچی: پاکستان محفوظ ملک ہے، دیگر ممالک کو بھی پاکستان آنا چاہیے،اطلاعات کےمطابق سری لنکن کرکٹ ٹیم کے کپتان دیموتھ کرونارتنے کا کہنا ہے کہ پاکستان محفوظ ملک ہے، دیگر ممالک کو بھی پاکستان آنا چاہیے۔

نیشنل اسٹیڈیم میں پریس کانفرنس کرتے ہوئے سری لنکن کرکٹ ٹیم کے کپتان دیموتھ کرونارتنے نے کہا کہ گزشتہ شب ساحلی ریسٹورنٹ پر گئے اور کھانے سے لطف اندوز ہوئے، افسوس ہے کہ میں ون ڈے اور ٹی ٹوئنٹی سیریز کے لیے پاکستان کیوں نہیں آیا۔

نیشنل اسٹیڈیم میں پریس کانفرنس کرتے ہوئے سری لنکن کرکٹ ٹیم کے کپتان دیموتھ کرونارتنے نے کہاکہ پاکستان میں کرکٹ سے محبت کرنے والے لوگ رہتے ہیں، سیکورٹی کے بھی بہترین انتظامات ہیں، سوشل میڈیا اور میڈیا میں پاکستان کے حوالے سے منفی باتیں چل رہی تھی جس وجہ سے پاکستان نہیں آئے تھے۔

سری لنکن کپتان نے کہا کہ پنڈی ٹیسٹ کی ٹیم میں ایک تبدیلی کی ہے، حتمی ٹیم کا اعلان میچ سے قبل کریں گے جب کہ ٹاس سے قبل وکٹ کو دیکھ کر فیصلہ کریں گے کہ فاسٹ بولر کھلائیں یا اسپنرز کو موقع دیں، کنڈیشنز سازگار ہیں اور تیز رفتاری سے رنز بنانے کی کوشش کریں گے۔

دیموتھ کرونارتنے نے کہا کہ ہم نے پچھلے 2 سال سے زیادہ کرکٹ نہیں کھیلی، اس وقت بھارت ٹیسٹ چیمپئن شپ میں پہلی پوزیشن پر اور آسٹریلیا دوسرے نمبر پر ہے، ہمارے بیشتر کھلاڑیوں کا پہلا دورہ پاکستان ہے لہذا اچھا مقابلہ دیکھنے کو ملے گا۔

اسلام آباد:پاکستان کھیل کےمیدان میں بھی کامیابیاں سمیٹنے لگا، کہیں نیپال میں ہونے والی گیمزمیں کامیابیاں توکہیں برطانیہ میں ہونے والے مقابلے جیت کرمیدان مارا، ایسے ہی انٹرنيشنل اسکوائش ٹورنامنٹ ميں پاکستان کے فرحان محبوب اور طيب اسلم اپنے اپنے حريف کھلاڑيوں کو ہرا کر فائنل ميں پہنچ گے۔

مصف علی مير اسکواش کمپليکس ميں جاری ٹورنامنٹ کے پہلے مینز سیمی فائنل میں پاکستان کے فرحان محبوب نے پچاس منٹ کے سخت مقابلے کے بعد مصر کے یوسف ابراہیم کو 8۔11 ، 14-16 ، 11-2 ، 11-5 ، 12-10۔ دوسرے سیمی فائنل ميں پاکستان کے طیب اسلم نے مصر کے محمد ایلشربینی کو 11-6 ، 9-11 ، 11-9 ، 11-9۔ سے شکست دي ۔ ٹورنامنٹ کے فائنلز کل کھيلے جاہيں گے

یاد رہےکہ فرحان محبوب اورطیب اسلم اس سے پہلےبھی پاکستان کےلیے کئی اہم مقابلے جیت چکے ہیں، آج کے میچ میں فائنل میں پہنچنے کے بعد ان کی کامیابی کے امکانات اور بھی روشن ہوگئے ہیں‌

کراچی:سری لنکن کھلاڑی کراچی میں تفریح کیلئےسمندرکنارے پہنچ گئے،بہت خوش، یادگار تصاویر بناتے رہے ، اطلاعات کےمطابق پاکستان کے خلاف کراچی ٹیسٹ کے لیے شہر قائد میں موجود سری لنکن کرکٹرزدودریا پہنچ گئے، دیسی فوڈ کے ساتھ ساتھ سمندر کے کنارے کراچی کی ٹھنڈی ہواوں سے لطف اندوز ہوئے ۔

باغی ٹی وی ذرائع کےمطابق سری لنکن کرکٹ ٹیم کے 7 کرکٹرزآج شام کراچی کے مشہور تفریحی مقام دو دوریا پہنچے اور وہاں پر ڈنر کیا، سری لنکن کرکٹرز نے کراچی کا دیسی کھانے کھا کر بہت زیادہ خوشی کااظہارکیا،ڈنر میں سری لنکن کلاڑیوں نے فرائیڈ رائس، فش فرائی، مٹن کباب اورملائی بوٹی کا آرڈر دیا تھا۔

باغی ٹی وی کو موصول ہونے والی تصاویر سے پتہ چلتا ہےکہ ٹیم کے وکٹ کیپر بیٹسمین نیروشن ڈک ویلا نے سوشل میڈیا پر ایک تصویر بھی پوسٹ کی جس میں سری لنکن کرکٹرز کو سمندر کے کنارے واقع ہوٹل کے ٹیرس میں چادر اوڑھے بیٹھے سرد ہواؤں کو انجوائے کرتے دیکھا جاسکتا ہے۔

پاکستان انٹرنيشنل اسکواش ٹورنامنٹ ميں پاکستان کے فرحان محبوب اور طعيب اسلم سيمي فائنل ميں پہنچ گئے ۔

باغی ٹی وی رپورٹ کے مطابق اسلام آباد ميں جاري ٹورنامنٹ ميں پاکستان کے دو کھلاڑيوں نے کواليفائي کرليا ہے ۔ فرحان محبوب نے ہم وطن کو فرحان زمان کو طعيب اسلم نے مصر کے یحیی اياواسانی کو مصر کے يوسف ابراہيم نے پاکستان کے محمد عاصم خان کو مصر کے محمد ال شيربيني نے پرتگال کے روئِ سوارس کو شکست دي۔