Category: کھیل

کولمبو: سری لنکن ٹیم کو سخت دھچکا ، اسپنر باؤلر اکیلا دھننجیا پر غیرقانونی باؤلنگ ایکشن کے باعث انٹرنیشنل کرکٹ کونسل(آئی سی سی) ایک سال کی پابندی عائد کردی ہے۔

یاد رہےکہ سری لنکن اسپنر باولردھننجیا کا باؤلنگ ایکشن نیوزی لینڈ اور سری لنکا کے درمیان گزشتہ ماہ گال میں کھیلے گئے سیریز کے پہلے ٹیسٹ میچ میں رپورٹ ہوا تھا

لاہور : پاکستان کرکٹ ٹیم کا کون کھلاڑی کیا کھانے کو پسند کرتا ہے اور کون کیا پسند نہیں‌کرتا ،پاکستان کرکٹ ٹیم کے شیف کاظم حسین نے پاکستانی کرکٹ کھلاڑیوں کی دسترخوان پر تمام سرگرمیوں کا انکشاف کردیا ،

اطلاعات کے مطابق کھلاڑيوں کو صحت مند غذا کي فراہمي کو يقيني بنانے والے شيف کاظم حسین وہ شخص جو کرکٹرز کي اچھی طرح سے پرورش میں يقين رکھتا ہے۔ امام الحق غذا کے بارے میں سب سے زیادہ محتاط ہيں جبکہ محمد عرفان کھانے سے محبت کرتے ہیں۔ شعيب ملک ، سبز مرچ پاستا کے شيدائي ہيں

شیف کاظم حسین کہتے ہیں‌کہ یہ دلیل دی جاتی ہے کہ اسپورٹس پرسن کی صحت کا سب سے اہم پہلو کھانا ہے۔ یہ ایندھن ہے ، جو مطلوبہ حرارے فراہم کرتا ہے جو ایتھلیٹ کے ليے ضروري ہوتي ہے۔ لاہور میں نیشنل کرکٹ اکیڈمی (این سی اے) میں ، گزشتہ 13 سالوں سے کاظم حسین اس بات کا یقین کر رہے ہیں کہ ملک کے ایلیٹ کرکٹرز ٹاپ کرکٹ کے چیلنجوں کو برداشت کرنے کے لئے ضروری غذا فراہم کريں۔

باغی ٹی وی کے مطابق 2006 کی بات ہے جب کاظم ، جو اب پی سی بی کے ایگزیکٹو شیف ہیں نے این سی اے کے باورچی خانے کی لگام سنبھالی۔ کاظم کا کہنا تھا کہ اين سي اے کے کھانے ميں ایسی لذت ہے کہ ہمارے کرکٹر بین الاقوامی سیریز کے دوران فائیو اسٹار ہوٹلوں میں رہنے کے باوجود این سی اے میں کھانے کو ترجیح دیتے ہیں۔

پاکستانی کرکٹ ٹیم کے شیف کا کہنا تھا کہ اپنی والدہ سے متاثر ہوکر کھانا پکانا شروع کيا۔ اٹھاون سالہ کاظم نے بتایا کہ وہ کالج سے گھر واپسی پر لنچ کی تیاری میں اپنی والدہ کی مدد کرتا تھا۔ اپنی صلاحیتوں کو جلا بخشنے کے لئے کاظم اين سي اے کي نو شیفوں کی ٹیم کی رہنمائی کرتا ہے

پاکستان کرکٹ ٹیم کے شیف کاظم حسین نے 1993 میں اپنے پیشے میں تبدیل ہونے سے پہلے باورچی خانے سے متعلق کورسز لیا۔ کئی سالوں کے دوران کاظم نے بین الاقوامی ممالک میں پاکستاني کھانا پیش کیا۔ ان کا کہنا ہے کہ لمبے تڑنگے تیز باولر محمد عرفان کو بڑی بھوک لگتی ہے۔ تو اس وقت اس کو جو بھی مل جاے وہ خوب کھاتا ہے

شیف کاظم حسین نے کہا شعیب ملک ہری مرچوں سے بنا پاستا شوق سے کھانا پسند کرتے ہیں اور جب بھی وہ این سی اے میں ہوتا ہے اس کو اس کا پسندیدہ پاستا پیش کیا جاتا ہے۔ کاظم کے نزدیک امام الحق کھانے پينے کے معمالے میں سب سے زیادہ سمجھدار ہیں۔

کاظم حسین کا کہنا ہے کہ امام الحق اپنے کھانے پينے پر خصوصي توجہ ديتے ہيں اور کھانے کے وقت صرف پھل اور دہی ان کي مرخوب غذا ہوتي ہے۔ اگرچہ کاظم نے معروف کرکٹرز کو اپنا کھانا پیش کیا ، لیکن ایک شخص باقی ہے جس کے لئے وہ کھانا پکانا چاہتا ہے۔

کاظم حسین کہتے ہیں‌کہ میں نے بہت سارے عظیم کھلاڑیوں اور کرکٹ ایڈمنسٹریٹر جیسے انتخاب عالم ، راشد لطیف اور وقار یونس کے لئے کھانا پکایا ہے۔ لیکن میری خواہش ہے کہ وہ پاکستان کے وزیر اعظم عمران خان کو اپنے ہاتھ سے کھانا بنا کر پیش کریں۔

کراچی : شاہد آفرید ی نے سرفراز احمد کو ٹیسٹ کرکٹ چھوڑنے کا مشورہ دیکر کھلبلی مچادی ، اطلاعات کے مطابق پاکستان کے سابق آل راؤنڈر شاہد آفریدی نے قومي ٹيم کے کپتان سرفراز احمد کو ٹیسٹ کرکٹ چھوڑنے کا مشورہ دیا ہے۔

باغی ٹی وی کے مطابق کراچی میں میڈیا سے گفتگو کرتے ہوئے ،سابق آل راؤنڈر نے کہا کہ وکٹ کیپر بیٹسمین کو محدود اوورز کی کرکٹ پر توجہ دینی چاہئے۔ آفریدی کا کہنا تھا کہ سرفراز کو ون ڈے اور ٹی ٹوئنٹی انٹرنیشنل میں بطور کپتان مقرر کرنا درست فیصلہ ہے ۔ سرفراز کو دورہ جنوبی افریقہ کے بعد ٹیسٹ کپتان کے عہدے سے ہٹادينا چاہئے تھا کیونکہ تین فارمیٹ میں ٹیم کی قیادت کرنا ایک مشکل چیلنج ہے۔

شاہد آفریدی نے مزید کہا میں نے سرفراز کو مشورہ دیا تھا کہ اس کا نتیجہ قطع نظر جنوبی افریقہ کے دورے کے بعد ٹیسٹ کرکٹ چھوڑ دیں ، لیکن انہوں نے کوئی بات نہیں مانی۔ آفریدی نے کہا میں نے تربیتی کیمپ سے سرفراز کی کچھ تصاویر دیکھی ہیں اور وہ اس ميں فٹ نظر آتے ہیں ایسا لگتا ہے کہ اس نےاپنی فٹنس پر سخت محنت کی ہے ، جس کی وجہ سے وہ محدود اوورز کی کرکٹ میں آگے بڑھنے میں مددگار ثابت ہوگا۔

شاہد آفرید نے فرسٹ کلاس کرکٹ حکمت عملی کا ذکر کرتے ہوئے کہا کہ صوبائی ٹیموں کا تعارف اور فرسٹ کلاس کرکٹ کو چھ ٹیموں تک محدود رکھنا ایک اچھا اقدام ہے۔ انہوں نے کہا کہ کامیابی کے لئے وقت دیا جانا چاہئے کیونکہ کم ٹیمیں کرکٹ کے معیار کو بہتر بنائیں گی۔

لاہور : پاکسستان ، سری لنکا سیریز کے امکانات روشن ہوگئے ہیں‌دوسری طرف سري لنکا کے خلاف سيريز کے ليے قومي ٹيم کي تيارياں عروج پر پہنچ گئيں

باغی ٹی وی کے مطابق مصنوعي قمقموں ميں بيٹنگ باولنگ کي پريکٹس۔قذافي سٹيڈيم ميں جاري تربيتي کيمپ ميں کھلاڑيوں نے ہيڈ کوچ مصباح الحق اور وقار يونس کي زير نگراني پريکٹس سيشن ميں حصہ ليا۔سري لنکن ٹيم کي آمد کا گرين سگنل ملنے کي اطلاع ملتے ہي پريکٹس سيشن ميں تيزي آگئي کھلاڑيوں نے شام کے سيشن کے بعد فلڈ لائيٹس ميں بھي بھر پور پريکٹس کي۔

سری لنکا کے خلاف سیریز کے پریکٹس میچ کے دوران فاسٹ باولر عثمان شنواري کا کہنا تھا کہ اس وقت دکھ ہوتا ہے جب آپ محنت کررہے ہوں اور اچانک باہر ہوجائیں ۔ ورلڈکپ سے باہر ہونے کا دکھ تھا مگر یہ کھیل کا حصہ ہے ۔ہر کھلاڑی کے کیرئیر میں ہمیشہ اتار چڑھاو آتا ہے میں جتنا کھیلا ہوں اپنی کارکردگی سے مطمئن ہوں ۔وقار یونس کے باولنگ کوچ بننے سے باولنگ پرفارمنس بہتر ہوگی ۔

فاسٹ باولر عثمان شنواري کا کہنا تھا کہ سری لنکا کے خلاف سیریز میں اچھی کارکردگی دکھانا ہدف ہے ۔ قومي ٹيم کا تربيتي کيمپ کا پہلا مرحلہ اکيس ستمبر کو قومي ٹيم کے اعلان تک جاري رہے گا۔ جبکہ دوسرا مرحلہ تئيس ستمبر سے کراچي ميں شروع ہوگا۔

لاہور : پاکستان اور سری لنکا کے درمیان کھیلے جانے والی کرکٹ سیریز کی آن لائن ٹکٹوں کی تقسیم کا اعلان کردیا گیا ہے، پی سی بی کے مطابق ٹکٹوں کی آن لائن بکنگ 20 ستمبر سے شروع ہوگی

باغی ٹی وی کے مطابق پاکستان کرکٹ بورڈ کے مطابق یہ ٹکٹیں 21 ستمبر سے ٹی سی ایس کے مخصوص مراکز میں دستیاب ہوں گی ، ‏سری لنکا کے خلاف ‏ایک روزہ اور ٹی ٹونٹی میچز کے لیے ٹکٹوں کی قیمتیں بھی طےکرلی گئی ہیں‌،کراچی میں ہونے والے ایک روزہ میچز کے لیے ٹکٹوں کی قیمت 500 سے 3000 روپے تک مقرر

پاکستان سری لنکا کرکٹ سیریز کے لیے لاہور میں ہونے والے ٹی ٹونٹی میچز کے لیے ٹکٹوں کی قیمت 500 سے 5000 روپے تک مقرر کی گئی ہے جبکہ کراچی میں اقبال قاسم، نسیم الغنی، وسیم باری، محمد برادرز اور انتخاب عالم انکلوژرز کا ٹکٹ 500 روپے میں ملے گا

باغی ٹی وی کے مطابق آصف اقبال، وقار حسن اور ماجد خان انکلوژرز کے ٹکٹ 1000 روپے میں دستیاب ہوں گے، قائد، وسیم اکرم، عمران خان اور ظہیر عباس انکلوژرز کا ٹکٹ 2000 روپے میں ملے گا،‏حنیف محمد، جاوید میاں داد اور فضل محمود انکلوژرز کے ٹکٹ کی قیمت 3000 روپے مقرر کردی گئی

کشمیر کا کیس بڑی حکمت عملی سے آگےبڑھا رہے ہیں ، قوم اعتماد کرے

لاہور میں ٹی ٹونٹی میچز کے لیے ‏انضمام الحق، نذر، قائد، امتیاز احمد، ظہیر عباس، حنیف محمد، ماجد خان، عبدالقادر، سعید احمد اور سرفراز نواز انکلوژرز کا ٹکٹ 500 روپے میں ملے گا،‏عبدالحفیظ کاردار، راجاز، جاوید میانداد اور سعید انور انکلوژرز کا ٹکٹ 1500 روپے میں دستیاب ہوگا

باغی ٹی وی کے مطابق عمران خان اور فضل محمود انکلوژرز کا ٹکٹ 3000 جبکہ وسیم اکرم اور وقار یونس انکلوژرز کا ٹکٹ 5000 روپے میں ملے گا،‏شائقین کرکٹ کو ایک شناختی کارڈ پر 5 ٹکٹیں خریدنے کی اجازت ہوگی