Category: کھیل

لاہور: پی سی بی نے پاکستان کے سابق کپتان مصباالحق کو ہیڈ کوچ جبکہ سابق فاسٹ باؤلر وقار یونس کو باؤلنگ کوچ بنانے کا فیصلہ کرلیا ہے.

باغی ٹی وی 2 ستمبر کو اپنے ذرائع سے خبر بریک کر رہا ہے کہ مصباح الحق پاکستان کرکٹ‌ ٹیم کے ہیڈ کوچ جبکہ وقار یونس باؤلنگ کوچ ہوں گے. باغی ٹی وی کے ذرائع سے خبر موصول ہوئی ہے کہ پاکستان کرکٹ بورڈ نے سابق کپتان مصباالحق کو ہیڈ کوچ جبکہ سابق فاسٹ باؤلر وقار یونس کو باؤلنگ کوچ بنانے کا فیصلہ کرلیا ہے. تاہم اس حوالے سے باقاعدہ اعلان 1 یا 2 دن تک متوقع ہے. ہیڈ کوچ کی سیٹ مکی آرتھر کے عہدے کے بعد خالی ہوئی تھی جبکہ پاکستان کرکٹ ٹیم کے باؤلنگ کوچ اس سے قبل اظہر محمود تھے، پی سی بی نے پاکستان کرکٹ ٹیم کی پوری مینیجمنٹ کو ورلڈ کپ میں ناقص کارکردگی کے بعد ہٹا دیا تھا اور نئے کوچز کیلئے اخبارات میں اشتہار دیئے تھے.

دوسری جانب قومی کرکٹ ٹیم کے ہیڈ کوچ کیلئے ڈین جونز نے بھی اپلائی کیا تھا، لیکن ذرائع سے خبر یہ موصول ہوئی ہے کہ پی سی بی نے مصباالحق کو قومی ٹیم کا کوچ بنانے کا فیصلہ کیا ہے.

نیویارک (اے پی پی) راجر فیڈرر، گریگور دیمتروف اور ڈینل مدودوف یو ایس اوپن ٹینس مینز سنگلز کوارٹر فائنل میں داخل ہوگئے.

تفصیلات کے مطابق سوئٹزرلینڈ کے بین الاقوامی شہرت یافتہ ٹینس سٹار سب سے زیادہ 20 مینز سنگلز گرینڈ سلام چیمپئن راجر فیڈرر، روس کے ففتھ سیڈڈ ڈینل مدودوف اور بلغاریہ کے گریگور دیمتروف اپنی فتوحات کو برقرار رکھتے ہوئے یو ایس اوپن ٹینس مینز سنگلز کوارٹر فائنل میں پہنچ گئے جبکہ عالمی نمبر ایک نوویک جوکووچ پری کوارٹر فائنل میچ کے دوران کندھے کی تکلیف کے باعث میگا ایونٹ سے باہر ہوگئے۔ امریکا میں جاری سال کے چوتھے اور آخری گرینڈ سلام یو ایس اوپن ٹینس مینز سنگلز کے پری کوارٹر فائنل راؤنڈ میچز میں سوئس سٹار راجر فیڈرر نے انتہائی شاندا کارکردگی کا مظاہرہ کرتے ہوئے بیلجیئم کے حریف کھلاڑی ڈیوڈ گوفن کو سٹریٹ سیٹس مین 6-2، 6-2 اور 6-0 سے ہرا کر میگا ایونٹ کے کوارٹر فائنل کے لئے کوالیفائی کرلیا۔ روس کے ففتھ سیڈڈ ڈینل مدودوف نے سخت مقابلے کے بعد جرمن حریف کھلاڑی ڈومینک کوپفر کو پہلے سیٹ میں 3-6 کی شکست کے باوجود اگلے سیٹ میں 6-3، 6-2 اور 7-6(7-2) سے ہرا کر میگا ایونٹ کے ٹاپ ایٹ مرحلے تک رسائی حاصل کی۔ ایک اور میچ میں بلغاریہ کے گریگور دیمتروف نے آسٹریلیا کے حریف کھلاڑی ایلکس ڈی میناؤر کو سٹریٹ سیٹس میں شکست دی، ان کی جیت کا سکور 7-5، 6-3 اور 6-4 رہا۔

واضح رہے کہ میگا ایونٹ کے کوارٹر فائنل راؤنڈ میں سوئس سٹار راجر فیڈرر کا مقابلہ بلغاریہ کے گریگور دیمتروف سے ہوگا جبکہ روس کے ففتھ سیڈڈ ڈینل مدودوف کا مقابلہ سوئٹزرلینڈ کے سٹین وارینکا سے ہوگا۔

اسلام آباد (اے پی پی) ڈسٹرکٹ سپورٹس آفیسر کوہاٹ/پشاور کے صدر ساجد خان آفریدی نے کہا ہے کہ کھیلوں میں کھویا ہوا مقام حاصل کرنے کیلئے کھلاڑیوں کو سخت محنت کرنے کی ضرورت ہے.

تفصیلات کے مطابق ڈسٹرکٹ سپورٹس آفیسر کوہاٹ/پشاور کے صدر ساجد خان آفریدی نے کہا ہے کہ کھیلوں میں کھویا ہوا مقام حاصل کرنے کیلئے کھلاڑیوں کو سخت محنت کرنے کی ضرورت ہے۔ ان خیالات کا اظہار انہوں گذشتہ روز پاکستان سپورٹس کمپلیکس میں جاری آل پاکستان اسوا فٹ بال اکیڈمی فٹ بال ٹورنامنٹ میں کھلاڑیوں سے خطاب کرتے ہوئے کیا۔ اس موقع پر اسوا فٹ بال اکیڈمی کے صدر رانا تنویراحمد، اسلام آباد فٹ بال ایسوسی ایشن کے نائب صدر محمد زمان کے علاوہ شائقین کی کثیر تعداد بھی موجود تھی۔ انہوں نے کہا کہ ایک ایسا دور تھا کہ پاکستان کی کھیلوں کے میدان میں دنیا پر حکمرانی تھی جن میں ہاکی، سکواش اور کرکٹ کے کھیل شامل تھے، آہستہ آہستہ یہ اعزازت ہمارے ہاتھ سے نکلتے گئے اس کی سب سے بڑی وجہ کھلاڑیوں کا دل لگا کر محنت نہ کرنا۔ انہوں نے کہا کہ میں ابھی بھی یقین سے کہتا ہوں کہ ملک میں کھیلوں کے ٹیلنٹ کی کمی نہیں، کھلاڑیوں کو سہولیات فراہم کی جائیں اور کھلاڑی دل لگا کر محنت کریں تو وہ دن دور نہیں جب پاکستان اپنا کھیلوں میں کھویا ہوا مقام حاصل کرسکتاہے۔

انہوں نے کہا کہ ہیمیں ملک میں کھیلوں کے گرتے ہوئے معیار کو بچانے کیلئے کھیلوں کے میدان آباد کرنا ہوں گے اور کھلاڑیوں کو محنت کرنا ہو گی۔ ساجد آفریدی نے کہا کہ نچلی سطح پر تعلیمی ادارے کھیلوں کی ترقی میں بہت اہم کردار ادا کرسکتے ہیں لیکن تعلیمی اداروں میں کھیلوں کے مقابلوں کا انعقاد بہت ضروری ہے۔

کولمبو (اے پی پی) کیوی فاسٹ باؤلر فرگوسن فٹنس مسائل کے باعث سری لنکا کے خلاف ٹی ٹونٹی سیریز سے باہر ہو گئے.

تفصیلات کے مطابق نیوزی لینڈ کے فاسٹ باؤلر لوکی فرگوسن فٹنس مسائل کے باعث سری لنکا کے خلاف ٹی ٹونٹی انٹرنیشنل سیریز سے باہر ہو گئے۔ فرگوسن پہلے ٹی ٹونٹی میچ سے قبل ٹریننگ کے دوران دائیں ہاتھ کا انگوٹھا تڑوا بیٹھے تھے اور انہیں علاج کیلئے واپس وطن بھیج دیا گیا ہے۔ نیوزی لینڈ ٹیم کے ہیڈکوچ گیری سٹیڈ نے اس بات کی تصدیق کرتے ہوئے کہا ہے کہ ان کی جگہ متبادل کھلاڑی کو ٹیم میں شامل نہ کرنے کا فیصلہ کیا گیا ہے.

دوسری جانب نیوزی لینڈ نے سری لنکا کو پہلے ٹی 20 میچ میں 5 وکٹوں سے شکست دی تھی.