Baaghi TV

Category: کھیل

  • انگلینڈ نے کرکٹ کا 91 برس پرانا ریکارڈ توڑ دیا

    انگلینڈ نے کرکٹ کا 91 برس پرانا ریکارڈ توڑ دیا

    لیڈز (اے پی پی) انگلینڈ نے ٹیسٹ میچ میں بڑا ہدف حاصل کر کے بڑی فتح کا 91 برس پرانا اپنا ملکی ریکارڈ توڑ دیا.

    تفصیلات کے مطابق انگلش ٹیم نے ٹیسٹ کرکٹ کی تاریخ میں ٹیسٹ میچ میں چوتھی اننگز میں بڑا ہدف حاصل کر کے نیا ملکی ریکارڈ قائم کر دیا ہے۔ انگلینڈ نے آسٹریلیا کے خلاف کھیلے گئے تیسرے ایشز ٹیسٹ میچ میں 359 رنز کا ہدف کامیابی سے حاصل کر کے 91 برس پرانا اپنا سابقہ ریکارڈ توڑ کر یہ اعزاز حاصل کیا۔ اس سے قبل انگلش ٹیم نے 1928-29ء میں آسٹریلیا کے خلاف ہی کھیلے گئے ٹیسٹ میچ میں 332 رنز کا ہدف حاصل کر کے بڑی فتح کا ملکی ریکارڈ قائم کیا تھا۔

    واضح رہے کہ اشیز سیریز کے تیسرے ٹیسٹ میچ میں انگلینڈ نے آسٹریلیا کو ایک وکٹ سے شکست دی تھی.

  • بھارت بمقابلہ ویسٹ انڈیز: اگلا میچ کب کھیلا جائے گا؟ جانئے

    بھارت بمقابلہ ویسٹ انڈیز: اگلا میچ کب کھیلا جائے گا؟ جانئے

    کنگسٹن (اے پی پی) ویسٹ انڈیز اور بھارت کے درمیان دوسرا اور آخری ٹیسٹ میچ 30 اگست سے شروع ہوگا.

    تفصیلات کے مطابق ویسٹ انڈیز اور بھارت کی کرکٹ ٹیموں کے درمیان دو ٹیسٹ میچوں پر مشتمل سیریز کا دوسرا اور آخری میچ 30 اگست سے کنگسٹن میں شروع ہوگا۔ بھارتی ٹیم کو دو میچوں کی سیریز میں میزبان ٹیم کے خلاف 1-0 کی برتری حاصل ہے۔ بھارتی ٹیم نے میزبان ٹیم کو پہلے ٹیسٹ میچ میں 318 رنز سے شکست دی تھی۔ اس سے قبل بھارتی کرکٹ ٹیم نے تین ٹی ٹونٹی میچوں کی سیریز میں ویسٹ انڈیز ٹیم کو وائٹ واش کیا تھا، تین ون ڈے انٹرنیشنل میچوں کی سیریز 2-0 سے جیتی تھی جبکہ ایک میچ بارش کی نذر ہوگیا تھا۔

    واضح رہے کہ دونوں ٹیموں کے درمیان دو ٹیسٹ میچوں کی سیریز کا دوسرا اور آخری ٹیسٹ میچ 30 اگست سے کنگسٹن میں شروع ہوگا۔

  • بھارت بمقابلہ ویسٹ انڈیز: پہلا ٹیسٹ میچ کون جیتا؟ جانئے

    بھارت بمقابلہ ویسٹ انڈیز: پہلا ٹیسٹ میچ کون جیتا؟ جانئے

    جمیکا: بھارت نے ویسٹ انڈیز ٹیم کو پہلے ٹیسٹ میچ میں 318 رنز سے شکست دیکر دو میچوں کی سیریز میں 1-0 کی برتری حاصل کرلی۔

    تفصیلات کے مطابق ورلڈ ٹیسٹ چیمپئن شپ کے میچز جاری ہیں، دو ٹیسٹ میچز پر مشتمل سیریز کے میچ میں بھارت نے ویسٹ انڈیز ٹیم کو 318 رنز سے شکست دیدی. بھارت کی جانب سے اجنکیا راہانے نے سنچری اسکور کرکے ٹیم کی فتح میں اہم کردار ادا کیا. بھارت کی جانب سے ویسٹ انڈیز کو 419 رنز کا ہدف دیا گیا جس کے تعاقب میں میزبان ٹیم 100 رنز بناکر آل آؤٹ ہوگئی. بھارت کی طرف سے دوسری اننگز میں جسپریت بمرا نے 5، ایشانت شرما نے 3 اور محمد شامی نے 2 کھلاڑیوں کو آﺅٹ کیا۔ انجکیا راہانے کو عمدہ بیٹنگ پر میچ آف دی میچ قرار دیا گیا۔ یوں بھارت نے ویسٹ انڈیز ٹیم کو پہلے ٹیسٹ میچ میں 318 رنز سے شکست دی اور دو میچوں کی سیریز میں 1-0 کی برتری حاصل کرلی۔

    دوسری جانب بھارت اور ویسٹ انڈیز کے درمیان دوسرا اور آخری ٹیسٹ میچ 30 اگست کو ہوگا.

  • مصباح الحق نے پاکستان کرکٹ بورڈ کی کرکٹ کمیٹی سے استعفیٰ دے دیا

    مصباح الحق نے پاکستان کرکٹ بورڈ کی کرکٹ کمیٹی سے استعفیٰ دے دیا

    مصباح الحق نے پاکستان کرکٹ بورڈ کی کرکٹ کمیٹی سے استعفیٰ دے دیا

    باغی ٹی وی رپورٹ کے مطابق مصباح الحق نے کمیٹی رکن کی حیثیت سے استعفیٰ ڈائریکٹر انٹرنیشنل کرکٹ ذاکر خان کو پیش کیا
    اس سلسے میں آج مصباح الحق نے ذاکر خان سے ملاقات کی تھی.قومی کرکٹ کے ہیڈ کوچ کے لیے آج باضابطہ طور پر درخواست جمع کرائی ہے، مصباح الحق نے کہا کہ میں جانتا ہوں اس عہدے کے لیے کئی نامور افراد دلچسپی رکھتے ہیں،

    قومی کرکٹ ٹیم کے ہیڈ کوچ کی تعیناتی کے لیے سخت مقابلے کی توقع ہے، درخواست جمع کروانے سے قبل میرا نام گردش کرنا دلچسپ امر تھا، پی سی بی قومی کرکٹ ٹیم کے ہیڈ کوچ کی تعیناتی کا عمل ستمبر کے آغاز میں مکمل کرلے گا

  • پی سی بی نے اعجاز احمد کو قومی انڈر 19 کرکٹ ٹیم کا ہیڈ کوچ مقرر کردیا

    پی سی بی نے اعجاز احمد کو قومی انڈر 19 کرکٹ ٹیم کا ہیڈ کوچ مقرر کردیا

    پی سی بی نے اعجاز احمد کو قومی انڈر 19 کرکٹ ٹیم کا ہیڈ کوچ مقرر کردیا

    باغی ٹی وی رپورٹ کے مطابق پی سی بی نے اعجاز احمد کو قومی انڈر 19 کرکٹ ٹیم کا ہیڈ کوچ مقرر کردیا.سابق کرکٹر اعجاز احمد کی تقرری 3 سال کے لیے کی گئی ہے ،اعجاز احمد قومی انڈر 16 اور اے کرکٹ ٹیموں کے ساتھ بھی کام کریں گے اعجاز احمد اے سی سی انڈر 19 ایشیا کپ کے بعد اپنے عہدے کا چارج سنبھالیں گے.آئندہ ماہ قومی اے کرکٹ ٹیم کی کینیا میں 8 ملکی ٹورنامنٹ میں شرکت اعجاز احمد کی پہلی اسائنمنٹ ہوگی

    بنگلہ دیش انڈر 16 کرکٹ ٹیم کی پاکستان آمد اور ایمرجنگ ایشیا کپ میں بھی اعجاز احمد ذمہ داریاں نبھائیں گےآئندہ سال قومی انڈر 19 کرکٹ ٹیم کو آئی سی سی انڈر 19 کرکٹ ورلڈ کپ میں شرکت کرنی ہے

    اعجاز احمد کا انتخاب وسیم خان اور مدثر نذر پر مشتمل کمیٹی نے کیا ہے.کمیٹی نے عہدے کے لیے خواہشمند دیگر سابق کرکٹرز کے انٹرویوز کے بعد اعجاز احمد کا نام فائنل کیا.

    اعجاز احمد نے کہا کہ اہم ذمہ داری سونپے جانے پر پاکستان کرکٹ بورڈ کا مشکور ہوں،اپنے تجربے کی بنیاد پر قومی جونیئر کرکٹ کی بہتری میں کردار ادا کروں گا،
    اعجاز احمد کی بطور کوچ قابلیت پر کوئی شک نہیں، سابق ٹیسٹ کرکٹ مدثر نذر نے کہا کہ
    اعجاز احمد کھیل پر گرفت اور کھلاڑی کی پہچان کرنے کے حوالے سے جانے جاتے ہیں،

  • کرکٹر حسن علی دبئی میں اپنی شادی کی تقریب کے بعد پاکستان پہنچ گئے

    کرکٹر حسن علی دبئی میں اپنی شادی کی تقریب کے بعد پاکستان پہنچ گئے

    لاہور: کرکٹر حسن علی دبئی میں اپنی شادی کی تقریب کے بعد پاکستان پہنچ گئے فاسٹ باولر جلد پی سی پی کا ٹریننگ کیمپ جوائن کریں گے.

    لاہور: باغی ٹی وی رپورٹ کے مطابق : کرکٹر حسن علی دبئی میں اپنی شادی کی تقریب کے بعد پاکستان پہنچ گئے فاسٹ باولر جلد پی سی پی کا ٹریننگ کیمپ جوائن کریں گے. حسن علی غیر ملکی ایئرلائن کے زریعے ایئرپورٹ پہنچے. حسن علی دوستوں اور رشتے داروں کے ہمراہ گوجرانوالہ روانہ
    واضح رہے کہ حسن علی اپنی شادی کے سلسلے میں چھٹی پر دبئی گئے تھے .ان کی شادی بھارتی لڑکی سامعہ آرزو سے ہوئی ہے. وہ اپنی چھوٹیاں کاٹ کر واپس لوٹے ہیں.واپس آکر کرکٹ کیمپ جوائن کر لیں گے.

    یاد رہے کہ حسن علی بھارتی لڑکی سےشادی کرنے والے چوتھے پاکستانی کرکٹر ہیں، اس سے قبل ظہیر عباس، محسن حسن خان اور شعیب ملک بھارتی لڑکیوں سے شادی کرچکے ہیں۔

  • 52 ورلڈ ریکارڈ اپنے نام کرنے والا پاکستانی کون ہے

    52 ورلڈ ریکارڈ اپنے نام کرنے والا پاکستانی کون ہے

    اسلام آباد:52 ورلڈ ریکارڈ رکھنے والا خوش قسمت پاکستانی مارشل آرٹ ایکسپرٹ راشد نسیم جس نے حال ہی میں‌ تین نئے ریکارڈ اپنے نام کیے ہیں جن میں بھارتی شہری بھاکر ریڈی کے دو اعزاز بھی شامل ہیں۔

    ذرائع کے مطابق راشد نسیم نے کہنی کے وار سے ایک منٹ میں 234 اخروٹ توڑ ے جب کہ بھارتی مارشل آرٹ ایکسپرٹ بھاکر ریڈی نے ایک منٹ میں 229 اخروٹ توڑے تھے۔پاکستانی مارشل آرٹ ایکسپرٹ نے دوسرا ریکارڈ بھی بھارتی شہری کا ہی توڑا جس میں انہوں نے ایک منٹ میں ٹارگٹ پر114 گھٹنے کے وار کیے۔قبل ازیں یہ اعزاز بھی بھارتی شہری بھاکر ریڈی کے پاس تھا جس نے ٹارگٹ پر ایک منٹ میں 97 وار کیے تھے۔

    ذرائع کے مطابق پاکستانی راشد نسیم نے تیسرا ریکارڈ امریکا کےایشریکا فرمان کا توڑا جو انہوں نے ایک منٹ میں سر سے 50 یارڈ اسٹک توڑ کر بنایا تھا۔پاکستانی سپوت نے ایک منٹ میں 64 یارڈ اسٹک توڑکر نیا ورلڈ ریکارڈ قائم کیا ہے۔انہوں نے قبل ازیں انڈے توڑنے، سر سے ناریل اور تربوز پھوڑنے اور ہتھیلی سے اخروٹ توڑنے سمیت متعدد ریکارڈ اپنے نام کر رکھے ہیں۔

  • انگلینڈ نے ٹیسٹ میچ میں‌ آسٹریلیا کو شکست دے دی، کون کتنے میچ جیتا؟ اہم خبر

    انگلینڈ نے ٹیسٹ میچ میں‌ آسٹریلیا کو شکست دے دی، کون کتنے میچ جیتا؟ اہم خبر

    کوانگلینڈ نے سنسنی خیز مقابلے کے بعد آسٹریلیا کو شکست دے دی ہے،

    باغی ٹی وی کی رپورٹ‌ کے مطابق 5 ٹیسٹ میچوں کی ایشزسیریز1-1 سے برابر رہی ہے، 359رنز کا ہدف انگلینڈ نے9 وکٹوں پر حاصل کر لیا، بین اسٹوکس کی شاندار بیٹنگ رہی، بین اسٹوکس 135، جوروٹ 77 اور جونی بیرسٹو36رنزبناکرنمایاں رہے،

    آسٹریلیا نے پانچ میچوں‌ کی سیریز میں انگلینڈ کو ایک میچ میں شکست دی تھی جس کا بدلہ آج انگلینڈ نے چکا دیا ہے اور یہ ٹیسٹ میچ جیت کر سیریز برابر کر دی ہے،

  • بابر اعظم کے 500 رنز ، انگلش کاونٹی میں جھنڈے گاڈ دیئے ، پاکستان زندہ باد کے نعروں سے سٹیڈیم گونج اٹھا

    بابر اعظم کے 500 رنز ، انگلش کاونٹی میں جھنڈے گاڈ دیئے ، پاکستان زندہ باد کے نعروں سے سٹیڈیم گونج اٹھا

    لندن : بابراعظم پھر چھا گئے ، برطانیہ کی سرزمین پر پاکستان زندہ بعد کے نعرے ، اطلاعات کے مطابق انگلش کاؤنٹی کے ٹی ٹوئنٹی ایونٹ میں بابراعظم نے 500رنزمکمل کرلیے وہ یہ کارنامہ انجام دینے والے پہلے پاکستانی کھلاڑی بن گئے ہیں۔

    برطانوی میڈیا کے مطابق بابراعظم نے انگلش سرزمین پر اپنے جھنڈے گاڑتے ہوئے انگلش کاؤنٹی کے ٹی ٹوئنٹی ایونٹ میں ایک اورشانداراننگزکھیل ڈالی، بابراعظم نے سمرسیٹ کی طرف سے گلے مورگن کے خلاف 42گیندوں پر63رنزبنائے جس میں ایک چھکا اورسات چوکے شامل تھے۔

    ذرائع کے مطابق بابراعظم انگلش کاؤنٹی کے ٹی ٹوئنٹی کے ٹاپ سکورربرقرارہیں،انہوں نے 11اننگزمیں 60کی اوسط اور152 کے اسٹرائیک ریٹ کیساتھ 541رنز بنالیے ہیں۔بابراعظم نے ایونٹ میں اب تک ایک سنچری اور4نصف سنچریاں بنائی ہیں جبکہ مجموعی طورپر14چھکے اور57چوکے بھی لگائے ہیں، بابراعظم انگلش کاؤنٹی کے ٹی ٹوئنٹی ایونٹ میں 500رنزبنانے والے پہلے پاکستانی کھلاڑی ہیں۔

  • فرسٹ کلاس میچز ٹاس کے بغیر ، کیسے ممکن ؟ یہ سب کچھ ہو گا پاکستان میں‌

    فرسٹ کلاس میچز ٹاس کے بغیر ، کیسے ممکن ؟ یہ سب کچھ ہو گا پاکستان میں‌

    لاہور : کرکٹ کے میدان میں‌نئے نئے فیچر نے کھیل کو مزید دلچسپ بنا دیا . اطلاعات کے مطابق اب پاکستان میں فرسٹ کلاس میچ ٹاس کے بغیر شروع ہوں گے۔ اس سلسلے میں پاکستان کرکٹ بورڈ (پی سی بی) نے فرسٹ کلاس ٹورنامنٹ قائد اعظم ٹرافی میں ‘نو ٹاس’ کا منفرد تجربہ کرنے کا فیصلہ کیا ہے۔

    پاکستان کرکٹ ذرائع کے مطابق برطانیہ کے بعد پاکستان میں یہ تجربہ کیا جارہا ہے. اس سسٹم کے مطابق چار روزہ میچوں میں اگر مہمان ٹیم کو پچ سے شکایت ہے اور وہ اپنے مضبوط بولنگ اٹیک سے فائدہ اٹھانا چاہتا ہے تو وہ نو ٹاس کا آپشن استعمال کرسکتا ہے۔نئے سسٹم کے تحت چھ صوبائی ٹیموں کے درمیان ٹورنامنٹ ہوم اینڈ اوے کی بنیاد پر کرایا جائے گا۔ ذمے دار ذرائع کا کہنا ہے کہ نئے نظام سے ٹاس کا کردار ختم ہوجائے گا۔ یہ ایڈوانٹیج وزٹنگ ٹیم کو ہوگا۔

    پاکستان کرکٹ کے ذرائع کے مطابق ون ڈے اور ٹی ٹوئنٹی میچ روایتی انداز میں ٹاس کے ساتھ ہی ہوں گے۔ ذرائع کا کہنا ہے کہ اگر دورہ کرنے والی ٹیم چاہے گی تو اس کے پاس آپشن ہوگا کہ وہ پہلے بولنگ کرسکتی ہے تاہم اگر دونوں ٹیمیں پہلے بیٹنگ کرنا چاہیں گی تو پھر ٹاس کا آپشن استعمال ہوگا۔