Category: کھیل

پاکستان کرکٹ بورڈ (پی سی بی) کے چیئرمین محسن نقوی نے بھارت کی جانب سے راولپنڈی کرکٹ اسٹیڈیم کو نشانہ بنانے کی شدید مذمت کرتے ہوئے کہا ہے کہ بھارت نے پی ایس ایل میں خلل ڈالنے کے لیے انتہائی غیر ذمہ دارانہ حرکت کی۔ انہوں نے اس بات کا عندیہ دیا کہ بھارت کی یہ حرکت پی ایس ایل کے میچز کو متاثر کرنے کی کوشش تھی، اور اس کے نتیجے میں پی سی بی نے پی ایس ایل کے باقی میچز دبئی منتقل کرنے کا فیصلہ کیا ہے۔ محسن نقوی نے کہا کہ پاکستان کرکٹ بورڈ ہمیشہ کھیل اور سیاست کو الگ رکھنے کے اصول پر عمل پیرا رہا ہے، تاہم بھارت کی جانب سے راولپنڈی اسٹیڈیم کو نشانہ بنانا ایک غیر مناسب اور غیر ذمہ دارانہ عمل تھا۔ انہوں نے کہا کہ اس عمل سے یہ بات واضح ہوتی ہے کہ بھارت کا مقصد پی ایس ایل میں خلل ڈالنا تھا۔

محسن نقوی کا کہنا تھا کہ پی سی بی کے لیے غیر ملکی کھلاڑی ہمارے مہمان ہیں، اور ان کا ذہنی سکون ہماری اولین ترجیح ہے۔ اس لیے ہم نے پی ایس ایل کے باقی میچز دبئی منتقل کرنے کا فیصلہ کیا ہے تاکہ کھلاڑیوں کو کسی قسم کی ذہنی پریشانی کا سامنا نہ ہو۔چیئرمین پی سی بی نے مزید کہا کہ پاکستان سپر لیگ کی ترقی اور اس کے عالمی سطح پر فروغ کے لیے پی سی بی ہر ممکن کوشش کر رہا ہے اور اس فیصلے سے پی ایس ایل کی کامیابی میں مزید اضافہ ہوگا۔

بھارتی ٹیم کے فاسٹ بولر محمد شامی کو ایک کروڑ روپے کا تاوان نہ دینے کی صورت میں جان سے مارنے کی دھمکی دی گئی ہے۔

تفصیلات کے مطابق، بھارتی میڈیا نے اطلاع دی ہے کہ ریاست اتر پردیش کے ضلع امروہہ میں محمد شامی کے بھائی حسیب نے پولیس اسٹیشن میں ایف آئی آر درج کروائی ہے۔ ایف آئی آر کے مطابق، ایک شخص راجپوت سندر نے بذریعہ ای میل محمد شامی سے ایک کروڑ روپے کا تاوان طلب کیا ہے۔ایف آئی آر کے متن میں یہ بھی کہا گیا ہے کہ دھمکی دینے والے شخص نے محمد شامی کو یہ انتباہ دیا ہے کہ اگر وہ تاوان ادا نہیں کریں گے تو ان کی جان لے لی جائے گی۔ اس دھمکی کے بعد بھارتی پولیس نے فوری طور پر کارروائی کا آغاز کر دیا ہے اور ملزم کی تلاش شروع کر دی گئی ہے۔

محمد شامی ان دنوں بھارتی پریمیئر لیگ (آئی پی ایل) کی فرنچائز سن رائزز حیدرآباد کا حصہ ہیں، جہاں وہ اپنے فاسٹ بولنگ کے ساتھ ٹیم کی کامیابی میں اہم کردار ادا کر رہے ہیں۔ ان دھمکیوں کے بعد ان کے خاندان میں تشویش کی لہر دوڑ گئی ہے، اور پولیس کی جانب سے معاملے کی تحقیقات جاری ہیں۔بھارتی پولیس نے اس بات کی تصدیق کی ہے کہ وہ اس کیس کی تحقیقات کر رہی ہیں اور جلد ہی ملزم کو پکڑنے کی کوشش کی جائے گی۔

پی ایس ایل 10 کے 24 ویں میچ میں کراچی کنگز نے لاہور قلندرز کو سنسنی خیز مقابلے کے بعد شکست دیدی۔

لاہور میں کھیلے گئے میچ میں کراچی کنگز کو 168 رنز کا ہدف ملا جو انہوں نے 6 وکٹوں کے نقصان پر حاصل کرلیا۔قبل ازیں لاہور قلندرز نےمقررہ15اوورز میں 8وکٹوں کے نقصان پر160رنز بنائے،کراچی کنگز کو ڈی ایل ایس قانون کے تحت جیتنے کے لیے 168 رنز کا ہدف ملا۔اس جیت کے بعد کراچی کنگز پوائنٹس ٹیبل پر تیسرے اور لاہور قلندرز چوتھے نمبر پر آگئی ۔

لاہور کے قذافی سٹیڈیم میں کھیلے جانےوالے میچ میں کراچی کنگز نےلاہور قلندرز کے خلاف ٹاس جیت کر فیلڈنگ کا فیصلہ کیا ۔لاہور قلندرز نے پہلے کھیلتے ہوئے 8 وکٹوں کے نقصان پر 160 رنز بنائے۔لاہور قلندرز کی جانب سے محمد نعیم نے 5 چھکوں اور 6 چوکوں کی مدد سے 29 گیندوں پر تیز ترین 65 رنز بناکر آؤٹ ہوئے۔فخر زمان 51 رنز بنا کر پویلین لوٹے۔عبدا للہ شفیق نے 18 اور سکندر رضانے 8 رنز بنائے۔

کراچی کنگز کے جانب سے عباسی آفریدی نے 4 کھلاڑیوں کو آؤٹ کیا۔حسن علی ، میر حمزہ اور عامر جمال نے 1،1 وکٹ حاصل کی۔اس سے قبل لاہور قلندرز اور کراچی کنگز کے درمیان ہونے والا میچ بارش کے باعث روک دیا گیاہے۔بارش کے باعث لاہور قلندرز اور کراچی کنگز کا میچ پندرہ پندرہ اوورز تک محدود کر دیا گیا۔

بلاول بھٹو کے ایکس اکائونٹ پر پابندی، شرجیل میمن کی شدید مذمت

پانی کے ذخائر میں 16 لاکھ 74 ہزار ایکڑ فٹ اضافہ ریکارڈ

پاک بھارت کشیدگی ،وزیر اطلاعات، ڈی جی آئی ایس پی آر کی سیاسی رہنماؤں کو بریفنگ

دفاع، عزم اور طاقت کا نشان، پاکستان