اسلام آباد:پنجاب پولیس کی طرح وفاقی پولیس کی بھی سُنی گئی ہے اوراطلاعات ہیں کہ وفاقی وزیر داخلہ رانا ثنا اللہ نے اسلام آباد پولیس کی تنخواہیں بڑھانے کا اعلان کر تے ہوئے کہا ہے کہ جتنے بڑے شہر ہیں وہاں سیف سٹی کیمرے وقت کی اہم ضرورت ہیں،اسلام آباد سیف سٹی منصوبہ خامیوں کے باعث صحیح طور پر نہ چل سکا۔اہم جگہوں اور زیادہ ضرورت کی چیزوں کے لیے 4 کروڑ روپے مہیا کر دیئے گئے۔

اس سلسلے میں وزیر داخلہ رانا ثنا اللہ نے کہا کہ آئی جی اسلام آباد کو فوری فزیبلٹی بنانے کا کہا ہے اور اسی سال میں سو فیصد سیف سٹی کوریج کی جائے گی۔ وزیر اعظم نے قطعا اس کی ادائیگی میں کوئی حیل و حجت نہیں کی اور کوشش کریں گے اس مالی سال میں اسے مکمل کریں، ایک ارب 22 کروڑ روپے کی رقم شہدا کے لیے بقایا جات تھے اور افسوس ہے جنہوں نے قربانیاں دیں ان کے اہلخانہ دھکے کھاتے پھر رہے ہیں۔

شہدا کے لواحقین سے معذرت خواہ ہوں،رانا ثنا اللہ نے کہا کہ اسلام آباد پولیس نے مطالبہ کیا تھا کہ ان کی تنخواہیں پنجاب پولیس کے برابر کرنے کا تھا تو حکومت نے اسلام آباد پولیس کا مطالبہ پورا کر دیا ہے، اسلام آباد پولیس کی تنخواہیں اور مراعات پنجاب پولیس کے برابر کر دیئے گئے ہیں،

انہوں نے کہا کہ بدنام زمانہ دہشت گرد کو جہنم واصل کرنے پر تمام افراد اور ادارے مبارکباد کے مستحق ہیں اور جس ٹیم نے اس دہشت گرد کو مارا ہے انہیں بھی میڈل اور ایوارڈ دیئے جائیں گے۔ 140ملین کی ابتدائی رقم اسلام آباد پولیس کو دی گئی ہے،وزیر داخلہ نے کہا کہ فسادی ٹولے کو پسپا کرنے پر اسلام آباد پولیس اور سیکیورٹی اداروں کو ہر سہولت دی جائیں گی جبکہ اسلام آباد 3 طرف سے ایسے معاملات کا شکار ہو سکتا ہے۔

25 مئی کو فسادی ٹولہ اسلام آباد پر حملہ آور ہونا تھا لیکن پولیس، رینجرز اور دیگر سیکیورٹی حکام نے فسادی ٹولے کو پسپا کر دیا،رانا ثنا اللہ نے کہا کہ یہ سیف سٹی صرف سڑکوں پر نہیں بلکہ سب کچھ کیچ ہو گا اور کارروائی بھی ہو گی۔ کسی کو تشدد کی قطعا کوئی اجازت نہیں دی جاسکتی۔ فیصل آباد کی سیٹ ہم جیت رہے ہیں تاہم کچھ مشکلات بھی ہیں۔ بتائیں کیا انہوں نے بینرز کی اجازت لی تھی ؟ فیس ادا کی تھی؟

سابق وزیر داخلہ شیخ رشید نے ہنگامی بنیادوں پر ایک ویڈو بیان جاری کرتے ہوئے کہا کہ: ہم نے جو رات تین بجے عمران خان کے بڑے بڑے پوسٹرلگائے تھے،وہ انتظامیہ نے سرکاری ٹرکوں پر اتاری اور پھر جب ہم واپس آئے تو انہوں دوبارہ انہی جگہ پر عمران خان کے خلاف نازیبا پوسٹر لگا دیئے.

ان کا انتظامیہ پر الزام لگاتے ہوئے کہناتھا کہ: انتظامیہ ان سے ملی ہوئی ہے اورمیں مقتدر حلقوں کو کہنا چاہتا ہوں، اور ساتھ میں ایجنسیز کو بھی کہنا چاہتا ہوں یہ (امپورٹڈ حکومت) لڑائی کرنا چاہتے ہیں، اور ہم لڑائی سے اجتناب کریں اوراس سے بچنے کی ہر ممکن کوشش کریں گے.

انہوں نے مطالبہ کیا کہ: جو پوسٹر شہر میں بانٹے جارہے ہیں تحقیق کی جانی چاہئے کہ ان کے پیچھے کون ہے؟ اور ایسا کیوں کیا جارہا ہے.

ان کا کہنا تھا اگر کوئی لڑئی وغیرہ ہوئی تو آج صبح ہم نے جو صادق آباد تھانہ میں جن لوگوں کو پکڑ کر دیا ہے ان سے تفتیش ہونی چاہئے.

انہوں نے واضح کیا کہ اگر حالات خراب ہوئے تو اس کی زمہ دار یہ انتظامیہ اور امپورٹد حکومت ہوگی.

pic.twitter.com/RHjnxuxZ3F

— Sheikh Rashid Ahmed (@ShkhRasheed) July 2, 2022

شیخ رشید نے کہا کہ: آج 3 بجے لال حویلی سے ریلی کے ساتھ راشد شفیق کے ہمراہ رحمان آباد نکلوں گا۔22 فیصد مہنگائی52 فیصد بجلی،46 فیصد گیس،100 روپے لیٹر پیٹرول بڑھ گیا ہے۔اس لیے لوگ خود نکلیں گے۔ہمارے بینر اتارے اور عمران خان کے خلاف لگوائے جارہے ہیں۔حالات کی خرابی کی ذمّہ دار امپورٹڈ حکومت خود ہوگی۔

اسلام آباد:ہسپانوی حکومت نے پاکستان میں ہسپانوی سفارتخانے کے لئے نئے سفیر خوسے انتونیو کو نامزد کیاہے۔ ذرائع کے مطابق خوسے انتونیو جولائی کے پہلے ہفتے میں پاکستان روانہ ہوں گے۔

میڈرڈ میں پیدا ہونے والے خوسے انتونیو1990 سے سفارتکاری کے شعبے میں خدمات سرانجام دے رہے ہیں۔ نیو یارک میں اقوام متحدہ کے مشنز، یونیسکو کے ہیون رائٹس آفس مین ڈائریکٹر کے طور پر کام کرچکے ہیں۔ وہ بگوتا، کولمبیا، اور دہلی میں بھی خدمات سرانجام دے چکے ہیں۔

سپین میں مقیم پاکستانی کمیونٹی کے وفد نے نامزد سفیر سے مادرید میں ملاقات کی۔ نیوز ڈپلومیسی سے بات کرتے ہوئے سیاسی و سماجی رہنما اقبال چوہدری نے کہاکہ ملاقات میں پاکستانی کمیونٹی کو پاکستان میں سپین ایمبیسی میں درپیش مسائل لے حوالے سے آگاہ کیاگیاہے۔ جن میں فیملی ریگروپاسیون کے کیسزمیں تاخیر، نیشنلٹی رکھنے والے پاکستانیوں کو درپیش مسائل اور کاغذات کی تصدیق جیسے معاملات کی نشاندہی کی گئی ہے.
سفارتی ذرائع کا کہنا ہے کہ پاکستان میں ترکی کے نامزد سفیر مہمت پاکیچی رواں ہفتے اسلام آباد پہنچیں گے۔تفصیلات کے مطابق مہمت پاکیچی موجود ترک سفیر احسان مصطفی یرداکل کی جگہ لیں گے، رواں ہفتے احسان مصطفی یرداکل کی وطن واپسی متوقع ہے، مہمت پاکیچی کا شمار ترک صدر رچپ طیپ اردوان کے قابلِ اعتماد حلقوں میں ہوتا ہے۔

سفارتی ذرائع کا کہنا ہے کہ مہمت پاکیچی نے انقرہ یونیورسٹی کے شعبہ تھیالوجی ( دینیات) میں پی ایچ ڈی کر رکھا ہے، نامزد ترک سفیر انقرہ یونیورسٹی میں 1983 سے 2007 تک تدریس اور اکادیمیہ سے بھی منسلک رہے ہیں، مہمت پاکیچی 2014 سے 2019 تک ہولی سی میں بطور ترک سفیر ذمہ داریاں سر انجام دے چکے ہیں۔

وہ انقرہ میں ایوان صدارت کے شعبہ مزہبی امور میں بطور ڈی جی خارجہ امور بھی ذمہ داریاں انجام دے چکے ہیں، مہمت پاکیچی ترکی کے ایوان صدارت کے شعبہ مذہبی امور کی جانب سے بطور خصوصی ایلچی واشنگٹن ڈی سی میں ترک سفارت خانے میں بھی کام کر چکے ہیں۔

مہمت پاکیچی کو دور جدید میں قرآن پاک سے متعلق سوالات کی تشریح اور تفسیر میں خصوصی مہارت حاصل ہے، پاکستان پہنچنے کے بعد نامزد ترک سفیر اپنی سفارتی اسناد صدر مملکت ڈاکٹر عارف علوی کو پیش کریں گے۔

سینیٹ کی قائمہ کمیٹی برائے سائنس و ٹیکنالوجی کا اجلاس سینیٹر سردار محمد شفیق ترین کی زیر صدارت آج پارلیمنٹ ہاؤس میں منعقد ہوا۔

اجلاس کے آغاز میں مرحوم سینیٹر سکندر میندھرو کے انتقال پر اْنکی مغفرت کے لیے دعا کی گئی۔سینیٹر ثمینہ ممتاز کی بطور رکن نیشنل انسٹی ٹیوٹ آف اوشیانوگرافی، کراچی کے بورڈ آف گورنرز میں نامزدگی کی توثیق کے حوالے سے کمیٹی اجلاس میں تفصیلی غور کیا گیا۔ سینیٹر محمد ہمایوں مہمند کا موقف تھا کہ آئین پاکستان کے مطابق پارلیمنٹرین کسی بھی طرح سے حکومت کے کسی بھی ادارے سے منسلک نہیں ہونا چاہیے۔ اور یہ نامزدگی سینیٹر ثمینہ ممتاز کے لیے مسائل کا باعث بن سکتی ہے۔مناسب غور و خوض کے بعد کمیٹی نے اکثریتی رائے کے مطابق سینیٹر ثمینہ ممتاز کی نامزدگی کی توثیق کر دی۔

پی ایس ڈی پی کے تحت STEM تعلیمی نظام کے منصوبے کے بارے میں سیکرٹری وزارت سائنس و ٹیکنالوجی کی طرف سے کمیٹی کو بریفنگ دی گئی۔ اس منصوبے کے تحت پورے پاکستان سے پچاس اسکول کو سلیکٹ کیا گیا ہے جن میں اعلیٰ درجے کی سائنس لیبز بنائی جائیں گی اور طالب علموں کو مختلف سائنس پروگرامز میں عملی تربیت دی جائیگی۔ سینیٹر کامران مرتضیٰ کا کہنا تھا کہ اس منصوبے کے تحت پسماندہ علاقوں کے اسکولز کو بھی شامل کیا جائے۔ سینیٹر سید شبلی فراز نے کہا کہ یہ منصوبہ اْنکے دور میں شروع کیا گیا تھا اور اس کے مطابق پہلے پچاس سکولوں میں اس کو نافذ کیا جائیگا اور مستقبل میں اس کو مزید چار سو سکولوں تک پھیلایا جا سکے گا۔ اس منصوبے کے پروجیکٹ منیجمنٹ یونٹ میں پروجیکٹ ڈائریکٹر اور دیگر آسامیوں پر تقرریوں کے حوالے سے تفصیلی بحث کی گئی۔ سینیٹر شبلی فراز کا کہنا تھا کہ یہ آسامیاں اوپن میرٹ کے تحت مشتہر کی گئیں تھی اور اس پر تمام تر کام مکمل کر لیا گیا تھا۔ اسی پروسیس کو آگے بڑھاتے ہوئے تقرری کی جانی چاہیے۔ وزارت کے حکام نے بتایا کہ ایسٹبلشمنٹ ڈویژن کی جانب سے خط موصول ہوا تھا کہ پروجیکٹ کی تقرریاں بھی صوبائی کوٹہ کو مدنظر رکھتے ہوئے کی جائیں۔ جس کے باعث تقرری کے عمل کو روک دیا گیا ہے اور نئے سرے سے کوٹہ کے مطابق اشتہار دیا جائے گا۔ سینیٹر کامران مرتضیٰ کا کہنا تھا کہ کوٹہ سسٹم کو متعارف کرنے والا بنیادی قانون بھی لیپس ہو چکا ہے۔ اسی لیے اب اس کوٹہ کے مطابق تقرری کرنے کی کوئی قدغن نہیں رہی۔ چیئرمین کمیٹی نے وزارت میں حکام کو ہدایت دی کہ معاملے کہ دوبارہ جائزہ لیا جائے اور ایسٹبلشمنٹ ڈویژن کو خط کے ذریعے کمیٹی کے موقف اور قانونی صورت حال سے آگاہ کیا جائے۔

سیکرٹری وزارت سائنس و ٹیکنالوجی کی طرف سے NEECA کے انتظامی کنٹرول کو پاور ڈویژن سے وزارت سائنس اور ٹیکنالوجی کو منتقل کرنے کی تازہ ترین صورتحال کے بارے میں بریفنگ کے ساتھ ساتھ ایم ڈی NEECA نے ادارے کے کام اور مستقبل کی منصوبہ بندی پر بھی کمیٹی کو بریف کیا۔کمیٹی کو بتایا گیا کہ NEECA کے انتظامی کنٹرول کو پاور ڈویژن سے وزارت سائنس وٹیکنالوجی کو منتقل کر دیا گیا ہے۔

بھنگ اورافیوم سے ادویات بنانےاورکاشت سےمتعلق کام شروع 

حکومت خود بھنگ کی کاشت کرے گی: فواد چوہدری کا اعلان 

بھنگ برائے علاج : بھنگ برائے فروخت:حکومت نے استعمال کے لیے طریقہ کار کی منظوری دے دی

لاہور کے ہسپتالوں میں آکسیجن کی کیا صورتحال؟ تشویشناک خبر آ گئی

پاکستان اسٹیل کا پلانٹ شاید ایمرجنسی میں نہ چلایا جا سکے،وفاقی وزیر سائنس

بھنگ سے ادویات بنائیں گے،اطلاعات سے ہٹنے پر اللہ کا شکر ادا کیا، وزیر سائنس شبلی فراز

سپریم کورٹ میں ججز بھی "بھنگ” کے فائدے بتانے لگے

ایم پی سکیل میں ڈی جی (PSQCA) کی تقرری کے بارے میں بھی کمیٹی کو بریفنگ دی گئی۔ کمیٹی کو بتایا گیا کہ وزارت کی جانب سے تقرری کا عمل مکمل کرتے ہوئے تین نام کابینہ کو بھیجے گئے تھے اور اجلاس نہ ہونے اور حکومت کی تبدیلی کے باعث معاملہ تعطل کا شکار ہوا تھا۔ اب دوبارہ متعلقہ وزیر سے منظورِی کے بعد لسٹ کابینہ کو بھجوائی جائیگی۔بھنگ کی پالیسی کے حوالے سے کمیٹی کو بتایا گیا کہ قومی بھنگ پالیسی منظور کر لی گئی ہے۔ بھنگ کے دواؤں میں استعمال کے لئے عالمی سطح پر وسیع مواقع موجود ہے۔ اس وقت یہ چالیس بلین ڈالر کی مارکیٹ ہے جو اگلے چار سالوں میں سو بلین ڈالر تک پہنچ جائیگی۔ حکام نے بتایا کہ وزارت نے تمام اسٹیک ہولڈرز کے ساتھ مل کر ایک جامع پالیسی بنائی ہے اور جلد از جلد اس پر عمل درآمد شروع ہو جائے گا۔کمیٹی اجلاس میں سینیٹرز، محمد ہمایوں مہمند، فوزیہ ارشد، کامران مرتضیٰ، سید شبلی فراز، محمد اسد علی خان جونیجو، ثناجمالی، افنان اللہ خان اور متعلقہ وزارت کے حکام نے شرکت کی

کسی کی اتنی ہمت کیسے ہوگئی کہ وہ پولیس کی وردیوں میں آکر بندہ اٹھا لے،اسلام آباد ہائیکورٹ

پریس کلب پر اخباری مالکان کا قبضہ، کارکن صحافیوں نے پریس کلب سیل کروا دیا

صحافیوں کو کرونا ویکسین پروگرام کے پہلے مرحلے میں شامل کیا جائے، کے یو جے

کیا آپ شہریوں کو لاپتہ کرنے والوں کی سہولت کاری کر رہے ہیں؟ قاضی فائز عیسیٰ برہم

2016 سے اسلام آباد سے اٹھائے گئے کیس تو واضح ہیں کیا بنا اسکا؟ 

سپریم کورٹ کے چیف جسٹس عمر عطا بندیال نے اپنے ریمارکس میں کہا کہ : اب جوڈیشل ایکٹوازم کا دور نہیں رہا، لہذا ہر فیصلہ قانون کے مطابق ہوگا۔
چیف جسٹس کے ریمارکس کے مطابق: ایسا حکم دیں گے کہ ٹرائل بھی نہ رکے اور توہین عدالت کرنیوالوں کیخلاف کاروائی بھی چلتی رہے۔
عدالت عالیہ نے نیب سے ملزمان کی فہرست اور ٹرائل کی تفصیلات بھی طلب کیں۔
گزشتہ بدھ کو چیف جسٹس کی سربراہی میں تین رکنی بنچ نے ای او بی آئی غیر قانونی بھرتیوں اور کرپشن کیس میں توہین عدالت کے معاملہ کی سماعت کی ۔
ایک رپورٹ کے مطابق: سماعت کے دوران جسٹس یحیی آفریدی نے ریمارکس دیئے کہ : عدالت کو دی گئی رپورٹ میں ملزمان کی مکمل فہرست شامل نہیں۔
تاہم اسی دوران جسٹس عائشہ ملک نے سوال کیا: نیب ریفرنس کی کیا صورتحال ہے؟ تقرریاں تو 2009 ءسے شروع ہوئی تھیں۔

اس موقع پر چیف جسٹس عمر عطا بندیال کا کہنا تھا: سپریم کورٹ نے جنوری 2011 میں ای او بی آئی میں بھرتیاں روکنے کا حکم دیا، سپریم کورٹ کے حکم کے بعد ستمبر 2011ء سے مئی 2012 ء کے درمیان ای او بی آئی میں خلاف ضابطہ بھرتیاں کی گئیں.

اور سپریم کورٹ کے حکم کے بعد جن افراد نے بھرتیوں پر اثر انداز ہونے کی کوشش کی ان کا نام نیب رپورٹ میں موجود ہے۔

اسلام آباد پولیس کی طرف سے جاری کردہ اعلامیہ کے مطابق: وفاقی دارالحکومت میں شہریوں کی جان و مال کے تحفظ اور پیٹرولنگ کے نظام کو مزید موثر، بہتر بنانے اور جرائم پیشہ عناصر کی سرکوبی کیلئے اسلام آباد پولیس کی جانب سے چاق و چوبند گھڑ سوار دستے تعینات کرنے کا فیصلہ کیا گیا ہے۔

اسلام آباد پولیس ذرائع کے مطابق: گھڑ سوار دستوں کو پارکس، ہائیکنگ ٹریلز سمیت کچے راستوں اور پہاڑی علاقوں و دشوار گزار جگہوں پر جہاں پیٹرولنگ گاڑیاں ایگل اور فالکن کارآمد نہیں وہاں انسپکٹر جنرل پولیس کی ہدایت پر وہاں انہیں تعینات کیا جائے گا۔

(تصاویر بشکریہ اسلام آباد پولیس)

یہ گھڑ سوار دستے پیٹرولنگ کے ساتھ ساتھ پولیس کا عوام الناس میں بہتر تصور اجاگر کرنے میں بھی اپنا کلیدی کردار ادا کریں گے۔

وفاقی پولیس کے اس اقدام کو جہاں بیشتر شہریوں نے سراہا وہی کچھ شہریوں نے یہ سوال بھی اٹھایا کہ: یہ ‏فیصلہ سمجھ سے باہر ہے کیونکہ اس دور میں اسلام آباد جیسے شہر میں گھوڑے پالنا آسان ہے؟

ایک شہری کا مزید کہنا تھا کہ: اسلام آباد شہر کی وہ کون سی جگہ ہے جہاں بائیک نہیں جا سکتی لیکن گھوڑا جا سکتا ہے؟
لیکن کرائم رپورٹر علی عمران عباسی نے اسلام آباد پولیس کے اس اقدام کو ایک اچھا عمل قرار دیا۔