Tag: اسلام آباد

اسلام آباد ٹریفک پولیس نے شہریوں میں ٹریفک قوانین کی پاسداری اور مثبت رویوں کے فروغ کے لئے ’’گڈ سٹیزن کمپین‘‘ کا آغاز کر دیا ہے۔

اے پی پی کے مطابق چیف ٹریفک پولیس آفیسر کیپٹن (ر) حمزہ ہمایوں نے میڈیا سے گفتگو کرتے ہوئے کہا کہ اس مہم کا مقصد قانون کی پابندی کرنے والے ڈرائیورز کی حوصلہ افزائی کرنا ہے اس مہم کے تحت بہترین اور ذمہ دار ڈرائیونگ کرنے والے شہریوں کو موقع پر ہی شاباش دی جائے گی جبکہ ان کی گاڑیوں پر خصوصی سٹیکرز بھی چسپاں کئے جائیں گے تاکہ دیگر شہری بھی قانون کی پابندی کی جانب راغب ہوں۔

ایس ایس پی ٹریفک نے کہا کہ اسلام آباد ٹریفک پولیس صرف قانون نافذ کرنے والا ادارہ نہیں بلکہ شہریوں کی رہنمائی اور خدمت پر یقین رکھتی ہے، اچھے رویے اور ٹریفک قوانین پر عمل کرنے والوں کی حوصلہ افزائی سے سڑکوں پر نظم و ضبط بہتر ہوگا اور حادثات میں کمی آئے گی،کیپٹن (ر) حمزہ ہمایوں نے شہریوں سے اپیل کی کہ وہ ٹریفک قوانین کی پابندی کو اپنی ذمہ داری سمجھیں، لین ڈسپلن پر عمل کریں، ہیلمٹ اور سیٹ بیلٹ کا استعمال یقینی بنائیں اور مہذب ڈرائیونگ کے ذریعے ایک اچھے شہری ہونے کا ثبوت دیں۔

کیپٹن (ر) حمزہ ہمایوں نے کہا کہ وفاقی دارالحکومت اسلام آباد میں روزانہ تقریباً ساڑھے تین سے چار لاکھ گاڑیاں داخل ہوتی ہیں جبکہ ٹریفک پولیس کا عملہ ناکافی ہے، 2005 میں ٹریفک پولیس کی یہی تعداد تھی جبکہ ایک لاکھ 10 ہزار گاڑیاں رجسٹرڈ تھیں، اس وقت ساڑھے 17 لاکھ گاڑیاں رجسٹرڈ ہیں اور دیگر شہروں سے آنے والی گاڑیاں الگ ہیں، اسلام آباد ٹریفک پولیس کا لائسنس ویانا کنونشن کے تحت 35 ممالک میں ڈومیسٹک کے طور پر استعمال ہوتا ہے جس پر لرنر ٹائم کی معافی ہوتی ہے۔

انہوں نے کہا کہ اسلام آباد ٹریفک پولیس میں 2600 اہلکاروں کو بھرتی کرنے کیلئے متعلقہ حکام کو تجاویز دی ہوئی ہیں جس پر آئندہ مالی سال میں عمل ہو جائے گامختلف شاہراہوں پر پہلے سے نصب کیمرے کو فعال کیا گیا ہے جبکہ مزید تین ہزار نئے جدید کیمرے لگائے جا رہے ہیں،ہم احتساب گھر سے شروع کر رہے ہیں، کسی بھی پولیس ملازم اور سرکاری آفیسر کو خلاف ورزی پر رعایت نہیں ملے گی آئندہ ہفتے ہم نیو ایئر نائٹ کیلئے ایڈوائزری جاری کر رہے ہیں، ون ویلنگ، تیزرفتاری اور قانون کی خلاف ورزی کرنے والوں کے ساتھ سختی سے نمٹا جائے گا۔

ایس ایس پی نے کہا کہ ہم صرف پہلے مرحلہ میں ٹریفک قوانین سے آگاہی مہم چلا رہے ہیں، اس کے بعد لین کی خلاف ورزی اور غیر ذمہ دارانہ ڈرائیونگ کرنے والوں کو بھاری جرمانے کئے جائیں گےشہری لین کی پابندی کریں، درست ڈرائیونگ لائسنس ہمراہ رکھیں، سپیڈ لمٹ کی پاسداری کریں اور دورانِ ڈرائیونگ موبائل فون کے استعمال سے گریز کریں، ایسے شہری جن کے نام پر ماضی میں چالان نہیں ہوں گے اور جو ذمہ دار ڈرائیونگ کا مظاہرہ کریں گے، انہیں سراہا جائے گا اور اسلام آباد ٹریفک پولیس کا ایمبیسڈر بنایا جائے گا۔

انہوں نے بتایا کہ اس مہم کے تحت شہریوں کو ایک خوبصورت ڈیجیٹل کیو آر کوڈ سٹیکر دیا جائے گا جو گاڑی یا موٹر سائیکل پر لگایا جائے گا، اس سٹیکر کے ذریعے شہریوں کا ڈیٹا محفوظ ہوگا اور سیف سٹی کیمروں سمیت فیلڈ میں موجود ایجوکیشن ٹیمیں شہریوں کے ڈرائیونگ رویہ کا مشاہدہ کریں گی، بائیکرز کے لئے یہ سٹیکر ہیلمٹ پر لگایا جائے گا تاکہ ہیلمٹ کے استعمال کو یقینی بنایا جا سکے۔

کیپٹن (ر) حمزہ ہمایوں نے کہا کہ گڈ سٹیزن قرار پانے والے شہریوں کو ٹریفک پولیس کے فیسلیٹیشن سینٹرز میں خصوصی سہولیات فراہم کی جائیں گی جن میں مخصوص کاؤنٹرز شامل ہوں گے تاکہ ان کے امور تیز رفتاری سے انجام دیئے جا سکیں،اس کے علاوہ معمولی خلاف ورزیوں پر پہلے مرحلے میں وارننگ دی جائے گی، یہ مہم کسی محدود مدت کے لئے نہیں بلکہ ایک مستقل پالیسی اور سٹیٹمنٹ ہے جس کے ذریعے نئے سال میں ٹریفک پولیس کی ترجیح ایجوکیشن، فیسلیٹیشن اور آؤٹ ریچ کے ساتھ مؤثر انفورسمنٹ ہوگی۔

انہوں نے کہا کہ اگر شہری ٹریفک قوانین پر صرف پانچ فیصد بھی بہتر عملدرآمد کر لیں تو اس سے قیمتی جانیں بچائی جا سکتی ہیں،آخر میں انہوں نے میڈیا ہاؤسز اور شہریوں کا شکریہ ادا کرتے ہوئے اپیل کی کہ وہ اس مہم میں بھرپور تعاون کریں، ٹریفک قوانین کی پابندی کریں اور گڈ سٹیزن بن کر اسلام آباد ٹریفک پولیس کے ساتھ شراکت دار بنیں۔

اسلام آباد میں کیپیٹل ڈویلپمنٹ اتھارٹی (CDA) نے 30 مختلف مقامات پرمفت وائی فائی فراہم کرنے کا منصوبہ شروع کر دیا ہے۔

یہ منصوبہ نیشنل ٹیلی کمیونیکیشن کارپوریشن (NTC) کے تعاون سے عملی شکل اختیارکررہا ہے اورشہر کے مختلف اسٹیشنز، پارکس اور سیکٹرزمیں انٹرنیٹ کی مفت سہولت فراہم کرے گامنصوبے کے تحت میٹرو کے 84 اسٹیشنزکو شامل کیا گیا ہے جبکہ پارکس اوراہم مقامات جیسے پاک سیکریٹریٹ سے یو پی روڈ تک 14 اسٹیشنز اور فیض احمد فیض سے جی ٹی روڈ تک 70 اسٹیشنز میں وائی فائی سروس فراہم کی جائیگی، سی اے اے اسپتال، جاپان پارک، لیک ویو پارک، دامن کوہ اور فاطمہ جناح پارک میں بھی مفت وائی فائی دستیاب ہوگا،شہری ہفتہ وار بازاروں جیسا کہ جی سکس اور ایچ نائن کے بازاروں میں بھی اس سہولت سے مستفید ہو سکیں گے، اور اسلام آباد کے پوش سیکٹرز ایف سکس اور ایف سیون میں بھی وائی فائی فراہم کیا جائے گا۔

سی ڈی اے کے حکام کے مطابق یہ سہولت رواں ماہ کے اختتام تک مکمل ہو جائے گی، جس سے شہر کے شہریوں اور وزیٹرز کو جدید اور تیز رفتار انٹرنیٹ تک رسائی حاصل ہو گی منصوبے کا مقصد نہ صرف شہریوں کیلئے انٹرنیٹ کی سہولت کو فروغ دینا ہے بلکہ شہرکے اہم عوامی مقامات پر ڈیجیٹل رابطے کو بھی مضبوط بنانا ہے تاکہ شہری اور سیاح دونوں جدید ٹیکنالوجی سے بھرپورفائدہ اٹھا سکیں۔

قومی اسمبلی میں دلچسپ صورتحال پیدا ہوگئی، ایک رکن کے پیسے گرے جو اسپیکر تک پہنچے، اسپیکر نے پوچھا پیسے کس کے ہیں تو بارہ اراکین نے ہاتھ کھڑے کردیے۔

اسپیکر قومی اسمبلی ایاز صادق نے پیسے ہاتھ میں پکڑ کر کہاکہ یہ کسی کے پیسے گر گئے ہیں؟اسپیکر قومی اسمبلی نے پیسے ایوان میں لہرا کر اعلان کیا اور بتایا کہ اپوزیشن کے ایوان میں آنے سے قبل کسی رکن کے پیسے زمین پر گرے ہوئے ملے ہیں، کئی اراکین نے ہاتھ اٹھا لیے، جس پر اسپیکر نے مزاحیہ انداز میں کہاکہ یہ تو 12 اراکین نے ہاتھ کھڑے کر دیے ہیں، اتنے پیسے نہیں کہ سب کے ہاتھ بھر جائیں۔

بعد ازاں، اجلاس کو ملتوی کرنے کے بعد اسپیکر نے دوبارہ پیسوں کی ملکیت کے بارے میں اعلان کیا، جس کے بعد یہ معلوم ہوا کہ گمشدہ پیسے رکن اسمبلی اقبال آفریدی کے ہیں،اسپیکر نے واضح کیاکہ یہ پیسے اقبال آفریدی کو ہی واپس کیے جائیں گے، جو اصل مالک ہیں۔

اسلام آباد: وزارت داخلہ نے 20 نئی گاڑیاں خریدنے کا فیصلہ کر لیا۔

ذرائع کے مطابق 10 ریوو ڈالے اسلام آباد پولیس اور 10 انتظامی افسران کو دیے جائیں گے، ریوو ڈالے اسلام آباد کے تمام 8 اسسٹنٹ کمشنرز کو فراہم کیے جائیں گےآپریشن ڈویژن میں تعینات ایس پیز کو بھی نئی گاڑیاں ملیں گی، ایڈیشنل ڈپٹی کمشنر جنرل اور ایس ایس پی آپریشنز بھی ریوو ڈالے استعمال کریں گےایس ایس پی انویسٹی گیشن، سیکیورٹی اور سی ٹی او بھی ریوو ڈالا استعمال کریں گے، ایس پی ڈولفن اسلام آباد پولیس ریوو ڈالے استعمال کرے گی جو اکتوبر میں سپرد کئے جائیں گےوزارت داخلہ کے حکام کا کہنا ہے کہ ریوو ڈالے لینے کا مقصد افسران کو آپریشنز میں آسانی فراہم کرنا ہے، کاروں میں اسسٹنٹ کمشنرز اور ایس پیز کو آپریشنز میں دشواری کا سامنا تھا۔

اسلام آباد کی ضلعی انتظامیہ نے حالیہ بارشوں کے بعد مارگلہ ہلز کے چند مشہور ٹریلز کو عارضی طور پر بند کر دیا۔

نوٹیفکیشن کے مطابق ٹریل نمبر 2، 3، 4، 5 اور سیدپور گاؤں کے عقب میں واقع ٹریل عوامی رسائی کے لیے بند ہیں۔انتظامیہ کا کہنا ہے کہ یہ اقدام شہریوں اور ہائیکرز کی حفاظت کو یقینی بنانے کے لیے کیا گیا ہے۔ یکم ستمبر سے ان ٹریلز پر پابندی عائد ہے جو مزید احکامات تک برقرار رہے گی۔واضح رہے کہ اس سے قبل 24 اگست کو بھی شدید بارشوں کی پیشگوئی کے باعث مارگلہ ہلز کے تمام ٹریلز بند کیے گئے تھے۔

سیالکوٹ انٹرنیشنل ایئرپورٹ پر فضائی آپریشن بحال

راشد خان ٹی20 میں سب سے زیادہ وکٹیں لینے والے بولر بن گئے

ایران پر دوبارہ پابندیاں، یورپی کوشش چین اور روس نے مسترد کر دی

جوا پروموشن کیس میں گرفتاریوں کا دائرہ وسیع، مناہل ملک بھی ریڈار پر

وفاقی دارالحکومت اسلام آباد میں آئندہ 72 گھنٹوں کے دوران مزید بارشوں کی پیش گوئی کے باعث تمام ٹریلز عوام کے لیے بند کر دیے گئے ہیں۔

ضلعی انتظامیہ کی جانب سے جاری نوٹیفکیشن میں کہا گیا ہے کہ شہریوں کی حفاظت کے پیش نظر مارگلہ ہلز کی ٹریل نمبر 2، 3، 4 اور 5 پر داخلہ ممنوع ہوگا۔نوٹیفکیشن کے مطابق ہائیکنگ ٹریلز پر یہ پابندی 19 اگست تک نافذ العمل رہے گی۔واضح رہے کہ این ڈی ایم اے نے متعلقہ اداروں کو ہدایت کی ہے کہ متاثرہ علاقوں میں عوامی تحفظ کے لیے سیاحتی سرگرمیوں پر فوری پابندیاں عائد کی جائیں اور خطرناک مقامات پر آمدورفت محدود کی جائے۔ ضرورت پڑنے پر دفعہ 144 کے تحت بھی پابندیاں نافذ کی جا سکتی ہیں۔

این ڈی ایم اے نے عوام سے گزارش کی ہے کہ وہ متاثرہ علاقوں کا سفر کرنے سے گریز کریں جبکہ قانون نافذ کرنے والے ادارے سیاحتی پابندیوں پر عملدرآمد یقینی بنائیں۔

ٹیرف تنازع، امریکا بھارت تجارتی مذاکرات منسوخ

پاکستان میں سیلاب پر روس، ترکیہ اور مصر کا اظہارِ افسوس

اسلام آباد میں پاکستان تحریک انصاف (پی ٹی آئی) کی پارلیمانی پارٹی اجلاس کے دوران اراکین کے درمیان سخت بحث و تکرار ہوئی۔

ذرائع کے مطابق کئی اراکین نے اسمبلی اجلاس سے بائیکاٹ کی مخالفت کرتے ہوئے کہا کہ اجلاس میں شرکت ضروری ہے کچھ اراکین نے قیادت سے شکوہ کیا کہ ’اسپیکر بار بار کہتا ہے آکر بیٹھ جائیں تو پھر کیوں نہیں بیٹھتے‘،کئی رہنما پارلیمانی پارٹی اجلاس چھوڑ کر باہر چلے گئے جبکہ بعض اراکین نے قیادت پر کمپرومائز ہونے کے الزامات بھی لگائے۔

پارلیمانی پارٹی اجلاس میں شامل پی ٹی آئی کے ایم این ایز کا کہنا تھا کہ ہم نے بل پر محنت کی ہے، لیکن جب اسے پیش کرنے کا وقت آتا ہے تو قیادت بائیکاٹ کر لیتی ہےاجلاس میں ایم این ایز نے 14 اگست کی حکمت عملی اور 5 اگست کے احتجاج کے فیصلے پر بھی سوالات اٹھائے، اجلاس میں ایم این ایز نے شکایت کی کہ ہمیں کنفیوژ کیا جا رہا ہے۔

معرکہ حق یومِ آزادی کے موقع پر آئی ایس پی آر کا نیا نغمہ جاری

ادھریوم آزادی پر احتجاج کے حوالے سے پی ٹی آئی رہنما نے کارکنوں کو خاص ہدایات دی ہیں۔

ذرائع کے مطابق پاکستان تحریک انصاف کی جانب سے جشن آزادی کے حوالے سے اسلام آباد میں ریلی نکالی جائے گی، جس کی قیادت پی ٹی آئی کے صدر عامر مغل کریں گےریلی رات 9 بجے زیروپوائنٹ سے نکالی جائے گی اس حوالے سے عامر مغل نے کارکنوں کو ہدایات دی ہیں کہ تمام کارکنان اور عوام ایک ہاتھ میں پاکستان کا جھنڈا اور دوسرے ہاتھ میں پی ٹی آئی کا جھنڈا اور عمران خان کی تصویر لے کر نکلیں گے، پارٹی ہدایت کے مطابق کوئی احتجاج نہیں ہو گا صرف جشن آزادی منایا جائے گا۔

فیلڈ مارشل عاصم منیر کو آذربائیجان کے اعلیٰ ترین میڈل سے نواز دیا گیا

اسلام آباد، راولپنڈی، جہلم، سرائے عالمگیر، چکوال سے لے کر شانگلہ تک زلزلے کے شدید جھٹکے محسوس کیے گئے، جس کے باعث شہری خوفزدہ ہو کر کلمہ طیبہ کا ورد کرتے ہوئے گھروں اور عمارتوں سے باہر نکل آئے۔

🔍 زلزلے کی شدت: 5.1 ریکٹر اسکیل پر نوٹ کی گئی،مرکز اسلام آباد کے قریب روات سے 15 کلومیٹر جنوب مشرق میں جبکہ گہرائی: 10 کلومیٹر زیر زمین اور دورانیہ چند سیکنڈز ریکارڈ کیا گیا.زلزلہ اچانک آیا، مگر شدت نے خوف کی فضا پیدا کر دی۔ تاحال کسی جانی یا مالی نقصان کی اطلاع نہیں ملی۔

زلزلے کے بعد ریسکیو ادارے الرٹ کر دیے گئے،متعلقہ حکام نے عوام سے احتیاطی تدابیر اختیار کرنے کی اپیل کی ہے.صورتحال پر نظر رکھنے کے لیے ایمرجنسی سسٹم فعال کر دیا گیا ہے.زلزلے کے بعد مختلف علاقوں میں لوگ کھلے میدانوں میں جمع ہو گئے اور آفٹر شاکس کے خدشے کے پیش نظر محتاط رہنے کی ہدایت جاری کی گئی ہے۔

ایرانی وزیر خارجہ کا استقبال، پاک ایران تعلقات مزید مستحکم بنانے پر اتفاق

یرغمالیوں کی رہائی پر معاہدہ نہ ہوا تو جنگ جاری رہے گی: سربراہ اسرائیلی فوج

4 سے 7 اگست تک ملک بھر میں موسلادھار بارشوں کی پیشگوئی