Tag: ایران

سعودی عرب نے واضح کیا ہے کہ واشنگٹن پوسٹ کی رپورٹ میں پیش کیا گیا تاثر حقائق کے منافی ہے اور سعودی عرب کے مؤقف کی درست عکاسی نہیں کرتا۔

امریکی اخبار واشنگٹن پوسٹ کی ایک حالیہ رپورٹ میں دعویٰ کیا گیا ہے کہ امریکا نے ایران پر حملہ کرنے سے قبل اسرائیل اور سعودی عرب کے ساتھ مشاورت کی تھی اور یہ کارروائی مبینہ طور پر ہفتوں پر محیط لابنگ کے بعد عمل میں آئی تاہم امریکا میں موجود سعودی سفارتخانے نے اس رپورٹ کو مکمل طور پر مسترد کرتے ہوئے اسے گمراہ کن اور غلط قرار دیا ہے۔

واشنگٹن پوسٹ کی رپورٹ کے مطابق صدر ڈونلڈ ٹرمپ نے ایران کے خلاف حملوں کا فیصلہ ایسے وقت میں کیا جب اسرائیل اور سعودی عرب کی جانب سے امریکی انتظامیہ کے ساتھ رابطے جاری تھ۔ اخبار نے اپنی رپورٹ میں نام ظاہر نہ کرنے والے 4 باخبر ذرائع کا حوالہ دیتے ہوئے دعویٰ کیا کہ ان ممالک کی جانب سے ایران کے خلاف سخت مؤقف اختیار کرنے پر زور دیا گیا تھارپورٹ میں یہ تاثر دیا گیا کہ خطے کی صورتحال اور اتحادیوں کی تشویش کے تناظر میں امریکا نے کارروائی کا فیصلہ کیا۔

کچھ قوتیں مسلم ممالک کے درمیان اختلافات کو ہوا دینا چاہتی ہیں،علامہ طاہر اشرفی

اس رپورٹ کے بعد واشنگٹن میں سعودی سفارتخانے کے ترجمان فہد ناظر نے اس تاثر کو سختی سے مسترد کرتے ہوئے اسے گمراہ کن اور غلط قرار دیا انہوں نے واضح کیا کہ سعودی عرب نے ہمیشہ ایران کے حوالے سے سفارتی حل اور قابل اعتبار معاہدے کی حمایت کی ہے اور کسی بھی مرحلے پر امریکی صدر کو مختلف یا جارحانہ پالیسی اپنانے کے لیے قائل کرنے کی کوشش نہیں کی۔

سعودی مؤقف ہے کہ ریاض کی خارجہ پالیسی کا بنیادی ستون کشیدگی میں کمی، مذاکرات، علاقائی استحکام اور مسلم دنیا میں اتحاد کا فروغ ہے۔ اس دعوے کی تائید تاریخ کے مختلف ادوار میں سعودی کردار سے بھی ہوتی ہے، جہاں ریاض نے سفارتی، انسانی اور مالی سطح پر متعدد مسلم ممالک کی مدد کی۔

عمران خان کا آنکھ کے علاج کیلئے اسلام آباد ہائی کورٹ سے رجوع

امریکا میں ہر چار میں سے صرف ایک شہری ایران پر امریکی حملوں کا حامی ہے۔

ایک حالیہ سروے کے مطابق امریکا میں ایران کے خلاف امریکی اسرائیلی حملوں کی حمایت محدود دکھائی دیتی ہے حتیٰ کہ حکمران پارٹی ’ ریپبلیکن‘ بھی تقسیم کی شکار ہے، رائٹرز اور سروے ادارے اپسوس کی جانب سے کیے گئے مشترکہ جائزے میں معلوم ہوا ہے کہ صرف ہر 4 میں سے ایک امریکی ایران پر حملوں کی حمایت کرتا ہے۔

ایپسوس سروے کے مطابق ایران پر حملوں سے صدر ٹرمپ کی مقبولیت کا گراف بھی ایک فیصد گرگیا،27 فیصد افراد نے امریکی حملوں کی حمایت کی اور43 فیصد نے مخالفت کی جب کہ 29 فیصد افراد اس بارے میں یقینی طور پر کوئی فیصلہ نہیں کرسکے۔

امریکا سے کوئی مذاکرات نہیں ہوں گے،ایران کے سیکیورٹی چیف کا اعلان

اعداد و شمار سے ظاہر ہوتا ہے کہ ایران پر امریکی حملوں کے حوالے سے ریپبلکن ووٹرز میں حمایت نسبتاً زیادہ ہے، تاہم وہ بھی مکمل طور پر متفق نہیں۔ تقریباً 55 فیصد ریپبلکنز نے امریکی اسرائیلی کارروائیوں کی حمایت کی، 13 فیصد نے مخالفت کی جبکہ 32 فیصد نے غیر یقینی کا اظہار کیا، تقریباً 42 فیصد ریپبلکن جواب دہندگان نے کہا کہ اگر اس کارروائی کے نتیجے میں مشرقِ وسطیٰ میں تعینات امریکی فوجی ہلاک یا زخمی ہوتے ہیں تو وہ اس آپریشن کی حمایت کم کر دیں گے۔

پاکستان میں امریکی سفارت اور قونصل خانوں کی سروسز معطل

تجزیہ کاروں کے مطابق یہ نتائج اس بات کی نشاندہی کرتے ہیں کہ ایران کے خلاف کسی بھی ممکنہ فوجی مہم جوئی کے معاملے پر امریکی عوام کی رائے منقسم ہے اور جانی نقصان کی صورت میں حمایت مزید کم ہو سکتی ہے۔

واضح رہے کہ ایران پر امریکی اور اسرائیل کے مشترکہ حملے کے بعد ایران کی جانب سے جوابی کارروائی جاری ہے جب کہ امریکا اور اسرائیل بھی ایران پر حملے جاری رکھے ہوئے ہیں جس کے نتیجے میں ایران کے سپریم لیڈر آیت اللہ خامنہ ای سمیت اعلیٰ فوجی حکام شہید ہوگئے ہیں۔

بیروت اور جنوبی لبنان پر شدید اسرائیلی بمباری، 31 جاں بحق، درجنوں زخمی

تہران: ایران کی قومی سلامتی کونسل کے سیکریٹری علی لاریجانی نے امریکا کے ساتھ مذاکرات کی خبروں کی سختی سے تردید کرتے ہوئے کہا ہے کہ ایران واشنگٹن سے کوئی بات چیت نہیں کرے گا۔

ان کا بیان امریکی اخبار وال اسٹریٹ جرنل کی اس رپورٹ کے بعد سامنے آیا جس میں دعویٰ کیا گیا تھا کہ خامنہ ای کی ہلاکت کے بعد لاریجانی نے عمانی ثالثوں کے ذریعے امریکا سے جوہری مذاکرات بحال کرنے کی کوشش کی۔

سوشل میڈیا پلیٹ فارم ایکس پر اپنے بیان میں علی لاریجانی نے کہا، ’ہم امریکا کے ساتھ مذاکرات نہیں کریں گے،علی لاریجانی نے امریکی صدر ٹرمپ کو تنقید کا نشانہ بناتے ہوئے کہا کہ ٹرمپ نے اپنی ’خیالی تصورات‘ کے باعث مشرقِ وسطیٰ کو افراتفری میں دھکیل دیا ہے اور اب مزید امریکی ہلاکتوں سے خوفزدہ ہیں۔

پاکستان میں امریکی سفارت اور قونصل خانوں کی سروسز معطل

انہوں نے کہا کہ ٹرمپ نے اپنے ’امریکا فرسٹ‘ کے نعرے کو ’اسرائیل فرسٹ‘ میں بدل دیا اور امریکی فوجیوں کو اسرائیل کے مفادات کی خاطر قربان کیا اس کی قیمت امریکی فوجیوں اور ان کے خاندانوں کو چکانا پڑے گی جبکہ ایران اپنے دفاع کا حق برقرار رکھے گا، ایران کی مسلح افواج نے جارحیت کا آغاز نہیں کیا، ایرانی قوم اپنا دفاع کر رہی ہے-

کراچی : امریکن قونصلیٹ جانے والے تمام راستے بند،اسلام آباد میں ریڈ زون بھی مکمل سیل

ایران کی جانب سے کویت ،بحرین ،قطر اور دبئی پر تازہ حملے کیے گئے جس میں کئی امریکی تنصیبات کو نشانہ بنایا گیا۔

الجزیرہ کے مطابق کویت میں امریکی سفارتخانے سے دھواں اٹھتا دکھائی دیا،کچھ دیر پہلے ایران نےکویت پر ڈرون حملہ کیا تھا کویتی حکام کےمطابق ایرانی ڈرونز کا ملبہ گرنے سے دو افراد زخمی ہوگئے، ڈرونز کا ملبہ مینا الاحمدی ریفائنری کے قریب گرا، کچھ دیر پہلے کویت نے ایرانی ڈرون تباہ کرنے کا دعویٰ کیا تھا

ادھر بحرین میں ایک بار پھر سائرن بج اٹھے، بحرینی حکام کی شہریوں کو محفوظ مقامات پر رہنے کی ہدایت کردی ہے دوسری جانب قطری دارالحکومت دوحہ میں زوردار دھماکے سنے گئے، دوحہ کی فضاؤں میں چھ دھماکے سنائی دیے۔

بلوچستان میں دفعہ 144 نافذ

اس سے قبل بھی ایران نے خلیجی ممالک میں موجود امریکی فوجی اڈوں اور اسرائیل پر میزائل داغے امریکی حکام کے مطابق ایرانی حملوں میں تین امریکی فوجی ہلاک اور پانچ زخمی ہوئے۔ امریکا اور برطانیہ کے تین آئل ٹینکرز کو بھی نشانہ بنائے جانے کی اطلاعات ہیں یو ایس سینٹ کام نے امریکی بحری بیڑے ابراھیم لنکن پر چار بیلسٹک میزائل داغنے کی خبروں کی تردید کی ہے۔

بھارتی چینل ہیک کرلیا گیا،’پاکستان ہمیشہ زندہ باد’ کے نعرے چل گئے

اسرائیل کے مقبوضہ بیت المقدس کے علاقے بیت شمیش پر ایران نے فتح ٹو میزائل سے حملہ کیا جس کے نتیجے میں نو اسرائیلی ہلاک اور درجنوں زخمی ہو گئے۔ کئی عمارتیں ملبے کا ڈھیر بن گئیں جبکہ متعدد گاڑیاں بھی تباہ ہوئیں ایران کی جانب سے رات گئے اسرائیل پر مزید میزائل داغے گئے جن میں ایک دفاعی عمارت کو نشانہ بنائے جانے کی اطلاع ہے اسرائیل کے جنوبی علاقوں میں سائرن بج اٹھے اور اسپتالوں میں ایمرجنسی نافذ کر دی گئی۔ صورتحال کے پیش نظر خطے میں کشیدگی مزید بڑھ گئی ہے۔

اسلامی تعاون تنظیم (او آئی سی) نے ایران کی جانب سے سلطنت عمان کی دقم بندرگاہ اور عمان کے ساحل کے قریب ایک آئل ٹینکر پر مبینہ حملوں کی شدید الفاظ میں مذمت کی ہے۔

او آئی سی کے جنرل سیکریٹریٹ کی جانب سے جاری کردہ بیان کے مطابق ان کارروائیوں کو عمان کی خودمختاری اور علاقائی سالمیت کی کھلی خلاف ورزی قرار دیا گیا ہے،بیان میں کہا گیا ہے کہ شہری تنصیبات کو نشانہ بنانا اور عام شہریوں کی جانوں کو خطرے میں ڈالنا بین الاقوامی قانون اور حسنِ ہمسائیگی کے اصولوں کی خلاف ورزی ہے، جو خطے میں خطرناک کشیدگی کا باعث بن سکتی ہے،ایسے اقدامات نہ صرف علاقائی امن کے لیے نقصان دہ ہیں بلکہ سفارتی کوششوں کو بھی متاثر کرتے ہیں۔

ایران کا بحیرۂ روم میں برطانوی فوجی اڈے پر حملہ

او آئی سی جنرل سیکریٹریٹ نے سلطنت عمان کے ساتھ مکمل یکجہتی کا اظہار کرتے ہوئے کہا کہ عمان نے ایران اور امریکا کے درمیان بحران کے پرامن حل کے لیے اہم اور قابلِ قدر ثالث کا کردار ادا کیا ہے،او آئی سی نے عمان کی خودمختاری، سلامتی اور استحکام کے تحفظ کے لیے اپنی حمایت کا اعادہ کیا، تمام فریقین پر زور دیا کہ وہ تحمل کا مظاہرہ کریں، بین الاقوامی قوانین کی پاسداری کریں اور خطے میں امن و استحکام کے قیام کے لیے تعمیری مذاکرات کو فروغ دیں۔

برطانیہ نے امریکا کو اپنے فوجی اڈے استعمال کرنے کی اجازت دے دی

امریکی صدر ڈونلڈ ٹرمپ نے ایرانی فورسز کو دھمکی دی ہے کہ اگر انہوں نے ہتھیار نہ ڈالے تو موت کا سامنا کرنا پڑے گا۔

میڈیا سے گفتگو کرتے ہوئے امریکی صدر نے کہا کہ امریکا دنیا کا طاقتور ترین ملک ہے اور ایران میں سیکڑوں اہداف کو نشانہ بنایا گیا ہےایرانی رجیم کو کسی صورت ایٹمی ہتھیاروں تک رسائی نہیں دی جا سکتی، ایران کے خلاف جنگ ایک ماہ تک جاری رہ سکتی ہے اور مقاصد حاصل ہونے تک کارروائی جاری رکھی جائے گی انہوں نے یہ بھی تسلیم کیا کہ اس دوران مزید امریکیوں کی ہلاکتوں کا امکان موجود ہے۔

امریکی صدر کا کہنا تھا کہ ایرانی حملے میں تین امریکی فوجی ہلاک ہوئے ہیں انہوں نے دعویٰ کیا کہ پاسدارانِ انقلاب کی تنصیبات، ایرانی فضائی دفاعی نظام، نو بحری جہاز اور ایرانی بحریہ کی ایک عمارت کو بھی نشانہ بنایا گیا ہے ایران ایک بڑا اور مضبوط ملک ہے، لیکن اس کی ملٹری کمان اب ختم ہو چکی ہے اور بہت سے لوگ ہتھیار ڈالنا چاہتے ہیں صدر ٹرمپ نے پاسدارانِ انقلاب کو خبردار کرتے ہوئے کہا کہ اگر انہوں نے ہتھیار نہ ڈالے تو انہیں موت کا سامنا کرنا پڑے گا۔

برطانیہ نے امریکا کو اپنے فوجی اڈے استعمال کرنے کی اجازت دے دی

امریکی صدر نے مزید کہا کہ جنگ کے بعد ایران میں جمہوریت قائم ہوگی اور ایرانی عوام کو چاہیے کہ وہ اس موقع سے فائدہ اٹھائیں اور اپنا ملک واپس لیں اس معاملے پر سعودی عرب، بحرین، متحدہ عرب امارات، قطر اور اردن کے رہنماؤں سے بھی بات چیت کی گئی ہے،امریکی صدر نے ایک بار پھر زور دے کر کہا کہ ایران کو ایٹمی ہتھیار حاصل کرنے کی اجازت نہیں دی جائے گی اور خطے میں استحکام کے لیے ضروری اقدامات جاری رکھے جائیں گے۔

دوسری جانب ایران کی جانب سے بھی مذاکرات پر آمادگی ظاہر کی گئی ہے ایرانی وزیر خارجہ عباس عراقچی کا کہنا ہے کہ ایران امریکا سے بات چیت کے لیے تیار ہے تاہم ایرانی مؤقف کے مطابق سپریم لیڈر کی شہادت نے صورتحال کو مزید خطرناک بنا دیا ہے اور تہران پر بمباری سے ایران کی جنگی صلاحیت پر کوئی اثر نہیں پڑا۔

ایرانی حملے: متحدہ عرب امارات میں اسٹاک مارکیٹس دو دن کے لیے بند

متحدہ عرب امارات نے ایران کے جوابی میزائل اور ڈرون حملوں کے بعد پیدا ہونے والی صورتحال کے پیش نظر پیر اور منگل کو ملک کی اسٹاک مارکیٹس بند رکھنے کا حکم دے دیا ہے۔

یو اے ای کی کیپیٹل مارکیٹس اتھارٹی نے اعلان کیا کہ ابوظہبی سیکیورٹیز ایکسچینج اور دبئی فنانشل مارکیٹ 2 اور 3 مارچ کو بند رہیں گی وہ بطور نگران اور ریگولیٹری اتھارٹی خطے کی صورتحال پر مسلسل نظر رکھے ہوئے ہے اور ضرورت پڑنے پر مزید اقدامات کیے جائیں گے۔

اتوار کو کھلنے والی خلیجی مارکیٹس میں شدید مندی دیکھنے میں آئی، سعودی عرب کا مرکزی انڈیکس 4 فیصد سے زائد گر گیا، عمان میں 3 فیصد کمی ہوئی جبکہ مصر کے مرکزی انڈیکس میں 5.44 فیصد کمی ریکارڈ کی گئی، کویت نے ٹریڈنگ مکمل طور پر معطل کر دی سرمایہ کاروں کو ہدایت کی گئی ہے کہ وہ ٹریڈنگ کی بحالی سے متعلق سرکاری ذرائع سے معلومات حاصل کریں۔

ایرانی حملے: متحدہ عرب امارات میں اسٹاک مارکیٹس دو دن کے لیے بند

ملک کی دونوں بڑی ایکسچینجز میں خطے کی کئی قیمتی اور نمایاں کمپنیوں کے شیئرز درج ہیں مارکیٹس کی بندش کے باعث اربوں ڈالر مالیت کے اثاثے عارضی طور پر منجمد ہو گئے ہیں جبکہ سرمایہ کار ہفتہ اور اتوار کو ہونے والے حملوں سے ہونے والے نقصانات کی نوعیت اور شدت کے بارے میں وضاحت کے منتظر ہیں ان حملوں میں ہوائی اڈوں، بندرگاہوں اور رہائشی علاقوں کو نشانہ بنایا گیا تھا-

دوسری جانب متحدہ عرب امارات میں ایمازون ڈیٹا سینٹر پر بمباری کی گئی،جس کے بعد ایمازون نے اپنا ڈیٹا سینٹر بند کر دیا-

موٹر سائیکل چور رنگے ہاتھوں پکڑا گیا،پولیس کے حوالے کر دیا گیا

کرپٹو کو ایل سائمن ہیز نے ایکس پر پوسٹ کیا کہ متحدہ عرب امارات میں ایمیزون ڈیٹا سینٹر پر مبینہ طور پر ایرانی حملوں کے دوران بمباری کی گئی اس واقعے نے خطے میں بین الاقوامی انفراسٹرکچر کی حفاظت اور سلامتی کے بارے میں خدشات کو جنم دیا ہے نقصان کی حد اور کسی بھی ممکنہ جانی نقصان کے بارے میں تفصیلات فی الحال واضح نہیں ہیں، حکام سے توقع کی جاتی ہے کہ وہ صورتحال کی مزید تفتیش کریں گے تاکہ اثرات کا اندازہ لگایا جا سکے اور علاقے میں دیگر سہولیات کی حفاظت کو یقینی بنایا جا سکے۔

میزائل حملوں کے بعد یو اے ای نے شہریوں کے لیے ہدایات جاری کر دی ہیں-

امریکا اور اسرائیل کی ایران کے خلاف جاری جنگ کے دوسرے روز متحدہ عرب امارات میں سیکیورٹی صورتحال کے پیشِ نظر حکام نے ہنگامی اقدامات کیے ہیں گلف نیوز کے مطابق نیشنل ایمرجنسی کرائسز اینڈ ڈیزاسٹر مینجمنٹ اتھارٹی نے سوشل میڈیا پیغام میں کہا ہے کہ صورت حال مکمل کنٹرول میں ہے اور عوام کی سلامتی اولین ترجیح ہے تمام متعلقہ ادارے 24 گھنٹے نگرانی کر رہے ہیں اور قومی سطح پر مربوط حکمت عملی کے تحت حفاظتی اقدامات جاری ہیں ، حکام نے شہریوں کو ہدایت کی ہے کہ وہ پرسکون رہیں، گھروں کے اندر یا محفوظ مقامات پر قیام کریں اور صرف سرکاری ذرائع پر اعتماد کریں۔

وزارتِ داخلہ نے ہنگامی الرٹ جاری کرتے ہوئے واضح ہدایات دی ہیں کہ اگر میزائل حملے کی وارننگ یا سائرن سنائی دے تو فوری طور پر قریبی محفوظ عمارت میں پناہ لی جائے، کھڑکیوں، دروازوں اور کھلے مقامات سے دور رہا جائے اور مزید ہدایات کا انتظار کیا جائے حکام نے عوام کو تاکید کی ہے کہ گھبرا ہٹ کا شکار نہ ہوں اور باہر نکلنے سے گریز کریں۔

وزارتِ دفاع کی جانب سے اعلان کیا گیا کہ ایرانی بیلسٹک میزائلوں کو ملک کے فضائی دفاعی نظام نے فضا میں ہی تباہ کر دیا تاہم حکام نے خبردار کیا ہے کہ میزائلوں کے ملبے یا دھات کے ٹکڑے زمین پر گر سکتے ہیں عوام سے کہا گیا ہے کہ کسی بھی مشکوک شے یا ملبے کو ہاتھ نہ لگایا جائے اور فوری طور پر متعلقہ حکام کو اطلاع دی جائے۔

ایرانی حملے: متحدہ عرب امارات میں اسٹاک مارکیٹس دو دن کے لیے بند

ویک اینڈ کے دوران سوشل میڈیا پر غیر مصدقہ اطلاعات کے پھیلاؤ کے بعد پبلک پراسیکیوشن نے سخت انتباہ جاری کیا ہے بیان میں کہا گیا کہ نامعلوم ذرائع سے حاصل شدہ معلومات یا افواہوں کو شیئر یا ری پوسٹ کرنا بھی قانوناً جرم ہے، چاہے متعلقہ فرد اس مواد کا اصل خالق نہ ہو۔

صورت حال کے پیشِ نظر وزارتِ تعلیم نے اعلان کیا ہے کہ ملک بھر کے تمام سرکاری و نجی اسکولز اور جامعات پیر 2 مارچ سے بدھ 4 مارچ تک آن لائن نظامِ تعلیم اختیار کریں گے اس فیصلے کا اطلاق طلبہ، اساتذہ اور انتظامی عملے پر یکساں ہوگاصورتحال کا مسلسل جائزہ لیا جا رہا ہے اور ضرورت پڑنے پر مدت میں توسیع کی جا سکتی ہے۔

ابوظہبی میں پھنسے سیاحوں کے لیے بڑی ریلیف: محکمہ ثقافت و سیاحت تمام اخراجات اٹھائے گا

یو اے ای حکام نے عوام پر زور دیا ہے کہ قومی تیاری کا نظام مکمل طور پر فعال ہے اور روزمرہ زندگی کو محفوظ انداز میں جاری رکھنے کے لیے تمام ضروری اقدامات کیے جا رہے ہیں عوام سے اپیل کی گئی ہے کہ وہ ذمہ داری کا مظاہرہ کریں، سرکاری ہدایات پر عمل کریں اور افواہوں سے اجتناب کریں۔

خلیج تعاون کونسل کے رکن ممالک نے ایرانی جارحیت کے تناظر میں سخت مؤقف اختیار کرتے ہوئے کہا ہے کہ وہ اپنی سلامتی اور استحکام کے تحفظ کے لیے ہر ضروری اقدام کریں گے اور جواب دینے کا حق محفوظ رکھتے ہیں۔

خلیج تعاون کونسل (جی سی سی) نے ایران سے مطالبہ کیا ہے کہ وہ فوری طور پر حملے بند کرے اور خطے میں کشیدگی کم کرنے کے اقدامات کرے، یہ مطالبہ رکن ممالک کے وزرائے خارجہ کے ہنگامی اجلاس کے بعد جاری اعلامیے میں کیا گیا۔

سعودی عرب، متحدہ عرب امارات، بحرین، عمان، قطر اور کویت کے وزرائے خارجہ کے اجلاس کے بعد جاری مشترکہ اعلامیے میں کہا گیا کہ وہ ایرانی جارحیت کا جواب دینے کا حق محفوظ رکھتی ہے رکن ممالک اپنی علاقائی خودمختاری، شہریوں اور مقیم افراد کے تحفظ کو یقینی بنانے کے لیے تمام ممکنہ اقدامات کریں گے۔

ایران کا اسرائیل پر میزائل حملوں کا نیا سلسلہ شروع ، تل ابیب، یروشلم دھماکوں سے گونج اٹھے

بیان میں ایران کی جانب سے مبینہ جارحانہ اقدامات پر شدید تشویش کا اظہار کرتے ہوئے واضح کیا گیا کہ خطے کے امن و استحکام کو کسی صورت متاثر نہیں ہونے دیا جائے گاسپلائی چین کے تحفظ اور عالمی توانائی منڈیوں کے استحکام کو یقینی بنانا ناگزیر ہے کیونکہ موجودہ صورتحال سے خطے اور دنیا کی معیشت متاثر ہو سکتی ہے،کونسل نے عالمی برادری پر زور دیا کہ وہ خطے میں استحکام اور امن کے قیام کے لیے مؤثر کردار ادا کرے۔

انٹیلی جنس کا تہلکہ خیز دعویٰ: ایرانی قیادت میں ‘ڈاکٹرز’ کے روپ میں موساد کے ایجنٹوں کی دراندازی