Tag: ایران

ایرانی صدر ابراہیم رئیسی نے الزام عائد کیا ہے کہ مریکی صدر جو بائیڈن ایران میں "افراتفری، دہشت گردی اور تباہی” کو ہوا دے رہے ہیں۔

باغی ٹی وی : ایران کی سرکاری نیوز ایجنسی ’’ارنا‘‘ کے مطابق ایرانی ترجمان وزارت خارجہ نے کہا امریکا کے صدر نے کل بار بار مداخلت کرنے والے بیانات کے ذریعے ایران میں بدامنی کی حمایت کی ہے۔

ایرانی ترجمان وزارت خارجہ نے کہا کہ چونکہ ان کے پاس قابل اعتماد مشیر نہیں ہیں اور ان کی یادداشت اچھی نہیں ہے۔ میں بائیڈن کو بتانا چاہتا ہوں کہ ایران اتنا مضبوط اور ثابت قدم ہے کہ وہ آپ کی سخت سزاؤں اور مضحکہ خیز دھمکیوں کے سامنے نہیں جھکا۔

انہوں نے مزید کہا کہ آپ گندے پانیوں میں مچھلیاں پکڑنے کے عادی ہیں، لیکن یاد رکھیں، یہ ایران ہے، جو قابل فخر مردوں اور عورتوں کی سرزمین ہے۔

اس سے قبل ایرانی وزارت خارجہ کے ترجمان ناصر کنانی نے بائیڈن کی جانب سے مظاہروں کی حمایت کے اعلان کو ’’ریاست کے معاملات میں مداخلت‘‘ قرار دیا تھا۔

یہ بات قابل ذکر ہے کہ حجاب نہ کرنے پر مہسا امینی کی اخلاقی پولیس کے ہاتھوں گرفتاری اور پھر حراست میں موت کے بغد ایران میں کئی مسائل پر غصے کی آگ بھڑک اٹھی ہے۔ لوگوں کی بڑی تعداد شخصی آزادیوں پر پابندیاں اور خواتین کے لباس سے متعلق سخت قوانین کے خلاف سڑکوں پر نکل آئے ہیں۔

مہیسا امینی کی موت کے بعد پیدا شدہ صورتحال،ایرانی سفارتخانے نے حقائق بیان کر دیئے

محکمہ خارجہ کے ترجمان نیڈ پرائس نے اتوار کے روز ٹویٹ میں کہا کہ ایران ہمارے ناحق حراست میں لیے گئے شہریوں کی حفاظت کا مکمل ذمہ دار ہے ان قیدیوں کو فوری رہا کیا جانا چاہیے۔

خیال رہے کہ ہفتے کے روز تہران کی ایون جیل میں آگ لگ گئی تھی تہران میں واقع اوین جیل میں آتش زدگی اور جھڑپوں کے نتیجے میں چار قیدی ہلاک اور 61 زخمی ہوئے تھے-

ایران کی سرکاری خبررساں ایجنسی ارنا نے اتوار کو ان چاروں قیدیوں کی موت کی تصدیق کی تھی اور کہا تھا کہ دھویں میں سانس لینے میں دشواری اور دم گھٹنے کی وجہ سے ان کی موت واقع ہوئی ہے چاروں ہلاک شدگان چوری کے جُرم میں سزایافتہ تھے۔اوین جیل سیاسی کارکنان، صحافیوں، اوردُہری شہریت کے حامل ایرانیوں اور غیر ملکی شہریوں کی بڑی تعداد بھی قید ہے۔

زخمی قیدیوں میں سے صرف 10 کواسپتال میں داخل کیا گیا ہے اور ان میں سے چارکی حالت تشویش ناک بتائی گئی-

امریکہ،بھارتی وزیر خزانہ سمیت 11 اعلیٰ عہدیداروں پر پابندی کا مطالبہ

باغی ٹی وی کی رپورٹ کے مطابق ایران میں مہسا امینی کی موت کے بعد پیدا ہونے والی صورتحال پر پاکستان میں موجود ایرانی سفارتخانے کی جانب سے ایک بیان جاری کیا گیا ہے

ایرانی سفارتخانے کی جانب سے جاری بیان کا ٹائٹل "مہسا امینی کی موت کے متعلق کچھ حقائق” دیا گیا ہے، جاری بیان میں کہا گیا ہے کہ جیسے ہی محترمہ مہسا امینی کی موت کی اطلاع ملی، واقعہ کے تمام پہلوؤں کو واضح کرنے اور سچائی کا پتہ لگانے کے لیے درج ذیل خصوصی تحقیقاتی ٹیمیں تشکیل دی گئیں صدر مملکت کے حکم کے مطابق وزیر داخلہ کی جانب سے تحقیقاتی ٹیم کی تشکیل، تہران کے پراسیکیوٹر کی طرف سے ایک تحقیقاتی ٹیم کی تشکیل، صوبہ تہران کے محکمہ انصاف کی طرف سے ایک خصوصی تحقیقاتی ٹیم کی تشکیل، ملک کی فرانزک میڈیسن آرگنائزیشن کی جانب سے ایک خصوصی مہارت کی حامل ٹیم کی تشکیل اور مجلس شورائے اسلامی (پارلیمنٹ ) کی جانب سے ایک تحقیقاتی ٹیم کی تشکیل۔

ایرانی سفارتخانے کی جانب سے جاری بیان میں مزید کہا گیا کہ تحقیقاتی ٹیمیں جن کا مقصد اپنے کام کی فوری، غیر جانبدارانہ، موثر اور آزادانہ تحقیقات کرنا تھا، انہوں نے فوری طور پر کام شروع کر دیا، جس میں موقع پر جا کر تحقیقات کرنا، سائنسی ثمیٹ کرنا، میڈیکل ریکارڈ کی جانچ پڑتال، متعلقہ لوگوں سے انٹر ویو اور سی سی کیمرے کی ریکارڈنگ کا جائزہ لینا شامل ہیں اورجیسے ہی تحقیقات کا عمل مکمل ہو گا، حتمی رپورٹ حکام کو پیش کر دی جائے گی۔ اسلامی جمہوریہ ایران کے صدر نے مرحومہ مہسا امینی کے اہل خانہ کے ساتھ ایک ٹیلیفونک گفتگو میں تعزیت کا اظہار کرتے ہوئے کہا: ” میں نے فوری طور پر اپنے ساتھیوں کو حکم دیا کہ وہ اس معاملے کی تحقیقات کو ترجیحی بنیادوں پر اپنے ایجنڈے میں رکھیں اور آپ مطمئن رہیں کہ ذمہ دار اداروں کو اس بات کا پابند بنائیں گے کہ وہ اس معاملے کی تمام جہات کو واضح کریں۔ مذکورہ گفتگو میں مرحومہ مہسا امینی کے اہل خانہ نے اس واقعہ سے نمٹنے کے فوری حکم اور اظہار ہمدردی پر صدر مملکت کا شکریہ ادا کرنے کے ساتھ ساتھ مطالبہ کیا کہ اس معاملے کے جب تک تمام پہلو واضح نہیں ہو جاتے اس کو دیکھتے رہیں

ایرانی سفارتخانے کی جانب سے جاری بیان میں مزید کہا گیا کہ پارلیمنٹ کے اسپیکر نے اس بات پر تاکید کرتے ہوئے کہ سماجی اور ثقافتی مسائل سمیت مختلف موضوعات پر قانون پر عمل اور قانونی روپے ہو نا چاہیے، کہا کہ میں نے پارلیمنٹ میں ملک کے داخلی امور کے کمیشن اور کونسلوں کو اس واقعہ کو جانچنے کی ذمہ داری سونپی ہے تا کہ اس مسئلے کے تمام پہلووں کا باریک بینی سے جائزہ لیں اور پارلیمنٹ کو رپورٹ پیش کریں۔ اس واقعے کے چند روز بعد ایک انٹر ویو میں صوبہ تہران کے فرانزک میڈیسن کے ڈائریکٹر جزل نے مهسا امینی کے کیس کی تحقیقات کے حوالے سے اس تنظیم کے ابتدائی بیان کی وضاحت کرتے ہوئے کہا کہ جسمانی معائنہ اور پوسٹ مارٹم کے دوران سر اور چہرے کے حصے میں آنکھوں کے گرد چوٹ کے کوئی آثار یاز خم نہیں تھے اور کھوپڑی کے نیچے فریکچر کا مشاہدہ نہیں کیا گیا ہے۔ جسم اور پیٹ کے پوسٹ مارٹم میں جسم کے اندرونی اعضاء میں خون بہنے، کچلنے یا پھٹنے کے آثار نہیں دیکھے گئے۔ صوبہ تہران کے فرانزک میڈیسن کے ڈائریکٹر جنرل نے تاکید کی: "مرحومہ کی موت کی وجہ کے تعین کے لیے ہمیں کچھ وقت درکار ہے تا کہ لیے گئے نمونوں کے ٹیسٹوں کے نتائج اور باڈی کے پوسٹ مارٹم، میڈیکل ریکارڈ اور معائنہ کے نتائج کو آپس میں ملایا جا سکے۔ کام مکمل ہونے کے بعد اسے فرانزک آرگنائزیشن کی آفیشل رپورٹ کی صورت میں جوڈیشل اتھارٹی کو پیش کیا جائے گا۔” . پر امن احتجاج کے حق کو آئین اور عام قوانین دونوں میں تسلیم کیا گیا ہے اور جب تک کہ احتجاج کرنے والے غیر روایتی اقدامات کا سہارا نہیں لیتے اس وقت تک انہیں تحفظ حاصل ہے۔ تاہم، اگر وہ سرد یا گرم ہتھیاروں کا استعمال کرتے ہیں اور امن عامہ کو خراب کرتے ہیں اور لوگوں کے لیے دہشت پیدا کرتے ہیں تو وہ اپنے مجرمانہ اقدامات کے لئے قانونی طور پر ذمہ دار ہوں گے اس بات کی وضاحت بھی ضروری ہے کہ بین الاقوامی انسانی حقوق کی دستاویزات جیسے شہری اور سیاسی حقوق پر بین الاقوامی معاہدہ اور انسانی حقوق کا عالمی اعلامیہ بھی حقوق کے استعمال کے لیے کچھ پابندیاں عائد کر تا ہے جس میں اشم ضبط، صحت یا عوامی اخلاقیات کا احترام ، قومی سلامتی کو برقرار رکھنا اور دوسروں کے حقوق اور آزادیوں احترام کرنا شامل ہے۔ محترمہ امینی کی وفات کے بعد ملک کے مختلف حصوں میں ہونے والے کے اجتماعات بد قسمتی سے پرامن حالت سے نکل کر پرتشدد مظاہروں اور شورش میں تبدیل ہو گئے۔ تخریب کاری پر مبنی ان اجتماعات کے دوران بہت کی سرکاری اور نجی املاک کو آگ لگا دی گئی یا لوٹ ۔ کی گئی، ان فسادیوں کے سرد اور گرم ہتھیاروں سے کچھ قانون نافذ کرنے والے اہلکار اور عام لوگ ہلاک یا زخمی ہوئے۔

ایرانی سفارتخانے کی جانب سے جاری بیان میں مزید کہا گیا کہ ایران میں رونما ہونے والے حالات پر انسانی حقوق کی حمایت کا دعوی کرنے والے ممالک کے وہ حکام جو مگر مچھ کے آنسو بہا رہے ہیں اور ان میں امریکہ نمایاں ہے، وہ خود انسانی حقوق کی کھلم کھلا خلاف ورزی کر کے تمام بین الا قوامی اداروں اور انسانی تصورات کا مذاق اڑاتے رہے ہیں۔ امریکہ انسانی حقوق کی سب سے بڑی خلاف ورزی کرنے والوں کی براہ راست حمایت بھی کر رہا ہے اور خود عراق، افغانستان اور خطے کے دیگر ممالک میں ہزاروں بے گناہ لوگوں کے قتل کا براہ راست ذمہ دار بھی ہے۔ گزشتہ چار دہائیوں کے دوران، اسلامی جمہوریہ ایران کے خلاف بلیک میلنگ اور سیاسی دباؤ اور پروپیگنڈہ کے لیے مغربی ممالک کی جانب سے انسانی حقوق کو حربے کے طور پر استعمال واضح ہے۔ انسانی حقوق کا بہانہ بنا کر ایران کے اندرونی معاملات میں امریکہ اور اس کے اتحادیوں کے مداخلت پسندانہ بیانات مسترد کرتے ہیں اور یہ سب نا قابل قبول ہیں۔ یہ بیانات اس وقت دینے جارہے ہیں کہ جب امریکہ اس اس کے حلیف کئی سالوں سے ایران کے خلاف زیادہ سے زیادہ دباؤ اور مفلوج کرنے والی پابندیوں کا بانی اور حامی ہیں جس کی وجہ سے وہ خود ہزاروں ایرانی بیمار بچوں کی موت کے ذمہ دار بھی ہیں۔

[wp-embedder-pack width=”100%” height=”400px” download=”all” download-text=”” attachment_id=”556088″ /]

واضح رہے کہ ایرانی پولیس نے 22 سالہ مھسا امینی کو حجاب نہ کرنے پر حراست میں لیا تھا اور تین دن بعد طبیعت خراب ہونے پر اسپتال منتقل کیا جہاں وہ 16 ستمبر کو انتقال کرگئیں۔ ایرانی پولیس نے مھسا امینی پر تشدد کرنے کا الزام مسترد کرتے ہوئے دعویٰ کیا کہ مھسا امینی کو دل کے دورے باعث اسپتال منتقل کیا تھا۔ سیکیورٹی ذرائع کا کہنا تھا کہ ایران میں گزشتہ دنوں کے دوران ہونے والے جلاؤ گھیراؤ اور پر تشدد واقعات میں اہم کردار ادا کرنے والے داعش کے ک‏ئی دہشتگردوں کو گرفتار کر لیا گیا ہے۔ ذرائع کا کہنا ہے کہ بلوہ و فساد کرانے میں داعش کے دہشتگرد پیش پیش تھے۔

‏سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

بیوی کمرے میں سوئی ،صحن میں سوئے شوہر پر گولیاں چل گئیں

سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟

لندن: ایران میں مھسا امینی کی موت پر احتجاج کرنے والوں سے سختی سے نمٹنے پر برطانیہ نے ایران کی اخلاقی پولیس اور دیگر اعلیٰ سیکیورٹی افسران پر پابندیاں عائد کردی ہیں۔

غیر ملکی میڈیا کے مطابق ایران میں 22 سالہ مھسا امینی کی دوران حراست موت کے بعد سے دارلحکومت سمیت ملک بھر میں پُرتشدد مظاہرے جاری ہیں، ایرانی پولیس مظاہروں کو دبانے کیلئے مسلسل طاقت کا استعمال کررہی ہے، جس پر امریکا، برطانیہ سمیت دیگر ممالک نے تشویش کا اظہار کیا ہے۔

برطانوی وزارت خارجہ نے مظاہرین کیخلاف طاقت کا استعمال کرنے پر ایران کی اخلاقی پولیس اور اعلیٰ سیکیورٹی حکام پر پابندیاں عائد کردی ہیں۔

برطانیہ کی پابندی کے بعد ایران کی اخلاقی پولیس کا کوئی بھی اہلکار یا افسر اور دیگر اعلیٰ سیکیورٹی افسران برطانیہ نہیں جاسکیں گے جب کہ برطانیہ میں موجود ان کے اثاثے منجمد ہوجائیں گے۔

برطانوی نشریاتی ادارے کا دعویٰ ہے کہ ایران میں رواں ہفتے مھسا امینی کی موت کے خلاف احتجاج کرنے والے سیکڑوں افراد ایرانی پولیس کے تشدد سے ہلاک ہوچکے ہیں جب کہ بڑے پیمانے پر مظاہرین کو گرفتار کیا گیا ہے اور انٹرنیٹ بھی بند ہے۔

واضح رہے کہ امریکا اور کینیڈا پہلے بھی ایرانی سیکیورٹی حکام پر پابندی عائد کرچکے ہیں جب کہ یورپی یونین بھی ایسے ہی اقدامات اٹھانے جارہا ہے۔

ایرانی حکومت کے مخالف ہیکروں نے ایک نیوز بلیٹن کے دوارن ٹی وی کی نشریات ہیک کر کے ایرانی سپریم لیڈر علی خامنہ ای کو پیغام دیا ہے کہ سخت پیغام ‘ آپ کے ہاتھ ہمارے نوجوانوں کے خون سے رنگے ہوئے ہیں ۔

باغی ٹی وی :ایرانی میڈیا کے مطابق ایران کے سرکاری نشریاتی ادارے کو ہفتے کی رات اس کے مرکزی نیوز پروگرام کے درمیان میں ہیک کر لیا گیا تھا جس میں سپریم لیڈر کو "خواتین، زندگی اور آزادی” کے نعروں میں دکھایا گیا تھا۔

اعلیٰ امریکی حکام کی اہم افغان طالبان رہنما سے ملاقات

#BREAKING The Edalat-e Ali hacktivist group hacked the Iranian state TV's live news broadcast, displaying a photo of Khamenei with the verse "The Blood of Our Youths Is on Your Hands" along with photos of #MahsaAmini and three other girls killed in #IranProtests. pic.twitter.com/dYM7flUBQt

— Iran International English (@IranIntl_En) October 8, 2022

یہ ہیکر گروپ ‘عدالت علی’ کے نام سے سامنے آیا ہے اس ہیکر گروپ نے ٹی وی نشریات ہیک کرنے کی ذمہ داری بھی قبول کی ہے۔ واضح رہے ٹی وی کی نشریات گذشتہ شام چھ بجے ہیک کی گئیں۔

اس دوران دکھائی گئی ایک تصویر میں ظاہر کیا گیا ہے کہ علی خامنہ ای آگ کے شعلوں اور بندوقوں کے کراس میں گھرے ہوئے ہیں آیت کے ساتھ مہسا امینی اور تین نوعمر لڑکیوں کی تصاویر دکھائی گئی تھیں۔

Iran’s state broadcaster was hacked in the middle of its main news program Saturday night transitioning from a clip showing the Supreme Leader to chants of “women, life, and freedom" and a call for Iranian people to join the protests.https://t.co/4AEkuOmC8f

— Iran International English (@IranIntl_En) October 8, 2022

اس تصویر میں ایرانی عوام کے لیے ایک پیغام تھا، جس میں ان سے مطالبہ کیا گیا تھا کہ وہ احتجاج میں شامل ہوں اور اس بغاوت کا حصہ بنیں جو حجاب پولیس کی حراست میں 22 سالہ امینی کے قتل سے بھڑک اٹھی تھی۔

سال کے شروع میں، اس گروپ نے ٹیلی ویژن کی ویب سائٹ کو ہیک کیا اور ایک ہفتہ قبل چند ٹی وی اور ریڈیو چینلز کو متاثر کرنے کے بعد ایک سخت مخالفانہ پیغام کے ساتھ ایک ویڈیو نشر کیا۔ ویڈیو کا آغاز تہران کے آزادی اسٹیڈیم میں لوگوں کی فوٹیج سے ہوا جس میں سپریم لیڈر علی خامنہ کا حوالہ دیتے ہوئے "آمر برے ڈکٹیٹر” کا نعرہ لگایا گیا، پھر یہ فلم وی فار وینڈیٹا کے مرکزی کردار سے ملتے جلتے ایک نقاب پوش شخص کے قریب سے کاٹ دی گئی، جس نے کہا کہ "خامنہ خوفزدہ ہے، حکومت کی بنیاد ہل رہی ہے۔

روس نے کئی علاقوں سے پسپائی کے بعد یوکرین آپریشن کیلئے نیا فوجی جنرل مقررکردیا

ستمبر کے وسط میں مظاہروں کے آغاز کے بعد سے، کئی ہیکنگ گروپس ایرانیوں کی سرکاری ویب سائٹس اور آن لائن سروسز کو نشانہ بنانے میں مدد کر رہے ہیں۔ انہوں نے متعدد دستاویزات جاری کی ہیں اور سینکڑوں نگرانی والے کیمروں میں خلل ڈالا ہے۔

ایران بائیس سالہ مہسا امینی کی پولیس حراست میں ہلاکت کے بعد مسلسل احتجاجی مظاہروں کی زد میں ہے۔ امینی کو 13 ستمبر کو ایران کی اخلاقی پولیس نے گرفتار کیا تھا اور تین دن بعد امینی کی لاش سامنے آگئی تھی۔

تاہم ایک سرکاری ڈاکٹر نے پوسٹ مارٹم رپورٹ میں دعویٰ کیا ہے کہ امینی کی موت پولیس تشدد سے نہیں دماغی مرض کی وجہ سے ہوئی تھی ، کیونکہ اس خاص قسم کے دماغی مرض کی وجہ سے انسانی اعضا کام کرنا چھوڑ دیتے ہیں۔

دوسری جانب امینی کے والدین اس امر کا انکار کرتے ہیں کہ امینی کسی قسم کے عارضے میں مبتلا تھی۔ امینی کی موت کے بعد مسلسل احتجاجی مظاہروں کے دوران 150 سے زائد افراد کی ہلاکت ہو چکی ہے اور ہزاروں لوگ جیل بھیج دیے گئے ہیں۔

شمالی کوریا نے مزید دو بیلسٹک میزائل داغ دیئے

ایران انٹر نیشنل نے رپورٹ کیا ہے کہ عدالت علی نامی  یہ ایرانی رجیم کے خلاف سرگرم ہیکرز گروپ ہے یہ ہیکر گروپ ‘مرگ بر آمر’ جیسے سخت نعروں پر مبنی پیغام بھی ہیکنگ کے بعد چھوڑ چکا ہے ۔ اب امینی کی ہلاکت کے بعد اس نے نئے سرے اپنی سرگرمیوں کو موثر بنانے کی کوشش کی ہے۔ اسی لیے خامنہ ای کو ہدف بنا کر اپنے پیغامات بھجوائے ہیں۔

ایرانی میڈیا پر ایک ویڈیو سوشل میڈیا پر جس میں باپ اپنی بیٹی کے جنازے پر رقص کررہا ہے ،صارفین کی جانب سے اس ویڈیو کو ایران میں حالیہ حکومت مخالف مطاہروں سے منسوب کیا جا رہا ہے-

باغی ٹی وی : "العربیہ” کے مطابق ایران میں سوشل میڈیا پرجہاں ان دنوں مہسا امینی حکومت مخالف مظاہروں کی ویڈیوز نشر کی جا رہی ہیں وہیں ایک ایسی ویڈیو بھی وائرل ہوئی ہے جس میں ایک شخص کو اپنی فوت ہونے والی بیٹی کے جنازے پر رقص کرتے دکھایا گیا ہے۔

ایران میں زیرحراست خاتون کی پولیس کے تشدد سے موت "ناقابل معافی”…

یہ ویڈیو سوشل میڈیا پر جنگل کی آگ کی طرح پھیل گئی اس ویڈیو کے حوالے سے صارفین کی جانب سے مختلف کہانیاں جوڑی جا رہی ہیں خاص طور پر جب کچھ لوگوں نے اسے مہسا امینی کے قتل کے بعد حکومت کے خلاف جاری حالیہ مظاہروں سے جوڑا تو اسے بہت زیاہ شیئر کیا گیا-

بعض لوگوں کا کہنا ہے کہ لڑکی کے والد نے اس کی زندگی میں اس سے وعدہ کیا تھا کہ وہ اس کی شادی میں ڈانس کرے گا مگربیٹی شادی سے قبل ہی فوت ہو گئی تھی چنانچہ والد نے اس کے جنازے پراپنا وعدہ پورا کیا۔

ایران: مظاہروں میں 17 افراد جاں بحق، امریکی پابندیاں لگ گئیں

یہ ویڈیو کئی برس پرانی ہےلیکن سچ یہ ہے کہ خبر رساں ایجنسی ’ایسوسی ایٹڈ پریس‘ کے مطابق ایران میں ہونے والے مظاہروں سے اس کا کوئی تعلق نہیں ہے۔ یہ منظر ایک آذربائیجانی ٹی وی سیریز "Ata Ocaği” کے ایپیسوڈ 78 کا ہے۔ یہ واقعہ 8 جنوری 2018 کو یوٹیوب پر آذربائیجان کے قومی ٹیلی ویژن چینل Xezer TV کے ذریعےنشرکیا گیا تھا رقص کا کلپ ایپی سوڈ کے 18ویں منٹ میں قبرستان میں شوٹ کیا گیا تھا۔

اس کلپ میں میں اداکاری کا کردار قربان اسماعیلوف نے ادا کیا ہے، جس کا نام یوٹیوب ویڈیو پر کمنٹری میں بتایا گیا ہے اور اس کے فیس بک پیج پر پروگرام میں اس نےاپنے کام کے بارے میں پوسٹ کیا ہے۔

واضح رہے کہ مہسا امینی ایک بائیس سالہ نوجوان لڑکی تھی جسےایران کی مذہبی پولیس ’گشت ارشاد‘ نے13 ستمبرکوحجاب کے حکومتی ضوابط کی خلاف ورزی کے الزام میں گرفتار کیا تھا۔ گرفتاری کےبعد اسے مبینہ طور پر تشدد کا نشانہ بنایا گیا جس کے نتیجے میں امینی 16 ستمبر کوپولیس کی حراست میں انتقال کرگئی تھی۔ اس واقعے کے بعد ایران بھرمیں حکومت کے خلاف شدید احتجاج جاری ہے۔

امریکہ اور ایران کے درمیان منجمد اثاثوں کے بدلے میں قیدیوں کی رہائی کا معاہدہ طے

واشنگٹن : امریکی صدر جوبائیڈن کا کہنا ہے کہ ایران میں پرامن مظاہرین کے خلاف تشدد کرنے والوں کو مزید قیمت چکانی ہو گی۔

باغی ٹی وی : پیر کی رات کو جاری کیے جانے والے بیان میں امریکی صدر نے کہا کہ ایران پر ملک بھر میں جاری مظاہروں کے خلاف پرتشدد حربے اختیار کرنے پر ’مزید قیمت‘ چکانا پڑے گی-

ایرانی پاسدارانِ انقلاب کے سینیئر کمانڈر فائرنگ کے واقعے میں ہلاک

ایران میں 16 ستمبر کو 22 سالہ مہسا امینی کی اخلاقی پولیس کی حراست میں ہلاکت کے بعد مظاہرے جاری ہیں۔ مہسا امینی کو ایران میں قانونی طور پر لازم حجاب کے قوانین کی خلاف ورزی کرنے پر گرفتار کیا گیا تھا۔

اپنے بیان میں امریکی صدر کا کہنا تھا کہ رواں ہفتے امریکہ پرامن مظاہرین کے خلاف تشدد کرنے والوں کو مزید قیمت چکانے کے لیے اقدامات کرے گا ہم ایرانی حکام کو ذمہ دار ٹھہراتے ہیں اور ایران میں آزادانہ مظاہروں کے حق کی حمایت کرتے ہیں۔

بائیڈن نے مزید کہا کہ وہ مظاہرین پر شدید جبر کی خبروں پر ’شدید فکر مند‘ ہیں اور واشنگٹن ’ایران کے تمام شہریوں کے ساتھ کھڑا ہے جو اپنی بہادری سے دنیا کو متاثر کر رہے ہیں۔‘

تاہم صدر بائیڈن نے اس بات کا کوئی اشارہ نہیں دیا کہ وہ کن اقدامات پر غور کر رہے ہیں۔ ایران پہلے ہی امریکی اقتصادی پابندیوں کی زد میں ہے جس کا تعلق اس کے متنازع جوہری پروگرام سے ہے۔

گذشتہ ماہ ایک 22 سالہ خاتون مہسا امینی کی درست طریقے سے حجاب نہ پہننے کے معاملے پر پولیس کی زیر حراست ہلاکت کے بعد ایران میں حکومت مخالف مظاہرے جاری ہیں۔

ایران کا عراقی کردستان پرڈرون حملہ، 13افراد ہلاک متعدد زخمی

مظاہروں کی آگ بعدازاں امینی کے آبائی صوبے کردستان سے نکل کر پورے ایران میں پھیل گئی اور اس دوران کئی خواتین نے احتجاجاً اپنے سکارف کو جلایا اور اپنے بال کاٹ دیے۔

ایرانی صدر ابراہیم رئیسی نے خبردار کیا ہے کہ مہسا امینی کی موت پر غم و غصے کے باوجود عوامی سلامتی ’حکومت کے لیے سرخ لکیر‘ ہے اور کسی کو بھی قانون شکنی اور افراتفری پھیلانے کی اجازت نہیں ہے۔

ایران میں جاری مظاہروں کی امریکہ سمیت دنیا کے کئی ممالک نے حمایت اور حکومتی کریک ڈاؤن پر اپنے تحفظات کا اظہار کیا ہے۔

چند روز قبل اقوام متحدہ کے سیکرٹری جنرل انتونیو گوتیریس نے ایرانی صدر ابراہیم رئیسی پر زور دیا تھا کہ وہ پولیس حراست میں ایک نوجوان خاتون کی ہلاکت کے بعد سڑکوں پر نکلنے والے مظاہرین کے خلاف ’حد سے زیادہ طاقت‘ کا استعمال نہ کریں۔

ایران کے سپریم لیڈرآیت اللہ علی خامنہ ای نے ملک گیرمظاہروں کا مقابلہ کرنے والی سکیورٹی فورسز کی بھرپورحمایت کردی ہے اور کہا ہے پولیس حراست میں نوجوان خاتون کی ہلاکت کے بعد بھڑکنے والے مظاہرے منصوبہ بند تھےاور یہ عام ایرانیوں کے اقدامات نہیں۔

علی خامنہ ای نے ایران میں دو ہفتے سے زیادہ عرصے سے جاری بدامنی پر پیر کو اپنے پہلے تبصرے میں کہا کہ 22 سالہ مہسا امینی کی موت نے میرا دل توڑ دیا ہے اوریہ ایک ’’تلخ واقعہ‘‘تھا۔

لیکن انہوں نے یہ بھی کہا کہ کچھ لوگوں نے سڑکوں پرامن وامان کا مسئلہ پیدا کیا ہے انھوں نے مظاہروں کومنصوبہ بند ’’فسادات‘‘ کے طور پر بیان کیا، اور ایران کے کٹر مخالفین امریکا اوراسرائیل پران مظاہروں کی منصوبہ بندی کا الزام لگایا ہے۔

خامنہ ای نے کہا کہ پولیس سمیت ہماری سکیورٹی فورسز کی ذمہ داری ایرانی قوم کی حفاظت کو یقینی بنانا ہے۔ جو لوگ پولیس پر حملہ کرتے ہیں وہ ایرانی شہریوں کو ٹھگوں، ڈاکوؤں اور بھتاخوروں کے خلاف بے بس چھوڑ رہے ہیں-

ایران میں احتجاج :700سے زائد مظاہرین گرفتار، فیصلہ کن طریقےسےنمٹیں گے،ایرانی صدر…

انسانی حقوق کی تنظیموں کے مطابق پولیس اور رضاکار بسیج ملیشیا سمیت سکیورٹی فورسز مظاہروں کے خلاف کریک ڈاؤن کی قیادت کررہی ہیں۔ان میں 130 سے زیادہ افراد ہلاک ہوئے ہیں، سینکڑوں زخمی ہوئے ہیں اورملک بھر میں ہزاروں افراد کو گرفتار کرلیا گیا ہے۔

ایرانی حکام نے بدامنی کے دوران میں سکیورٹی فورسزکے بہت سے ارکان کی ہلاکت کی اطلاع دی ہے ۔یہ احتجاجی تحریک گذشتہ چارسال میں ایران کی شیعہ علماء کی اسٹیبلشمنٹ کی مخالفت کا سب سے بڑا مظاہرہ ہے۔

خامنہ ای نے کہا کہ مظاہروں کے دوران میں سکیورٹی فورسز کو’ناانصافی‘ کا سامنا کرنا پڑا ہے۔حالیہ واقعات میں، یہ پولیس اور بسیج سمیت تمام سکیورٹی فورسز کے ساتھ ساتھ ایران کے عوام سے بھی ناانصافی کی گئی ہے۔

دوسری جانب گرفتاریوں اور پولیس کے ساتھ جھڑپوں میں اضافے کے باوجود ایران میں یونیورسٹی کے طلبہ نے احتجاج جاری رکھا ہوا ہے۔ طلبہ سکیورٹی فورسز کے ہاتھوں تشدد کا نشانہ بننے والے افراد کے ساتھ اظہار یکجہتی کر رہے ہیں۔

ایران کے شمال مغرب میں واقع آذربائیجان صوبے کے دارالحکومت ان مظاہروں کو کچلنے کی کوشش میں سکیورٹی فورسز نے تبریز یونیورسٹی کے طلبہ پر چڑھائی کردی اور انہیں تشدد کا نشانہ بنایا۔

ایران:مھسا امینی کی زیرحراست موت کے بعد ہنگامے،ملک میں بغاوت کا سماں :50 افراد…

ایران میں تیل اور پیٹرو کیمیکل کے شعبے میں کام کرنے والے ورکر بھی ایران میں جاری تاریخی احتجاجی تحریک میں شامل ہوگئے ہیں۔ حزب اختلاف کی ویب سائٹ "ایران انٹرنیشنل” کے مطابق ان مزدوروں نے ہڑتال کر اعلان کردیا ہے۔

ٹھیکہ پر کام کرنے والے آئل ورکرز کے احتجاج کو منظم کرنے والی کونسل نے ٹیلی گرام پر بتایا کہ "دانا اسالویہ” پیٹرو کیمیکل کمپنی میں کام کرنے والے متعدد ورکرز نے ہڑتال شروع کر دی ہے۔

کارکنوں کی ہڑتال کی وجہ دو ماہ سے ان کی تنخواہوں کی عدم ادائیگی بتائی گئی۔ تاہم آئل ورکرز نے ایرانی حکومت کو خبردار کیا ہے کہ اگر گرفتاریاں، قتل عام، جبر اور خواتین کے ساتھ بدسلوکی کا سلسلہ ختم نہ ہوا تو ان کی احتجاجی ہڑتال ختم نہیں ہوگی-

اس انتباہ کے بعد ایرانی تیل کی صنعت کے آپریشنل شعبوں میں کام کرنے والے سرکاری ملازمین نے بھی عوامی احتجاج کی حمایت کا اعلان کردیا ہے۔

دوسری طرف ٹیچرز یونین کوآرڈینیشن کونسل نے ایک بیان جاری کیا ہے جس میں اساتذہ اور طلباء پر زور دیا گیا کہ وہ تمام مظاہرین کے ساتھ یکجہتی کا اظہار کریں اور منگل کو سکولوں میں دھرنا دیں اور کلاسوں میں جانے سے گریز کریں۔

ایران: مظاہروں میں 17 افراد جاں بحق، امریکی پابندیاں لگ گئیں

ایران کے اسکولوں میں اس کے خلاف مظاہرےشروع ہوگئےہیں ایک ایرانی اسکول میں طالبات نےحجاب اتارکر مظاہرے کئے اور حکومت کے خلاف نعرے لگائے۔ ایرانی قائدین کے پوسٹر پیروں تلے روندے گئےطالبات نےتانا شاہی کے خلاف نعرے لگائے اور حجاب کے معاملہ میں اس موت کو ناقابل برداشت قرار دیا ۔

امریکہ اور ایران کے درمیان منجمد اثاثوں کے بدلے میں قیدیوں کی رہائی معاہدہ طے پا گیا-

باغی ٹی وی: "العربیہ” کے مطابق ایرانی نور نیوز ایجنسی کے مطابق میڈیا رپورٹس میں کہا گیا ہےکہ خطے کے ایک ملک نے قیدیوں بیک وقت رہائی کے لئے ایران اور امریکہ کےدرمیان ثالثی کرائی ہے۔ حالیہ ہفتوں میں ایرانی اور امریکی قیدیوں کی رہائی کے لیے ایک علاقائی ملک کی ثالثی میں گہری بات چیت ہوئی ہے۔

ٹیسلا کا تیار کردہ انسان نما روبوٹ متعارف

محکمہ خارجہ کے ترجمان نیڈ پرائس نے ایک بیان میں کہا کہ ہمیں آج اقوام متحدہ کے سکریٹری جنرل سے یہ جان کر بہت خوشی ہوئی ہے کہ ایران نے باقر نمازی پر عائد سفری پابندی ہٹا دی ہے محکمہ خارجہ شکر گزار ہے کہ سیاماک نمازی کو انسانی بنیادوں پر اپنے والد باقر کے ساتھ رہنے کے لیے اجازت دی گئی ہے۔

خیال رہےایران نے 2016 میں 85 سالہ باقر نمازی کو ایک دشمن حکومت کے ساتھ تعاون کا مجرم قرار دیا اور 10 سال قید کی سزا دی تھی۔ ایرانی حکام نے 2018 میں باقر کو طبی بینادوں پر رہا کیااور 2020 میں اس کا مقدمہ بند کردیا اوراس کی سزا کو بھی جیل میں گزارے گئے وقت تک محدود کردیا تھا۔ تاہم ایران نے باقر کے ملک چھوڑنے پر پابندی لگا دی تھی ۔

باقر کا 51 سالہ بیٹا سیامک 2015 سے جیل میں ہے ۔ اسے بھی 2016 میں والد کی طرح کی سزا سنائی گئی ۔ اس وقت امریکہ نے دونوں پر لگائے گئے الزامات کو بے بنیاد قرار دیا تھا۔

مہینوں پہلے امریکہ اور ایران کے درمیان غیر معمولی قیدیوں کے تبادلے کے حوالے سے مشترکہ حل تک پہنچنے کی کوشش شروع کی گئی تھی۔ یہ مذاکرات بالواسطہ تھےاور 2015 کے جوہری معاہدے کو بحال کرنے کی کوشش کے لیے ہوئے تھے اعداد و شمار کے مطابق 16 ایرانی امریکہ میں قید ہیں یا انہیں وفاقی جرائم کے ثابت ہونے پر مقدمہ سے پہلے ہی رہا کردیا گیا۔

قابل ذکر ہے کہ ان ایرانی نژاد امریکیوں کی شہریت کو تہران تسلیم نہیں کرتا اور یہی ایرانی نژاد امریکی دونوں ملکوں کے درمیان تنازعات میں یرغمالیوں کی طرح ہوتے ہیں ذرائع نے اس بات کی تصدیق کی ہےکہ امریکی پابندیوں کے نتیجے میں ایران کے اربوں ڈالر بیرون ملک منجمد ہیں۔ ایران کے یہ ڈالر چین، بھارت ، جنوبی کوریا، عراق اور جاپان اور دیگر ملکوں میں پڑے ہیں ۔

انڈونیشیا میں زلزلے کے شدید جھٹکے، 2 افراد ہلاک، 15 زخمی،درجنوں گھر تباہ

کئی ماہ قبل تہران نے ان اثاثوں کو جاری کرانے کیلئے مذاکرات کا قدم اٹھایا تھا کیونکہ اسے اپنی کرنسی کے خاتمے اور امریکی پابندیوں کے باعث معیشت کی مکمل ناکہ بندی اور زرمبادلہ کی شدید کمی کا سامنا تھا۔

امریکا نے بھارتی کمپنی پر پابندی عائد کر دی،امریکہ نے دو چینی کمپنیوں پر پابندی عائد کر دی ہے ہانگ کانگ، ایران اور متحدہ عرب امارات میں قائم تیل کمپنیوں پر بھی پابندی عائد کر دی گئی ہے۔

باغی ٹی وی : بھارتی میڈیا کے مطابق بھارتی وزیر خارجہ ایس جے شنکر کے دورے کے ایک روز بعد ہی امریکا نے امریکا نے بھارتی کمپنی پر پابندی عائد کر دی ہے-

امریکی کوہ پیما دنیا کی آٹھویں بلند ترین چوٹی سرکرکے واپس آنے کے دوران گہری کھائی…

رپورٹس کے مطابق امریکہ نے ایرانی پیٹرولیم اور پیٹرو کیمیکل مصنوعات کی نقل و حمل اور مالیاتی لین دین میں سہولت فراہم کرنے پر چین، ہانگ کانگ، ہندوستان اور متحدہ عرب امارات میں مقیم متعدد کمپنیوں پر پابندیاں عائد کیں۔

امریکی محکمہ خارجہ کے مطابق بھارت کی نجی پیٹرولیم کمپنی نے ایران نے میتھول اور بیس آئل سمیت لاکھوں ڈالر مالیت کے پیٹرو کیمیکلز پراڈکٹس خریدیں جو چین بھیجی گئیں۔

امریکی محکمہ خارجہ کا کہنا ہے کہ ہم نے ایرانی بروکرز کو ٹارگٹ کرتے ہوئے جنوبی اور مغربی ایشیا میں انہیں معاونت فراہم کرنے والے بین الاقوامی گروپ پر معاشی پابندیاں عائد کیں، وزارت خارجہ نے خاص طور پر چین میں مقیم دو کمپنیوں پر پابندی عائد کی ہے-

زاہدان میں مسلح افراد کا تھانے پر حملہ، 19افراد جان سے گئے:ہلاک شدگان کی تعداد 100 سے تجاوز کرگئی

انٹونی بلنکن نے ایک بیان میں کہا کہ محکمہ خزانہ ہانگ کانگ میں مقیم آٹھ دیگر کمپنیوں پر بھی پابندیاں عائد کر رہا ہے، ایران، ہندوستان اور متحدہ عرب امارات، ایران کے ساتھ پیٹرو کیمیکل کی تجارت کے لیے۔

درحقیقت ایران کی تیل کی معیشت امریکی پابندیوں سے شدید متاثر ہو رہی ہے اور ملک کی معیشت بھی متاثر ہو رہی ہے۔ حال ہی میں ایسی کئی رپورٹس منظر عام پر آئی ہیں جن میں دعویٰ کیا گیا ہے کہ ایران جوہری میدان میں نئی ​​ٹیکنالوجی تیار کر رہا ہے جس سے ایٹمی جنگ کا خدشہ بڑھ جائے گا۔ ساتھ ہی یہ بات بھی سامنے آئی کہ ایران جلد ہی ایک جوہری معاہدے پر دستخط کر سکتا ہے جس سے اس کے خلاف امریکی پابندیاں ختم ہو سکتی ہیں۔

تاہم ایران کو اس معاہدے پر دوبارہ غور کرتے دیکھ کر امریکہ نےایک بار پھر سخت رویہ اختیار کرتے ہوئےایران کے ساتھ تیل کا کاروبار کرنے والی کمپنیوں پر پابندی لگا دی۔ امریکی محکمہ خزانہ نے خاص طور پر ان کمپنیوں کے نیٹ ورک پر پابندی لگا دی ہے جو کروڑوں ڈالر کی ایرانی پیٹرو کیمیکلز اور پیٹرولیم مصنوعات جنوبی اور مشرقی ایشیا کو فروخت کرنے میں ملوث ہیں۔

امریکی کانگریس ارکان کا یوکرین کو 12 ارب ڈالر فوجی اوراقتصادی امداد دینے پراتفاق